رواية موقف سيارات الفصل الثالث والعشرون بقلم حسام يونس
مر الاسبوع وحضرت سميه فى الميعاد
وكان يبدو عليها القلق والتوتر...واستقبالتها سهام بحفاوه
سهام...ازيك يا سميه عامله ايه
سميه ...الصراحه مش مظبوطه خالص
سهام ...ليه كده خير.
سميه...عاوزه اولا أوضح لحضرتك حاجه
سهام...سمعاكى اتفضلى
سميه ...كل اللى قلته المره اللى فاتت كان كدب فى كدب.
سهام...وماله المهم انك راجعتى نفسك وهتقولى الحقيقه.
سميه...فكرت بينى وبين نفسى المفروض انى جايه لحضرتك علشان اتعالج..إنما المره اللى فاتت عملت من نفسى ضحيه
سهام...ليه طيب طلعتى نفسك ضحيه
سميه...من وقت امى وابويا ما ماتوا
وانا دائما بفكر أن ليه انا اللى اكون محرومه...ليه اتحرم من حنان الام
وامان الاب...أصبحت من جوايا نقمه على كل حاجه حلوه انا محرومه منها.
سهام ..اولا وضوحك ده اول طريق العلاج...ثانيا عاوزه تحكيلى الحقيقه
وانتى فى نوبه صراحه كده.
سميه...اولا خالتى حنينه اوووى عليه وبتيجى عليهم كلهم علشانى.
ثانيا ...جوز خالتى مش مخلينى عاوزه حاجه وانا قبل ولاده فى كل حاجه
ايمن ابن خالتى بيحبنى جدا...ونفسه اخلص الكليه علشان يخطبنى
وحبيبه بنت خالتى طيبه اوووى بس انا اذتها ووقعت بينها وبين خطيبها وسابوا بعض .
سهام...كنتى سعيده لما سابوا بعض
سميه...ابدا والله بس مقدرتش اصلح ده بينهم.
سهام...ليه كان اذاكى ليها كان شديد كده
سميه...انا اجمل منها بمراحل وكل ما اشوف سعادتها هى وخطيبها نارى تزيد
معرفش عملت كده ازاى بدليل انى ندمت اووى بعد ما سابوا بعض
سهام...واتعرف انك السبب فى انفصالهم
سميه...لا خالص
سهام...محاولتيش تصلحى بينهم
سميه ...كان صعب اصلح لانى عكيت الدنيا اووى فى الكلام مع خطيبها.
سهام...كنتى قاصده يسيبوه بعض ولا ايه
سميه...الصراحه اه.
سهام . اسمحيلى اقولك انتى شريره اوووى
سميه...غصب عنى كانت لحظه شيطان منى للاسف.
سهام...عذرك عندى انك اعترفتى بالحقيقه.
سميه...علشان عاوزه اخف من المرض ده انا عارفه انى ممكن أضر نفسى مع الوقت
سهام ...أن شاء الله مفيش ضرر ولا حاجه طول ما انتى واضحه مع نفسك قبل منى انا.
قوليلى بقى بتحبى ايمن .
سميه...بموت فيه علشان تقيل اووى معايا وفى نفس الوقت حاسم اووى برده
سهام...واهله عارفين اللى بتفكروا فيه
سميه...جوز خالتى هو اللى كلمنى بعد ما ايمن اتكلم معاه...وهو اللى صمم اخلص الكليه الاول قبل الخطوبه.
سهام ..وخالتك فرحت ..بالخبر ده
سميه ...يمكن فرحتها اكتر من يوم خطوبه حبيبه.
سهام...الناس دى بتحبك ومعتبرينك امانه معاهم.
سميه...وانا عارفه ده كويس بس مشكلتى انى حاسه بالنقص من انى مثلا اتدلع على بابا وماما...احس معاهم بالحنيه وبالامان
احس بفرحتهم ليه فى كل مرحله من حياتى.
سهام...قدر ربنا اوقات بيكون احسن من واقع نكون عيشينه.
سميه...اكيد طبعا...بس احنا بشر تفكيرنا. تفكير بشر.
سهام....أسمى درجات الايمان الرضا بالمكتوب...وللاسف انتى لحداثة سنك مش مدركه ده.
سميه...انا جايه لحضرتك علشان توصلينى لده.
سهام...المهم يقينك انتى بالمكتوب.
سميه ....نوصله بفضلك يا دكتوره.
سهام...بأردتك انتى يا سميه وقوة عزيمتك.
سميه ...ازاى يعنى
سهام...تفتكرى مين فى البيت ممكن يسامحك لو عرف كل اللى انتى عملتيه
سميه...بدون تردد جوز خالتى.
سهام...رديتى بدون تردد أو تفكير
سميه...هو متعاطف معايا اوووى
سهام ...والباقى موقفهم هيبقى ايه
سميه....مش عارفه واخاف اخسر ايمن
سهام ...اللى بيحب بيسامح
سميه...بس دى أخته وكان خطيبها صاحبه وهو كمان خسره
سهام...يبقى تحكيله كل حاجه
سميه...حضرتك بتصعبيها ليه
سهام...هى صعبه يبقى لازم تواجهى امورك.
سميه...بس ازاى اعمل ده.
سهام...اولا فى علاج هكتبهولك يخف من توترك الزايد ده رغم انك بتحاولى تداريه
..وثانيا لازم تقوى ايمانك شويه
سميه...حاضر هشتغل على نفسى واقرب اكتر من ربنا.
سهام...ياريت فعلاً...وثالثا ودى اهم نقطه
تجيبى ايمن معاكى بعد اسبوعين .
سميه...ليه اسبوعين..مش اسبوع
سهام...تكونى اخدتى العلاج لفتره وتكونى قربتى من ربنا شويه
بدل ماتدور وتبحث علي الروايات خليها علي تليفونك وحمل تطبيقنا
