رواية موقف السيارات الفصل الثانى والعشرون بقلم حسام يونس
الحاله التاسعه.
سهام واقفه فى البلكونه الخاصه بغرفتها تحادث زوجها فى الموبيل .
سهام..خالص هكون جاهزه فى البيت على الساعه تمانيه بس متتاخرش عليه
ثم تغلق الخط وتسحب نفس شهيق وارتسمت على وجهها ابتسامه كلها امل وحب لمواعدة زوجها لها للعشاء خارج البيت.
يرن الهاتف الداخلى ...تتحرك له وتجلس على المكتب.
سهام...خليها تدخل فى انتظارها .
تطرق الباب سميه وتدخل أنها فتاه فى اوائل العشرينات ..جمالها فائق ذو قوام رشيق ذو ابتسامه كلها امل تحملها بين تقاسيم وجهها.
سهام ...اهلا سميه اتفضلى
سميه اهلا بيكى
سهام..عرفينى بنفسك
سميه...سميه احمد الدرينى...عندى تلاته وعشرين سنه...طالبه فى بكالوريوس تجاره انجلش...بابا وماما اتوفوا فى حادث سياره وهما راجعين من اسكندريه
وعايشه فى بيت خالتى .
مع خالتى وجوزها وعندهم ولد وبنت
ايمن و حبيبه...وهما اخواتى طبعا.
سهام...وايه مشكلتك من وجهة نظرك
سميه...القهر والظلم.
سهام...قهر وظلم من مين
سميه...الزمن شويه ومن تصرفات خالتى وحبيبه شويتين.
سهام...وجوز خالتك وابنه كويسين معاكى.
سميه...وشكلا خالتى وحبيبه كويسين معايا...لكن موضوعا تصرفاتهم فيها ظلم وقهر.
سهام...ادينى نموذج من القهر ده
سميه....مثلا لو اشترولى لبس يتعمدوا يجيبوا الالوان اللى مش بحبها...وكمان لو فى مناسبه يخدوه حبيبه وانا لا...ميخدوش رأى فى نوع الاكل اللى بيعملوا....ولو طلبت اكله معينه يقولوا لا حبيبه مبتحبهاش.
سهام...مفهوم بس قوليلى ملكيش قرايب تانيين.
سميه ...فى طبعا بس مش لدرجه اقعد عندهم.
سهام...حبيبه دى عمرها قد ايه
سميه...اصغر منى بسنه ونص
سهام...وأيمن قد ايه
سميه...حوالى 24 لسه متخرج السنه اللى فاتت.
سهام...وأيمن تعامله معاكى شكله ايه
سميه...ظريف ولطيف جدآ
سهام...يعنى كويس معاكى .
سميه...بس ميقدرش يعارض امه عشانى.
سهام ..وبالنسبه لشغل البيت بتشاركى فيه معاهم.
سميه...تقدرى تقولى التقيل عليه والخفيف على حبيبه.
سهام ..ده قهر مباشر .
سميه بحلم باليوم اللى اتجوز فيه واسيب البيت ده.
سهام...لازم نخرجك من حاله القهر ده اولا
سميه ...ده سبب حضورى لحضرتك.
سهام...الاهم تخرجى نفسيا من الآثار السلبيه اللى جواكى علشان تقدرى تعيشى حياتك اللى جايه.
سميه ...اتمنى طبعا.
سهام...قوليلى يا سميه انتى مش مرتبطه مع حد عاطفيا.
سميه...حواليه شباب كتير بس انا مش قادره اتجاوب مع حد منهم...حاسه ان الدنيا مستكتره عليه السعاده والاستقرار
سهام...معقوله بنت بالجمال ده مش عايشه قصه حب ..ولو بخيالك.
سميه...الصراحه بحب ايمن ابن خالتى
رغم انى بحس أن شخصيته ضعيفه قدام خالتى وكلامها .
سهام ..وهو بيحبك ولا لا
سميه...هو ولا على باله كأنه مش شايفنى
سهام ...يعنى تتمنى تتجوزيه ولا لا
سميه...مش عارفه .
سهام ...لا لازم تعرفى.
سميه ...خايفه من ضعفه قصاد خالتى.
سهام...اغلب الرجاله كده مع امهاتهم.
بصى ياسميه أن شاء الله اشوفك الاسبوع اللى جاى بس لازم تخليكى متفائله وتطردى الطاقه السلبيه اللى جواكى علشان تقدرى تعيشى الحياه.
سميه ...يعنى فى امل فى حالتى يا دكتوره.
سهام...اكيد فى امل بس الحل الامثل لازم يكون نابع من جواكى ...فى حاجات كتير لازم الرضا بالمكتوب يكون هو الحل
بس باقتناع منك مش مجرد كلام.
وكمان احنا ملحقناش تقولى كل اللى جواكى كله عوزاكى المره اللى جاى تكونى اكتر تركيزا فى كلامك وان شاء الله فى حل متقلقيش .
هستناكى الاسبوع اللى جاى.
بدل ماتدور وتبحث علي الروايات خليها علي تليفونك وحمل تطبيقنا
