رواية موقف السيارات الفصل العشرون بقلم حسام يونس
الحاله الثامنه
طرق باب الغرفه ودخل يتلفت يمينا ويساراً وجلس أمام الدكتوره وعينه زائغه فى كل أركان الغرفه.
سهام ..نظرت فى اللاب توب ثم قالت
اهلا بيك استاذ اشرف.
اشرف اهلا بيكى دكتوره.
سهام...فى الاستقبال بره قالوه أن حضرتك مردتش تديهم اى بيانات عن نفسك.
اشرف ..ويخدوها ليه منا هدخلك وهقولك كل حاجه ..عرفتهم أسمى وخلاص.
سهام...وانا سمعاك استاذ اشرف
لاحظت سهام نظارته القلقه وكأنه خائف من شئ
اشرف....انا اشرف حسنين مدرس انجليزى فى مدرسه الشهيد الثانويه بنات
عندى اربعين سنه.
وعم الصمت المكان فبادرته
سهام....حضرتك متجوز
اشرف ...لا مش متجوز
سهام يعنى ساكن لوحدك.
اشرف ...لا قاعد مع اختى وجوزها فى بيت ورث بينى وبين اختى...هى قاعده فى الدور الارضى وانا ساكن فوقها.
سهام...يعنى اختك هى اللى بتخدمك
اشرف ...اه بس شكلها زهقت منى هى وجوزها .
سهام...ليه بتقول كده .
اشرف...بعد ما اتوقفت عن العمل عاوزه تثبت انى مجنون علشان تستولى على البيت.
سهام...اتوقفت عن العمل ليه.
اشرف ...فى يوم كنت رايح المدرسه
وفى جنب المدرسه حديقه عامه مفتوحه
لقيت تلميذه فى المدرسه جالسه ووشها بيسيل منه دم.
فا اقتربت منها لارى ايه حصل ليها
اخبرتنى البنت أن فى حد رماها بحجر هو الذى سبب لها ذلك النزيف
وفى منتصف اليوم استدعانى المدير
ذهبت له وورانى صور على التليفون وانا مع البنت فى الجنينه فى اوضاع لا يصح تجرى بين مدرس وتلميذته.
واستدعى البنت وانا موجود وحكت ما قلته .
فقال المدير ...الكلام اللى اتبعت مع الصور أن بينكم علاقة حب.
اشرف..حب ايه بس دنا لو خلفت كنت جبت بنت اكبر منها
المدير ...قول الكلام ده فى التحقيق
الموضوع على لسان كل البنات...والبنات دى امانه عندنا...مقدرش اساعدك يا اشرف.
اشرف...يا افندم دى مكيده ضدى
ما اتكلمى يا بنتى مش دى اول مره اكلمك.
المدير...استاذ اشرف أنت موقوف عن العمل لحد ما لجنة الوزاره تحقق معاك
هيبقوا يقولولك الميعاد
واتحقق معايا فعلا...واتوقفت باقية السنه
كعقاب ليه.
طبعا سمعتى اتلوثت بسبب اللى حصل
وبعد مرور شهور مدرس زميلى قالى أن اللى حصل ده غيرة بنات وانا كنت الضحيه...ومقدرتش اثبت الكلام ده
ولكن حياتى اتغيرت وسمعتى اتلوثت
وكل البنات اللى كانوا بياخدوا عندى دروس انقطعوا عن الدروس.
وجوز اختى قدر يأثر عليها وتقرر تطردنى من البيت علشان ياخدوا منى.
سهام...واختك تاخد منك البيت ازاى
فى الوضع ده.
اشرف ...طلبت تحويلى للكشف على على.
لان بعض الحادثه دى نفسيتى تعبت
سهام...طلب الكشف يا استاذ اشرف بطلب من الوزاره علشان يشوفوا ينفع تشتغل تانى ولا لا...مش اختك خالص
تقدر تقول بقى عندك عقدة اضطهاد
والحاله دى مأثره على تصرفاتك
اشرف...يا دكتوره انا كنت نموذج فى حياتى وشغلى.
سهام...تمام ماشى بس الحادثه دى حدث عندك خلل...ودى مدرسه بنات الناس عاوزه تطمن عليك مش اكتر
اشرف ...انا حياتى اتدمرت.
سهام...مفيش تدمير ولا حاجه
وان شاء الله تعدى الفتره دى على خير.
اشرف ...محتاجه اروح المدرسه اتابع شوية حاجات عن قرب هناك...وأشوف اختك واتكلم معاها علشان اكتب تقريرى وانا راضيه كل الرضا.
اشرف...صدقينى دى كانت مكيده ضدى
سهام...ما انت قلت حد بلغك أنها كانت غيرة بنات...عموما هنشوف وان شاء الله خير...متقلقش يا استاذ اشرف ..ياريت تدينى تليفون المدرسه وتليفون اختك علشان اخد ميعاد واروح ليهم.
بدل ماتدور وتبحث علي الروايات خليها علي تليفونك وحمل تطبيقنا
