رواية موقف السيارات الفصل التاسع عشر بقلم حسام يونس
الحاله السابعه.
فاتن تحادث سهام على التليفون الداخلى
فاتن...الانسه دعاء اللى حجز ليها الدكتور عبد الرحيم وصلت.
سهام...خليها تدخل يا فاتن.
تحركت دعاء لمكتب سهام...هى فتاه فى اوائل العشرينات سمراء اللون شعرها مقصوص جرسون ترتدى بنطلون جينز
وتيشرت اسود نص كم.
طرقت باب الغرفه ...واذنت لها سهام بالدخول.
قامت سهام من على الكرسى ومددت يدها لها بالسلام.
سهام...اتفضلى يا دعاء ..مستنياكى من الاسبوع اللى فات...خير مجتيش ليه.
دعاء...بصراحه مكسوفه من حضرتك.
سهام...مكسوفه ليه حد يتكسف من مرايته...انا هنا مريتك...ومش هشوف غير اللى هتسمحى بيه.
دعاء...مش الدكتور عبد الرحيم اتكلم مع حضرتك وشرحلك الحاله.
سهام....المهم كلامك انتى ...الدكتور عبد الرحيم قال اللى انتى قولتيه .
وانا عاوزه اسمعه منك انتى .
دعاء.... مش عارفه اقول ايه.
سهام ...قلتلك انا مريتك يعنى براحتك وبدون كسوف اتكلمى معايا.
دعاء...أسمى دعاء ابراهيم عندى اتنين وعشرين سنه معايا دبلوم تجاره...عايشه مع امى واختى الصغيره وابويا فى سجن .
سهام...ليه فى السجن
دعاء ...اتقبض عليه بيبيع برشام للمزاج
وانا وقفت مكانه لما اتحبس.
امال هنعيش منين.
سهام....وقفتى مكانه فين.
دعاء ...عندنا كشك بنبيع فيه حاجه ساقعه وحلويات....وابويا حب يطور نفسه كان بياخد برشام من الكبير ...ويسترزق منه.
سهام ...وموضوع البرشام ده ابوكى شغال فيه من امتى.
دعاء ...تقريبا من خمستاشر سنه
وانا بقالى سنتين واقفه مكانه.
سهام...شيفاكى واخده الموضوع عادى
دعاء...يا استاذه المناطق الشعبيه دى تلاقى فيها العجب.
سهام...العجب ازاى.
دعاء ..يعنى الكل عارف بتاع المخدرات والكل عارف بتاع البرشام...حتى الست الكويسه معروفه والست لامؤاخذه الشمال معروفه.
سهام...من كلامك ده عاوزه اعرف أساس مشكلتك بقى بما انك صريحه اوووى كده
دعاء ....انا بحب رشا صحيتى
سهام...رشا دى زميلتك فى المدرسه
دعاء ...أيوه وجارتى ومتربين سوا
سهام...حبيتيها ليه.
دعاء ...معرفش لقتنى بحبها علشان بتهتم بيه وفهمانى اكتر من نفسى.
سهام...الحب فى جزء نفسى وجزء محسوس...انتى قلتى النفسى .
عاوزه افهم الجزء المحسوس بتعملى فيه ايه.
دعاء...مفيش حاجه من اللى فى دماغك دى انا مش عاوزها منها اى حاجه من دى
سهام...قوليلى بقى رشا موافقك على حبك ده.
دعاء ...لا خالص دايما تقولى بكره تحبى شاب يسعدك.
سهام...معاها حق لأن ده الشئ الطبيعى البنت تتشد للراجل والراجل يتشد للست
دعاء...معرفش انا لقيت نفسى بحبها بجنون .
سهام...ايه الحب عندك.
دعاء ...الحب عندى اهتمام وانجذاب للى بحبه.
سهام...يعنى مفيش مره كان نفسك تقربى منها وتلمسيها.
دعاء...خالص مش ده الحب اللى مستنيه منها.
سهام...امال مستنيه منها ايه.
دعاء...نعيش جنب بعض لوحدنا وبس
سهام...حبيبتى ده مش طبيعى ..الفطره ضد ده ...الفطره ست وراجل غير كده غير مألوف اطلاقا...هو مفيش شاب حاول يقرب منك او من رشا.
دعاء ...انا مش بدى فرصه لحد يقرب منى....إنما رشا الواد صلاح ابن خالتها خطبها.
سهام...ولما يتجوزوه هتعملى ايه.
دعاء...هموت نفسى لو رشا بعدت عنى
سهام...وأمك واختك يعيشوه ازاى من بعدك وابوكى مسجون.
دعاء...اختى دلوقت بتوقف فى الكشك مكانى بعض الوقت....97
سهام...اكيد عارفه أن حبك ده ضد المجتمع والدين .
دعاء...انا مش طالبه حاجه عيب ولا حرام
سهام...رشا نفسها رافضه يا دعاء
دعاء ...مسيرى أقنعها نعيش سوا
سهام...عاوزه افهم الفكره دى جتلك منين
حتى فى علم النفس مفيش كده .
دعاء ...بس فى الاسوء من كده
سهام...وفى علاج بردوه ...إنما اللى انتى عوزاه ده مش فى اى علم
دعاء...انتم ليه مستكترين عليه اعيش معاها بدون اى حرام للمجتمع والدين.
سهام ...انتى كده بتعملى خلل فى نسيج المجتمع يا دعاء.
دعاء ...والحل ايه طيب.
سهام...الحل يجى شاب يقدر يقنعك بنفسه وبالطبيعه البشريه.
دعاء...يعنى مفيش عندك حل
سهام ...الحل موجود بس لازم يكون عندك استعداد له الاول.
دعاء...ايه هو الحل
سهام...مستعده نفسيا وحابه انك تخلصى من الحاله دى...ولا لا
دعاء ...عاوزه حل يبرر حبى إلى رشا ويخلى الناس تقبله.
سهام...رشا اختك ومن حقك تحبيها زى اختك ومن هنا تقدرى تشوفيها وتشوفك
وتقدروا تتقابلوا بكل حريه بس الاول كل واحده تعيش حياتها زى كل بنت تتجوز وتخلف..إنما بطرقتك دى بتصعبى الدنيا على نفسك وعليها وعلى اللى حواليكم
لازم تساعدى نفسك وتقربى من ربنا
وعلى فكره انتى انانيه ومش بتحبى رشا
علشان لو بتحبيها تسبيها تحب وتتحب وتعيش الفطره الانسانيه.
ده الحل يا دعاء ...لأن اجلا عاجلا رشا هتتجوز وتبعد عنك وعن الحى بتاعكم
الحل عندك عيشى الطبيعه وسيبك من الكلام اللى فى دماغك ده.
وللاسف ملكيش عندى علاج بالمعنى المفهوم علاجك جواكى انتى ياريت
تفهمى وتطلعيه .
بدل ماتدور وتبحث علي الروايات خليها علي تليفونك وحمل تطبيقنا
