موقف السيارات الفصل السابع عشر بقلم حسام يونس
اغمى على إلى ثانى يوم صباحا...صحوت وفقت لم اجد احد فى المنزل وعرفت فيما بعد أن البنات هم من رفعونى من على الأرض إلى السرير.
وقررت بينى وبين نفسى أن أعود إلى امىى .
فلا أستطيع أن أعيش مع ذلك الوحش مره اخرى...أنه بلا قلب انانى .
كانت امى اعطتنى مبلغ من المال من وراء ابى وكأنها تعرف أننى سوف احتاج لذلك المبلغ...فى تلك الغربه .اخذت المبلغ من وسط اغراضى ونزلت جرى نحو باب البيت لافلت من ذلك الوحش.
ولكنى أصيبت بخيبة أمل عندما لاقيت الباب مقفول بالمفتاح ..جلست وراء الباب ابكى كما لم ابكى من قبل
وتذكرت فجاه أن رجع ولم يجدنى أحضرت الطعام...فقمت مسرعه لإعداد الطعام حتى لا يعود لضربى واهانتى مره اخرى.
انتهيت من اعداد الطعام ودخلت غرفتى حتى أتجنب رؤيته .
سهام...يعنى خوفك منه سبب عدم خروجك من البيت.
كاميليا ..انسالت دموعها على خدها
تعرفى يوم ما مات مخرجتش برده من البيت.
سهام...يعنى من يوم مدخلتى البيت ده مشفتيش اهلك خالص.
كاميليا....حتى امى وابويا معرفتش أنهم ماتوا غير بعدها بشهور...شفتى قسوته وصلت لفين.
سهام ...وأخواتك متعرفيش عنهم حاجه
كاميليا...لا هو قلى لما اتجوزت الكبيره قلى بعدها برده بكام اسبوع .
وعمل كده فى جواز الصغيره برده.
سهام...مسالتهوش ليه بيعمل كده
كاميليا ...مش محتاجه سؤال...تقدرى تقولى غيره مع قلة ثقه فى نفسه
سهام...كملى سمعاكى
كاميليا...لما رجعوا البنات دخلوا اطمنوا عليه وظلوا يوسونى ويخففوا عنى وبكت شهد لما شفتنى الجروح ماليه جسمى وبعض الكدمات فى وشى.
ثم دخل ثروت وأمر البنات أن يذهبوا إلى تغيير ملابسهم.
ثروت...قومى جهزى السفره للغدا...ومتضيقنيش تانى علشان متزعليش.
كاميليا...مش جعانه انا.
ثروت ...براحتك بس انا جعان...قالها بشخطه.
قمت اعددت السفره ...ومسكت يدى ملك وقالت.
ملك ...اقععدى علشان خاطرى اتغدى
فجلست .
ثروت...يا سلام يعنى لازم ملك هى اللى تقولك.
سهام...قوليلى محستيش بالسعاده ابدا مع ثروت.
كاميليا...ابدا هو راجل صعب اوووى وانانى .
سهام...معاملته مع ام البنات كانت كده بردوه.
كاميليا...سالت مره ملك عن كده
رددت ابدا كان زى الخاتم فى ايديها
وفهمت أن عائلتها كبيره وكمان بنت ناس اوووى.
سهام...بمعنى ايه بنت ناس
كاميليا...أن أهلها مش هيسبوها مع شخص بالشكل ده لوحدها.
سهام...بتعرفى تقرى
كاميليا....لا ابويا مدخلنيش مدرسه
سهام...بتصلى يا كاميليا.
كاميليا...ملك قبل ما تتجوز علمتنى الصلاه وحفظتنى اصلى ازاى
سهام...تفتكرى ايه اللى يحفزك للخروج من البيت .
كاميليا...لا خروج لا
سهام ...بس ثروت مات خلاص ايه منعك
كاميليا....ثروت كسرنى وموت جوايا الاراده.
سهام...هبعتلك على الايميل بتاعك السيره النبويه.
مش نفسك تعرفى قصه سيدنا محمد
كاميليا ...اه نفسى اوووى
سهام...وانتى بتكملى حكايتك ..ابقى اسمعى السيره النبويه.
كاميليا...وده ماله بحالتى دى
سهام...اسمعيها بس وهقولك بعدين
كملى سمعاكى.
مرت بيه الايام وبعد عشر سنوات أنجبت ابنى عصام.
مع وجود عصام اتغيرت الحياه فى البيت
بقى عندى امل وحاجه احب حياتى عشانها.
حتى ثروت بقى أهدى كتير عن الاول
حتى البنات فى قمة السعاده لوجود اخ لهم.
وبعد انتهاء ملك من دراستها اتجوزت من شاب ابن صديق له ...دون رضا منها
ولكنها وافقت هروبا منها من ثروت.
وشهد اتخطبت بعدها بكام سنه
ولكن برضاها لانه كان زميل ليها فى الجامعه...رغم معارضة ثروت.
ولكنها أصرت عليه وتمت الخطوبه
واول مره اشوف حد يمشى كلامه عليه
ولكنه كان فى غاية الضيق منها ومن خطيبها...ولكن فى النهايه تزوجته وسافرت معه إلى لندن للعيش والعمل هناك.
وحقيقى حزنت لبعد البنات عنى .
سهام...نكمل الجلسه الاسبوع اللى جاى
وانا بعتلك موقع للسيره النبويه
اتمنى تسمعيه كويس....116
وبالفعل طول الوقت بسمع فى السيره
النبويه بشغف وحب لسيدى وحبيبى
رسول الله....إلى أن حان موعد الجلسه التاليه...استعددت لها وجلست انتظر
موعدها بشغف.
سهام...مساء الخير كاميليا
كاميليا ...مساء الخير
سهام...وصلتى لفين فى السيره النبويه
كاميليا...لحد العام الهجرى الخامس
سهام...وايه انطباعك عن السيره
كاميليا...فعلا رسولنا الكريم أسى اوووى
فى دعوته.
سهام ...فعلا بس كان عنده يقين أن ربنا معاه فصمد واتحمل من أجل الدعوه
المهم كملى حكايتك
كاميليا ...لا كلمينى عن الرسول احسن
سهام...لو قلتلك قدامك فرصه تروحى تزورى الكعبه وقبر الرسول....ايه رايك
كاميليا....تقصدى ايه
سهام...اعملى عمره
كاميليا...يعنى اسافر
سهام...ايوه تسافرى لحبيبك رسول الله
كاميليا....تفتكرى هقدر أخرج من البيت
سهام....الرسول الكريم ساعد البشريه تخرج للنور....وجه دورك انتى كمان
تخرجى للنور
فهمت كاميليا واقفه لبيك اللهم لبيك
مدد يا رسول الله
بدل ماتدور وتبحث علي الروايات خليها علي تليفونك وحمل تطبيقنا
