رواية موقف السيارات الفصل الثالث عشر بقلم حسام يونس
الحاله الرابعه ...جأنى فى يوم عامل البوفيه يخبرنى أن له صديق يعمل فى الماركت القريب من المشفى...يلح فى طلب مقابلتى لامر هام ..وحيث إنه عامل بسيط فليس معه نقود ثمن الكشف.
حددت له ميعاد اخر اليوم حتى لا يؤثر على مواعيد اليوم.
فى الميعاد المحدد اخبرتنى فاتن مسؤله الاستقبال بحضور ايمن زميل طارق عامل البوفيه ...ودخل ايمن وامرته يجلس امامى وانصرف طارق وتركنا.
سهام...طارق قلى أن انت كنت عاوزنى ضرورى.
ايمن...فعلا يا افندم كنت محتاج مشورتكم فى موضوع خطير.
سهام...خير يا ايمن قلقتنى عليك.
ايمن هو موضوع بسيط بس خطير بالنسبه ليه.
سهام ...أن شاء الله خير ...انا سماعك
ايمن ...بدء يتصبب عرق وملامحه كلها مضطربه.
بأختصار أن كسبت من برنامج أذاعى مبلغ خمسه مليون جنيه.
سهام ...مبروك دى حاجه كويسه اكيد.
ايمن ...دكتوره انا من ارياف بنها وعندى ست اخوات انا أكبرهم.
وانا نزلت مصر هنا علشان اخف الحمل عن ابويا من المصاريف واعتمد على نفسى...الخلاصه وضعنا فوق الصعب كمان ..متخيله عيله تسع أفراد مع شغل ابويا اللى مش مستقر.
سهام ..متخيله طبعا...بس ايه المشكله طيب أن وضعكم صعب ولا ايه بالظبط
ايمن...المشكله انى خايف اقول انى كسبت المبلغ ده ...خايف اتقتل من حد يطمع فى الفلوس دى.
سهام...للاسف الفقر خلاك تخاف من كل حاجه...حاسس ان الدنيا هتستكتر عليك الفلوس والاستقرار.
ايمن...هى حاله ومسيطره عليه اوووى
سهام ...امانك وسط اهلك ارجع بلدك وشوف مشروع ينمى الفلوس دى...وعوض اهلك الفقر والعيشه الصعبه دى.
ايمن ...خايف حضرتك مش عارفه الفقر ممكن يعمل ايه فى الناس ممكن يقتلوا...وممكن اموت انا كمان....47
سهام...الفلوس دى معاك من امتى
ايمن ...من حوالى شهرين.
سهام...مصرفتش منهم خالص.
ايمن..صرفت مية ألف جنيه.
سهام ...صرفت مية
ألف فى ايه الفتره دى.
ايمن..اشتريت هدوم ليه...والباقى صرفته فى كباريهات شارع الهرم بروح أسهر هناك كل كام يوم كده.
سهام...اشمعنا النوع ده من السهرات
اللى مخفتش وانت بتظهر فلوسك هناك
ايمن...هناك بحس انى بنى ادم اهتمام فوق العادى...الكل بيهتم بيه وبسمع احلا كلام من الستات هناك
سهام...ده اهتمام مشروط بانك تصرف وتصرف ببذخ يا ايمن.
ايمن ...عارف بس بحس بنفسى هناك
سهام...يعنى لما انصحك هتعمل بنصيحتى...ولا مقرر هتعمل ايه.
ايمن...انا بحترمك اووى رغم أننا متكلمناش قبل كده ...وده اللى خلانى اصمم ابوحلك بسرى وان شاء الله هعمل بنصيحتك.
سهام...بص يا ايمن هيفضلوا يهتموا بيك طول ما انت معاك فلوس...بعد ما تخلص فلوسك ولا حد هيعرفك.
ايمن...تقريبا عارف ده برده.
سهام...اسمع يا ايمن وفكر فى كلامى كويس وبعدها قرر هتعمل ايه.
ايمن .. سامعك يا دكتوره اتفضلى
سهام...اولا ارجع بلدك واحكى لأهلك عن الجائزه...وشوف ارض اشتريها أو مزرعه
ولم اخواتك حواليك .
واتجوز وجوز اخواتك البنات...وياريت تبنى بيت كبير للعيله كلها.
ده اسلم حل لخوفك تبقى وسط اهلك يحموك...إنما القاهره هنا قاسيه عليك وهتفضل طول الوقت خايف.
ايمن هز دماغه موافقه على كلامها
سهام ...فكر فى كلامى واحسبها صح... متخليش القاهره تبهرك وتحطلك السم فى العسل.
شكرها ايمن وانصرف من الحجره.وخرج من المشفى واختفى فى زحام القاهره بعد عدة أيام قرأت سهام فى الصحف خير عن انقلاب ميكروباص ووفاة كل من كان به وكان من ضمن ركابه ايمن الغريب أن الحادث كان فى طريق الاسكندريه وليس طريق بنها
بدل ماتدور وتبحث علي الروايات خليها علي تليفونك وحمل تطبيقنا
