رواية موقف سيارات الفصل الحادى عشر بقلم حسام يونس
مرت الايام إلى أن أنجبت ابنتى هاله...ومعها تغيرت حياتى إلى معنى جميل وعاطفة الامومه أسمى عاطفه على وجه الارض... وتجرى بى الايام والليالي
وتكبر هاله وتدخل رياض اطفال فى مدرسه قريبه من منزلنا.
وتخرجت هند من كليه تربيه...ورشحت لاعاره للسفر الى دوله تونس.
ولكنى كنت قلقه عليها من تلك السفريه
ولكنها كانت مصممه على السفر .
ووافقت على سفرها حتى لا نقع فى مشكله اين ستقيم فى مصر .
وسافرت هند فى شهر سبتمبر...وكلمتنى هند واخبرتنى أنها ستجلس فى سكن مع زميلات لها من دول عربيه مختلفه.
وحسن تزوج من زميلته وسيقيم فى الغردقه ...ولكنى لم احضر فرحه
لانه لم يخبر اخد بموعد فرحه.
خشية أن يقول ولا يحضر احد الفرح ويحدث مشكله مع عم صبحى.
حتى حسين تزوج من ابنه أحد العمال معه فى المصنع.
وأحسست أننى قضيت ما عليه اتجاهم
وأشد ما كان يؤلمنى أن كل منا فى بلد شكل...ودائما ترن فى اذنى كلمه المرحومه عبير هو نصيبنا كده.
وفى احد الأيام اخبرتنى مدام منى
أن حازم مريض ويصارع المرض ومحتاج رعايه لأن مرضه خطير نوع ما.
وعند حضور عم صبحى من عمله
أخبرته بما قالته مدام منى عن مرض حازم....ولكنه صدمنى برد بار اوووى
انا مليش اولاد ابنى مات خلاص لما
خرج من البيت...ومش عاوز اسمعك بتجيبى سيرته خالص...مفهوم .
هززت راسى بالايجاب علشان أنهى
الكلام بعدما سمعت رده القاسى .
وتركته حتى يهدى ...وبعدين اتكلم معاه تانى...وفكرت أن أذهب انا اليه وأشوف أحواله ايه ده مهما كان اخو بنتى.
سهام...ثوانى .ده فعلا كان تفكيرك أنه اخو بنتك.
امال...صدقينى فعلا كان ده تفكير.
سهام...مصدقاكى يا امال...كملى كلامك
اخذت العنوان من مدام منى...وذهبت اليه...كان تعبان جدا ونحيل للغايه
والتعب مأثر عليه اووى.
واستفسارات منه
امال...خير مالك يا حازم
حازم...سرطان بس فى بدايته...والدكتور
قال..أن شاء الله نقدر نسيطر عليه ونستأصله.
امال...أن شاء الله خير وتقوم بالسلامه
طيب كتبلك الدكتور علاج.
حازم...اه وباخده بأنتظام ...المشكله فى موضوع الاكل ..لازم اكل معين .
وانا بصراحه مش عارف فى موضوع الطبخ ده معظم أكلى من بره علشان ظروف شغلى..ده انا واخد اسبوع اجازه بالعافيه.
امال...شغال ايه دلوقت.
حازم محاسب فى شركه مقاولات.
طيب قوم من على السرير...واقعد على الكرسى ده.
حازم ..قام من السرير وجلس على الكرسى.
امال...قامت بتغير فرش السرير..ثم فتحت شباك الغرفه لتجدد الهواء بالغرفه
وجلست معه ساعه زمن ..ودار بينهم حديث طويل عن أحوالها مع أبوه
واخته التى لم يراها ابدا.
امال...أن شاء الله ربنا يجمع شملكم انت وابوك واختك..
حازم...ابويا مش هيتغير هيفضل عقل بدون قلب...متشغليش بالك ...خدى بالك من نفسك ومن هاله.
امال...اوعى بس تجيب سيره انى جيتلك
لحسن يعملها شغلاته.
حازم ...مفهوم طبعا.
مرت الايام بشكل سريع وانا بروحله كل يومين كده اطبخله وارتب الاوده وامشى
إلى أن استرد عافيته وتحسنت حالته
وحدد الدكتور ميعاد لكى يقوم بالعمليه له...وقدرت انى اروح اقف جانبه يوم العمليه...والصراحه كنت هموت من القلق عليه...وما هدتش غير لما الدكتور طمنى بنجاح العمليه.
سهام...وده راجع لنظرته ليكى قبل الجواز
ولا علشان اخو بنتك.
امال...بصى يا دكتوره عمرى ما دورت إلى مسما لشكل العلاقه...هو كان فى ازمه وانا وقفت جانبه وبس..والخيانه عمرها ما كانت وارده فى حياتى ولا عمرها هتكون
سهام...انا بسال وبس وبصدقك فى كل كلامك...انتى انسانه مضحيه وقد المسؤوليه...ومش انتى اللى نزوه تشدك للغلط.
امال...وعلشان كده بعدت عنه بعد ما وقف على رجليه.
بس هو كان بيتصل عليه تليفونيا فى الوقت اللى أبوه بيكون بره.
سهام ...على أساس ايه كان بيتصل
امال...بيطمن عليه وعلى اخته.
سهام...وانتى كنتى مصدقه كلامه.
امال..مسالتش نفسى بجد...بس كنت مبسوطه لاهتمامه.
سهام...بس ده اخو بنتك .
امال...بلعت ريقها بصعوبه ثم رفعت كوب الماء لتشرب منه.
سهام...وضع صعب بس انا واثقه فى تصرفك.
بعدت عنه بكل ما املك من قوه وعزيمه
مرت ايام وسنين واسقطته من كل حساباتى...وكبرت هاله وأصبحت فى الاعداديه ...وعم صبحى طلع على المعاش وقعد فى البيت فتره كبيره على ما لقى شغل يناسب سنه.
سهام ...طول كلامك معايا بتقولى عم صبحى ليه مش بتقولى صبحى عادى
امال...رغم قلة خبرتى عمرى ما حسيته زوج ولا كنت سعيده معاه على كل المستويات .
سهام...تقصدى كزوج
امال..كزوج وكا انسان كان قاسى وانانى وفوق كل ده مفيش حنيه أو اهتمام بيه كانسانه.
وخصوصا بعد ما طلع على المعاش
وبتمر الايام ودايما كان حازم شاغل تفكيرى...وانا قادره اتحكم فى نفسى انى ابعد عنه.
وبالنسبه لاخواتى كنت فى غايه السعاده
لاستقرار حياتهم هند اتجوزت واحد تونسى واستقرت معاه فى سكنه.
وحسن وحسين ...حسن بقى عنده صالون ملكه فى الغردقه جنب شغله فى الفندق وبقى عنده ولد وبنت...وسمى البنت امال على أسمى.
وحسين كبر فى شغله وبقى كبير الفنيين فى المصنع وبقى عنده ورشه نجاره ملكه فى العاشر من رمضان.
سهام...اظن كنتى فى قمة سعادتك لنجحهم ده.
امال...جدا دول ولادى مش اخواتى
مكنش ناقصنى غير عبير تشوف تمن تضحيتها...وبكت امال لمجرد ذكر عبير
امال...الحقيقه حياتك رغم شكلها القاسى إلا أنها سلسله من النجاح لكونك حافظتى على اخواتك ووصلتيهم لبر الامان
امال...ده توفيق من ربنا مش اكتر
سهام ...اكيد توفيق ربنا الأساس...لكن العزيمه اللى جواكى وحسن قراراتك
من الاسباب بردوه.
امال...هقوم بقى واجيلك الاسبوع اللى جاى الساعه خلصت.
سهام.....ضحكت انا ببقى مستنياكى بشوق اوووى..وبكون سعيده وانا بسمعك
بدل ماتدور وتبحث علي الروايات خليها علي تليفونك وحمل تطبيقنا
