رواية اللقاء الأول الفصل العاشر 10 بقلم بسمله أشرف
فيولا تتجوزيني ♥
_انت بتقول ايه!
_عارف ان دي حاجه غريبه بس اظن ان هو ده الوقت المناسب اللي اقدر اصارحك بمشاعري فيه!
فيولا كان عينها فيها دموع من خوفها من البوابه اللي اتقفلت وانها اتحبست ف مكان الدم مبيخلاش منه.. مكان ارواحهم مُهدده فيه، كمان كانت متفاجئه من عرض ادم للزواج، وف نفس الوقت مكنتش عارفه الاجابه...
ادم بيكمل كلامه:_ فيولا انا مبسوط اني محبوس معاكي ف مكان زي ده عارفه ليه؟
_وده ليه بقا؟
_عشان في حد هنا معاكي يقدر يحميكي.
_مبسوط ازاي انت بس مش مستوعب اللي هيحصل فيك انت هتتفرم هنا، يارب انت رازقني بواحد مش قادر يفرق بين الواقع والخيال اللي في دماغه.
_ ادم ابتسم ابتسامه خفيفه طب يارب ميطلع كل ده حلم ولو حلم بتمني الحلم ده يطول شويه
_فيولا بسخريه ايوه مهيا الدنيا فعلا حظوظ وانا حظي مهبب.
_ها قولتي ايه هتتجوزيني ولا لاء؟
_يابن الحلال ارحم امي بقا... وياريت متفتحش الموضوع ده تاني
_ارحمني يارب لسانك لسه زي مهو بس(غمزه) مش مشكله احاول تاني.
طبعاً فيولا كانت خايفه جدا وادم بسلامته كان بيحاول يهديها وطبعا مكنش مستني رد فيولا يكون بالطريقة دي بس كان عندو امل انه هيقدر يخليها تحبه..... بالرغم ان فيولا مكنش عاجبها الموضوع، ادم مد ايده لفيولا وقومها من علي الارض وبدأو هما الاتنين ينفضوا ايدهم من التراب اللي كان حواليهم لان المكان كان متبهدل جدا، عنكبوت ف كل مكان والمكان ضلمه ومكنش فيه غير نور خفيف جدا جاي من مدخل صغير قدامهم علي بُعد مترين وفي باب هناك بس موارب وكان في نور خارج منه، وطبعا من الناحية التانيه احمد واحلام بيدورو علي اي حد يساعدهم ف انهم يخرجو ادم وفيولا من بدروم المكتبه وللأسف هما ميعرفوش ان الوقت محدود، وان المكتبه ممكن ترجع لوضعها الاساسي في اي وقت......
_احلام يا حضرة الظابط انا مش بكذب علي حضرتك هو ده اللي حصل فعلاً.
_الظابط انتي عاوزاني اصدقك انتي وهو بصفتكم ايه، اتنين جايين بقولولي قصص تتحكي لأطفال صغيره عشان ينامو
_احلام طب اروح لمين بس ياربي، بقول لحضرتك لو ملحقتهمش دلوقتي هيبقو في مشكله جامده لو سمحت بس تعالي معانا وهتفهم كل حاجه...
_احمد انا مش فاهم حضرتك مش مصدقنا ليه؟
_الظابط يابني الكلام اللي انتو بتقولو ده مش منطقي، لأن اصلا مفيش مكتبه في المكان اللي بتقولو عليه ده، ومفيش مستشفى كانت موجوده هناك اساساً واثينا مين اللي بتتكلمو عنها...(بعصبيه). انتو بتضيعو وقتي!
_ احلام يا حضرة الظابط اسمعني بس... قاطعها الظابط
'الظابط لو ممشتوش من هنا هعملكم محضر ازعاج سُلطات انتو سامعين... اتفضلو اطلعو بره!
_______
_ادم الكتاب معاكي؟
_فيولا كان معايا دلوقتي دور معايا...
ادم طلع تليفونه ولسه هيفتح الكشاف.. يوووه ده وقته يعني جاي تفصل دلوقتي!!
_فيولا انا معايا ثواني هولع الكشاف... فيولا ولعت الكشاف و وجهته للمكان اللي طالع منه النور..
_ادم ايه الباب ده!
_فيولا الله اكيد في حد هناك سامع الصوت!
_ادم مسكها من قفاها.. خدي هنا انتي رايحه فين
_فيولاانت مش سامع الصوت اكيد في حد هناك يساعدنا؛
_ادم فيولا مفيش حد هنا ف المكان ده غيرنا ولو فيه فهو مش في صفنا انتي سامعه!
_فيولا تفتكر في ناس جت قبلنا ومحبوسين زينا
_ادم بعصبيه قولتلك متثقيش في حد!
_فيولا طب انت بتزعق ليه انا مبحبش حد يزعقلي انت فاهم
فيولا مسكت كتف ادم زي الاطفال وبدأو يبصو ناحية الباب بخوف ورهبه.............
_ادم انتي ماسكه فيا كده ليه هقع علي فكره.
_فيولا بأمنك!
_ادم بضحكه بتأمنيني! ده اللي هو ازاي يعني؟
_فيولا امشي وانت ساكت وبص قدامك متفضلش تبص وراك
_ادم امشي ازاي وانتي عكشاني من قفايا كده.. ده انا لو ممسوك مش هيعملو فيا العمله دي!
_فيولا متبصليش البصه دي شكلك يرعب ف الضلمه
_ادم انا شكلي يرعب! طب سيبي ايدي كده..واديني شويه مساحه. ده بعد ازنك!
_فيولا شالت ايديها وبدأت تبعد خطوتين عنه.. اهو كده كويس!
_ادم لا سِنه كمان
_فيولا بزهق كده!
_ادم لا اخر السلم اللي هناك ده وامشي
_فيولا بسخريه اهو كده احسن برضو علي الاقل ابعد عن شكلك المرعب ده
_ادم بسخريه ايوه خليكي بقا ابو رجل مسلوخه عاوز يسلم عليكي هناك اهو(ضحكه خبيثه)
_فيولا متدخل واقف ليه؟
_ادم بخوف.. السيدات اولاً
_فيولا بخوف... لا طبعا هيبقي عيب جدا لو دخلت انا الاول، اتفضل انت!
_ادم: انا بقول نستناهم هنا احسن، يعني افرضي بيتكلمو ف حاجه مهمه جوه فنزعجهم ليه او نفزعهم
_فيولا مثلا
_اادم ميصحش صح
_فيولا ايوه صح...(بزعيق) لاء مش صح وبعدين مش مكسوف علي دمك وانت دكتور وبتخاف!
_ادم ومين قالك ان الدكاترة مبيخافوش لاء بيخافو علي فكره
_فيولا اومال مين الجامد اللي كان بيقولي حكم من شويه وانه مش هيسمح لحاجه تأذيني وهيطلعني من هنا لأمان اهو قالي السيدات اولاً (بسخريه)
_ادم لاء بس لحظه
_فيولا متقاطعنيش.. اهو الجامد ده خايف يفتح الباب ويدخل لاااااء و عاوزني انا ادخل الاول، انت مش واخد بالك ان معاك بنت
_اادم ايه يعني بنت معاكي حصانه! ولا بتعرفي تعملي بطاطس كويس مش فاهم (بسخريه)
_فيولا بطاطس!!!
_اادم وبعدين باهانم البنت اللي بتتكلمي عنها دب تطفش اسد بحاله
_فيولا اسمها بلد بحالها
_ادم لا اسد انا عاوزها اسد، اسد بحاله هه
_فيولا علي فكره بقا انت واجبك تحميني وتخرجني هنا عصب عنك
_اادم غصب عني! ليه بقا إن شاء الله هو ابوكي عيني الحارس بتاعك وانا معرفش وبعدين طول مانتي لسانك طويل مش هننفع مع بعض علي فكره
_فيولا ياربي يوم متحبس اتحبس مع الكائن ده (بسخريه)
_ادم طب وسعي شويه كده مش عارف اخد راحتي وانا بزعج الناس اللي جوه دي
_فيولا لا اتفضل خد راحتك... لحظه بس
_ادم بتنهيده وزهق اييه تاني!
_فيولا قولتلي تزعج مين؟
_ادم الناس اللي جوه دي
_فيولا بعصبيه.... دول اموات الله يخربيتك
_اادم بصدمه.. اموات!!
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
