 |
رواية من الجاني (حل القضيه الرابعه 4) بقلم محمود الامين#من_الجاني حل الحلقة الرابعة ... الشك كان في سماح بيزيد بسبب أن الشقة اتفتحت بدون تطفيش والكسر حصل بعد الجريمة بيومين علي ايد البواب واتنين من الجيران وده أتأكدنا منه.. بس التحقيق مع سماح مكنش مفيد دي واحدة مريضة نفسية ومش بتتكلم لجأنا للدكتور النفسي الخاص بسماح وطلبنا منه انها لازم تتكلم والا هيتوجه ليها تهمة قتل عمد مع سبق الاصرار وأنتظرنا ٣ أيام بحالها والدكتور بيحاول عشان في النهاية يرجعلنا بالتسجيل ده ( أنا منكرش اني كنت رايحة أقتله يومها بس مكنتش عارفة أزاي؟... الغضب كان عاميني وعقلي بيحركني بدون وعي لما وصلت النور قطع في المنطقة كلها.. طلعت السلم والبواب مكنش موجود فتحت الباب ومقفلتهوش ورايا وقبل ما أعمل اي حاجة لقيت كشاف منور ورايا بصيت لقيت مسدس في دماغي وواحد بيقولي لو نطقتي هتحصليه كنت واقفة متخشبة ومش مستوعبة حاجة دخل جوه ومفيش خمس دقايق وخرج وانا لسه واقفة مكاني اخدني ونزل بيا الشارع وقلي امشي لكن النور رجع وشوفت وشه لقيته ركب موتوسكل وهرب رجعت البيت وانا مش فاهمة حاجة ولما سمعت خبر موت عباس مزعلتش ولا فرق معايا كان لازم يموت من زمان) .. طلبنا من سماح وصف الراجل وكانت النتيجة رمزي اتجاب وبدأنا التحقيق والضغط عليه لحد ما أعترف ( اه قتلته ما أهو مش عايز يديني حقي.. أنا كنت دراع عباس الشمال اي حاجة غلط كان بيعوز يعملها كان بيكلمني وكنت بقضيها كنت عارف عنه كل حاجه واولهم مرض مراته لكن انا مفهمش حاجة اسمها نفسي هو فهمني انها مش بتتكلم انا فهمت انها خرسة تعمل اي يا باشا من جاهل.. لما رحت اطفش الشقة لقيتها مفتوحه ولقيت مراته جوه وعشان هي خرسة مخوفتش تبلغ عني قولتلها لو نطقتي هقتلك ورجعت قولت تنطق ازاي ما اهي خرسة دخلت عليه الاوضة وخلصت عليه واخدتها ونزلت الشارع وقبل ما اسيبها ومن حظي الهباب النور رجع وشافت وشي فكرت اخلص عليها لكن مكنش ينفع انا في الشارع سبتها وهربت ومكنتش فاهم ان الخرسة هتتكلم يا باشا لكن اهو انا عارف نفسي فقري من يومي) ... رمزي في السجن مستني حكم الاعدام يتنفذ.. وانا نصحت اهل سماح انها لازم تتعالج وترجع لحياتها من تاني ... #محمودالأمين القضيه الخامسه الفصل الخامس من هنا |
تعليقات
