رواية ملكت قلبي الفصل الرابع 4 بقلم وهج ابراهيم

الرابع…

ريم وهي بتترعش بين يديها : ححازم عععشان خاطري سيبني..

حازم دفن وشه برقبتها وهو مكمل باللي بيعمله لحد مازقته باديها وبصت ليه بكسوف : مينفعش اللي بيحصل ده..

حازم : لا ينفع انتي مراتي ولسه هيكمل..

دارت وشها عنه وقالت بضعف: حازم ابعد مينفعش كده.

حازم بعد عنها بغيظ وخرج ورزع الباب وراه وهو متعصب منها..

اما ريم قعدت على سريرها وتتنفس بسرعه…وهي تفتكر اللي حصل من شويه..

بالليل..

كانت ماسكه موبايلها بالصاله وخالتها بتشوف المسلسل بتاعها ..محستش بيه لما دخل..

قرب منها وباس خدها بسرعه مساء الخير ياقمر..

ريم وهي تغطي شعرها بتوتر وضيق من جرأته : مساء الخير..

بصت لخالتها بكسوف وشافتها مركزه بالمسلسل...

ريم : هحضرلك العشا وجريت على المطبخ بسرعه..

ام حازم ضربته على كتفه : كسفت البت مينفعش كده..

حازم بغمزه : منتي مركزه معانا ..بعدين هي مش مراتي برحتي بقى ..وكمل بغمزه بعد اذنك هساعدها..

ام حازم : خف عالبنت شويه..

حازم بتذمر : مش انتي مش راضيه نعمل الفرح بسرعه اعملك ايه..يعني

ام حازم : مش قبل ما نخلص الجهاز مش عايزاها تحس انها يتيمه..

حازم بتذمر: ماشي ياماما برحتك..

راح عالمطبخ وكانت بتحضرله الاكل..محستش بيه الا وهو محاوط وسطها بيشدها ليه وهمس عند ودنها : انا بقيت جوزك مفيش داعي لدي وهو بيشيل الطرحه اللي بتغطي شعرها..

ريم وشها محمر وقالت بكسوف : ححازم ابعد خليني احضرلك الاكل.

حازم دفن وشه برقبتها بتيه ة مش عايز حاجه عايزك انتي بس…

ريم دارت وشها ليه وقالت بهمس : عشان خاطري استنى بررا لحد ماخلص…

حازم : مممممم بوسيني الاول..

ريم بتذمر: حازم..

حازم :يخربيت اسمي طالع من بقك زي العسل..

بصت للأرض بكسوف..رفع وشها وباسها..

حاولت تزقه معرفتش بعد عنها بابتسامة وقال بتيه: مش عارف استنى لحد ماالشهر ده يخلص وتكوني بحضني..

كلمته دي واترتها اوووي وخلت وشها يجيب الوان …هخرج دلوقتي عشان مش عارف ابعد.عنك عملتي فيا ايه يابنت عمي…باس جبينها وخرج..

أما ريم حطت ايدها على قلبها اللي بيضرب جامد ومش عارفه تسيطر عليه حاسه بفرحه كبيره اوووي .. واخيرا حازم حس بيها وحبها…هو كمان..جهزت الاكل ولسه هتخرج سمعت كلامه مع مامته..

ام حازم بابتسامة : مكنتش عارفه انك بتحب ريم لدرجادي ..

حازم : حب ايه ياماما انا اتعودت عليها بس..

ام حازم :يعني مش بتحبها..

حازم ببرود : الحب هيجي بعد الجواز..

ام حازم : بس يابني ..

حازم : باس يدها ياماما ريم غاليه عليا اوووي وهي عايزه تتجوز مش عارف ليه مع اني شايفها لسه صغيره..فعشان متبعدش عننا قررت اتجوزها..

دخلت ريم وهي ماسك دموعها وقلبها بيوجعها..حطت الاكل قدامه..بهدوء..وقالت محتاج حاجه تانيه..

حازم : تعالي كلي معايا..

ريم باختناق :اتعشيت من شويه ..تصبحو على خير وجريت على اوضتها وارتمت على سريرها وهي بتعيط..

حازم بص لامه بضيق : دي مالها ياماما..

ام حازم ة شكلها سمعتنا….

حازم رمى الاكل من ايده بضيق : وتسمعنا مش دي الحقيقه..انا قلت حاجه غلط..مش هي عايزه تتجوز ..انا بقى هتجوزها عايزه ايه تاني..ولسه هيحصلها ويكلمها..

ام حازم : استنى يابني انا هكلمها..

حازم : ياماما الدلع ده انا مش عايزه انتي عارفه دماغي..

ام حازم : اهدي يا حازم انا هكلمها خلاص…انت كمل اكل..

حازم : لا مخلاص مش عايز اطفح وراح اوضته مش عارف ليه اتضايق عشان سمعته..

دخلت مامت حازم اوضتها وشافتها نايمه واول مامسحت شعرها بحنيه دفنت نفسها بحضنها وبدأت تعيط وووو

يتبع…