.jpeg)
رواية انا وابن خالتي الجزء الثالث الفصل الاول بقلم عمرو راشد
عبدالله انت اخر مرة مارست الجن*س كانت امتا؟
= انا مبحبش اتكلم في الحاجات دي
مبتحبش تتكلم فيها بس تحب تعملها صح؟
= انتي سا*فلة!!
" مش محتاجة اعرفكم بنفسي،، أنا واحدة حظها وحش في كل حاجة حتى الجواز وخصوصا لو متجوزة شخص بحبه،، شخص كويس وبيحبني زي مروان بس للاسف مفيش أي حاجة كنت مخططة ليها حصلت،، أنا هند ياريت تكونو لسة فاكرين حكايتي!
فلاش باك
طب يلا بينا بقا ونسيبهم يعيشو براحتهم واحنا نرجع عالمنا
= يلا
" قبل ما نمشي لمحت كتلة نار جاية من السما وقدام كتلة النار دي جسم ضخم طاير في الهوا،، شاهر قال بصدمة
دانوم!!!
" كان طاير بسرعة كبيرة جدا ناحية عربية هند و مروان
شاهر احنا في كارثة دلوقتي
= يا هارون انا كدا هيجيلي برد
" في نفس الوقت كتلة نار وقعت على الطريق قدام العربية لكن العربية لحقت نفسها بسرعة وحاولت تتفادى كتلة النار اللي وقعت قدامها
= شاهر احنا لازم نحميهم
روح انت وحاول تعطل دانوم وانا هروح ل هند
" روحت وأنا عارف ان دانوم بالذات لا يمكن هعرف اعطله،، في نفس اللحظة اللي انا رايحله فيها شوفت كتلة نار تانية نازلة على العربية،، صرخت بأعلى صوتي
شااااااهر
" شاهر طار بسرعة البرق ناحية العربية و حاول يبعدها عن كتلة النار اللي بالفعل نزلت وفتحت فجوة كبيرة في الأرض،، بعدها شاهر دخل جوا العربية،، اما أنا كنت وصلت ل دانوم ووقفت قدامه
كيف جئت إلى هنا؟
= مثلما جئت انت يا هارون
غير مسموح لك بالتواجد هنا
= العكس صحيح يا هارون
اذا ماذا فعلت الآن؟
= انا لم افعل شئ لكن سأفعل
لا انت سترحل من هنا بدون اذ*ى وبدون أي حروب
= انت من بدأت بالاذ*ى يا هارون حينما تمردت على عالمك وقت*لت أبناء قبيلتك
هذا ليس من شأنك
= وشمس؟
رحلت
= بل انت من قت*لتها أيضا
نفترض هذا ماذا ستفعل؟
الكثير،، الكثير يا هارون،، ستكون أشبه بالجحيم على اهل الأرض وانت ستكون سبب هذا
" فجأه اختفى من قدامي،، لقيت شاهر جاي وقف جنبي
كان عايز ايه دا؟
= شكلنا داخلين على مصيبة جديدة
مصيبة!! ومع دانوم!!! اممم لا انت كدا محتاج احمد السقا مش أنا خالص،، أنا خلاص تعبت يا هارون
= مش وقته الكلام دا،، انت عملت ايه معاهم؟
هما دلوقتي في بيت خالة هند
= كويس
" لما فوقت بعد حادثة العربية لقيت نفسي على الأرض وفي..،، في بيت خالتي!! ،، أنا ايه اللي جابني هنا،، لقيت مروان نايم جنبي،، بدأت أحاول افوقه
مروان،، مروان قوم
" فاق وفتح عينه
احنا فين؟
= احنا في بيت خالتي
بيت خالتك!!،، بيت خالتك ازاي
= معرفش
هو ايه اللي كان بيحصل على الطريق،، والعربية فين والسواق؟؟،، هو ايه اللي بيحصل؟،، فجأه لقيت خالتي خارجة من اوضتها واتفزعت اول ما شافتنا
بسم الله الرحمن الرحيم،، أنتي بتعملي ايه هنا يا هند؟،، أنتي مش المفروض تكوني مسافرة؟
= انا والله ما اعرف ايه اللي جابنا هنا؟،، احنا حصلتلنا حادثة على الطريق بس انا مش فاكرة ايه حصل بعدها؟
ايه الكلام دا؟،، أنا مش فاهمة منك حاجة
= ولا أنا فاهمة يا خالتي
" مروان ساعتها بص ليا وقالي بنبرة حادة
هند أنتي رجعتي تاني للسحر والكلام الفاضي دا؟
= والله أبدا،، والله ما حصل،، أنا فعلا معرفش حاجة
اومال احنا هنا ازاي؟
" فجأه الباب خبط،، مروان اتحرك وقام فتح وشوفت اتنين واقفين برا شكلهم غريب،، سمحلهم مروان انهم يدخلو ووقفو قدامنا،، واحد منهم اتكلم وقال
مساء الخير يا فندم احنا من مستشفى النور وجايين نطمن على حضراتكم،، احنا عندنا خبر باللي حصل على الطريق من شوية
" مروان رد عليه وقاله
انا مش فاهم حاجة حضرتك،، ممكن تشرح اكتر؟
= احنا جالنا بلاغ إن في حادثة على طريق المطار،، لما روحنا وعملنا الإسعافات اللازمة اكتشفنا أن الموضوع مش محتاج مستشفى ونقلناكم على البيت من خلال العنوان اللي كان موجود في بطاقة المدام
" خالتي ساعتها اتكلمت وقالت
بس لو كدا كان المفروض تنقلوها على بيت امها مش هنا ولا ايه
" واحد منهم قرب من خالتي واتكلم بنبرة هادية
احنا اسفين،، اوعدك مش هتتكرر تاني لكن بعد إذنك ممكن تدخلي تنامي وتسبينا شوية
" استغربت من اللي قاله،، أنا و مروان بصينا لبعض واحنا مش فاهمين اللي بيحصل والمفاجأة ان خالتي دخلت اوضتها بالفعل وبعد ما باب اوضتها اتقفل،، الشخص اللي كان بيكلمها لف وشه لينا وقالي
انا هارون يا هند
" اتصدمت من الجملة وقربت منه
هارون!!
= انا اسف اني ظهرت تاني بس الموضوع مهم صدقيني
هو انت مش...؟
= انا كان لازم اخرج من حياتكو عشان تعرفو تعيشو
" مروان ساعتها اتكلم
وايه اللي رجعك؟،، حنيت مثلا؟
" لفيت وشي و رديت عليه
مروان مينفعش كدا
= لا اصل انا مش فاهم،، احنا كنا ما صدقنا خلاص انك مشيت وحياتنا بدأت تتعدل بدل ما تسيبنا نصلح الخراب اللي حصل من ساعة ما انت ظهرت تقوم تظهر عشان تكمل على اللي انت عملته
" هارون اتحرك وقرب من مروان
أولا انت مظهرتش في حياتكو بالعافية،، أنا تم استدعائي من قبيلتي وطالما انت عارف الموضوع كله يبقا اكيد برضو عارف مين اللي استدعاني
= كل دا ميهمنيش،، أنا يهمني انت جاي دلوقتي ليه؟
في خطر كبير على حياتكو ولازم نحميكو
= مين اللي قال انه لازم،، مين هاا؟،، مين انت اصلا عشان تحمينا؟
أنا الافضل،، الأقوى
= كل دا خرافات،، مفيش اقوى من ربنا سبحانه وتعالى،، ولو فعلا في خطر زي ما بتقول يبقا لو هننتصر عليه هيكون بفضل ربنا مش بفضلك
انا معاك مش ضدك يا مروان،، انت كنت هتمو*ت على الطريق من ساعة واحدة بس
= وعيشت عشان لسة مجاش وقتي،، لسة ليا عمر مش عشان انت بقا ضحيت بنفسك والأفلام القديمة دي
لا هو انت ضحيت بنفسي واكتر من مرة وممكن تسأل هند لو عايز؟
= متجبش سيرة هند على لسانك،، انت فاهم ولا لا؟
" حاولت ادخل بينهم عشان الموضوع ميتطورش أكتر من كدا
مروان لو سمحت اهدى،، هارون هنا عشان يساعدنا مش عايز يأ*ذينا
= دا أنتي كمان هتدافعي عنه؟
انا مبدافعش بس انا بقولك الحقيقة،، هارون عمل حاجات كتير قبل كدا وانقذنا مليون مرة،، اخرهم لما كنا في الكهف ولا نسيت؟
تحبي ابعتله جواب شكر بالمرة؟
" الشخص التاني اللي مع هارون قرب مننا واتكلم
لا يا اخ مروان بس على الاقل اعزم علينا بأي حاجة،، دا احنا جايين وقت عشا حتى
= ومين دا كمان؟
" ساعتها الشخص مد ايده ل مروان وابتسم
معاك شاهر
= ايه شاهر دا يعني؟،، لا معيش طبعا
هي خفة الدم بالظبط،، مفيش جديد
= ايوا مين انت يعني؟
انا كنت مع هارون في الكهف،، انت مشوفتنيش ولا ايه،، كنت عامل أداء ولا اروع
" مروان بص ليا و زعق
مين دول؟
= يا حبيبي اهدى بس،، دا شاهر يبقا صاحب هارون
وجاي يعمل ايه هنا؟
= بيساعدنا برضو
انتو جايبين عالم الجن كله يساعدكو ولا ايه؟
" هارون ساعتها اتكلم وقال
من الاخر كدا انتو في خطر كبير على حياتكو عشان كدا احنا قررنا اننا نقعد معاكو فترة صغيرة بحيث نقدر نحميكو واي كلام تاني غير دا فهو غير قابل للنقاش
" ساعتها بودي خرج من اوضته والنوم باين في عنيه
ايه دا؟،، هند!!!،، انتو بتعملو ايه هنا؟،، ومين اللي معاكي دول؟
" هارون نفخ بضيق وقال
لا حد يقوله بقا عشان انا زهقت،، أنا مش هعيد تاني
" شاهر ابتسم وهو باصص ل عبدالله وقاله
استنا بكرا الإعادة على نايل دراما،، اوعا تغمض عنيك
= عنيك ايه ونايل دراما ايه،، انت مين ياعم؟
حبيبك يا دودي
= دودي!!!،، انا سمعت الاسم دا من مين؟
" بعد ثواني عبدالله بص ب صدمة ل شاهر وقاله
شاهر!!
= ايوا شاهر يا دودي،، شاهر حبيبك،، لحقت تنساني؟
" هارون قطع كلامهم وقال
مش وقته الكلام دا دلوقتي،، بما ان عبدالله بقا موجود يبقا كدا لازم تعرفو ان الخطر دا هو دانوم،، دانوم هو مارد كافر،، ومش سهل تماما،، قوي وعنده قدرات كبيرة جدا وخلي بالكو كمان انه من المقربين ل ابليس،، عشان كدا اي حركة هتكون بحساب،، مفيش اي حد يخرج من البيت غير بأذني واكون عارف هو رايح فين،، تاني حاجة القرآن مينفعش يسكت ثانية،، 24 ساعة القرآن يكون شغال،، الفترة اللي جاية صعبة ف ياريت نتعاون مع بعض عشان نقدر نعدي منها بسلام واوعدكو بعدها انكو مش هتشوفوني تاني
" مروان رد عليه وقال
مش عايز كمان تنبه اننا نغسل رجلينا قبل ما ننام،، انت فاكر نفسك مين؟،، أنا هخرج من هنا وخليك انت بقا ب عفاريتك وشيطاينك دي،، يلا يا هند
" هارون مسك كتف مروان وقاله
اسمع انا حتى الآن بتعامل معاك بالحسنى،، متخلنيش اتعامل بطريقة تانية
= المفروض اخاف؟
دا اكيد
= انا مبخافش غير من ربنا
ونعم بالله،، يا مروان هقولهالك تاني انا معاك مش ضدك
= وانا مش عايزك معايا،، اظن كلامي واضح
" اتكلمت انا مع مروان في اللحظة دي
يا مروان افهم احنا لو مشينا من هنا منعرفش ايه اللي ممكن يحصلنا،، خلينا نقعد ونفكر
= قدر ربنا هيطولنا في أي مكان يا هند،، يعني لو قعدنا هنا ومكتوب لينا اننا نمو*ت برضو ف احنا هنمو*ت
طب خلينا منسبقش الأحداث،، عشان خاطري يا مروان منمشيش،، وانت بنفسك شوفت حصلنا ايه على الطريق،، خلينا هنا واوعدك هنمشي في أقرب وقت
" مردش عليا و راح قعد على الكنبة،، عبدالله ساعتها اللي اتكلم
طب يا جماعة البيت بيتكو،، مش محتاج اقول يعني
" شاهر هو اللي رد عليه
طبعا بيتنا يا دودي مفيهاش كلام دي
= انت بالذات لا
دا بدل ما تقولي وحشتني
= ممكن تسكت لو سمحت
#بقلم : #عمرو_راشد
" قعدنا كلنا على الكنبة،، فضلنا ساكتين حوالي ربع ساعة لحد ما لقيت شاهر قال
اوووه مين دي؟
" عبدالله رد عليه وقاله
وانت مالك،، باصص في تليفوني ليه اصلا؟
= بس حلوة على فكرة
يا عم وانت مالك،، خليك في حالك لو سمحت
" تدخلت في الموضوع واتكلمت
هو في ايه يا عبدالله؟
" عبدالله كان لسة هيتكلم لكن شاهر قاطعه واتكلم هو
في صورة واحدة جامدة اوي هنا
" عبدالله اتعصب و رد عليه
شاهر بقولك ايه احترم نفسك
= انتي كلبة بتغيري،، أنتي حمارة تجيبي دباديب وتفركشي بعدها
انا داخل اوضتي،، تصبحو على خير
" شاهر مسك ايده
خلاص هسكت بس قولي بقا مين دي؟
= واحدة كدا اتعرفت عليها من فترة وحصل اعجاب يعني بس مش عارف اعمل معاها ايه؟
= انت بتقول ايه يا دودي،، دي اكتر فترة لازم تكون عارف هتعمل ايه فيها لان دي بداية الانطباعات عندها
بجد والله؟
= ايوا والله بجد،، فترة البدايات دي هي اللي بتسيب انطباع عند الشخص ف لازم تكون شخص كويس
انت بتفهم في الكلام دا يا شاهر؟
= طبعا
طب قولي اعمل ايه،، افتح معاها كلام ازاي مثلا؟
= بص ادخل اسألها انتي لابسة ايه دلوقتي؟
ما تحترم نفسك بقا ياعم
= يا دودي اسمع بقا،، البنات دلوقتي بتحب اللي يجيب من الاخر يعني جو الرومانسيات وكلام الحب دا زمن وفات خلاص
= يعني ادخل اقولها انتي لابسة ايه عادي كدا؟
عادي جدا،، وممكن كمان تطلب منها انكو تروحو البيت عندها
= لا كدا قلة ادب أوي
اصل الشقة هنا مش هتنفع،، يبقا عندها أحسن
= بس انا مش بتاع الكلام دا
يبقا البت دي هتروح منك كدا
= مش عارف والله يا شاهر،، طب افرض مثلا روحت ساعتها اعمل ايه؟
هتقولك تشرب ايه؟
= ساعتها طبعا ارد عليها واقول لا انا لسة مكلتش
لا هي كدا هتقوم تعملك مكرونة وبانيه،، احنا مش عايزين مكرونة وبانيه،، احنا عايزين حضن رومانسي
= جوعتني والله
هتقولك مثلا نفسك تحقق ايه في السنة الجديدة؟
= ارد اقولها اتجوزك طبعا
غلط،، انت تقولها عايز اجيب اطفال منك
= تفتكر هننجح؟
نفذ بس كل اللي قولته و ربنا يوفقك ان شاء الله والبت تسيبك
= أنا متفائل أوي
" مروان بص ليا وقالي
هو دا كدا المفروض هينقذنا من اي خطر صح؟
= ماهو احنا معندناش حل تاني يا مروان
انا لحد دلوقتي قاعد عشانك بس خلي بالك الوضع دا مش هيطول
" قام من جنبي ودخل الاوضة بتاعتنا وأنا بعدها دخلت وراه ونمت،، لكن ملحقتش انام لاني لقيت هارون بيصحيني
هند،، اصحي،، فوقي يا هند
" فتحت عنيا واتعدلت
في ايه يا هارون؟
= احنا لازم نمشي من البيت دا حالا
" لقيت مروان فاق وقام سأل بإستغراب
انت بتعمل ايه هنا؟
= مروان مش وقت الكلام دا خالص،، قومو معايا بسرعة
" خرجنا وراه للصالة لقينا عبدالله وشاهر واقفين و باصين على الشباك،، لما بصيت شوفت كائن ضخم جدا بيدور حوالين البيت،، بصيت ل هارون وقولتله؟
ايه دا يا هارون؟
= اللي انا حذرت منه،، اسمعو كلكو انتو تنزلو دلوقتي مع شاهر وانا جاي وراكو
" شاهر اتكلم ساعتها
يا جماعة يلا مفيش وقت
" في نفس اللحظة سمعت صوت انف*جار قوي جدا جاي من ناحية المطبخ،، هارون صرخ
يلا بسرعة
" نزلنا كلنا ورا شاهر لحد ما بقينا في الشارع،، بعدها بثواني هارون ظهر وسطنا وقال
دانوم محاصر البيت كله،، لازم نتحرك حالا
" رديت أنا عليه
طب هنعمل ايه؟
" لقيت هارون فرد جسمه في الهوا زي السجادة،، بعدها اتكلم وقال
اطلعي عليا انتي ومروان،، وعبدالله هيكون مع شاهر
" انا و مروان بصينا لبعض لكن هارون زعق فينا
يلا مفيش وقت
" مروان طلع على ضهر هارون وساعدني اطلع وراه،، أما شاهر فرد جسمه وعبدالله كان لسة هيطلع على ضهره ولكن وقف وقال
امي يا هند!!!،، أمي جوا
" هارون رد عليه
مينفعش ترجع يا عبدالله،، لو رجعت هتمو*ت
" عبدالله بدأ يجري ناحية البيت،، ثواني وكتلة نار نزلت من السما على البيت بالكامل وانفج*ر،، صوت انفجا*ر هز المكان كله،، اما عبدالله لقيته طار في الهوا من شدة الانفجار،، ساعتها شاهر طار ناحيته بسرعة قبل ما يقع على الأرض،، وفعلا عبدالله نزل على ضهر شاهر وطار بيه بعيد عن البيت،، واحنا و هارون وراهم،، بصيت ورايا على البيت والنار بتاكل فيه،، بصيت على بيت ليا فيه مليون ذكرى وفي لحظة كل الذكريات دي اتمحت وهي دي كانت المرة الأخيرة اللي اشوف فيها خالتي!!
