رواية أسيرة القاسي الفصل السادس عشر بقلم زهرة الربيع
ابرار وقعت على الارض بصدمه اما شافت ابن عمها كانت فاهمه انو لما اعتدى على اميره رافع قتلو فضلت بصالو بصدمه وزهول
محمد قرب منها وقال..وحشتيني...وحشتيني قوي يا ابرار
ابرار قالت بخوف..انت..انت ازاي عايش..ازاي
محمد قال ..دي حكايه طويله المهم اني عايش وانا وانتي هنفضل سوا
ابرار قالت بغضب..افضل مع مين يا حيوان يا مغت،صب انت ...وبعدين انا متجوزه روحني احسنلك قبل ما جوزي يعرف بغيابي
محمد ضحك وقال..لا مهو زمانو عرف بغيايك وبعدين انتي مش هتتجوزي غيري يا ابرار انتي ليا انا وبس ..انا رجعتلك بعد تعب علشان اخدك ونمشو من هنا ..هنعيش سوا ونتجوز..متخافيش من حاجه انتي اصلا مش متجوزه قانونا يعني ميقدرش يثبت جوازكم
ابرار قالت بغضب..انت بتقول ايه..انا صحيح معنديش ورقه تثبت جوازنا بس انا مراتو قدام ربنا..ولعلمك بحب جوزي رجعني حالا ويا دار ما دخلك شر
محمد بصلها بغضب وقال...انتي مراتي انا يا ابرار لولا الي عملو جوزك الحقير وصاحبو..كان زمانا متجوزين انا مش هسيبك ليه..مش هسيبك مستحيل
عند صخر قرى الرساله ونزل بغضب وخوف شديد وبقى بنادي على الغفر والمكان اتقلب بقى زي المجنون ومش عارف يتصرف ازاي
رافع جري عليه وقال...في ايه يا صخر اهدى الناس كلها بتسأل ايه الي حاصل
صخر قال برعب...ابرار..ابرار اختفت حد خطفها..فيه حد اخدها في دوشه الفرح
رافع قال بقلق..ايه ..ازاي..مالك ومات ودفنا هيكون مين يعني ..طب..طب مش يمكن راحت هنا ولا هنا
صخر قال برعب..لا لا ..مبتروحش مكان من غير اذني لا..اتخطفت انا متأكد وكمان لقيت الورقه دي..ودالو الورقه الي لقاها
رافع قري الورقه واتسعت عنيه بزهول و بص لصخر بحرج وحزن وقال...بس الورقه دي مبتقولش انها اتخطفت..دي شكلها هربانه يا صاحبي
بقلمي...زهرة الربيع
صخر مسكو من جلبيتو بشده وقال بغضب..انت بتقول ايه..هتهرب ليه..انا صالحتها وهيه مش زعلانه مني في حاجه انا متأكد.. متأكد ان الي خطفها قاصد يخليني مدورش عليها
رافع قال..طيب ..طيب اهدى شوفت عند ابوها مش كده
صخر قال بخوف..اول حاجه عملتها مش موجوده..هتكون فين..مين عمل كده..بص انا همشي وانت روح للرجاله ومتخليش حد يعرف
رافع قال بسرعه..هتروح فين انا لازم اجي معاك
صخر قال بزعيق..بقولك انت خليك علشان الناس ..ومشي بسرعه وطلع بعربيتو وهو مش عارف هيروح فين ولا هيدور ازاي كل الي في دماغو يلاقيها باي شكل
عند ابرار كانت قاعده مرعوبه وبتتمنى صخر يلاقيها بقت تبص حواليها عايزه تحاول تهرب منو وقالت..هو هو احنا فين هنا
محمد ضحك وقال..لسه زي ما انتي يا ابرار طيبه لدرجه الهبل..يعني متخيله اني هقولك احنا فين
ابرار اتنهدت وقالت..اسمع يا محمد خلينا نتفاهم..انت عايز ايه..فكره جوازنا دي تنساها وصدقني لو طلبت اي حاجه تانيه هعملهالك صخر نفسو لو طلبت اي مبلغ هيدهولك بس ارجع لعقلك ومتجبش لنفسك مصيبه
محمد قرب منها جامد وقال..كل المصايب الا مصبيبه بعدك يا ابرار انتي روحي
ابراربصتلو بغضب وقالت..اه بأماره الي عملتو مع اميره ولولا دخول اخوها كنت كملت بكل حقاره..حتى مش مهتم لحالتها ووضعها
محمد اتنهد وقال...سامحيني يا ابرار والله الحكايه مش زي ما انتي فاكره...انا يومها..يومها اصحابي ادولي برشام..احم..علشان دخلتنا..وقبلها بيوم قلت اجربو..اخدت حبتيه ..مكنتش اعرف انو بينسي الدنيا كده..والله اول مره اجربو ...دخلت المخزن لقيتها هناك انا حتى مبصيتش لوشها..كل الي كنت شايفو قدامي انتي...اقسم بالله ما كنت شايف غيرك
ابرار بصتلو بصدمه وقالت..انا..وانت..انت كنت فاكرها انا وعملت الي عملتو يا حيو،ان يا قذ،ر
محمد اتنهد وقال..خلاص بقى يا ابرار الي حصل..واهو اخوها لحقها الحمد لله..وصاحبو العبيط فاكر انو قتلني وكده خلاص هنبعد انا وانتي ونعيش براحتنا
ابرار قالت..محمد انت ممكن تكون غلطت غصب عنك بس لسه عندك فرصه تصلح الغلط ده رجعني لجوزي وانا هتوسطلك عندو.. صدقني لو لقاك مش هيرحمك هيخلص عليك
بس قاطعها محمد بغضب وقال..ده على اساس انك خايفه علي مش كده..اسمعي با ابرار انا مأمن نفسي كويس..انا كنت شغال مع واحد اسمو مالك ..كنت بجبلو اخبار صخر ورافع. وهو الي انقذني بعد ما رافع ضرب عليا نار..وقتها طلعني قبل الدفن...بس هو دلوقتي وقع مع صخر واتقتل .بس قبل ما بتقتل ادالي فديو..كان على اساس لو حصلو حاجه انشره وافضح العمده ..بس انا قولت ايه الفايده من كده ..انا اخليه معاي احمي بيه نفسي وطالما الفديو ده معاي مش هيقدر يقربلي متقلقيش
ابرار كانت بتسمعو بزهول وقالت..انت..انت كنت شغال مع مالك..يخربيتك ...ده مش هيقتلك ده هيشفيك.
ليه...ليه تعمل في نفسك كده
..وبعدين ..فديو ايه الي معاك ده
محمد قال بسخريه..فديو عسل...هيعجبك..شوفي كده وفتح الفديو
في الدوار كان الفرح خلص والمعازيم مشيو ورافع اخد عروستو على اوضتها وقال..حبيبتي..صخر معاه مشكله كده ولازم احصلو...خليكي هنا متتحركيش..مش عايز مشاكل معاه
اميره قالت باستغراب..ايه الي حصل يعني
رافع قرب منها وباس جبينها وبقى يبصلها كانو بيحفظ ملامحها وقال..الي حصل اني منحوس...مليش نصيب افصل معاكي وانتي قمر كده
اميره قالت ..ليه ..هو انا كل يوم بكون وحشه
رافع ضحك وقال...عاجبني العسل بقى ياخد بالو من الكلام..انتي انهارده قمر وقبل كده قمرين عمرك ما كنتي وحشه بس الفرق انهارده ان لاول مره هبقى معاكي على راحتي وانا مش خايف حد يشوفنا..واخيرا بقيتي ليا قدام كل الخلق..وكمان...بقالي كتير مشوفتكيش وكنت عايز ابات املي عنيا منك..بس هرجع على طول تمام
اميره هزت راسها بالموافقه وقالت بابتسامه..تمام...هستناك
رافع طلع ولسه هيمشي بصلها ورجع تاني حضنها جامد وقال بقلق...هاجي على طول..مش هتأخر ..هتنامي
اميره باستو من خدو وقالت...هستناك..حتى لو قعدت طول اليل
رافع ابتسم وقال..وانا مش هتأخر عليكي ومشي راح ورا صخر
عند صخر كان بيدور فى كل مكان ممكن تكون ابرار راحتلو لو صحيح هربت دور وسأل كل الي تعرفهم بس ملهاش اثر ورجع على الدوار ولم الغفر وقال..حد لاحظ حاجه غريبه في الدوار ..اي حركه اي شخص مشكوك فيه
بس الغفر قالو بخوف..لا يا باشا محسناش بحاجه
صخر بقى يزعق ويقول..انتو اغبيه..بهايم..ازاي مخدتوش بالكم ..ازاي اتخطفت وانتو موجودين
بس رافع نزل وسمعو اتنهد وشاور للخدم يمشو
صخر شد شعرو لورا وبقى رايح جاي وهو كتله من الغضب وخايف جدا
رافع بصلو بحزن وقال..اهدي يا صخر ..هنلاقيها ان شاء الله هنلاقيها
صخر فال بزعيق..هنلاقبها ازاي..ازاي بس ...انا انا هتجنن انا مش عارف حتى ادور فين..مش عارف اعمل ايه حتى الكاميرات مش مبينه حاجه همووووت يا رافع همووووت
رافع اتنهد بحزن وقال..طيب ..اهدى اكيد الي خطفها ده عاوز حاجه يعني ممكن يساوم او يطلب فديه او اي حاجه
رافع قعد على الكرسي بيأس وحزن وقال بدموع..يطلب اي حاجه..او يطلب كل حاجه حتي بس ترجع..لو جرالها حاجه مش هعرف اكمل من غيرها..انا..انا مش هعرف اعيش اصلا
رافع ابتسم بحزن وقال..بتحبها
بدل ماتدور وتبحث علي الروايات خليها علي تليفونك وحمل تطبيقنا
