 |
رواية من الجاني القضيه الثالثه 3 الفصل الثالث 3 بقلم محمود الامينصباح الخير النهارده الحلقة الثالثة من سلسلة قضايا من الجاني؟ أتمني منكم الدعم عشان نستمر .... أنا المقدم آدم الصياد مش محتاج اعرفكم بنفسي النهاردة جالنا بلاغ عن جريمة قتل في مستشفى كبيرة ومعروفة.. وصلت هناك والمستشفي كانت مقلوبة حرفيا.. كان فريق الطب الشرعي والمعمل الجنائي وصلوا وعرفت ان المجني عليه هو الدكتور سامح مدير المستشفى.. والجريمة تمت في مكتبه الخاص طلعت مسرح الجريمة وشوفته راجل في ال٤٠ من عمره واقع علي الأرض وفي جسمه طعنتين الاولي في منطقة القلب والتانية في منطقة الكلي خرجت من المكتب وطلبت التحقيق مع الدكاترة اللي كانوا موجودين في نفس الوقت وتحريات عن الدكتور سامح وهل كان ليه اعداء ولا لأ؟ وانتظار الطب الشرعي والمعمل الجنائي للفصل في التقرير والادلة ... اول حاجة وصلت التحريات... الدكتور سامح نجيب ٤٤ سنة.. مدير المستشفى من مواليد القاهرة الدكتور سئ السمعة في سنة ٢٠١٧ خرج براءة من قضية اعتداء علي مريضة ومحاولة مواقعتها.. وبعد الخروج حاول والد الفتاة قتله ولكن تمكن من الهرب من اسبوع واحد قام بضرب ايمن عامل المشرحة عشان مسمعش الاوامر واهانه امام زاميله .... اما مين كان موجود في نفس الوقت كانت الدكتورة سمر وفي عداء شخصي بينهم وكانت داعم للبنت اللي يقال انه قام بالاعتداء عليها ومن التحريات عرفنا ان الدكتور سامح عرض الزواج علي الدكتورة سمر قبل كده ورفضت .... طلبت مراجعة كاميرات المراقبة الخاصة بالمستشفى وبعد الفحص الكاميرات اوضحت دخول والد الفتاة اللي قام الدكتور سامح بالاعتداء عليها.. وكان اسمه فريد وفي نفس توقيت الجريمة اللي كان واحدة بعد منتصف الليل وده بعد ما اتعرف عليه طاقم المستشفي اتعمل ضبط واحضار للاستاذ فريد وحضر فعلا.. وبدأت التحقيق بيه _ استاذ فريد انت متهم بقتل الدكتور سامح مع سبق الاصرار والترصد _ انا مقتلتهوش رغم اني لو كنت شفته عايش قدامي كنت قطعت جسمه لحتت _ قصدك اي؟ _ انا فعلا كنت جاي عشان اقتله واغسل عاري بايدي لكن انا لما دخلت عليه لقيته ميت _ وانت بقا عاوزني اقتنع بالكلام ده؟ _ هو ده اللي حصل يا باشا _ تمام انتظرني بره ... دكتورة سمر _ حضرتك من المشتبه فيهم بقتل الدكتور سامح.. اي اقوالك؟ _ محصلش يا فندم.. انا مقتلتش حد هو اه انا كنت بكره الدكتور سامح عشان كان دكتور سئ السمعة بس مش لدرجة اني اقتله _ بس حضرتك وقفته ضده في القضية اللي كان هو طرف فيها _ ده طبيعي عشان ده الحق _ طيب بتشكي في مين؟.. مين ممكن يكون عملها؟ _ الله اعلم يا فندم _ تمام انتظري بره ... ايمن عامل المشرحة _ ايمن انت متهم بقتل الدكتور سامح.. ما هي اقولك؟ _ محصلش يا باشا.. أنا مقدرش اقتل _ بس حسب التحريات ان انت راجل صعيدي ولا يمكن ترضي بالاهانة _ منكرش يا باشا اني في اللحظة دي اتمنيت اقتله بس بعد ما هديت قولت خلاص والموضوع عدي خصوصا اني محتاج الفلوس يا باشا _ انتظر بره ... قعدت افكر شوية واحسبها مع نفسي.. لحد ما وصل تقرير الطب الشرعي والصفة التشريحية ورفع البصمات من المعمل الجنائي تقرير الطب الشرعي قال انه لا يوجد بصمات على سلاح الجربمة.. ولا توجد الا بصمة واحدة على باب المكتب وبعد مضاهاة بصمات المتهمين تم اثبات انها بصمة المتهم فريد ... تقرير الصفة التشريحية: بعد التشريح الجثة اثبت ان المجني عليه تعاطي كمية كبيرة من الكحول قبل الحادث بساعتين.. وان الطعنات الاولي بالقلب وقامت بتقطيع الشرايين والثانية بالكلي وقامت بايقاف عملها تماماً ... المعمل الجنائي: تم العثور علي تليفون المجني عليه وسلاح الجريمة بجانب زجاجة من الكحول فارغة ولا يوجد شئ اخر ... استنيت اقوال الشهود وكانوا اتنين.. حارس الامن كريم... والدكتورة صفاء وبدأت بأقوال كريم .. _ قولي يا كريم شوفت اي؟ _ شوفت ايمن عامل المشرحة بيدخل الاسانسير وكان بيعيط وبيكلم حد في التليفون وبيقول والله ما هسيبه غير لما اخد حقي منه.. بس مطولش يعني ربع ساعه ورجع _ طيب وبالنسبة لفريد.. _ شوفته دخل زيه زي اي حد داخل يكشف.. وسألني علي دكتور الباطنة ... دكتورة صفاء.. قولتي انه عندك اقوال عاوزة تقوليها _ اه فعلاً.. قبل الحادث بساعة سمر كانت في الدور اللي حصلت فيه الجريمة وشوفتها خارجة من الاسانسير وبتعيط ودخلت الحمام.. ولما سألتها قلتلي مفيش حاجه وانها كويسة ورجعت علي مكتبها وانا رجعت مكتبي _ اممم.. هل لديكي اقوال اخري؟ _ لا يا فندم ... انا خلاص جمعت كل حاجه وعرفت مين اللي عملها ومش فاضل غير اللي حصل في المكتب بالظبط.. تتوقعوا انتوا.. من الجاني؟ ... بطلب من الجميع توقع الجاني مش السيناريو من خلال الدوافع والاحداث الموجودة في القصة وانتظروني الساعة ٦ مساء اليوم مع حل القضية ... #محمودالأمين حل القضيه الثالثه من هنا |
تعليقات
