![]() |
رواية اسيرة عائلة القناوي الفصل الواحد والاربعون 41 بقلم يوستينا سامي#اسيره_عائلة_القناوي الاخيييييييييييييره🔥 في امريكاااااا و بعد معناااه لمراد وصل اخيرا المستشفي عند زين لكن متاخر اوووي لكن اول ما دخل اوضته شاااف الماذون قاعد في الاوضة و حاطط ايده في ايد عاصي مراد/ اي ده هو اي اللي بيحصل هنا ده 😳😳😳 عاصي ابتسم و بص لزين و غمزله / ادي يا عم مشكلة الشاهد التاني اتحلت اهي مراد بصدمة / لا والنبي ..ايه حوار الشاهد الثاني ده كمان زين وهو بيضحك وبيغمز لمراد بهزار / اصل انا بكتب كتابي على تمارا و عاصي واكيلها ، وكنا عايزين شاهد تاني مع معاذ فكويس انك جيت حمد لله على السلامه مراد كان واقف مش مصدق اللي بيسمعه وبيبص على تمارا اللي كانت واقفه جنب زين و ماسكه ايده الثانيه والفرحه مش سيعاها بس لاحظ ان تمارا ايديها ملفوفة بشاش .. مراد كان لسه هيتكلم عشان يفهم الحكايه لقه معاذ بيمسكه من ايده وبيدخلوا الاوضه و هو بيقوله /مش وقت تفكير نكتب الكتاب وبعدين نحكيلك كل اللي حصل يلا كمل يا شيخنا _____________________ _________________________ في الشقة عند نور و البنات في المطبخ كان كريم واقف بيبشر البصل و واسر واقف بيقلي البطاطس وعمال يعيط غصب عنه من البصل اللي كريم بيعمله اسر و هو ييعيط / ما كفاية بقى بصل يا كريم انا مابقتش شايف بعيني انا حاسس اني هدلق زيت عليا من غير ما اقصد كريم بغل كان بيمسح عينه بطرف كم التيشرت اللي لابسه / تستاهل عشان تبجى تعملي فيها شهم وتجولهم احنا هنچهز الوكل ،واكل ايه اللي نچهزه ده اني عمري ما عملت لحالي كوبايه شاي واحده اسر / يا عم انا مراتي تعبانه وحامل فبساعدها انا مالي بقي ان جميلة هتصمم تدخلك معايا .. طب والله يا ابني و ماليك عليا حلفان اني ما طايق وجودك .. ده حتي انت دخلتك شؤم كريم بغيظ رمى السكينه والبصل من ايده بعصبية / بجي اكده يا اسر الكلب ماشي اجف بجى لحالك وجهز الوكل ده كلاته وقلع المريله ولسه هيخرج لقه جميله داخله بتشرف عليهم وبتقول بشماته /. ايه ده انت خارج من مطبخ ليه مش لسه الاكل ما خلصشي كريم وهو بيجز على اسنانه و واضح انه متعصب جدا / بجولك ايه انا مليش في الدلع المرج ده وكمان اني ما بعملش واكلاني بعدي عن طريقي ما تطلعيش زرابيني عليكي بجي وبعدها عن طريقه وخرج من المطبخ و هو في قمة عصبيته .. جميله زعلت جدا منه بس لقت ملك بتحط ايدي على كتفها وبتقولها / الصراحه مايتعاشرش الواد ده و كمان قلاب وبيقلب مره واحده ، بس والله طيب وبيحبك قوي ما تزعليش هااا وبعدين البركه في استاذ اسر هيعمل الاكل كله لوحده وفجاه سمع صوت اسر وهو بيشهق و هو بيقلي البطاطس ملك بخضة / اي في اي يا اسر .. انت ولعت في روحك اسر / لا لا ما تخافيش انا بس بخض البطاطس عشان ماتتحرقش مني زي كل مره ملك رفعت حاجبها بغيظ وقالتله /والنبي ايه اسر بنفس رفعة حاجبها / والنبي اه بس لقه بوكس في كتفه من ملك وهي بتقوله / رعبتني يا اسر ربنا يو*لع فيك بجاز ... وبعدين انا عايزه افهم بصل ايه اللي بتعملوه ده احنا هنفطر اسر / بس يا جهله البصل ده عشان اختراع يا كوتش انا هعملكم بطاطس بالبصل بالفحم انما ايه هتاكلوا صوابعكم وراها ملك / ايه بصل بالبطاطس ازاي دي كمان!!!! نور اتدخلت في الحوار و هي بتضحك / يا ابني حد قالك ان احنا عايزين نبات النهارده كجماعه في المستشفى ... و بعدين انا مش عايزة يا اخويا اختراعات انا عايزة اكل اكل طبيعي اسر مسك الشوكة ووجها في وشها / هو انتي يا بنت انتي وهي داخلين تعدلو عليا وتتامروا كمان ، اطلعوا بره يلااا انا الشيف النهارده وانا اللي اقرر هناكل ايه يلا يا اختي بيتك بيتك مش كفاية طفشوا رجالتكم ...يلااا و طلعهم بره و بدا يكمل باقي الاكل في البلكونة كان واقف كريم بيشرب سجاره و لقه جميلة دخلت وقفت جمبه و هي مكشره جميلة / علفكرة انا لما قولتلك الصبح انك تجهز الفطار مع اسر كنت بهزر و عارفة انك هترفض بس انت وافقت .. طلاما الموضوع هيعصبك كدة و يخليك تقلب وشك دخلت ليه كريم بحده / يووه اني حر هو انتي هتحاسبيني ايااك جميلة ببهدوء / لا طبعا براحتك و سابته و خرجت و كريم من غله خبط ايده في السور / قال وكل قال _______________________ ________________________ في امريكا بعد ما تم كتب الكتاب زين حضن تمارا جامد و هي كمان بادلته الحضن ده و همست في ودنه بندم / حقك عليا يا زين ياريت ايدي كانت اتقطعت قبل ما احطلك حاجة تاذيك كدة زين و هو بيدفن راسه في رقبتها و بيتكلم بنفس همسها وكانه مش مصدق انها خلاص بقت بيه ايده / بعد الشر عليكي ، انتي لو جرالك حاجة انا مش هقدر اكمل في الدنيا دي .. انا بحبك اوي يا تيتو و بعدين انا وحشتني الوحمة اووي تمارا اتكسفت اوي و ضحكت غصب عنها ولكن قطع عليهم اللحظه ديت معاذ اللي كان بيضحك وبيقول / بصراحه انا بقالي كتير قوي مركز معاكم وسامع اغلب الحوار فخدوا بالكم عشان انا حاسس الموضوع بيتطور عاصي وهو بيضحك وبيحط ايده على كتف معاذ / طب مركز معاهم ليه راجل ومراته خلي عندك دم بقى وتعالى نخرج ونسيبهم وبص ناحيه مراد و لقاه بنفس الوضع واقف مبلم وفاتح بقه ومش فاهم اللي بيحصل ضحك وقاله/ ايه يا عم مراد هتفضل واقف مبلم كدة كتير مراد و هو لسه مزهول / انا والله العظيم مش عارف اقول ايه .. بس مبروك يا جماعه مبروك و عقبال البكاري يارب عاصي وهو بيضحك / عقبالك انت الوحيد اللي ناقص فينا يا ميمو مراد / اسكت متفكرنيش و بعدين مش كنت قولتلي ان زين بقي كويس و كمان بيتجوز علي الاقل كان زماني كتبت علي البت اللي قربت تخلل جمبي دي زين / احسن علشان انت واطي و مكنتش بتسال عليا مراد / اسم الله و انت ياض اللي بتسأل اوي .. ماشي يا عم بلا اي كلام بقي عاصي وهو بيقطع الاشتباك قبل ما هيحصل ما بينهم / بس انت وهو اللي فات مات ومش هنفتحه ثاني و كل واحد فينا كان معكوك في حوار اكبر منه والثلاثي بتاعنا دوت مش هسمح لحد انه يفرقه تاني مراد / والله احلى حاجه انك قلت ثلاثي مش رباعي عشان الكريم ده لو شفته هديله بالجزمه عاصي ابتسم / اممم لما نرجع هنشوف مين فيكم هياخد بالجزمه يلا بقى نخرج ونسيبهم يرتاحوا شويه مع بعض ولا ايه مراد رفع حجبه باستغراب وقال بتريقة / انت ليه محسسني اننا في بيتهم يعني ... احنا في المستشفى يا عم يعني وضع مش شاعري خالص و فتح الباب و خرج و حصله عاصي و معاذ اللي كانوا بيضحكوا عليه تمارا سندت راسها علي صدر زين و هي بتغمض عينيه بهدوء و لاول بعد طلاقهم تحس انها قادرة تتنفس منغير وجع قلبها اللي مؤخرا بقي ملازم ليها زين قرب و باس راسها / بت يا تمارا ما تجيبي بوسة بدل ما انتي مقضياها احضان كدة و راعي ان جوزك مريض و مش عارف يتحرك تمارا رفعت راسها ناحيته و هي مبتسمة ابتسامتها اللي هو بيعشها و قالتله بشقاوة / تؤؤؤ اللي عايز حاجة بياخدها بنفسه ، قرب انت زين و هو بيغمزلها / يا بت راعي اني متدغدغ ، قربي انتي و بكره الخير بتاعك هيتردلك و النعمة اول ما ابقي كويس تمارا ضحكت بصوت عالي علي كلامه و قربت منه و برغم كسوفها و ترددها الا انها باسته 🙈🔥 ______________________ _________________________ علي السفره كانوا قاعدين كلهم بياكلوا من الاكل اللي اسر عمله وكان عامل مسقعة و بطاطس بالبصل و الخضرا و الفحم و كمان عملهم فول اسكندراني نور باعجاب / واااو بجد وانا اللي كنت فاكراك فاشل ياض يا اسر .. لا ده انت طلعت طباخ عالمي اسر بثقة / عيييب يا ماما .. طب بذمة اهلك اي رايك في البطاطس دي جميلة و هي بتاكل من البطاطس/ تحفة بجد مش هزار ..طب دي احلي حاجة في الاكل تسلم ايدك كريم بغيره غشيمة رمي الملعقة من ايده/ اي تسلم يدك دي .. ما يكشي تتقطع يده و راسه كمان جميلة اتوترت اوي و اديته في رجله من تحت باحراج/ مقصدش يا كريم والله انا بتكلم عن الاكل كريم بحده / ماله الاكل يعني. ده حتي وكل ماسخ شبه .. واهووو كمان و قلب كريم طبق البطاطس و قام من مكانه و راح يغسل ايده ، اما جميلة وطت راسها بكسوف منهم من طريقة كريم معاها ملك / متزعليش يا جميلة ، هو كدة ثور براس انسان جميلة بزعل / ملك متقوليش كدة عليه , ده طيب اوي بس عصبي شوية نور و هي بتاكل/ يسلام يا اختي.. اهي حنيتك عليه دي هي اللي مخلياه سايق و مدلدل رجليه اسر/ بس يا خالتي اللتاتة هااا ..و انتي يا جميلة قومي شوفيه ، كريم طيب والله بس غيرته وحشة و كانت لسه هتقوم ملك مسكتلها السك*ينة ووجهتها في وشها / تقومي فين ... اقعدي يا بت بدل ما ارشق دي في كرشك ، يعني يبقي هو اللي مزعقلها و مبهدلها و تروحله ليه يا حبيبي بنتنا معندهاش كرامة اسر / ملك يا سرجة لميها بلاش خباثة ، احنا عايزينهم يكملوا مع بعض كفاية طلاق تاني في العيلة انا تعبت جميلة بتردد / لا ملك عندها حق .. دي مش اول مره يعملها و انا بقي المره دي مش هسكت تاني و قعدت جميلة تكمل اكل معاهم و مهتمتش بكريم خالص طول اليوم و دي حاجة كانت مضيقاااه اوي _____________________ _________________________ في الكافيه مراد بحده / لا ما انا مش هبقي عامل زي الفجلة اللي وقعت من حزمة الجرجير انا عايزه افهم ايه اللي حصل بقي معاذ ضحك جامد / يخربيت امثالك يا عم انت . مراد / استني انت يا عم معاذ انت التاني .. استاذ عاصي كفاية ضحك و فهمني ايه اللي صالح الشامي علي المغربي ده عاصي و هو بيضحك / ما هو انت لو اديتني فرصه هحكيلك كل حاجة .. مراد حط ايده علي بقه / اهووو يا ابيه عاصي ..يلا اتنيل احكي عاصي / بص يا ابني احنا اول ما وصلنا اتخانقوا مع بعض جامد وزين حرفيا كان موجوع قوي منها حاولت اهديه بس كان رافض ولما لقيت الموضوع صعب قوي كده قررت اني اخد تمارا واوديها اوتيل تقعد فيه بس لما رجعت اتصدمت ... فلااااااش باااااااااك اول ما رجع عاصي من الاوتيل اتفاجاه ان زين صاحي و بيزعق جامد في كل اللي موجودين انه عايز يخرج من المستشفى زين بعصبية / اوعوا انا مش هقعد هناا ...ابعدوا عن طريقي دكتور مساعد اللي كان متابع حالته كان اسمه وسام و كان من مصر / استاذ زين ممكن تهدي اللي بتعمله ده هياذيك .. صدقني خروجك دلوقتي هيضرك كتير زين بعصبية و حده / بقولك اي بلا كتير بلا قليل انا همشي من هنا يعني همشي عاصي دخل الاوضة و هو مصدوم و لقه ان في كتير من المساعدين و الممرضين واقفين علشان يمنعوه/ في اي .. اوعوا كدة مالكم محاوطينه ليه كدة زين بلهفة / عاصي كويس انك رجعت انا افتكرتك سافرت تاني , فين تمارا بالله عليك ما تكدب عليا عاصي بستغراب / تمارا! وديتها اوتيل تقعد فيه علشان ترتاح .. في اي ، اي حصل لكل التوتر ده زين / مش عارف يا عاصي .. اصل انا يعني .. عاصي / ايه ماااالك اصل اي ما تفهمني زين بتوتر و خوف / حلمت بيها وهي بتعيط و في حبل ملفوف حوالين رقبتها جامد عايز يخنقها و شوفتها و هي بتترجاني مسبهاش .. تمارا مش كويسة خالص يا عاصي و دموعه خانته و مسك ايد عاصي برجاء / انا حاسس بيها اوي اسمع مني تمارا مش كويسة بالله عليك كلمها انا عايز اطمن عليها عاصي اتوتر اووي و شك ان ممكن تكون حاولت تاذي نفسها و قال / طب انا هروحلها حالا بس انت لازم ترتاح هنااا زين بحده / لاااا انا عايز اشوف مراتي .. انا هاجي معاك انشالله اروح معاك علي كرسي بعجل يا عاصي عاصي/ مراتك ؟؟ . هو انت ممكن ترجع تمارا ليك زين بتردد / اه هنسي اللي حصل و هعيش اللي باقيلي معاها و في حضنها ، انا ضعيف اوي يا عاصي مجرد حلم اتخيلي اني خسرتها فيه كنت همووت ما بالك لو كان حقيقة . يلا نروح نشوفها بالله عليك عاصي كان فرحان اوي ان اخوه فاق بالسرعة دي و حضنه بحب ابوي مش اخوي ،لانه في اللحظة دي حس ان زين ابنه اللي بجد مخلفوش .. و لكن برضو صمم انه يروح لوحده علشان يقدر يروح بسرعة و لكن للاسف لما وصل الاوتيل اتصدم لما شاف تمارا كانت بتحاول انها تنت*حر و كأن حلم زين بيتحقق و كانت بتحاول تخنق نفسها لكن عاصي اول ما دخل الاوضة و شاف المنظر ده جري ناحيتها و شدها من علي الكرسي و ووقع بيها علي الارض عاصي بعصبية / اي ده ،اي الغباء ده انتي عايزة تمو*تي نفسك ، انتي متخلفة يا بت انتي ازاي تعملي كدة .. ازاي عايزة تنهي حياتك بايدك و تخسري اخرتك يا تمارا ردي عليا تمارا و هي بتعيط بنهيار و عيونها حمراا / علشان مافيش حياه هخسرها تاني يا عاصي ، انا كل حاجة ضاعت مني خلاااص .. انا قرفانة من نفسي اوي انا زين عمره ما هيسامحني ابدا .. و حتي لو سامحني أنا مش قادرة اسامح نفسي و قامت من علي الارض و مسكت دراعها بوجع لانها وقعت عليها و هي دموعها علي خدها و بصت لعاصي بندم و قالته / كل كلمة زين قالهالي و كان فاكر انه بكده بيعاتبني مكنش عارف انها سك*ينة بتغرز في قلبي ، كان فاكرني مش حاسة بوجعه و انا كل يوم بتوجع بيه عاصي بحده مسك دراعها / كل ده ميخشش ذمتي ببصلة .. مجرد انك تفكري انك تنهي حياتك دي كبيره اوي و لازم تخشي مصحة نفسية تتعالجي فيها يمكن تفوقي و ترجعي لربك .. هو مش زين ده اخويا و ابني اللي مخلفتوش بس انا بقولهالك اهووو مافيش مخلوق يستاهل انك تخسري اخرتك علشانه يا غبية تمارا شدت دراعهه من ايده و هي بتعيط و قعدت علي الارض و هي بتصرخ فيه بانهيار / انا اللي مش عارفة اعيش بذنبي يا عاصي و رفعت عينه و بصتله بحسرع / انا دمرت حياته يا عاصي انا كنت السبب في ان جوزي يدخل مصحة و تبقي حالته كدة و انا برضو كنت السبب في ان ابني يمو*ت قبل ما يشوف الدنيا علشان في يوم من الايام صدقت ماجدة و اعتبرتها امي .. اعتبرت الست اللي اتسببت هي و اخوها ان اهلي يموتوا كنت بقولها يا امي .. انت حاسس بوجعي ، حاسس بقهرتي انا مستهلش اعيش مستهلشي عاصي مستحملشي يشوفها بالمنظر ده و قعد علي ركبته قدامها و شدها لحضنه و كان بيطبط علي راسها و دموعه كمان للاسف خانته لكن حاول يتماسك و يبين ان صوته طبيعي / بس بس كفاية العبط ده . انتي حياتك غالية اوي يا عبيطة اهدي يا تمارا انا جمبك و معاكي.. اهدي ده حتي زين اللي جابني ليكي باااااااااااااااااااااك فاق عاصي علي صوت مراد و هو بيصفر بستمتاع / يا عيني يعني زين حس بيها انها بتحاول تن*تحر ، ياسيدي علي الرومانسية يا جدعاااان ..طب والله الواد ده فنان معاذ اللي كان قاعد ومتاثر جدا من الكلام اللي بيتقال ضحك غصب عنه على كلام مراد و قال / يخربيتك يا مراااد فصلتني يا اخي عاصي و هو بيضرب كف علي كف / سبحانك يارب ..شوف احنا متاثرين ازاي و هو بيفكر في اي عموما هديتها وجبتها المستشفى وزين اول ما شافها قرر انه يرمي كل حاجة ورا ضهره و صمم يكتب الكتاب .. بس انا هقوم اطمن علي نور جاتك نيلة عيل تافهه و قام عاصي و سابهم و مراد طلع هو كمان تليفونه / يسلام ..طب ما انا كمان هكلم لوكة حبيبتي هي جات عليا يعني ولا اي _______________________ _________________________ برا المستشفى عاصي/ وحشتيني اوي..اي بتعملوا اي نور و هي بتجهز الشاي/ وانت وحشتني اكتر يا قلب نور مافيش واقفة بعمل الشاي اصل العصابة كلها هنااا .. كريم و جميلة و اسر و رهف عاصي / اممممم يعني متسلية عندك و نسياني مش كدة يا عم انت نور / هو انا اقدر انساااك .. طب ده انا حتي ملحقتش اشبع منك قولي بقي هترجع امتي عاصي ببتسامة / شكلي مش هستحمل و هرجع دلوقتي اوبس نستيني مكلمك ليه زين اتجوز تمارا نور بصدمة / اي انت بتتكلم بجد والنبي عاصي بضحك / اه والله .. طلعوا بيحبوا بعض اوي و حصلت حاجات كتير اوي بس مش هعرف احكيلك دلوقتي اول ما ارجع بقي نور بفرحة / يا ما انت كريم يا رب .. لا ده انا هروح افرح العيال بقي ، بس الاول قولي هترجع بكره صح عاصي / كان علي عيني والله بس انا مش هعرف اسيب زين ، هو اينعم قدر انه يتناسي اللي حصل زمان و يرجع لتمارا بس انا عارف انه جوا جرح كبير اوي و مستحيل اسيب قبل ما اداوي الجرح ده نور ببتسامة بهتانة / برغم ان وحشني حضنك اوي بس زين اولي بيك في الفتره دي ... وفاجاه سمعت صوت ملك و هي بتضحك/ يا خرابي هي وصلت لحضنك يا قليلة الادب ... بقولك ما تقوليلي يرجعلي مراد يوم كدة اتجوزه و بعدها ياخده تاني نور ضحكت / يا بت بطلي تبقي واقعة كدة يخربيتك ملك / واقفة اي اتلهي ده انت واخداها زحلقة و شدت التليفون من عاصي و قالتله بغيظ / جرا اي يا عم كبير العيلة انت .. هو مش زين رجع لتمارا و انت رجت لست الحسن و الجمال بتاعتك ما تبعتلي الواد اتجوزه بقي عاصي و هو بيضحك/ هو مراد لحق يحكيلك ..والله ما بيتبل في بوقه فولة الواد ده .. و عموما اطمني هبعته يا اختي علشان يبقي معاكي يلا سلام دلوقتي ______________________ _________________________ بليل في البلكونة كانوا كلهم متجمعين يضحكوا و ياكلوا كيكة و لكن قطع سهرتهم دي صوت كريم الحاد و هو بيمد ايده لجميلة بحزم و بيقول / يلا بجي يا جميلة اني ورايا شغل كتير جوي و عايز امشي ملك بعند / لااا جميلة بايته معانا هنا انت بقى عندك شغل وعايز تمشي يبقى يا ريت كريم بحده / ايه عايز تمشي دي وبعدين مين جالك اني هوافج انها تبات برا بيتها انتي شكلك جرا خبل في عجلك . ملك بحده / الله الله هو احنا فينا من الغلط ولا ايه ، بس طبعا ما انت فارد ريشك علشان مراد مش موجود بس لما يرجع هتخاف قوي كريم ضحك بتريقه / يعني اني هخاف من الفرج لوز ده اللي اسمه مراد ليه هو انتي مخبراش مين هو كريم القناوي.... يلا جومي بينا يا چميلة جميله بصيتله بغيط / لا مش جايه معاك وانا كلمت ماما وقلتلها انا هبات هنا .. والله عايز تبات معانا اهلا وسهلا مش عايز روح لوحدك ملك ضحكت بخبث / ياه علي الكسفة اللي انت فيها يا حازم .. الصراحة شكلك بقي يكي خالص اسر وهو بيرمي المخده على ملك / بس يا سوسو ما تشعللهاش وانت يا كريم استهدي بالله و بات معانا كريم و هو موجه نظره علي جميلة اللي كانت مرعوبة من البصة دي و قال بحزم/ جومي معايا عايزك جوا .. جومي اتنفضت جميلة من صوته و قامت معاه المطبخ يتكلموا نور بزعل / علفكره بقي كريم ده ظالم و مفتري و بيستقوي عليها جامد و البت بجد غلبانة رهف بغل/ بت يا نور انا اخويا مش ظالم و لا مفتري نقي الفاظك بدل ما البسك طبق الكيكة ده في وشك هو اه اي نعم مخه ما بيشتغلش وبينطح زي الثور الهايج بس ما تشتمهوش انا بس اللي اغلط فيه ملك اخذت المخده اللي اسر رماها عليها ورميتها علي رهف وقالتلها / يا شيخه جاتك وكسة عليكي و علي اخوكي اسر بغل اخد المخده من علي رهف و رماها علي ملك / مراتي يا بت متضربيهاش .. هو مراد هيسافر و يسيبلنا بلوة ملك قامت وقفت بغيظ / جرا اي انتوا مش بتحترموني ليه اهااا يمكن علشان كتكوتي مش معايا بتستغله غيابه .. بس لااا وربنا لاروح اكلمه اخليه يجي يدور فيكم كلكم الضر*ب اسر و هو بيضحك / يا شيخة كتكوتك ده من ساعة ما ربنا تاب عليه و ظهرتي في حياته يا ملك و هو بقي انسان تاني خالص ملك بستغراب / يعني اي مش فاهمة اسر ببتسامة / مراد ده مكنش في قلبه رحمة بحد كان بيبقي عنده استعداد يقهر و يوجع اي حد ممكن بس يقف في طريقه .. ياما رفد ناس موظفين و شردهم بس علشان كسروا كلامه وصل لمرحة ان انا كنت بخاف منه .. اقولك علي سر برغم كل القسوة اللي كان فيها زمان دي الا ان كان في حاجة واحدة بس متغيرتش ملك / اي هي يا اسر اسر / انتي يا ملك .. في عز وجعه كان يدخل المرسم بتاعه و يرسم فيكي و يتخيلك لما كبرتي كان بيصعب عليا اوي انا اساسا حبيتك من كلامه عنك علشان كدة اول ما لقاكي رمي كل حاجة و بقي زي ما انتي شايفة عبيط ملك دمعت بفرحة و قامت وقفت بحماس. / طب اما اروح اكلم العبيط بتاعي يا جماعة قامت ملك ع اوضتها وقعدوا كلهم يضحكوا عليها وفي نفس الوقت في المطبخ كريم / انا عايزه افهم بجى ليه من صباحيه ربنا لابسالي وش الخشب ده جميله بزعل / انت كمان اللي بتسال .. كريم انت بجد ما بتشوفش انت بتعاملني ازاي كله زعيق ومن غير ما اعمل حاجه .. طب ليه كل ده كريم / مهما حصل بينا يا جميلة مينفعش تجفي جصادي اكده و تجوليلي لاه مانيش جاية معاك .. لو في حاجه مزعلاكي جوي اكده مني يبجى هنتكلم فيها في بيتنا واحنا بابنا مجفول علينا جميله بزعل / طب ما قلتش لنفس الكلام ده ليه وانت بتزعقلي على السفره قدامهم كلهم وقبلها في المطبخ . ليه بتحلل لنفسك انك تكسفني و تهيني كدة و كانك عايز تقلل مني و خلاص كريم بصدمة/ اني اجل منيكي انتي .. كل ده علشان غيرت انك بتشكري في راجل غيري حتي لو كان حديدك عن الوكل و قرب ناحيتها و حضنها بغيره/ اني بحبك جوي والله يا جميله وغصب عني مش بعرف اتحكم في غيرتي دي لكن والله مابيبجي جصدي اجل منيكي واصل ده انتي حتة مني حد برضك يجل من روحه جميلة فرحت بكلامه اوي و كالعادة عرف يحتويها واخذها وروحوا .. وحد اليوم وكان سعيد على كل الابطال الحمدلله 😘🙈 _____________________ ______________________ و وبعد تقريبا اسبوع في الفيلا بتاعه عاصي كانت فاطمه قاعده تتكلم في التليفون بعد ما نزلت شغل في شركه وقررت انها تعتمد على نفسها امها بحده / الله الله بجاتى طول اليوم قاجده اكده جدام المحمول الهباب ده وكل ما اكلمك تجوليلي بشتغل .. فاطمه قفلت التليفون وبصيت لوالدتها وقالتلها / ايه يا ماما انا فعلا بشتغل عايزه اجمع قرشين كويسين علشان اعرف اجيب بشقه ...لاني بصراحة مش عايزة افضل هنا في الفيلا لانها مش من حقنا امهاا / جرا اي يا بنت انتي .. انتي من ساعه ما نزلت الشغل وانت معوجه عليا اكده ، و البعيدن الفيلا الحلوة جوي دي هتبجي بتاعتك يا خايبة اول ما عاصي يرچع و تتجوزوا فاطمه قامت من على الكرسي و لمت الورق في ايديها وتليفونها قالت / بس انا عمري ما هتجوز عاصي لانه مش ليا وعلى فكره بقى عاصي رجع لنور علشان متتامليش كتير يا ماما و انا عمري ما هقابلك اكون ضره امها بصدمة / يا حوستي السودة ،اني كنت عارفة ان البومة دي هتفضل اكده تلف وراه لحد ما ترجعله بس لاااه وحياه امها ما هخليها تتهني بيه و هتتجوزيه انتي كمان هو مش انتي بتحبيه با موكوسة فاطمة بوجع / اه حبيته حبيته جامد جدا بس هو مش نصيبي وانا بقى مش هعافر مع القدر عشان اخده .. كفاية كدة بقي و علفكره عاصي كلمني من فتره و قالي انا اسف انا حاولت انسى من نور بس ما عرفتش .. افهمي يا ماما عاصي بيعشق نور ده باع كل حاجه عشان خاطرها هي وانا مش هقدر اخده منها حتى لو على حساب مصلحتي وسابتها فاطمه ودخلتها تكمل باقي شغلها اي نعم فاطمه ما نسيتش عاصي بس لما نزلت الشغل وقررت انها تعيش لحياتها بدات تتناسى وده اول مرحله العلاج ..انك تتناسي لحد ما ربنا يقويك و تقدر تتعافي 🤝 تفتكروا فاطمة ممكن ربنا يعوضها بحد 😭💕 ______________________ ________________________ بعد حوالي أسبوعين كمااان مراد كان رجع و كتب كتابه علي ملك و قرروا يعملوا فرحهم اول ما زين يرجع من امريكا بعد ما يتعافى تعالوا بقي اخدكم للمستقبل يلاااااا😂😂❤️ بعد مرووووووووور حوالي عشر سنيييييين كان كريم و اسر مكملين شغلهم في دبي مع بعض في شركتهم اللي كبرت بتعبهم و اصرارهم و بقوا من الرجال الاعمال اللي معروفة و كريم و جميلة خلفوا ولد اسمه علي و بنت اسمها جميلة و ده كان طلب كريم ☺️ اما اسر خلف هو ورهف ولدين خالد و رامز في فيلااا كريم 🔥 وهو شايف جميلة بنوته / ما تيلا بجي يا جميلة اكده هنتاخر علي ميعاد الطياره جميلة و هي بتلبس الجاكت / خلاص يا كووكي لبست والله اهوو كريم بحده / برضك كوكي دي .. جميلة الصغيره و هي علي ايده قعدت تضحك / بابا كوكي كريم بغيظ / عجبك اكده .. اهي سمعتك و اكيد هتجول لفارس ولد عاصي و هيمسكوها عليا ذلة جميلة قربت من كريم و باسته من خده بخبث و هي بتغمزله بجرائتها / خليهم يفتنوا علي البوسة دي كمان .. يلا انا هشوف علي و هاجي و دخلت اوضة علي و اتفاجات بيه بيحط صوره فرح بنت مراد و ملك في محفظته جميله و هي بتشق بصدمة / يا خرابي عليك .. قولتلك مراد لو شافك هيعمل منك بطاطس طلع الصوره دي حالا علي بعصبية / يووه دي صوره يا ماما مافيهاش حاجة و بعدين مراد ده رخم اوي لانه عارف اننا بنحب بعض بس بيقف في طريقنا جميلة حطت ايديها علي بق علي / اشش و حياتي عندك عدي الاجازة دي علي خير ده ابوك و مراد اساسا بينهم مصانع الحدادين .. وحياتي عندك بلاش نولعها الاجازة دي و انا وعد مني هخليكم تقعدوا تتكلموا مع بعض بس يلاا و اخدته جميله و طلعوا علي المطار علشان اسر و رهف و ولادهم كانوا سبقوهم ____________________ ________________________ في المطار رامز ابن اسر الكبير / انا مش فاهم حقيقي هو كريم ده مواعيده ليه فستك كدة اسر / اي .. مين الواد ده رهف خبطته في كتفه / لم نفسك يا رامز انا بقولك اهو و بعدين اسمه خالو مش كريم رامز/ يوووه انا ماليش في جو الالقاب بتاعتكم دي و بعدين ما تقولي لاخوكي هو اللي يلم نفسه بقالنا في المطار ساعتين مستنينه هو وابنه الرخم ده خالد هو قاعد ع شنطه السفر وهو بيلعب / الصراحه رامز بيتكلم صح انا لو منه نمشي ونسيبه اه كله الا التزام مش كده برده يا بابا اسر بص لجميله وهو بيضحك / العيال بيسخنوني على خالهم وربنا العيال دي ما شافت تربيه وبعدين نسيبه ونمشي اي انتوا ليه ما حسسنس ان احنا مسافرين جمصه اذا كان ميعاد الطياره اصلا لسه مجاش رامز / الصراحه بقى كده يا اسو انا مش عايزه ارجع تاني انا حابب القاعده في مصر قوي انا بحب فارس واد كدة جدع و فرح كمان لكن علي ده رخم ده حتى لما بنحاول نلعب مع جميلة اخته بيمنعنا خالد بحماس / ايوة يا بابا و ناخد جميلة معانا كمان اسر مسكهم من قفاهم/ حرام عليكم خربتوا بيتي ده احنا بنسافر مصر اكثر ما بنقعد هنا ده انتوا حتى بقيتوا شبه مراد بقلة أدبه من كتر ما بتقابلوه واخلصوا بقى خالص عشان كريم وصل وعلى الله تتخانقوا مع علي سامعين وفعلا اتقابلوا وفضلوا قاعدين مع بعض شويه لحد ميعاد الطياره .. _____________________ ___________________________ في فيلاااا كبيره في التجمع كان عايش فيها مراد و ملك و عاصي و نور عاصي و نور اللي خلفوا فارس وده ابنهم الكبير وبعديها خلفوا حياه ودي تبقى عشق عاصي ومراد كمان من كتر ما هي دمها خفيف ورقيقه جدا وبيخافوا عليها اما مراد و ملك خلفوا فرح و ساره وبيغير على بناته جدا بطريقه صعبة بس فرح بنت ليها راي تاني لانها بتحب علي جدا و ده موضوع بيغيظ مراد جداا في الجنينة 💕 فارس بعصبيه / ما ليش دعوه يا مراد انا قلتلك ان انا عايز اركب الخيل و يرقص كدة بيا .. وبعدين انت وعدتني خليك مره بقي قد وعدك يا راجل انت مراد بصدمه / يا راجل انت ولا انا عمك يلا ، كلمني بادب وبعدين ابوك اللي رفض وبيقول قال ايه يمكن تقع من عليه رقبتك تتكسر ونخلص منك يا لمض فارس قرب من مراد ومسكه من هدومه وقاله / بعد كده يا ميمو ماشي بس خليك فاكرها ،. اصل طنط ملك هتعرف النهارده ان في واحده كلمتك من الشركه قال ايه عارف تقابلك في مطعم وقبل ما يمشي مراد مسكه من هدومهم و باسه من خده وقاله / يولع عاصي و اللي عايز يرضيه اساسا ..و بعدين ده انا جبتلك الخيل اللي نفسك فيه ومش بس هخليه يرقص معاك ده اما هبيته في حضنك كمان .. بس وحياه امك الغاليه بلاش تقول لملك دي نكديه وانا مش ناقص فارس وهو بيعدل هدومه بتناكه شبه ابوه بالظبط / هفكر اما اروح اشوف حياه بتعمل ايه عشان بصراحه مش متربيه ممكن تكون بتكلم ولاد و انا بقي دمي حامي مراد/ جدع ...بتقول علي اختك مش متربية ده لو عاصي سمعك هيعملك سيخ شاورما و انا اول واحد هاكل منه يا جزمة و قبل ما يتحرك اتفاجاه بملك بتحضنه من ضهره لانها كانت لسه راجعة من الشغل / وحشتني اوي شوفت متاخرتش ازاي مراد لفلها و هو بيبصلها بعتاب / حبكت يعني مستشفى النهاردة هو انتي مش عارفة ان كلهم جاين علشان عيد الميلاد ملك بدلع / يا ميمو مهو مافيش حد جيه اهوو .. خلاص بقي يا روحي انت متكلضمش اوي كدة ميهونش عليا تكشيرتك دي مراد بخبث/ طب ما تحاولي تفكيها انتي بقى .. يلاا احسن انا مضايق اوي و عايز حد يصالحني و لسه بيقرب منها بس ملك حطت ايديها علي صدره/ بس يا مراد البنات ممكن يشوفونا و انا مش ناقصة فضايح وحياتي عندك مراد و هو ببغمزلها / بس كدة ...تعالي يا قلب جوزك الاوضة اهي ستر و غطا علينا برضو و ضحكت ملك علي مراد اللي من ساعة ما اتجوزوا و هو حبه ليها متغيرش بالعكس زاد مع وجود الولاد بينهم ، و اتاكدت انها اختارت صح ..صح اووي _____________________ ________________________ في اوضة نور كانت مثبته عاصي قدامها على السرير وبينقي معاها الفستان اللي هتلبسه النهارده في حفله العيد ميلاد بس ما كانش في حاجه داخله فيها لانها حامل ثالث مره وهدوم كلها ضاقت نور بعصبية رمت الفستان/ يوووه برضو مش قافل انا زهقت اووي يا عاصي .. انا بقيت شبه الكورة اللي بتدحرج ..حتي فارس بيقولي اني تخنت عاصي رفع حاجبه بغل / فارس قالك كده طب وحياه امه لانفخه ..و بعدين ده عيل حمار و قرب ناحيتها و بدا يحرك ايده علي دراعها بحب و هو بيهمس في ودنها / مافيش الكلام ده .. طب ده انتي احلويني لما ادورتي كدة و بقيتي قمرين و بعدين لو علي الهدوم انزل معاكي تنقي اللي نفسك فيه كله نور لفت ايديها حوالين رقبته/ بجد يا عاصي هو انا لسه حلوة عاصي قرب من شفايفها بمكر / تؤ احلويتي يا قلب جوزك بقولك اي هي مش الدكتورة سمحالنا ما تيجي بقي ووطي عاصي و شال ملك علي دراعه و حطها علي السرير و هي معترضة و بتضحك جامد/ يا غشيم العيد ميلاد مش هينفع عاصي و هو بيقرب ناحيتها / و هو انتي يعني شايفة في حد وصل . خلينا احنا هنا في مهمتنا الاساسية تعالي بقي احسن ده انتي وحشاني اوووي اوووي احم اححممم 😂☺️ ______________________ __________________________ اما في المطار كان زين و تمارا وصلوا من امريكا و معاهم بنتهم اللي عندها خمس سنين تاليا . لانهم بعد ما اتخرجوا هما الاتنين و قرروا يبدوا شغل هناك و ده لان زين كان صعب يرجع تاني يعيش في مصر و الحمدلله ربنا كرمه و قدر يفتح مشروعه الخاص بعد ما عاصي دخل معاه شريك علشان يومله براس مال .. و مع انه بعيد الا ان علاقته باخواته بقت اوي بكتير من الاول تمارا بتعب / اخيرا وصلنا مصر . انت مش متخيل البت ملك و بناتها وحشوني ازاي يا زيزو زين وهو بيحط الشنط في العربيه / والله العظيم ومراد وعاصي وعيالهم وحشوني قوي ...و الواد فارس بلماضته دي تاليا و هي ماسكة عروسة في ايديها / ايوة بس خالد ابن عمو كريم وحشني اكتر.. يااه اخيرا هشوفك يا خالد زين بصلها بصدمه وشالها من مع ارض و باسها من خدها وقالها / بتعلقي الواد يا اوزعه يا صغيره .. ماشي يا اختي ما ده اللي ناقص يلااا اركبوا و اتجمعوا كلهم في الفيلا علشان خاطر عيد ميلاد عاصي وفارس اللي مولود في نفس يوم عيد ميلاد ابوه و بقي عاصي يحتفل بيه مؤخرا ويصمم ان كل اخواته يبقوا حواليه وكانه بيعمل حجه عشان يجمعهم كلهم في نفس الوقت ومش بس هما و معاذ صاحب زين كمان بيبقى معاهم وفاطمه اللي اتجوزت مديرها في الشغل فعلا اتجمعوا كلهم بالليل عشان يحتفلوا بعيد الميلاد وكان يوم حلو جدا وكالعاده تاني يوم الصبح عاصي ومراد وزين راحوا المقابر علشان يقروا الفاتحه لصفصف في المقابر 😭🙈 عاصي و هو بيتكلم في سره / عارف انك كنتي زعلان مني اني فرقتكم يا صفصف ، بس اهو قدام عينك رجعنا تاني ياما اقوي من الاول .. عيالك متفرقوش و غصب عنه عينيه دمعت بس لقه زين بيحط ايده علي كتفه / الله يرحمها .. مش يلا بقي العيال مستنية الخروج اللي انت واعدهم بيها مراد بعد ما خلص قراية الفاتحة بصلهم و قال / العياط ملوش لزوم هو احنا نبيجي نفرحها بلمتنا و لا جايين ننكد عليها يا جدعان ..ما توحدوا الله عاصي ابتسم / لا يا اخويا انت و هو انا تمام ..يلا بينا و خرج عاصي و اخواته من المقابر و هو حاطط ايده علي كتف اخواته استووووووووووب يااااااه اخيرا و بكده اقدر اقول تم بحمد الله خلصت قصتنا❤️ و متنسوش تدعوا لاخواتنا في فلس طين ان ربنا يقويهم،و يرحم شهدا*ئهم 🙏💕 الرسالة دي هتفضل تتكتب و هنفضل ندعي انهم يتحر*روا لمتابعة روايات سكيرهوم زوروا قناتنا على التليجرام من هنا |
رواية اسيرة عائلة القناوي الفصل الواحد والاربعون 41 والاخيره بقلم يوستينا سامي
تعليقات