 |
رواية من الجاني( حل القضيه الثانيه 2)بقلم محمود الامينمساء الخير علي الجميع حل القضية من الحلقة التانيه من سلسلة قضايا من الجاني؟ ... بدأت اجمع الدوافع والادلة قدام عينيا مصطفى هدد أخته انه هيرفع عليها قضية حجر ولو رفعها وهي في سنها ده بجانب انها بتاخد ادوية مهدئة وحالتها النفسية مش كويسة هيكسبها وساعتها كل فلوسها هتروحله يعني لو فكر في قتلها واتكشف هيتسجن او هياخد اعدام كمان طيب عبد الباسط راجل كانت الست بتساعده وواقفة جمبه عشان ظروفه المادية الصعبة وعشان مرض والدته بس في نفس الوقت والدة عبد الباسط كانت محتاجة عملية خطيرة جداً ولما لجأ للست نورهان رفصت بس كان اي الحوار اللي دار معرفش هو قال رفضت وبس يعني علي الاقل مش هنستبعده في سرقة العقد وممكن يكون قتلها ليه لأ ... ناجي بقا لجميلة اللي الست نورهان كانت بتعملها وحش من الاساس وكانت عاوزة تمشيها من الشقة لكن هي كانت صابرة ومكملة يمكن عشان لقمة العيش ونزولها في وقت الجريمة كانت بتحاول بيه تبعد عن الشبهات بس الغريبة ان فنجان القهوة اللي الست نورهان شربته كان مغسول ومحطوط مكانه في المطبخ لكن جميلة ممسحتش بصماتها من علي كنكة القهوة وعشان كده هي المتهم رقم واحد.. جبناها وبدأ الضغط عليها عشان تعترف _اتكلمي يا جميلة انتي اللي عملتي القهوة للست نورهان وحطيتي فيه المخدر وسرقتي العقد ونزلتي من باب العمارة في نفس وقت الجريمة لحد ما الست تشرب الفنجان وتروح في سابع نومة وبعدها دخلتي من الباب الخلفي للعمارة خنقتي الست لحد ماتت وطبعا كنتي مظبطة مع حد بره يتصرفلك في العقد ورجعتي نزلتي تاني من الباب الخلفي للعمارة ورجعتي بعد ساعة عشان تبعدي عنك الشبهات _ انا اه سرقت العقد بس مقتلتهاش واه انا اللي خدرتها لكن والله منا اللي قتلتها _ اومال مين يا جميلة؟ _ عبد الباسط هو اللي قتلها انا هقول كل حاجه في يوم عبد الباسط جيه للست نورهان وهو بيعيط ومنهار وطلب منها ٢٠٠ الف جنيه عشان والدته داخلة عملية خطيرة جداً لكن رد الست نورهان عليه كان اهانة عشان قلتله ( بقا انت يا جربوع جاي تطلب ٢٠٠ الف جنيه هو انا عشان وقفت جمبك وبساعدك هتنسي نفسك وتطمع فيا لا يا حبيبي انا ممكن امسح بيك الارض واقطع عيشك.. صحيح البجح بيعيش علي قفا المكسوف.. اطلع بره مش عاوزة اشوف وشك تاني ولا حتي بالصدفة ولو شوفتني تبص في الارض فاهم بره) عبد الباسط متحملش الاهانة وفي نفس الوقت كان عارف انها بتعاملني وحش بدأ يلعب في دماغي عشان اساعده ينتقم منها وفي نفس الوقت يسرقها ويعالج والدته.. الشيطان لعب في دماغي وخلاني اوافق ودليته علي العقد بتاعها جبلي مخدر وطلب مني اعملها القهوة واحطلها المخدر ده واسرق العقد وانزل من الشقة.. لكن اخوها وصل ومعرفش اي اللي جابه دلوقتي روحت لواحد دلني عليه عبد الباسط وقلي هيتصرف في العقد وهيجبلنا فلوس.. اخوها مطولش عندها لقاها نايمة ومعرفش حصل اي فوق وبمجرد ما نزل طلع عبد الباسط وعادي انه يطلع يشيك علي الاسانسير عشان ساعات بيعطل ودخل الشقة وخنقها بالسلك وكتم نفسها وانتقم لكرامته اللي داست عليها الست نورهان وبعدها رجعت انا الشقة واتصلت بالاستاذ مصطفى اللي جيه ولما شاف اخته عمل عكس المتوقع بلغ الشرطة عبد الباسط قلي اخوها عايز ياخد منها كل حاجه وما هيصدق انها تموت.. مكنتش عارفه اني هتكشف بس انا خدرتها بس والله خدرتها بس وسرقت لكن هو اللي قتلها هو اللي قتلها ... اتقبض علي جميلة وعبد الباسط بتهمة قتل وسرقة الفنانة نورهان وهما الاتنين في انتظار حكم الاعدام ... انتظروني في حلقة جديدة من سلسلة قضايا من الجاني؟.. يوم الاحد القادم ان شاء الله ... #محمودالأمين الفصل الثالث القضيه الثالثه من هنا |
تعليقات
