رواية تحدي مع الشيطان (هنا وحاتم ) الفصل السابع والعشرون والاخيربقلم زهرةالربيع
اول ما دخل وامال شافتو قامت بفرحه جريت عليه حض*نتو وهي بتقول بسعاده..سليم ..يا حبيبي وحشتني يا قلب امك كده يا سليم تعمل كده كل دي غيبه يا حبيبي
سليم كان حا*ضنها بخوف وقال...وانتي كمان يا امي والله وحشاني وبعد عنها وقال بخوف ..حاتم مالو يا امي جرالو ايه ردي عليا ارجوك متخبيش عليا
امال قالت باستغراب ...حاتم...مالو حاتم
هنا ادخلت بمقا*طعه وقالت بدموع..ده تعبان جدا والله ياسليم مش عارفه اذاي تعب كده الدكتور قال انو بيموت
امال بصتلها بزهول وسليم قال بخوف..ايه السيره دي ياهنا ان شاء الله هيكون بخير
هنا ببكا ..لا ده مش كويس خالص وتعبان وشكلو هيموت بجد زي ما قال الدكتور
سليم بصلها بعصبيه وقال..وبعدين ياهنا انا قولتلك هيكون بخير هو فين دلوقتي
هنا ...فوق في الاوضه اطلعلو
سليم طلع جري على اوضة حاتم وهنا حض*نت ندى بفرحه وسط زهول امال الي مش فاهمه حاجه
ندى قالت ...هنا ..هو حاتم فعلا تعبان ولا دي حركه من حركاتك علشان شكلك مبيقولش انو تعبان
امال فهمت لما ندى قالت كده وبصت لهنا...وقالت ليه كده بس يا هنا تخضيه كده يا حببتي
هنا بابتسامه..وانا عملت ايه بس مهو حاتم تعبان فعلا ده بقالو شهرين شبه مش بياكل ولا بينام
سليم بقى دخل اوضة حاتم لقاه نايم على السر*ير قعد جمبو ومسك ايده وقال بدموع...حاتم ..حاتم يا حبيبي قوم
حاتم فتح عنيه بنوم وقال..بس يا هنا عايز انام شويه وانبي سبيني
سليم ابتسم بدموع وقال..ده انا يا حاتم ..انا سليم
حاتم قام قعد بفرحه وزهول وهو مش مصدق نفسه فرك عنيه خايف يكون حلم وتفاجأ لما شاف سليم قاعد جمبو
حاتم بفرحه ودموع...سليم ..انت ازاى.. انت جيت فعلا
سليم بابتسامه..يا حبيبي مانا قدامك اهو
حاتم حض*نو بشده وهو بيقول..الحمد لله انا كنت بدعي ربنا يهديك وترجع يا سليم انا مكنتش عايش من غيرك كنت تعبان جدا انا تعبت اوي يا سليم و
قا*طعو سليم وقال..تمام ياحاتم انا هنا دلوقتي جمبك اهو بس عايزك تحكيلي ايه المرض بالظبط وان شاء الله خير انت متيأسش هتكون بخير صدقني
حاتم استغرب من كلامو ...مرض ...مرض ايه
سليم بحزن..مفيش داعي تخبي عليا يا حاتم انا عرفت هنا قالتلي وحكتلي كل شيئ
حاتم باستغراب اكبر...قالتلك ايه انا مش فاهم حاجه ماانا قدامك اهو كويس وبخير مالك يا حبيبي انت تعبان يا سليم
سليم فكر شويه وفهم الموضوع على طول لان هنا متعوده على الحركات دي قال بضيق...يعني انت كويس ومش تعبان وطبعا لا كشفت ولا فيه دكتور والموضوع كلو بطاطا
حاتم ...انا صدقني مش فاهم اي حاجه
سليم ..امممم لا تمام مش شرط تفهم عن اذنك بقى علشان هتدفن مراتك انهارده ومحتاج تريح قبلها
حاتم باستغراب..ليه هيه هنا قالتلك ايه
سليم بعصبيه..قول ما قلتش ايه دي سيبت روكبي قطعت الخلف قالت حاتم كشف والدكتور قال مرضو خط*ير وهيمو*ت يا تلحقو يا متلحقوش ممكن يكون مات على ماتوصل خلتني كنت هتجنن
حاتم كان بيسمع بزهول وبعدها اتفتح في الضحك وقال وهو بيحاول يسكت لان سليم كان متنرفز...وانت بتاخد على كلام المجنونه دي بس والله احسن شيى عملتو بجد
سليم بضيق..لا والله بس انت معاك حق انا باخد على المتخلفه دي هيه اول مره تعمل عليا تجارب مره كانت هتمو*تني مخنوق ودلوقتي مجلوط
حاتم حض*نو تاني وقال ..اوعى تسبني تاني يا سليم والله انا مش عارف الايام الي فاتت عدت ازاي
سلبم صعب عليه وهو كمان كان محتاج يفضل معاه ومش عارف يعيش من غيره رغم الخوف الي مر بيه بسبب مقلب هنا لاكن كان مبسوط انو طلع كد*ب وان حاتم بخير بادلو الحضن وقال...لا يا عم خلاص مش همشي وانا مستغني عن الي باقي من اعصابي امشي تاني علشان مراتك تجيب اجلي
حاتم ضحك وقال....بس برافو عليها
سليم ...طيب انا على العموم هعرف اردلها الي بتعملو فيا ده بس قولي انتو ايه اخباركم سوا
حاتم عمل نفسو مش فاهم وقال..احنا كويسين مالنا ما احنا تمام
سليم بخبث ...اممم بتتهرب قال يعني مش فاهم طب هسألك على طول علشان تفهم نم'تو سوا ولا لسه اخوات خوات
حاتم بزهول من وقا*حتو..يا بني ايه الي انت فيه ده حد يسأل حد سؤال زي ده
سليم ..اولا انت مش اي حد انت اخويا ثانيا رد ومتعملش عبيط
حاتم بحرج..لسه
سليم باستغراب...يخربيت اهلك ليه يا ابن الخا'يبه
حاتم بضيق...متلم نفسك ياض ومتنساش اني اخوك الكبير وبعدين هعمل كده ازاي وهي مش سيبالي فرصه خالص اولا بتتكلم عن طلاقنا كتير وانها كسبت التحدي والمفروض اطلقها ثانيا انا روحت وصالحت اهلها واعتذرت لبباها قولت يمكن ده يخليها تحبني بس هيه عملت ايه بعدها تفتكر راحت جمعت الفلوس الي كتنت اداينتهم مني ورجعتهملى وقالتلي كده خالصين حاسس انها مش متقبله فكرة جوازنا لحد انهارده
سليم...امممم وده بقى الي مخليك تفكر انها مش متقبلاك يا بني ادم انت اولا متبقاش هنا لو مرجعتش الفلوس لان كرمتها فوق كل شئ ومش هتقبل تعيش معاك كأنك مشتريها ثانيا يمكن كاامها عن الطلاق يكون سؤال غير صريح منها علشان تعرف هتفضل معاها ولا لا حاول تتكلم معاها انت هتفضل قفل كده لامتى
حاتم ...اقفل...مقبوله منك على العموم هحاول
سليم بحزم..لا مش تحاول تنفذ تمام و
بس ق*اطعهم صوت هنا قالت ادخل ولا ايه النظام
سليم بصلها بمكر وقال...اتفضليي اتفضلي يا هانم ايه جايه تطمني على جوزك الي هيموت متقلقيش غير رأيو
هنا بتوتر..يعني يا سليم انت بتصدقو ده تعبان والله حتى شوف وشو اصفر ازاي
سليم قام وراح ناحيتها وقال ...طبعا شايفو وانا هفضل معاه متقلقيش ده اخويا برده يلا بقى خدي بالك منو اوعي تسبيه لحظه تمام علشان ميقعدش وحدو وهو تعبان عن اذنكم انا هاخد ندوش ونطلع نريح اصل في واحده غبيه خضتها والخوف غلط عليا الايام دي
هنا بعدم فهم..ليه مالها ندى
ندى بصت لهنا بابتسامه وقالت ..انا حامل يا هنا
هنا وامال وحاتم فرحو جدا وبقو يباركولها وسليم قال بخبث يلا ياهنا اققرصي اختك في ركبتها علشان تحصليها في جمعتها
هنا بلعت ريقها بكسوف وقالت..ان شاء الله تمام روح انت يا سليم خد مراتك وريحو اكيد تعبانين من السفر
سليم بمكر طبعا طبعا تعبانين يلا ياحاتم اشوفك بعدين خد بالك من صحتك يا حبيبي وزي ما قولتلك ماشي
حاتم ابتسم بارتياح وسليم خد ندى وحاتم الصغير وراحو اوضتهم
حاتم قرب من هنا وقال بحب وراحه...تسلميلي شكرا بجد هي الطريقه غلط شويه بس النتيجه حلوه قوي زي كل حاجه بينا
هنا بعدم فهم....ازاي يعني زي كل حاجه بينا
حاتم بابتسامه...يعني كل الي بينا من اول جوازنا كان بدايتو غلط بس نهايته تجنن
هنا بصتلو في عنيه وقالت ...انت مرتاح يا حاتم مبسوط يعني انا بتمنى اشوفك وانت مبسوط من اول مادخلت البيت ده
حاتم بمرح..ياااه هو انا نكدي للدرجة دي
هنا بضحكه...الصراحه ااه
حاتم ضحك بخفه... وقال والله معاكي حق
هنا بضحك يلا كفايه رغي بقى لاني مش فاضيه بما اننا اجتمعنا اخيرا هحضر لكم عشا بنفسي حاتم قال تمام ودخل يا خد دش وهنا ابتسمت بارتياح وقالت...كده تمام سليم رجع مش فاضل غيرك يا حاتم انا عارفه ازاي هتنطق
باليل كانو االكل اجتمعو على العشا وكانو لاول مره مبسوطين جدا والكل فرحان هنا بتأكل اسلام بحب كبير وندى بتلعب مع حاتم الصغنن والجولطيف وسليم وحاتم قاعدين بيهزرو وبيضحكو لاول مره وامال بتحمد ربها على انها رجعت شافتهم مع بعض من تاني خلصو العشا وفضلو في هزار وضحك وقت طويل وراحو ينامو هنا دخلت اسلام اوضتو ونيمتو زي العاده ودخلت خدت دش وطلعت تسرح شعرها وحاتم طلع وراها
حاتم دخل وبصلها بابتسامه وخد هدوم ودخل الحمام خد دش وطلع
حاتم بارتباك..احم كنت عايزك في موضوع كده
هنا بسرعه..ابن حلال انا كمان عيزاك في موضوع
حاتم بابتسامه...قولي عشره
هنا بابتسامه..بص بقى انت وسليم رجعتو زي الاول واحسن ومبقاش في داعي انك تضايقو بيا تمام يبقى كده انا عملت الي عليا وكل واحد يروح لحاله
حاتم بحزن انتي ليه عايزه تسبيني يا هنا
هنا بعدت بعيد وقالت بخبث بص يا حاتم مش هكد"ب عليك انا بنت زي كل البنات نفسي اكون حياه وده مش هيحصل الا لو طلقتني علشان اخد حريتي واتجوز واحد احبو ويحبني
حاتم اتضايق جدا قرب ومسكها من دراعها بقوه وقال..تتجوزي عايزه تكوني مع حد تاني دانا احرق الدنيا انسي الفكره دي اساسا فاهمه
هنا بنرفزه..يعني ايه انا بعمل ايه معاك ولازمتي ايه معاك خلاص الي اتجوزتني علشانو اتحل دلوقتي بقى لازم تسبني اعيش حياتي
حاتم اتعصب جدا بقى يقرب عليها وهنا كانت بترجع لورا بخوف لحد مالزقت في الحيط حاوطها باديه وقال بعصبيه...يعني ايه تعيشي حياتك قولتلك بدل المره الف انك مش هتكوني مع حد تاني ولازم تتأقلمي يكون اريحلك استحاله اطلقك يارب تكون المعلومه وصلت وبعد عنها بنرفزه وكان هينام
بس هنا قالت بنرفزه..يعني ايه الكلام ده انا مش فاهمه وجودي هنا اصلا لحد دلوقتي خلاص خلصنا واظن اني كسبت التحدي ولازم توفي بوعدك انا مش عارفه انت مخليني جمبك ليه اديني سبب واحد
حاتم شدها من دراعها بقوه وحاوطها بايده التانيه وقال بغضب...سايبك جمبي علشان بحبك..بعشقك...مش هقدر اتنفس من غيرك ...بقيتي كل حياتي مش عارف ابعد ولا عارف اقرب بسببك انتي ايه مبتحسيش....ها الاسباب كده كفايه
هنا بصت في عنيه وابتسمت وحطت ايديها ورارقبتو وقالت بدلال...كفايه اوي اوي واخيرا الحجر نطق
حاتم بصلها باستغراب وقال....انت قصدك ايه يعني مش عايزه تطلقي
هنا بدلال ...تؤ تؤ اطلق دانت بقيت عمري كلو بقيت قلبي وعقلي بقيت النبض والدم انت متعرفش انا بحبك من قد ايه يا حاتم كنت بحاول اضغط عليك علشان تتكلم بس حتى لو محبتنيش مكنتش هسيبك اصلا مقدرش
حاتم كان بيبصلها بزهول وحب كبير ابتسم بسعاده تكفي الكون كلو وحض*نها وقال ....سامحيني حتى في دي كنت غبي كمان ومخدتش بالي من حبك ده كلو
هنا بادلتو الح*ضن وقالت بابتسامه.. وايه الجديد يا حبيبي
حاتم بعد عنها وبرق بزهول وقال....يخر*بيت الفصلان ايه يا بنتي لسانك حرام عليكي دانا المفروض بقول كلام حلو يعني بس مش مهم في حاجات اهم ورانا
هنا بعدم فهم...حجات حجات ايه الي ورانا بس شهقت لما حاتم شالها بسرعه وقال...حجات هتحبيها مو*وت بس اصبري على رزقك ونزلها على السر*ير بحب كبير
هنا قالت بتوتر..اه ..تمام..تمام ياحاتم ..بس ايه هقولك اصل ندى انهارده جات وهيه هتسهر شويه ولازم اقعد معاها زمانها مشتقالي و
هنا كانت بتقول كده وهتنزل من على السر*ير بس حاتم شدها وبص في عنيها وقرب باس شفايف.ها بو*سه طويله سرقت انفاسهم وبعد وحط جبينه على جبينها وقال...اكيد مشتقالك..بس مش قد ما انا مشتاقلك يا هنا عمري كلو ووووووو
بعد ٨ شهور عدو على ابطالنا وهما في قمة السعاده كانت ندى ولدت وفي المستشفي وحاتم كان شايل الطفله الجميله الي اتولدت وقال بحب هتسميها ايه بقى
سليم بفرحه..هسميها رحمه. علشان ساعت ما عرفت بحملها كان ربنا رحم قلبي من عذ*اب سنين
حاتم حضنو بحب وقال تتربى في عزك و
بس قا*طعهم صوت ندى الي كانت بتبكي ومش بتسكت
امال مبس يا ندى يا حببتي اختك كلها شهور وتولد كده تخوفبها
ندى بدموع ...انا تعبت قوي يا ماما مش عايزه اخلف تاني
سليم بضحك..مش عايزه ده ايه..انا عايز ٦ عيال شوفي نفسك هتجيبي كام واحد منهم وانا هتصرف في الباقي
ندى بصتلو بغضب وحاتم ضربو في كتفو وهنا قالت بحب دا بس يا حببتي الولاده الاولي مش كده ياماما
امال كده يا حببتي هو صحيح يا هنا قولتي لماما يا حببتي
هنا ...اه طبعا يا ماما بس قولتلها دلوقتي وبصت لبنت ندى وقالت لان الهانم متعبه زي مامتها وحبكت لها في الفجر
بعد شويه جم والدة هنا ووالدها واطمنو على ندي ووصلوهم البيت الي بقى اجمل من الجمال مابين الضحك والحب وجمعة الاطفال والحب الكبير مابنهم
حاتم كان قاعد مع هنا بيسمع صوت ابنو في بطنها قال بحب وسعاده..تفتكري ولد او بنت قولتلك نروح نشوفه رفضتي
هنا بابتسامه..ربنا بيجبب الخير وبس ولازم يكون عندنا ر
حاتم بمقاطعه..رضا...يكون عندنا رضا فاكر كل كلمه قولتبها كان معاكي حق لما قولتي لما نحس ان الحاضر اجمل من الماضي نبقى وصلنا للرضا وانا بحبك انتي بقيتي الحاضر والماضي والمستقبل حاسس ان قلبي اول مره يدق
هنا بابتسامه...طب وجميله
حاتم بحب ...احساسي ليها مختلف ميتخطاش مرحلة الاعجاب بنت ملتزمه عكس الي كنت بتعامل معاهم اما انتي انتي الي بتحركي القلب على كيفك انا خوفت منك من اول ما شوفتك وبقى يدق غصب عني ودايما نفسي في حض*نك
هنا سندتودماغها على كتفو بحب وقالت... وانا بمو*ت فيك يا حاتم كلمة بحبك قليله قوي حبيتك حتى وانت مؤذي عمري ما فكرت ازعل حتى منك انا بعشقك انت نعمة اكبر نعم ربنا عليا
حاتم بحب ..انتي الي اكبر النعم يا هنا دخلتي القلب سكنتيه وغيرتيه اتحديتيه تحدي صعب.... كان فعلا
...تحدي مع الشيطا*ن ...وخلتيه انسان من تاني بحبك وبصبرك عليا حببتيني في الدنيا من تاني....
تمت.............
