رواية تحدي مع الشيطان (هنا وحاتم ) الفصل الحادي عشر بقلم زهرة الربيع
حاتم بضحك..احبك يا وحش..مع اني في غرامك ما برتحش
هنا وسليم بصو لبعض بصدمه وسليم قال..انت بتهبب ايه من امتى بتعمل كده وجايبها معاك هنا كمان
حاتم بسكر شديد..معاك حق كان لازم اروح بيها الشقه ..ها الشقه فاكر الشقه
حاتم كان صوتو عالي وهنا خافت امه تسمعو وهي لسه تعبانه والمفروض متضايقش قالت..تمام سليم انا هطلعو فوق وانت مشي البنت دي
سليم قال بسرعه..حاضر ومسك البنت و لسا هياخدها حاتم مسك ايده وقال..وبعدين معاك ليه مصر تخليني اموتك وارتاح ابعد انت اي حاجه راشق فيها اهي حبيبت القلب جمبك اهي سايبهالكم تاخدو راحتكم خاااالص سيبوني كمان على راحتي بقى ومسك البنت وقال يلا يا سوزي
هنا وقفت قدامو بقوه وقالت..على جثتي تطلع بيها فوق مش هيحصل ياحاتم
حاتم ساب ايد البنت واتقدم على هنا وقال .. ومين هيمنعني بقى انتي تمام انا ممكن امشيها وكمل بوقاحه بس هتحلي محلها أظن انتي فاهمه هيه جات هنا ليه
هنا برقت وبلعت ريقها بتوتر وسليم نزل راسو بحزن وكان هيتكلم بس هنا فاجأتو لما قربت على حاتم وقالت بدلال..بس كده انت تؤمر أمر
حاتم بص لسليم بابتسامه جانبيه وقال..اديها قرشين ومشيها ولا أقولك خدها ليك انتو لايقين على بعض اصلا وشد هنا من ايدها وطلع بيها وهنا كانت ماشيامعاه وبتبص على سليم الي الحزن كان باين عليه سليم ابتسم لها ابتسامه بسيطه جدا وطلع فلوس اداها للبنت ومشاها
هنا طلعت مع حاتم الي كان غايب تماما عن العالم وكان بيطوح وصوتو عالي وبيضحك وسكران جدا هنا بالعافيه وصلتو الاوضه
هنا بتعب..اخير الحمد لله جات تمشي مسكها من ايدها
هنا بخوف وقلق..جايالك تاني بس هغير هدومي ماشي
حاتم شدها ليه بسكر وفكلها الطرحه وفضل يبوس.ها من رقبتها بتوهان وهنا كانت بتحاول تفلت منو بس مش قادره
هنا بتوتر..اهدى يا حاتم ..استنى لو سمحت.. حاتم
لاكن حاتم مش سامعها اصلا وابتدت ايده تتجرأعلى جس.مها استجمعت قوتها وزقتو بقوه وكان هيقع جريت عليه تسندو بس دفعها بعيد عنو وقال ابعدي عني اياكي تقربي بدل ما تحمدي ربك يازباله اني رضيت اقربلك اصلا بس كلكم كده بتموتو في الرخص هنا كانت بصالو بدموع لانها فاهمه قصدو وهو قعد على السرير من التعب مش قادر يقف من كتر الشرب وعنيه اتملت دموع
هنا قعدت على السرير جمبو وقالت..ليه تعمل في نفسك كده عاجبك البهدله الي انت فيها ليه الضعف ده كلو علشان حاجه لو تفكر فيها تلقى نفسك كسبان وربنا نجاك
حاتم بألم..انا الحاجه الوحيده الي كسبتها هي الوجع ومن مين من اكتر اتنين حبيتهم في حياتي انا خسرت قدام نفسي كتير اوي هو انا وحش اوي يا هنا مستهلش اتحب انا قدمت كل حاجه كل الي في ايدي عملتو وبصلها وقال ..سليم يفرق عني ايه ها قولي متخافيش ليه عملت فيا كده علشانو وبصلها بغضب وقال انا أقولك ليه علشان عاملها بأصلها عاملها على انها جاريه وانا عاملتها على انها ملكه بس هيه جاريه والطبع غلاب وبكى بشده وقال ..انا تعبت اوي نفسي..نفسي انسى نفسى انساها وانسى الي شوفتو نفسي ارتاح وذادت شهقاتو وبكاه
هنا كانت بتبكي ودموعها نازله يصعب عليها حالو صادق جدا رغم كل الاذى الي سببهولها اول مره تسوفو بيبكي اول مره تشوفو ضعيف بيبكي بوجع وألم شديد حضن.تو بقوه وهو بادلها الحض.ن بنفس القوه وفضلت تطبطب عليه لحد ما حست انو نام نيمتو في السرير براحه وساعدتو قلع الشوز وقلعت طرحتها ولبست بيجامه ونامت جمبو بتعب شديد
في اليوم التاني سليم كان قاعد جمب مامتو وبيتكلمو
امال بحزن..يا حبيبي دا جواز مش لعبه تتجوز انهارده وتطلق بكره وبعدين انت واخوك تتجوزو كده سكيتي من غير فرح ولا معازيم انا كان نفسي افرح بيكم
سليم بحب..معلش بقى ياما مانتي عارفه الظروف ازاي انا مش عايز حد يجي يقعد يسأل وبعدين البنت واهلها مش عايزين فرح ولا حاجه هيجو المغرب ونكتب الكتاب هنا في القصر ويمشو وخلاص
امال ..براحتك يا ابني طب وحاتم هتقوله امتى
سليم بقلق..اول ما ينزل هقوله وان شاء الله يصدق اني خلاص مش بفكر في هنا واني عايز اتجوز والسلام ويسبها في حالها بقى لاني جبت اخري بجد
امال ..ربنا يريح بالك يابني
عند هنا وحاتم
حاتم قام من النوم بصداع رهيب لقا هنا نايمه جمبو بنفس الطريقه الغريبه حضناه باديها ورجلها ابتسم على شكلها الطفولي ونومتها الغريبه بس اتحولت ابتسامتو لغضب اعمى لما افتكر كلامو معاها وتصرفاتو وانو ازاي قالها الكلام ده اول مره تنزل دموعه قدام حد لعن غبائو وقام بغضب خد دش ولبس ونزل من غير ما يصحيها
هنا قامت ملقتوش جمبها افتكرت امبارح وكلامو ودموعو زعلت جدا ودخلت تاخد دش وتنزل تشوفو
حاتم نزل لقا امه قاعده مع سليم بيفطرو قال..صباح الخير يا امي كويس انك خرجتي من الاوضه كده احسن
امال بحب..صباح النور ياقلبي ربنا يخليك ليا
حاتم بجديه ..عاى فكره يا امي انا لغيت كل الشغل الي مع ممدوح حافظ قلت لازم تعرفي
امال بحزن..ليه بس يا حاتم با ابني دا قريبنا
حاتم بضيق..قربنا من فين يا امي ده حايلا اخو جوز خالتي يعني فكك
امال ..وعمل ايه لده كلو بقى
حاتم بجديه ..انا من زمان مش مرتاحلو مهو مش طبيعي واحد سجنا أبنو يتعامل معانا ويشتغل عادي اكتشفت ان البضايع الي بتدخل باسمنا فيها مواد مسمومه ومنتهية الصلاحيه
امال بقلق..يا انهار ابوه اسود بيسمم الناس مانت ما بتسمعش كلامي يا حاتم يا بني قلتلك بلاش العداوه من الاول واتنازل عن المحضر اصريت لحد ما سجنت ابننو ١٥ سنه وهو في عز شبابو
حاتم بغضب ..يعني عيزاني اعرف انو كان بيحط مخدرات لاخويا وخلاه مدمن من غير ما يعرف واسكت سليم ابتسم لما قال اخويا لانو من زمان مقلهاش بس اختفت ابتسامتو لما قال ..ده حتى سليم اخويا الله يرحمو كان غالي عندي
امال بغضب وحده..ايه الكلام ده على الصبح يا حاتم اخوك اهو موجود ربنا يبارك فيه ويخليكم لبعض
حاتم بغضب اكبر ..بنسبالك يا امي بنسبالك موجود بنسبالي مات وشبعع موت والفاتحه على روحه
امال بزعيق..حاتم وبعدين
سليم بهدوء وحزن..سيبيه يامي خليه يقول الي عايزه مبقتش تفرق
هنا كانت نازله على السلم وسامعه كل كلامهم ..قالت صباح الخير
امال وسليم..صباح النور
حاتم .. اتحاشى يبصلها وبقى يشرب قهوتو ومبيردش زي العاده
امال..ايه يا حاتم مبتردش الصباح على مراتك ليه كمان
هنا باستفزاز وصوت ناعم خجول..سبيه يا ماما اصلو مش فايق امبارح كنا سهرانين للفجر فتلاقيه تعبان
حاتم شرق في القهوه وفضل مبرق بزهول مش عارف جابت الجراه دي منين
امال بخبث ..ربنا يهنيكم يا حبيبتي
هنا كانت بتبتسم قال يعني مكسوفه وحاتم باصص لها مش عارف ناويه على ايه
سليم بلهجه جاده..حاتم انا هكتب كتابي انهارده
حاتم باستغراب..نعم يا حبيبي حت ايه
سليم ..حكتب ...كتابي..انهارده
حاتم بلامبالاه مصتنعه..ومين المجني عليها ان شاء الله
سليم بهدوء . ندي اخت مراتك
حاتم اتفاجأ بس ما بينش قال.. امم ندى قلتلي ودي بقى بديل للقلب المجروح ولا معرفة شقق ولا نظامها ايه
هنا بغضب
