رواية تمارا الفصل السابع 7 بقلم مريم أحمد
سامر بخفوت و صوت واطي:ملك!!!!
فضلت ملك باصه لزين بصدمه و هي مش مستوعبه الي قاله
زين بزعيق...اييييه مستغربه اوي حقيقة ابوكي؟؟ ولا خايفه علي نفسك انتي و امك و اختك؟؟
ملك وهي ف نفس صدمتها:أنت اكيد بتكذب الكلام دا مش حقيقي اكيد بتكذب
زين بغضب قبل ما يمشي...لااا بقول الحقيقه و قريب اووي اوووي هاخد حق مراتي و ابني منكوا "و كمل و هو بيجز علي كلامه " واحده ورا التانيه
"و مشي و هو بيتوعد ليهم"
قطع صمتهم و أفكارهم صوت جميله
جميلة..في ايه؟؟ ايه الي حصل؟!!
ملك بخوف و هستيريا:محصلش حاجه اكيد الكلام دا كله مش حقيقه
سامر بقلق...اهدي يا ملك
جميله بخوف:هو في ايه !! ايه الي بيحصل دا؟؟!
و جابت مايه و مسحت بيها علي وش ملك لحد ما استوعبت الموقف و نزلت تجري علي باباها و هي بتنادي عليه
جميله في ايه يا سامر ايه الي خلاها كدا!!!
سامر بيأس و هو خارج..نفس الحكايه
" اتنهدت جميله بغلب"
_______________________________
بابا....بابا
فضلت تدور عليه ف كل مكان ف شقتهم البسيطه
الهام بقلق...ايه يا ملك مالك!!!
خرجت الجنينه و سابتها و مازال كلام زين بيتردد ف بالها "اييييه مستغربه اوي حقيقة ابوكي؟؟ ولا خايفه علي نفسك انتي و امك و اختك؟؟"...."قريب اووي هاخد حق مراتي و ابني"
مبقتش مستحمله صوته ف عقلها و لا تفكيرها ف صرخت لعل كلماته تختفي من عقلها...بابااا
-.جري عليها خليل بخوف و قلق من هيئتها
خليل...نعم يا ملك معلش كنت بصلي قولي يا حبيبتي ايه الي حصل؟
فضلت بصاله و هي مش مستوعبه هل ابوها ممكن يكون سبب ف موت حد بجدد!!!
ملك ..الكلام الي سمعته دا بجد!!!
سكت خليل بقلق
الهام:سمعتي ايه؟؟؟!!
بصت ملك لابوها بتوجس و هي بتتمني انه ينفي كل حاجه:بابا....أنت ليك يد ف موت مامة سامر و اخوه؟؟؟
شهقت الهام بصدمه
قلقت و فضلت ملك مستنيه ردوا
خليل...يا ملك انا...
قطع كلامه صوت صريخ تمارا المفاجئ
جريت ملك علي اوضتها برعب بس وقفت مصدومه و هي دموعها مغرقه وشها
الهام بصدمه ...تمارااا
لمتابعة باقي الرواية زوروا قناتنا على التليجرام من هنا
