رواية اتجوزني عشان اربيله ابنه الفصل التاسع والعشرون 29 بقلم رحاب القاضي

ــــــــــــــــــــــــــــــــــــــــــــــ 

سيف

هو مش هيعبرك يا مريم لانه بكل بساطه مش بيحبك ، واتجوزك عشان ابنه انتي اخرك فتره في حياة اي حد وبس... 

_نزلت دموع مريم وقدر سيف يلعب في دماغها علي نقطه حساسه، وفضلت تفكر هو معتز هيختار ايه... 

سيف ضحك وقال

ههههه مش واثقه انه هيختارك صح، انتي نفسك عارفه انه اتجوزك عشان تربيله ابنه يا مريم بس كنتي بتكدبي نفسك.. 

زعقت فيه مريم وقالت

هو بعيد عن انك مدخل نفسك في موضوع انت مالكش دعوه بيه بس معتز هيختارني وهيجي دلوقتي يديك بالجزمه.. 

سيف بخبث

تؤ تؤ مش هيجي عشان حمااه بجد اخد ابنه وماشي ولو مشي بيه معتز مش هيشوف ابنه تاني ابدا، ولو راح انقذه احنا هنكون سافرنا بره مصر وهو مش هيشوفك تاني... 

نزلت دموع مريم بخوف وكمل سيف كلامه

تفتكري بقي يا ميمي هو بيحب مريم وابنها اللي حامل فيه اكتر، ولا بيحب ابن ملك اكتر.. 

مريم ببكاء 

انت شيطان حسبي الله ونعم الوكيل فيك يا شيخ، انت موجود في الدنيا دي بس عشان توجعني من لما عرفتك وانت كده يا سيف... 

سيف 

انا بعمل كده عشان اوريكي الحقيقه واعرفك ان محدش يستاهلك غيري، ده انا حتي كمان خليت حد من رجالتي حط بيكرفون مسجل في عربية صاحب جوزك تفتكري بيقولو ايه تحبي تسمعي جوزك هيقرر ايه يا مريم... 

_سكتت مريم وسيف طلع موبيله وشغل التسجيل اللي موجود في عربية حازم، وكان معتز في الوقت ده بيكلم علا وقالها... 

معتز 

يعني ايه وانتي ازاي ما كلمتنيش يا علا عشان تقوليلي... 

علا بدموع 

والله ما كنت اعرف انا لسه عارفه حالا قبل ما انت تكلمني، انا المفروض اسافر وراهم كمان نص ساعه، معتز بابا لو. اخد اياد ومشي انت مش هتقدر تشوفه تاني...

_غمض معتز عينيه بغضب وقفل مع علا وقال لحازم وهو مدايق جدا... 

معتز 

اطلع علي الفيلا بتاعت زين الشناوي القديمه هناك الطياره الخاصه بتاعته لازم اللحقه.. 

حازم 

طيب ومريم سيف ده ممكن اا.. 

معتز بحده 

مش هسيب ابني يمشي، مش هقدر اتحرم منه يلا... 

حازم زعق فيه وقال

يا ابني افهم ابنك مع جده، زين الشناوي مستحيل ياذي حفيده اللي في خطر مريم اللي مع سيف المجنون ده.. 

معتز 

يعني اروح لمريم واسيب زين الشناوي اللي هياخد ابني ويمشي ومعاه الدليل اللي هيقولي يوسف فخري فين، يوسف اللي قتل ابويا وامي بتموت بسببه اهوو... 

اتنهد حازم وشغل العربيه وقال

والله مراتك وانت حر، انا مش هقولك خاف عليها يعني... 

‌_قفل سيف التسجيل وفضل يضحك اووي، وكانت مريم مصدومه من اللي سمعته.. 

سيف 

هههههه انا ما بقولش حاجه غلط، اختار ابنه انتي ولا حاجه عنده هههههه... 

مريم نزلت دموعها وقالت

حقك اتفضل بقي اعمل اللي انت عايزه... 

ـ طلع سيف شريحة الموبيل وكسرها، وساق العربيه ومشي لمكان غير اللي كان خاطفها فيه الاول... 

_وفي بيت زين القديم قرب منه واحد من رجالته ومعاه اياد وقال... 

الراجل 

اي اوامر تانيه يا افندم؟.. 

زين بجمود 

لا امشي وانت عارف لو حد. سال عليا هتقول ايه؟.. 

الراجل

تمام يا افندم تحت امرك.. 

بص زين لاياد اللي بيعيط وقال

ما خلاص بقي يا اياد انا هاخدك ونسافر ونلعب واعملك كل اللي نفسك فيه... 

اياد ببكاء

انا عايز ماما وبابا مش عايز اروح معاك انت.. 

زين بخبث

بس هما سابوك ومشيو مريم دي مش امك ومش بتحبك انا بس اللي بحبك... 

اياد اتعصب وقال

انت كذاب ماما بتحبني، انا مش هروح معاك.. 

شده زين من هدومه جامد وقال

انا لسه هتحايل عليك، يلا يا ولد انت هتيجي وتعيش معايا انا بعيد عن ابوك اصلا..  

جه معتز في الوقت ده وقال

مش هتلحق يا زين يا شناوي،انت كنت اخر واحد في الدنيا اتوقع انه يعمل فيا كده.. 

زين بحده 

لا توقع عادي عشان ما اتخلقش اللي يقول لزين الشناوي لاا.. 

وقف معتز قدامه وقال

قصدك ما اتخلقش اللي يقدر يحرمني من ابني، لا وكمان تبقي شريك في قتل ابويا واللي حصل لامي وان مراتي تتخطف.. 

زين ببرود 

انا كنت برجع كل حاجه لوضعها الطبيعي، وامشي يا معتز عشان انا هاخد حفيدي وهسافر.. 

اياد بخوف 

بابي اوعي تسيبني انا عايز اروح لميمي.. 

معتز 

ما تخفش يا حبيبي هنرجع مع بعض وما حدش هياخدك مني.. 

زين بسخريه 

ده مين بقي اللي ضحك عليك وقالك كده؟.. 

ظهر علاء ومعاه الشركه وقال

احنا اللي قولنالك كده يا زين باشا.. 

زين بقلق

انتو بتعملو ايه هنا، انتو نسيتو انتو داخلين مكان مين؟.. 

علاء

لا طبعا يا زين باشا، بس حضرتك صدر قرار بالقبض عليك بتهمة تهريب مجرم خطر اسمه يوسف فخري وكنت شريكه في قتل كمال باشا اللواء السابق وخطف حفيدك.. 

زين بغضب 

انا ما عملتش حاجه، حفيدي كان تايه وانا لقيته مش اكتر و... 

علاء

لو سمحت الكلام ده تقولو في النيابه، وبلاش تعطلنا عن شغلنا عشان ما نستخدمش اجراءات تانيه مع حضرتك.. 

_وقبضو علي زين، ومعتز كلم حازم في الموبيل وقاله... 

معتز 

ها عملت اللي قولتلك عليه؟.. 

حازم 

ايوه خلاص طلع قرار بعدم سفر مرتتك او سيف، بس هو ممكن يخليها تسافر معاه بطريقه تانيه... 

معتز بضيق

سيف جبان هو في مصر وانا هعرف اوصله كويس... 

ــــــــــــــــــــــــــــــــــــــــــــــ 

_علي الجبل كان يوسف قاعد متعصب جدا وكل اللي بيفكر فيه كلام ندي عن بهاء، وقرب منه عوض وقال... 

عوض 

كلها اسبوع او اسبوعين والبضاعه الجديده هتيجي وهما ماشين هياخدوك معاهم وتعيش في فانزويلا دي... 

يوسف. بجمود 

علي اتفقنا مراتي هتولد هي وبناتي يكونو عندي.. 

عوض 

طبعا من غير ما تقول، بس اذا فضلت مراتك.. 

يوسف 

يعني ايه بقي كلامك ده؟.. 

عوض 

وصلني انها النهارده رفعت عليك قضية خلع.. 

يوسف بغيظ 

بنت ال.... واكيد هتكسبها ما دلوقتي انا مجر*م وهربان، بقولك ايه يا عوض مراتي تيجي ورايا وانا هعرف اربيها بمعرفتي.. 

عوض 

تمام يبقي اتفقنا... 

ــــــــــــــــــــــــــــــــــــــــــــــ 

_في بيت حازم، خبط علي شقة مامته وفتحتله وقالت.. 

ناهد 

مين حازم عاش من شافك، نعممم؟.. 

حازم 

انعم الله عليكي فين بقي مراتي؟.. 

ناهد 

نايمه جوه الساعه دلوقتي 12 بالليل جاي عايز ايه انت.. 

حازم 

خلاص بدل ما تصحيها هدخل انام انا هنا.. 

ناهد 

طيب بس قولي الاول، انت كلمت عمر ولا لسه؟.. 

اتنهد حازم وقال

بكره هشوفه بس لو نيره سألتك قوليلها ايوه شافه، يلا بقي تصبحي علي خير... 

_ودخل حازم اوضة نيره واول ما نام جنبيها قالت وهي مغمضه عينيها.. 

نيره

قوم من هنا يا حازم؟.. 

اتحض حازم وقال

يخربيتك انتي مش نايمه خضتيني، وبعدين اقوم ايه ده انا ما صدقت.. 

نيره قعدت وقالت بغيظ 

لا حبيبي روح للست علا اللي سايبني وقاعد معاها.. 

حازم 

انا كنت عند صاحبي وهي جات ايه عايزاني اقولها تمشي يعني ولا ايه... 

نيره بغيظ 

بص انا مش طايقه وشك امشي بره.. 

حازم بحده 

بت انتي مش هتبقي انتي واللواء عليا، وبعدين انا ما صدقت ان ام الباب ده اتقفل علينا بهدوء، فاتلمي قبل ما تحصل حاجه تبوظ الليله... 

نيره ضربته بالمخده وقالت بحده 

وانا مش تحت رحمة مزاجك، انا اللي هسيبك ورايحه انام عند خالتو اشبع بالاوضه يا بتاع علا.. 

طلعت نيره وحازم قال لنفسه بغيظ 

جاتني نيله في حظي الهباب، ده انا النحس يجي يتعلم مني.. 

ــــــــــ بقلم#الكاتبه_رحاب_القاضي ــــــــــ 

_وبعد كام يوم في اوضة ندي في المستشفي، دخل بهاء وقال وهو مبسوط.. 

بهاء

الف مبروك يا باشا خلعتيه؟.. 

ندي اتملت عيونها دموع وقالت

بجد يعني خلاص ما بقتش مرات يوسف دلوقتي.. 

بهاء

بالظبط كده، وكام شهر وهنتجوز مفهوم ولا لا؟.. 

ندي 

انت ليه بس تتجوز واحده محكوم عليها بالمو*ت؟. 

بهاء هو بيقلدها 

عشان بحبها ساهله اهي، وعشان هي ان شاء الله مش هتمو*ت وهتعيش وهتبقي احلي ام لاحلي تلات بنات توأم، واحلي زوجه للدكتور بهاء.. 

ندي 

هو انت ازاي هتكتب البنات باسمك وانا حملت فيهم وانا متجوزه يوسف؟.. 

بهاء

المستشفي بتاعتي هطلع تقرير انك جيبتي تلات بنات لقدر الله يعني ميتين، وبعد فتره بقي هسجلهم باسمي واسمك.. 

ندي بدموع 

انا مش عارفه اعمل ايه بس يردلك كل اللي انت بتعمله معايا ده.. 

بهاء

اتجوزيني بس ينوبك ثواب.. 

ضحكت ندي وقالت

طيب انا هنام بقي لاني تعبانه.. 

بهاء

لا انا مش هخرج علي فكره انا حرفيا سايب حالي ومالي وقاعد هنا نامي يلا.. 

_ابتسمت بتعب وغمضت عينيها ونامت بسرعه لان التعب اللي حاسه بيه والعلاج اللي بتاخده متعب جدا... 

بهاء بدموع 

هعوضك عن كل ده يا ندي، وزي ما بوجدك ده قدرتي تنسيني وحدتي هخليكي تنسي اي حاحه وحشه حصلتلك... 

ــــــــــ بقلم#الكاتبه_رحاب_القاضي ــــــــــ 

_في السجن اللي موجود فيه حازم، كان قاعد قدام الظابط ودخل العسكري ومعاه عمر.... 

الظابط 

طيب هسيبك لوحدكم شويه، اي خدمه يا حازم باشا.. 

حازم 

لا شكرا يا كمال باشا ومتشكر جدا... 

مشي الظابط وعمر قعد قدام حازم وقال

كل ده عشان تيجي تشوفني يا حازم... 

حازم 

كانو مانعين عنك الزياره والا انا كان نفسي من زمان اجي واقولك الحقيقه يا غبي.. 

عمر 

وايه بقي الحقيقه يا ابو العريف.. 

_ابتسم حازم بسخريه وقاله علي كل حاجه عملها سيف، وعلي اللي عملته نيره عشان تجيب حقهم.. 

عمر بدموع

يعني بجد انا كنت ظالمها؟.. 

حازم 

مش ظالم نيره بس انت ظلمت نور وامك وقبل كل ول نفسك ودمرت حياة الكل ده انت غبي غباء..

عمر بصدمه 

اكيد.. اكيد هو اللي بعتلي خالد عشان يضحك. عليا... 

حازم بفضول. 

ايوه بقي مين خالد ده، ومين اللي وصلك الكلام ده.. 

عمر 

خالد مندور ده صاحبي وكان شغال عند سيف وهو اللي خد نور تشتغل هناك لما كانت بتدور علي شغل.. 

حازم باهتمام 

تمام قولي بقي الواد ده. ساكن فين بسرعه، واوعدك اني اقسم بالله هجيب حق اللي حصلكم ده... 

ــــــــــ بقلم#الكاتبه_رحاب_القاضي ــــــــــ 

_في الساحل الشمالي في اليخت بتاع سيف، كانت مريم نايمه في اوضه جوه وسيف بيتكلم في الفون وقال... 

سيف

امم طيب انا اعمل ايه اصلا يومين بالكتير وماشي، ماليش. دعوه بقي لا بزين ولا بغيره.. 

عوض 

انا اصلا زهقت من اللي اسمه يوسف ده، تفكيره بقي محدود من بعد ما ابوه مات، بقولك ايه ما تخليك انت معايا في الشغل ده.. 

سيف بجمود

هو انا ناقص فلوس عشان اشتغل في الشما*ل، بص يا عوض انت زهقان من. يوسف نزله من. علي الجبل وهو هيتمسك علي طول وفككم مني كان لينا عند بعض مصلحه وخلصت خلاص وانا خطيبتي معايا ومش عايز حاجه تاني... 

_خلص كلامه وقفل الفون، ودخل تند. مريم اللي كانت سامعه كل كلامه. ولقي الاكل زي ما هو.. 

سيف 

ما يستهلش الزعل ده كله، طيب. كلي حتي عشان ابنك.. 

مريم

انت هتعملي فيها حنين غووور يااااه... 

سيف بغيظ 

عمرك ما هتتغيري، علي العموم الاكل عندك لو جوعتي ابقي كلي.. 

مريم بضيق

احنا هنقعد هنا كتير، سيف ما تخليك راجل لمره واحده في حياتك وخليني امشي.. 

سيف 

انا رايح انام وبكره هنمشي وهنسافر بره مصر وهنعيش باسماء تانيه وهنتجوز غصب عنك واللي في بطنك ده انا هبقي ابوه.. 

مريم بدموع

اتفو عليك يا حيوان... 

_ما. ردش عليها وسابها ومشي، وهي حست بألم جامد. في بطنها وفجاه بدأت تنزف... 

مريم ببكاء

سيف الحقنيي يا سييييف.. 

ضحك بسخريه وهو بره وقال

كان في وخلص يا مريم مش هاخد على قفايا منك مرتين.. 

_حولت مريم تقوم وتروحله بس وقعت واغمي عليها وبرضو النزيف شغال.. 

_وفي المستشفي عند الفت،  كان معتز قاعد جنبيها وقال.. 

معتز بدموع

ابنك تعب اووي يا ماما ياريتني سمعت كلامكم وسيبت القضيه دي، علي فكره انا ما فضلتش ابني علي مريم زي ما حازم بيقولي.. 

مسح دموعه وكمل كلامه وقال

بس انا عارف ان اللي اسمه سيف ده لو كنت روحت اللوكيشن اللي هو فيه ما كنتش هلاقيه برضو وكنت هخسر الاتنين.. 

_دخلت فريده في الوقت ده ومعاها اياد وقالت بعصبيه.. 

فريده 

اتخليت عنها يا معتز كنت عارف مكانها وسيبتها لسيف... 

معتز بحده 

لا ما سيبتهاش انا اكتر واحد تعبان ومريم مع ابن الكلب اللي اسمه سيف، دي مراتي ومع راجل تاني وانا هنا قاعد عاجز. مش عارف بيحصلها ايه.. 

فريده 

كنت اتشطرت وجيبتها منه. بس انت اختارت ابنك و.. 

معتز 

لو سمحتي بلاش كلامك ده انا دمي محروق لوحده ومش عايز اقول حاجه تزعلك.. 

فريده ببكاء

طيب رجعلي بنتي ومش هتكلم، انا ماليش غيرها في الدنيا... 

دخل حازم في الوقت ده وقال

معتز تقريبا كده عرفت مكان مريم.. 

معتز بسرعه 

فين يلا بينا نروح.. 

حازم 

لا اهدي كده شويه انا هفهمك. الواد اللي كان بيقول لعمر اخو نيره الكلام الفاضي اللي وصله ده انا اعرفه وواحد من رجالة سيف البدري كمان ودلوقتي في بيته وبلغت قوه تقبض عليه في السر كده.. 

معتز 

اول مره في حياتك يا حازم دماغك تشتغل واحس انك ظابط طيب يلا بينا، طنط فريده خلي بالك من اياد وما تمشوش من هنا.. 

ــــــــــ بقلم #الكاتبه_رحاب_القاضي ــــــــــ 

_في اوضة ندي اتفتح الباب وما حدش دخل..وندي فكرته بهاء.. 

ندي

بطل حركاتك دي وادخل.. 

_بس اتفاجئت لما لقيت اللي دخل ولد صغير تقريباً عنده تسع او عشر سنين واسنانه واقعه بس شكله حلو اووي.. 

ندي 

ايه ايه ده القمر بنفسه هنا تعالي ما تخافش،انت اسمك ايه؟.. 

الولد قرب منها وقال

انا اسمي امجد هو انتي ايه الكوره اللي في بطنك دي.. 

ضحكت ندي وقالت

لا دي مش كوره بس انا في تلاته نونو بنات في بطني فهي عشان كده كبيره.. 

امجد

تلاته نونو بنات انا هتجوزهم.. 

ندي 

ايه ده في ايه ما ينفعش انت ممكن تتجوز واحده بس منهم.. 

امجد 

طيب هما اسمهم ايه عشان اختار  ؟.. 

ندي 

اسمهم سما دي اول واحده هتتولد وبعدها ملك واخرهم ناني.. 

امجد بتفكير قال

اممممم هختار ملك وخلاص شكلها هتبقي غلبانه وتتحمل.. 

ندي 

تتحمل ايه لا مش هجوزك بنتي انا خوفت منك.. 

امجد 

طيب ما تسيبك من بناتك واتجوزك انتي حلوه اووي.. 

اتصدمت من كلامه وقبل ما ترد دخل بهاء وقال

انت هنا يا نسنواجي يا بتاع البنات يا صايع.. 

امجد بغيظ

ينفع كده بوظتلي البرستيج.. 

ندي بعدم فهم 

في ايه يا بهاء انت ازاي تقوله كده؟.. 

بهاء

البيه كان لامملي الممرضات كلهم في اوضه واحده وعمال يضحك فيهم ده انا عمري ده كله عمري ما شقطت واحده والعيل ده شاقط المستشفي كلها.. 

امجد 

الله واكبر بقي يا عم ما تقرش عليا.. 

_ضحكت ندي وبهاء اخد امجد وطلع، "خليكم فاكرين بقي ان امجد اختار ملك، عشان دول ابطال روايتي الجديده اللي هتبدأ بعد دي ان شاء الله واسمها #خطيبتي_واخواتها_التوأم" 

ــــــــــ بقلم#الكاتبه_رحاب_القاضي ــــــــــ 

_وصل معتز القسم ودخل الاوضه اللي فيها خالد ومسكه وبعصبيه وقال.. 

معتز 

فين سيف ولو لفيت ودورت عليا اقسم بالله العظيم المو*ت هيكون ارحم من اللي هعمله فيك.. 

خالد بخوف 

والله العظيم هقول هو فين.. 

حازم 

طيب ما تنطق انت هتنقطنا بالكلمه.. 

خالد 

في الساحل الشمالي في اليخت بتاعه، والله هقول كل حاجه انا اصلا ماليش دعوه.. 

_وتاني يوم الصبح صحي سيف ورتب كل حاجه للسفر واول ما دخل اوضة مريم اتصدم لما شافها واقعه علي الارض اللي كلها بقي د*م.. 

_وفي الوقت ده نزل معتز من عربيته ومعاه حازم ووراهم عربيه فيها عساكر و... 

_تفتكرو ايه اللي هيحصل؟..