![]() |
رواية اسيرة عائلة القناوي الفصل السادس والعشرون 26 بقلم يوستينا سامي#اسيره_عائلة_القناوي 26 مراد / تمارا دخلت العمليات النهارده عاصي بتوتر / ليييه ...حصلها اي ما تتكلم يا ابني سيبت اعصابي البنت كويسة هي و اللي في بطنها و ماجدة جرالها اي مراد / بصراحة لااا مش كويس ... يلا الله يرحمهم عاصي اتجنن و مسك مراد من هدومه و قاله بصوت عالي سمع الفيلا كلهااا/مين دول يلاااا اللي الله يرحمهم انطق عاد بدل ما اخلص عليك دلوجت مراد بصله باستغراب واتصدم من انفعاله قاله /ما بالراحه يا عاصي في ايه بوظت القميص بتاعي عاصي بعصبية./ مرااااد جول اللي حوصل مراد بصله بتوتر وقاله /بصراحه كده تماره في المستشفى علشان اجهضت .. بنت الكل*ب اللي اسمها ماجده اظاهر اتخانقت معاها ولا شدت المهم انها ضربتها جامد و لما رجاله راحوا لقوها سايحة في دمها عاصي برق بصدمه وما كانش مصدق اللي هو بيسمعه ومسك مراد من قفاه وقاله / انت تجعد اهنا وتفهمني كل حاجه حصلت بالتفصيل سامع ولا لاء مراد / يا عم خلاص سامع سامع لازم تخرم ودني يعني اقعد قدامي ________________________ _____________________ في الطرقة كانت ماشيه ملك وهتدخل اوضه زين تطمن عليه لكن اتفاجئت بحد بيحضنها من ضهرها ولما بصت لقت نور ملك بابتسامه بهتانه للاسف بقت شبهها / اخس عليكي يا نور هو انا كنت ناقصه الخضه دي يعني ما انتي شايفه ان اعصابي بايظة نور وهي بتحضنها وبتبوسها من خدها / معاش ولا كان اللي يبوظ اعصابك يا ملك يا راس المدبره لكل الخطط وضحكت نور عشان ده اللقب اللي كانت هي وتماره بيقولوه عليها بس ملك للاسف المره ما ضحكتش على اللقب دوت لانه وجعها جدااا .. لانها كانت بتخطط طول عمرها لشخص الغلط عشان تاذيه ملك بتاثر/ مدبره ايه بس ده انا اذيت الناس اللي ما شفتش منها الا كل خير واللي اذاني بجد كنت عايشه في حضنه متحميه فيه نور باحراج / احم خلاص بقى يا ملك ما تفكريش بالاسلوب ده بقولك ايه تعالي اقعدي شويه معايا في الاوضه احسن انتي وحشاني قوي و عاصي منبه عليا منزلش وشدتها نور علي الاوضه وقعدت تتكلم معاها على كل حاجه حصلت _________________________ _______________________ قدام البنك جميله وهي بتتنهد / الحمد لله خلصنا كل الاجراءات اللي انت كنت عايزها يلا نروح بقى عشان زمان ماما قلقانه عليا كريم بص في الساعه بتاعته وقال باحراج / يعني الوقت مش متاخر عاد يعني ينفع اعزمك على حاچه علشان اشكرك على وجفتك چنبي دي جميلة ببرائة / طب ليه محرج كدة اكيد انا مش هكسفك و بعدين انا قايلة لماما ، عموما احنا ممكن نروح نشرب حاجه من المحل اللي هناك ده كريم بص لقه محل قصب عادي في الشارع وقالها باستغراب / هتشربي اهنااا غريبة يعني اني جولت انك هتحبي تجعدي في محل كبير او كافيه و الكلام ده جميله ضحكت على طريقه كلام كريم وقالتله/ لا انا بعد في اي حته و في اي مكان وبصراحه ماليش في الجو كافيهات ده ، فها اي رايك فنروح نشرب شبين قصب يهونوا الجو شويه عشان الجو حر قوي كريم ببتسامة هادية / ماشي يلا بينااا .. وراحوا هما الاثنين يقعدوا مع بعض ويشربوا القصب ولكن نتفاجئ برساله جايه من اسر وفيها لوكيشن بيطلب منه انه يجيله هناك . _________________________ ______________________ في الاوضة عند صفصف كانت قاعدة في البلكونة بتاعتها و دخلت ام كريم ام كريم / و بعدهالك يا انصاف هتفضلي اكده يا اختي حاطة يدك علي خدك و سايبه عاصي طايح صفصف بصتلها بغيظ / بجولك اي .. نجي الفاظك يا اختي و بعدين عاصي عارف زين هو بيعمل اي و بعدين هو انتي شايفة ان ده الوقت المناسب علشان اتكلم وياه في ايتها حاچة ام كريم / لااه مش المناسب بس البت فاطمة حابسة نفسها في اوضتها و فالجة روحها من العياط و ابنك ده مش حاسس بحاچة صفصف / استغفر الله العظيم يارب.. ام كريم جولتهالك قبل اكدة و هجولهالك تاني فاطمة هتتجوز عاصي بس بالعقل .. اطمني و طمني بنتك بجي و سابتها و خرجت من البلكونة. ام كريم / اما نشوف اخرتها وياكي أي ما هو انا مستحيل اخلي بت الغفير دي تاخد كل حاجة اكده علي الجاهز . ________________________ _______________________ في الاوضة ملك / بصراحه يا نور لولا الورق اللي انت بعتيهولي ما كنتش شكيت في ماجدة نور بصوت واطي /على فكره انا بعتهولك من ورا عاصي هو ما يعرفش ان انا هبعتلك الورق ده فبلاش تفضحيني بقي قدامه احسن ده عصبيته وحشة اوي ملك ابتسمت و قالتها بخبث / انتي حبتيه مش كدة نور اتنهدت و لقت نفسها تلقائي بتشد علي اللحاف بتوتر و قالت بضعف / ليه بتقولي كدة دلوقتي هو باين عليا ملك بهزار / اووي يا نور ، اقولك علي حاجة عاصي يستاهل انه يتحب هو طيب اووي و راجل من صغره يابختك بيه نور بصتلها بغيره و عينيها كانت بتطلع نار و خبطتها في كتفها بغل / و يابختك انتي كمان بمراد ، بقولك اي شيلي عينك دي عن جوزي سامعة ولا لاء ملك و هي حاطة ايديها علي كتفهاا بصدمة / اي الغباوة دي ايدك تقيلة اوي .. وعموما مش هتكلم عنه تاني وعلى فكره بالنسبه لموضوع الورق عاصي اكيد عارف يعني ورق اي ؟؟؟؟🙈 تعالوا اعرفكم اي حكاية الورق ده 🔥🤝 فاكرين اليوم اللي عاصي وصل ملك فيه الفيلا واتاكدت ان ماجده كذابه وان اللي حبس ابوها ميبقاش طاهر الدسوقي لكن جابر وسامح قررت انها تبعت الورق دوت لملك و الكلام و اللي عاصي قالوا ليها وشكوا في جمال فلااش باااااااك .. في التليفون ملك بعصبيه / معقول بعد ما ماجده ساعدتك العمر ده كله ووقفت جمبك تعملي كدة ...انا مش مصدقة انتي يا نور رحتي اترميتي في حضن عاصي القناوي اللي حبس ابوكي وشردك كمان نور بصوت واطي وهي بتبص حواليها بقلق / يا ملك اسمعيني انا كنت فاكره زيك كده وكنت مستعد اضحي بعمري بس اجيب حق ابويا وامي بس لقيتني ماشيه غلط وعاصي ملوش ذنب في اي حاجه .. ملك بستغراب / اي الكلام العبيط ده انتي بتقولي اي انتي اكيد بتخرفي نور بدموع / لا والله .... ملك انا عشت مع ماجده طول حياتي وما كنتش بسمع الا كلمه واحده بس اللي شردك في الشارع هو طاهر القناوي وفي الاخر اكتشفت حاجه ثانيه خالص .. صدقيني انا مش بكدب وبعتتلها الورق على الوتساب وملك لما شافته اتصدمت في الوقت دوت حست انها مذبذبه والشك بدا انه يدخل قلبها و اللي اكدلها المعلومه المكالمه اللي سمعتها لما كانت في اوضه رهف وعرفت وقتها ان ماجدة كانت خايفه ان هما كمان يعرفوا الحقيقه زي ما نور عرفتها باااااااااااااااااااااك 🔥🔥 ملك بتاثر / امممم ووقتها قررت اروح لعاصي و اكدلي كل كلامك و عرفت اني كنت مسلمة راسي لحية بس اللي واجع قلبي بجد هي تمارا معرفش عنها حاجة نور / لا بقولك اي متوتريش نفسك لان عاصي مش هيسيبها والله انا واثقة فيه جدا بقولك تعالي ننزل ناكل حاجة احسن انتي شكلك تعبان اووي. .تعالي و اخدتها و راحوا المطبخ ياكلوا .. ________________________ _____________________ في الجنينه عاصي كان حاطط ايده على راسه ومرهق جدا من الصدمات اللي ورا بعضها وباصص لمراد اللي مكمل حكي وبيقوله / بس وقتها عرفت احدد مكانها عن طريق المكالمه اللي كلمتهلها وما عرفتش بصراحه ارتاح ولا يهدالي بال الا بعد ما عرفنا المكان وعلى الصبح الرجاله هجمت على المخزن زي ما قلتلك تماره كانت سايحه في د*مها عاصي بغل و هو بيضغط علي ايده/ و بنتك الكلب اللي اسمها ماجدة فين دلوجت مراد بخبث/ موجودة يا كبير عيب عليك ده انا تلميذك .. ماجدة موجودة في مكان الذبان الازرق ميعرفلوش مكان جره ، بص انا رايي بقى نحطها هي وبنتها في مكان واحد ونو*لع فيهم عشان يتعذ*بوا بالبطيء عاصي بصله باستغراب / هتو*لع في بنت عمك اياك يا ابن المهفوفه اسكت اسكت خليني افكر في المصيبه اللي احنا فيها دي مرات بتركيز /.مصيبه ليه مؤاخذه ما خلاص خلصت ماجده ومحبوسه في المخزن والرجاله وخلصنا منها وتماره في المستشفى وكلها كام يوم وتبقى كويسه ايه بقي المشكله عاصي قاله بغل / المشكله اللي بچد بجس انك مش حاسس بالنا*ر اللي هتبجى في اخوك لما يعرف ان ابنه ما*ت وفي البنت الغلبانه لما تفوج وتلاجي نفسها خسرت ابنها .. انت ليه ما بتحسش اكده يا مراد ليه جلبك بجي كيف الحجر مراد بصله بتريقة وقاله /السؤال ده ما تسالهونيش يا عاصي لو قلبي ما*ت فانت السبب في ده ولا انت ناسي دروسك ليا يا اخويا كبير عاصي فهم كلام اخوه وقاله بتردد/ بجولك ايه انا لازم اطلع لزين عشان يروح يطمن على مرته يبطى جنبها في الظروف دي اوعى ملك تعرف ... سامع اوعي و دخل عاصي الفيلا و لمح ملك و نور في المطبخ __________________________ _____________________ في مكان مهجور وصل كريم بالعربيه وكان معاه جميله اللي كانت بتبصله بتوتر / جرا ايه يا عم انت هو انت جايبني فين بالضبط كريم بصلها بصدمه وقالها / انا برده اللي چايبك اهنا مش انتي اللي جولتيلي ان ده اللوكيشن اللي بعته اسر جميله بقلق / احم اه هو انا قلت كده فعلا بس ده مكان مهجور هو قريبك ده خطير ولا ايه و فاجاه سمعوا صوت حد جميله اتوتر اووي / ياما هو احنا في ناس اشرار هتطلع علينا و الجو ده ولا أي كريم مسك يدها وقالها بهدوء / ما تخافيش انا معاكي ولااجولك تعالي نرجع احسن مكان ده شكله واعر يا ريتني ماكنت جبتك معايا جميله وهي بتبعد ايديها عنه وقالت باحراج / لا ابدا محصلش حاجه وبعدين تعالى نروح وربنا يستر بقى احسن يكون محتاج حاجه فعلا وصلت جميله هي وكريم للمكان واسر دخلهم المخزن اللي كانت فيه رهف اللي اول ما شافته حست ان قلبها بينبض لا ده كان بيرقص بلهفه وكانت مستنيه منه اي رد فعل لكن كريم فضل واقف مكانه ثابت و متكلمشي كريم وهو بيبص لرهف بجمود وقال / اسر خير جايبني اهنا في الوقت ده ليه اسر / احم هو الصراحة يا كريم انا مجبتكش هي اللي جابتك و قرب اسر ناحية رهف اللي عيونها اتملت بالدموع و كانت باصة لاخوها بحب و قال / هو انت عارف دي تبقي مين يا كريم كريم رد ببرود على عكس تماما المشاعر اللي جواه وقال / ايوه طبعا عارفها بنت ماجده صووح رهف بدموع / بس كدة يعني مش اختك ... هو مش انت قولت انك كنت عايز تبقي سند لرهف و انك هتبقي اخوها وصاحبها . صح يا كريم كريم بعصبية/ ايوة اني جولت اكده بس مكنش عليكي انتي .. كنت بجول اكده علي نور اللي كنت فاكرها اختي و بعدين هو الكلام ده هيفرج معاكي في ايه هو انتي مش كنتي راجعة برضك علشان الورث .. هيفرق معاكي دلوجت اخوكي يعني و بص لجميلة و قالها / يلا بينا من اهنااا اني مش فاضي للكلام الماسخ ده وقبل ما يخرج من المخزن رهف جريت عليه و مسكت ايده وهي بتعيط بانهياره وبتقوله/ انا عمري ما كنت عايزه ورث ولا فلوس انا نفسي اعيش مع الناس بتحبني بجد علفكره من ساعه ما دخلت الدوار وانا عارفه انك اخويا كان نفسي اترمي في حضنك اووي .. كريم والله انا ما وحشة و مش عايزة حاجة خالص الا اني ابقي معاك انا حسيت فيك بحنية انا مشفتهاش لا من بابا الله يرحمه ولا حتي ماما كريم بتريقة / يسلاام ..و عرفتي كيف بجي اني حنين جوي اكده اذا كان انا كنت رافض وجودك من اول يوم في الدوار رهف ابتسامه قالت / من اول ما قلت انك عايز تبقى سند لرهف على رغم اللي عملته معاك و لما وقفت قدام عاصي عشان تحميها و انك كنت خايف عليها كل ده اكدلي اني مش هلاقي زيك اخ وسند كريم اتاثر اوي بكلامها و قرب منها و شدها في حضنه و كان بيتنهد بوجع/ كان نفسي اضمك لصدري اكده من مده يارهف ، كان جلبي حاسس انك اختي بس كنت خايف حجك عليا يا قلب اخوكي .. ووعد مني مش هسيبك تاني واصل اسر بغيره/ أحم احم .. ما خلاص بقي يااض انت ما تراعي مشاعرنا كدة احنا واقفين كريم ببتسامة كان بيمسح دموع رهف و بياخدها في حضنه تاني / لااه مش هراعي حاجة و بعدين انتوا بتعملوا اي اهنا في مكان كيف ده لوحديكم اسر / بقولك اي بلاش البصة دي ..ده حوار كبير يطول شرحه يلاا بينا من هنا و انا هفهمهولك بعدين و خرجوا كلهم من الدوار و كانوا في طريقهم للفيلا ______________________ ______________________ في المطبخ نور بلهفة مسك ايد عاصي / اي ده هو انت لسه منزلتش لحد دلوقتي عاصي ببتسامة وجع / اهاا لا بس هنزل دلوجت علشان عندي شغل كتير جوي نور ببتسامة / طيب تأكل انا عاملة فطار ليا انا و ملك عاصي بص ناحية ملك اللي كانت واقفة و موطية راسها باحراج و قالها / كيفك دلوجت بخير ملك باحراج / احم ايوة شكرا يا عاصي .. نور انا هطلع اوضتي انا خلاص اكلت بعد اذنكم و طلعت ملك و سابتهم و نور خبطت عاصي في كتفه / انت مالك لو كانت كويسة ولا لاء عاصي بصلها بستغراب و لكن فهم اول ما بص في وشها انها غيرانة لكن هو مكنش فايق تماما في الوقت ده لكلامها و فاجاه نور لقته مسكها من وسطها ورفعها لمستوي طوله و بيدفن راسه في حضنه نور ابتسمت بفرحة و حركت ايديها في شعره / انت كويس صح عاصي بتنهيدة / لاا بس كنت محتاج الحضن ده اوي هون عليا كتير يا نور نور بشقاوة / اومال لو عرفت انا ناوية علي اي لما ترجع اعتقد هيهون عليك اكتر عاصي بعدها عنه و بصلها بخبث/ يارب تفضلي علي الجراءة دي لحد بليل و متتحوليش قطة مغمضة تاني نور / احم .. بلاش تكسفني بقي احسن وربنا اعضك قولي مالك شكلك متاخد ليه كدة و كأن في حاجة مخوفاك عاصي حط ايده علي خدها بحب / خايف تبعدي عني و ارجع تاني وحيد ، و بعدين تعالي هناا ازاي تخرجي من الاوضة بالقرف ده .انتي اتهبلتي صوح نور / الله ما انا مكنتش جاية بهدوم كتير يا عاصي اعمل اي يعني عاصي بغيره/ حظك ان مافيش حد شافك لان لو كان حد شافك بالمنظر ده كنت طخيته ، يلا همي علي فوق و انا هبعت اجيبلك انتي و ملك هدوم نور بغيره / لاا ملك لاا .. تجيبلي انا اه انا مراتك انما ملك مراد يجيبلها عاصي و هو بيجز علي سنانه / همي علي فوق علشان لو حد شافك اكده متلوميش غير حالك نور بتوتر / احم خلاص هطلع ..اوعي كدة و طلعت نور جري علي اوضتها و هي متوتره من قلبته وطلع عاصي الاوضه عند زين ولحسن حظه كان زين بدا مفعول الابره ياثر فيه وفعلا فاق ولكن كان تعبان جدا وبعدها طلعوا على المستشفى عند تمارا ولكن ماكانش يعرف ان ابنه بقى مش موجود ________________________ _____________________ في المستشفى عاصي بيحط ايده على كتف زين /ما تقلقش الدكتور طمني حاجه انها تبقى كويسه واول ما تتحسن هيخرجوها وبدا يركز في ملامح وشه وحركات ايده و انه مش قادر حتى يتكلم ، قرب من ودنه و قاله / مالك يا زين انت فيك ايه .. انت مش طبيعي علفكره زين بتعب / هاا لا انا تمام بس متوتر علي تمارا هو الدكتور مقلكش حاجة عاصي بشك / تؤتؤ مقلقش ... و بعد وقت مش قليل خرج الدكتور بيطمنهم على حاله تماره زين بلهفه / طب الحمد لله يا دكتور يعني هي دلوقتي هتخرج من المستشفى وتيجي معايا البيت الدكتور /اهدى بس يا استاذ زين مش بسرعه دي لازم تقعد تحت العنايه يومين ثلاثه ولازم كمان تتاهل نفسيا للصدمه دي زين باستغراب/ تتاهل ايه يا فندم انا مش فاهم حاجه وصدمه ايه دي اصلا اللي بتتكلم عنها الدكتور بص لعاصي اللي فهم من نظرته ان زين مش مش عارف وقاله / معلش يا ابني البقاء لله هو الجنين توفى ولكن ربنا اكيد هيكرمكم بغيره زين بصله بصدمه وما كانش مصدق اللي بيسمعه ... استوووووووووووووووووب تفتكروا اي رد فعل زين و تمارا كمان لما تعرف 😭 الفصل السابع والعشرون من هنا |
رواية اسيرة عائلة القناوي الفصل السادس والعشرون 26 بقلم يوستينا سامي
تعليقات