 |
رواية العشق الممنوع الجزء الثاني 2 الفصل التاسع 9 بقلم مارلي ايهابالبارت التاسع #بقلم_مارلي_إيهاب #رواية_العشق_الممنوع_الجزء_الثاني ................ في صباح يوم جديد كان جميع افراد اسرة وجية يجلسون في اماكن مختلفة الجميع حزين علي ما وصلت له العيلة من احزان ومشاكل لا تعد ولا تحصي حتي مالك رجع بيته بعد ما عرف اللي حصل ووجية كمان رجع وكان مستغرب كل ده حصل امتي وازاي عمته اللي اتهانت و انضربت و بدر و مشكلته و ماسة و تعب جده كل ده كان مفاجاة سيئة جدا بالنسبة ليهم في الجنينة كان يجلس وجية ومالك مع مليكة وريتاج مالك بصدمة... ازاي اصلا تسمحوا لنفسكم تصدقوا كلام اللي اسمه عمر ده ازاي بدر ده فكاهة العيلة مليكة بدموع... محدش غمض عينيه من امبارح كل واحد في وادي لوحده يا مالك مش قادرة اصدق ان عيلتنا اتفككت بالمنظر ده لو تشوف حالة بدر تصعب علي الكافر يا مالك وكلامه وعتابه وعياطه يخلي الواحد يكره نفسه علي اللي وصلناه ليه ريتاج بضيق... انا مكنتش متوقعة انه شايل مني كدة يا مليكة مكنتش متوقعة ان كلمة واحدة تخليه شايل مني انا فعلا في اليوم ده مكنتش فاضية وقولتله يشوف ماسة او وجية علشان مكنتش فاضية مكنتش اعرف انه هيتأثر بيها لغاية دلوقتي الموضوع ده عده عليه سنتين ويمكن اكتر كمان وجية بهدوء... اطلع اتكلم معه مليكة بسرعه... بلاش يا وجية انت بذات في الوقت ده مش هيستحمل كلمة منك وجية باستغراب... ليه يعني انا عملت اية مليكة بدموع... امك طول الوقت بتقارنه بيك و تقريبا كرهته فيك بسبب كلامها و انتقادها صدقني هو مش هيتقبل منك انت بذات اي حاجه وجية بضيق... طيب اجرب مليكة بدموع... طيب بس عدي شوية وقت لكن دلوقتي مستحيل وجية هز راسه. بضيق وهو حزين علي اخوه اما في غرفة عمار و حورية كانوا الاثنان يجلسون كل واحد في مكان بعيد عن الاخر عمار يجلس علي الكنبة و حورية علي السرير تنظر لاعمار تنتظر منه كلمة ولكنه لا يتحدث معها بعد الذي حدث. بالامس حورية بدموع... عم. ار عمار تجاهلها ولم يرد عليها حورية بدموع قامت من مكانها وقالت بقهر وهي بتقرب منه.... عمار ارجوك بلاش تجاهلك بيموتني عمار بغل لاول مرة.... ليه هو انتي بتحسي. زي البني ادمين حورية بدموع... اه بحس زي البني ادمين انت بتعاملني كدة ليه كاني. انا المذنبة وانا السبب في كل اللي حصل عمار بغضب.. طب ما ده حقيقة بقالي كام سنه بقولك بطلي معاملتك ببدر كفاية كدة حرام. عليكي. وانتي مش بتحسي جبلة بلا. مشاعر العز غيرك. اوي يا حورية مش. دي اللي انا عرفتها وحبيتها ولا يمكن انتي كنتي كدة بس انا الغبي الاعمي اللي ماشفش ده لانه كان مخدوع بالحب وباسم الحب كنت بعادي غلطاتك طول الوقت بعدي اهمالك ليا طول الوقت حتي مشروعك مولته و جهزته وانتي مرتاحة لو انشغلت في الشغل شوية مبقتش تحبني مبقتش تتهب وتقلبيها نكد عليا وعلي اللي خلفوني و ولادك حتي ولادك كنتي فاشلة فيهم ولا واحد منهم معانا ادييكي شايفة كلهم. ضددنا يا حورية واه اااه علي حرقة قلبي علي بدر بدر اللي اتكسر واتوجع بدل المرة الف حرام عليكي يا شيخة حرام عليكي حورية بغضب ودموع... وانت كمان مهمل لو انا مقصرة اوي كدة انت كمان مقصر في اهتمام ولادك وفيا و انت كمان مهتمتش بيهم ولا فكرت تسال بيعملوا اية ومش بيعملوا اية عمار بدموع... معاكي حق قصرت معاهم واهملتهم ومش بنكر بالعكس يا حورية معترف اني اهتميت بيكي واهملت ولادي يا حورية انا غلطان وتركها و ذهب وهي تبكي علي ما وصلت لهم ................. في الصعيد كان يجلس كريم في مكتبه و بيشوف الملف اللي قدامه التلفون رن وكان انس كريم بهدوء... ازيك يا انس انس بهدوء.... كويس يا كريم كريم بهدوء.... اية الاخبار انس بهدوء.... فوزي خرج. كريم بهدوء... كنت عارف في حاجه جديده ولا لاء انس بهدوء... خالد كريم بسخرية... خرج هو كمان مش كدة انس بهدوء..... لا اتق*تل كريم بصدمة... اية انس بهدوء... اتق*تل فتحنا الزنزانة بتاعته لقينا متسمم طبعا من الاكل اللي كان بيدخله بس مش عارف قتلوه ليه رغم ان كان كلها فترة صغيرة وهيخرج كريم بإبتسامة..... علشان بقي كرت محروق الشحنة اللي كانت معه هو سلمها قبل ما يتقبض عليه فاكدة بقي بنسبة ليهم ملوش لازمة وخصوصاً ان هيبقي في قلق ومراقبة بعد ما يخرج قالوا يقتلوه اما بقي فوزي باشا لسه لغاية دلوقتي الشحنة بتاعته متسلمتش علشان كدة خرجوه لانهم محتاجينه لكن بعد ما الشحنة تتسلم هيحصل خالد باشا انس بهدوء.... تحليل منطقي اي حاجه جديدة هبقي ابلغك بيه كريم بهدوء... في انتظارك مع السلامه انس بهدوء... مع السلامه كريم قفل مع انس واتصل علي حورية اللي ردت وكان باين جدا في صوتها التعب و الوجع حورية بدموع... الو كريم بقلق.. في حاجه يا حورية انتي كويسة حورية بدموع... ايوه كويسة متقلقش في حاجه جديده بخصوص ماسة كريم ابتسم... ايوة يا ستي الناس اللي الزفت ده كان شغال معاهم قت*لوه وخلاص انتهي ومات في ستين داهيه حورية بفرح... بجد يا كريم كريم بهدوء... ايوة هي اكيد هتتعب شوية لما تسمع الخبر لكن مع الوقت هتتخطي الموضوع ده. حورية بإبتسامة... ياما انت كريم يارب كريم بهدوء..... انا هقفل دلوقتي علشان ورايا شغل هبقي اكلمك بعدين حورية بدموع.... تمام مع السلامه ربنا معاك كريم... ومعاكي يارب مع السلامه قفلوا الاتنين و حورية خرجت بره الاوضة وشافت الكل اتجمعوا تحت في الصالون. حورية بدموع... الراجل اللي ماسة بتدافع عنه اتق*تل كريم لسه مكلمني وقالي انه خلاص مفيش قلق عليها وجية بتعب.؟ كويس علي الاقل مشكلة نتخلص منها ونشوف المشاكل اللي نازلة هبد علي دماغنا مليكة بهدوء... لازم نتعامل مع الموضوع بحكمة عن كدة مش هينفع نفضل حبسنها كدة كتير وبما ان الخطر راح خلاص مفيش داعي تفضل محبوسة وجية بهدوء..... معاكي حق يا مليكة اطلعي افتحي ليها مليكة هزت راسها بالموافقة وطلعت لاوضة ماسة اللي كانت تجلس ورا الباب واول ما حست ان الباب هيتفتح وسعت وشافت مليكة فتحت الباب زقتها بعنف وقعتها علي الارض ونزلت تجري علي تحت بعنف وشرسة ووقفت امامهم ماسة بغل... مفكرين انكم لما تحبسوني انا بقي هسكت وهقولكم هتنازل عن القضية و ابعد عن خالد مش هيحصل. فاهمين عمار بهدوء.... انتي خلاص مفيش. داعي تتنازلي عن القضية يا ماسة ماسة بستغراب وعنف.... ليه بتقول كدة عمار بهدوء... لان اللي اسمه خالد مات اللي شغالين معه قت*لوه ماسة نظرت لهم لمدة دقيقة بدون اي تعابير علي وجهها ثم كأنها استوعبت ماذا قال ولدها الان هل خالد سوف لم تعد تراه مرة اخرى كانت غير متسوعبة لما يحدث نهائيا قالت بعدم تصديق؟. انتم اكيد بتكذبوا انتوا فاهم كذبين عمار بإبتسامة..... هنكذب ليه يعني دي الحقيقة لسه كريم متصل وقال ان الجماعة اللي شغالين معه صفوه ماسة جسدها ارتعش و العيون تجمعت بيها الدموع وهي تصرخ وتقول... مستحيل اكيد في حاجه غلط اكيد انتم اللي عملتوا كدة انتم اللي اتفقتوا عليه و قتلتوه خالد مش بيشتغل مع حد ولا يعرف جماعة ولا غيره انت فاهم اكيد انتم اللي عملتوا كده عمار بعتاب.؟. شايفه اهلك مجرمين علشان يقتلوا يا ماسة ماسة ببكاء... ايوة مجرمين اكيد انتم اللي قتلتوه مش مسامحكم ولا هسامحكم طول حياتي انا بكرهكم سامعين بكرهكم كلكم وحاولت الخروج ولكن مالك ووجية مسكوها وطلعوها اوضتها وهما يسمعون صراخها و بكاها علي خالد انجي بدموع.. مش مكتوب لينا نعيش في هدوء ابدا اية اللي جرا لينا بس يا ولاد وجية بتعب... عمار انا هروح لعمر علشان اتكلم معه عمار بضيق... تتكلم معه في اية يا بابا ابننا وطلع مظلوم و خلنا نشك فيه وحصل اللي حصل وجية بتعب.. عمر ما يقلش عنك حاجه حط نفسك مكانه هو وضعه صعب اوي يا عمار هروح اتكلم معه واحاول احل مشكلته عمار بضيق.. تحب اجاي معاك وجية.. لا خليك وجية سابهم و طلع علي عمر و خبط علي الباب فتح الباب عمرو. عمرو بهدوء... اهلا يا وجية بيه اتفضل وجية بهدوء... ابوك فين يا عمرو واية الشنط اللي انتم مجهزينها دي رايحين فين علي كدة عمرو بحزن؟. مينفعش نجعد اهنا اكتر من اجده يا وجية بعد اللي حصل وجية بضيق... عمر يا عمر عمر اول ما سمع صوته خرج و شافه يقف امام الباب عمر نظر في الارض وقال.. اتفضل يا وجية بيه وقف بره ليه وجية دخل جلس علي الكنبة وقال.. اقعد يا عمر عايز اتكلم معاك عمر قعد وهو مكسور وينظر لارض.. وجية بحزن عليه.... متحطش راسك. في الارض يا عمر و اهدي علشان نلقي حل للمصيبة دي عمر بكسرة... مفيش حل يا وجية بيه وجية بحزن.. انت غالي عليا يا عمر ومهما حصل انا بعتبرك ابني بنتك صغيرة اوي علي الحمل وعلي اللي حصل مراهقة انجرفت ورا كلمتين حلوين من عيل صايع انا عارف ان ده مش مبرر لكن يا عمر مش هتموتها دي بنتك ضناك عمر بدموع... ضنايا كسرت ضهري و حطت راسي و راس اخواتها في الارض وجية بحزن.. قوم البس و تعالي معايا نروح للوا الزفت ده نشوف هنعرف ناخد معه حق ولا لاء قوم خلينا نشوف حل سريع للموضوع ده عمر بدموع... مش هيفرق معه وجية بامل.. خلينا نجرب يا عمر يلا قوم خليك مع اخواتك يا عمرو انا وابوك بس اللي هنروح عمرو هز راسة بالموافقة وفعلا عمر جهز في دقايق وخرج هو ووجية علي الفيلا اللي جنبهم علي طول وخبطوا علي الباب فتحت الشغالة وجية... سيادة اللواء موجود الشغالة..... موجود يا فندم وجية بهدوء.... قوليله وجية السيوفي عايز يقابلك. ضروري الشغالة.. حاضر اتفضلوا دخلوا الاتنين وجلسوا في الصالون وراحت الشغالة تنده ليه وبعد دقايق نزل اللواء وهو يمسك بسجارة كبيرة و ينفث دخانها امامهم او يعتبر في وجههم وجية كح جامد من السجارة وعرف ان السجارة دي غير بريئة ابدا اللواء بقله ذوق... نعم وجية اخد نفس طويل و قال بهدوء... في مشكلة اتمني انك تحلها والمشكلة دي ابنك السبب فيها اللواء بسخرية... مشكلة اية بقي وجية ابتدا يحكي كل حاجه للواء وبعد ما خلص قال ببرود... وانا اعملكم اية يعني بنتكم اللي كانت سايبه انا ابني راجل و محدش يقدر يمسه وجية حاول يتملك اعصابه.. دي يعتبر طفلة وفي القانون هي فعلا طفلة وممكن نثبت انها فعلا حامل منه اللواء بسخرية..... هاهاها بجد روح اثبت مش فارق معانا بصراحة انتم اللي في النهاية هتتضره لان علي ما يطلع الاثبات والتحاليل دي. لو طلعت مظبوطة يعني لاني مستحيل اخليها تخرج مظبوطة هتكون سمعة بنتك في الارض يا حضرات وانا كدة كلامي انتهي اتفضلوا من هنا علشان عندي شغل كتير عمر كان فاضل تكه والدموع تنزل من عينيه وجية مسك ايده ونظر للواء بحدة وقال لعمر.. يلا بينا ياعمر خرجوا الاتنين وسمعوا الباب بيترزع وراهم عمر ماشي مكسور و بيتمني من ربنا في الوقت ده انه ياخده وجية بهدوء.... روح بيتك يا عمر وانا هحاول اشوف صرفه في الموضوع ده وشيل فكرة انك تمشي دي من هنا يلا عمر بكسره... هقعد هنا اعمل اية وانا اتفضحت ياريتها كانت ماتت ومعملتش فيا كدة وجية طبطب عليه وقال... اهدي وكله هيعدي روح دلوقتي عمر بدموع وكسره... حاضر كل واحد دخل بيته وجية دخل مكتبه متكلمش مع حد نهائي وبدر مخرجش من اوضته ولما عمار حاول يدخل ليه كان قافل الباب و مش راضي يفتح ولا يتكلم مع حد ..؟............... عمر حكي ليهم كل حاجه وندي فضلت تعيط عمر نظر لارهف اللي بتبكي... شوفتي و صلتني لاية شوفتي ذلتيني ازاي قام بغل مسكها من شعرها وهي صرخت وقالت ببكي.... سامحني يا بابا ارجوك عمر بغل... اسامحك ده انا هشرب من دمك يا بت*******. محدش حاول يحوش عنها عمر بغل... انا عايز افهم انتم كنتوا علي طول بتتقابلوا في الجنينة الخلفية مستحيل كان علي الاقل حد في مرة خد باله كنتم بتتقابلوا فين تاني انطقي يا بت **** رهف بصراخ و بكاء... لا كنا بنتقابل في فندق عمر بغل وصدمة.. فندق ازاي وكنتي بتروحيه امتي رهف ببكاء.؟ كنت بستاذن ماما و بخرج عمر نظر لندي اللي نظرت له بصدمة وقالت.. بتستاذنني ازاي يا بت رهف برعب وبكاء.... كنت بقولك اني رايحة اذاكر عند صحبتي وانا مكنتش بروح لصحبتي و بروح الفندق عمر نظر لندي بصدمة.... وانا مكنتش اعرف ازاي مفيش غير التلات اربع مرات اللي روحتي فيهم عند خالتك خرجتي بليل ازاي ثم ابتدا يفهم كل شئ ونظر لندي بصدمة.. بقي كنتي بتداري عليها وتقوليلي رايحة عند خالتها تساعدها في النقل كنتي بتستغفليني يا ندي ندي ببكاء.... انا كنت واثقة فيها وهي كانت بتقعد. تعيط وتتحايل عليا كنت مفكرها فعل رايحة تذاكر مع صحبتها. عمر بغضب ساب شعر رهف وقرب من ندي و صفعها علي وجهها صفعة ادت الي وقعها ارضاً تصرخ بشدة عمرو شاف والده لسه هيكمل عليها قرب عليه وقال بحزن... كفاية يا بابا حرام كدة هي ادتلها الثقة مكنتش تعرف انها مش قدها سيبها هي ملهاش ذنب عمر بغضب... ملهاش ذنب ازاي يا باشا مهي هي اللي سمحت ليها تمشي علي حل شع*رها معه لما كانت بتسبها تخرج وانا مستغفلاني يا ندي طب روحي و انتي طالق طالق. ندي صرخت بصدمة واسر كان يقف يبكي علي ما يحدث لابيه و لوالدته. ندي قربت ببكاء من رجل عمر وهي علي الارض... سامحني يا عمر اقسم بالله مكنتش اعرف ان ده هيحصل مكنتش اعرف انها هتخون الثقة اللي ادتهالها ابوس ايديك سامحني عمر نظر لها بعتاب شديد وقال... انا مستحيل اسامحك ولا عايز اشوف وشك ولا وشها وتركهم وخرج بره البيت بتعب اعصاب عمرو نزل علي ركبته مسك مرات ابوه و قومها وهي مسكت فيه وفضلت تبكي بشدة وتقول.. يا عمرو ولله ما كنت اقصد اداري عليها خليه يسامحني يا عمرو عمرو بحزن... اهدي بس يا مرات ابويا وسبيه يهدي شوية انا همشي دلوجتي وهحاول اتواصل معه متجلجوش وتركهم و ذهب وهي تنظر لابنتها السبب في طلاقها.. غوري من وشي منك لله يا بعيدة اشوف فيكي يوم منك لله .؟........................ في مكان في احدي قري الصعيد كانت تقف احلام امام زوج اختها وابو فرح احلام بغضب... سبج (سبق) وجولتلك انا مش موافجة ما تفهمشي ولا اية زوج اختها واسمه سعيد... اسمعي بجي يا احلام لو موافجتيش علي طلبي انا هاخد البت منكي و مش هتشوفيها واصل فاهمة احلام بغضب... انت بتهددني يا سعيد مفكر اجده بتجبرني علي اني اتجوزك مجابل (مقابل) ان البت تبجي معايا مش بكفياك اختي اللي ماتت من جرفك (قرفك) قرب سعيد منها بقذاره وقال... انا بجي بحبك وعاوزك وجلبي جايد نار يا حبيبتي خلاص اختك ربنا خدها ورياحنا منيها لكن انتي اللي في الجلب و لو متجوزتنيش غير اني هاخد البت مش. هسيبك. في حالك يا احلام واللي عايزه يكون بالحلال هيكون بالحرام يا جلبي هسيبك دلوقتي تفكري وبكرة عايز ردك انتي سمعاني مش. اجده وتركها ومشي وهي وقفت تبكي. بشدة ولا تعلم. ماذا تفعل بهذا الورطة التي وقعت بيها .................... في بيت وجية كان يقف بعد تفكير طويل امام ابنه مالك مالك باستغراب... في اية يا بابا بقالك نص ساعة بتبصلي وساكت في حاجه وجية بهدوء.... لو قولتلك. تعملي حاجه هتعملها مالك بهدوء... طبعا يابابا حضرتك تؤمر وجية بهدوء. الامر لله يا بني انا هحكيلك موضوع وانت لازم تحله ليا مالك بقلق.. في اية بعد مرور نص ساعة وقف مالك مصدوم وقال بغضب.. نعم اعمل اية وجية بترجي... ساعدني يا مالك مالك بغضب؟ اساعدك في اية يابابا حضرتك عارف بتطلب مني اية حضرتك عارررررف بتطلب مني اية وجية بهدوء... عارف يا مالك ومصر انك تساعدني ومستني اسمع رايك مالك بغضب.... هنا ينتهي البارت اتمني ينال اعجابكم ياتري احلام هتعمل اية. علشان تتخلص من سعيد توافق تتجوزه وتدفن نفسها بالحياة معه ولا ترفض و ممكن ينفذ تهديده اما ماسة هتفضل متهمة اهلها كتير ولا هيجي. اللي يثبت ان خالد فعلا شخص مجرم و ياتري وجية طلب ايه من مالك وياتري رد مالك هيكون اية ياتري اللي عمله عمر في ندي صح. ولا لاء مستنية توقعتكم وارائكم #بقلم_مارلي_إيهاب الفصل العاشر من هنا |
تعليقات
