![]() |
رواية تمرد عاشق الجزء الثاني 2 الفصل الثالث والثلاثون 33 بقلم سيلا وليدالفصل الثالث و الثلاثون قانون العشق يقولون... في العشــــــــــق يُلغى المنطق و يُترك القلب لينطق .. في العشـــــق ننسى من نكون نجهل ذاتنا تقف عقولنا مكبّله أمام جنــــــــــون قلوبنا .. في العشق كل خطيئه تُغتفر و كل عيب لا نراه .. أوليس_العشــــــــق_آعمى ! النظرة لمن نحب كالجرعة المهدئة عندما نصاب بألم الاشتيــــــاق. ... ❈-❈-❈ بالأسكندرية قبل ساعتين هبط ريان بإبتسامة مصطنعة ينظر للمدعون.. اتجه لنغم التي تقف بجوار مرام وسيلا ثم سحبها من مرفقيها وتسائل: - بيجاد مجاش.. إنت كلمتيه هزت رأسها وتحدثت: - جواد كلمه.. أنا طلبت من أوس يخليه يكلمه نظر إليها بذهول ثم زفر بغضب - ليه تعملي كدا يانغم من غير ماتعرفيني.. يبقى جواد مش هيسكت لما يعرف كل حاجة اتجه ينظر بشرود بوجه يكسوه الحزن.. أفاق من شروده عندما أستمع لرنين هاتفه تحرك لمكان هادئ وأجاب يوسف - أيوة يايوسف.. عملت إيه ابتسم يوسف وأجابه كله تحت السيطرة ياسيدي.. وصلت لتليفون البنت وكمان اخترقت تليفون اللي بكلمها برافو يايوسف... قالها ريان بارتياح ثم أكمل - كنت عارف إنك مش هتخذلني.. المهم يايوسف عايز أعرف الفيديوهات اتبعتت لحد تاني ولا لا كان يبحث بجهازا ما أمامه ثم أجابه - أنا قدامي إن فيه حد من الحفلة عندك معاهم ياريان.. بس لسة هشوف فيه حاجة وصلت للتليفون دا ولا تنهد ريان وتسائل - إنت متأكد من كلامك دا.. يعني فيه حد تاني غير البنت والولد.. صمت يوسف يبحث فيما أمامه بسرعة ومهارة ثم رفع نظره للذي دلف إليه يبتسم - هشوف وأرد عليك ياريان متخافش.. انا هعرف أوصل لأي جهاز مع فون تاليا جلس جواد بجوار يوسف وتسائل - وصلت لحاجة يايوسف أومأ يوسف وهو ينظر أمامه بأهتمام - كله تحت السيطرة.. لكن فيه سؤال محيرني.. كان إيه لازمة الحفلة اللي عملها ريان.. ماكان ممكن نتخلص بالطريقة دي رجع جواد بظهره على المقعد وأجابه - عايز يعمل منهم عبرة لمن يعتبر.. على مااعتقد دا تفكير ريان.. متنساش إن الموضوع حساس.. رفع جواد نظره للجهاز الذي أمامه وتسائل - ازاي بتعرف تخترق وتسحب معلومات.. وكمان بتغيرها ابتسم اليه يوسف وأجابه - زيك كدا لما بقولك إزاي تعرف إنك هتكسب قضية وانت مفيش دليل ملموس من المجرم.. ورغم كدا هجاوبك على فضولك شوف طبعا فيه حاجات بتكون صيدة للبعض.. يعني بمعنى انك مثلا لو مطارد من اعدائك فحبيت تدخلهم من طريقة شمال.. فبتدخل كدا وتخترق وتسرق المهم عايز اقولك إن دايما رجال الأعمال اللي زي ريان كدا مستهدفين.. فعملوا الأجهزة دي عشان نعرف نخترق وطبعا! لا خلاف أن أصبحت الهواتف الذكية تشكل أجهزة حاسوب مصغرة متصلة بالإنترنت تخفي في مكنونها الكثير من الخفايا والبيانات والمعلومات التي تسعى الكثير من الشركات لتجميع أكبر قدر منها، وذلك بغرض استغلالها في تطوير أعمالها التجارية مختلفة المهام. فقد تكون مستهدف من قبل منافسينك الذين ما يترقبون أسرارك للإيقاع بك، أو قد تكون فريسة دسمة للراغبين في انتهاك خصوصيتك والعبث فيها للتسلية أو الإبتزاز. هنا يظهر الوجه الآخر الخطر للهواتف الذكية كأدوات تجسس ومراقبة وتجميع معلومات وتحديداً في حالة إختراقها أو مراقبتها. ومن أكثر أساليب الإختراق خطراً هو اختراق شريحتك زي ماانا دخلت كدا وعملت هذا الإختراق من خلال إرسال رسالة قصيرة (SMS) إلى تليفونك، تحمل في داخلهارابطاً إلى متصفح أو رمزاً معيناً يملي على الشريحة بعض التعليمات البرمجية والأوامر للسيطرة على الجهاز أو سحب البيانات منه مستخدماً برنامجاً تتعرف عليه بطاقة الهاتف يسمى “S@T Browser”. ومتنساش العمليات تتم بشكل صامت غير ملحوظ . ولأن اختراق ( SimJacker) لا يقتصر على نظام تشغيل معين؛ ف جميع أنواع التليفونات معرضة للخطر بما فيها أجهزة الهواتف الذكية اللي بتعمل على نظام أندرويد وآيفون. فهمت ياحضرة اللوا اومأ جواد برأسه وهو ينظر للشاشة امام يوسف.. على الجانب الآخر وقف ريان بشرفة غرفته ينظر لتوافد المدعويين.. إتجهت نغم إليه ووقفت بجواره: - ريان حبيبي بيجاد على وصول.. إنت عارف دا معناه إياه أطبق على جفنيه.. وحاول التنفس عندما شعر بغصة تمنع تنفسه.. ثم اتجه بنظره إليها واصطنع ابتسامة خفيفة - نغم انزلي وأنا جاي وراكي.. هعمل تليفون مهم.. اومأت برأسها ثم خرجت وتركته اتجه ريان لتاليا.. ثم قام بالطرق على باب الغرفة.. إصطدمت تاليا بوجوده تخيلته ماسة: رسم ابتسامة ثم تحدث - فين ريان مش شايفه يعني فركت كفيها ثم رفعت نظرها إليه واجابته - حد من صحباتي اخده معاه.. حضرتك عارف الفرح ودوشته وممكن الولد يتوه مني جحظت عيناه ثم نظر إليها بصدمة - إزاي تعملي حاجه زي كدا.. مش المفروض تعرفيني.. اصطنعت البكاء والحزن فنظرت للأسفل - ماهو طنط نغم مش معترفة بيه خالص.. والصراحة أنا مش واثقة في بيجاد.. مش معقول اتغير في يوم وليلة.. خفت يعمل في الولد حاجة اقترب ينظر إليها شرزا وتحدث - شكلك متعرفنيش.. دا حفيدي يعني اللي يقرب منه ادهسه بجزمتي حتى لو كان ابني بذات نفسه كانت نظراته تتناقض كليا بما يشعر به.. ودّ لو اطبق على عنقها ولم يتركها إلا صريعة بين يديه.. مسح على وجهه وأشار إليها - كلميها خليها تجيبه وتيجي يلا كلميها.. صاح بها ريان بصوتا مرتفع.. فهزت رأسها بالموافقة... ثم خرج سريعا حتي تتم خطته ولا يترك شيئا للظروف على الجانب الآخر جلس يوسف بتركيز يتابع الهاتف.. ابتسم عندما وجد ما يبحث عنه.. ثم ارسل رسالته لريان - تم ياكبير وكل الفيديوهات اتمسحت من التليفونين.. كان يزرع غرفته ذهابا وإيابا ينتظر اتصال يوسف على أحر من الجمر.. رفع هاتفه عندما استمع لأشعار الرسالة دقق النظر لعدة لحظات ثم تحدث ليوسف - متأكد مفيش غير دول يايوسف توقف جواد وهو ينظر بشاشة يوسف عله يفهم شيئا فيما اجاب يوسف - ايوة ياريان.. دول اللي البنت بتتواصل معاهم من وقت مادخلت فيلتك.. غير كمان رقم جاكلين اللي اتاكدنا منه توقف يوسف ينظر لجواد.. وتحدث - فيه حاجة كمان لازم تعرفها ضيق ريان عيناه وانتظر اكتمال حديثه - ماسة بنت عمر هزة عنيفة أصابت ريان وهو يتمنى ان يكون ماهفمه ليس إلا كابوسا حمحم يوسف وأكمل - ماسة اتكلمت مرتين مع جاكلين لكن معرفش كانت عايزة إيه.. يعني رقمها موجود قدامي سقط جواد على المقعد خلفه عندما وضحت إليه الصورة وماكان يصل لهاتفه من صور لبيجاد وتاليا سوى من ماسة ابتلع ريان ريقه وحاول فك رابطة عنقه عندما شعر بالأختناق وتحدث بصوتا مذبذب - قصدك ممكن ماسة تكون مشتركة معاهم.. وتكون الصور كمان معاها ❈-❈-❈ هز يوسف رأسه رافضا وأجابه سريعا - لا طبعا مااقصدش.. لكن معرفش ايه علاقتها بجاكلين وتاليا.. دول بيكلموا بعض.. دي كل الارقام اللي ظهرت عندي تاليا مع زميل بيجاد طبعا اللي اتخانق معاه قبل كدا.. واللي كان بيعاكس غنى يوم حفلة المستشفى.. شوف كمان جاكلين بعدها اتواصلت عدة مرات من حوالي.. استنى اعرفلك التوفيت بالضبط - آه من حوالي خمس شهور.. دا يعتبر بعد عملية غنى بشهر - إممم وبعدين كمل اتصلت بيها كام مرة وقعدا وقت كبير مايتواصلوش غير من شهرين بس.. يوم ماجتلك على الشركة قبلها بيوم واحد زفر يوسف وهو ينظر لجهازه ثم أكمل: - وبعد كدا كانت بتكلمها نقول يوميا ومع الولد بتاع الحفلة هز ريان رأسه وتحدث: - خلاص شوف تليفون ماسة يايوسف تصنم يوسف بمكانه وتسائل - اكيد بتهزر مش كدا: حمحم جواد بجواره وتحدث - لا مش بيهزر يايوسف.. شوف زي ماقالك عشان عندي معلومة هتثبط انها متورطة معاهم ضغط ريان بقبضته وتسائل - ليه خبيت عليا ياجواد.. جي دلوقتي تعرفني - مش وقته الكلام دا.. المهم نتأكد انها معاهم ولا لا.. قاطعهم يوسف - لا مفيش حاجة عندها غير شوية صور ليها مع بيجاد والاتصالات العادية - الحمدلله.. قالها ريان بتنهيدة حزينة يوسف انا هنزل دلوقتي ومش عايز غلط وراك.. هيدفعني كتير أكد يوسف إليه - ان شاء الله خير بعد قليل نزل للأسفل ونظر بين الحضور بابتسامة يبحث عن ابنته واولاده اولا كانت تقف بجوار ماسة التي تنظر بهاتفها بشرود.. وصل ريان إليها وسحبها من يديها - ماسة تعالي معايا.. عايز اتكلم معاكي شوية في سيارة بيجاد جلس ينظر من النافذة أثناء ذهابه للحفل بجواره عز بالسيارة.. ابتسم بخفوت عندما تذكر لحظاته مع متيمة قلبه فلاش باك خرجت بإرهاق من المرحاض.. جلس أمام المرآة تغمض عيناه تحاول الصمود أمام آلامها.. وصل إليها يحاوط جسدها من الخلف ثم أمال يقبل وجنتيها - اساعدك!! هزت رأسها بالموافقة - ياريت.. شكل يُمنى مش هترجع الليلة رفع حاجبه بسخرية وتحدث فظاظة - وليه عزول بينا.. ماجوزك معاكي أهو.. عايزة اعملك ايه وأعمولهولك جلس خلفها وحاوطها بذراعيها - اي حاجة شاوري ومالكيش دعوة رجعت بجسدها عليه وأشارت على المنشفة وملابسها - نشف شعري.. وغيرلي هدومي.. مش قادرة اتحرك جذب مقعد صغير.. واوقفها بهدوء. اقعدي هنا عشان تعرفي تسندي ضهرك كويس.. ابتسمت له وفعلت مثلما قال لها قام بفك منشفتها التي توضع على رأسها.. ثم قام بتشغيل المجفف الكهربي لعدة لحظات غرس أنامله بخصلاتها وهو يبتسم.. ثم اقترب يستنشق رائحتها - شعرك طول وبقى يجنن أهو رفعت ذراعيها وحاوطت خصره - كنت بهتم بيه أكتر من أكلي عشان عارفة إنك بتحبه اوي.. رفعت نظرها إليه ووضعت يديها على خديه - فاكر اول مرة قابلتني فيها في طنطا يوم ماخبط عربيتك قبّل يديها التي تضعها على خديه وأجابها -فاكر كل ثاتية كنا بنتقابل بعض فيها مفيش ولا لحظة ناسيها.. ابتسمت وسألته: - طيب قولت إيه يوميها؟! اندلعت ضحكة عالية من جوفه ثم جذب رأسها يقبّل جبينها قُبلة عميقة تدل على مدى تعمقه بها ثم أجابها - يوميها كنتي قنبلة بترمي روكس ياقلبي.. دنى يهمس امامها وغمز بعينيه وسألها - عجبتك صح وقتها.. قولي ماتنكريش لكمته بصدره ودفعته - امشي يابيجاد والله بابا ماظلمك لما قالك منحرف حملها متجها بها لغرفة الملابس وهو يضحك بصوتا صاخب - والله كنت محترم من يوم ماعرفتك وانحرفت لكزته ثم تحدثت - طيب عيني في عينك كدا ضمها لصدره ونظر لثيابها الموضوعة بالخزانة - مابلاش خليكي بعيدة عني.. خلي الولاد يجوا بالسلامة قام بتبديل ثيابها.. لثياب مريحة لنوم نظرت لنفسها ثم إليه واشارت على نفسها - دا إيه الأدب دا كله.. هتنام جنبي وأنا كدا حاوطها بذراعيه - حاولت الاقي حاجة مأمن ليكي وميخليش شيطاني يوزني.. واقعد مؤدب رفعت حاجبها تنظر إليه بسخرية - ليه حبيبي الهدوم بتوقفه؟! ثم رفعت ذراعيه تعانقه وهمست بأغراء - الحب مفيش حاجة بتقدر عليه ياحبيبي حاول إخفاء ابتسامته بقدر المستطاع على صغيرته التي تتلاعب بمشاعره.. فأنزل يديها بهدوء.. وقام بحملها متجها لفراشها دون حديث شيعته بنظرة إستفاهمية - مالك يابيجاد من وقت مابابا كلمك وإنت بتحاول ترسم ابتسامة على وشك.. بابا قالك حاجة ضايقتك؟ ازداد توتره ثم رفع كفه يتحسس عنقه.. وهز رأسه بالرفض - لا باباكي مقاليش حاجة...تعبان وعايز أنام.. تخيلي من يوم مامشيتي منمتش ساعة كاملة رفعت يديها إليه واشارت على ساقيها - تعالى نام.. انا نمت كتير ومش جايلي نوم دلوقتي احترق جدران قلبه عندما تقابلت عيناه بعينيها البريئة.. كيف له أن يقص لها مايشعر به.. كيف لها أن تتحمل ماسيفعله اطبق على جفنيه وشعر بتثاقلهما.. ثم خطى إليها باسطا جسده على الفراش واتخذ من ساقيها وسادته رفعت كفيها تربط على خصيلاته الناعمة.. ثم أمالت تقبل خديه وتحدثت وكأنها تقص له مايحلو من القصص هحكي لك على قصة البنت اللي كانت بتكره او مابتأمنش بالحب.. سحبت نفسا ثم تحدثت: - تعرف كنت بستتقل دمك جدا من اول كام مرة شوفتك فيها.. احست بوخزة مؤلمة اصابت شقها الأيسر عندما تذكرت - يوم ماقابلتك عند الدكتور طارق مع بابا.. دي كانت أول صدمة ليا.. وقتها بس حسيت إني متلخبطة ومش عارفة أنت بتكون إيه في حياتي.. ارتجف قلبها وأكملت - لما كنت بقرب من بابا مكنتش عايزة أبعد عنه خالص..وكنت بتمنى أن الوقت يوقف عليه هو وبس..مكنتش فاهمة إحساسي دا بأبوته..ولم كنت بتقرب مني كنت بحس بدقات عنيفة في قلبي لدرجة كرهت نفسي أوي وقتها انسدلت عبرة خائنة من بين جفنيها وأكملت: - مكنتش فاهمة يعني ايه شعور الحرمان والإحتواء يابيجاد..بابا كان بيحاول يقرب مني عشان كان حاسس اني بنته..وأنا كنت بقرب منه عشان كنت فاكرة مشاعري دي حب بشخصية مثالية زيه.. واهرب من دقات قلبي ليك.. اصلك جذبتني جدا.. حسيت أعرفك بقالي سنين طويلة ابتسمت بحزن وأكملت وهي تغرس انامله بخصيلاته - في الوقت دا.. أنت كنت مجنني معرفش كنت بكرهك ولا بحبك ولا إيه بالضبط.. أمالت بجبينها ونظرت لمقلتيها كنت عامل زي المغناطيس اللي بيجذب.. تنهدت تأخذ نفسا ورفعت رأسها - أول مرة حسيت إنك مهم ليا.. لما شوفتك في الجامعة مع سيلا.. وقتها حسيت إني غيرانة عليك ونفسي أضربك أوي.. وخصوصا لما شوفتك ماسك ايدها رفع كفيه وسحب كفيها يقبلهما ابتسمت إليه وأكملت - من وقتها وحضرتك بقيت تجذب فيا أكتر وأكتر.. حتى لما وقفت قدامك وقولت إني بحب جواد الألفي.. كنت عايزة أشوف نار الغيرة في عيونك دي بس نظرت إليه تكبح غلالة دموع غيمت مقلتيها متذكرة شيئا - طارق كان حنين جدا معايا.. بس مش حنان الأب لبنته.. معرفش وقتها نظراته ليا كانت إيه.. ارتجفت شفتيها ونظرت اليه - الصراحة هو عمره ماحاول يقرب مني.. كان دايما مسافر.. ومامي.. قصدي تهاني كانت هي اللي يعتبر كل عيلتي لحد مااتعرفت على يمنى في تركيا.. بابا كان مهندس كويس.. وقتها ارتبطت بيها جدا وادللت على مامي عشان ننقل جنبهم وبما ان طارق مكنش موجود تهاني كانت بتعمل كل اللي بطلبه واتقابلت هي ووالدة يمنى اللي طلعت صديقتها من اعدادي.. ابتسمت واسترسلت: - الدنيا دي ضيقة أوي.. وعدت سنين كتير ويمنى رجعت مصر قبلنا بسنتين.. رجعت للوحدة تاني.. فيه ولاد كتير حاولوا يتقربوا مني وأنا في ثانوي.. لكن أنا مكنتش بحب كدا.. كنت عاملة زي السحابة اللي مبتقفش في مكان.. بحب الضحك والهزار.. اعتدل جالسا يستمع إليها بتركيز... رفعت نظرها ثم ابتسمت - لما تهاني قالت هنرجع نستقر في مصر.. كنت مخنوقة ومضايقة على رغم المفروض أكون سعيدة عشان يمنى.. بس مكنتش حابة ارجع هنا من كتر ماكنت بسمعه عن مصر ورجعت مصر وأول اسبوع شوفت واحد واقف قدامي بارد وعمال يشتم.. دققت النظر بملامحه وأكملت - وقت يمنى مانادتلي بغنى.. شوفت حاجات كتيرة ظهرت عليك.. وقتها فكرت ان حبيبتك بالأسم دا جذبها لأحضانه يرجع شعرها المتمرد للخلف وتحدث - ومين قالك إن دا مش أسم حبيبتي وضعت رأسها على كتفه وتشابكت بأصابعهما وأجابته - كذاب ياحبيبي.. عشان دا دق لواحدة تانية.. ومعرفش العلاقة بينكم وصلت لأيه رفع ذقنها يحاوط وجهها عندما علم سبب قصها حكايتها فتحدث مؤكدا - غنى دا مش حب.. دي علاقة عابرة.. وبتحصل بين الشباب عادي.. ناظرته بروح مكسورة وليس سوى الصمت فتسطحت على الفراش وأجابته - عادي يابيجاد؟.. بس عايزة أعرف كان إيه شعورك لو اكتشفت إن ليا ماضي مثلا زي تاليا كدا جذبها بقوة وصاح بغضب - غنى المواضيع دي مش للهزار سمعاني.. ميغركيش أن أنا بحبك وبعشقك.. لكن بلاش تستفزي مشاعري أستدارت توليه بظهرها واردفت - ليه حلال عليك وحرام عليا..ايه يعني ماانت ماضيك مش هتتحاسب عليه فماضيا برضو ماتحسبنيش عليه غنى صاح بها عندما جذبها وأردف - إياكِ.. إياكِ ياغنى تلعبي معايا - بيجاد إنت مكنتش تعبان وعايز تنام.. يلا نام لاني مرهقة زي ماقولتلك.. أنا مش تافه زي حريمك.. ياعم السلطان كور أصابعه ثم اطلق زفيرا قويا يمسح على وجهه.. وتوقف متجها للشرفة وامسك هاتفه يحادث والده خرج من شروده على سؤال عز - بيجاد إنت عرفت غنى بحاجة هز رأسه بالنفي وأجاب - مكنش ينفع ياعز.. الموضوع مش سهل عليها ربت عز على ساقيه وتحدث بمؤازرة - كل حاجة هتكون تمام متخافش.. ربنا يستر ومتعرفش حاجة وقتها هيكون صعب عليها تبدلت ملامح بيجاد وتسائل - هي المفروض تقدّر الحالة اللي كلنا فيها وأنت شوفت حتى باباها مبعدش عن بابا رغم اللي حصل زفر عز متنهدا - دي غير دي طبعا.. هي اولا متعرفش الحكاية.. ثانيا دي ست يعني أهم حاجة عندها كرامتها... ووجع قلبها هيكون صعب نظر بيجاد من النافذة وهو يدعو ربه بأن الموضوع يمر مرور الكرام وصلا إلى فيلا والديه.. تركزت جميع الكاميرات عليه.. دلف بهيئته الجذابة وتزاحم الاعلامين حوله ولكنه دلف دون الوقوف والتصريح بأي شيئا ❈-❈-❈ بمدينة شرم الشيخ دلف باسم لغرفة حياة دون الطرق على باب الغرفة.. كانت تخرج من مرحاضها تلتف بمنشفة كبيرة متجهة لغرفة الملابس.. تصنمت بوقفتها عندما وجدته أمامها - ممكن أعرف إزاي تدخل بطريقتك دي دنى بخطواته السلحفية يمشط نظراته على جسدها بالكامل...كان يجاهد نفسه بالأ يجذبها لأحضانه ولا يتركها حتى يشبع روحه من إبتعادها تحركت بخطوات مرتعشة..وضربات قلبها تصم آذانها من شدة خفقاته عندما وجدت نظراته المشتاقة إليها توقف يمنع سيرها.. ثم رفع يده يرفع ذقنها وينظر لمقلتيها - أنا جاي أحررك يا حياة.. غصة توقفت بحلقه تمنعه من التنفس.. فأكمل: - لو عايزة تتحرري من باسم معنديش مانع.. مستعد أضحي بوجع قلبي في سبيل أرجع اشوف ضحكة حياة الحلوة وشقاوتها.. استدار يواليها بصدره: - ممكن أكون أناني ومفكرتش غير في نفسي وحاولت اسعد نفسي بعد ماحسيت إني بحبك.. عشان كدا حاولت متبعديش عني فعملت حجة الولد.. تراجع خطوتين للخلف - من النهاردة مش هكون أناني ابدا.. من حقك تعيشي حياتك.. وبالنسبة لفيروز أنا عملت حسابها في كل اللي تحتاجه ومتخافش عمها اتسجن وكمان مدحت مطارد من الشرطة وهيجبوه رفع نظره إليها وأردف برسم أبتسامة - وانتِ عيشي حياتك إنتِ جميلة أوي تستاهلي تفرحي وتكوني أسرة "آسف" قالها وخرج بروح محترقة وقلبا يتمزق ألما وثقل بتنفسه كأن روحه تنسحب لبارئه تسّمر بوقفته عند الباب عندما همست بشفتين مرتجفتين - أنا بكرهك أوي ياباسم.. بكرهك عشان دايما بتخذلني.. بكرهك عشان بتوجع قلبي.. بكرهك عشان دايما مابتحاولش تربط على قلبي وتداويه.. بكرهك عشان بحبك ومش قادرة حتى اتنفس وانت بعيد عني.. بكرهك عشان متمنتش راجل في الدنيا قدك.. بكرهك عشان نفسي تحضني وتحسسني بالأمان.. بكرهك فوق ماتتخيل عشان بحبك اكتر مايصورلك عقلك وقلبك الغبي دا.. ترنح خطوة للخلف بأعين مغمضمة بقسوة.. وشفتين فاغرتين مصعوقا وكأن ماقالته كصاعقة أدمته بشدة فاصابت صدره وشعر بإنسحاب انفاسه.. فرفع نظره لعيناها الجميلة ورأى ماجعل قلبه يدمي أكثر وأكثر عندما وجد دموعها كشلال... وهي تهمس اليه -"مش هقدر أعيش بعيد عنك ياجلادي للاسف".. هنا توقف الزمن وثبت دوران الأرض تحت قدميه.. فبأنفاس مرتجفة تحدث مبتسما بزهوا -"وأنا اموت لو حياتي بعدت عن حضني يوم واحد" كانت تمنع ساقيها من الركض والأرتماء بأحضانه التي اشتاقته كثيرا وصل إليها بخطوة واحدة وهو يضمها ويدور بها كأنه شاب بالعشرينات.. انزلها بهدوء ينظر لمقلتيها وتحدث بصوتا مفعم بكم عشقه وحبه "بحبك ياأجمل خطة بحياتي" ❈-❈-❈ عند جنى وجاسر كان مستلقيا على العشب بحديقة منزله.. استمع لخطوات احدهما.. اعتدل جالسا جلست بجواره وأردفت وهي تنظر بنقطة ما - هنفضل كدا لحد إمتى ياجاسر؟ زفر مختنقا محاولا الحديث - جنى أنا مخنوق فيما تتخيلي صدقيني عامل زي المضروب على راسه اتجهت بنظرها إليه - جاسر هو فعلا إحنا ممكن نتخطب حق وحقيقي.. يعني هتفضل ساكت لكدا بدا على وجهه الحزن الشديد ثم رفع نظره إليها - للأسف ياجنى الخطوبة دي لازم تتم.. أنا حقيقي عاجز ومش عارف أعمل إيه نظرت للأسفل وتساقطت دموعها ثم أردفت من بين بكائها - هو أنا وحشة اوي كدا ياجاسر؟ قطب حاجبيه وتسائل - إيه الهبل اللي بتقوليه دا؟ كزت على شفتيها تمنع شهقاتها وأجابته باسترسال - تعرف وأنا في ثانوي عجبني صديق ليا أوي.. صمتت للحظات ثم سحبت نفسا وأكملت: - بعدها بكام يوم لقيته جايلي عشان اساعده يتعرف على صاحبتي .. قالتها بسخرية ضيق جاسر عيناه وتسائل - جنى انتِ حبيتِ في السن دا؟! هزت رأسها بالنفي وأجابته: - بقولك اعجبت بصديق.. مقولتش حبيت ياجاسر متبقاش رخم مط شفتيه للأمام وتحدث بسخرية - فكرتك زي البنات اللي كد وكدا.. بيمشوا يحبوا وهما لسة بياخدوا الرضعة كانت مدهوشة لما تسمعه ملجمة اللسان.. لا تستطيع الحديث.. فرفعت بصرها اليه. فلكمته: - أنت شايف حالتي دي للمزاح ياجاسر انفجر ضاحكا ثم قال مستهزءاً - فكرتك بريئة ياجنجون.. وكنت عايز افكر حتميا فيكي يابت.. وأخليكي توقعي في دبديبي احتقن وجهها بالغضب فلكزته مرة اخرى بكتفه وقلدته - ليه الاستاذ له دباديب!! رأى جاسر. صهيب متجها إليهما من بعيد.. فاعتدل سريعا يقترب منها.. ثم حاوطها بذراعيه وهمس إليها ورغم أنه همسا إلا أنه استمع صهيب إليه - ماتجيبي بوسة يابت ياجنى رجعت جنى بجسدها تنظر إليه مذهولة.. ثم نظرت غاضبة وحاولت التحدث ولكنه اوقفها بغمزة من عينيه عندما شعر بوجود صهيب خلفه: جذبه صهيب من ثيابه - حتى إنت ياحيوان كنت مفكر إنك غيرهم.. بس شكل العيلة كلها قليلة أدب حاول جاسر منع ابتسامته وهو ينظر لجنى غامزا ثم تحدث - ايوة زي ماقولت كدا.. أنا قليل أدب ومنحرف.. يرضيك تجوز بنتك لمنحرف ياعمو توقف صهيب وهو ينظر إليه مذهولا.. ثم صمت للحظات ف قال بغموض بعدما علم بخداع جاسر - طيب ليه ياحبيبي..ما نستر عليكم وزي ماقولت نكتب كتابكم ودخلة على طول... قالها صهيب وهو يعدل من ثيابه، ثم تركه وتحرك وهو يمنع ابتسامته عندما وجد الذهول على وجه جاسر بالأسكندرية دلف عز وبيجاد متجهين لريان الذي يقف بجوار نغم وياسمينا وقف بيجاد وهو يكز على أسنانه - عايز المهذلة دي تخلص بسرعة.. أنا ممكن أقلب في لحظة بقولك أهو سحبه متجها للمكان المخصص لعقد القران ثم توقف ريان ينظر للحضور بابتسامة وامسك الميك وتحدث - اولاً حابب أشكر كل الحضور على تواجدهم وقبول دعوة.. سحب نفسا وأشار لتاليا التي نزلت بجوار عمر متجه إليهما ثم وقفت بجوار بيجاد تتحدث بغضب هامس - حتى مش هاين عليك تقابلني على السلم على العموم مش هتفرق يابيجاد امال برأسه وصنع ابتسامة سخرية وتحدث - تعرفي لو ربنا بيحبك ينقذك من تحت ايدي ياتاليا.. رفع نظره لماسة وأكمل - فيه غيرك كتبت كتابي عليهم.. تخيلي ملمستش إيدهم حتى.. رفع سبابته وأكمل اللي رحمهم مني صلة القرابة بس لكن ياتولي الفرق كبير بينكوا رفعت نظرها لماسة بذهول تتأكد من حديثه ثم اشارت عليها - قصدك انك اتجوزتها قبلي يابيجاد وضع يديه بجيب بنطاله ونظر للحضور ثم رجع رفع نظره إليها - مين قالك ياحلوة اني هتجوزك اتت لتتحدث اقترب من والديه..كله تمام يابوص...هز ريان رأسه وهو ينظر للمدعويين ... دنى بيجاد من عز وأردف - مش ناوي تباركلي يا... حك مؤخرة رأسه واكمل - بيقولوا ياعديلي قوس عز فمه بسخرية وأجابه - احلى عريس والله ياحبيبي.. رفع يديه لأحدهما.. ففتحت الشاشات أمام الجميع تراجع ريان يستند بظهره على الجدار خلفه وهو يرمق تاليا و أحد الأشخاص الذي دلف للحفل إدعائه بصحفي فركت تاليا يديها وظهر الذهول على وجهها وهي تنظر للشاشة جحظت عيناها مما رأت - تجلس على كافيه بالقرب من الشاطئ.. اتجهت احدهما تجلس بمقابلتها - جاكلين عزيز... وهذا اخي جاك هزت رأسها بإيماءة - اهلا بحضرتك.. ممكن اعرف ازاي وصلتوا لرقم تليفوني تحدث جاك - لا تشغلي نفسك بهذه التفاهات.. إننا نطلب منكِ طلبا وسوف تؤجرين عليه بمبالغ اكثر مما تتوقعين قطب حاجبيها وتسائلت - مين انتوا وعايزين مني إيه؟! ابتسمت جاكلين تضع ساقا فوق الاخرى وتحدثت: - عشرين مليون... خدمة بسيطة هتعمليها.. أنا عارفة ان والدتك ماتت من فترة.. واختك عايشة معاكي في الشقة حمحمت تاليا وتسائلت - برضو معرفتش انتو مين.. وايه الضرورة مني انكوا تعرفو كل حاجة عني طرق جاك بأصابعه عدة مرات على المنضدة وتحدث: - بيجاد المنشاوي!! تصلبت أنظارها إليهما ثم قطبت جبينها ورددت: - بيجاد؟! ماله؟! مطت جاكلين شفتيها وارتشفت من قهوتها ونظرت إليها - هتتجوزيه وهتاخدي عشرين مليون كمان فوقيه.. مش هو حبيبك القديم ولا أنا غلطانة ابتسم جاك بسخرية عندما وجد ذهولها.. فتسائلت - أنا وبيجاد سبنا بعض بقالنا فترة كبيرة وضعت جاكلين شيكا امامها - دا عشرة مليون وبعد ماتخلصي اللي هنطلبه منك هتاخدي عشرة مليون كمان لحظات كالسيف مرت على احدهما فرفعت نظرها وتسائلت - إيه المطلوب وعلى حسب المطلوب هقول رأيي هز جاك رأسه بنفي واجابها - عفوا.. اننا نوثق عقدا اولا حتى لا تتلاعبين بعد ذلك جلست لفترة ثم رفعت رأسها بطمعا وحقد بسبب رفض بيجاد لها بعد قضائه فترة معاها - شكل الموضوع كبير ومهم ليكم أوي.. أمسكت كوب العصير وارتشفت بعضه وتحدثت: - اشوف المطلوب وبعدها اقرر حمحمت جاكلين وتحدثت - هتدخلي فيلا المنشاوي على إنك ام ابن بيجاد.. مع انه كان حبيبك لفترة.. فبتالي هيكون سهل ان الموضوع بسيط ضحكت تاليا بسخرية وأجابتها - دا ايه التخطيط الجهنمي دا.. شكلكوا بلا دماغ سوري.. ثم اكملت - بس محصلش حاجة بينا وكمان بيجاد مش اهبل ولا عبيط غير إن فيه حاجة اسمها تحليل DNA قوست جاكلين شفتيها واجابتها - مالكيش دعوة أنتِ بدا كله... المهم تدخلي وتقولي الولد ابنه.. ريان طبعا مش سهل فالموضوع هيشغل دماغه وهيخاف على سمعته هو وابنه.. وقتها هقولك تعملي ايه: ازدرد ريقها بصعوبة تجمع الكلمات التي جفت على طرف لسانها فقالت بثبات: - مين يضمني أنكوا مابتلعبوش بيا وضع جاك اوراق امامها وتحدث - هيا امضي هنا.. ودا يؤكد كلامنا.. حتى لو حاولتي تغدرين هاخد خمسين مليون مش عشرين وأهم من دا بيجاد ضحكت جاكلين بسخرية - متخافيش دا اللي احنا عايزينه امشي زي ماهنقولك وبس وبالنسبة للفلوس مش كتير وزعت تاليا نظراتها لا مش كتير شكلكم هتاخدوا اكتر ثم رجعت فتسائلت - هتستافدوا ايه؟ توقفت جاكلين تنظر لجاك وتحدثت - متشغليش بالك.. انت هتستفادي وبس، وكله بشطارتك أهم حاجة محدش يعرف وبما انك موافقة.. فابن اختك الأمور هيفضل معانا لحد مانخلص مهمتنا هنا فصلت الشاشة... تحركت تاليا تنظر لريان بذهول وتحدثت أمام الجميع - يعني كنت عارف إن الولد مش حفيدك دفعها بيجاد وهو يرمقها بنظرات مشمئزةحتى سقطت على المقعد خلفها - هسمع صوتك هدفنك مكانك ياحقيرة.. استني لسة حسابي مجاش تحرك ريان بين الحضور وتحدث بهدوء - من زمان أوي وأنا بتحارب من ناس مالهمش غير انهم يسيؤو سمعتي وبس،.. وكنت بحارب وبحاول اعتمد على نفسي والحمدلله كنت بخلص منها بهدوء تام توقف للحظات ثم رفع نظره لزوجته وتحدث.. اندفعت الدماء بأوردته وسرت كالنيران التي تحرق أحشاؤه بالكامل فأكمل: - أنما توصل لمراتي وولادي فدا اللي مستحيل اسكت عنه ابدا ولا احله بهدوء، أنا عملت كدا عشان أعرف كل واحد تسول له نفسه يقرب من بيتي هتكون نهايته حاجة فوق مايتخيله عقله أشار على تاليا.. ثم نكس رأسه اسفا وقال بألم يعتصر ماتبقى من روحه عندما تخيل صور ابنته وزوجته بين الحضور اظلمت عيناه وارتسم بها نظرة جوفاء قاسية فتحدث بهدوء مميت - للأسف لو طلبت فلوس مني مكنتش هقولها لا.. لا دا كملت معاهم بطريقة أحقر بكتير من اللي شوفته.. مع ناس أعداء ليا ولعيلة الألفي... الاستاذة المبجلة حطت كاميرات في أوضة نومي وفي حمام بنتي... صدمة اذهلت جميع الحضور حتى بدأو يتقاذفوها بالسب.. تحرك مكتملا حديثه - لا وجاية تهددني ياتتجوز ابني ياافضح مراتك وبنتك قدام الكل.. وكمان عايزة نص اللي عندك.. ماهو اللي اتعمل فيها مش قليل.. بس عايز أقولها حاجة - متفكريش هتفضلي مستخبية كتير... وابنك عندي هنا.. مااتخلقش اللي تضحك على ريان المنشاوي ارتسم تعبير مندهش ممزوج بالغضب والأستنكار بين الحضور تحرك احدهما يمسك هاتفه يتحدث مع أحدهما ولكن الهاتف لا يوجد به شيئا دفعه بقوة وهو يسبه - اللعنة عليك ايها الأحمق لقد حطمت كل شيئا رفع ريان نظره لقوة الأمن - فجور باعتة صديقها عشان تعرف تسيطر هي واللي معاها علي.. ❈-❈-❈ على الجانب الأخر تجلس بحديقة منزلها.. عندما رفض بيجاد ذهابها لوالدها.. وإحضار غزل وروبى إليها بسبب إرهاقها وتعبها دلفت غزل إليها تبتسم - بقولك غنون ماتيجي نقعد شوية برة على الشط اومأت برأسها تضع وشاحا خفيفا على كتفيها العاري.. ثم سألت والدتها - مامي الألم دا هيفضل كدا.. بقالي أسبوع وجع شديد حاوطتها غزل بذراعيها وأجابتها - التوام ياحبي بيكون صعب شوية.. يعني الألم بيكون متضاعف.. المهم تحافظي على نفسك كويس.. وبلاش الأستاذ بيجاد يعمل حبيب كل شوية توردت وجنتيها عندما علمت بمغذى حديث والدتها فتحركت للخارج دون حديث هعملك حاجة تشربيها.. وروبي بتعمل شاندوتشاتك اللي بتحبيها قالتها غزل وهي تنظر لتحركها بألما.. - لو تعبانة حبيبتي بلاها.. خليكي مرتاحة هزت رأسها بالرفض وأكملت تحركها - لا هستنى بيجاد برة.. متعرفيش راحوا فين ياماما.. فركت غزل كفيها ونظرت إليها بتوتر وخرجت وهي تتحدث - لا حبيبتي معرفش هزت غنى رأسها وخطت للخارج تستنشق عليل البحر من نسماته التي تضرب وجهها بشدة.. جلست تبتسم تتذكر زوجها عندما تركها وغادر فلاش باك - أفاق من نومه يتحدث بجمود إليها.. ربما اعتقد إنها لا تشعر بتقلباته طوال الليل وتنهيداته بأنفاسه الحارة التي تضرب عنقها بشدة بسبب بعدها عن أحضانه تحرك للمرحاض لدقائق معدودة.. ثم خرج ينظر لساعاته اتجه لغرفة ملابسه وتجهز للخروج ويظهر على ملامحه الغضب.. الشديد.. نظر بإنعكاس صورتها بالمرآة وتحدث - مامتك ووالدك بعد شوية جاين.. هيروحوا على بيتنا.. المكان دا مينفعش نقعد فيه أكتر من كدا.. وخصوصا المستشفى بعيدة عن هنا... لازم نكون قريبين من المستشفى تحمحم ثم تحدث: - وبعدين مينفعش كل يومين الدكتور دا يجي ومفيش راجل معاكم.. يمنى عايزة تيجي مرحب بيها.. هنشوف دكتورة نتابع معاها مش عايز دكاترة رجالة انا استدار ينظر إليها - مش بتوقمي ليه.. عندي شغل ضروري لازم نتحرك عشان منتأخرش.. زمان باباكي ومامتك وصلوا نهضت من فراشها دون النظر إليه ثم اتجهت لخزانتها وقامت بتغيير ملابسها وتحركت وصلوا بعد قليل وجد جواد وعز وغزل وربى أمام المنزل ينتظرهما تحرك جواد يضم إبنته وتسائل - عاملة إيه يابابي - كويسة حبيبي.. ضمتها غزل تستنشق رائحتها ثم تحدثت بصوتا حزين - وحشتيني أوي ياغنى.. يعني لو جيتي عندي مش تريحي قلبي يابنتي وضعت رأسها بحضن والدتها - أنا حابة أسكندرية ياماما أكتر من القاهرة.. بختنق من الزحمة اقتربت ربى وضمتها: - وحشتيني أوي ياغنون.. عندك حق ياحبيبتي اسكندرية جميلة ومريحة للأعصاب وخصوصا هدوء المكان دا حاوطها بيجاد بذراعيه عندما وجد الألم يغزو ملامحها.. واتجه للداخل بعد سلامها على عز دلفت غرفتها ساعدها على التسطح فوق الفراش ثم قبّل جبينها - عندي مشوار ساعتين تلاتة كدا لحد ماترتاحي وهنتصافى.. ماأنا مقدرش غنايا تبعد عني دقيقة واحدة بعد كدا جلس بجوارها يمسد على خصلاتها ثم رفع ذقنها عندما وجد صمتها - هقولك حاجة واحدة بس ياغنى.. أنا أكتر حاجة كنت بحبها السما.. بعشق الطيران في السما.. يعني بحب شغلي بجنون.. وبابا حاول معايا بكل الطرق عشان أسيب شغلي بس رفضت رفض قاطع حتى بدون مناقشة لحد ماحسيت إن شغلي هيبعدني عنك.. كرهته عشان كدا.. مفيش حاجة هتبعدني تاني عنك... خلاص مش عايز الشغل دا هعمل شركة سياحة كويسة وخلاص.. إيه رأيك ألقت نفسها بأحضانه تتمسح بصدره -بيجاد آسفة متزعلش مني أنا بحبك أوي.. وبيغير عليك كمان مش من حقي أغير عليك اقترب يقطف قبلة من ثغرها وغمز يعينيه إليها - من حقك تعملي كل حاجة ياروح بيجاد توقف عندما استمع لطرقات على باب الغرفة وتحرك للخارج بعدما دلفت غزل وربى إليها خرجت من شرودها عندما استمعت لرنين هاتفها اجابت - يُمنى آسفة حاولت أكلمك وأقولك أنا رجعت مع بيجاد ولو عايزة تيجي... قاطعت حديثها عندما تسائلت يمنى - يعني وافقتي على جوازه ياغنى.. وياترى روحتي الفرح معاه ولا لأ ذهلت غنى من حديث يمنى ثم هزت رأسها بالنفي - لا حبيبتي.. بيجاد قالي دا مقلب مش اكتر - نعممم هو بيشتغلك ولا إيه.. ليه مشفتيش الحفلة وهو واقف جنب البنت وبيضحك لها هزة عنيفة أصابت جسدها بالكامل.. وارتجفت شفتيها مع تساقط دموعها كالشلال دون توقف فتسائلت - فين دا يايمنى... بلاش هزارك السخيف - افتحي فونك على كل المواقع ياغنى.. بجد بيجاد دا لو بيضحك عليكي عايزة اموته أمسكت هاتفها بيد ترتعش ومقلتين محجرتين بدموعها بعدما مسحت دموعها بعنف وتخيلات شيطانية تضرب قلبها بقوة - يعني جالي امبارح يردلي القلم اللي عملته معاه.. جه يعيشني ليلة في الجنة وبعدها يرميني في النار صاعقة ضربت قلبها بقوة وهي تراه يميل على تلك الحقيرة ويبتسم... أعتصر قلبها وهي تراه بأناقته كعريس يوما زفافه حدثت حالها - دا راح غيّر هدومه فين.. عندها.. يعني لبس قدامها وممكن يكون.. كورت قبضتها بعنف ثم أطبقت على جفنيها صرخة بآهة عاليه.. وهي تراه.. وهو يجذبها من خصرها متجها لمكانهما.. هنا لم تقو على اكمال المشاهدة.. انزلق الهاتف من بين يديها وترنح جسدها تمسك أحشائها ثم جثت بركبتيها على العشب وهي تصرخ بآهة من أعماق قلبها... نظرت لنور القمر الذي يضاهي السماء بإنعكاس صورته الخلابة على صفحات المياة وانسدلت عبراتها..بغشاوة دموعها.. ظلت لدقائق تحاول التنفس.. ضغطت بقوة على أحشائها عندما تضاعف الألم بها.. .. تمنت مارأته ماهو إلا كابوس.. لا ليته كابوسا وتفيق منه.. هنا تزلزلت الأرض تحت قدمها.. نظرت لنور القمر بالسماء مرة أخرى وتساقطت عبراتها بقوة كالوديان عندما وجدته كالمنشق لحالتها.. جلست على العشب وهي تتمنى بأخذ انفاسها لتسلب حياتها للأبد.. فيكفي لها تلك الحياة من قساوة وغدر البشر هنا تفاقم الألم فصرخت بقوة صمت الآذان.. أسرعت غزل إليها وهي تحمل أكوابا من العصائر.. ثم تصنمت بوقفتها تنظر بذهول لأبنتها حينما وجدت دمائها تتساقط من بين ساقيها.. لم تتحرك غزل كأن عقلها لم يستوعب ماتراه.. صرخت ربى عندما وجدت أختها تجثو بجسدها بالكامل على الأرضية فسقطت كالمغشية فاقت غزل سريعا وكأن صراخ ربى أفاقها من صدمتها فحاولت إنقاذ مايتم إنقاذه أسرعت إليها تحمل رأسها تحاول افاقتها ودموعها تسبقها - غنى حبيبتي فوقي.. خليكي معايا.. غنى سمعاني.. فتحت غنى عيناها للحظات وهمست بصوتا متقطع - طلع بيخدعني.. أنا عايزة أموت واريحكوا هزت والدتها رأسها رافضة حديثها.. بينما ربى التي قامت الأتصال بالأسعاف وبكائها يزداد على حالة أختها رفعت الهاتف سريعا تتصل بزوجها كان عز يقف بجوار بيجاد يضحك وهو يرى الشرطة تقبض على تاليا والذين معاها.. بحضور هائل لإعلاميين -صراحة العرض كان هايل.. لا والدك دا عفريت خطط بتكنيك عالي الجودة يابني ابتسم بيجاد بسخرية ثم أجابه - يابني انت واقف قدام غول اقتصادي كبير.. بلاش أقولك من اذكياء العالم، لكن الصراحة ريان المنشاوي بصوره بالذئب المفترس.. طرق على الطاولة وأكمل - ومتنساش حماك.. حامي الوطن دا كمان مصيبة لوحدة.. الاتنين لو اتجمعوا هيعملوا اختراق للكوكب الأرضي قهقه عز ينظر حوله ثم تسائل - هو صحيح فين عمو جواد مجاش ليه تناول بيجاد عصيره ثم تحدث وهو يتحرك - مقموص وعايز يعلم على ريان المنشاوي..هو بيساعد من بعيد لبعيد تحرك بيجاد من أمامه عندما صدح رنين هاتف عز بالأجواء - روبي وحشتيني.. وحياة جواد الألفي.. لكنه توقف عن الحديث عندما استمع لبكائها - عز الحقنا.. غنى.. غنى اغمى عليها وماما بتحاول معاها وشكلها سقطت الجنين وبابا تليفونه مقفول.. وأنا معرفش حاجة في اسكندرية.. شوف بيجاد واتصرف عربية الاسعاف في الطريق رفع نظر لبيجاد الذي يحاوط ياسمينا ويضمها لأحضانه عندما وجدها منهارة ببكائها مسح على وجهه وحدث حاله - ياربي اعمل إيه..؟ يوسف!! اتصل بيوسف في الحال كان يوسف جالسا مع جواد يشرح له بعض الأشياء الذي فعلها قاطعه رنين هاتفه - ايوة!! - عمو يوسف أنا عز الألفي... عايز أكلم عمو جواد ضروري استغرب جواد بإتصال عز فاجابه سريعا - فيه إيه؟ تصلب جسده وشعر بدوار يغزو جسده ودقات عنيفة كأن قلبه سيتوقف من الخوف فتحدث بلسان ثقيل - من إمتى؟ تمام هتصرف.. عرف بيجاد وحصلني على هناك تحرك دون حديث.. صاح يوسف عليه ولكنه قاد سيارته يقطع طريقه بسرعة جنونية وكأنه يسابق الزمن يتبع... الفصل الرابع والثلاثون من هنا |
رواية تمرد عاشق الجزء الثاني 2 الفصل الثالث والثلاثون 33 بقلم سيلا وليد
تعليقات