 |
رواية القصه واللي كان الفصل السادس عشر 16 بقلم نور ناصر#القصه_واللي_كان🖤💔. _part: 16..... ــــــــــــــــــــــــــــــــــــــــــــــــــــــــــــــــــــــــــــــــــــــــــــــ كل ألم يعطي درساً ، وكل درس يغير شخصا.. --------________---------------_______________--------- _يقف مندور وبجواره شوقي وخالد ع مقدمة عزاء توني، جاء يحي لهم وكاد ان يذهب ويقف بجوار خالد فجذبه مندو واوقفه بجواره وجعل شوقي يذهب للجهه الاخري، فتنهد شوقي بغضب وهو يرمق يحي بحقد دفين، تقدم منهم عمر عزام وبجواره الشمي وصافح مندور ويحي وشوقي وقام بتعزيتهم، وعندما جاء الدور كي يصافح خالد مد يده له ولكن نظر له خالد الذي لن يقف له حتي ورمقه بحده ونهض تاركاً العزاء بأكمله، فحين اخذ شوقي عمر للداخل، نظر عمر لخالد بحقد شديد من تلك الاهانه... _بعد مده ليس بالقليله، دلف مندور ويحي وشوقي الي داخل منزل توني ليجدو اميره تجلس بجوار والدتها ودموعها لا تكف عن الهطول، ووالدة توني تجلس ع احد الارائك ودموعها متحجره بعيناها وبجوارها خالد يمسك يدها ويربت عليها بصمت، كان الحزن يغيم ع المنزل وكان جدرانه التي كانت تضحك بالأمس وتمرح معه اليوم تنزف دماً ع فراقه المفاجئ... مندور بنبره حزينه: البقاء لله ي ام توني.. وقفت امامه واردفت بدموع هبطت بالفعل: حق ابني مين هيجيبه ي مندور؟... مندور بجديه: هيجي ورحمة الغالي هيجي، اللي راح ده مش ابنك بس، انزلي الحته هتلاقي الكل بيبكي وزعلان عليه، ابنك بجدعنته وشهامته كان ابن واخ وصاحب كل واحد فالحته، وقبل مـ دمه ينشف فتربته هيكون اللي عمل كده مش موجودع وش الارض.. وقف خالد واردف بنبره حاده: العزا ده واللي اتدفن النهارده المفروض كان انا.. تابع وهو ينظر لام توني التي تبكي بقوه: ابن سعيد كان قاصد يموتني انا والرصاصه جات فتوني، فحقه فرقبتي انا واقسم بالله محد هيجيب حقه غيري وسيبك من كلام الحج مندور هو ممعهوش غير الكلام، انما السبب الحقيقي فكل اللي بيحصل ده هوو.. _نظر له خالد بدموع غاضبه، فحين بادله الاخر بحقد، ذهب خالد للاسفل وذهب خلفه يحي.. جذبه يحي من زراعه بقوه قبل ان يصعد السياره واردف بحده: انت مش ناوي تعقل، مش كفايه اللي حصل ده.. خالد بسخريه لازعه: اللي حصل ده فوقني اكتر، مندور هو السبب اسأله بس اي اللي خلي توني يدخل الشغل بتاعنا ده بعد مكان شاب زي الفل بيصلي وحافظ القرآن وخريج كليه محترمه، اسأله، فوق ي يحي قبل ميجي عليك الدور وانت فالضلمه دي فوق واعرف ان مندور ده تعبان مليان سم.. _اردف كلماته واخذ سيارته مغادراً الحي باكمله، فحين ظل يحي يعيد كلمات خالد فعقله مجددا ولكنه بررها بأنه غاضب لذلك اردف بهذا الحديث.. تنهد بضيق ونظر الي منزل توني ولمعت الدموع بعينه واردف بابتسامه حزينه: ربنا يرحمك ي جدع ي اصيل... _كتم غصته والمه ع ذلك الفقيد بداخله، فهو لن يتعرف عليه منذ زمن ولكن استطاع بطيبته ومرحه كسب محبته فذلك الوقت، ولكنه فعل ذلك كي يؤلمه هو الاخر برحيله، وصل امام منزل مندور، فصعد للاعلي لشقته ومنه الي غرفته ليجدها تجلس ع الفراش وهي ممسكه بكتبها الدراسيه وعيناها ذابلتان بقوه.. سالي بسرعه: اميره بقيت كويسه ي يحي، انا كنت عايزه ابات انا ونور معاها بس هي مرضيتش.. يحي وهو يجلس جوارها: ربنا يهون عليها.. سالي بحزن: يارب، ويرحمه ويغفرله.. يحي بأرهاق: انتي خلصتي مذاكره؟.. اجابته بهدوء: لا لسه بس انت نام وانا هطلع اكمل بره.. يحي برفض: لا خليكي متطلعيش، انا هنام وانتي كملي مذاكره.. سالي: عشان تطفي النور وتنام براحتك.. قبل يدها واجابها بهدوء: راحتي انك تكوني جنبي، خليكي متمشيش.. اعتدلت هي وجلست امامه واردفت بجديه: يحي هو مش انت طلبت مني متخلاش عنك واسيبك وانا وعدتك بكده صح؟.. _رمقها بقلق، ثم اومئ براسه بنعم.. فتابعت هي بدموع: اوعدني انك مش هتخليني اكون فيوم مكان اميره، والله مهستحمل وجع زي ده ابداً.. _لمعت الدموع فعينيه ايضاً واحتضنها بهدوء وهو يغمض عيناه بالم.. واردف بنبره يكسوها الحزن: مقدرش اوعدك بحاجه مش هقدر انفذها.. ابتعدت عنه وصاحت فيه بغضب: يعني اي، انت ا.. يحي بابتسامه هادئه عكس الحروب التي تدور بداخله: اهدي، انا قصدي ان ده قضاء وقدر، مانا ممكن اوعدك وانزل الصبح شوقي مثلا يغزني بسكينه.. سالي بغضب: بعد الشر عليك، طيب يعملها والله اشرب من دمه.. يحي بمرح: وحش، متجوز قتال قتله ي ناس.. _ابتسمت بأتساع ع ما تفوه به، فحين تمدد هو ع الفراش، وذهبت هي لاتمام دراستها التي انتهت منها بعد ما يقرب من الساعتين، ثم لملمت كتبها ووضعتها ع الطاوله وذهبت وتمددت جواره بعد ان اغلقت ضوء الغرفه، وما ان تمددت حتي وجدته يحتضنها بقوه وهو يدفن راسها داخل احضانها.. سالي بغيظ: يعني منمتش قولتلك اطلع اذاكر بره.. اجابها بهدوء: انا راضي كده ي ستي هو انا اشتكيت.. _ابتسمت بهدوء ثم احتضنته هي ايضاً، اخذت تدعو بقلب راجي ان يبعد عنهم السوء، وحاولت تجاهل تلك الغصه المريره التي بداخلها وخوفها الغير مبرر لديها وهي تغمض عيناها بقوه وتجاهد لتنام وتترك تلك الافكار السوداء.. ـــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ محمد بهدوء: ي فرح انتي بقالك اكتر من اسبوعين هنا كفايه وارجعي بيتك.. اجابته بضيق: ارجع بيتي، قولي بجد متتكسفش هي الست مامتك محتجاني انضفلها الشقه، ولا انت تعبت من خدمة نفسك فقولت تيجي تجيب الخدامه بتاعتكم بقي؟.. محمد بهدوء غير المعتاد: لا انا بقولك ارجعي بيتك، ولو خدمتك ليا تقيله عليكي براحتك مش عايز منك حاجه، واطمني مش هتروحي لماما تاني غير واحنا مع بعض هنزورها وكده يعني.. _نظرت له فرح باستنكار لحديثه الهادئ، فهذه ليس عادته ،اقنعت نفسها بأنه يخطط لشئٍ ما... نوال بابتسامه واسعه: عداك العيب يبني، وبعدين يعني المشكله مش فمامتك دي فرح بتعتبرها زيي بالظبط، بس انت افهمها وبالراحه معاها وبلاش تمد ايدك.. اجابها بجديه: انا اوعدها قدامك اهو اني مش همد ايدي عليها تاني وهسيبها براحتها فاي حاجه... فرح بسخريه لازعه: واي التغير ده، لا استني انت متقولش، انا من كام سنه سيبت البيت وجيت هنا زعلانه وانت جيت ومعاك خليل وقولت نفس الكلمتين وطلعت لعبه منكم ضحكتو بيها عليا.. نوال بحده: خلاص بقي ي فرح زمان كان حاجه ودلوقتي حاجه تاني.. _نظر لها محمد بضيق وهو يحاول التحكم باعصابه وعدم فعل ما مضي، فهو اقسم ان لا يكون سئ سيتعامل مثل ما تعامل مع مي فالبدايه وما يحدث يحدث... فرح بجمود: جايه ي محمد هجيب حاجتي واصحي كريم وجايه.. تابعت وهي تنظر لوالدتها بحزن: عشان تقلنا ع ماما وهي مش ناقصه... نوال بنظرات مليئه باللوم لابنتها: طيب ولي تمشو بالليل كده باتو النهارده وامشو بكره.. محمد بهدوء: معلش ي مرات عمي بس عندي شغل مهم ولازم امشي.. _نهضت واحضرت صغيرها واشياءها وذهبت معه، وبعد وقت ليس بالقليل وكانت الساعه تقرب من الثالثه بعد منتصف الليل كانو قد وصلو القاهره.. محمد بهدوء: نعدي ع المطعم اجيب عشا لينا عشان البيت مفهوش حاجه ولا اي رئيك؟.. فرح بجمود وقلبها يؤلمها بقوه وخوف وهي تراه يقترب من منزلهم وكانها تقترب لجحيمها: لا مش عايزه هنام، لو انت عايز هات لنفسك.. اجابها بهدوء: لا ملوش لزوم خلاص.. _ظل صامتون حتي وصلا الي منزلهم، فاخذت هي صغيرها واتجهت الي غرفته واغلقت الباب دون ان تتحدث له، فحين تنهد هو بضيق وذهب لغرفته دون ان يزعجها بشي مثل ما كان يفعل سابقاً... ـــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ _استيقظت نور ع رنين هاتفها الذي يصدح منذ وقت ليس بالقليل، التقطته من جوارها دون ان تنظر لمن الذي يدق لها.. واجابت بصوت نائم: ايوه مين؟.. اجابها هو بهدوء: اللي امه دعياله قبل متموت عشان يصطبح بصوتك كده.. نور بملل وهي مازلت تغمض عيناها بنوم: طيب اقفل يااه بدل مخليك تحصل امك.. _قهقه الاخر عالياً، ففتحت هي عيناها بفزع وهبت جالسه.. واردفت وهي تنظر لاسم الذي يحدثها: الصوت ده انا عارفاه كويس.. وضعت الهاتف ع اذنها واجابته بغيظ: يخربيتك ده انا لسه شايله رقمك من البلوك امبارح فهتبداها بازعاج وقلة ادب كده.. عمر بخبث: قلة ادب اي، انتي بتسمي الكلمتين دول قلة ادب، لا طمنتيني الحج عرف يربي.. اجابته بغيظ: استغفر الله العظيم ع الصبح، عايز اي ياللي اسمك اي انت؟.. عمر بهدوء: بصي ي ستي انا النهارده بالليل عندي افتتاح مطعم جديد ليا فقولت اول وحده هتدخله انتي، وهاخدك ونفطر هناك.. نور ببرود: مكنش يتعز انا صايمه.. عمر بتعجب: صايمه لاي، احنا مش فرمضان؟.. نور بحده: هو انا لازم اصوم فرمضان بس، انا كنت نادره ندر واتحقق وانا هصوم بس كده.. عمر بجمود: واي الندر ده؟.. اخذت نور تفكر بتوتر بماذا تجيبه ولكنها اجابته: حاجه بناتي عيب اقولك.. اجابها بضحكه هادئه: هكلم الحج مندور ي نور وهجيلك كمان نص ساعه اتفقنا.. نور باعتراض: طيب انا عامله دايت مش هينفع.. عمر بجمود: اجهزي لحد مجيلك سلام ي نور.. _اغلق معها، فاخذت هي تلكم الوساده بغيظ، ثم هرولت للخارح سريعاً لتجد مندور يدلف خارج المرحاض فركضت له بسرعه.. مندور بخوف وهو يعود للمرحاض: في اي ي بت المجانين؟.. نور وهي تمسك يده وتقبلها كثيراً برجاء: ابوس ايدك قوله لا والنبي قوله لا.. مندور بحده: اقول لمين ي بت الكلب انتي، اتعدلي وكلميني كويس وبالراحه.. نور وهي تاخذ انفاسها بصعوبه: عمر عايزني اروح افطر معاه وانا مش طايقه وشه فهو هيكلمك ياخد اذنك قوله لا والنبي اللهي ربنا ميزنقلك ولايه... _تنهد مندور بضيق، ثم القي عليها تلك المنشفه بغيظ وذهب الي هاتفه الذي كان يطرق قبل ان تأتي هي له.. واجاب بهدوء: الو ي عمر، صباح الخير.. عمر بهدوء: صباح النور ي حج، معلش بزعجك ع الصبح، بس انا كنت بستاذنك اخد نور نفطر سوا فالمطعم الجديد بتاعي.. مندور بجديه: ماشي ي عمر، بس متخليهاش تتاخر عشان امتحانتها قربت ولازم تذاكر.. عمر بابتسامه هادئه: لا متقلقش ي حج هي كلها ساعه وهرجعها لحد البيت.. اجابه مندور برضا: ماشي ي عمر معنديش مانع.. _اغلق معه ليجدها تقف امامه وترمقه بغضب.. مندور بجمود: في اي، هو مش المفروض تتعرفو ع بعض كويس فالشهر ده عشان لو هنعمل خطوبه رسمي تبقي واخده القرار كويس.. نور بغيظ وهي تذهب لغرفتها: بس انا مش عايزه اقابله ولا افطر مع حد.. مندور بحده: نور اللي بتعملي عشانه كل ده بايت بقاله كام يوم من وقت وفاة توني تقريباً فبيت بيت جيدا اخت عدنان، فاعقلي ومتضيعيش حياتك ع حد ميستهلش ضفرك.. نور بدموع وعدم تصديق: انت بتقول كده عشان انساه صح، قول صح والنبي متقولش انك بتتكلم جد.. _تنهد مندور بحزن وتركها ودلف لغرفته، فحين دلفت هي لغرفتها وهي تبكي بقوه وهناك نيران اشتعلت بداخلها كادت ان تجعل قلبها يتوقف عن النبض من شدة الغضب.. نور بغضب شديد: ماشي يـ خالد، كأنك كنت مستني ابعد عشان تروحلها، والله لاندمك ع كل اللي فيا ده ماشي.. ـــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ _دلفت داخل غرفة نومها بمنزلها الذي استأجرته مؤخراً لتجده يرتدي ملابسه وهو يقف امام المرآه وملامحه جامده مثل العاده.. جيدا بقلق: لاوين بكير هيك، انا جهزتلك الافطار بره و.. قاطعها بهدوء: لا مليش نفس افطري انتي انا لازم ارجع البيت بقي اشوف الاحوال هناك اي انا بقالي اسبوع عندك معرفش حاجه عن الحته.. اردفت بضيق: خالد انا ماجله سفري لهلأ كرمالك، انا كنت راح سافر بس انت جيت وراميت حالك بحضني و.. خالد بجمود: والمطلوب؟.. اجابته بتوتر: بتيجي معي وتطلبني من امي واخي عدنان.. خالد بتنهيده طويله: مش وقته ي جيدا... جيدا بحده: يعني شو مو وقته بدي افهم؟.. اجابها بنفس نبرتها: صوتك ميعلاش عليا، ومش وقته عشان صاحب عمري لسه مكملش حاجه متوفي وانا مش قليل اصل عشان اسيب اهله فالظروف دي واروح اتجوز، ع الاقل بعد العمليه الجايه.. جيدا بضيق: ي حبيبي العمليه الجايه مطوله شوي لان منذر ابوه توفي وحالته النفسيه مانا منيحه بهالوقت.. خالد بخبث: واي علاقة منذر بالعمليه دي بالذات ماي حد غيره يعدي الشحنه.. جيدا بسخريه: ما بيصير منذر هو الوحيد اللي بيقدر يعدي الشحنات، غير هيك بتكون البضاعه معرضه للخطر، او لازم عدنان يجي مع البضاعه والحج مندور مو بيرضي بهالشي انت بتعرف.. خالد بسخريه:عارف ي جيدا، بس هو لي عدنان ميجيش يمسك الشغل معانا هنا او يحول الذغل كله هنا .. جيدا بتوتر: مم ما بعرف، اتركك من هالشي تعال افطر معي كرمال خاطري ما تخجلني.. خالد بابتسامه هادئه تخفي خلفها الكثير والكثير: ماشي مش هخجلك يسطا.. ـــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ يحي بهدوء: فين باقي الفطار ي سالي؟.. سالي وهي تجلس امامه بتوتر: مهو انا متأخره ع الجامعه وملحقتش اجهز غير دول.. يحي بغيظ: تجهزي اي، لا بجد تعبتي نفسك انك طلعتي الجبنه من التلاجه وجبتي العيش.. سالي بابتسامه هادئه: والخيار والطماطم وعملت شاي.. يحي بغضب مكتوم: متستفزنيش ي بت انتي انا ع اخري.. سالي بحزن: ي يحي مانا قولتلك مش جاهزه انت زعلت، وبعدين انا مش فاضيه اتعلم الطبخ ولا فاضيه اهو حتي اجهز الفطار.. يحي بحده: مكنتش اعرف انك مبتعرفيش تطبخي يختي.. _امتلئت عيناها بالدموع، فتنهد هو بهدوء.. واردف بابتسامه واسعه وهو يتناول الافطار: بس حلوه الجبنه.. سالي بحزن: احنا ممكن ننزل نفطر تحت و.. يحي بجديه: لا طبعا، احنا هنا براحتنا، بيت خالك ع عيني وع راسي بس انا مبحبش اكون تقيل ع حد.. ثم تابع بتذكر: ثواني كده انتي ازاي مبتعرفيش تطبخي واحنا كل يوم بنتعشي فراخ او حاجات اا.. قاطعته بتوتر: مرات خالي بتجيبلي الاكل ده عشان عارفه اني بذاكر و.. يحي بغيظ: قصدك عشان عارفه انك مبتعرفيش تطبخي ي خايبه، متتكررش تاني.. سالي بضيق: طيب خلاص نجيب اكل جاهز بقي لحد متعلم.. يحي بهدوء: ماشي بس تتعلمي مش تطنشي.. _رمقته بغيظ واخذت تتناول افطارها وهي تنظر لهاتفها.. ثم تحدثت وهي ترسل لاحد اصدقاءها رساله صوتيه: السلام عليكم ي ماجد هتعبك بس تبعتلي الورق اللي نزله دكتور ايمن.. _اغلقت الريكورد وارسلته، ثم لاحظت نظرات يحي الجامده لها.. سالي بقلق: اي في اي، افتكرت اي كمان هتنكد عليا بيه الصبح.. نهض يحي وصاح بها بنبره عاليه وغاضبه وللغايه: ده انتي يوم اللي جابك اسود مين ده اللي بتكلميه وكمان قدامي، شيفاني بقرون قدامك... سالي بخوف وهي تحاول الرد عليه بهدوء كي تجعله يهدأ من نوبة غضبه المفاجأه: ده ده ماجد زميلي فالكليه.. يحي بحده: بتكلميه لي؟.. سالي بابتسامه خائفه: عشان محتاجه الورق وهو الوحيد اللي بيعرف يجيب الورق من الدكتور، وسهي قالتلي اكلمه اقوله يجيبهم معاه عشان ناخدهم منه النهارده.. يحي بغضب شديد: انتي بتستهبلي ي سالي تقابلي مين، طيب مفيش زفت جامعه ولا خروج من البيت والواد ده يتعمله بلوك دلوقتي.. سالي بخوف: حاضر هعمله بلوك والله، بس انا لازم اروح الجامعه.. يحي بغضب: عشان تروحي تجيبي الورق مش كده... سالي بتوتر: لا طبعا هخلي سهي تجيبه.. يحي بحده: اتنيلي اعملي بلوك.. سالي بغيظ: عملت، بس ع فكره محصلش حاجه وانا لو بعمل حاجه غلط مش هعملها قدامك يعني.. يحي بحده: مده انيل انتي شيفاني اي عشان تكلمي زفت راجل قدامي؟... سالي بحده: وانا اتكلمت فأي انا بكلمه بكل ادب واحترام بطلب منه حاجه وهو محترم جدا ومفيش تعامل بيما اصلا غير ع الدراسه، وبعدين انا هبقي دكتوره ومتعرضه اتعامل مع رجاله طول الوقت.. يحي بغيظ: متعصبنيش ي سالي والا هقعدك من ام الجامعه، ع الاقل يختي تتعلميلي الطبخ.. سالي بحده: يحي الا مستقبلي انت فاهم.. تنهدت بهدوء ثم تقدمت منه وقبلته من وجنته وتابعت بابتسامه خجوله: وبعدين متزعلش خلاص مش هعمل حاجه تزعلك وهتعلم الطبخ.. يحي بخبث: بقولك اي هي اول محاضره دي مهمه اووي يعني؟.. سالي بخجل وتوتر: ااه مهمه واتلم وتعالي عشان توصلني يلاا.. يحي بغيظ: والله البت نور صدقت لما قالت عليكي بووومه، قدااامي.. ـــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ _هبطت من السياره امام مدرسة صغيرها، لتجده يقف امام المدرسه بجوار سيارته ويرمقها بحده، تقدم منهم.. واردف بجمود وهو يجثو امام صغيره: ازيك ي يوسف وحشني ي حبيب بابا.. يوسف بهدوء: وانت كمان ي بابي وحشتني اكتر وعايز ارجع عندك البيت تاني ووحشتني اووي ماما لبني.. شوقي بابتسامه هادئه: هترجع لحضن ابوك ي حبيبي متقلقش.. الهام بجمود: ادخل ي يوسف يلا المدرسه عشان متتاخرش.. _ركض الصغير باتجاه المدرسه، وبقي هما الاثنين ينظران لبعضهم بحده.. شوقي بغضب: مش هتعقلي بقي وترجعي بيتك؟.. الهام بسخريه: انا فبيتي ي شوقي، انما اللي انت عايزني ارجعله ده بيتك انت اللي مستني ست الحسن والجمال فيه وبتقف فالبلكونه بتاعته تبصبص عليها.. شوقي بحده: لمي لسانك ي بت انتي عشان مقلبش عليكي، ولاخر مره بقولك ارجعي بدل م ورحمة امي اخد ابني واسيبك زي البيت الواقف.. الهام بغضب: انت بجد اي، لي بقيت كده لي ي شوقي، ويكون فعلمك ابني فحضانتي وانا مش عايزه منك حاجه لاني خلاص زهقت وقرفت من قلة القيمه اللي بشوفها معاك.. شوقي بغيظ: ماشي ي بنت زينهم شوفتي نفسك عليا اكمن اخوكي بقي شغال مع عمر عزام دلوقتي.. الهام بصدمه: اي سليم اشتغل مع عمر عزام؟.. شوقي بغضب: استهبلي استهبلي، بس حطيها حلق فودنك ابني مش هيتربي بعيد عني لو السما اطبقت ع الارض، سلام ي مدام.. _وقفت هي تنظر لاثره بدموع متحجره، هل اخاها اصبح يعمل مع ذاك الفاسق، اخاها الذي يُعرف باخلاقه واحترامه... ـــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ _هبط من سيارته، ليجد سيارات عمر عزام واقفه امام منزل مندور، فتنهد بضيق ودلف للداخل ليجدها تهم بالخروج وهي بكامل اناقتها.. فرمقها بحزن شديد واردف بسخريه: براحتك اووي كله هيجي ع دماغك فالاخر.. نور بنبره جامده: خليك فحالك لو سمحت.. ابتسم بهدوء واجابها: حالنا واحد ي نور.. نور بحده: كان زمان، انت دلوقتي اخر واحد فالدنيا يهمني.. خالد بجديه: كدابه ي نور، انا لحد دلوقتي اكتر حد بيهمك.. اتت لتتحدث باعتراض فاقطعها وهو يقترب منها مردفاً بخبث: هتفضلي ديما مكشوفه قدامي وهفضل انا الحب الوحيد فحياتك وعمرك لا هتحبي ولا بتحبي غيري واوعي تنكري عشان اللي ربا خير من اللي اشتري وامك وابوكي نفسهم ميعرفوكيش قد مخالد يعرفك.. امتلئت عيناها بالدموع واردفت بحزن: انت كنت فين؟.. خالد بدموع متحجره: بغلط كنت بغلط زي مانتي بتغلطي ي بنت خالي.. _صمت عندما لاحظ دلوف عمر عزام للداخل وهو يرمقهم بحقد وغيظ شديد.. خالد وهو يقبل يدها بهدوء تحت اعتراضها ع افعاله: عريس الغفله بيستعجلك روحي اغلطي يلا عشان حسابك يتقل اكتر عندي ي نور.. _اردف كلماته وذهب للاعلي تحت نظراته الغاضبه من ذلك الغموض الذي اصبح يتحدث به معها، فحين تقدم منها عمر وجذبها من يدها بقوه للخارج فحين فتح لهم سليم باب السياره وجعلها تدلف للداخل رغماً عنها وذهب هو للجهه الاخري تحت نظراتها الغاضبه ع فعلته هذه.. نور بغيظ: اي الطريقه دي انت ساحب بهيمه وراك.. عمر بجمود: كنتي واقفه معاه لي، وازاي ي انسه ي محترمه تسمحيله يمسك ايدك بالمنظر ده؟.. نور بهدوء: اولا لو ع مسكت ايدي فهو فجأني انا مكنتش اتوقع كده وده مش هيتكرر تاني، انما فانا بكلمه لي فده ابن عمتي وساكن معانا فنفس البيت وطبيعي يبقي بينا كلام.. عمر بغضب شديد ونظرات حاده: لو اتكرر تاني اللي حصل قدامي او كلمتيه ي نور هخليكي تكلميه بس وهو فتربته فاهمه ولا لا.. نور بغضب شديد: انت اي اللي بتقوله ده اياك تقربله او تعمله حاجه وملكش دعوه بيا اصلا والا كل واحد يروح لحاله من دلوقتي... اجابها بحده: ده لو اطبقت السما ع الارض مش هسيبك ي نور واللي قولته هيتنفذ ولو خايفه ع ابن عمتك اووي يروحمك تخليه بعيد عنك عشان اللي يخص عمر عزام متحرم ع غيره.. نور بحده: لا انت فعلا بني ادم مش طبيعي، وقف العربيه انا مش هغور معاك اي مكان.. عمر بحده اكبر: براحتك.. ثم اردف لسليم الذي يقود السياره بصمت وملامح جامده: ارجع لبيت الحج مندور.. سليم بايماء: حاضر... _عادت سيارة عمر الي امام منزل مندور، فاتت لتهبط منها وهي غاضبه، ولكن انتفضت بخوف ما ان جذبها عمر له بقوه واقترب منها كثيراً.. واردف بصوت هامس ولكنه يحمل الكثير من الحده ووالغضب: هسيبك تمشي دلوقتي بس اللي قولته هيتنفذ ي بنت مندور وخليكي متاكده ان لو الدنيا كلها اتجمعت ضدي عشان يبعدوكي عني مش هيحصل.. _ترك زراعها وابتعد عنها وهو ينظر من النافذه بغضب شديد، فهبطت هي من السياره وصفعت الباب خلفها بقوه ودلفت داخل المنزل ومنه الي السطح الخاص بمنزلهم، امتلئت عيناها بالدموع وامتلكها خوف لا تعلم مصدره جعل جسدها بنتفص بعض الشئ، فأحتضنت نفسها وجلست باحد الزوايه واخذت تبكي بكاء مرير، مسحت دموعها وهبت واقفه ما ان رأته يقف امامها يرمقها بنظرات جامده.. نور بغضب: جاي تشمت فيا صح، جاي تشمت فيا ي خالد عشان مش عارفه اعيش من غيرك؟.. اجابها بلوم: وانا امتي شمت فيكي قبل كده عشان اشمت فيكي دلوقتي.. نور بحده: بلاش والنبي الطريقه دي، متجيش تعمل فيها الضحيه بعد كل اللي عملته فيا.. _اتت لتذهب من امامه فجذبها من زراعها بقوه لتعود مجددا واقفه امامه.. واردف بنبره مليئه بالغضب: واي اللي عملته، احنا ديما بنتخانق ونزعل وبناخد شهور منتكلمش وبنرجع، بس المره دي العريس مالي عينك اووي خلاكي مصدقتي حاجه تحصل بينا وجريتي وافقتي عليه ورميتي كل اللي بينا وقلبي تحت رجلك ي نور.. اجابته بنبره باكيه: معاك حق انت ديما بتزعلني وانت برضو اللي كنت بتقعد شهور مش بتكلمني بمزاجك عشان بتكون مدايق من اي الله، واعلم واستحملت فوق طاقتي وجيت فالاخر اهنتني بزياده، هاتلي حد يستحمل اللي انت عملته الا لو كانت نفسه رخيصه عنده، وانا مش رخيصه عشان افضل اجري وراك ديما وانت راكني ع جنب حسب مزاجك تقرب وحسب مزاجك تبعد.. _جذبت يدها منه وهبطت للاسفل لمنزلهم... ـــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ يحي بهدوء: خير ي ام توني بعتالنا لي؟.. اجابته ام توني بحده: انا بعتلك انت والواد خالد عشان حاجتين وهتنفذوهم ورجلكم فوق رقبتكم.. خالد بايماء: انتي اؤمري وانا انفذ.. اجابتهم بدموع: الاول قبل اي حاجه اللي راح ده كان بيعتبرك ي خالد اخووه واكتر وفاخر ايامه مكنش ع لسانه غير سيرتك انت والصايع اللي جنبك ده اللي بيتخانق مع دبان وشه.. نظر لها يحي بحاجب مرفوع وكادان يتحدث فهمس له خالد بابتسامه هادئه: والنبي لتهدي هي دي طريقتها ده كده هي بتعزك.. تابع وهو ينظر لها بهدوء: خير ي غاليه قلقتيني.. ام توني بجمود: البت اميره عايزكم تخلوها ترجع بيت ابوها، ولو جالها حد كويس ترضي بيه وتدي نفسها فرصه هي مش هتموت ورا اللي مات ده نصيب.. اميره بضيق: تاني ي خالتي هنحكي فالكلام ده تاني.. يحي بجديه: مش وقته الكلام ده ي حجه ابنك لسه مكملش شهر ميت وانتي بتقولي لمراته تروح تتجوز.. اجابته بحده: هتفرق يعني، كده كده هو مات اقعد البت دي جنبي لي وهي صغيره وحلوه حرام عليا، بيت ابوها اولي بيها وحياتها لسه فيها كتير وابني هيكون مرتاح كده، ويتسمع الكلام ي يحي ي هخبطك بصنية الشاي دي فوشك.. يحي بغضب من بين اسنانه وهو يهمس لخالد: اقسم بالله هقوم اخنقها سكتها.. اميره بحده: مش همشي ي خالتي وبيتي هو بيت جوزي، وابنك مات بس مسابنيش ولا هيسيبني عشان انا حامل كنت لسه عامله الاختبار واستنيت اشوفك عايزه خالد ويحي فاي وكنت هقولك.. _نظرت لها ام توني بدموع هبطت ع وجنتيها، فحين نهض خالد وجلس جوارها... واردف بهدوء: الكلام اللي بتتكلمي فيه مش وقته ولا ينفع، اميره هتفضل عايشه هنا مرات توني وبراحتها محدش هيجبرها ع حاجه وابنه او بنته اللي هيجي هيكون فعنينا كلنا توني كان صاحب عمري واخويا.. اجابته ببكاء: وانت نفس غلاوته ويعلم ربنا وعشان كده بقولك مش عايزه حقه.. خالد بجمود: يعني اي مش عايزه حقه؟.. ام توني ببكاء مرير: يعني ابني عند صاحب الحق هو يجيبله حقه بمعرفته بقي، بس انا مش عايزه اخسرك انت كمان، مش عايزه اخسر ابني اللي فالدنيا ي خالد.. _احتضنها خالد بدموع وهو يقبل يدها بحزن شديد... تابعت هي من وسط بكاءها: انا جيبت الواد الصايع ده عشان اشهده عليك، انك مش هتعمل حاجه لابن سعيد وغلاوة توني عندكم.. يحي بضيق: هو بعيد عن انك وليه حر... صمت وهو يرمقها بغيظ وتابع: اطمني ي ام توني حق ابنك مش هيروح ع الفاضي وخالد مش هيجراله حاجه.. صاحت به بحده: ده اللي هو ازاي اتكلم دغوري ياد ي صايع انت.. يحي بنفاذ صبر: خالد انا مروح عشان مرميش الوليه دي من فوق.. مالت هي ارضاً وهي تخلع حذاءها وصاحت به وهي تلقيه عليه: مين دي اللي وليه ي ولولو عليك بدري.. يحي بغضب: انتي بترضبي مين ي وليه انتي؟.. خالد وهو يقف بينهم بقلق من تلك المشاده الحاده بينهم: اهدي ي يحي دي قد امك وهي طريقتها كده.. يحي بغيظ: ع نفسها يعم مش عليااا... اجابته هي بغضب: عليك وع اللي يتشددلك ي صايع ياللي معرفينلك اهل ولا حد غور برا بيتي.. اميره بصوت هامس لها: ي خالتي اسكتي بقي ده لسه مسددلك فاتورة النت.. ام توني بابتسامه واسعه: متأخذنيش ي بني اتفضل اقعد.. يحي بغيظ: لا اقعد ولا غيره انا لولا عامل حساب لتوني الله يرحمه كان هيبقي في كلام تاني بينا.. تابع وهو ينظر لخالد: انا هروح وانت خلص وبات فالبيت مش برا عشان خالك ع اخره منك.. _ذهب يحي لاخارج، فحين تنهد خالد وجلس بجوار ام توني.. اردف بهدوء لاميره: توني قبل ميتوفي كان ماشي فأجراءات انه هيفتح صيداليه لاميره.. اميره بدموع: توني عمل كده بجد؟.. خالد بأيماء: ايوه ي اميره وانا هخلصلك كل حاجه وهتبقي باسمك انتي والحجه تمام.. ام توني وهي تمسح دموعها: ربنا يرحمك ي بني ويعجل فمعادي عشان اجيلك ي حبيبي.. ـــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ الشيمي بقلق: يعني اي متعرفش اومال النسب اللي بينا ده اي؟.. عمر بهدوء: النسب ملوش دعوه بالشغل، ونور بعيد عن اي شغل ي شيمي.. الشيمي بغيظ: مكنش ده كلامك قبل منروح، ده افتكرت ان العمليه الجايه هتكون كلها لينا وتيجي تصدمني دلوقتي وتقولي متعرفش حاجه عن البضاعه ولا حتي هتيجي امتي.. عمر بحده: شيمي انا هشوف هجيب البضاعه ازاي وانت قول لمندور زي الاول عايز جزء من البضاعه شوف هيرضي ولا لا، بس من غير متدخل موضوعي انا ونور فالشغل.. الشيمي بغضب شديد: امم حتت عيله جابتك ع وشك وخلتك لا عارف ايديك من رجليك و.. صاح به مقاطعاً: شيييمي لم لسانك عشان افضل معتبرك اخويا الكبير ومحترمك ونور وجوازي منها يتحطو ع جنب عندك انت ومراتك، وقريب اووي نور هتيجي وهتبقي زيها زي مراتك واكتر.. الشيمي بغيظ: يعني اي؟ اجابه بحده: يعني دي مش صفيه دي نور وتحط تحتها مليون خط دي اللي تؤمر بيه فالبيت هيتعمل ماشي ي شيمي.. الشيمي بغضب مكتوم: ماشي ي عمر اللي تشوفه اما نشوف اخرتها معاك ومع بنت مندور دي.. _ذهب مندور للخارج وبقي عمر ينظر من النافذه الزجاجيه خلفه بغضب شديد.. واردف لنفسه بسخريه غاضبه: اللي انا عايزه هو اللي هيكون ي نور.. ـــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ سالي بهدوء: خلاص بقي ي خالتي والله يحي جايب اكل كتير من بره ولو اخدت ده من هنا هيقعد ومش هيتاكل.. سعاد بضيق: اي اكل بره ده مش حلو ي بنتي خدي بس دول واكل بره نزليه اديه لمرزوقه، ده حتي عشان جوزك اللي طول النهار فالشغل يلاقيله لقمه كويسه يسند بيها طوله.. اجابتها نور التي دلفت للمطبخ للتو: مخلاص ي ماما سبيهم براحتهم، هو لما يقع من طوله هيقعدها فالبيت ويخليها غصب عنها تتعلم الطبخ.. سالي بغيظ وهي تذهب: انا ماشيه ي خالتي بدل مخنقلك بنتك واريحك منها.. نور بغضب: امشي انا اصلا والله هختصرك ومش هتكلم معاكي تاني من لما اتجوزتي ومبقتيش تتكلمي معايا خالص.. سالي باستنكار: ي كذابه ده انتي طول الليل بتكلميني ع الواتس وبنحكي ع الروايه، وبعدين انا كام مره اقولك اطلعي اقعدي معايا فوق مش بترضي؟... نور بسخريه: اطلع فين انا فوش جوزك اللي كل ميشوف خلقتي يفضل يانبني ع خطوبتي من عمر.. سالي وهي تذهب للخارج: مش حجه دي ابقي تعالي وهو فالشغل.. اجابتها نور وهي تتناول بعض المشروبات: طيب.. _فتحت سالي باب منزل خالها كي تذهب لشقتها هي ويحي، ولكنها تفاجئت بشوقي يقف امامها.. _انتفضت بخوف ولكنها حاولت اظهار العكس وهي تتخطاه لتذهب للاعلي بتجاهل، فامسك يدها بهدوء.. سالي بغضب بعد ان جذبت يدها منه بخوف: احترم نفسك اي قلة الادب دي.. اجابها بابتسامه مستفزه: وانا عملت اي؟ اصل لقيتك مطنشاني فقولت اسلم انا بطريقتي.. تراجعت خطوتين للخلف بخوف واردفت بقوه خارجيه: لو ايدك اتمدت عليا تاني هقطعهالك.. اجابها بحقد: علمك تردي عليا كمان.. تجاهلته وكادت ان تذهب، ولكنه ذهب خلفها وجذب يدها بقوه ووضع الاخري ع الحائط ليحاوطها ويقيد حركتها متجاهل خوفها الشديد منه.. واردف بغضب: متفرحيش بيه اووي عشان اللي قتل زمان عشانك ودبح اربعه بدم بارد عشانك مش صعب عليه يقتل واحد بس دلوقتي... _تركها ودلف الي منزل مندور واغلق الباب خلفه، فذهبت هي للاغلي ودموعها هبطت بخوف شديد من تهديده، دلفت داخل منزلها ومسحت عيناها من الدموع وجلست بجوار يحي الذي يتابع احدي المباريات الرياضيه باندماج شديد.. اردف بمرح: كويس وجيتي انا فكرتك هتباتي وكنت هنزل اجيبك من شعرك ي حبيبتي.. اجابته بنبره مهزوزه: لا مش هبات من غير مقولك متقلقش.. نظر لها واردف بقلق: في اي مالك حصلت حاجه تحت؟.. استدارت له واجابته بدموع هبطت ع وجنتيها: متيجي نمشي من هنا ي يحي انا بقيت اخاف من المكان ده، مش انا اتربيت فيه وكبرت فيه بس دلوقتي بقي بيخنقني تعالي نمشي نروح المنيا عند اهلك او اي حته بعيد عن هنا و.. يحي بجمود: في اي، واي الخوف ده مالك؟.. اجابته بنبره باكيه: خايفه عليك، والله مهقدر اعيش لحظه واحده من غيرك وهو ممكن يأذيك.. يحي بهدوؤ وهو يحتضن وجهها بين يديه: اهدي انا هنا اهو ومفيش حاجه هتحصل، بس هو مين اللي هياذيني؟.. اخذت نفس عميق ومسحت دموعها التي تهبط باسمترار واجابته: شوقي، هو مش هيسيبني فحالي و.. يحي بنفاذ صبر: قولت اهدي وقوليلي مين اللي قالك كده.. رفعت يدها ومسحت دموعها واجابتها بهروب: مفيش حد ده مجرد احساس جوايا.. _امسك يدها ونظر الي ذلك الاحمرار الذي يحاوط معصمها، واحتدت عيناه بغضب دفين.. واردف لها من بين اسنانه: هو اللي مسك ايدك كده؟.. _لم تجيب عليه بل صمتت وهي ترمقه بخوف من غضبه الذي ظهر عليه.. صاح بها بقوه: اقسم بالله لو مقولتي اي اللي اتنيل حصل مهيبقي في طلوع تاني بره باب الشقه، وهنزل اطربقها فوق دماغ اللي جابوه.. سالي بقلق: محصلش حاجه والله انا كنت طالعه ع السلم وهو كان جاي لخاالي و شافني وجه يسلم عليا وانا مرضتش وطلعت بس خوفت منه زي العاده انت عارف اني بخاف منه يعني، وايدي دي نور كانت بتهزر معايا.... يحي وهو ينهض ويذهب باتجاه الخارج: اكدبي براحتك ويوم اللي جابه مش معدي ع خير.. سالي وهي تذهب خلفه بخوف شديد: يحي والنبي عشان خاطري استني.. _طرق يحي باب منزل مندور ففتحت له نور، فدفعها بقوه ودلف للداخل وخلفه سالي تحاول تهدأته.. نور بغيظ: اللهي تتشل فايدك كنت هتوقعني، هو في اي منك ليها؟.. _دلف يحي للداخل فوجد شوقي يجلس بجوار مندور ويتناقشون فالعمل، تجاهل وجود مندور وامسك شوقي من ملابسه ولكمه بقوه فسقط الاخر ع الاريكه خلفه بألم.. صاح يحي فيه بحده: لما تبقي عايز تقول حاجه تعالي قولها راجل لراجل يالااا.. مندور بحده: في اي يحي فهمني؟.. يحي بغضب: الزباله ده اتعرض لمراتي ومد ايده عليها.. نور بغضب: جاته كسر ايده.. مندور بحده: نووور مسمعش صوت وحده فيكم.. شوقي بخوف من نظرات يحي وهو يضع يده ع فمه الذي ينزف دماءً: محصلش انا شوفت سالي وهي طالعه ومكلمتهاش اصلا دي بتكدب.. لكمه يحي مجددا وهو يصيح فيه بغضب: مين دي اللي بتكدب ي*******... _دلف فذلك الوقت خالد الذي جاء ع صوت الصياح الذي يصدر بقوه، ووقف بين يحي وشوقي... واردف بغضب ليحي: في اي يعم يحي متهدي علينا شويه.. يحي بغضب: خليك براها انت ي خالد عشان منخسرش بعض، انا عملتلك حساب اكتر من مره والو*** ده مش هيحرم ومش سايبها فحالها... شوقي بحقد: لا سيبتها ومليش دعوه بيها بس شكل انت مش مالي عينها وهي عماله تلف وتدور عشان تلفت نظري وترجعني ليها تاني.. _امسك يحي بأنينة الماء الزجاجيه ودفعه بها ع راسه ليسقط الاخر مجددا بالم شديد وهو ينظر الدماء بفزع وخوف مبالغ به.. خالد بحده وهو يدفع يحي للخلف: انت اتجننت ي يحي هتموته فأيدك.. يحي بغضب شديد: والله العظيم لو سيرتها جات ع لسانه تاني مهيكفيني فيها عمرك ي شوقي.. _انهي حديثه واخذ سالي للخارج ثم للاسفل وذهب الاثنين الي احد الاماكن المطله ع النيل وجلس سوياً ع سور قصير دون ان يتحدث كلاهما بشئ.. سالي بملل: اممم وبعدين جيبتني هنا لي؟.. يحي بهدوء: بعيد عن دوشة البيت واللي حصل عشان تهدي ومتخافيش.. سالي بهدوء: اهدي ومخافش ازاي وانت قالب خلقتك عليا كده؟... اجابها بلوم: ااه زعلان عشان المفروض لما حاجه تحصل وي كده تقوليلي عشان انا اتصرف واجيبلك حقك، مش اقعد زي خيبتها معرفش نراتي مغاها اي.. امسكت يده واجابته بهدوء: ي يحي والله خايفه عليك ومش عايزاك تدخل فاي مشكله.. يحي بهدوء: ي ستي متخفيش ياما دقت ع الراس طبول واهو بصحتنا وعفيتنا... اجابته بضحكه هاديه: خلاص بعد كده هقولك ع كل حاجه بس تاخدني المنيا بقي عائشه عماله تزن عليا وانا احرجت منها هي وطنط.. يحي بابتسامه هادئه: والله هنروح بس اخلص كام حاجه فالشغل وافضي ونروح.. سالي بغيظ: انت قولتلي هنروح الاسبوع اللي عدي ومرحناش، عارف لو ضحكت عليا تاني؟.. يحي بغمزه مشاكسه: هتعمل اي يسطا؟.. سالي بخجل وتوتر: اتلم احنا فالشارع.. يحي بهدوء: طيب متيجي نروح ونبقي براحتنا.. سالي وهي تحتضن زراعه بقوه: لا خلينا هنا الجو حلو اووي.. _احتضنها هو الاخر بهدوء، واخذ ينظران للماء امامهم وكلاً منهم شارداً فيما يشغل تفكيره، حتي قطع شرودهم صوت حاد من خلفهم.. الشرطي بحده: انزلولي ي حلو منك ليها فاكرين نفسكم عبدالحليم وشاديه.. _انتفضت هي بخوف وكادت ان تبتعد ولكنه جذبها مجددا لاحضانه.. واردف بصوت هادئ: علشان احنا مع بعضينا ولاول مره لوحدينا ولا حدش بيبص علينا غير فرحة قلبنا وعنينا حاجه غريبه.. سالي بخوف وكادت ان تبكي: هي فعلا حاجه غريبه اي الصوت اللي ورانا ده؟.. _استدار يحي للخلف وابعدها عنه قليلاً ووقف الاثنين امام الشرطي.. الشرطي بحده: لا حنين بطايقكم وقدامي ع البوكس.. يحي بهدوء: والله ي باشا انا قولتلها تروح البيت قالتلي الشارع احسن.. سالي بضحك شديد: انت بتقول ي يحي؟.. الشرطي بغيظ: انت شكلك مبرشم ياد منك ليها قدامي.. سالي بضحك اكثر ولن تستطيع التوقف: انت ساكت بيقولك علينا مبرشمين.. تابعت هي للشرطي وهي تكبت ضحكاتها: والله احنا متجوزين ده جوزي.. يحي وهو يخرج من محفظته قسمية زواجهم: متجوزين ي باشا والقسيمه اهي مطلعتش من المحفضه من يوم الفرح غير ليك.. سالي بضحكه هادئه: بدايه مبشره.. الشرطي وهو يتفحص القسميه بهدوء: طيب ي عم احضن جوه بيتك بلاش تسمع كلامها عشان محدش يفهمك غلط.. يحي وهو يأخذ منه القسيمه: معاك حق ي باشا.. صاح بها بحده مصطنعه: قدامي ي هانم ع العربيه ده انتي ليلتك سودا.. سالي بغيظ: هو انا اللي قولتلك تجيبني هنا.. الشرطي بضيق: اتخانقو فبيتكم يللاا من هنا.. _ذهب يحي وسالي الي سيارتهم وهم يضحكان بهدوء ع ما حدث وما يحدث لهم دائماً عندما يذهبان للخارج.. ـــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ محمد بهدوء: بتعملي اي ي فرح؟.. اجابته بجمود: مفيش كنت بذاكر لكريم وهو خلص وبيلعب شويه وهينام، اجهزلك العشا.. محمد بهدوء: لا روحي اجهزي وجهزي كريم هنخرج نتعشي بره.. فرح بقلق: لي في اي؟.. اجابها بابتسامه هادئه: مفيش حاجه هنروح نتعشي فالمطعم بتاعي بقالنا كتير مروحناش هناك.. فرح بقلق: ااه مرحناش من زمان، احنا كنا بنروح انا وانت لما كنت بتعزم صحابك هناك وبترجع تقلبها نكد عليا، وبقالنا اكتر من سنتين مروحناش هتاك فخلينا هنا احسن.. اجابها بضيق: مش هنخرج مع حد انا وانتي وكريم وبس واوعدك ي ستي مفيش اي خناق ولا نكد خالص.. فرح بغيظ: هو في اي بالظبط اي التغير المفاجئ ده، ارجوك لو في حاجه قولي او ناوي ع حاجه برضو قولي عشان حرفيا مبقتش مستحمله اي صدمات.. اجابها بهدوء: ناوي ندينا فرصه نبقي كويسين ي فرح.. اجابته باستنكار وسخريه: نبقي كويسين؟! ودلوقتي؟ اي اللي حصل عشان تاخد القرار ده.. محمد بنبره حزينه لاول مره تشهدها منه: مش هكدب عليكي واقول عشان بحبك، اصل انا ي فرح من يوم مرفضتيني بدل المره اتنين وتلاته وانا دفنت حبك ده بس اتجوتك واللي حصل حصل، انا عايز نعيش زي اي عيله عشان كريم قدامنا فرصه ونشوف مش هقولك عشاني وعشان حياتنا والبيت، بس فكري فكريم يستحق ندي بعض فرصه عشانه.. _نظرت له مطولاً بصمت وتعجب شديد.. اردف بابتسامه واسعه: مالك في اي؟.. اجابته بعدم تصديق: مستحيل يكون محمد جوزي اللي بيتكلم ده مستحيل.. ضحك بهدوء واجابها: طيب ممكن تجهزي بسرعه وتجهزي كريم، لاني محتاج ارجع بدري عشان الشغل.. فرح وهي تذهب لغرفتها: حاضر هنجهز.. _ذهبت هي للغرفه، فابتسم هو بشرود وهو يتذكر تلك الفتاه التي جعلت لقلبه ان يشعر بغيره ويتغير كثيرا، حولته لشخص اخر دون ان تقصد ولكنها للاسف تركته.. _فهل سيبقي شخصاً جيد ام الطبع يغلب التطبع وسيعود لسابقه... ـــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ مندور بحده: البيه فين بقالي ساعه مستنيه؟.. يحي بقلق: يحج قال جاي بالراحه بس عشان خاطري.. _دلف لهم خالد وجلس ع الاريكه بملامحه الغاضبه.. واردف بجمود: عايزين اي؟.. مندور بغيظ ليحي: شايف قلة ادبه؟.. خالد بضيق: ده اللي بقي عندي عايز اي ي مندور؟.. يحي بحده: اتلم ي خالد بقي ومتزودهاش.. مندور بغضب: سيبه ي يحي، هو نسي كمان مين اللي ربااه وكبره.. خالد. بسخريه: ونعم الربايه بصراحه احيك عليها طلعت مجرم وتاجر هروين قد الدنيا.. مندور بحده: اكتم ي خالد ومتخليش صبري عليك ينفد عشان وقتها مش هرحمك.. يحي بهدوء: خلينا فالشغل ي جماعه.. مندور بهدوء: عدنان بيقول اسبوعين والبضاعه هتيجي، بضاعه هتقعد هنا فمصر ٦ شهور يعني كميه كبيره اووي.. خالد بجمود: انا مش معاكم مع نفسكم.. مندور بغضب: مش بمزاجك، واسمع حق توني اللي انت عايز تجيبه قصاد شغلك معايا.. خالدبغضب: حق توني عندك ي مندور انت السبب، لو هاخد تاره من حد يبقي انت.. يخي بغضب: انت هتخرف ي خالد ولا اي، متشوف نفسك بتتكلم ازاي ومع مين؟.. خالدبحده: انا عارف كويس انا بتعامل مع مين، مندور العشري اللي استغل موت ابويا وامي ودبسني فالشغل معاه ولما رفضت اشتغل معاه حبسني من غير لا اكل ولا شرب وضرب واهانه وطرد فالشارع فعز البرد، واستغل جريمة اخويا اللي دافع بيها عن شرفه واجبره يشتغل معاه لا وحببه فالشغلانه كمان، وتوني.. تابع وهو يرمق مندور بسخريه لازعه: فاكر عملت اي فتوني ي حج، فاكر لما ابوه مات جيت وخليت صاحب البيت يطردهم وانت تدخل تشتري البيت وعشان توني يسد الدين اللي عليه يشتغل معاك وغيره وغيره كل اللي شغالين هنا فران انت صايدهم وبتلاعبهم بمزاجك واللي يروح فداهيه او يموت ولا يفرق معاك، حتي يحي جرجرته للطريق هنا بنفس الطريقه بتاعتك الوسخه واستغليت اللي حصله زمان ، وسليم اللي سيبت عمر ياذيه ويسجنه وانت تدخل وتخرجه وتعمل فيها الشريف الغلبان عشان تجيبه هنا، بس عمر اخده منك، انتو مش بس بتاجرو فسم بيموت الناس، انتو بتاجرو بالبشر وبتاذوهم اكتر مبتاذوهم بالمخدرات... مندور بغضب شديد.: لو مغورتش من وشي ي خالد، لو ممشيتش من وشي هقتلك مكانك.. _ذهب خالد للخارج ووقف يحي شاراً بتلك الحقائق التي استمع اليها.. مندور بحده: مصدق كلامه ده؟.. يحي وهو يجلس امامه بهدوء: لو مصدق مكنتش قعدت هنا ي حج، المهم خلينا نخلص العمليه دي من غير خالد لحد ميهدي عشان خاطري انا.. _تنهد مندور بضيق ثم بدأ يتناقشون بالعمل.. ـــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ _نهض يحي بجوار خالد فسيارته وملامحه جامده للغايه.. خالد بحده: عايز اي ي يحي؟.. يحي بهدوء وجديه: انا معاك ي خالد.، معاك وعايز اخلص من القرف اللي دخلت فيه ده واخد مراتي واعيش مرتاح.. خالد بابتسامه واسعه: عاش ي صاحبي، بس انا مش لوحدي.. يحي بفضول: ازاي يعني مش لوحدك؟.. خالد بجمود: يعني في واحد اتكوي بنارهم وداق الظلم زيك ليه حق عندهم معايا وهدفه زي هدفنا.. يحي بفضول شديد: مين ده اعرفه؟.. خالد وهو يقود سيارته متجهاً الي احد الاماكن: مظونش انك تعرفه كويس.. _وقف خالد بسيارته امام احد المنازل الشبه خاليه من الاشخاص، وهبط من السياره ومعه يحي ودلف الي داخل المنزل الملئ بالاتربه.. يحي بامتعاض: اي يعم انت متعاون مع هولاكو ولا اي؟.. خالد وهو يدلف لاحدي الغرف التي كانت نظيفه للغايه وبها بعض الاثاث المنظم وهناك كثير من الاسلحه معلقه ع الحائط وع طاله كبيره ايضاً.. اردف بهدوء وهو يشير لذلك الذي ينظر من النافذه بشرود: اعرفك سليم زينهم.. يحي وهو ينظر لسليم بتعجب: انت؟.. سليم بقلق: وده ماله ومال اللي بنخططله مش ده ابن مندور الروحي؟.. خالد بهدوء: اهدي ي سليم يحي جدع وابن حلال بس اتظلم زيك وانيل كمان ودلوقتي عايز يبعد عن القرف ده وهدفه هدفنا.. سليم بجديه: طيب كويس كده حاجات كتير هتبقي اسهل.. يحي بجمود: عشان نوقع الشيمي واخوه مندور يقع قبلهم وعشان نوقع مندور يبقي عندنان يقع قبلهم.. سليم بجديه: وبكده لازم عندنان يحي مصر.. خالد بجمود: ساهله عندنان ابوه فمصر ونخليه يجيله فاي وقت عايزينه.. يحي بعدم فهم: اول مره اعرف ان عندنان ابوه فمصر.. خالد بجمود: اسمعو بقي اللي انت الاتنين متعرفوش عنه حاجه، سعاد مرات خالي مكنتش بتخلف زمان فالوقت ده كان مندور بيروح عند ىاجل كبير فلبنان هو اللي بدا يعمل البدره ويبعتها لمصر المهم مندور اتجوز بنته ومحدش هنا فمصر يعرف حاجه وخلف منها ولد بس مخليه فلبنان وباعده عن مصر خالص ومرات خالي عملت حقن مجهري وخلفت نور،بس مندور مش بيجيب ابنه مصر ولا معترف بيه لحد الان لي معرفش.. نظر له الاثنين بشك، فتابع هو بابتسامه بلهاء: عدنان هو ابن مندور... يحي وسليم بصدمه: ايييييي؟؟؟.... _فماذاااا سيحدث.. ـــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ الفصل السابع عشر من هنا |
تعليقات
