رواية الغرفة المغلقة (كاملة حتي الفصل الاخير) بقلم ملاك حسام

 رواية الغرفة المغلقة الفصل الاول بقلم ملاك حسام

في اشراقه ليوم جديد تستيقظ فتاه في السابعه عشر من عمرها و هذه بطلتنا( ريم) تستيقظ ريم بابتسامه ساحره تتميز بها ثم تقوم لتتوضأ و تصلي فرضها ثم تتجهز للذهاب الي مدرستها و عندما انتهت خرجت من غرفتها و ألقت الصباح علي والديها ثم اخذت غذائها و حقيبتها و خرجت من بيتها ثم قابلت صديقتها التي تعيش في نفس العماره ( ندي ) .

ندي: صباح الخير ياختي ايه التأخير ده كله 

ريم : اسفه ولله يا ديشا عقبال ما صحيت و جهزت نفسي و كده و كمان صحيت متأخره انهارده شويه 

ندي: طب يلا احسن المديره مش تدخلنا 

ثم ذهبوا سويا الي المدرسه و عندما وصلوا و أقاموا طابور الصباح و بدأت الطلاب بالذهاب الي فصولهم قالت ندي ل ريم

ندي : ريم انا امبارح حلمت حلم غريب اوي و انتي كنتي فيه .

ريم : يخربيتك هموت امتي بقي كده 

ندي بضحك : لأ يا هبله مش هتموتي بس قال ايه ان احنا هنكتشف أله هتودينا الي عالم تاني خالص و هيبقي اكتشاف كبير اوي 

ريم : ندي بقولك 

ندي :نعم 

ريم بسخريه: يبقي اتغطي كويس و انتي نايمه علشان بالله ما نقصه 

ندي بغيظ : اه يا جذمه بتتريقي 

ريم : ما انتي قولي حاجه معقوله انا بجد مش عارفه عقلك بيجيب الاحلام ده ازاي 

ندي : ما هو انا كمان نفسي افهم 

ريم : طب يلا ياختي علشان زوجك المستقبلي هيبدأ الحصه و حساه انهارده هيكرشني من الحصه مش عارفه ليه ذي ما اكون واكله ورثه 

ندي : بس يابت خطيبي يعمل اللي عايزه مالكيش فيه ثم تابعت بستهزاء ده انتي يا قادره كرهتيه في مهنت التدريس بسبب ذكائك العالي و بتعملي كل مصيبه و مصيبه 

ريم بضحك : مكانوش كام صاروخ يعني فرقعتهم في الحصه ثم تابعت اه ياختي ما هو اتلم المتعوس علي خايب الرجا انا مش عارفه عمو العسل ده ازاي وافق انك تتخطبي في السن ده 

ندي : علشان شاف صدق حبه ليا و انه هيحافظ عليا 

ريم بتريقه: صدق حبه .. اه ياختي بالله انا الواد ده لو قدامي هديلوا بوكس يطيره بغتاته دي 

ندي بخوف : ريم 

ريم : ريم ايه و زفت ايه انا لو أطول اجيبه من قفاه و اعلقه علي باب المدرسه كده ياااااه 

ندي في سرها : ربنا يرحمك يا ريم كنتي هبله 

مستر احمد او بمعني أصح( خطيب ندي و هو يبقي ابن عمها و متربي هو و ندي و ريم سوا ) و هو مدرس رياضيات في المدرسه .

احمد قام ماسك ريم من قفاها و قال : تجيبي مين يابت 

ريم في سرها : يارب ما يكون اللي في بالي يحظك يا قرمط ثم قالت : مستر أحمد اي ده عاش من شافك وحشني ولله ده انا لسه كنت بمدح فيك دلوقتي لندي حتي اسألها كده 

احمد بنظره ناريه ثم قال : تمدحيني ... لو ونبي يعني تعلقيني و تضربيني دي مدح يخربيتك اومال لو ذم كنتي عملتي ايه 

ريم بخوف : هدي اعضائك يا مستر مش هتعصب نفسك يعني علشان هبله ذيي ما تقولي حاجه يا زفته 

ندي بخضه من منظر احمد المتعصب جدا : اه يا مستر .. ريم مش تقصد ما انت عارفها بتحب تهزر 

ريم بنظره استعطاف لأحمد : اه ولله يا مستر في سرها ( يارب سامحني علي الكدب ده ) 

احمد بعد ما ترك ريم ثم قال : اخر مره يا زفته 

ريم بخوف : حاضر 

احمد تغيرت ملامحه ثم قال بحنيه : اذيك يا ديشا عامله ايه 

ندي بكسوف : الحمد لله 

ريم في سرها : مش بقول اتلم المتعوس علي خايب الرجا طيور علي أشكالها تقع 

ثم دخلوا جميعا الفصل . 

و بعد انتهاء اليوم الدراسي ذهبوا اللي منزلهم و هم في الطريق 

ريم لندي : ندي بقولك ايه حكايه الاوضه اللي المديره مانعه اي حد يدخلها 

ندي : مش عارفه ده انا انهارده سمعت ان فيه بنت حاولت تدخلها و المديره قفشتها و منعتها علي اخر لحظه لأ و ايه كمان رفدتها 

ريم بدهشه : رفدتها للدرجه دي الاوضه مهمه عند المديره ثم نظرت بشرود للأمام 

ندي بسخريه : ريم نظرتك بتفكرني لما عنتر يمسك عصايا و يقعد يعمل دواير علي الارض علي طول بيعمل بعديها مصيبه ف انتي قوليلي كده بكل هدوء بتفكري في ايه 

ريم بشرود: هندخل الاوضه دي 

ندي بذهول : ن .... ايه يختي ... يارب يارب انا قولت السرحان ده وراه مصيبه 

ريم ببرود : ما تهدي يا انسه اوفر 

ندي بصدمه : اوفر بقولك المديره رفدت البت علشان كانت بتحاول تدخل الاوضه و انتي تقولي عايزين ندخلها 

ريم بحماس : و انا مالي انا ... بصي هي بقي طقت في دماغي عايزه اعرف سر الاوضه دي 

ندي بمحاوله الهدوء : ريم بصي يا حببتي انتي تروحي تهدي كده علشان شكل عقلك خف خااالص 

ريم: بس يا بت مش باخد رأيك اصلا بصي احنا بكره هنفذ كده كده المدرسه بكره هتعمل حفله و الكل هيبقي مشغول فيها و منهم المديره فا نيجي احنا بقي ندخل الاوضه و نخلي الولا خطيبك يساعدنا 

ندي بصدمه من جنان صحبتها : انتي لحقتي تخططي انتي شكلك حاطه الموضوع في دماغك من زمان 

ريم بضحك : بالضبط كده بقالي شهر بخطط اصلا 

ندي : و بعدين ايه الولا خطيبك دي مش تنسي يما انه المدرس بتاعنا 

ريم: whatever علي فكره .... و بعدين لسه اخر تاتش هحطه انهارده في الخطه يلا انا هطلع البيت سلام 

ندي : سلام يختي و اه صح تنزليلي الساعه ٧ بالضبط ماشي 

ريم : حاضر 

ريم بعد اما دخلت البيت و ألقت السلام علي والديها و دخلت غرفتها ألقت حقيقتها و ادت فروضها و اقامت واجبها و في الليل بعد ان تناولت العشاء اخذت تخطط لما سوف تفعله غدا و عندما انتهت ابتسمت بخبث ثم نامت 

في الصباح .....

عندما قابلت ندي ثم قالت ~ 

ريم : ها جاهزه يا حجا 

ندي مقلده فيفا اطاطا : مش جاهزه يابني 

ريم بضحك : يابنتي خايفه من ايه 

ندي بسخريه: لأ خالص اخاف من ايه يدوبك بس لو اتقفشنا هناخد رفد و يتعمل مننا شورما سوري 

ريم : متخافيش يا ديشا انا عامله خطه متخرش الميه 

ندي : اهو انا مش خايفه إلا من كده 

ريم : طب ايه قولتي لمستر احمد 

 ندي : اه ياختي اقنعته بالعافيه 

ريم : طب كويس يلا استعنا علي الشقا بالله 

بعد وصولهم المدرسه وجدوا الكثير من الوفد و الطلبه و المدرسين كلهم في حاله انشغال و فرحه بالحفل و المديره معهم 

ريم : ها فين مستر أحمد 

ندي مشاوره لها : اهو 

ثم ذهبوا إليه 

احمد : انا مش عارف ازاي هوافقكوا في اللي بتعملوه ده 

ريم : مفيش وقت يا مستر يلا المديره مشغوله دلوقتي في الحفله 

احمد : اسرع خطه في العالم انتي يابت مش امبارح كنتي عادي فجأه كده انهارده عايزه تعملي مصيبه 

ريم : هو انا كده صح يا ندي 

ندي بتأييد: للأسف اه 

ريم : ثانيه انا بقالي شهر بدور ورا الاوضه دي 

بعد وصولهم للغرفة 

ريم لندي و احمد : بصوا ندي هتدخل معايا و انت يا مستر هتقف علي الباب تشوف لو حد جيه نبهنا تمام 

احمد بسخريه : انت و مستر ايه لزمتها المستر بقا و ثانيه انا هنبهكوا ازاي 

ريم : قول استغفر الله بصوت عالي 

احمد : هو استغفر الله فعلا حسبي الله يا شيخه بجد 

ريم لندي : يلا يا ندي 

و دخلوا الاوضه و وجدوا ارفف كثيره و وجدوا حائط غريب به رسمه باب مزخرف بزخرفه شديده الجمال ثم وجدوا زرار قامت ريم بالضغط عليه قام بفتح مدخل لقبو بالأسفل 

ندي بذهول : اي ده كل ده موجود في المدرسه و محدش يعرف 

ريم بخبث : ما هو اكيد المديره مش هتخبيه من فراغ يعني و فيه سر و انا عايزه اعرفه 

ثم وجدوا احمد ورائهم

ندي : بتعمل ايه هنا يا احمد 

أحمد : المديره كانت جايه و معاها كام عامل جالها خير ان فيه حد هنا و انا جيت هنا علي طول علشان ألحقكم و مستحلفه للي هتلاقيه 

ندي : يختاي يخيبتك يا ندي منك لله يا ريم هنروح في داهيه بسببك 

ريم : اصبري بقا و اهدي و يلا علشان كلنا هننزل القبو ده و نزلوا فعلا كلهم و بمجرد وصولهم لنهايه السلالم وجدوا انوار تضئ 

نظروا جميعاً للغرفة بصدمه 

احمد و ندي بنبهار: ايش هاذا الجمال 

ريم بخبث : هو ده اللي كنت متوقعاه...

وجدوا معمل كبير به الكثير من الاجهزه و في منتصف الغرفه وجدوا اله عملاقه ذهبوا إليها سريعا و أخذوا يتفقدوها ثم ضغطت ندي بالخطأ علي زر فتح لهم باب الاله 

ندي : اسفه بالغلط 

ريم : ولا يهمك يا باشا في مصلحتنا 

ثم وجدوا زر احمر يشع نورا 

ريم : اكيد هو ده اللي هيشغل الاله 

احمد بسخريه: نبيهه طول عمرك ياختي 

ريم : طب يلا يا خويا علشان كلنا هندخل الاله و ندوس علي الزرار 

و قاموا بفعل هذا لأنهم جميعا متحمسين لمعرفه ماذا سوف يحدث .... لكنهم لا يعلمون انها بدايه لمغامره لم تخطر ببالهم ابدا 

و بعد تشغيل الاله ظهر صوت لمديره المدرسه و هي تستحلف ان وجدت أحدا 

و بعد ذلك أغلق باب الاله و ظهر نور قوي و لم يشعر أحدا منهم بشئ من بعدها 

و بعد وقت .....

بدأت ريم تفتح اعينها ثم وجدت نفسها في الغابه و ليس معها أحدا و ترتدي ملابس غريبه ثم وجدت شخص يأتي إليها مسرعا قائلا لها : و اخيرا لقد وجدناكي يا سمو الملكه

ريم بصدمه : سمو ايه ياخويااااااا .......... 

             الفصل الثاني من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال