رواية الغرفة المغلقة الفصل السابع بقلم ملاك حسام
ثم قاطعهم صوت يقول : نحن سنساعدكم
نظروا كل من ريم و ندي و احمد للخلف وجدوا المصمم و اميدسع
احمد : ماذا تقصد
المصمم: لا داعي ان تكذبون لأني أعلم كل شئ
ندي برفع حاجب : كيف
المصمم بسخريه : علي اعتقادي لأن الأمراء الحقيقين معي
ندي و ريم و احمد بصراخ : نعم
اميدسع : و نحن الآن نريد أن نتعاون معكم حتي نوقع بهؤلاء الخائنين و انتم ترجعون زمنكم و يرجع كل شئ مثلما سبق
ريم بعدما هدأت (البت انهارت بردو يا جودعان) : حسنا لكن كيف نبدأ
اميدسع : لم نفكر بعد الأمراء الآن في غيبوبه ولا نعلم اي شئ عن الاله نحن فقط نحتاج هذا النائب حتي يوصلنا اللي المعمل
ندي : جاتلي فكره
الكل : ايه
ندي بخبث : اللي هيحصل ك الاتي
****************************
عند مرنبتاح
مرنبتاح : الغد سوف نكون قد وصلنا لكن ماذا سنفعل مع الأمراء خاصه بعد ان عادوا .... ان لحسن الحظ لم يعلموا اننا الذين اختطافناهم
صيربنا (النائب) : و هل تعتقد أن هذه الخادمه لم تقل لهم شئ
مرنبتاح بقلق : لا أعلم.... اريد ان امسك تلك ريحتب و اقتلها
صيربنا بهدوء : أهدأ ان الامور لا تأتي هكذا ألم تقول انها فاقده الذاكره
مرنبتاح: اجل
صيربنا بخبث و شر : حسنا .. الآن أنا صديق والدها المخلص لكن اتمني ان لا يصلوا الي هذا الاخبل الاخر
مرنبتاح بغباء : حسنا ما الذي سوف نستفاده
صيربنا : ريحتب لم تفقد ذاكرتها بأكملها .. و ان قالوا هكذا فلا أصدق و انا أعلم كيف سوف اجعلها تقول لنا علي كل شيء
مرنبتاح بلا مبالاه : حسنا
******************************
بعد ما مشي المصمم و اميدسع
احمد : ها واثقين من اللي جاي او جاهزين اصلا
ندي : مش جاهزه بالتلاته
كل هذا و ريم جالسه بشرود فوضعت ريم يدها علي ذراع ريم قائلا
ندي : ريم
ريم : امم
ندي بصوت عالي : ريييييم
ريم بخضه : ايه يا كلبه البحر
ندي برتياح : ايوه كده هي تمام
احمد بصدمه : ايه التخلف ده
ريم : ولا ايه تخلف دي شايفنا بنشد في شعر بعض
احمد : ولا .... بت انتي ناسيه انا مدرسك
ريم : في المدرسه بس يا عسل
ندي في سرها : حسبي الله ده لو الحما و جوز بنتها ما هتعمل كده ثم قالت بصوت عالي : توم و جيري خلصتي
هما احمد و ريم في صوت واحد : لأ
ندي بصدمه من شكلهم المضحك : يخربيت الجنان يلا يا بابا منك ليها عايزين نبدأ ننفز في الخطه
ريم : طيب ... دلوقتي احنا عايزين نعرف كل حاجه عن الأمراء علشان مش يتم كشفنا
احمد : اول مره تقولي حاجه صح
ندي لسه هتجيب مخده تضربه بيها قام وقف قدامها
و كان يا أصدقائي المشهد كالآتي احمد كان يشبه عمود النور
و الكتكوته ريم بالنسباله شبه الفار المبلول
فبلعت ريم ريقها و قالت بخوف : انت صح يا كبير
احمد : ناس مش بتيجي غير بالعين الحمره
ندي بضحك : طب يلا بالله ثانيه كمان و هديكوا انتو الاتنين بالمخده عادي خالص ..... انا العمر بالنسبالي بعذقه
الجميع : يلا
و بالفعل بدأت ريم هي و ندي بالجلوس مع الملكات و أخذوا يعرفون كل شئ عن ماضيهم او بمعني أدق ماضي الأمراء
و ذهب احمد الي غرفه اميد و احدوب (المصمم) و أخذوا يبحثون وراء لغز الاله و اي شئ يدلهم علي المعمل حتي جاء المساء
^^^^^^^^^^^^^^^^^^^^^^^^^^^^^
في المساء
كان يجتمع كل من احدوب و اميد و احمد و ريم و ندي
احدوب : دلوقتي احب ابشركم ان ابشركم يا فتيات اننا اقاربنا من الوصول الي مكان المعمل
ندي و ريم بذهول : ازاي
نظر احدوب بإستغراب لأنه بعد لم يعرف اللغه العاميه بالكامل
فرد احمد : قصدهم كيف يعني يا احدوب
احدوب بفهم : اجل فهمت
اميد : لقد وجدنا بعض الالغاز توجد متخفيه في هذا الكتالوج و من حسن حظنا ان احنا لقيناه صدفه
ريم بصدمه مضحكه : ايش هاذا يا ولا علمته عاميه امتي يا احمد
احمد : يخربيتك مش وقته
اميد بضحك عليها : اني اتعلم سريعا أعلم ثم تابع بإبتسامه: فقط تبقي خطوه واحده هي التي سوف تقرر هل هذا الطريق الذي نمشي به صحيح ام لا
ندي : كويس اوي و الصراحه انهارده مش سبنا الملكتين قعدنا عرفنا تقريبا كل حاجه عن الاميرات متهيألي كده بدايه الخطه تمام اتنفزت بكل سلاله
احمد : بالضبط دلوقتي هنام و بكره هنبدأ نتحرك انا و اميد و احدوب و انتو اتجهزوا جامد علشان بكره النائب و مرنبتاح هيجوا و اكيد النائب هيحاول يتكلم معاكي علشان يعرف الفقدان ده بجد ولا انتي ايه بالضبط فخدوا بالكم جامد
ندي و ريم : ماشي ربنا يستر
احدوب : حسنا الآن أنا سوف اذهب الي اللقاء
و ذهب احدوب
و قال احمد : ندي تعالي ثانيه علي جنب
ندي بعدما فهمت ان احمد يريد أن يجعل ريم و اميدسع يتحدثون : ماشي يلا
و قام كل من ندي و احمد و قامت ندي بالغمز لريم
ريم في سرها : اه يا جزم بتتخلوا عني بس يخربيت صنيه البسبوسه اللي قدامي ازاي الفراعنه بالاستهتار ده سايبين حلوياتهم ماشيه كده عادي
اميد بإبتسامه: ريم سرحانه في ايه
ريم بسرحان : ها
اميد بضحك و خبث : لا انتي مش معايا خالص ... عارف اني حلو شويه بس مش للدرجه
ريم بعدما فاقت و قالت برفع حاجب : افندم علي فكره انا بس كنت سرحانه في المزهريه اللي وراك اصل شكلها حلو اوي
اميد : ده بجد
ريم : ايوه
اميدسع : ماشي يا ستي يلا تصبحي علي خير يا اميرتي
و ذهب
ريم و هي في حاله ذهول : أميرتي ..... ده قالي اميرتي يخربيت الكنافه بالنوتيلا دي لأ كده كتير عليا تبا لك يا شيخ
عند احمد
احمد : ازيك
ندي بإبتسامه : الحمد لله و انت
احمد : الحمدلله.. هو احنا تقريبا بنتعرف من اول و جديد
ندي بضحك : تقريبا كده
احمد : وحشتيني
ندي بكسوف : ده اللي هو ازاي يعني منا قدامك طول اليوم
احمد بقرف مصطنع : بقولك وحشتيني تردي كده يخربيت فصلانك... تبا لكي يا شيخه
ندي بضحك : اي خدعه يا باشا
احمد: بحبك برضو مليش فيه
ندي بدلع مصطنع و هي تقترب منه : بجد يا ميدو
احمد بهيام : هااا .. اه يا قلب ميدو
ندي و هي تبتسم علي مظهره : طب يلا بقي يا عسل علشان نشوف البت اللي بره و اتلم و ذهبت
احمد و هو يشتم في سره : منك لله يا ريم الكلب ما البت بدأت ترق اهو .... مش عارف خلتيني احبك كده ازاي يا ندي انا وصلت للعشق .... ده احنا داخلين علي ايام لوز
و ذهب وراء ندي
وجدت ندي ريم في حاله من السرحان
ندي : ايه مش يلا ولا ايه عايزه انام
ريم : ها ماشي يلا
احمد : يلا تصبحوا علي خير يا بناويت
ندي : انت من اهلوا
احمد بصوت منخفض : قصدك اهلي بقي
ندي و هي تقوم بشده الي الباب: امشي يلا بقي
احمد بضحك : حاضر يلا باي
ندي بإبتسامه : باي
ثم ذهبت الي ريم
ندي : في ايه يخربيت التقل بتاعك يا شيخه
ريم و هي ترقص : قالي اميرتي يا ندي و قامت تصرخ بفرحه
ندي بصدمه من صديقتها : كل ده علشان اميرتي يلا يا ريم ربنا يهديكي ياختي
ريم بهزار : هيهديني يا اوختشي مالكيش فيه
ندي : طب يلا تصبحي علي خير
ريم : و انتي من اهله يا بطتي
و نام الجميع و هم لا يعلمون بما ينتظرهم في الغد ..............