رواية ملاك الحب الفصل الخامس بقلم روما رضا
5
نظر فهد أمامه لتلك الشاحنة القادمة و نظر بحزن لهاتفة ثم انحرف بـسيارته عن الطريق وأغمض عينيه مُردفًا
-أشهد أن لا إله إلا الله وأن محمدا عبده ورسوله
-فهد فهدددد
كان هذا آخر شيء سمعه أحمد من فهد قبل أن يسمع صوت ارتطام العربية وانقطاع الإتصال
......................................
-يعني ايه انا عايزه فهد ابني فين فهد ابني.
تحدثت هناء بـصراخ وبكاء
نظر إليها زوجها في محاولة تهدئتها:-
-اهدي يا حبيبتي.
ثم نظر لـذلك الشرطي مُتحدثا بـتهديد:-
-لو فهد ابني حصله حاجه انا هقفلكم القسم ده بحاله.
نظر له الشرطي بـحيرة مُردفًا:-
-يا فندم المقدم فهد مدبولي خرج من بيته من غير حراسة ، والعربية بتاعته لقينها متفجرة ، والتحاليل بتقول أن مفيش جثة ،واحنا بنعمل اللي علينا وبندور علي جثته يمكن وقع من العربية ولـقدر الله غرق في البحر .
نظر له شريف بغضب
-انا كلامي مش معاك انا كلامي مع سيادة اللواء حمدي
وبالفعل تحدث ياسر وشريف مع سيادة اللواء ،فـاعتذر لهم وحاول تهدئتهم لـحين الوصول إلي دليل.
..............................
كان القصر فارغ منذ سماع الخبر فـالجميع بالخارج منهم من يبحث عن فهد أو جثته ومنهم من يبكي.
رجعت ملاك إلي القصر ، واتصلت علي صديقتها أثناء طلوعها علي سلم القصر
تحدثت بـبكاء وحزن شديد :-
-مات بسببي انا اللي دعيت عليه
-اهدي بس يا ملاك وبعدين قالوا إنها بفعل فاعل يعني مش بسببك.
حدثتها شهد
تحدثت بحزن:-
-لا يا شهد انا السبب
ثم استرسلت حديثها بـصوت أعلي في القصر:-
-انا آسفه كان لازم ادعي عليه يعمل حادثة سامحني يا رب مكنش قصدي.
قالت ذلك عند وصولها للدور العلوي ،ولكن هناك من سمع هذا الحديث ، توقفت فجأة لإرتطامها بـشخص ما.
-مش تحاس.....
توقفت عن الحديث فجأة ،واتسعت عيناها بدهشة
- ا ازاي انت مت ش ششبح اععععععع.
تحدثت بخوف شديد وصراخ
تحدث بهدوء مخيف:-
-أيوة شبح وجاي أعاقبك علشان انتي السبب في موتي.
نظرت له وبكت كـالاطفال
-والله ما قصدي انا آسفة مكنش قصدي ادعي عليك وتموت..... بالله عليك ما تقتلني انا عايزة أعيش.
نظر لها وابتسم بـسخرية ولكن تلك الابتسامة أرعبتها:-
-لا انتي هتتعاقبي يرضيكِ شاب في عز شبابه مدوخ كل البنات يموت وانتي السبب؟
رجعت للخلف وهي تردد:-
-مكنش قصدي والله مكنش قصدي.
كانت سـتقع علي سلالم القصر ولـكنه أمسك بيديها وجذبها ناحيته فـكانت قريبة منه.
توقفت حواسه وهو يشتم رائحتها العذبة ، يكاد يجن من قربها الشديد له.
ولكنها كانت بـعالم آخر ،فـقلبها ينبض بشدة و وتيرة أنفاسها تزداد ،وما أن لاحظت يده المُمسكة بها ،امتدت يداها إلي وجهه تتحسسه فـاتسعت عيناها وقالت مُبتعده عنه
-انت حقيقي مش شبح.
تحدثت بـصدمة ممزوجة بـخجل
أردف بـسخرية
-امال انتي مفكرة إن المقدم فهد مدبولي هيموت بالسهولة ده.
-حرام عليك يا بعيد قلبي كان هيقف من الخوف وبحسبك شبح وانت بتضحك عليا.
حدثته بـعصبية شديدة
حدثها بخبث:-
-حرام عليا علشان شبح برضه ولا علشان وشك اللي راح شبه الطماطم.
نظرت له بعصبية ثم ذهبت إلي غرفتها وقفلت باب غرفتها بشدة (رزعته) ونظرت إلى هاتفها فـكانت شهد ما زالت علي الخط.
بينما هو ابتسم وتحسس وجهه ثم ذهب.
...........................
-حرام عليك يا ابني وقفت قلبي.
حدثته هناء
-عايز أفهم ازاي عرفت تنزل من العربية.
حدثه أحمد
-المهم انت كويس حصلك حاجه.
حدثه شريف بقلق
-كويس اي مش شايفين وشه وايده متخربشه ازاي.
حدثته أخته روان بـفزع
-يا جماعه اهدوا مانا كويس قدامكم اهو ومحصلش حاجه.
حدثهم فهد بـنفاذ صبر
-قولتلكم فهد بـسبع أرواح مش هيحصله حاجه.
حدثهم عمر بـحماس
نزلت ملاك ونظرت لهم ،فـنظر لها فهد بـخبث فأشاحت نظرها عنه سريعا ،ثم جلس الجميع يتناول العشاء مع الكثير من الأسئلة الموجهة لـفهد والحماس لـسماع تلك البطولة بالنسبة لهم.
..................................
-عايز أفهم ازاي لسه عايش.
تحدث الزعيم بـغضب عارم
-اهدي يا زعيم ده المقدم فهد مدبولي يعني لازم تخطيط علشان نوقعه
-انا هادي اهو ، بس والله يا انا يا انت يا فهد ،لو مكنتش تحت رجلي مبقاش انا الزعيم
.........................
Cut
كفايه كدا عارفه أن البارت قصير بس حابة اعرفكم على الشخصيات
....................
فهد شريف محمد مدبولي :- شاب أعزب ،عمره 28 سنة ، مقدم في الشرطة ،شعره اسود ،شاب رياضي
مش هكتر في الصفات هوريكم الصورة وانتم هتعرفوا 👇👇👇
واي رأيكم بالشخصية اللي اخترتها
.................
ملاك ياسر محمد مدبولي:- عمرها 19 سنة ، في اولي جامعة (كلية صيدلة) ، شعر بني ناعم ، عيون زرقاء كالسماء الصافية ، صورتها تحت 👇👇👇👇👇👇
وقولوا رأيكم بالشخصية اللي اخترتها
..............
هنادي و هناء اخوات
هنادي متزوجة من ياسر محمد مدبولي
هناء متزوجة من شريف محمد مدبولي
..............
أبناء هنادي و ياسر
عمر 18 سنة في ثانوية عامة
محمد 14 سنه في اعدادي
.........
أبناء هناء وشريف
فهد
روان:- 20 سنه
............
أحمد :- صديق فهد منذ الصغر ، ويعتبروا أخوة ، 27 سنة ، رائد في الشرطة
صورته هنزلها في الأجزاء الجايه
............
شهد :- صديقة ملاك منذ الصغر ويعتبروا أخوة، 19 سنة ، تدرس مع ملاك في كلية صيدلة
صورتها هتنزل في الأجزاء الجايه
...............
رواية
ملاك_الحب
