رواية ملاك الحب الفصل الرابع بقلم روما رضا
4
كان فهد سيرد عليه ولكن قاطعه دخول الطبيب الذي استرعي انتباه الجميع
-ها التحاليل ظهرت
حدثه شريف
-أيوه والتحاليل بتقول أن ملاك بنت ياسر محمد مدبولي.
ابتسمت ملاك بشدة واحتضنت أبيها بـحب وشوق ،ومنهم من ينظر لهما بـحنوْ ومنهم من يحقد علي تلك الفتاة
....................................
-ضحكت علي أبوك واتجوزته وحرمتني منه حب ٧ سنين في ثواني أخدته مني ولما هو اكتشف ألاعيبها طلقها علي طول واتجوزني وجاية دلوقتي بنتها تدمر كل حاجه.
حدثته هنادي بـبكاء وحزن مُصطنع
-معلش يا ماما ربنا هيعاقبها ما هي ماتت وراحتله.
حدثها فهد بـهدوء
-لأ يا فهد ما بنتها موجودة حرباية زيها هتدمرلنا حياتنا زي ما مامتها عملت انت لازم تاخدلي حقي يا ابن بطني خدلي حقي من بنتها.
تكلمت هنادي بحقد وغل.
-أيوه عندها حق ده يا حبة عيني انقهرت كتير بسببها ده كانت بتيجي تذلها علشان اتجوزت ياسر.
أكملت هناء الأفعى الأخري في متابعة أكاذيبهم.
تنهد فهد بـحيرة فـهو لم يرتاح لـتلك ملاك وأيضا لن يقوم بظلمها فـليس لها ذنب بما فعلته والدتها.
-حاضر يا ماما هنشوف الموضوع ده بعدين عندي شغل دلوقت بعد اذنكم.
حدثهم بـجدية ناظرًا لـساعته ثم رحل.
بينما هنادي وهناء استمروا في التخطيط والمكايد.
........................................
-شوف حضرتك يا عمي انا جيت وقولتلك أن ملاك مُتلبسة بـقضية مخىدرات.
حدث فهد عمه ياسر
-ازاي ده يحصل يا روان ناديلي ملاك من اوضتها.
تحدث ياسر بعصبية
-يلهوي مخىدرات شوفت البت ده هتجيبلنا المصايب.
تحدثت هنادي عند استماعها للحديث
جاءت ملاك مبتسمة فأخيرًا أصبح لديها أسرة
حدثت أبيها بحب
-نعم يا بابا.
-ايه يا هانم اوعي تفكري علشان انك بنتي فأنا هسيبك علي حل شعرك لا انتي هنا في بيت محمد مدبولي فاهمه يعني اي.
تحدث ياسر بـعصبية شديدة ،مما أدمعت عينا تلك الفتاة البريئة ولم تفهم عن ماذا يتحدث فـهي لم تفعل شئ.
-مخىدرات يا بت بتاجري فيها اي المصيبة اللي وقعت علينا ده.
تحدثت هناء.
توقف عقل ملاك لـثواني
مخىدرات!
تنهدت بضيق ونظرت بـحقد إلي ذلك الفهد مُردفة:-
-والله ما اعرف مين حط الشنطة ده في شنطتي وبعدين انا هعمل بالقرف ده ايه واي الذكاء ده اكيد الناس اول ما عرفت أن في شرطة حاولوا يتخلصوا من شنطة المخىدرات وحطوها معايا.
-والله مفكرانا هنصدقك يابت انتي تاخدي هدومك ويلا من هنا.
حدثتها هنادي بـحقد.
-خلاص يا مرات عمي احتمال يكون عندها حق برضه واحنا هنحقق في الموضوع ده.
حدثها فهد ليهدئ الموضوع
نظرت له ملاك بـكُره ثم نظرت لأبيها الذي لم يدافع عنها بل اتهمها مثلهم ثم ذهبت إلي غرفتها دون إطالة الحديث.
.................................
-وشنطة المخىدرات؟
-اتمسكت يا باشا بس معرفوش كانت مع مين.
حدثه الآخر
-ده كله بسبب اللي اسمه فهد مدبولي مش عارف طلعلنا منين احنا لازم نخلص منه بأي طريقة.
تحدث بغل وحقد
-واحنا تحت امرك يا كبير.
ابتسم الآخر بـشر
-انا لقيت الحل.
ثم اتصل بشخص آخر وعندما أنهي المكالمة تحدث
-النهاردة هتكون جثته في ايدينا وهنخلص منه.
ثم ابتسم كلاهما بـشر من ذلك المخطط الشرير.
..........................
-نعم جاي لأوضتي ليه.
حدثته ملاك
-جاي علشان أعرفك اني عديت الموضوع اللي حصل من شويه علشان المشاكل بس صدقيني لو اكتشفت أن ليكي علاقة بالمخىدرات هاخدك بنفسي وارميكي السجن.
حدثها فهد بـجدية واشمئزاز.
فـنظرت له الأخري بـاشمئزاز ثم أخرجت لسانها له ولم تتحدث بل أغلقت الباب بـوجهه.
نظر لأثرها بـدهشة ،هل هناك فتاة أغلقت الباب بوجه فهد مدبولي ؟
دق علي الباب بُغضب شديد ،وعندما فتحته دخل للداخل مُـمسكًا ذراعها بقوة صارخًا بوجهها
-لما فهد مدبولي يتكلم معاكي تردي وتحترمي نفسك انتي مش بتكلمي عيل صغير زيك ، انا المقدم فهد مدبولي يتعمل معاه كده.
-سيب ايدي انت ازاي تكلمني كدا يا حيوان انت.
تحدثت بغضب وألم فــيديه كـالحديد.
اتسعت عيناه بـدهشة وغضب
-ازاي تعلي صوتك عليا وتشتميني ، فين ست الحجة معرفتش تربي.
ترك يديها عندما لاحظ ألمها.
أدمعت عينيها عندما ذكر والدتها فـأردفت
-ملكش دعوة بـماما الله يرحمها متجبش سيرتها علي لسانك القذر.
-ماشي يا بنت هبه أنا هوريكِ مين المقدم فهد مدبولي و هيعمل فيكي ايه.
حدثها بـتهديد ومحاولة في تهدئة نفس كل لا يقطع رقبتها.
-وانا مش بتهدد شايف الحيطة ده اخبط راسك فيها.
حدثته الأخري بـاستفزاز
-في ايه يا جماعه صوتكم جاي لـتحت ، في حاجه يا فهد.
حدثهم عمر الذي دخل فجأة مـقاطعًا حديثهم
نظر له فهد ثم نظر لـملاك بتهديد وخرج من الغرفة بل خرج من القصر بأكمله.
ركب سيارته وقادها بأقصي سرعة وغضب.
............................
-زي ما سمعتي كدا يا شهد ده اللي حصل واللي اسمه فهد ده اللي ربنا ياخده.
حدثت ملاك صديقتها بالهاتف
-معلش يا ملاك اهدي ،همه برضه ليهم عذر دول لسه عارفينك اول ما يتعودوا عليكي هتلاقي كل حاجه تمام ،وبعدين متدعيش عليه ده ممكن يبقي ابو عيالك.
-شهد بطلي هبل هتبقي انتي وهمه عليا ، انتي مش شوفتيه كان بيكلمني ازاي الحيوان ده.
-ادعي عليه دعوتك بتستجاب ههههه.
-يا رب عربية تخبطة وقطر يدوس عليه قولي آمين.
-آمين
ثم ضحكت كلتاهما بـمزاح فـهذا الثنائي المرح تلك عادته.
.......................................
-انا تتكلم معايا كدا هي مفكرة نفسها مين.
تحدث فهد بعصبية
-اهدي بس ما انت برضه استفزتها.
حدثه أحمد علي الهاتف
-انت معايا ولا معاها.
تحدث بـصراخ وغضب
-طب اهدي وهدي سرعة العربية الا يحصلك حاجه احنا مش ناقصين.
حدثه أحمد
حاول فهد إيقاف السيارة ولكن لا يستطيع حاول مره أخري والسيارة لا تتوقف اتسعت عيناه بصدمة وابتلع ريقه
-أ أحمد د
-مالك يابني في اي
حدثه أحمد بـقلق لتغير نبرة صوته فجأة
-الفرامل مش شغالة
-ازاي
-الفرامل مش شغالة يا أحمد العربية مش راضية تقف.
تحدث فهد بصراخ وخوف.
-ط طب اهدي انت فين دلوقت
-فهد سامعني رد
نظر فهد أمامه لتلك الشاحنة القادمة و نظر بحزن لهاتفة ثم انحرف بـسيارته عن الطريق وأغمض عينيه مُردفًا
-أشهد أن لا إله إلا الله وأن محمدا عبده ورسوله
-فهد فهدددد
كان هذا آخر شيء سمعه أحمد من فهد قبل أن يسمع صوت ارتطام العربية وانقطاع الإتصال
هل توفي فهد؟
يتبع.........
.........................
بارتين في نفس اليوم اهو 🥹
رأيكم بقا 😅
فهد هيموت ولا؟
شكرا علي التفاعل 💖💖💖💖
Part 4
ملاك_الحب
