رواية الغرفة المغلقة الفصل الرابع 4بقلم ملاك حسام

 

 رواية الغرفة المغلقة الفصل الرابع بقلم ملاك حسام

احمد : بس اي ده لحظه ده نفس ورق الكتالوج .... ثم بدأ بتفقد هذا الورق وجده ورق دعوه لزفافه مع حبيبته ابتسمت للحظه ثم تذكر ما يريده و اخذ يقارن الورق بالكتالوج و قال ~ 

احمد : ما هو لو اللي في دماغي صح يبقي الفراعنه دول وصلوا لتقدم محدش عرف يوصله تاني ده غير الأهرامات بس ازاي 

و اتضح انه وجد طريقه كتابه دعاوي الزفاف نفس طريقه كتابه الكتالوج 

احمد : لأ كدخ كتير اوي عليا .....انا لازم انام دلوقتي و لما اصحي نشوف اي حكايه الكتالوج دي علشان من الواضح انها ليله اكبر مما كنت متخيلها 

و نام الابطال و ثم بزخ الصباح و هو يعلن انه نهار ملئ بالأحداث التي سوف تكون مغيره لكيان الكثير 

في غرفه ندي و ريم ~ 

استيقظت ريم و هي منزعجه من صوت طرقات باب و قالت : يووووه يا ماما سبيني انام بقي ثم قامت لتنظر حواليها و تابعت قائله بنعاس : يا حلاوه اي ده انا مخطوفه و قالت بندب : يا صغيره علي الخطف يا لوزه مكنش يومك يا حبيبتي 

فقامت ندي برميها بالوساده و هي تقول لها 

ندي : ما تخرسي يا امينه رزق مش مخطوفه انتي في عصر الفراعنه مش اكتر يا غيبوبه 

ريم ببلاهه : هاا عصر ايه ثم تذكرت و قالت بإحراج : احم هو لازم اقوم كده فاقده الذاكره 

ندي : انا مش فاهمه المذاكره بتذاكريها ازاي ده انتي بتصحي مش فاكره نفسك اصلا و قاطع ندي صون طرق الباب 

ريم : حاضر جايه في ايه 

و قامت ريم بفتح الباب وجدت احدي الخادمات تقول لها ~ أصبحتي بخير يا مولاتي ... اعتذر علي ازعاجك لكن سمو الملكه تريد أن تنزلي إليها حتي تستقبلي معها الفوج القادم انتي و الاميره نردوحتب (ندي)

ريم : حسنا سوف نأتي 

و دخلت ريم بعد ان اغلقت الباب وقالت لندي ~ 

ريم بضحك : البت دي و هي بتقولي أصبحتي بخير يا مولاتي فكرتني بفقع مراره شجره الدر و نجم الدين

ندي بضحك : اي ده انتي لسه فاكره 

ريم : هي دي حاجه تتنسي اصلا ... المهم قومي يلا نجهز علشان الملكه بتقول لازم نستقبل معاها الفوج اللي جاي 

ندي : فوج ايه 

ريم : مش عارفه ممكن اللي كانت بتقول عليه امبارح انها هتابع هو وصل لفين 

ندي : ممكن ... طب يلا 

و بعد ما انتهوا هما الاثنين خرجوا من الغرفه و توجهوا الي الملكه

الملكه : اتمني ان تكونوا حصلتم علي ليله هادئه و مريحه 

ندي و ريم ابتسموا بهدوء 

الملكه : ان الفوج القادم من طيبه سوف يصل بعد ساعه من الان و اريدكم ان تستقبلوا معي الفوج خاصه انتي يا ريحتب (ريم) و تابعت بخبث : ان هناك شئ مهم جدا لكي قادم مع هذا الفوج 

فنظرت إليها ريم بإستغراب 

فقالت الملكه بقله حيله : اجل أعلم أنك فقدتي الذاكره لكن حقا نسي قلبك رفيقه 

ريم في سرها: نهار ملحوس بلحوسه العسل هي بتكلمي كده ليه و قلب ايه و رفيق مين ....استر يارب

فردت ريم بإحترام و هدوء : اتمني يا مولاتي ان اتذكر لكن للأسف لا أتذكر شئ...... و حسنا سوف ترافقكي انا و نردوحتب لاستقبال الفوج 

ثم قاموا الفتاتان بإستأذان الملكه و هموا للذهاب 

و قالت ندي بهزار : ايه يا بسطويسي معقول قلبك نسي رفيقه 

ريم : بالله يا شيخه اسكتي انا ماليش في شغل المحن دخ انتي عارفه 

ندي : هنشوف يمكن تغيري رأيك بعد اما تشوفي الفوج 

ريم بسخريه : مستحيل ..... مستحيل كده ده في أحلامك يما بس 

ندي: طب متتكلميش علي أحلامي علشان بقت بتتحقق 

ريم بخوف مضحك : اه صح انتي يتخاف منك بعد كده 

ندي بضحك : يخربيت ريأكشناتك ... ثم تابعت قائله : و بعدين ايه الهدوء و الاحترام اللي بتتكلمي بيه ده .... ده انتي يا شيخه عامله عجز في نسبه الاسست في السناتر بسبب انهم بيتفشوا منك و من صوتك 

ريم بتكبر مصطنع : مش اميره بقي يا بنتي و كده 

ندي بلويه بوز : قصدك اميره البطاطس 

ريم : اي ده عرفتي ازاي 

ندي : عرفت ايه 

ريم : اني نفسي اكون اميره البطاطس 

ندي بنفاذ صبر : صبرني يااارب 

ريم : طب اهدي يا قرمط ..... اه صح اومال فين الولا احمد فين مش باين 

ندي : جه الفجريه خبط و قالي انه هيعمل كام مشوار مهمين بخصوص الاله و كده 

ريم : ماشي 

بعد مرور ساعه ..........

كانت الملكه واقفه و معها حاشيه من الخدم و الحراس و تقف معها ريم يستعدون لاستقبال الفوج فسألت الملكه ... ريم ~ 

الملكه : أين ريحتب 

ريم: اعتذر مولاتي لكن ريحتب رأسها يؤلمها للغايه فلم تستطيع المجيئ 

الملكه : حسنا سوف ارسل لها الطبيبه حتي تكشف عليها 

و بعد ما انتهت الملكه من الحديث علو صوت الطبول و الابواق لأعلان مجئ الفوج و نزلت من العربات امرأه من الواضح انها بنفس عمر الملكه و معها شاب من الواضح انهم ملكه طيبه و ابنها الأمير.... لكن لبطلتنا كان لقلبها رأي آخر و قالت في سرها : ايه الحلاوه دي دي كنافا بالمانجا يا خواتي ..... طب ايه انا قلبي بيدق ليه نهار ملحوس هو كلام ندي هيتحقق ولا ايه اه ياحوستي السوده ياني يما 

و كان بين هذه المرأه و الملكه ترحاب شديد و كانت الملكه سعيده للغايه و دار الحديث بينهم كالتالي ~ 

الملكه توسرت : اختي العزيزه لقد اشتقت إليكي كثيرا 

الملكه ميرنت : و انا ايضا .... ماذا حدث للأميره ريحتب (ريم) هي و العروسين سمعت انهم اختفوا ثم ظهروا فاقدي الذاكره 

الملكه توسرت : انه حدث طويل تقدمي معي نذهب للحديقة حتي تستريحي انتي و الأمير واحكي لكي ما حدث ... هيا 

الملكه ميرينت بإبتسامه: حسنا هيا 

كل هذا حدث و هناك أعين لم تزال عن ريم و هو الأمير كان ينظر لها بطريقه هي لم تفهمها (حزن . حب . برود) لا تعلم شئ لكن هذه النظره اربكتها و جعلتها تتوتر 

ريم في سرها: اي ده هو عم الميكس بالفراولة ده بيبصلي ليه كده و انا اتوترت ليه يووووه بقا 

ثم ذهب كل من الملكه توسرت و الملكه ميرنت و الأمير الي الحديقه 

و نظرت ريم خلفها و جدت ندي و احمد يشاورون إليها حتي تأتي فذهبت إليهم و قالت ~ 

ريم : اي فيه ايه انت مختفي من الصبح ليه و انتي فجأه تقوليلي تعبانه ايه اللي بيحصل 

احمد : بصي اللي هتسمعيه ده هيصدمك بس من الواضح كده اللي اخترع الاله دي حد من العصر ده 

ريم نظرت لندي و قالت : نعم ده ازاي فرعون يخترع أله زمن ده ازاي 

ندي : مهو ده اللي قولتله بس طلع ان الفراعنه وصلوا لتقدم احنا نفسينا لسه مش وصلناله بس دلوقتي عايزين نعرف مين الفرعون ده علشان ده اللي هيوصلنا للاله 

ريم : مش قدامنا غير نشوف مين العلماء اللي هنا ممكن حد فيهم هو اللي اخترعها 

احمد : فكرت في كده بس ده هياخد وقت كبير اوي مننا غير انه هيتشك فينا 

ريم : طب هنعمل ايه دلوقتي 

ندي بقلق : مش عارفه انا بحاول افكر 

ريم بمحاوله تهدئه الأمور و ضحك: طب بقولكوا ايه انا جعانه و مش هعرف افكر و انا جعانه و دلوقتي وقت الفطار ف يلا ناكل و بعدين نفكر علشان نفكر بنفس كده 

ندي بضحك : يخربيتك يا شيخه همك علي بطنك 

احمد : ده دايما و ابدا اصلا 

ريم : بالضبط كده يلا بقي 

ندي و احمد : يلا 

تجمعت الاسره الملكيه جميعها و معهم ريم و ندي و احمد علي سفره الطعام و كان الثلاثي بتاعنا قاعدين جمب بعض و ذاك الأمير يجلس أمام ريم 

ندي بصوت منخفض : مين الحلاوه ده 

ريم بسرحان : تصدقي معرفتش اسمه 

ندي بصدمه مقلده حزلقوم: نهار اسوح 

ريم بعدما فاقت : في ايه 

ندي : في ايه قولي مفيش ايه انتي كمان سرحنالي و بتقولي معرفتش اسمه ... شربتي سجاير ولا لسه يا سعديه 

ريم : بس يا صرمه و اهدي مفيش حاجه من اللي في دماغك دي انا بس سرحانه علشان بفكر في موضوع الاله 

ندي : ماشي هصدقك و اكدب عينيا حاضر 

ثم قاطعهم صوت الملكه ميرنت و هي تقول للملكه توسرت ~ 

الملكه ميرنت : لقد اخفت كثيرا ان يحدث للامراء مثل ما حدث لزوجك الملك ايب رع و يختفون مثله للأبد 

الملكه توسرت بحزن : و انا ايضا .... انا حتي الآن لا أعلم ماذا حدث له منذ أن بدأ في تطبيق هذا الاختراع حقه و هو يمر بأشياء غريبه و انتهت بإختفاءه 

فنظر الثلاثي لبعضهم بصدمه و قال احمد للملكه توسرت ~ 

احمد : هل تسمحين لي يا مولاتي ان تخبريني اكثر ماذا حدث له و ما هذا الاختراع 

الملكه توسرت : الملك كان يقوم بإختراع أله لها علاقه بالزمن لكن لا أعلم حتي اذا كانت نجحت التجربه ام لا .... لكن في احدي الليالي كان ساهرا في معمله و في الصباح لم نجده و لم نجد هذه الاله او اي شئ له علاقه بالاختراع 

نظروا كل من ريم و ندي و احمد لبعضهم بنظره معناها ~ يا حلولي ..........

             الفصل الخامس من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال