رواية الغرفة المغلقة الفصل الثالث3 بقلم ملاك حسام

 

 رواية الغرفة المغلقة الفصل الثالث بقلم ملاك حسام

و قالوا كل من ندي و احمد و هم ناظرين الي ريم : يا حظك يا قرمط 

و بمجرد ما انتهوا من قول الجمله كان باب الغرفه قد تحطم ثم دخل فوج من الحراس و معهم الحراس التابعه للقلعة الذين يحاولون منعهم من الدخول ثم دخل شخص يرتدي الزي الفرعوني و يكسو علي وجهه الغضب و قال : ها انتي ايها الخائنه 

ريم و هي خلاص هتقوم تجيبه من قفاه علشان مش بتحب حد يعلي صوته عليها او يشتمها لكنها حاولت التماسك ثم قالت ببرود : من انت ايها الدخيل و كيف تجرؤ علي التحدث إلي بهذه الطريقه 

ندي وهي تهمس لريم : ايوه يابت اديلوا علي دماغه أصل شكله مستفز اوي 

ريم و هي تهمس لها أيضا: ايوه زي المعزه المستفزه كده 

ثم انفجروا هما الاثنان ضاحكين ثم فزعوا من هذا الشخص الغريب و هو يصرخ بهم و يقول : فيما تتهامسون و تضحكون 

ريم وهي وصلت الي أقصي حد من الغضب و قالت و تجز علي أسنانها: اسمع ايها الغريب اذا لم تحترم المكان الذي به فمن الافضل المغادره ثم تابعت بتحدي و إلا سوف تقابل رده فعل مني صدقني سوف تندمك علي اليوم الذي ولدت فيه ... و قالت بصوت عالي : من انت و لماذا تصرخ بهذه الطريقه 

الرجل وهو يقترب من ريم و يقول بصدمه: اني اعترف انك جعلتيني انبهر ثم تابع بخبث : كيف تحولت القطه التي تخاف من كل شئ الي هذه التي تقف أمامي و .... تهددنني ... و هنا كان يقف أمامها مباشره و قال: كيف هذا هل نسيتي مرنبتاح حقا 

ريم في سرها : اي الاسم ده يا ربي ما شاء الله الشخص و الاسم بيسابقوا في مين ياخد لقب الأسوأ 

فقام احمد بإقافه و قال له : لا تتخطي حدودك احسن لك 

فنظر إليه مرنبتاح بسخريه قائلا : مرحبا عديلي لم ارك من يوم أن قامت الاميره نردوحتب ( ندي) برفض اخي و القبول بك لكن لا بأس و تابع بغموض : كل شئ سيحل 

كاد ان يقوم احمد بضربه لولا قدوم الملكه توسرت و قالت : جميع الحراس للخارج الان 

فخرج جميع الحراس بعد ان ألقوا التحيه للملكه و لم يتبقى سوا الملكه و مرنبتاح و ريم و ندي و احمد و قالت : ما الذي اتي بك يا مرنبتاح ألم أقل لك ان كل شئ انتهي و إن الاميره ريحتب (ريم) لن تتزوج بك 

فقال مرنبتاح بكذب : لا الاميره لم تقل لي ذلك او تطلب مني حتي

الملكه : حقا هل تصدق نفسك حتي اصدقك هي بنفسها التي قالت لي انها طلبت منك ان تتركها وشأنها 

فكاد مرنبتاح ان يوجه حديثه الي ريحتب (ريم) حتي اوقفته الملكه و قالت : لا تحاول يا مرنبتاح ان ريحتب متعبه و أيضا من الواضح انها فقدت الذاكره 

فنظر مرنبتاح إليهم بخبث ثم رد بحنيه و خوف مصطنع : ماذا ... لماذا ما الذي حدث لها 

ثم وجه كلامه لريم : هل انتي بخير يا ريحتب 

نظرت له ريم بقرف و قالت في سرها : ولا مش طيقاك يالا ... انا حساك زي البت سوسو حناكه اللي معايا في الدرس نفس التس تس مش مرتحالك 

فقالت الملكه : انها بخير يا مرنبتاح لكن تريد أن ترتاح أريدك فقط ان تتركها 

مرنبتاح : حسنا مولاتي ثم خرج من الغرفه 

و نظرت الملكه إليهم ثم خرجت ... و بمجرد خروجها تنفست ندي بشده و قالت ~ 

ندي : مين الخنفساء ده 

ريم : خنفساء ايه ده عقرب 

احمد : حاسس ان فيه حاجه او بمعني أصح مصيبه بدور في بالك 

ريم بضحك : ظالمني يا عبدو ثم تابعت بجديه : مش عارفه بس الراجل ده مش مريحني حاسه ان وراه حاجه بس ايه هي مش عارفه 

ندي بهدوء : دماغي بتجيب كذا تحليل لنظراته بس مش متأكده منها 

احمد : طب هنعمل ايه 

ريم : مش عارفه بس لازم ناخد حذرنا منه و انه مش يكشفنا و كمان ده بيقول اخوه و كمان ممكن يكون اخوه ذيه و يبقي عايز يأذي ندي 

ندي بخوف : طب كفايه لحد كده علشان انا خوفت ..... فاصل و نواصل يا بشوات عايزه انام 

ريم : تصدق انك بتفهم يا قرمط انا كمان عايزه انام تعبت اوي انهارده خدت صدمات بما فيه الكفايه 

احمد : ماشي روحوا الاوضه اللي هتناموا فيها و اه صح يريت تناموا سوا و انا هبقي في الاوضه اللي جمبيكوا 

ندي و ريم : تمام

 

و بعد فتره ..........

كانت تجلس ريم و ندي علي الفراش بعد ان بدلوا ملابسهم و قالت ريم ~ 

ريم : تصدقي كنت بقول يا عيني الفراعنه مش حضروا التقدم بتاعنا و ان حياتهم ممله و الكلام ده كله اكتشفت إن ياعيني علينا احنا ... ايه الجمال و الحلاوه و الروقان ده ..... ده الواحد مش عايش يا جدع 

ندي بضحك : حصل .... بس تصدقي كله كوم و ريأكشن وشك و الحراس جيبينك كوم تاني الي هو ايه انا مين انا فين ... ثم اكملت مقلده مربوحه : يا خالي يا عوض ودوني الورشه 

ريم بضحك : ما هو يا بنتي فجأه لقيت شخص بيقولي انتي الاميره و بعديه اختفي و الملكه مش ابصر تقولي ايه و تعمل ايه جتلي حاله صدمه 

ندي بجديه : طب لحظه جد بقي ... انا خايفه من الواد اللي قعد يهبهب ده مشوفتيش نظرته ليكي قبل ما يمشي حساه هيعمل مصيبه 

ريم : الصراحه اه .... بس متهيألي ده آخره عايز مثلا يتجوزني علشان يبقي الملك يعني قدام 

ندي بذكاء : لأ ده حواره اكبر من كده انا حاسه انه شاكك فينا و ان احنا مش الأمراء الحقيقين و الشك بتاعه ده اتأكد منه بعد اما انتي زعقتي فيه حتي هو قال معقول هي دي الاميره اللي بتخاف من كل حاجه و كان بيبص لينا بصات غريبه 

ريم بتفكير : مش عارفه بس تصدقي ممكن طب ايه 

ندي : بصي انا اللي توصلتله انا حاسه انه وراء اختفاء الأمراء الحقيقين و لازم ناخد بالنا منه علشان هيبقي مشكله لينا 

ريم : تمام انا معاكي ثم تابعت بضحك: بس ايه دماغك شغاله يا عبد الصمد ...رأفت هجان زمانه يخواتي 

ندي : اي خدمه يا باشا ..... بس اه صح يا كسفتك يا حازم 

ريم : اي ده ليه 

ندي : بقي ريم اللي الدفعه كلها بتعملها حساب تيجي هنا في عصر الفراعنه تطلع اميره بتخاف من خيالها 

ريم : تدري اجولك ليش يا وجه الفراوله 

ندي بضحك : ليش ياختي 

ريم : هذا لأني حظي شبه حظ عم عبدو الاقرع اللي كسب جلسه بروتين ببلاش 

انفجرت ندي ضاحكه علي صديقتها و طريقه تفكيرها 

ريم : ذي ما بقولك كده يا بنتي ولله بس علي مين كلها كام يوم و هتسمعي من الحرس إن قد ايه الاميره ريحتب شجاعه 

ندي : ماشي ياستي يلا بقي ننام علشان خلاص مش قادره 

ريم : طيب يلا تصبحي علي خير يا وجه الفراوله 

ندي : و انتي من اهله يا وجه الزبادو 

عند احمد .........

كان احمد يجلس و يقرأ في كتالوج الاله ثم قال : 

معني كده ان الاله دي لازم الاول يتحدد الزمن قبل ما تشتغل و احنا مش حددنا حاجه معني كده فيه حد كان مجهز الاله و ناوي يرجع العصر ده ..... بس مين عايز يعمل كده .... و كمان فيه حاجه غريبه طريقه كتابه الكتالوج واضح انه قديم اوي ده حتي مش زي طريقه كتابه الكتب المصري اللي من ألف سنه ... لكن لفت انتباهه الورق اللي موجود قدامه علي الترابيزه و قال : ده شكله ورق بردي .... بس اي ده لحظه ده نفس الورق بتاع الكتالوج ........

            الفصل الرابع من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال