رواية جريمة عشق الجزء الخامس الفصل الثاني والثلاثون 32 بقلم مريم نصار

فصل 32 ج 2

#رواية_جريمة_عشق5

                              (مملكة ميراث العشق)

بمناسبة برد الشتا و #صلاة_الفجر..

إذا قام العبد في ليلة باردة يضحك الله إليه.

وإذا ضحك ربك إلى عبدٍ في الدنيا فلا حساب عليه! ⁦

قال ابنُ مسعود - رضي الله عنهٍ - :

《إن اللَّه ليضحك إلى رجلين: رجل قام في ليلة باردة من فِراشِهِ ولِحافِهِ ودِثارِهِ فتوضَّأَ، ثم قام إلى الصلاة، فيقول اللَّهُ عزَّ وجلَّ لملائكته: ما حمل عبدي هذا على ما صنَعَ؟

فيقولون: ربَّنا! رجاء ما عِندَكَ، وشفقةً ممَّا عِندَكَ.

فيقولُ: فإنِّي قد أعطيتُهُ ما رجا، وأمَّنتُهُ مِمَّا يخافُ》.

================================

                        بسم الله نبدأ.

اسم الكاتبة الحقيقي/ شريهان ابراهيم

وإسم الشهره... مريم نصار.

Автор: Меріам Насар

الفصل اللي جاي إن شاء الله..يوم الجمعة.

فريحه : بقلب أم.. آدم أبني فين؟

آدم مراد : داخل وجواه متردد..لكن قال.انا موجود يا أمي..!! 

فريحه : فتحت عينيها بصدمه..وحطت أيدها ع قلبها..!!!

مريم : اتصدمت..ورجعت لورا..وهزت راسها بعدم أستعياب..

رينو : بصت ل آدم..وشريط زكرياتها مع فهد بيتعاد تاني قدام عينيها..وعيونها متثبته ع آدم وفيها دموع متحجره.. وفهد متابع ردة فعل رينو..!!!

آدم : بص ع آدم..ومعملش أي رد فعل..!!!

فريحه : جريت عليه برجفه وعياط.. آدم أبني؟ إيه اللي جرالك.. وضمته في حضنها..

آدم مراد : ضمها لقلبه وقال.. أنا بخير اطمني يا امي. مفيش حاجه..

فريحه : طلعت من حضنه.. واتأملت ملامحه إللي اتغيرت من الجروح إللي ف وشه.. وبصت ل مراد وفهد بعتاب ولوم كبير..كأنها بترمي اللوم عليهم.. 

آدم مراد : خلاص يا أمي والله أنا بخير.. 

مريم : عيونها لمعت بدموع متحجره..ورجعت لورا بصدمه..وقعدت بتعب مكانها...

الكل أنتبه وجري عليها بسرعه..

آدم : قعد جمبها بقلق..وقال. مريم..!!

مراد : بخوف.. أمي مالك يا أمي..والله كلنا كويسين..

زين : بخوف.. مالك يا أمي..حاسه بحاجة؟!

البنات اتخضت.

مريم : عينيها متعلقه بحفيدها ومبتردش ع حد..

آدم مراد : قرب منها..ونزل ع ركبه ونص قدامها.. ومسك أيدها وباس عليها..وبصلها وقال.. ماما أنا كويس جدا صدقيني..!!!

مريم : برجفه مسكت وشه بأيديها.. ودموعها عرفت طريقها..

آدم مراد : حط ايدو ع أيديها وقال..والله العظيم انا كويس..حفيدك مش ضعيف للدرجادي..

مريم : هزت راسها بدموع..وقالت بوجع..قلبي عمره ما كدب عليا أبدا.. قلبي كان حاسس.. روحي كانت بتتسحب مني. قلبي مكدبش عليا..وعيطت..واخدت آدم في حضنها..

الكل أتأثر.

آدم : عينيه على ولاده في نظرة عتاب كبيره..!!!

آدم مراد : طلع من حضنها.. وأبتسم وقال..طيب بما إن قلبك مابيكدبش عليكي..المفروض يقولك إن حفيدك زي الفل.

مريم : بقلق بالغ.. إيه اللي جرالك يانور عيني.. إيه اللي حصل معاك..

آدم مراد : ابدا مهمه بسيطه جدا..وعدت ع خير..

مريم : هاتتكلم.

آدم : وقف بخنقه..خلاص يامريم.. أحفادك قدامك.. وآدم بخير. نحمد ربنا بقى..

مريم : هزت راسها وقالت.. الحمد لله...

آدم مراد : قام..ووقف قدام جدو..وباصص في عينيه..

آدم : بصله بهدوء..وربت ع كتفه..ومتكلمش..!!!

آركان : شاف الجو متوتر..وحب يغير المود.. وقال. الله. إيه ياماما مريم..هو مفيش غير آدم ولا إيه؟ انط من ع السجاده يعني علشان تقلقي عليا؟

الكل أبتسم..

مريم : بحنان..كلكم في قلبي واحد يا آركان ياحبيبي.. ويارب ماشوف فيك حاجه وحشه ابدا..

آركان : حبيبة قلبي.. والله العظيم جعان..مفيش أكل ولا إيه؟ 

مريم : أبتسمت..حالا ياحبيبي.. وبصت ل آدم مراد.. وقالت..حاسس بتعب يانور عيني؟

آدم مراد : باس جبينها وقال.. أنا زي الفل متخافيش عليا..

------------------بقلمي مريم نصار.

بعد شويه..

آريان جه مع تمارا..وبيحاول يمشي ثابت علشان ريتال ومريم وكمان جدو وزين..محدش يخاف ويقلق..

الغدا جهز..والكل اتغدا. لكن فريحه ورينو مش طبيعين أبدا..ومتجاهلين مراد وفهد..ومراد وفهد مستغربين.. 

أما آدم ساكت تماماً وكأنه طبيعي جدا..وده موتر البعض..

وزين إللي بيحاول يفسر كل حاجه..لكن لازم حد يتكلم..

آدم : بهدوء.. بقولك ايه ياروحي؟

مريم : نعم يا آدم..

آدم : إيه رأيك لو تاخدي آرين وتالين وتفرحيهم بالهدايا اللي أنتي جبتيها ليهم..

آرين : بمرح..واو بجد.. ماما مريم جابت لينا هدايا..

آدم : أبتسم..طبعا ياحبيبتي..جابت ليكي ولاحفادي البنات كلهم.. يلا خدي تالين واطلعوا وسيبوني مع الشباب شويه..

مراد وفهد و آدم مراد وتيم و آريان و آركان.. حرفياً خافوا..!!

آرين : بحماس..يلا بينا ياماما..وعايزه أشوف كل الهدايا بليييززز.

مريم : ضحكت.و قامت. وقالت..وماله تعالى واختاري إللي يعجبك.. تعالى أنتي كمان ياتوتا.. وخدتهم وطلعوا..

آدم : رفع فنجال القهوه..وشرب..وقال بحزم.. مين اللي هيتكلم..!!!

الكل بص لبعضه..واختاروا مراد..!!

مراد : بتوتر.احم. بابا..اء.بابا هو إللي حصل....!!

آدم : مط شفايفه اممم. إللي حصل إنك كنت في التدريب..ورينو وفريحه مع أحفادي في المستشفى. وبص لتيم وقال..والدكتور زوهير ياترى بعت العلاج يادكتور تيم؟

تيم :..... أحتار ومش عارف يرد....!!!

آدم : لاريان.. وأنت ياحفيدي. المفروض إنك تكون في الشركة..ياترى إيه سبب إنك متروحش..!!!

آريان : بلع ريقه وبص ل آدم مراد..!!

آدم : بص ليهم كلهم وقال.. إيه السكون ده؟ واضح إن الموضوع كبير..!!!

فهد : شاف حيرة الكل..وقال..مع احترامنا كلنا ليك ياعمي.. لكن حصل مشكله كبيره..بس والله وقتها خوفنا ع الكل. وإن حد ممكن يجراله حاجه لاقدر الله..

زين : حس بمراد..وقال.. أنا آسف لتدخلي ياحج.. أنا طبعاً مش فاهم حاجه..لكن لو نسمع منهم هنفهم كلنا..

مراد : اتشجع.وقال..وحضرتك ديما بتعملنا.. إننا نكون قد المسؤولية..

تيم : بحرج.. أنا آسف يا بابا..بس حبيت أكون ولو جزء بسيط من شخصية حضرتك..

آريان : صدقنا مش معنى إننا خبينا حاجه زي دي..يبقى مش مهتمين.. بالعكس إحنا يهمنا سلامة حضرتك قبل أي حاجه..

آركان : آسف ممكن أتكلم وأقول.. خلاص بقى يا بابا المسامح كريم..والله غرضنا كلنا حماية العيله..

آدم :........!!!

زين : بص لابوه..وبص للشباب..وهمس..اخلصوا اتكلموا..

آدم مراد : بثبات.. آرين وتالين اتخطفوا أمبارح الصبح من المستشفى..من خلال مافيا منظمة إيطالية. وده بيرجع لمامورية قديمه من شغل بابا وخالى فهد..

زين : فتح عينيه بصدمه..وهمس إيه؟ اتخطفوا؟

فهد : بتنهيدة.. مأمورية جيسيكا إللي بسببها دخلت أنا في غيبوبه ومراد اتصاب..

مراد : وطبعاً حضرتك عارف.. إننا ف الوقت ده مكنش فينا عقل نفكر..

كان كل تفكيرنا إزاي نرجع بناتنا.. ولو أمي عرفت بحاجه زي دي..مش هتتحمل.. وكمان ماما رنا..وعمي طارق وخصوصاً أنه بيعاني من الضغط..وحاجه زي دي لو اتعرفت..كنا هنواجه مشاكل أكبر.. 

زين : طيب كل ده حلو اوى.. لكن ياجماعه عايزين نعرف إيه اللي حصل بالظبط.وازاي اتخطفوا.؟ وانتوا كنتوا فين؟.

فهد : لحظه واحده ياجماعه..قبل أي حاجه.ع فكره. جيسيكا حاكتلي على كل حاجه..!!! وهي السبب في انفجار العربيات وشقتي وشقة مراد.. وبص ل آدم وكمل..وهى السبب في اللي حصل لعمي آدم..

زين : صك ع أسنانه بغيظ يابنت. ال.........!!!

فهد : ومش بس كدا. هي اللي بعتت الكارت اللي عليه حروف علشان تخلي تفكيرنا يتشتت.. لكن هى قالت حاجه مهمه جدا..وعايز اجابه من زين..!!!

زين : كشر عينيه وقال بإستفهام.. اجابه مني أنا؟ خير يا فهد.. أنا لاعرفها ولا تعرفني..

فهد : بص ل زين وقال.. أنت من كام شهر أضرب عليك نار وانت رايح ع الشغل..؟

الكل فتح عينيه بدهشه.. و آريان متصدمش لأنه عارف..

فهد : أتكلم يازين..!!حصل الكلام ده؟

زين : بتنهيده..حصل يافهد..حصل..لكن ربنا ستر..وا....

مراد : قاطعه وقال بجديه..ولما هو حصل مقولتليش ليه؟ 

زين : يامراد والله الموضوع مكنش مستاهل.. أنا هقولك اللي حصل..انا كنت في العربيه انا و آريان ورايحين ع الشركه.. وأنا الحمدلله مأمن نفسي كويس بالحرس ده غير ستر ربنا أولا.. وبعدها حصل ضرب نار..والحرس اتصرفوا..وضربوا عليهم وخافوا وهربوا..وانا قولت لاريان ميتكلمش ولا يقول لحد.. وزودت الحراسه..وكله تمام.. الحمدلله..

فهد : بتفهم..تمام الحمد لله ياجماعه. إن الكل دلوقتي بخير..وهى غارت في داهيه وخلاص كدا الشر انتهى ومفيش اي قلق.. 

مراد وفهد شافوا آدم قاعد ساكت..وبدأوا يحكوا كل حاجه..

تيم شرح بالتفصيل كل حاجه عملها والتصرف إللي اتصرفوا وأنه طلب مساعدة ونصيحة من أبوه..

وللأسف رينو وفريحه واقفين ع السلم وسمعوا كل القصه..والخطر الحقيقي اللي واجهته العيله..

مراد : بيتكلم ورفع عينيه بالصدفه..وشاف فريحه وهي واقفه وعلامات الصدمه ع وشها..وجريت ع اوضتها..

فهد : أنتبه وبص لفوق..وشاف نظرة غضب كبيره من رينو ومسكت أيد آيان..ونزلت قدام عينيه وخرجت من باب الفيلا على شقتها..!! وبص ل مراد.. ومراد هز راسه أنها هتعدي..

وآريان و آركان بيحكوا كل حاجه.. وكل موقف وتصرف وإحساس حاسوه..

لكن آدم مراد ساكت تماماً.. وافتكر وقت رفض المأمورية ومضى الاستقالة.. ومن جواه زعلان لأنه بيحب شغله جداً..لكن وجود ضيه بخير بيمحى أي زعل..ويهون أي ابتلاء..

آدم : داخلياً بيسمعهم بكل تركيز..لكن ظاهريا.. كأنه عادي.. وعيونه ع كل حفيد شويه.. وسمع كل الحكايه.

------------------بقلمي مريم نصار.

تيم : انا كنت مرعوب حرفياً..حسيت لو متصرفتش مكنتش هقدر اسامح نفسي.. طيب لو وقفت متكتف كدا؟ 

..فين كلام حضرتك وقتها عن المسؤولية. فين الجدر اللي لازم ناخد منه أكتر من فرع علشان يكون جدر أقوى وأعمق.. صدقني يابابا لو مكناش اتحدنا.. كان تعب السنين في تربيتك لينا راح ع الفاضي..

آريان : وقتها حسيت اني مسلوب ومش قادر استوعب فكرة الخطف. وخصوصاً إن اخواتي في بلد تانيه.. كان لازم وقتها أخد دافعه من تيم..علشان افوق.. ولو تيم مكنش أتصرف بالشكل ده.. كان ممكن يحصل الأسؤ..

مراد : أحفادك أثبتوا أنهم رجالة بجد.. تعبك في زرعة السنين اللي فاتت حضرتك حصدتها انهردا..

فهد : الفضل كله يرجع لاحفادك..لأنهم اتصرفوا بذكاء وحكمه..

آدم مراد : أخيراً أتكلم وقال.. و آركان ليه دور كبير جدا.. آركان هو إللي أنقذ بابا.. وأنقذ آرين.. 

آركان : بتنهيدة راحه.. ديما كنت بحس بالتقصير لأن وقت احتياج عيلتي ليا..مبكنش موجود.. لكن دلوقتي على قد ما أنا زعلان.. ع قد ما أنا مبسوط إني قدرت أثبت نفسي واحمي اختي. وكله ده بفضل الله وثقة الكل فيا. وخصوصاً بابا..

فهد بص لمراد بامتنان.. لأنه هو إللي صمم ع آركان..

زين : بيسمع ومدهوش..ورغم قلقه على ابنه..لكن حس بالفخر.ان آريان قدر يحمي عيلته..

آدم : ...............!!!

الكل اتوتر من صمت الامبراطور..وياترى لسه مضايق ولا ساكت ليه؟ هل زعلان مننا..ولا بيفكر في ايه؟ وكانت شبيها بالحرب الصامته.

وبعد لحظات..

آدم : قام وقف.. وبعد منه الكل قام وقف..

آدم : خطى كام خطوه..ووقف قدام تيم و آدم و آريان و آركان..وبص ليهم كتير..!!!

تيم : بلع ريقه وبص ل آريان.. و آركان واقف بيفكر وقلقان..

أما آدم مراد..باصص عينين جدو.. وكأنه قرأ اللي فيها..

آدم : أخيراً أبتسم..وربت ع كتف تيم وقال.. انهاردة بس..حصدت ثمرة تعبي فيكوا.. انهردا بس صدقت نفسي لما قولت إنك ياتيم تشبهني في جزء كبير وأهم جزء مني وهو العقل والحكمة.. 

وربت ع كتف آريان..وقال بابتسامة.. إنك تحمي آرين وتاخد الرصاصة مكانها..ده أشجع موقف حصل.. أنت ضحيت بنفسك وأنت عارف إنك ممكن تتأذي لدرجة الموت..لكن أنت مخوفتش من الموت ووقفت قدامه بقلب ميت.. 

ومسك كتف آركان وقال.. أما أنت بقى ياحفيدي الصغير..قلبك من حديد متهابش من الخطر.. دخلت قصر مليان متفجرات ومخوفتش من أنه ينفجر في أي لحظه..وانقذت خالك ونطتيت من على الجسر رغم إن المسافه بينه وبين البحر كبيره.. لكن ركنت روحك على جمب مقابل تنقذ أختك وتؤامك..

وبص ل آدم مراد.. وأبتسم بحب كبير. وقال.. أما أنت بقى ياحفيدي الغالي..ماشي زي الديزل تحرق ومتبصش وراك.قدرت تحمي العيله كلها. ولما توعد؟ تنفذ وعدك..

وقال ل زين. فاكر يازين يابني..لما سألتني مين واخد صفاتي من أحفادي..

زين : أيوه ياحج..وقولتلي تيم و آدم..

آدم : بابتسامة فخر.. فعلاً تيم وارث الثبات الانفعالي ولو جواه حرب مايبانش عليه..

أما آدم ده بحره عميق. عامل زي البحر ماشي مع الموجه ..  هادي ..  لكن لو جت عاصفه ودوامه بيدمر كل حاجه حواليه. 

آدم واخد منى العقل والتفكير . ومن ابوه الجراه ومبيخفش من حد مهما كان مين . 

ومن جدو طارق الغضب . ومن فهد القوه..

وكمل بفخر أكبر.. واحفادي كلهم وارثين الحب والمودة..مفيش فرق بين واحد والتاني.. الغيره مالهاش مكان بينا.. آرين مرات آدم.. وأخت الكل زي فريحه مرات مراد وأخت الكل..

مفيش في العيله حاجه إسمها اشمعنا ده.. لأن الكل سواسية.. وأنت إللي بتبني ترتيبك ومكانتك حسب تصرفاتك وأخلاقك..

يا أحفاد العدوي.. أنا ديما فخور بيكم.. لكن انهرده أنا  راسي مرفوعه جدا بيكم.. أنا فعلاً حصدت ثمرة تعبي فيكوا انهردا..!!!

وفتح أيديه بسعاده..وضم أحفاده في حضنه.. لكن الديزل واقف مكانه..

مراد وفهد اتنفسوا الصعداء أخيراً اهم حاجه إن الامبراطور مايكونش مضايق وتفهم خطورة الموقف. لكن بصوا لأدم مراد...!!!

تيم كان مبسوط جدا و آريان اتحمس من كلام جدو.. و آركان كان أكتر من فرحان.. لكن استغربوا إن آدم مراد مجاش لحضن جدو..

آدم : بص لحفيده.. وقال. إيه ياحفيدي الغالي. عايز تقول إيه؟

آدم مراد : بثبات انفعالي.. أنا آسف يابابا..لكن في حاجه حصلت ومحدش يعرفها..!! 

الكل أنتبه..خير يا آدم..

آدم مراد : بخنقه.. أنا قدمت استقالتي وسبت شغلي..!!!

آدم : بص ل آدم بدهشه..

تيم : بصدمه..ليه يا آدم.. أنت بتحب شغلك جدآ..!!

آدم مراد : قبض ع أيدو ومردش..

مراد : قام وقف وجه قدامهم.. وقال.. آدم قدم استقالته ومضى عليها كمان..

آدم مراد : بص لابوه بدهشه..لكن اتوقع إن المدير قاله..

مراد : حكى اللي حصل بينه وبين المدير بخصوص آدم إبنه..

آدم : بتفهم..وده أمر طبيعي بالنسبة لطبع حفيدي.. لأن الموقف كان وليد اللحظة وقتها..المهم مفيش مشكله.. ممكن فارس بصفته سفير يتدخل في الأمر..

آدم مراد : بخنقه.. لأ مش هرجع تاني.. أنا مغلطش.المفروض كان التمس ليا العذر.. المفروض أنه عارف مين هو آدم وبيحب شغله قد ايه.. أنا خلاص مش راجع المخابرات تاني..!!

الكل بص لبعض بصدمه..

مراد : طلع ورقه من جيبه..وفتحها قدام آدم.. وقال المدير معذور يا آدم لأنك مقدمتش مبرر لتصرفك.. ولما عرف.. سلملي الاستقالة بنفسه..وطلب مني إني اسلمهالك وتقطعها بنفسك.. لأنه من الصعب الإستغناء عنك..!!

آدم مراد : باصص علي الاستقالة..ومردش..

فهد : بتفهم طيب أظن كل حاجه دلوقتي اتحلت..

مراد : أمسك يا آدم قطعها بنفسك.. ولا اقطعها أنا..

آدم مراد :............!!!

مراد : أنت لسه هتفكر.. أنا هقطعها.. وقطع الاستقالة.. وقال..ع فكره المدير متابع كل حاجه ومعتبرها تكملة مهمة جيسيكا..يعني فيها مكافئه ماليه ليك وللواد آركان..

آركان : بهزار..اوبا بقى..يعني هنتريش..!!! ارتاحنا من جيسيكا وكمان هنقبض.. دي كدا جبرت...!!

الكل ضحك.. وبعد كده قعدوا يتكلموا عن المهمه ومبسوطين..

زينب : دخلت عليهم..وحطت صنية كبيره فيها فواكه..وقالت اتفضلوا يابهوات..روموا عضمكوا بعد رجوعكم بالسلامه من الحرب..بس لامؤخذا في السؤال..هو مين اللي كسب انتوا ولا إسرائيل..؟

الكل ضحك على زينب..

مراد : حرب مين يازينب.. وايه اللي دخل إسرائيل في الحوار..

زينب : هيييييه..يوه..اني سمعت من شوية أنكم خلصتوا على فريسكا وشارون ولا إني سمعت غلط..

آركان : هههههههههههه فريسكا هههه أقسم بالله ياداده انتي زي الفل استمري بقى على كدا..

والكل ضحك..ومريم نزلت مع البنات.. وقعدوا مع بعض.. وآدم كان حاسس بالفخر والاعتزاز من عائلته.

وبعد فتره كل واحد استأذن وطلع ع جناحه.. وفهد راح على شقته..

------------------بقلمي مريم نصار.

في جناح مراد..

مراد : بجدية..جرالك ايه يا فريحه..أنا بكلمك من بدري وانتي بتردي بالعافيه.. في إيه بالظبط؟

فريحه : لأول مرة تتكلم بالطريقه دي..وقالت بوجع ممزوج بغضب..

في اني تعبت..تعبت مبقتش قادره استحمل أكتر من كدا يامراد..

مراد. : بصوت جهوري..تعبني من ايه يافريحه هانم.. إيه اللي تاعب سيادتك أوي كدا يخليكي تتجاهليني..

فريحه : بدموع..انا مش بتجاهلك يامراد.. بس أنا اتهديت بمعني الكلمة.. أنت لازم تشوفلك حل..

مراد : مسح وشه بأيديه ونفخ بخنقه وقال..حل لايه يافريحه.. أفهم منك وبعدين نشوف حل..

فريحه : لفت ضهرها ليه وقالت برجفه..حل في الوضع إللي انا عايشه فيه ده.. أنت لازم تسيب شغلك يامراد..

مراد : بتعجب..نعم.؟! ايه؟! سمعيني تاني كدا قولتي إيه؟

فريحه : مسحت دموعها وقالت.. قولت إن كفايه كده.. انا مبقتش قادرة اعيش في حرق الأعصاب دي.. حرام عليك يامراد..حرام بجد. 

مراد : مط شفايفه وبيمتص غضبه..وقال. حرام؟ اه. طيب يافريحه. أنا مش هسيب شغلي وحسك عينك اسمع منك الهبل اللي انتي بتقوليه ده فاهمه ولا لأ؟

فريحه : ثارت وقالت لااااء..لااااء مش فاهمه يامراد.. وأنت كمان مش فاهم.  ولا حاسس بحاجه..

أنا مش جبل عشان اتحمل كل ده..

اي واحده بيبقى جوزها ف مجالك بتعيش في قلق وخوف.. 

لكن انا.. جوزي واخويا وابني.. أغلا ناس عندي عايشين في خطر وانا بواجهه معاكم واكتر..انا عايشه في رعب رهيب.. كل حياتي على الإنتظار.. وانتظار مميت.. 

وكل مرة أقول ياتري ياهل ترى..قلبي ده مابيستريحش غير لما بشوفكم قدام عينيا.. ودلوقتي ايه اللي حصل؟ 

ها مترد عليا إيه اللي حصل..؟ بنتي اتخطفت؟ بنتي شافت الموت بعينيها.. حتة عيله ١٦ سنه تشوف الموت وتعيش الرعب وتخلي قلبي مفطور عليها وعلشان ايه كل ده؟ علشان اعداء شغلك؟ لاااء لحد كدا وكفايه.. 

مراد : ربع أيديه وقال.بصي أنا تعبان ومنمتش من أمبارح..لكن هرد عليكي واقولك.

.لو كل واحد فكر زيك كدا. مش هيبقى ف امان في البلد يافريحه..ومحدش أشتغل ولا فكر يحمي نفسه.. لو كل واحد فكر يبص لنفسه ومبصش لغيرو كانت الدنيا اتحولت لغابه أكتر من كدا وخربت..

فريحه : قعدت مكانها في الأرض بقلة حيلة..وعيطت بوجع.. 

مراد : نفخ بتعب..وقومها.وقال..تعالى اقعدي هنا.. في ايه بس يافريحه. مالك. استهدي بالله ياحبيبتي. 

فريحه : حطت وشها بين ايديها وعيطت وقالت.. أنت مش حاسس بحاجه يامراد.. أنا نفسي ارتاح بقى.. انا تعبت.. والله العظيم تعبت..

أكتر من ٢٥ سنه عايشه فيهم رعب وخوف عليك. من حقي اخاف.. أنا عمري ما طلبت منك تسيب شغلك..لحد اللي حصل لبنتي ده... وكفايه وجع قلبي على ابني..اكتر من مرة أنت تتصاب وفهد وترجعوا بين الحياة والموت.. ودلوقتي ابني..؟أنا مش هقدر أتحمل.اكتر من كدا.

مراد : ضمها لحضنه وربت ع ضهرها وقال..بنتك بخير يافريحه والحمدلله..

فريحه : خرجت من حضنه..وبصت ف عينيه وقالت.. بنتي دلوقتي بخير..يعالم بكره ايه إللي ممكن يحصل؟ انا مش هرجع في قراري يامراد.. لازم تسيب شغلك..

مراد : زعق..يبقى اتهبلتي يافريحه.. قومي نامي بقى علشان انتي اللي مش حاسه بحاجه انا تعبان ومخنوق..

وعايزك لما تصحي ترجعي فريحه الحلوه كدا..مش ناقصه نكد الله يكرمك الواحد ع اخرو.. تصبحي ع خير..

وسابها وراح مكانه ع السرير وشد الغطا بنرفزه..

أما فريحه..باصه قدامها ودموعها نازله بصمت..

وبتفكر في خطوة أمان تغير حياتها..

------------------بقلمي مريم نصار.

عند فهد..

رينو : بجمود.. انا قولت اللي عندي يافهد..ومعنديش كلام تاني..

فهد : صاكك ع أسنانه وماسك نفسه بالعافيه..وقال.. اعقلي يا لارين..شغل إيه اللي أنتي عايزاني اسيبه ده؟ ده جنان رسمي.. أنتي عارفه أنا بحب شغلي قد ايه.؟

رينو : مسحت دموعها وابتسمت بسخريه..وقالت..واو بتحب شغلك.. أكتر من بيتك وبنتك اللي واجهت الموت يافهد؟

فهد : فقد السيطره..وقال لارييين.. انا بجد مش عايز جنان.. أنتي عارفه إن مفيش حاجه أهم من بيتي وبنتي آرين بالذات..انتي فاهمه ولا لأ؟ وبعدين هو اي مشكله نسيب شغلنا؟

رينو : بعياط مكتوم.. شاورت ع قلبه ومناطق في جسمه وقالت بوجع.. هنا مكان رصاصة..وهنا ضربة سكينة..وهنا طلقة غدر.. وهنا طلقتين اتسببوا في غيبوبه..وهنا جرح ساب أثر. وهنا وهنا. 

وزعقت أنت إيه بجد..مش حاسس بحجم الوجع اللي جوايا لييييه؟ انت واخويا ولسه وجع قلبي على ابني وخطف بنتي..

ومسكت فهد من قميصه بقوه..وقالت بغضب..نسيت إني اتخطفت قبل كده.؟ إن كنت انت نسيت ف أنا لأ.. أنا كل ما افتكر اليوم ده بحس إني بتنفس بالعافيه.. أنا عشت خوف ورعب رغم أني كنت جمبك.. 

لكن بنتك اتخطفت من مافيا.. لا ليهم مله ولا دين. ولا يعرفوا يعني ايه رحمه..

بنتك عاشت يوم مش هتقدر تنساه طول حياتها. 

وآخر حاجه هقولهالك يافهد.. يا أنا وبيتك يالشغل..!!!

فهد : غمض عينيه وقابض ع أيديه..ومردش عليها.. ونزل أيديها..وبص ف عينيها وقال.. النقاش منتهي يالارين..انتي أعصابك تعبانه.. ولازم ترتاحي.. تصبحي ع خير.. 

------------------بقلمي مريم نصار.

تاني يوم.. 

مراد : نازل ع السلم..وبينادي.. ع زينب..

زينب : جت بسرعه.. وقالت بغيظ..نعم ياسي مراد بية؟

مراد : كشر عينيه وقال..يسي مراد بيه؟ اه ومالو.. وكمل بتريقه قوليلي بقى.. ست فريحه هانم فين..؟! 

زينب : عوجت بوقها وقالت..يعني أنت مش عارف؟!

مراد : بنفاذ صبر.. لأ يازينب.. ولو عارف هسأل حضرتك ليه؟ اخلصي اتكلمي فريحه فين؟!

زينب : اتخضت..وقالت بتوتر..ست..ست الدكتوره فريحه..سابت البيت....!!!

مراد : كشر عينيه وقال نعم؟ سابت بيت مين؟ ده إللي هو إزاي يعني؟ راحت العياده؟

زينب : هزت راسها وقالت. لأ لأ يسي مراد..سابت البيت وطفشت منك..قصدي يعني........!!!

مراد : زعق ماتتكلمي يازينب راحت فين؟ وشوفتيها امتى؟

زينب : اتخضت وقالت.. حاضر..هتكلم أهو..شوفتها نازله ومعاها شنطة السفر الكبيره. ونازله ياكبد أمها دمعتها على خدها.. وجريت عليها وقولتلها رايحه فين يا ست الدكتوره..

قالت لو سمحتي يازينب مش عايزه اتكلم مع حد. وخرجت..

مراد : بص قدامه..وهز راسه وقال..هي وصلت لكدا يافريحه؟ مااااشي.. وبصلها وقال بنرفزه بابا فين؟

زينب : بخوف..شاورت في المكتب..

مراد : اتحرك بنرفزه. وخبط ودخل.. وقال صباح الخير يا بابا..

آدم : أبتسم أهلا صباح الخير يامراد..خير وشك عابس ليه؟

مراد : بغضب مكبت قال.. ابدا ولا عابس ولا حاجه..بس هي فريحه خرجت.. قالتلك حاجه قبل ما تخرج.؟

آدم : بهدوء.. ايوه طبعاً..هي كان واضح أنها تعبانه شويه..و استاذنتي أنها محتاجه تغير جو..وطلبت مني إني أقدر موقفها. ومسالهاش عن السبب..

أنا احترمت رغبتها..وقولت وماله مفيش اي مشكله..اكيد مضغوطه من الفتره الاخيره..

مراد : صك ع أسنانه وقال .طيب مصحتنيش ليه يابابا؟

آدم : بتعجب.. وأنا ايه إللي عرفني يابني إنك لسه نايم؟ عموماً حصل خير هى يعني هتروح عند حد غريب..

مراد : اتنفس غيظ..وخرج مضايق..وبيتصل عليها لكن فونها معلق..وقال بعصبية.. وكمان قافله موبايلك؟وحياة أمك لاوريكي يابنت كوم الشكاير..!!!

واتصل ع رنا..وردت بابتسامة..

رنا : صباح السعاده على أبني حبيبي..

مراد : قال جواه..رنا صوتها عادي..يبقى أكيد فريحه مقالتش أي حاجه..بس الشنطه؟ معقول تكون سابتها في العربيه..

رنا : كشرت عينيها وقالت.. الو..مراد ياحبيبى أنت سامعني؟

مرا. : نفخ بخنقه وقال..ايوه سامعك يارانوش..انتي عامله ايه؟

رنا : الحمد لله بخير..المهم انت وفريحه أخبارها إيه؟

مراد : كشر عينيه وهمس فريحه؟ وقال. إحنا بخير الحمدلله.. وطاروق عامل ايه؟

رنا : بضحكه.. أهو قاعدين في وش بعض.. رودي نزلت ع العياده..وچواد رايح عند مصطفى وچود..

طارق : بصوت عالى ماتجيب مراتك والعيال وتعالوا اتغدوا معانا ياض يامراد. 

مراد : بحيره..فريحه مش هناك..يبقى أكيد عند زفت فهد. وحياة أمك ماشي يافريحه..دانا هنفخك..

رنا : الله؟ إيه يامراد انت بتسرح ولا ده عيب شبكه..؟

مراد : بخنقه..معلش يارانوش أصلي لسه صاحي ومش مركز..وقولت أصبح عليكي.. وقريب هنجيلك ياطاروق.. 

رنا : إن شاء الله ياحبيبى..سلامي لفريحه ولمريم وكل العيله..مع السلامه ياحبيبي..

مراد : مع السلامه..وقفل..وصك على أسنانه بغضب العالم وقال. حسابك معايا يافريحه انا هعرفك إزاي تسيبي بيتك.. لأ وكمان من غير ما أعرف..!!! 

------------------بقلمي مريم نصار.

عند فهد..

فهد فتح عينيه..وملقاش رينو جمبه.. وقام..وفتح الدولاب يطلع تيشيرت.. لكن أنتبه.. وملقاش هدوم لارين.. وكشر عينيه بعدم فهم..!! 

وخرج من الأوضه بسرعه.. وشاف آرين قاعده زعلانه.. وقامت وقفت وقالت بعياط.. مامي سابت البيت يابابي.....!!!!

فهد : بصدمه.. سابت البيت؟ سابت البيت إزاي؟

آرين : بدموع.. أخدت آيان وشنطة هدومها..ولما سألتها.. قالت مش عايزه تتكلم مع حد..وقالت كمان ياريت محدش يتواصل معاها.. عااااااا..هو إيه اللي حصل يابابي علشان مامي تسيب البيت.دي أول مرة تحصل..

فهد : قبض ع ايديه بغضب واضح..وساب آرين..ودخل يلبس بسرعه..علشان ينزل يشوف إزاي تسيب بيتها...

Автор: Меріам Насар

فيلا تيم عزيز..

تيم نايم.. وميرو دخلت عليه وشايله جنى.. وقربت من تيم بشويش. ونيمت جنى ع دراع تيم.  وجريت استخبت ورا السِتاره تراقبهم بحماس..

جنى : بتحرك أيديها ورجليها

تيم : حس بحركه جمبه.. وفتح عينيه.. وأبتسم بسعاده.. وقال. أهلا أهلا بروح قلبي. صباح الورد والفل والياسمين وكل حاجه حلوه..

واتعدل وبص حواليه.. وشاف رجل ميرو من تحت السِتاره..ورفع حاجبه بمكر وقال.. أممم تمام..

وبص ل جنى.وقال. أحلا صباح بجد ياروح قلبي..لما افتح عينيا على الجمال ده. أنا كل يوم عايز افتح عيوني الاقيكي جمبي..

ميرو : عوجت بوقها. ونفخت وقالت جواها. بقى كدا ياتيم باشا؟ حتى مسألتش عليا.. أوكي مااااشي..

تيم : بمكر..تعالي في حضني ياقلب بابي..وشالها..وقال تعرفي يا چينو أنا واخد انهردا أجازه علشانك ياروحي..عايز أقضي اليوم كله معاكي..

إيه بتقولي إيه ياجنى؟ نبعت مامي عند بابا آدم. أممم. مفيش مشكله ياروحي..هي أكيد دلوقتي هناك.  بتعمل القهوة الخضرا ليه..

إيه بتقولي إيه؟ اتصل عليها واقولها خليكي هناك وارجعي آخر اليوم؟

ميرو : ربعت أيديها بزعل..واتغاظت..

تيم : بمكر.. لأ لأ ياچينو.. آخر اليوم ايه بس..؟

ميرو : أبتسمت وقالت.. أممم مش هاهون عليه تيمو حبيبي..

تيم ؛ كمل وقال.. إحنا نقولها تقعد يومين تلاته. ونقعد انا وانتي لوحدنا.واجبلك كل حاجه حلوه ايه رأيك؟

ميرو : شهقت وحطت ايدها ع بوقها وقالت.. إيه؟ يومين تلاته؟ بقى كدا ياتيم بتستغنى عني؟ واتخضت..

تيم ؛ شدها لحضنه وقال..بتعملي ايه عندك يادكتوره؟

ميرو : اتوترت..وبعدين بصتله بغيظ .وقالتله مبعملش حاجه..بعد إذنك أنا رايحه عند جدو.. وجت تمشي..

تيم : شدها لحضنه أكتر..وقال. ع فكره أنا شايفك من بدري..

ميرو : أممم يسلام ياخويا.

تيم : اه والله هكدب ليه؟

ميرو : بزعل طفولي.. انا هسيبك يومين تلاته. وانت بقى أقعد مع حبيبتك برحتك..

تيم : همس ف ودنها..بتغيري من بنتك ياروحي.

ميرو : انا مبغرش من حد..هو انا عقلي صغير..

تيم : لأ بس انا حاسس إنك زعلانه..ولازم اصالحك..

ميرو : تنحت..وقالت. لا لا مش زعلانه.. وجريت من قدامه..وخرجت من الأوضه..

تيم : ضحك وجري وراها..

ميرو ؛ بتجري ونازله من على السلم وبتضحك..

تيم : نازل وراها وبيضحك.. وقال..تعالى هنا مش هسيبك.. وبيضحكوا..

جرس الباب رن..

ميرو : وقفت بضحكه..وبتنظم أنفاسها..وقالت شوف مين بيخبط دلوقتي..

تيم : خطف بوسه من خدها وقال.. هشوف مين وهرجع اصالحك..وغمزلها..

ميرو : ضحكت بسعاده وعينيها على الباب..

تيم ؛ فتح الباب. وكشر عينيه بعدم فهم وقال. ماما فريحه.؟ وشاف جمبها شنطه سفر كبيره..

فريحه : مسحت دموعها وقالت..ينفع ادخل ولا أروح عند بابي؟

تيم ؛ بدهشه..ياخبر. اتفضلي ياحبيبتى..تعالى..بس ايه الشنطه دي انتوا مسافرين ولا ايه؟

ميرو : جريت ع فريحه بقلق..مامي حضرتك بتعيطي؟ في ايه يامامي؟

فريحه : قعدت في الليفنج..وعيطت..

تيم : تقريباً فهم...وغمز لمريم..اعملي كوباية عصير بسرعه يامريم لماما لو سمحتي..

ميرو : جريت..وسمعت الحوار من فريحه لتيم. 

تيم : طيب أهدي ياحبيبتى..وكل حاجه هتتحل إن شاء الله..

ميرو : جابت العصير بسرعه.. أتفضلي يامامي اشربي واهدي ياحبيبتى..!!

جرس الباب رن..

فريحه : شهقت بخوف..وقال لو مراد مش هيسكت..

تيم : اهدي ومتخافيش من حاجه.. واتفضلي اطلعي فوق انتي..

فريحه : قامت وطلعت فوق بسرعه.. وقلبها خايف من عصبية مراد..

تيم : فتح الباب وتنح..رينو..!!! وشاف شنطة الهدوم.. وقال  بهمس أنتي كمان؟

رينو : مسحت دموعها وقالت..ينفع ادخل ولا أروح عند بابي؟

تيم ؛ بدهشه..ياخبر. اتفضلي ياحبيبتى..تعالى..بس ايه الشنطه دي انتوا مسافرين ولا ايه؟

ميرو : جريت ع عمتها بقلق.. وقالت.. عمتو حضرتك بتعيطي؟ في ايه ياعمتو؟

رينو : دخلت وبتعيط..

تيم : شال الشنطه ودخل بيها.. وميرو شالت آيان..

رينو : بحزن . أنا سبت البيت..ولاني مش هقدر أواجه مامي وبابي لقيت اكتر مكان مناسب أكون هنا.. لمدة يومين بس لحد ما اروح شقتي التانيه.وا.......

تيم : قاطعها بحده..بس يارينو ايه اللي انتي بتقوليه ده؟ ده بيتك قبل مني..وبعدين انتى تقعدي لآخر العمر..بس ممكن تفهميني إيه اللي حصل؟

ميرو : بدموع..هو في ايه بالظبط..مامي وعمتو يسيبوا البيت في يوم واحد.؟

رينو : مسحت دموعها واستغربت..وقالت فريحه سابت البيت هى كمان؟

فريحه : نزلت وقعدت جمب رينو..

تيم : جاب عصير لرينو و آيان.. وميرو طلعت جابت جنى..

آيان : بفرحه..جنى بيبتي..وبيلاعبها..

فريحه ورينو حكوا كل حاجه لبعض ولتيم وميرو..

رينو : بجدية.. أنا خلاص تعبت ومش قادره استحمل أكتر من كدا..هو خدم أكتر من ٢٥ سنه.. وِسنهُ بيكبر. أظن كفايه أوي كدا.. إحنا خايفين عليهم وع ولادنا.

فريحه : بحزن.. عندك حق..لكن هما مش شايفين غير أننا بنمشي رأينا عليهم..مش قادرين يشوفوا إن ده حب وخوف عليهم.. وبعدين هنستنى إيه تاني؟ 

تيم : قال بصراحه ياجماعه. أنا شايف أنكم استعجلتوا في طلب كبير زي ده..!!

فريحه : بوجع لأ ياتيم.. إحنا اتأخرنا اوي. أنا عمري كله عشتو بين خوف وقلق.. أنت مبتقاش عارف قلبي ده بيموت كل مهمه لمراد. ولما يرجع مصاب..جرحه بيكوي قلبي..بس مراد مش عارفه ليه المرادي مقدرش يفهمني..

رينو : بصت لتيم وقالت.. فهد شايف إني بفرض رأيي عليه..وإن لو كل الناس فكرت زيي الدنيا هتتخرب..

فهد مش قادر يستوعب أنه هو واخويا وابن أخويا وأبني بيواجهه الخطر.. أربعه حياتهم ع كف عفريت زي ما بيقولوا..ومش عايزين مننا أننا نمل ولا نشتكي.. وبعدين أحنا بنقول فهد وأبيه مراد اللي يسيبوا الشغل..مقولناش آدم و آركان كمان..!! إحنا مش انانيين للدرجادي.. بس خطف آرين وتالين.. هو القشه إللي قطمت ظهر البعير.. مبقاش عندي طاقه إني اتحمل كل ده..وفريحه زيي بالظبط ويمكن أكتر كمان.. كدا ظلم لينا.. ولو فريحه هتسكت.. أنا مش هسكت...!!!

------------------بقلمي مريم نصار..

الساعه خمسه مساءاً

تيم فتح الباب وشاف مراد وفهد واقفين قدام الباب..

تيم : أبتسم بخبث..وقال أهلا أهلا..بحبايب قلبي...!!! -----------