رواية الغرفة المغلقة الفصل الثاني 2 بقلم ملاك حسام

 

 رواية الغرفة المغلقة الفصل الثاني بقلم ملاك حسام

ريم بصدمه : سمو ايه يا خويااااا 

الرجل بتلعثم : اعتذر اقصد سمو الاميره 

ريم و هي ما زالت في صدمتها : فرقت هيا يعني .. فرقت 

الرجل بهدوء : سمو الاميره ما بك .... هل انتي بخير لقد بحثنا عنك كثيرا 

ريم بمحاوله كبح صدمتها : طب بص معلش كده يا عسل اعتبرني فاقده الذاكره اميره ايه و احنا فين اصلا علشان انا مش اعملكوا بكاء علي الاطلال وقتي 

الرجل بستغراب: الاميره ريحتب و انتي في مصر العظيمه 

ريم في سرها : اه يا ندي يا ام راس بخاخه يعني يوم اما تتحقق أحلامك يتحقق الحلم ده .... ثم قالت بتفكير: لأ ثانيه كده هو احنا في عصر الفراعنه 

الرجل : اجل ..... ما بك يا مولاتي لماذا تتحدثين بهذه اللغه الغريبه 

ريم : انا اللي بتكلم بغرابه.... بقولك يا ولا ملقيتش اي بنت او شاب قريبين من هنا 

الرجل بغموض : لا .. لكنك سوف تجديهم 

ريم بستغراب: قصدك ايه 

الرجل : مولاتي يجب ان نذهب سريعا من هنا سريعا لأن هذه المنطقه خطر و أيضا سمو الملكه والدتك سوف تسعد كثيرا لأنها كانت خائفه عليكي

ريم بمجاراه له في الكلام: طب بقولك ممكن في الطرق تحكيلي عن نفسي و المكان اللي عايشه فيه إلهي يسترك علشان شكلي كده فقده الذاكره ... و في سرها : لما نشوف اخرتها انا عايزه اعرف اي المكان ده و لأ و ايه كمان طلعت في العصر الفرعوني يحظك يا قرمط يحظك 

رد الرجل قائلا لها : طلباتك مجابه يا مولاتي ... مولاتي مولاتي فيما تشردين 

ريم : ها لا ولا حاجه .. بعدين استني احنا ازاي في مصر و فيه غابات و في سرها : انا اه كنت سيباه التاريخ مش بذاكره بس مش للدرجه مصر صحراء و امطارها نادره ايوه يا حلاوه الدراسات اديني 

رد الرجل قائلا بغموض و حزم : مولاتي كل شئ سوف تعلمينه في النهايه 

ريم استغربت رده بس مش بينت ثم ركبت العربه التي تشبه الحنطور في زمننا و اخد يقول لها عن عائلتها و ان الملكه والدتها تسمي الملكه توسرت ... و أخبرها عن نفسها كثيرا و انها اختفت من يومين هي و ابنه خالتها الاميره نردوحتب و الأمير حمورع ( وهو متقدم لزواج الملكه نردوحتب ) 

ريم في سرها : ايه يا ربي الاسامي دي بس لأ عادي بالنسبه للأسامي الملوك اللي خدتها في تاريخ اولي ثانوي ارحم الحمدلله علي نعمه العلمي ولله رغم مديني قفا عباسي بس عادي حبيبي حبيبي..

الرجل : شردتي مجددا يا سمو الاميره ما الذي يشغل ذهنك 

ريم : ها لأ ولا حاجه المهم هو فاضل قد ايه و نوصل 

الرجل : القليل يا مولاتي 

ريم : طب هو انا بقي اميره في انهي مدينه و سنجل ولا ايه نظامي 

الرجل بستغراب: سنجل ماذا تعني هذه الكلمه 

ريم بخفوت: طب أفهمه ازاي ده قصدي يعني متزوجه ولا لأ 

الرجل : لا لستي كذلك و اجل انتي اميره علي مدينه (اتريب)

و يوجد بالقصر الان ترتيب لحفل زواج الامير حمورع من الاميره نردوحتب 

ريم : تمام ثم كادت ان تقع لولا انها تمسكت بباب العربه ثم قالت : ايه اللي حصل 

الرجل : اعتذر مولاتي لكننا وصلنا 

ريم بعدما نزلت صدمت من جمال القصر الذي أمامها يا لها من روعه معماريه 

ريم بنبهار : يا جمالو ايه الحلاوه دي لأ بجد شابوه لأجدادي ثم قالت: بقولك يا كابتن ثم نظرت ورائها لم تجد أحد اخذت تنظر يمينا و يسارا متعجبه أين العربه و الرجل ... لكن لم يستمر تعجبها لأنها أرادت ان تستكشف القصر و في لحظه وجدت الكثير من الحراس يصيحون بجمله : لقد عادت الاميره .... لقد عادت الاميره 

ثم وجدت فوج من الخدام يأتون إليها ثم حملوها ليجلسوها علي كرسي و يتحركون بها حتي وصلوا بها الي داخل القصر و ريم من الصدمه لم تنطق بحرف و عندما وصلوا الي داخل الفصل وجدت ندي و احمد واقفين بشموخ بزي مثل زي الفراعنه بجانب امرأه عجوز يتضح انها الملكه توسرت استقبلتها بوجه بارد ثم قالت ~ 

الملكه توسرت : ألحقتك السلامه يا ريحتب 

نظرت ريم (ريحتب)ناحيه ندي و احمد وجدتهم ينظرون لها ببرود و هذا جعلها يصيبها الصدمه و الاستغراب و كان هذا واضح من تعابير وجهها و لم تنطق بحرف و لاحظت الملكه ذلك فطلبت الملكه من الخدم و الجميع يخرجون ليجعلوا الأمراء يرتاحون و بعد ان خرج الجميع و تبقي فقط الملكه و ريم و ندي و احمد قامت الملكه بأخذ ريم بأحضانها و قالت ~ 

الملكه توسرت بحنيه : لقد أصابني الرعب عليكي يا ابنتي أين كنتي 

ريم بصدمه : ها .... انا مش فاهمه حاجه .... ندي احمد هو في ايه قالتها بوجه باكي 

الملكه بفزع و استغراب : ما بكي يا ابنتي و ما هذه اللغه التي تتحدثين بها و من هم ندي و احمد ثم نظرت للخلف بإتجاه ندي و احمد و قالت : هل تقصدين علي نردوحتب و حمورع 

ريم بغباء : بصي حضرتك براحه عليا كده علشان انا تكه و هعملكوا مندبه عياط دلوقتي ... ثانيا بقي اللي هناك دول مش الاسامي اللي بتقولي عليها ولله متقولو حاجه يا زفت منك ليها 

نردوحت ببرود (ندي): من الواضح يا مولاتي ان الاميره ريحتب متعبه كثيرا بعد اذن سموك ان تتركيها تستريح قليلا 

حمورع (احمد)ببرود : و انا ايضا أوافق الاميره نردوحتب الرأي 

الملكه بهدوء : حسنا و انا سوف اذهب لمتابعة أمور الحاشيه القادمه و الي اين توصلوا من الطريق و تحدثوا إليها قليلا لمعرفه ما بها 

حمورع و نردوح : حسنا جلالتك 

و بعد ان خرجت الملكه جرت ندي و احمد الي ريم 

و قالت ندي : ريم انتي كويسه حصلك حاجه 

ريم بصراخ : انتو هتجننوني مش من شويه اتركيها يا مولاتي و مش ابصر اتركيها يا مولاتي .... ايه اللي بيحصل هنا و مين اللي كانوا بيتكلموا من شويه دول و ايه اللغه اللي بتكلمي بيها بطلاقه دي .... بس تصدقي يا فرحه مستر التاريخ بيكي بجد انا عايزه افهم فين الاله دلوقتي و ازاي هنرجع 

ندي بغيظ : اهدي يا فرقع لوز انتي دخلا بزعابيبك ليه و بعدين مش ده كله حصل بسببك اصلا ثم قامت بتقليد ريم في الحديث قائله :عايزه اعرف سر الاوضه يا ندي .... عرفتي ياختي يا شيخه تبا لكي 

احمد بهدوء : اهدوا انتوا الاتنين .... لو علي الاله فهي في مكان قريب اكيد من هنا بس معرفش فين بس هي بتكون في مكان مختلف و في نفس الوقت قريب من الناس اللي استعملتها 

ريم : عرفت منين يا ذكاؤو 

احمد بغيظ : من الكتالوج ياختي ..... قبل ما باب يتقفل علينا اخدته من علي الترابيزه و طلع الكتالوج و بدأ يقرأه و قال : ده كمان بيقول أن الشهر اللي بنقضيه بيعادل ٢٠ ثانيه في الحقيقه 

ريم بستغراب : اشمعنا ٢٠ ثانيه يعني بس مش مهم كده الحمدلله اطمن ان عيلتنا مش يقلقوا علينا 

ندي بحماس: طب بقولك ايه بقي نرضي بالأمر الواقع و نستمتع بيه علشان انا عجبني اوي استايل الاميرات هنا لبسهم تحفه 

ريم : و مالو ماشي بس انا هقولهم ايه برا انا معرفش حاجه عن الاميره اللي مفروض تبقي انا دي 

احمد : عادي قولي زيينا احنا الاتنين قولنا ان احنا فقدنا الذاكره و علشان وقعنا من فوق منطقه عاليه و فيه ناس شافونا و ساعدونا 

ريم : حلو ده ماشي بس لسه كمان هتكلم انا باللغه اللي بتتكلموا بيها دي 

ندي : ايوه ياختي ثانيا اللغه حلوه اوي و تحسي بوقار كده

ريم بسخريه : وقار .... و مالو حاضر .... بعد كده قالت بصدمه اه صح انتو جيتو هنا ازاي 

ندي : انا فيه شخص جبني بعربيه شبه الحنطور و قعد يحكيلي عن نفسي بس بمجرد ما نزلت من العربيه اختفي هو و العربيه 

احمد بتأييد : نفس اللي حصل معايا بالمللي 

ريم : اي ده و انا كمان حصل كده مين دول بقي 

احمد : انا حاسس ان دول من الاله علشان يعرفونا احنا مين و فين 

ندي : انا معاه في الرأي ده 

ريم : يخواتي علي الحلاوه انجلينا جولي و براد بيت زمانهم 

احمد و قام ضربها علي قفاها : بس يا ماما 

ريم بصراخ و ضحك : لأ كلوا إلا قفايا.... اه صح مش انت هتتجوز البت دي كمان اسبوعين اضربها هي 

احمد بحنيه ناظرا الي ندي : اهي دي الحاجه الوحيده الحلوه اللي طلعت من وراكي يا فرقع لوز 

ندي نظرت للأسفل بكسوف 

ريم و هي تكاد ان تُشل : فرقع لوز .... انا فرقع لوز ثم قالت في سرها : اه يا جزم ماشي ثم قالت بصوت عالٍ : يا عم روميو هنعمل ايه دلوقتي 

احمد بعدما فاق : هااا .. اه بصي مش هنعمل حاجه هنبان ان احنا طبيعين و في وقت تجهيز الفرح ها نحاول ندور علي الاله اصل لو هي بره اكيد العامه لقوها و هينتشر خبرها 

ريم : تمام و انا هحاول اتعود اتكلم باللغه دي علشان لما اتعامل مع حد ثم تابعت بحماس :و اتعامل بطريقه الاميرات بقي

و بمجرد ان انتهت من كلامها سمعو ضجيجا عاليا في الخارج ثم خبطا شديدا علي الباب ... هب القلق في الفتاتان و نظروا لبعضهم فقام احمد بتهديأتهم ثم كان علي وشك ان يفتح الباب حتي سمع شخص يقول ~ 

اين هذه الوقحه الخائنه لعائلتها و لبلادها اقسم اني لن اتركها و سوف اقتلها هذه الريحتب (ريم) 

ريم في سرها : يختااااي يارب يارب انجدني ان عارفه كل المصايب دي بتحصل من الصواريخ اللي كنت برميها في حصص المدرسين ... مين الشخص ده كمان و عايز يقتلني ليه

ثم فزعوا جميعا عندما سمعوا صوت كسر الباب 

و قالوا كل من ندي و احمد و هم ناظرين الي ريم : يا حظك يا قرمط .....

                الفصل الثالث من هنا

بدل ماتدور وتبحث علي الروايات خليها علي تليفونك وحمل تطبيقنا

تعديل المقال