رواية ملاك الحب الفصل الثاني بقلم روما رضا
٢
-طلعي بطاقتك يابت
اخرجت الفتاة بطاقتها واعطتها له
امسك البطاقة لثواني ولكن الصدمة ظهرت علي وجهه
،وانتبهت الأخري علي الاسم الموجود علي مكتبه وصُدمت هي الأخري
كيف ذلك؟
ملاك ياسر محمد مدبولي !
فهد شريف محمد مدبولي !
-احنا هنهزر بطاقة مزورة كمان انتي مين يا بت.
تحدث بعصبية مما ازداد بكائها
-والله ده بطاقتي ومش مزورة.
-كريم انت يا كريم. تحدث بانفعال
-اوامرك يا باشا
-شوف البطاقة ده مزورة صح
-لا يا باشا سليمة.
نظر لتلك التي تبكي مرة أخري ولإسمها بـالبطاقة توقف عقله عن التفكير.
هل يعقل أن عمهُ تزوج في السر؟
-حضرتك اسمك فهد محمد مدبولي يعني تعرف شريف محمد مدبولي
-اطلع يا كريم دلوقت واقفل الباب وراك.
نظر لها وأكمل حديثه بنبرة حادة
-ومين ميعرفش عمه بس اللي عايز أفهمه انتي ازاي بنته وامتي اتجوز تاني.
-طب ممكن توصلني ليه وبعدها هتفهم كل حاجه.
زفر بحنق من تلك المصيبة كما يعتقد ، فـعمُّه متزوج بـخالتُه العزيزة وحفل مولدها (عيد ميلادها) اليوم وسيحتفل به الجميع ولن يسمح لتلك الغامضة أن تعكر صفوفهم.
-أوصلك لمين يا حلوة
ابتسم بسخرية وأكمل حديثه
-انتي واخده قضية مخىدرات يعني اقلها 5 سنين سجن
اتسعت عيناها بدهشة
-والله الحاجة ده مش بتاعتي ومش عارفه جت في شنطتي ازاي.
كان سيتحدث ولكن قاطعهم شخص يفتح الباب
-ازيك يا دودو مسكت العصا
توقف فجأة عند رؤيته لفتاة مع فهد
بلع تلك الغصة بحلقه وهو يري نظرات فهد القاتلة له
ثم تنحنح بحرج مُردفًا
-اقصد يا فهد
-مش وقتك يا أحمد دلوقت شوف شغلك.
تحدث فهد ضاغطًا علي أسنانه
-مش هتعرفنا طيب.
-اعرفك علي مين علي المُتلبسة بـشنطة المخىدرات!
-ن نعم هي ده اللي كانت بتهرب مخىدرات
نظر فهد الي تلك التي تُدعي ملاك
هل هي ملاك فعلًا أم هذا قناع البراءة؟
-علي فكرة انت ابن عمي يعني ازاي تتهمني!
تحدثت بغضب طفولي
-بنت عم مين ده من امتي.
تحدث أحمد بصدمة
-لا انتي صدقتي نفسك ولا ايه....يا كريم
تحدث بعصبية شديدة أفزعت الجميع
-نعم يا باشا
-خد الأستاذة علي الحبس لحد ما نشوف حقيقتها.
-أوامرك يا باشا.
-حرام عليك انا معملتش حا.....
كان هذا آخر شيء تقوله قبل فقدان توازنها
وشعرت بأن الجميع يتلاشي من حولها وتلك الأصوات الغير مفهومة فـاستسلمت الظلام.
....................................
- Happy birthday, Hanadi
Happy birthday for you-
-كل سنه وانتي طيبه يا خالتو
-وانت طيب يا فهد يا حبيبي عقبالك
-كل سنه وانتي طيبه يا هنادي
حدثت هناء أختها مُعطيه إليها الهدية باهظة الثمن
ثم أخد الجميع يهنئ هنادي التي في منتصف الأربعينات ولكن من يراها يظن أنها بـمنتصف الثلاثينات فـتلك العمليات التجميلية والفيلر والبوتكس هي عاداتها الشهرية فـلا يمر شهر بدون عملية تجميل أو بوتكس.
نظرت هنادي إلي زوجها بـسخرية فـهي تفعل كل ذلك لأجله وهو مازال يفكر في تلك الأفعي بنظرها ،أعطاها شريف هديتها بـرسمية مُهنئها.
شريف في منتصف الخمسين من عمره ولكنه يحافظ علي جسده الرياضي وهيئته فـهم عائلة أكبر شركات في الشرق الأوسط.
بينما كان الجميع سعيد والنساء تتباهي لما لديها ،اسمتع البعض لـعراك قادم من الخارج.
-سيبوني ادخل هو في اي
تحدثت الفتاه مما استرعي انتباه الجميع لها
-مين ده
-بعتذر يا فندم دخلت بالعافية
-ازاي تدخلي هنا انتي مين
تحدث ياسر مُنفعلًا
كان فهد يتحدث مع أصدقائه ولكن عند استماعه للحديث ،ذهب ليري ماذا يحدث فـصُدم بروية تلك المصيبة.
-تلاقيها جايه تشحت...هي ده مناظر اليومين دول.
تحدثت هناء بغرور وكبرياء
-أنا مش جاية أشحت أنا جاية أعرفكم بنفسي ..............أنا ملاك ياسر محمد مدبولي
بنت ياسر محمد مدبولي
قالت الشئ الذي صُدم منه الجميع وأصيب الجميع بحالة ذهول ومنهم استنكار
يتبع.....
Part 2
ملاك_الحب
