رواية اتجوزني عشان اربيله ابنه الفصل الرابع والعشرون 24 بقلم رحاب القاضي

_

ــــــــــــــــــــــــــــــــــــــــــــــ 

معتز 

انتو مكبرين ليه الموضوع، بسيطه احنا هنقول اننا روحنا البيت اللي هناك مالقناش حد.. 

اللواء بحده 

معتز انت وديت البنت اللي كانت هناك فين؟.. 

معتز ببرود

في الحفظ والصون وجوزها لو عايزها يجيني عشان ياخدها.. 

اللواء

اللي انت بتعمله ده مش قانوني ما تتكلم يا حازم وتعقل صاحبك.. 

حازم بسخريه

يا راجل يا بركه هو سامعلك انت عشان يسمعلي انا.. 

كتم معتز ضحكته واللواء اتعصب وقال

انا يتقالي راجل بركه.. 

حازم بخوف

احييي هو انا قولت كده، ااانا لازم اطلع عشان الواد اللي سرق محل الدهب لازم يتجااب بعد اذن حضرتك يا افندم.. 

طلع حازم واللواء قال بغيظ 

انا اللي مصبرني عليه انه شاطر وشغله حلو، المهم انت هتقولي البنت فين ولا حكايتك ايه؟.. 

معتز 

يا افندم انت ديما بتعتبرني ابنك وديما بتثق فيا، سيبني اتصرف وقول زي ما قولتلك احنا روحنا لقينا يوسف هرب.. 

اللواء

طيب مين اللي قال ليوسف اننا عرفنا مكانه واصلا باباه محبوس جوه عندنا.. 

معتز 

ما هو انا عشان كده لو قطعتو مني بالحته انا مش هقول البنت دي فين، الحيطان ليها ودان.. 

اللواء

طيب انت ماشي دلوقتي ولا رايح فين؟.. 

معتز 

ايوه مروح ولو حصل جديد هبلغ حضرتك..

اللواء

طيب يلا بينا انا نازل معاك اصلا.. 

_ومشي معتز بس مراحش البيت، ساق عربيته ووصل قدام بيته القديم اللي كان عايش فيه مع اهله وكان في حراس واقفين هناك.. 

معتز 

حد خد باله من حاجه؟.. 

عماد 

لا يا افندم هي اصلا هاديه جدا وكانت بتسمع الكلام.. 

معتز 

مش عايز اي حد من الرجاله يدخل عندها غيرك ووقت الضروره، دي امانه عندي.. 

عماد 

اوامر حضرتك يا معتز باشاا.. 

_دخل معتز جوه البيت ولقي ندي نايمه علي الكنبه في الصاله وكان المكان كله ترااب.. حط شنط الاكل علي الترابيزه وهي قامت بسرعه وقالت.. 

ندي بخوف

انت ليه خليتهم نزلوني من البوكس وجابوني هنا.. 

بصلها بطرف عينه وطلعلها الاكل وقال

كلي انتي حامل ولازم تاكلي عشان ما تحصلكيش حاجه.. 

ندي بدموع 

مش هاكل حاجه انا عايزه امشي.. 

معتز ببرود 

لما تجوعي هتاكلي، قوليلي بقي فين يوسف هرب وراح فين؟.. 

ندي عيطت وما ردتش عليه، وقال هو بهدوء

خلاص بلاش فين يوسف، سماح فين؟.. 

اتنفضت ندي بخوف وبصتله، ابتسم معتز وقال

ايووه حصلها ايه بقي ولا ودوها فين؟.. 

ردت عليه بصوت مهزوز

ممم معرفش.. 

معتز ببرود

براحتك خااااااالص يا مداام يوسف فخري اصلا احنا قاعدين مع بعض لحد ما الكلب جوزك يظهر وهنشوف بقي انتي غاليه عنده ولا لا.. 

_في الوقت ده كانت مريم واقفه في البلكونه ودموعها ماليه عينيها، وبعدين حطت شال طويل علي كتافها ونزلت، وسالها الحارس فتحي.. 

فتحي

علي فين يا مدام ده الساعه داخله علي تلاته الفجر.. 

مريم بدموع

هتمشي شويه.. 

فتحي

لو سمحتي يا مدام اتفضلي فوق مش هينفع نسمح لحضرتك تخرجي من البيت خالص.. الا بامر من معتز باشا.. 

مريم بحده 

ماشي كلم الباشا بتاعك ده يلاا.. 

_وفعلا كلم فتحي معتز اللي رد عليه وقال.. 

معتز

نعم يا فتحي في ايه؟.. 

فتحي

المدام يا معتز باشا عايزه تخرج تتمشي دلوقتي؟.. 

معتز بحده 

تخرج فين امنعها طبعا وخليها متخرجش من باب البيت.. 

فتحي 

ياريت حضرتك تقولها بنفسك الكلام ده لانها مش طايقه اي كلام مني.. 

معتز بص لندي اللي كانت بتتألم وقال

طيب اديهالي واخلص.. 

بعد شويه جاله صوت مريم اللي قالت 

معتز يا تيجي دلوقتي يا والله هخرج واللي يحصل يحصل.. 

معتز 

اهدي طيب يا حبيبتي وانا نص ساعه وهكون عندك.. 

مريم بدموع 

طيب اما نشوف ياريت ما تتأ.،،.. 

_سكتت لما سمعت صوت ندي اللي كانت قاعده قدام معتز  وقالت.. 

ندي

اااه مش قادره.. 

معتز بسرعه

اقفلي يا مريم دلوقتي هكلمك بعدين... 

_قفل معتز معاها وهي دموعها نزلت وطلعت فوق وهي مش مصدقه اللي سمعته، كلمت حازم اللي رد عليها وقال.. 

حازم 

ايوه يا مريم في حاجه ولا ايه، بتكلميني في وقت زي ده ليه؟.. 

مريم 

هو معتز فين يا حازم؟.. 

حازم

معتز روح من بدري يا بنتي ده بقاله يجرخ ساعتين مروح، هو موصلش لحد دلوقتي ولا ايه استني اكلمه.. 

مريم ببكاء

لاا لا لا خلاص هو جه اهو معلش ازعجتك.. 

قغلت مع حازم ورمت موبيلها علي الحيطه واتكسر لميت حته وقالت بأنهيار.. 

مريم 

حيووواااااان انا غلطانه اني وثقت فيك.. 

_وعند معتز في الوقت ده طلع الدكتور من عند ندي اللي لما فقدت وعيها معتز شالها ودخلها اوضة من اللي قي البيت.. 

معتز 

مالها ايه اللي حصلها يا بهاء؟... 

بهاء بغيظ 

انا دكتور نفساني هعرف مالها منين، انا اديتها مسكن.. 

معتز بغيظ 

افرض كانت بتس*قط المسكن ده هيعملها ايه؟.. 

بهاء بغيظ 

وانا لو كانت بتس*قط هعملها ايه ورحمة ابويا انا دكتور نفساني، ده انا حتي لسه متعلم ازاي ادي حقن مكملتش شهر.. 

معتز 

طيب وبعدين هي كويسه يعني؟.. 

بهاء

بقولك ايه هاتها المستشفي عندي وانا هظبطلك الدنيا دي كلها.. 

معتز 

طيب بكره هجيبهالك.. يلا بينا نمشي.. 

بهاء

لا لا انت لازم تفضل جنبيها ولما تصخي تخليها تاخد البرشامه دي، والا هتتعب تاني وخليها تشرب شربه.. 

معتز بغيظ 

لا والله هشتغل شغاله لمرات مجر*م عندي.. 

بهاء

ده عمل انساني خلي عندك د*م.. 

معتز 

هو مش انت عندك د*م خليك بقي جنبيها للصبح، وانا همشي انا بقالي تلات ايام مطبق ما نمتش.. 

بهاء

لا انا اخاف المجر*م جوزها يجي يعتدي عليا.. 

معتز 

اوعي سيب دراعي، وانشف كده هو مش هيجي والحراس بره مأمنين المكان.. 

_ورجع معتز البيت واول ما دخل البيت كان الفجر بياذن، دخل اوضته ومالقيش مريم، ومن تعبه ما كلفش نفسه يشوفها فين وقلع الكوتشي بتاعه ونام.. 

_وفي مكان علي الجبل يوسف كان هيتجنن وقال بعصبيه.. 

يوسف 

يعني اييييه اخد مراااتي، ده انا اشرب من د*مه.. 

عوض 

اهدي يا قناص انا هتصرف واخلي الرجاله تنزل وتجيبلك مراتك، المشكله دلوقتي في الحج فخري بيقولو ان هو اللي هيشيل الليله كلها لو انت ما ظهرتش.. 

يوسف بغيظ 

كله بسبب ابن ال... اللي اسمه معتز، بس انا حتي لو هاخد اعدام والله لاقتل*ه... 

ــــــــــــــــــــــــــــــــــــــــــــــ 

_تاني يوم كانت نيره نازله من بيت خالتها ورايحه الجامعه ولقيت سيف مستنيها قدام الباب ودراعه ملفوف بالقماش الطبي.. 

نيره بغيظ

انت ايه اللي جابك هنا تاني انت اتجننت.. 

سيف بدموع

ليه اتجوزتي انا كنت بقيت كويس بيكي انتي يا نيره.. 

نيره بغيظ 

انت ازاي كده علي فكره انا فهماك كويس بس انا مش عبيطه زي اختي.. 

سيف بحزن 

نيره لو سمحتي حتي خلينا نبقي اصدقاء بس.. 

نيره بزعيق

انت عبيط انت السبب في دمار حياتي، تصدق انا بقيت اكره نفسي عشان بتتعاطف معاك، فأوعي تستني اني اقولك تعالي ادخى حياتي ودمرني براحتك.. 

سيف

انا مش هدمرك يا نيره، اللي بيخب مش بيأذي وانا هفضل ديما في ضهرك واحميكي.. 

_قال كلامه ولبس نضارة الشمس بتاعته وركب عربيته البي بيسوقها سواقه الخاص، وفي الوقت ده وصل حازم اللي شاف سيف قبل ما يمشي، ونزل من عربيته وهو متعصب جدا وقال.. 

حازم 

الواد ده تاني؟ انتي شيفاني ايه قدامك عشان تجيبي اللي ماشيه معاه لحد هنا؟... 

نيره بدموع

ماشيه معاه ايه انا قولتلك ده تبع نور اصلا وكان جاي اا.. 

مسك ايدها جامد وقال

تعالي يا هانم فوق وتحكي كل حاجه، عشان قلة ادب مش عايز.. 

_خافت منه نيره جدا لان حازم اللي بيهزر وبيضحك اول ما بيقلب بيتحول فعلا لشخص يخوف.. وطلعو فوق شقته هو ودخل ورزع الباب جامد.. 

نيره بدموع 

اهدي بس يا حازم وانا هحكيلك كل حاجه، سواء اني احكي ده صح ولا غلط بس انا هحكيلك..

حازم بغضب

سامعك.. 

نيره بدموع وصوت مهزوز

اا الولد ده كان متجوز نور اختي في السر.. 

اتصدم حازم وقال

نعمممم انتي بتقولي ايه يا نيره.. 

_عيطت نيره وكملت كلامها وقالتله كل اللي حصل بينها وبين سيف ورجوعه دلوقتي وهو بيكدب عليها.. 

حازم بغيظ

وانتي بقي يا بنت امبارح رايحه تنتقمي لوحدك من واد زي ده، انتي عبيطه يا نيرررررره.. 

نيره بضيق

اهو اللي حصل بقي، وبعدين انا علمته درس عمره ما هينسااه.. 

حازم 

فين الدرس في ام الموضوع ده مش فاهم، هو انتي فاكره نفسك هنادي اللي في دعاء الكروان..وهو بقي احمد مظهر اللي هيحبك وكده.. 

نيره بغيظ 

شوفت اهو انا ما كنتش عايزه اقولك عشان التريقه بتاعتك دي.. 

حازم قرب منها وقال

فاكره يا نيروو الرويات الفكسانه اللي كنتي بتخليني اقرأها معاكي زمان ان البطله لما بتغلط بتتعاقب يلا بقي عشان هعاقبك.. 

نيره بتوتر وكسوف 

يا قليل الادب يا مش متربي.. 

حازم 

نعم يا قلبي بتندهي عليا، ايه ده انتي خايفه مني يا نيره، ده انا خالتو الله يرحمها زمان كانت بتغيرلك البامبرز قدامي.. 

وشها قلب احمر وقالت

والله يا حازم لو ملميت نفسك لكون مصوته ونادها لخالتوو.. 

_حازم قرب منها اكتر وهي ما عرفتش تروح فين من الحيطه اللي وراها... 

حازم 

بلا خالتو بلا مش خالتو انتي بقيتي مراتي يا حته.. 

نيره بغيظ 

حته بقي تقول لمراتك يا حته، هقول ايه رباية سجون وبلطجيه.. 

حازم غمزلها وقال

بس زي العسل واتحب ولا ايه؟.. 

ابتسمت نيره وقالت

ولا ليه، وبعدين اوعي كده متأخره علي الجامعه، ما تيجي توصلني ونفطر بره.. 

حازم

هو انا جعاان بس جعاان نوم بصراحه، هطلبلك اوبر استني، قوليلي صح هو الواد ده اللي بيجيبلك اسمه ايه؟.. 

نيره بقلق

خلاص يا حازم مش هيجي تاني انا اديته اللي فيه النصيب.. 

حازم بحده 

اسمه ايه؟.. 

نيره بقلق

سيف اسمه سيف البدري  رجل اعمال فاشل.. 

حازم 

طيب لو ظهراك تاني في اي مكان اعرف يا نيره عشان ما ازعلش.. 

نيره مسكته من خدوده وقالت

حاضر يا كوكو يا قمر انت.. 

زقها بعيد عنه وقال

اوعي يا غلسه مش بحب الحركه دي.. 

ــــــــــــــــــــــــــــــــــــــــــــــ 

_في بيت معتز صحي علي صوت المنبه وطلع بره اوضته ودخل المطبخ وكانت مريم بتجهز في الفطار واياد واقف جنبيها وبيقولها.. 

اياد 

يا ماما مش عايز جبنه انا عايز مربي.. 

 مريم 

بس احنا اتفقنا لما تخلص الجبنه هديلك المربي.. 

اياد بضيق

ما هي مش راضيه تخلص.. 

مريم 

خلاص يا ايدووو بقي بطل زن وروح صحي تيته.. 

اياد بحماس

هروح اصحيها واديها هي سندوتش الجنه واجي اخد المربي.. 

بصتله مريم بغيظ وقالت

طيب مس هتدوقها يا جزمه وو... 

سكتت لما شافت معتز واقف وبصت قدامها بضيق وفضلت تكمل تجهيز الفطار.. وقرب منها هو وقال.. 

معتز 

صباح الخير... 

مريم

صبلح النور.. 

معتز 

هي الشغاله ما جاتش ولا ايه؟.. 

مريم بضيق

اجازه.. 

معتز قرب منها اكتر وقال

تعبينك يا باشاا معانا معلش.. 

بعدت عنه بسرعه وقالت بحده

لو سمحت انا مش فاضيه تقدر تستني بره وهجيبلك الفطار... 

معتز 

هو كل ده عشان سيبتك امبارح وروحت الشغل، ما انتي عارفه الظروف اللي انا فيها لوحدك يا مريم.. 

مريم 

عادي حصل خير.. 

زعق فيها وقال

ما بحبش ام الطريقه دي اتكلمي كويس.. 

ردت عليه ببرود وقالت

انت كنت فين لما كلمتك وقولتلك تعالي امبارح؟.. 

معتز 

كنت في الشغل ما كنتش بلعب، طلعان عين اهلي في الشغل وارجع البيت الاقي نكد.. 

مريم بدموع

انا عايزه ارجع شغلي مش طايقه قعدت البيت... 

معتز بضيق

بعد ما تولدي يا مريم.. 

ضحكت مريم وقالت بسخريه

لا يا راجل هو انت لسه فاكر اني حامل، لا لا كتير عليا والله الاهتمام ده.. 

معتز 

في ايه يا مريم مش هسالك تاني؟.. 

مريم بدموع 

ما فيش حاجه انا لا هزعق ولا هتخانق ولا هتهمك بحاجه وهستني انت اللي تيجي وتحكيلي عشان في الاخر ما تطلعنيش غبيه ومش واثقه فيك.. 

معتز بعدم فهم 

انتي بتتكلمي عن ايه اصلا انا مش فاهم حاجه، بطلي اللغاز واتكلمي علي طول... 

مريم مسحت دموعها وقالت

هنزل الشغل امتي؟.. 

اتنهد بعصبيه وقال

قولت لما تولدي، وبعدين بيتك وجوزك محتاجينك اكتر مالوش لازمه الشغل... 

مريم 

هكلم المشرفه واقولها اني هرجع الشغل من الاسبوع الجاي... 

معتز بعصبيه مسكها من دراعها جامد وقال

هو انا كلامي مالوش قيمه عندك، طيب اقسم بالله يا مريم ما انتي نازله الشغل تاني في حياتك وهنشوف كلامي هيمشي عليكي ولا لا... 

_قال كلامه وطلع غير هدومه ونزل راح شغله علي طول، ومريم فضلت تعيط... 

ــــــــــــــــــــــــــــــــــــــــــــــ 

_ في بيت معتز القديم صحي الدكتور بهاء علي صوت ندي اللي كانت بتناديله وقالت.. 

ندي

لو سمحت يا كابتن انت يا غيبوبه.. 

بهاء

الله عيووون خضرا علي الصبح انا بحب العيون الخضراا اوووي.. 

ندي بحده 

احترم نفسك وانت مين اصلا وبتعمل ايه هنا، وفين الظابط اللي جابني هنا.. 

بهاء

معتز هيجي كمان شويه، انما انا الدكتور بهاء فخر الدين 😉، دكتور نفساني جيت اكشف عليكي امبارح.. 

ندي بحده 

هو انتو حد قالكم اني مجنونه عشان تجيبولي دكتور نفساني... 

بهاء

لا لا المريض النفسي مش مجنون، صدقيني من واقع خبرتي ان كل مريض نفسي جه عندي هو عاقل جدا بس اللي جابه عندي ناس مريضه مختله عقلياً اذته لحد ما وصلته لدرجة الانهيار.. 

ندي بدموع 

شكلك ابن ناس ومتربي ممكن تخليني امشي من هنا انا ما اعرفش حاجه عن يوسف ولا عن شغله.. 

بهاء

صعبتي عليا، بصي انا هكلم يوسف وهقوله يخليكي تمشي.. 

ــــــــــــــــــــــــــــــــــــــــــــــ 

_عدي كام يوم وكان معتز مش بيرجع البيت خالص، وفي المستشفي عند بهااء كان واقف هو ومعتز بره الاوضه اللي فيها ندي، وطلع الدكتور وقال.. 

الدكتور

يا دكتور بهاء هو الاستاذ جوزها.. 

بهاء

لا ده المدام اخته.. 

الدكتور

ااااه طيب الف مبروك المدام حامل.. 

معتز بغيظ 

ناااقص عبط انا علي الصبح، ما متنيل عارف انها حامل، ليه كل شويه تقع ويغمي عليها عايز حاجه تخلي صحتها تبقي احسن.. 

الدكتور

يا استاذ انا بقولك مبروك عشان المدام حامل في تلات بنات توأم.. 

بص بهاء ومعتز لبعض بصدمه، والدكتور قال

وفي الحاله دي الام بتكون تعباانه جدا، ولازم تكون متوفرلها رعايه كامله.. 

بهاء

تمام يا دكتور شكرا.. 

مشي الدكتور وقال بهاء

وبعدين هتعمل ايه، البنت دي لو حركه مش مزبوطه اتحركتها هتروح فيها.. 

معتز 

ابعتلي ممرضه او اتنين علي  البيت عندي، وابقي تعالي كل فتره كده شوفها.. 

بهاء

وانا مالي انا هو انا دكتور نسا، انا دكتور نفساني والمصحف.... 

_سابه معتز ومشي واخد ندي رجعها البيت، واول ما نامت علي السرير بتاعها قالت.. صح

ندي

وبعدين انتو عايزين مني ايه؟.. 

معتز 

انا قولتلك هسيبك لما تقوليلي فين مكان يوسف.. 

ندي ببكاء

ما اعرفش والله، اصلا هو كان مقعدني معاه غصب عني من لما شوفته ق.... 

سكتت وبدأت تتنفض، ومعتز سالها بخبث

من لما ايه شوفتيه بيخونك مثلا.. 

ندي بدموع 

لو سمحت سيبني في حالي انا ما عنديش حاجه تفيدك.. 

معتز بحده

لا عندك ولو ما تكلمتيش بسرعه هرميكي في ازبل زنزانه في مصر.. 

_قال كلامه ومشي رجع بيته واول ما دخل جري عليه اياد وحضنه وقال... 

اياد 

وحشتني اووي يا بابا، انت كنت مسافر فين ماما كانت زعلانه اووي انك مسافر.. 

معتز 

معلش يا حبيبي الشغل بقي.. 

وقرب معتز من مامته وقال

عامله ايه يا ماما مش كويسه.. 

الفت 

لا مش كويسه يا معتز... 

معتز 

ليه كده يا ماما حصل ايه بس؟.. 

الفت بحده 

بزمتك يا شيخ وحياة ابنك ده، لما كنت متجوز ملك الله يرحمها كنت تقدر تتاخر في الشغل من غير ما تقولها؟.. 

معتز بضيق 

ولزمته ايه بس السؤال ده يا ماما؟.. 

الفت 

كنت بتحترم ملك وبتعملها حساب رغم انها بصراحه ما كنتش تستاهل، وعند مريم اللي عوضت ابنك عن مامته وقبلت تتجوزك من غير فرح ولا شبكه ولا حتي عفش جديد حضرتك بتبيع فيها وتشتري علي مزاجك، بقالك اسبوع اهو بايت بره البيت لا نعرف فين ولا بتعمل ايه، ليه بتعمل كده يا ابني.. 

معتز بضيق

عشان انا اول مره في حياتي امسك قضيه زي دي، وانتو كلكم شوفتو الناس اللي بتعامل معاها عامله ازاي؟.. 

الفت 

يبقي سيبها مدام جايه علي حياتك وعلي بيتك سيبها.. 

معتز بسخريه 

يا ماما هو لعب عيال وبعدين انا خلاص فاضلي تكه واخلص.. 

الفت 

طيب زين بيه النهارده عزومته، روح صالح مراتك ومدها وروحو يلا.. 

_قام معتز ودخل اوضته لقي مريم قاعده وفي حضنها اياد وبيتفرجو علي اللابتوب، قعد. جنبيهم وقال.. 

معتز 

ممكن اتفرج معاكم.. 

اياد 

قول لماما انا ماليش دعوه.. 

معتز 

طيب يلا بقي انت وماما قومو اجهزو هنروح عند جدو زين وعلا.. 

مريم 

انا تعباانه ومش قادره اتحرك.. 

معتز 

معلش مش هنطول والراجل طالبك بنفسه عشان تروحي وانتي عارفه ما الدرش اقوله لا.. 

_قامت مريم غيرت هدومها ولبست اياد ونزلو، واياد قعد ورا وهي كانت باصه من الشباك وهي مدايقه.. 

معتز

ما خلاص بقي يا مريم والله وحشتني ضحكتك.. 

مريم بجمود 

انت في حاجه عايز تقولهالي.. 

معتز 

ايوه وحاجه مهمه اووي.. 

بصتله باهتمام وقالت

هي ايه اتكلم؟.. 

معتز غمزلها وقال

بحبك ووحشتيني اووووي.. 

اتنهدت بضيق وسكتت. وقال معتز بضيق

والله اللي حصل مش مستاهل كل اللي انتي بتعمليه ده.. 

مريم بدموع 

كلامنا في الموضوع ده لما نرجع البيت.. 

_وصلو بعد شويه، وعلا قابلتهم وسلمت عليهم وقالت لمريم بضيق.. 

علا

اهلا يا مدام.. 

مريم

اهلا.. 

علاء

تعالي يا ميزوو نسلم علي بابي يلا يا اياد.. 

مسك. معتز ايد مريم وقال

اوكي يلا بينا... 

سحبت مريم ايدها منه ومشيت لوحدها، وهو ادايق جدا من. تصرفها.. وبعد شويه قال زين لمعتز.. 

زين 

مالها مراتك يا معتز سيبانا وواقفه لوحدها هناك ليه؟.. 

معتز 

لا ابدا يا عمي بس هي تلاقيها متوتره شويه بسبب ان الحمل جديد..واول حمل ليها.. 

زين 

طيب انا. هقوم اديها كام نصيحه.. 

_وقام زين وقرب منها ووقف جنبيها وهي باصه علي النيل قدامها وقال.. 

زين بحده 

انتي ازاي تحملي من معتز؟.. 

مريم بعدم. فهم 

نعممم وانت مالك اصلا بحاجه زي دي؟.. 

زين بغضب 

انا جايبك هنا عشان اقولك كلمتين، انتي هتنزلي اللي فبطنك ده، ومش هتخلفي تاني غير لما حفيدي يكبر ويبقي علي الاقل عنده 15 سنه.. 

اتعصبت مريم وقالت؟؟.