 |
رواية حب لا ينتهي الفصل الثالث والعشرون 23 بقلم زينب رشدي#البارت_الثالث_وعشرين #حب_لا_ينتهى وبعد يومين انا وسيف مشغولين وهو مضايق بطريقتى الرسميه مع وعمر كل شويه يقفش عليه وقررت اخرج مع ديما في النادى ديما: هالوز ساره: بقولك ايه ازاى اقدر اقول لسيف على اللى جوايا اقصد يعنى اقول اللي نفسى فيه من غير ما افكر ان عيب او غلط اقصد ديما بمقاطعه: حيلك حيلك انتى لسه زي ما انتى ساره: ايوه ديما: طيب اي غير رايك ساره: لان النهارده اضايق منى لان عمر عصبه واتخانق مع كلعاده ديما: قولتك بقا معقد انا اتكلمت معا والظاهر ان بقا عنده خوف ان اللى يحبه يسيبه ساره: لا لا هو بيغير من زمان ديما: وعمره غار ومد ايده على سيف ي بنتى ده امبارح اتخانق مع محمد ومخلهوش يخرج مع سلوى ساره: والحل ديما بابتسامة: سبيه عليا انا حاسه ان بدا يحبنى ساره: وانا ملاحظه كده ده حتى غيران من مروان ديما: يبقى خلاص هربهولك ساره: اعمل ايه برضو مع سيف ديما:دى مفهاش علاج ولا تعليم دي مشاعر احاسيس يعنى اللى حاسه ان نفسى اقوله او اعمل حاجه اعملها من غير خوف ولا تفكير ثم متنسيش انه جوزك ومفيش حاجه حرام بينكم ولا ايه ساره: مش عارفه بيكون فى كلام كتير فى قلبى بس لما بشوفه بنسى كل ده ديما: روحيله ي ساره واعملى اللى انتى عيزاه سيف مش خساره فيه تتغيرى عشانه ده بيبحبك خالص واستناكى كتير ساره: عندك حق وكلمت سيف يقابلنى بعد شغله ومتاخرش وجه قابلنى على الكورنيش سيف: فى ايه مالك ساره: مش عارفه حسيت انك وحشتنى سيف باستغراب: انتى كويسه ساره بابتسامة: بصراحه فكرت وقولت العمر بيديع فى الكسوف وكفايه اللى راح وانا بعيده عنك يبقى ليه اخبى شعورى وانت جوزى وحلالى ومن حقى اقول مشاعرى صح سيف بفرحه: صح اكيد طبعا دي اول مره تكلمى صح ساره: طيب بما ان انا صح فا انا نفسى فى حاجه سيف: واللى هي ساره: انا حابه نجرى انا وانتى سوا هنا قدام كل الناس دى ممكن سيف: بس كده موافق فضلنا نجرى سوا والناس تبص علينا وتصورنا وانا بجرى فضلت اضحك عليهم ومتخيله هما بيتمنوا يبقوا زينا وميعرفوش احنا مرينا بايه فوقت من تخيلاتى وهو شايلنى فوق ضهره وبيقول بصوت عالى بحـبـبـبــبــبــبـبــبــبــبــبــكـ❤ـ كنت مبسوطه جدا ومحستش بنفسي ولا بناس وقولت بصوت عالي وانا على ضهره بــحــبــبـبــبــبــبــبــبــبــكـ❤ـ نزلنى من على ضهره وحضنى سيف وماسك وشوى بحنيه:كنتى فين من زمان مش عايز يوم تخبى مشاعرك عنى عايزك على طول كده مش بتفكرى في حاجه غيرى ساره: حبى ليك بيزيد ي سيف كل شويه بحبك اكتر لدرجه ان مش قادره ابعد عنك ومش بفكر في حاجه غير فى حبى ليك وبس وازاى اعوضك عن اللي فات سيف: وجودك جنبى عوضنى حضنى وفضلنا ماشين مع بعض وركبنا العربيه وسيف شغل اغنيه مناسبه للوضع الجديد( نخبى ليه وائل جسار) وصلنى البيت واول لما نزلت نزل ورايا سيف: بكره هنروح سوا الشركه ساره بابتسامة: موافقه سيف باس خدها: تصبحي علي خير ساره بخجل: وانت من اهله مشي وانا طلعت البيت ليقتهم ناموا طبعا الوقت متاخرش بس كلهم بيصحوا بدرى وعمر مسافر دخلت اوضتى لقيت سلوى ساره: اعوذ بالله خدتينى حرام عليكى سلوى: مستنياكى ترجعى كل ده برا ساره: ليه فى ايه سلوى: كنت عايز استاذنك عن حاجه ساره: طيب اغير هدومى ونتكلم باتى معايا امبارح كنت هصحيكى تنامى معانا بس صعبتى عليا سلوى: طيب غيرى هدومك وانا هروح اشوف حاجه نشربها غيرت هدومى وسلوى حضرت نسكافيه وفضلنا نتكلم لحد منمنا صحيت الصبح على صوت الباب والتلفون فى وقت واحد رديت على التلفون وراحت سلوى تفتح الباب ساره: ايوه ي سيف سيف: انتى فتحتى نت النهارده ساره باستغراب: بتهزر صح انت متصل عشان كده عمر دخل عليا بعصبيه عمر: عاجبك اللى حصل ساره باستغراب: ايه حصل انت رجعت امتى من السفر عمر: صورك وفديوهاتك انتى والباشا جوزك على النت ساره: انا مش فاهمه حاجه فتحت الاسبيكر عشان عمر يسمع سيف سيف: ي حببتى خليه يهدى وافهمه عمر: افهم ايه الناس ملهاش سيره غير حبكم العظيم وقد ايه ليقين على بعض وانهم بيتمنوا يبقوا زيكم سيف: احنا معملناش حاجه غلط ي متخلف دي مراتى عمر: انتوا اللي متخلفين يعنى خلاص هتموتوا رايحين تعترفوا لبعض على الكبرى قصر النيل ده لما شوفت الفديو مصدقتش سلوى: شكلهم حلو فعلا شوفت الفديو وطلقائى فضلت اضحك على شكلنا وعلى الكومنتات عمر: بتضحكى انت عقلك فين اسيبك يوم يحصل كل ده سيف: بقولك ايه اتكلم معاها عدل احسن اجيلك عمر: تعالا عشان اعرفك ازاى تضحك علي اختى تانى سيف: اضحك على مين ي غبى هو انا عملت حاجه ساره: ي عمر انت مش فاهم انا اللي طلبت منه كده عمر: لا انتوا اتجننتوا انا هغور اشوف حل سلوى راحت وراه تهديه ساره: ولسه لما بابا وماما ومامتك تشوف سيف: وفيها ايه انا مش شايف اننا غلطلنا انا بس مضايق ان صورك هتبقى على تلفونات كتير لكن اللى حصل مش شايف ان غلط ساره: يعنى اليوم اللى اتجنن فيه اتفضح كده سيف: متقلقيش انا هصلح كل حاجه غيرى بسرعه عشان نروح الشركه ساره: طيب سيف: ساره ساره: نعم سيف: بحبك ساره بخجل: باااى ي سيف سيف: بقول بحبك ساره: وانا كمان بحبك باااى بقا غيرت ونزلت واحنا فى الطريق كلمنى عمر ساره: في ايه تانى عمر: لا مفيش خلاص كل حاجه اتحلت والصور اتمسحت ساره باستغراب: وده ازاى بقا عمر: اسالى جوزك قفل عمر وانا سالت سيف ازاى قدر يمسح الصور والفديوهات سيف بابتسامة: واحد صاحبى شاطر جدا فى الحاجات دي كلمتوه وهو قال هصرف ساره: طلعت مش سهل سيف:انا برضو روحنا الشركه وفضلنا نشتغل وطبعا مفيش حد مشفش الفديو وبقينا ترند حتى بعد ما سيف مسح الفديوهات بس الناس مبتصدق تلاقى حاجه تحكى عليها قبل ما اخلص كلمتنى ام سيف ساره: ازيك ي ماما نعمه: انا الحمدلله انتى فين ساره باستغراب: فى الشركه نعمه: طيب تعالى عايزه اتكلم معاكى بس متقوليش ل سيف حاجه ساره بقلق:في حاجه نعمه: لا ابدا حابه ادردش معاكى شويه ساره: حاضر مسافه السكه سلاااام وانا خارجه قبلت سيف سيف باستغراب: انتى رايحه فين ساره بتوتر: معايا معاد افتكرته دلوقتي سيف: معاد ايه ده ساره: هقولك بعدين باااى كنت خايفه اروح لوحدى وكنت هقول ل سيف بس تراجعت عشان متضايقش لانها حظرتنى مقولش ل سيف فتحتلى الباب وقعدنا نعمه: بصي ي ساره انا منكرش ان رفضت جوازك من سيف وهو وقف قصادى لاول مره وان مضايقه منك ساره: ي ماما انا..... نعمه: متقاطعنيش انتى بنت كويسه جدا وانا كنت بحبك جدا وبعتبرك بنتى اللى مجبتهاش وانتى عارفه كده بس اللى عملتيه قبل كده بدون اى ممبررات اعتقد انه سبب ان ابقى مضايقه منك ومش متقبلاكى صح ساره: صح نعمه: انا كلمتك النهارده عشان نحل الخلافات اللى بنا انا بعد الفديو اللى شوفته ليكم عرفت اد ايه انكم بتحبوا بعض وخصوصا انتى حبك كان واضح انا مش هسالك ليه عملتى كده وسبتيه بالطريقه دى بس هقولك خلى بالك من ابنى ومضيعيش حبكم تانى لان بجد المره جايه ولا انا ولا سيف هنسامحك وانا كنت شارطه على سيف عشان اوفق تعيشوا هنا بس دلوقتى لو حبين تسكنوا فى شقتكم انا موافقه ساره:انا كنت عايزه اقولك السبب بس سيف كان رافض بس انا مش هقدر اخبى عن حضرتك تانى لان انا بعتبرك امى بجد اللى حصل............................ نعمه بصدمه: جودى عملت كده ساره ببكيه: والله ما كنش ليا ذنب مكنتش اعرف نيتها ضحكت عليا والله لحد دلوقتى مش فاكره اللى حصل نعمه بدموع وحضن: انا مصدومه من اللى حصلك وزعلانه عليكى مش منك انا عرفاكى كويس وعارف انك قد ايه محترمه ساره: سمحينى ي ماما كان لازم ابعد خوفت محدش يصدقنى مكنتش عايزه اكسر ظهر ابويا وقلب سيف نعمه: ي حببتى ي بنتى كل ده استحملتى سيف دخل علينا سيف بقلق: فى ايه انتى بتبكى ليه نعمه: انت مقولتليش اللى حصلها ليه كنت فاكر هفهمها غلط كنت فاكر ان هظلمها سيف بضيق: انتى قولتيلها نعمه بعصبيه: انت مش عايزها تقولى انا جيبها اتخانق معاها واقولها انتى عملتى وسويتى وانا في الاصل بظلمها كل ده شافته لوحدها واحنا سمعنها اوحش كلام ساره بدموع: ي ماما انا السبب هو كان خايف متتقبليش اللى حصل نعمه بعصبيه: ليه مش عارف امه لدرجاتى انا وحشه فى نظركم وسبتنا ودخلت اوضتها وسيف شوفت في عينه نظره عتاب ودخل اوضته فضلت شويه متردده ادخل ورا مين دخلت ورا سيف عشان اصالحه ونروح عند مامته يصالحها ساره بمرح: تصدق اوضتك حلو سيف بعصبيه: ساره اطلعى برا مكنتش عارفه اعمل ايه اسيبه واخرج ولا اقعد فضلت متردده دقايق لان سيف لما بيبقى متعصب ممكن يقول كلام يندم عليه وفي نفس الوقت مش عايزه اسيبه قعدت جنبه وانا متوتره لاول مره ادخل اوضته ساره: والله مكنتش ناويه اقولها سيف: انتى جايه تقبليها من ورايا ساره: والله هي كلمتنى وقالتلى هنتكلم سوا بس ماقولكش ومردتش اقولك عشان متزعلش منى وتكرهنى زياده بس مامتك طيبه ولسه بتحبنى واول لما تكلمت معايا غصب عنى قولتلها سيف: عملت ايه لما عرفت ساره: ردها كان رد ام خايفه على بنتها وزعلانه ان خبيت عليها سيف بعصبيه: ده ميمنعش انك خبيتى عليا وكمان قولتيلها من غير ما اعرف واهى زعلانه منى بسببك ساره: انا اسفه بس انا مقدرتش اخبى عليها وهى بتتكلم معايا وبتتهمنى ان محفظش على حبك واسيبك تانى من غير سبب سيف بضيق: سااااره كفايه اطلعى برا ساره: طيب انا مش ماشيه لحد ما صالحك سيف: يبقى هتباتى لان انا المفروض جوزك وتقوليلى رايحه فين وجايه منين بس ازاى ساره هانم تتنازل وتقول حاجه لجوزها اولع انا ساره: طيب ممكن تهدا انا مقولتلكش عشان ده كان طلب مامتك ثم انا من كام يوم وانا مراتك ومخرجتش مره ومقولتلكش وانت كمان مش بتمانع خروجى حتى لو مقولتش سيف: وطبعا لو مكنتش شوفتك هنا كنتى فضلتى مخبيه عليا لحد دلوقتى صح ساره: مكنتش هقولك غير لما مامتك تقولك سيف: مامتك مامتك وانتى مش غلطانه صح ساره:...... سيف: ساكته ليه ما تردى ساره: ارد اقول ايه ما انت مش مصدقنى سيف بعصبيه: ساره متعصبنيش ساره:....... سيف: يوووه متسكتيش ساره بعصبيه: سيف انا ساكته من الصبح انت عايز ايه بالظبط قولتلك ماما قالتلى مقولكش ان هقابلها ولو ان قولتلها الحقيقه فحصل اللى حصل وبصراحه مش ندمانه ومرتاحه كده اكتر ولو كانت رفضت وجودى معاك كنت هوافق عشان متخسرش امك وهتكون عندها حق سيف بغضب: عندها حق هتقدرى تبعدى تانى ي ساره ايه حد يقولك ابعدى هتبعدى ليه مش بتحاولي عشانى ليه بتختارى السهل ساره بحزن: انت شايف ان بختار السهل سيف:...... ساره بعصبيه: ما ترد...... تمام انا الاول كنت مقدره عصبيتك بس لحد هنا ولإ عن اذنك خرجت وقبل ما امشى دخلت ل ماما ساره: سامحينى ي ماما نعمه: انا مسمحاكى ي بنتى انتى اللى تسامحينى ان مفهمتكيش واسيت عليكى ساره: ي ماما انت عملتى اللى اي امه هتعمله نعمه: بس كان لازم اتفهم ان مستحيل هتعملى كده الا لو فى حاجه اطريطى بسببها تبعدى ساره: خلاص ي ماما احنا ولاد النهارده وانا دلوقتى مرتاحه انك عرفتى الحقيقه وتقبلتيها ولو يعنى رافضه وجودى مع سيف فانا مش هزعل حضرتك وهنسحب نعمه: بس متقوليش كده اللى حصل مش بطوعك وربنا يعلم ان مفيش فى قلبى ليكى غير المحبه ومستحيل الاقى مرات ابن احسن منك صالحة ام سيف على ساره لان ناس كتير كانت زعلانه وبتقول هضايق ساره وهي مش ناقصه مش حرماكم من حاجه اهو 🙂رايكم ي حلوين 💙 #بقلمى_زينب_رشدي الفصل الرابع والعشرون من هنا |
بدل ماتدور وتبحث علي الروايات خليها علي تليفونك وحمل تطبيقنا
