رواية اتجوزني عشان اربيله ابنه الفصل الثاني والعشرون 22 بقلم رحاب القاضي

_

ــــــــــــــــــــــــــــــــــــــــــــــ 

معتز 

وانا ايه يضمنلي بقي ان كلامك ده صح؟.. 

زيزي 

استني انت ع.. 

قاطعها معتز وقال

عيب اووي تسأليني السؤال ده، انا عارف من قبل ما تيجي هنا انك تبع فخري، وعارف كل حاجه عنك عشان يوم ما هخلص من كل القضيه بتاعت فخري وابنه هطلع عليكي كل دمعه نزلت من عيون امي.. 

زيزي بخوف 

والله العظيم انا ماليش ذنب هو فخري و يوسف ابنه اللي غصبوني اجي لفاروق واعمل عليه الفيلم ده واخليه يتجوزني.. 

معتز 

ايه اللي خلاكي تيجي تقوليلي علي مكان يوسف؟.. 

زيزي بخوف 

البنت اللي شغاله هناك في بيت فخري سمعته بيقول للحراس بتاعته علي العنوان اللي هيرحو فيه ليوسف.. 

معتز 

انا بسألك ليه قولتي علي المكان مش مكانه فين؟.. 

زيزي ببكاء

عشان ابني اللي في بطني اللي هو اخوك انا مش عايزاه يعيش لوحده ولا يتيم زيي.. 

معتز 

اخويا اممم بقي انا اخويا هيبقي امه وحده زيك انتي يالهوي علي الدنيا.. 

زيزي 

انا مش عايزه اطلق من فاروق انا مش هقولك بحبه بس انا مصدقت الاقي راجل انا مسؤله منه، مستتني في بيتي وبيحترمني.. 

معتز بحده 

العنوان فين اخلصي، بس عارفه لو كنتي بتكذبي.. 

زيزي 

في بيت في المنوفيه علي طريق زراعي كده تبع فخري هو قاعد فيه، ده كل اللي اعرفه بس البيت ده علي الطريق الرئيسي.. 

معتز 

طيب انزلي يلاا وما تطلعيش هنا تاني.. 

زيزي

هو انت هتروح دلوقتي ولا ايه؟.. 

معتز

وانتي مال اهلك غوري من وشي يلااا.. 

_مشيت زيزي ودخل معتز اوضته لقي مريم قاعده علي السرير وبتهز رجلها وهي متعصبه.. 

معتز 

اممم النكد ابتدي اهوو، دي مرات ابويا يا متخلفه... 

مريم بحده 

انت لو اتكلمت معايا تاني هقل منك، مالكش دعوه بيا خالص.. 

معتز 

طيب طلعيلي هدوم يلا عشان طالع يلاا متنحيش كده.. 

مريم 

وانت ما اتشلتش الدولاب قدامك انا خلاص بقيت خارج الخدمه النهارده.. 

معتز 

انتي ايه اللي زعلك دلوقتي، الموضوع مش مستاهل يا مريم.. 

مريم بدموع 

لا مستاهل انت كسفتني قدامها بدل ما تقولها اني افضل معاك واللي عايزه تقوله  تقوله قدامي.. 

معتز 

المره الجايه حاضر.. 

مريم بغيظ 

مااشي انا بقي هفضل زعلانه منك لحد المره الجايه بقي.. 

معتز بغيظ 

قومي طلعي الهدوم يا مريم لحد ما اعمل تلفون مهم.. 

_قامت مربم وطلعت الهدوم ورمتها في وشه وقالت بحده.. 

مريم 

انا رايحه انام عند. اياد انا غلطانه اني سلمتك نفسي اصلا.. 

معتز 

والله لو بتكلم مع واحده شاقطها ما هتقول كده، انا جوزك يا هبله.. 

مريم 

طيب هي كانت عايزه منك ايه؟.. 

_قلع معتز التيشرت بتاعه وغير هدومه وما ردش عليها.. 

مريم وقفت قدامه وقالت بهدوء 

ميزووو.. 

معتز 

اممم

مريم 

هي مرات ابوك البطل دي كانت عايزاك في ايه؟.. 

ضحك معتز ورد عليها وقال

عارفه قبل ما اشوفك انا كنت بحلم بيكي مش شكلا كده لا انا كنت بحلم بالبنت اللي تخطفني من الدنيا كده وتخليني وانا معاه حتي واحنا متخانقين ابقي اسعد واحد في الدنيا... 

مريم ابتسمت وقالت 

هو ايه دخل ده بالسؤال اللي سالته ليك؟.. 

معتز 

اول مره شوفتك فيها لما جيت عند فريده عشان اخد اياد، وانا مروح كانت شغاله اغنيه لعبد الحليم حافظ اول ما سمعتها ما جاش في بالي غيرك انتي برغم اني كنت لسه شايفك... 

مريم بحماس 

ايه الاغنيه دي بالظبط؟.. 

قرب منها معتز وقال بصوت حلو اووي

فاات جنبي وعيونه حبايبي نسوني اللي عايشين جنبي، قولو يقول لعينيه ايه اخرة ده كله ايه، يا يصحيلي قلبه يا ينسيني حبه لعيونه الجريئه ابو عيون جريئه.. 

حاوطت مريم رقبته بأيدها وقالت 

هو انا كنت بسألك عن ايه، يخربت كلامك امك نساني نفسي.. 

ضحك معتز وقال 

اتثبتي كده اوعي بقي عشان عندي شغل مهم.. 

مريم 

مع السلامه يا حبيبي ربنا يوفقك.. 

_اخد معتز سلاحه ونزل بسرعه واول ما طلع من البيت بص علي البلكونه لفوق وقال.. 

معتز 

الحمد لله نسيت السؤال دي نشفت ريقي.. 

بصت علين مريم وقالت

لا افتكرته وخد بل ريقك بقي عشان تعرف بعد كده تثبتني كويس.. 

_خلصت كلامها ودلقت عليه مايه متلجه من فوق، اتصدم هو من اللي عملته والحراس اللي واقفين كلهم فضلو يضحكو.. ميل معتز علي الارض ومسك طوبه وحدفها عليها وقال.. 

معتز بغيظ 

بس وحياة امك لما اجيلك يا حيوانه.. 

بص للحراس اللي بيضحكو وزعق فيها وقال

في ايه منك ليه ما تخليكم في شغلكم... شكلكم كده لسه سناجل ما تعرفوش الجواز وعماليه.. 

فتحي وهو كاتم ضحكته 

العفو يا افندم كلنا متجوزين معادا عماد خاطب.. 

عماد 

لا انا بعد اللي شوفته ده خلاص هفسخ الخطوبه.. 

معتز 

تبقي يا زين ما عملت والله بدل تروح شغلك وانت مبلول زي حلاتي.. 

_ضحكو الحراس ومعتز طلع في عربيته وراح.... 

ــــــــــــــــــــــــــــــــــــــــــــــ 

_في بيت سيف كان قاعد في البلكونه ومغمض عينيه، قربت منه مامته وقالت.. 

ام سيف

وبعدين بقي فيك وفي اللي بتعمله ده في نفسك، حرام عليك يا سيف وجعت قلبي معاك.. 

سيف بضيق 

امشي من وشي وسبيني في حالي.. 

قعدت مامته قدامه وعيطت وقالت

طيب اعملك ايه يفرحك، اطلب اللي انت عايزه بس ترجع كويس الفلوس اللي عايزاها خدها عايز تسهر اسهر مش هقولك لا.. 

سيف بدموع 

عايز مريم ابنك مش شايف غيرها ولا قادر ينساها يا ماما.... 

ام سيف 

حسبي الله ونعم الوكيل فيها، ربنا ينتقم منها.. 

ضحك سيف وقال 

ههههه ينتقم منها هي ليه، انا اللي اذيتها يا ماما انا اللي خونتها وانتي السبب عشان دلعتيني زياده ما بقتش عارف احافظ عليها.. 

ام سيف 

بص سيبك منها وانا هجوزك ست ستها والله.. 

سيف

عايزاني ابقي كويس هاتيلي مريم اتكلم معاها، علي الاقل تسامحني.. 

ام سيف 

وانا اجيبها ازاي دي خلاص اتجوزت وبقي ليها حياتها.. 

مسك سيف ايد امه جامد وقال

اياكي تقولي كده تاني قدامي انا مش عايز ازعل منك.. 

ام سيف 

حاضر يا حبيبي اللي انت عاوزه، بس اجيب مريم ازاي وهي اكيد مش هترضي تيجي معايا.. 

سيف

انا هقولك تعملي ايه، ولو مريم ما جاتش معاكي انا هزعل منك اوووي.. 

ام سيف بسرعه 

لا لا هتيجي يا حبيبي اطمن.. 

سيف بخبث 

يبقي اتفقنا.، اسمعي بقى هتعملي ايه؟.. 

ــــــــــــــــــــــــــــــــــــــــــــــ 

_في شغل معتز كان قاعد قدام اللواء ومعاه حازم ومعاهم زميلهم علاء.. 

حازم 

البنت دي بتكدب يا سيادة اللواء، انا وحازم من فتره مهكرين موبيلها وكنت عارف ان ده اتفاق بينها وبين فخري.. 

اللواء

طيب اسمع الكلام بينها وبين فخري.. 

_شغل حازم اللابتوب وظهر صوت زيزي وهي بتكلم فخري.. 

زيزي

ايوه يا حج فخري انا عملت زي ما انت قولتلي، واديته عنوان غلط.. 

فخري

حلو اووي يلا بقي تعالي قبل ما يرجع ويخليكي تعترفي، ده اذا رجع هما هيخلصو عليه. 

زيزي

حاضر يا حج جايه علي طول اهو، بس المهم تخلي الراجل الخرفان ده يطلقني انا اهو كدبت وقولت اني حامل.. 

فخري

تعالي بس وانا هحللك كل حاجه، عشان لو طلع عليكي الصبح عندك هيبقي الله يرحمك.. 

زيزي بخوف

لا والنعمه جايه اهو هطلع من الباب اللي ورا.. 

اللواء

وهي البنت دي فينها دلوقتي.؟.. 

معتز 

انا اديت اوامر للحراس بتوعي يخلوها تهرب.. 

اللواء

طيب خلاص دلوقتي علااء يطلع يجيب فخري بامر القبض عليه بتهمة التستر علي يوسف ابنه الهارب.. 

معتز 

وانا هستنااه هنا.. 

حازم 

وانا هروح بقي عشان فصلت.. 

اللواء

وانت عملت ايه يا حازم ما انت طول اليوم قاعد وسط المساجين تحت وسلاحك اتسرق جوه وجابه ليك علاء.. 

حازم بتوتر

اسف يا افندم مش هتتكرر والله.. 

علاء كتم ضحكته وقال

بعد اذنك يا افندم انا هاخد القوه وهتحرك.. 

اللواء

مستني ايه ياوحازم يلا هتتحرك مع علاء.. 

حازم 

اوامر حضرتك يا افندم.. 

اللواء

تقدر تروح انت يا معتز بقي.. 

معتز

. لا انا لسه عندي شوية شغل تحت في اوضة المراقبه، البنت اللي كنت باعتها تراقب فخري وتجيبلي اخباره اختفت خالص وعايز اعرف اخر مكان كانت فيه فين عشان لو كان اللي في بالي صح تبقي القضيه اتقفل عليها خلاص.. 

اللواء

المهم انت تخلي بالك فخري مش ناوي يعدي اللي حصل لابنه ده علي خير، وهروب يوسف ده خطر عليك وعلي عيلتك.. 

معتز اتنهد وقال 

باذن الله قدها وقدود يا افندم.. 

ــــــــــــــــــــــــــــــــــــــــــــــ 

_وتاني يوم في بيت معتز كانت مريم قاعده يتذاكر لاياد وقالت بعصبيه.. 

مريم 

اقسم بالله يا اياد هقلع الشبشب اكتب كويس وما تعمليش حرف صغير وحرف كبير... 

اياد بغيظ 

انا بطني وجعاني طيب.. 

مريم 

وانت بتكتب بايدك مش ببطنك اكتب.. 

اياد 

عارفه يا ميمي انا بحبك اووي اووي.. 

مريم 

لاااا مش هتبقي انت وابوك عليا هو يثبتني بالليل ويخلع وانت عايز تثبتني دلوقتي وما تذاكرش، اكتب يا معتز.. 

ضحك اياد وقال 

هههههه انا اسمي اياااد مش معتز يا ماما... 

مريم بغيظ 

ابوك جنني اكتب يلاا ما تتعبنيش معاك.. 

اياد 

طيب انا دايخ اااووي الحقيني بمايه بسكر... 

مريم قلعت الشبشب وقالت 

لا انا هلحقك بالشبشب.. 

اياد بخوف 

خلاص والله هذاكر اهو وهكتب كويس.. 

طلعت الفت من اوضتها وقالت 

هو في ايه بقي انتي وهو، كل يوم اصحي علي صوتكم وانتو بتتخانقو علي المذاكره كده.. 

مريم بصوت واطي

بالك انت يا واد يا اياد لو جدتك دي ما كانتش متخزوقه جديد انا كنت عرفتها ازاي تعلي صوتها عليا كويس.. 

اياد بعدم فهم 

هو يعني متزوخقه.. 

مريم 

عيب يا ولد ايه اللي تقوله ده، ذاكر ذاكر.. 

وقربت من الفت وقالت 

تعالي بقي يا حماتي يا قمر انتي وقوليلي لما كنتي بتخلي معتز يقر علي عمله عملها كنتي بتعملي ايه؟.. 

الفت 

لما كان بيبقي مدايق وما يرضاش يقولي ماله كنت بفضل ابوسه لحد ما يقولي، كان اجمل واهدي من اياد ابنه.. 

مريم 

ايه يا طنط اللي علمتيه للواد ده، وانا اقول طالع بيحب ال..  ااا بصي اسكتي.. 

ضحكت الفت وقالت 

هههههه يا جاتك ايه يا مريم ضحكتيني وانا ماليش نفس... 

مريم 

تعرفي يا طنط. انا بحبك عشان انتي مش بتزعلي مني لما بقول كلام ما اقصدش اني اقوله من اول ما شوفتيني وانتي كويسه معايا.. 

حضنتها الفت وقالت 

عارفه يا مريم كنت ديما بقول امتي معتز يكبر ويتجوز وتبقي عندي بنت اتكلم معاها ونفضفض لبعض، بس لما اتجوز ملك الله يرحمها موتتلي الحلم ده بعيد عن مشاكلها معايا انا عمري ما شوفت ابني مبسوط معاها... 

مريم 

اكمنه بقي يا حرام مستحملني وساكت.. 

الفت 

ساكت عشان عارف اخرك انتي طيله قلبك ابيض وبتنسي بسرعه وغير كده. بتحبيه.. 

مريم بعدت عنها وقالت

مهو ابنك يتحب بصراحه عامل زي لهطة القشطه كده... 

_ضحكت الفت بس قبل ما ترد. عليها لقيو الهام مامت سيف قدامهم، دخلت بعد. ما فتحتلها الخدامه.. 

مريم 

اعوذ بالله من الشيطان الرجيم، انتي شايفه اللي انا شيفاه يا طنط.؟.. 

الفت 

مين حضرتك؟.. 

الهام 

انا الهام البدري مامت سيف البدري ام عم مريم، كنت جايه عايزه مريم في كلمتين لوحدنا.. 

قامت الفت وقالت 

اكيد طبعا حضرتك نورتينا يا مدام، هسيبكم. لوحدكم. بقي.. 

مشيت الفت ومريم قالت 

نعمم عايزه ايه.؟.. 

مسكت الهام ايدها وباستها وقالت

ابوس ايدك اسمعي كلامي.. 

بعدت عنها مريم وقالت 

ايه ده. انتي اتجننتي ولا ايه؟.. 

الهام 

سيف تعبان اووي يا مريم، تعالي بس قولولو مسمحاك وامشي قوليها كلمه مش هتخسرك حاجه ابوس علي رجلك ده حتي عشان هو ابن عمك... 

اتنهدت مريم بضيق وقالت

هو رغم اني مش بطيقك بس انتي صعباانه عليا وانا هاجي معاكي عخسان عايزه اخلص موضوع سيف ده خالص واعيش حياتي وانا مرتاحه.. 

فرحت الهام وقالت 

طيب يلا بينا.. 

_دخلت مريم تغير هدومها وقالت لالفت اللي قالته الهام، بس الفت رفضت وقالت.. 

الفت 

لااا تقولي لجوزك الاول.. 

مريم 

عشان خاطري انتي ما تعرفيش سيف ومعتز عاملين ازاي وخايفه علي معتز منه هروح اتكلم معاه واصلا موضوعنا خلص بس اقفله بقي عشان اعيش مرتاحه.. 

الفت

انا قلبي مش مطمن، بلااش احسن.. 

مريم 

ما يبقاش قلبك رهيف كده، مسافة السكه وهاجي ومعتز مش هيعرف حاجه.. 

_وفعلا راحت مريم مع الفت وطلعو من الباب الخلفي عشان الحراس ما يقلوس لمعتز، بس اللي حصل ان فتحي شافهم وكلم معتز اللي كان بيحقق مع فخري.. 

معتز

هاا يا فخري سمعت التسجيل قولي بقي هتقول ابنك فين ولا تنزل الحجز وتبقي البدايه للي ناوي اعمله فيك. 

فخري

انا ما اعرفش حاجه عن التسجيل ده يا باشا ده متفبرك.. 

_قبل ما يرد عليه معتز موبيله رن برقم فتحي فا رد وقال.. 

معتز

ايوه يا فتحي في ايه مش فاضي؟.. 

فتحي

يا باشا المدام جات ليها مرات عمها وحده اسمها الهام البدري وطلعو هما الاتنين من الباب اللي ورا.. 

معتز بضيق 

اطلع وراهم انت وحد من الرجاله وابعتلي اللوكيشن انا جاي حالا.. 

فتحي 

اوامرك يا باشاا... 

قفل معتز مع فتحي وبص لفخري وقال

معلش بقي يا حج فخري هتشرفنا شويه تحت في الحجز ترتاح من المشوار انت من الفجر واقف علي رجلك وبعدين نكمل التحقيق... 

فخري بغيظ 

انا عمري ما دخلت حجز في الاخر ادخله ايدك انت.. 

معتز بسخريه 

سبحااااانه بقي يا حج.. 

_مشي معتز وفخري كان متعصب جدا،.ومعتز مشي ورا اللوكيشن اللي بعته ليه فتحي وكان متدايق كدا من اللي بتعمله مريم.. 

ــــــــــــــــــــــــــــــــــــــــــــــ 

_في بيت يوسف اللي هربان فيه، صحيت ندي علي صوت يوسف وهو بيزعق ويقول.. 

يوسف 

اتصرف يا متر ابويا مش هيتحبس انت فاهم.. 

المحامي

اعتبره حصل يا باشا مدام البنت مش موجوده، الدليل اللي معاهم مش كفايه انهم يلبسوه قضيه.. 

يوسف 

طيب شوف الجديد وقولي.. 

_قفل معاه يوسف وبص لندي وقال.. 

يوسف 

شكلك تعبانه في ايه؟.. 

_ما ردتش عليه ونامت تاني قرب منها وقتد جمبيها وقال.... 

يوسف 

هو انتي شايفه اني ناقص اللي انتي بتعمليه، الدنيا كلها ضدي خليكي انتي فصفي يا ندي.. 

ندي ببكاء

انا عايزه امشي مش عايزه اقعد معاك.. 

يوسف. 

هنمشي وهنسافر بس اطمن علي ابويا..وابوكي في الحفظ والصون وكل اللي محتاجه بيرحوله.. 

ندي بحده 

انت ما بتفهمش انا ما بقتش طيقاااك مش عايزاك يا يوسف بقيت قرفانه وخايفه منك.. 

يوسف مسح دموعه وقال

لا يا ندي ما بفهمش وهتعبر نفسي ما سمعتش اللي قولتيه عشان مش عايز ايدي تطول عليكي تاني..

ندي 

ااا

زعق فيها وقال

مش هايز اسمع صوتك اكتمي خالص، لما اقولك اتكلمي تبقي تتكلمي.. 

ــــــــــــــــــــــــــــــــــــــــــــــ 

_في بيت سيف دخلت الهام ومعاها مريم اللي اتصدمت بسيف واقف قدامها وبيبصلها بكل شر.. 

مريم بقلق

ايه ده يا طنط الهام ما سيف كويس اهو وزي القرد.. 

الهام 

هو طلب مني اعمل كده عشان عايز يتكلم معاكي بعيد عن جوزك.. 

 زعقت مريم فيهم وقالت

انتو اتجننتو ايه بعيد عن جوزك دي، انا مستحيل اعمل حاجه من وراه... 

سيف بخبث

بس انتي عملتي وجيتي لحد عندي اهو برجليكي.. 

مريم بعصبيه 

وهمشي يا سيف ولو وقفت في طريقي هتلاقي اللي في رجلي نزل فوق دماغك.. 

مسكها من شعرها وقال بعصبيه 

استحملت قلة ادبك بما فيه الكفايه، ودلوقتي هعرف اربيكي كويس.. 

مريم بخوف 

ابعد ايدك عني يا حيوان والا هصوت وافضحك.. 

الهام

سيبها يا سيف انا ما اتفقتش معاك علي كده.. 

سيف بعصبيه 

اطلعي بره الموضوع ده يا ماما دلوقتي، انما دلوقتي جه وقت تصفية الحساب بيني وبين مريم.. 

_حاولت مريم تصوت بس سد بوقها بايده، واخدها ودخل اوضته وقفل الباب بالمفتاح ومامته برن بتخبط عشان يفتح الباب.. 

مريم بخوف وبدأت تتنفض 

اوعي تقرب مني والله هقتلك يا سيف.. 

سيف بحقد 

انا ما اخسرش يا مريم انتي كنتي ليا الاول وهو اخدك مني وعايز ياخدك كده وخلاص ونسي اني كنت في قلبك قبله وليا حق برضه.. 

مريم ببكاء

حق ايه يا مريض انت جاتك كسر حقك، وابعد عني احسنلك والا والله هصوت والم عليك الناس كلها.. 

سيف 

هنا ما حدش هيسمعك وهاخد اللي عايزت يا مريم وغصب عنك.. 

_في الوقت ده تحت وصل معتز ولقي فتحي وعماد واقفين برا عربيتهم.. 

معتز

طلعت فوق هنا؟.. 

فتحي 

ايوه ما كملتش خمس دقايق.. 

معتز 

طيب خليكم هنا انا شويه ونازل.. 

_طلع معتز وخبط علي الباب، فتحتله الهام وقالت بخوف وهي بتعيط.. 

الهام 

الحقها هيعمل فيها حاجه جوه.. 

_اتنفض قلب معتز ودخل بسرعه وراح ناحية صوت صويت مريم وزق الباب برجله واول ما دخل لقي سيف بيحاول يعتدي علي مريم علي سريره، اتعصب بشكل غير طبيعي وفي لحظه طلع مسدسه وضرب بيه طلقه جات في كتف سيف اللي وقع علي الارض يصرخ من الالم..

قامت مريم وحضنت معتز وقالت وهي بتعيط 

انا خايقه اووي تعالي نمشي عشان خاطري.. 

معتز بغضب

هنمشي بس اما اصفي حساب الكلب ده عشان سكتله كتير بس جاب اخره.. 

الهام ببكاء

ابوس ايدك يا ابني هو مش هيكررها تاني بس سيبه.. 

_طلع معتز موبيله وكلم فتحي اللي جه وقالهم معتز ياخدو سيف لمكان معين.. 

الهام 

انا ما حدش هياخد ابني والا هبلغ البوليس.. 

معتز بجمود 

اوكي ابقي تعالي بلغيني بقي اني خطفت ابنك عشلن انتي لولا انك وليه كبيره كنت سحلتك معاه.. 

_خلص كلامه واخد مريم من ايدها ومشي.، وكان سايق العربيه وهو متعصب جدا.. 

مريم بقلق 

خلاص بقي يا معتز حصل خير.. 

معتز 

حصل خير جايبك من حضنه وتقوليلي حصل خير.. 

مريم 

يا معتز يعني هو كان بمزاجي ا ااا.. 

معتز وقف العربيه وزعق فيها وقال

انا مش عايز اسمع صوت اهلك خااالص فاهمه ولا لا... 

مريم بدموع

انت مش من حقك تزعقلي كده علي فكره خالص، انا يعني لو كنت اعرف انه هيعمل كده ما كنتش هروح بس كنت عايزه اقفل الموضوع مش اكتر.. 

معتز بحده 

هي خلصت كده اصلا عشان انتي لو شايفني راجل ما كنتيش روحتي بيته يا مريم..بس اللي يطلعك من البيت تاني .. 

مريم بدموع 

يا معتز بس بقي كلامك بيوجعني علي فكره، وبعدين خلاص مش هكررها تاني.. 

معتز بسخريه 

بقي انتي مش هتكرريها تاني ده انا بثق في تصرفات اياد اكتر منك.. 

مريم ببكاء

بقي كده طيب روحني عند فريده مدام مش واثق فيا اصلا.. 

معتز 

بس يا بت انتي اكتمي خالص، انا هعرف اربيكي.. 

_ساق العربيه ووصل عند البيت نزلت مربم بسرعه وطلعت وهو وراها.. 

الفت 

لو هتتخانقو وطو صوتكم عشان منيمه ايااد ومش عايزاه يصحي.. 

مريم 

لا انا مش هتخانق انا اصلا سيباها ليه وماشيه خالص.. 

معتز بحده 

والله يا مريم لو رجلك عتبت بره البيت لاكسرهالك... 

مريم بحده 

طيب اتكلم علي قدك يا بابا، وقولي انت خليت الحراس بتوعك دول اخدو سيف فين؟.. 

معتز بغيظ 

ايه يا روح امك خايفه عليه؟.. 

مريم بغيظ 

لم نفسك بقي، انا خايفه عليك انت هو ما يفرقش معايا.. 

الفت 

في ايه طيب حد يفهمني؟.. 

معتز 

روحت جيبت الهانم من بيت خطيبها القديم ولولا اني وصلت في الوقت المناسب الله واعلم كان عمل فيها ايه.. 

مريم 

وما حصلش حاجه مكبر ليه الموضوع انا مش فاهمه.. 

معتز

اقسم بالله يا ماما اقل غلطه بعملها بتفضل شهر مسكاها وتزليني بيها، انما هي تغلط عادي وفيها ايه، وبعدين تروح بيته ليه اصلا ومن غير ما تقولي.. 

مريم 

انت مصمم ما تفهمش، انا اسفه يازمعتز انا غلطانه احبسني بقي في البيت وعاقبني عشان هو ده اللي انت عايزه اصلا.. 

_خلصت كلامها ودخلت اوضة اياد، وهو قبل ما الفت تتكلم ساب البيت ومشي.. 

ــــــــــــــــــــــــــــــــــــــــــــــ 

_في بيت حازم كان قاعد مع مامته بيتعشي وطلتت نيره وقعدت معاهم وقالت.. 

نيره 

انا فاضيه بكره.. 

حازم

وعايزه ايه يعني فاضيه بكره؟.. 

نيره 

عشان ننزل نجيب الشبكه بتاعتي يا حازم.. 

حازم 

ماما اقرصيني هي البنت دي بتتكلم جد انا مش بحلم.. 

ناهد 

الف مبروك يا حبيبي لولا اللي حصل لنعمه ونور الله يرحمهم ما كملش سنه انا والله ما كنتش بطلت زغريت.. 

نيره بحزن 

ربنا يرحمهم. يارب.. 

حازم 

والفرح هيكون امتي بقي؟.. 

نيره 

حازم انا وافقت علي الخطوبه وكتب الكتاب، بعد الامتحانات بقي نتجوز.. 

حازم قام قعد جنبيها وقال

انتي موافقه بجد، يتني موافقه نكتب كتب الكتاب وتبقي مراتي وكده.... 

نيره ابتسمت وقالت 

فاكر واحنا صغيرين لما قولتلي انك هتعملي فرحي في استاد القاهره.. 

حازم 

ايوه طبعا فاكر انا عمري ما نسيت اي حاجه وعدتك بيها.. 

نيره 

طيب كوبس عشان تننفذ بقي وعدك ده.. 

حازم 

لا ما انا عيل انتي عارفه التذكره بقيت بكام، وبعدين احنا مش هنعمل فرح، انا بحب الهدوء اعزم صاحبي المقربين ونشرب شربات وناكل جاتو وندخل بقي.. 

نيره بغيظ 

اوعي يا حازم وربنا بتقفلني منك.. 

ضحكت ناهد وقالت 

انا لو مكانك افضها سيره من البدايه.. 

نيره 

غلبان وطيب بقي  وبيصعب عليا.. 

حازم 

يا بت هو انتي حد معبرك غيري اصلا بطولك ده.. 

نيره 

شايفه يا خالتو، طيب مش هتجوزك.. 

حازم 

ما بقاش بمزاجك علي فكره دخلت القفص برجليك يا كتكتوت.. 

نيره 

هتروح تخطبني من عمر صح؟.. 

حازم 

ان شاء الله بكره هروحله.. 

ــــــــــــــــــــــــــــــــــــــــــــــ 

_بعد كام يوم بالليل رجع معتز من شغله وكانت مريم قاعده بتقلب في موبيلها.. 

معتز.

غريبه فكرتك هتباتي عند اياد زي الكام يوم اللي عدو،غلطانه وهي اللي زعلانه كمان.. 

مريم بقلق

معتز انت عملت ايه في سيف ممكن تقولي؟ 

معتز بضيق

اطلعي بره الموضوع يا مريم وما يتفتحش تاني.. 

مريم 

انت عارف اني ما بحبش الطريقه دي بلاش تستفزني.. 

معتز بحده 

انتي عايزه ايه دلوقتي، انتي تحمدي ربنا ان الطلقه التانيه ما جاتش في دماغك الصغيره دي.. 

مريم بدموع 

انا فعلا غلطانه اني قولت ابقي ست عاقله واجي اتكلم معاك.. 

مسك ايدها معتز قبل ما تمشي وقال

استني انتي مش هتباتي بعيد عني تاني حتي لو متخانقين تمام.. 

مريم بضيق 

والله يا معتز ما كنت اقصد انا بس كنت عايزه ارتاح من مشاكله وصدقت مامته.. 

معتز بخبث

بصي انا هعدي الموقف او اليوم كله هنسااه بس بشرط واحد بس.. 

مريم 

اعتبره حصل يا زعامه.. 

معتز 

زعامه ايه؟والله انا اوقات كتير بحس اني متجوز سواق توكتوك.. 

ضحكت مريم وقالت 

طيب بنوعلك اهوو عشان ما تزهقش  مني.. 

معتز 

طيب يلا ارقصيلي كده جوزك متدشمل في الشغل.. 

مريم بغيظ 

ده لما تبقي متجوز وحده من شارع الهرم ابقي اطلب منها كده.. 

معتز 

اممم هو انتي ليه بتنسي اني جوزك، وبعدين زي ما بتنوعي وبتبقي سواق توكتوك خليكي جدعه وكملي جميلك للاخر وخليكي رقاصه.. 

مريم بتوتر

بص ازعل مني احسن.. 

معتز 

بلاش رقص انتي كده كده عجباني يا بطل انت.. 

مريم بكسوف 

انت ما تعشتش يا حرام، هروح اجهزلك عشا.. 

معتز قرب منها وقال

مش وقته بعدين يا قلبي.. 

_وتاني يوم الصبح، صحي معتز ومريم علي صوت خبط جامد علي باب الشقه.. 

معتز

ايه ده مين اللي بيخبط كده؟.. 

مريم 

تلاقيها مصيبه جايلنا من تحت راسك، لو هتخطف قولي اقوم استر نفسي بدل ما اتخطف بقميص النوم كده.. 

معتز بغيظ 

اتخمدي يا مريم انا طالع اشوف في ايه... 

_طلع معتز ومريم قامت لبست الروب بتاعها وراحت وراه من فضولها..ولما فتح الباب كان فاروق اللي زق معتز جامد وقال.. 

فاروق

فين زيزي عملت فيها ايه يا معتز؟.. 

الفت بحده 

هو مال ابني بيها اصلا يا فاروق كفايه بقي فضايح.. 

فاروق 

انا متاكد انكم انتو اللي خلتوها تهرب وهي حامل في ابني.. 

_ضحك معتز بسخريه وقال..؟؟. 

ــــــــــــــــــــــــــــــــــــــــــــــ 

_في مكان تاني مقطوع وقفت عربيه كبيره قدام خالد، ونزل منها اتنين رجاله سملهم بخوف وفتحو الباب ونزل عمر اللي كان في ايديه الكلبشات ومفتح عينيه بالعافيه من نور الشمس.. 

خالد 

حمدلله علي سلامتك يا عمر.. 

عمر 

ايه المكان ده يا خالد؟.. 

خالد 

هتقعد هنا كام يوم يبطلو بس يدورو عليك عند  اهلك وهخليك تعمل اللي انت عايزه.... 

_تفتكرو بقي ايه اللي هيحصل؟...

               الفصل الثالث والعشرون من هنا