 |
رواية نور الاعمي الفصل التاسع عشر 19 بقلم تارا جهاد محمود#نور_الاعمي البارت التاسع عشر حسناء ببكاء وصوت عالي: بنتييييي عايزه بنتيي دلوقتي ملك فين يا محمد ملك يا محمد انا عايزه ملك محمد: اهدي يا حسناء عشان نعرف نفكر مين دا اللي خطفها وخطفها ليه حسناء ببكاء: لا ماليش دعوه انا عايزه ملك دلوقتي نور: اهدي يا طنط ملك هتكون بخير انا متاكده انها هترجع يزن بغضب: ورحمه امي ما هرحم اللي خطفها سيا: اهدي يا يزن عشان طنط حسناء محمد: اهدي يا يزن لحد ما نعرف هم خطفوها ليه يزن بعصبيه: اهدي ازاي عايزني اهدي ملك مخطوفه لازم نتصرف قبل ما يعملوا لها حاجه محدش يعرف هي طلعت ليه او راحت تقابل مين نور بسرعه: انا اعرف يزن بصوت عالي خلي نور تتخض وتخاف: وسااااكته ليه نور دبت رعشه في جسمها بسبب صوته ورجعت لورا بخوف: انا ....انا مكنتش اع اعرف وبقيت تبكي برعشه سيا بصوت عالي وهي واخده نور في حضنها : يزن براحه عليها ليه بتزعق لها هي ذنبها اي يزن اضايق من نفسه: انا اسف يا نور حقك عليا مكنتش اقصد اخوفك نور كانت بتبكي وبس لان الشافته مكنش قليل برضو حسناء بدموع: عشان خاطري يا نور اهدي واحكي لنا اي حصل عشان خاطري اهدي متخفيش يزن مكنش يقصد نور هديت شويه: انا وملك كنا قاعدين في اوضتها وفي وحده صاحبتها اسمها رحمه مش عارفه طلبت منها اي واتفقوا يتقابلوا في مكان محمد: ومتعرفيش فين المكان دا نور: لا والله هي مقالتش ليا اي حاجه يزن: طيب يا طنط حسناء متعرفيش أصحابها انتي حسناء: لا انت عارف ان ملك مش بتصاحب كتير ولو صاحبت وحده هتكون علاقه سطحيه ومش بتجيبها هنا ولا بتحكي هنا احمد: استني انتي قولتي رحمه نور: اه اسمها رحمه احمد: ملك سبق وذكرت الاسم دا قدامي يزن: طيب مقالتش لك اي تفاصيل احمد: لو البنت اللي في بالي يبقي انا اعرف انها كل حاجه يزن: تعرف شكلها احمد: بقولك اعرف كل حاجه عنها دي نفس البنت اللي لما كنت بروح اخد ملك من الكليه كنا بنوصلها معانا لأنها علي كد حالهم شويه وسبق وملك قالت ليا انها معجبه بيا يزن: تعرف بيتها احمد: ايوا لاننا كنا بنوصلها لحد شقتها ومره نزلنا معاها عرفتنا علي مامتها هي في حي شعبي كده بعيد عن كليه ملك القديمه بشويه يزن: طيب يلا بينا حسناء: استنوا انا جايه معاكم ومتحولوش تمنعوني يزن: طيب يلا يزن واحمد ومحمد وحسناء راحوا لبيت رحمه ونور هديت وطلعت تشوف زين لانه من اول معرف وهو مطلعش من اوضته زين كان قاعد مضايق وبيهزر رجله جامد نور: زين ممكن تهدي متخفش هي هتكون بخير وهترجع لنا بالسلامه زين بجمود: نور ممكن تسيبني وحدي نور بحزن: لا يا زين مش ممكن وهقعد معاك هنا لحد ما تيجي ملك بالسلامه زين بدموع: ولو مرجعتش اللي انتي متعرفهوش ان في شخص رن عليا بيقولي ملك عندي وهحرق قلبك وقلب حسناء عليها وتعرفي هو خطفها ليه عشان ينتقم من ماما ماما اللي في حياتها ما اذت نمله في شخص عايز ينتقم منها وانا اهو زي ما انتي شايفه عاجز مش عارف أنقذ اختي منهم هم وحوش ممكن يعملوا لها اي حاجه وانا قاعد في مكاني مش قادر حتي اخرج من اوضتي وحدي نور: لا يا زين انت مش عاجز انت اقوي من كده وهتقدر تعرف مين دول وترجع اختك منهم طول الفتره دي وانا اعرف انك مش بتضعف فى المواقف دي انت هترجعها زين بسخريه: ارجعها بحالتي دي انتي مش واخده بالك انك بتكلمي واحد أعمي حياته كلها ضلمه نور: وانا هكون نورك اللي بتشوف بيه بس انت اديني فرصه وادي لنفسك فرصه زين قلبه دق من كلامها وهنا نور افتكرت أحلامها اللي كنت بتحلمها وأن اللي كان بيطلب منها المساعده كان زين كله دا وسيا كانت واقفه والدموع في عيونها سيا لنفسها : انتي لسه فوقتيش خلاص دلوقتي معاه وحده تقف جنبه وتواسيه مشيت سيا وهي بتبكي ومش مستوعبه ان خلاص حبيبها بقي جوز تؤامها نور: يلا يا زين اهدي وركز وشوف لنا حل عشان ملك ترجع وكملت بضحك: ولا انت راحت عليك والضابط اللي جواك مات ههه زين مد لها ايده ونور بصت لها تلات ثواني ومسكتها راح زين شدها لحضنه زين: شكرا انك معاي نور كانت مبسوطه وهي معاه: اشكرني لما ترجع ملك زين خرج من حضنها: فين احمد ويزن وسليم نور حكت له اللي حصل تحت زين: تمام وفين بقا سليم نور: سليم مكنش قاعد من بدري زين: خدي تلفوني رني عليه وادهوني نور: حاضر وفعلا اخدت فون زين ورنت عليه وهو رد سليم: الو يا زين نور أدت الفون لزين: ايوا يا سليم انت فين سليم: في مشوار وجاي زين: ملك اتخطفت يا سليم سليم بخضه: اييييي متي حصل دا وازاي زين: مش وقته عايزك تيجي وتجيب معاك مبرمج شاطر يكون هاكر سليم: حاضر اديني ربع ساعه واكون عندك زين: ماشي يلا سلام زين قفل مع سليم يارا وهي بتدخل: زين انا ممكن اساعدك انا اخدت كورسات في البرمجه ممكن اساعد بأي حاجه زين: ماشي يا يارا تعالي وانتي يا نور في الدولاب بتاعي من تحت في شنطه كبيره شويه هاتيها نور: حاضر عند ملك فاقت لقت نفسها في مكان غريب ومش فاكره اي حصل وازاي جات هنا ملك مسكت دماغها بأيديها: ااااه دماغي هتفرتك واي حصل انا مش فاكره حاجه خالص آخر حاجه فكراها لما روحت لرحمه الكافيه وبعد كده مش عارفه اي حصل المجهول دخل لها: أهلا أهلا ملك هانم ملك بخوف واستغراب: انت مين وعايز مني اي المجهول: اهدي يا ملك اهدي انتي لسه مطول هنا احب اعرفك انا سامح الدسوقي ملك: وانا مالي انت مين انا عايزه اعرف جايبني هنا ليه سامح: والله يا بنتي مش عارف اجيبها لك ازاي بس انا خاطفك ملك: نعم!! خاطفني وبتقولها بسهوله كده سامح: واصعبها ليه هخاف منك مثلا ملك: والله يا عمو ولا انا خايفه منك عارف ليه عشان زين ويزن واحمد وبابا هيجوا يخرجوني ومعاهم سليم سامح: ههههه ولا كأني بتكلم مع حسناء هانم والله يا حبيبتي انا لو كنت خاطفك عشان اقت*لك كان زماني مخلص عليكي من زمان بس للاسف انا خطفتك عشان اكسر عين حسناء عارفه يا ملك اللي هعمله فيكي هيخلي حسناء تيجي ليا راكعه ملك: لا عاش ولا كان اللي يهين حسناء هانم واعلي ما في خيلك اركبه سامح: هتشوفي بعينك يا ملك اووو يا دكتوره ملك وندا علي شخص: خدرها ونادي الحريم راجل راح يخدر ملك وملك بتقاوم ومش عارفه لان الراجل كان ضخم عنها وبالفعل خدرها وملك نامت وندا الراجل علي كام مراه وجو: شوفوا شغلكم عند يزن هو الباقي راحوا بيت رحمه وخبطوا علي الباب وامها فتحت صباح: اتفضل يا احمد تعالي يزن فتح الباب علي الاخره ودخل من غير استأذان صباح: اي في انت ازاي تدخل كده يزن بغضب وصوت عالي: فييييين اللي متتسمي رحمه صباح: انت مين عشان تدخل كده لا وكمان بتزعق ما تشوف قريبك يا استاذ احمد حسناء: انتي لسه هتتكلمي فيييينها رحمه طلعت علي الصوت العالي : في ايييي ولما شافت احمد واللي معاه خافت حسناء راحت مسكتها من شعرها : فين بنتي فييييين ملك رحمه بوجع: ابعدييي عني يا ست انتي حسناء: بقولك فين ملك ولاخر مره هقولك والا قسما بالله اقتلك بايديا يزن: وديتي ملك فين يابت رحمه بخوف منهم وبكاء: والله ما اعرف هي فين صباح بعدت حسناء عن رحمه: انتي ازاي تعملي كده حسناء بعصبية اكبر: عشان بنتك المحترمه خطفت بنتي ملك صباح: انتي بتقولي اي يا ست انتي حسناء: لو مش مصدقاني اسألها ملك راحت فين بعد ما طلعت تقابلها محمد بعصبيه: فين ملك يا رحمه احسن لك عارفه دا وشاور علي يزن مخابرات واخو ملك كذلك ف احسن لك تقولي وديتي ملك فين احسن ما اسجنك انتي وامك رحمه بخوف: والله ما اعرف هي فين انا هحكي لك اللي حصل انا كنت خارجه اجيب علاج لامي لأنها مريضه وفي واحد وقفني انا اول مره اشوفه عرض عليا خمس مليون جنيه بس أساعده انه يخطف ملك وانا طمعت انت مش شايف نحن عايشين فين صباح ضر*بت رحمه بالقلم: يا خساره تربيتي فيكي عشان شويه فلوس بعتي صحبتك رحمه انهارت: انا اسفه انا اسفه بس الشيطان غواني انا اسفه في صوت رساله وصلت لحسناء وحسناء فتحتها وبصت لها بصدمه وعينين مفتوحه حسناء بصدمه كبيره وخوف وهي بتهز راسها: لا لا لا #جهاد_محمود الفصل العشرون من هنا |
تعليقات
