رواية اتجوزني عشان اربيله ابنه الفصل التاسع عشر 19 بقلم رحاب القاضي

 ــــــــــــــــــــــــــــــــــــــــــــــ 

مريم 

ايوه مين معايا... 

حازم بصوت مبحوح

اا انا حازم يا مريم تعالي بسرعه علي اللوكيشن اللي هبعتهولك واوعي عمو فاروق او طنط الفت يعرفو حاجه..

مريم بقلق 

في ايه انطق معتز كويس صح؟.. 

حازم بصوت كله حزن

اتصاب واحنا في المهمه وحالته خطر اووي واحتمال تيجي تشوفيه لاخر مره اصلا.. 

_وقع الفون من ايدها ودموعها نزلت، وبصت لاياد اللي مش فاهم حاجه وقالت.. 

مريم

اياد انت شاطر صح، انا هروح مشوار مهم وانت هقعد مع تيته فريده لحد ما اجي.. 

اياد

حاضر هقعد احفظ اللي اتفقنا عليه، عشان لما يجي بابا اقوله كل حاجه.. 

حضنته مريم وقالت

هيجي يا حبيبي والله، يلا بينا.. 

_وطلعت مريم وقالت لفريده اللي خافت جدا وردت عليها وقالت.. 

فريده 

طيب مش واجب تقولي لاهله برضو.. 

مريم 

اطمن عليه الاول واقولهم، خلي بالك من اياد.. 

فريده بدموع 

طيب ابقي طمنيني عليه.. 

_ومشيت مريم وراحت المستشفي واول ما وصلت لقيت حازم قاعد قدام الاوضه اللي فيها معتز.. 

مريم بخوف

حازم فين معتز حصله ايه اتكلم..الدكتور قالك ايه طيب هو كويس صح؟.. 

مسح حازم دموعه وقال 

حالته وحشه اووي يا مريم، الدكتور قال انه خلاص بس والله ما هسيب حقه.. 

_اتنفضت مريم بخوف ودخلت الاوضه اللي فيها معتز لقيته نايم علي السرير والاجهزه كلها متوصله بجسمه، نزلت دموعها وراحت قعدت جنبيه وقالت.. 

مريم ببكاء

والله ما كنتش ناويه اسيبك وكنت هرجعلك بس انت اللي ما كنتش فاهمني، انا واثقه فيك والله وبحبك... 

مسكت ايده وقالت 

اووعي تسيبني وتمشي دلوقتي احنا لسه في حاجات حلوه كتير ما عملنهااش مع بعض.. 

معتز ابتسم وقال

ايه بقي الحاجات الحلوه دي؟... 

_برقت مريم وهي مش مصدقه ان هو اللي اتكلم وكمان مبتسم وشكله مش تعبان... 

معتز بقلق

بصي قبل ما تتغابي وتمدي ايدك ده مقلب، ما انا كنت لازم اخليكي تنطقي يا حجر.. 

مريم بصدمه 

ده عرفيتك صح انت موت.. 

ضحك معتز وقال 

والله مقلب، وبعدين هو انا غبي عشان اموت كده بسرعه واسيب الحاجات الحلوه اللي هنعملها مع بعض.. 

مسكته مريم من رقبته وقالت 

لا هتموت وعلي ايدي، هو ده هزار با متخلف والله لموتك يا معتز.. 

مسك ايدها وبعدهم عنه وقال

هههههه اهدي خلاص والله مش هكررها تاني.. 

مريم بعدت عنه وقالت بغيظ

دخلي الحيوان اللي قاعد بره، ده انا صدقته ده كان بيعيط بجد.. 

معتز

كان نفسه يبقي ممثل وانا حققتله الامنيه دي.. 

مريم بعصبيه 

انا كانت هتجرالي حاجه وانا جايه وانت بتهزر، افرض كنت قولت لاهلك كنت هتبقي مبسوط وهما قلقانين عليك... 

معتز قام وقف قدامها وقال

لا انا متفق معاهم علي كل حاجه، المهم انتي انك بتحبيني صح.. 

وشها قلب احمر وردت عليه بتوتر

ايه ده هو انا قولت كده ما اخدتش بالي.. 

معتز 

لا قولتي يا مريم وقولتي كمان انك كنتي هترجعيلي وواثقه فيا.. 

مربم ابتسمت وقالت

بس يا ريت تقدر مش تمد ايدك.. 

معتز 

انا اسف ويارب ايدي تتشل لو اتمدت عليكي تاني.. 

مريم

مش هتلحق تتشل عشان هقطعهالك ييا بيبي... 

قبل ما يرد عليها معتز دخل حازم وقال 

نام بسرعه فهمي جااي بسرعه.. 

راح معتز علي السرير وقال

انا هموت فاهمه اوعي تقولي اني كويس انا ميت.. 

مريم 

انتو بتعملو ايه ومين فهمي ده؟.. 

_فلااااااش باااك.. "وقت الحادثه".. 

حازم ببكاء

قووم يا معتز انا ماليش غيرك.. 

معتز بغيظ

انت هتفضل تولول كتير ما تقوم تجيب عربية الاسعاف عشان نكمل الخطه.. 

حازم 

يا غبي عشان يصدقو انك اتصابت بجد.. 

معتز 

وربنا هفضي السلاح ده كله في دماغك، روح بسرعه هات الاسعاف انا متفق مع الدكتور علي كل حاجه.. 

_وبعد شويه في عربية الاسعاف كان معتز نايم علي السرير وحازم جنبيه.. 

معتز

فهمي لازم يعرف اني مت في المستشفي عشان يظهر ويتواصل مع يوسف واعرف معاد التسليم الجديد منهم.. 

حازم 

انا مراقب موبيله كويس ووقت ما هعرف هقولك، وكمان اللواء بقي عنده خبر بعد ما بعتله الفديو وهو فهمي بيضربك.... 

معتز 

وهو مش هيشك في حاجه فاكر لما كنا في المكتب وهو كان واقف بيسمع كلامنا.. 

حازم

والعبيط صدق انك انت بتقول عليه شاطر بس اخرته سودا.. بقولك ايه مش عايز تصالح مراتك.. 

معتز 

وقته كلامك ده يا تافهه.. 

حازم 

اسمع مني بس اصلا فهني لازم. يلاقي حد. من اهلك معايا، نجيب مريم ونقولها انك ميت ونشوف ردت فعلها.. 

معتز

لا بلاش ميت مش هعمل فيها كده قولها اني تعبان بس، اما نشوف اخرتها معاها.. 

حازم 

اتحمست اهو هو ده الكلام بلا مهمه بلا بتاع يا عم.. 

_بااااك.. 

_دخل فهمي وهو عامل نفسه زعلان ومعاه حازم اللي بيعيط.. 

فهمي

ربنا يصبرك يا مدام قلبي عندك.. 

مريم 

لا خليه عندك مش عايزه قلوب حد.. 

كتم معتز ابتسامته بالعافيه وحازم صرخ وقال

عااااا انا مش عارف ازاي هعيش من غيره.. 

مريم

ينعل ابو شكلك خضيتني، ووطي صوتك ده... 

حازم بصوت واطي

اعملي اي ريأكشن  ده انتي جوزك ميت.. 

مريم

اعااااا مات الحيله ماات.... 

حازم

راااح الغالي راااح.. 

مريم

ده كان طيب وكان حنين اتاريه مااااييييت.. 

فهمي

طيب انا همشي بقي بلغني يا حازم بمعاد الدفنه.. 

حازم 

حاضر يا فهمي كتر خيرك انك جيت.. 

_مشي فهمي ومعتز قام مسك الجزمه وقال وهي بيجري ورا حازم ومريم.. 

معتز

ما صدقتو تلاقو جنازه وتشبعو فيها لطم انت وهي.. 

مريم وهي بتجري 

اومال عايزني ازغرت مش انت ميت وانا مراتك.. 

حازم

بس طلعتي جامده مين بقي علمك العديد ده..

مريم

ده ولا حاجه طيب اسمع دي عديت عمدان المندره لقيتهم ناقصين واحد كل العمدان منوره الا انت يا واااحد.. 

حازم ببكاء

عااا لا تاثرت قولي كمان.. 

معتز

انا ايه اللي خلاني اعرفكم علي بعض وبتعلمو بعض ايه جاتكم القرف.. 

حازم 

طيب ايه بقي احنا لازم نتحرك هنسيب مريم تروح لوحدها.. 

معتز

اطلع انت قدامي وانا هاجي ورااك.. 

حازم

طيب ما اجي معاكم انا كمان.. 

معتز 

هوصل مريم واجيلك جمع الفريق واللواء عارف الخطه وهيراجع معاكم لحد ما اجي.. 

حازم. 

تمام اصلا اللي عرفته وانا مراقب موبيل فهمي ان التسليم بكره.. 

معتز 

تمام يلا اتحرك انت.. 

مريم

انت لو فاكر ان بعد ما حاولو يقتلوك اني هطلع معاك تبقي بتحلم، انا مش لاقيه عمري في الشارع.. 

معتز

معاكي اسد بسبع اروح يا قلبي وخايفه.. 

مريم 

اولا اسمها قطه بسبع اروح، ثانيا ايوه خايفه هو انا همشي جنب سبايدر مان ما انت عادي اهو.. 

معتز

تعالي يا مريم يلاا.. 

_نزلو واخدها وصلها عند بيت فريده وقالها قبل ما تنزل.. 

معتز

خلي بالك من نفسك.. 

مريم 

انت هترجع عارف لو حصلتلك حاجه المره دي هنفخك.. 

معتز 

اكيد طبعا لازم ارجع عشان الحق الحاجات الحلوه اللي لسه هنعملها.. 

ابتسمت مريم وقالت 

انت ليه بتنقي كلامي وبتوترني بيه.. 

معتز. 

والله لولا المهمه مهمه كان زماني.. 

مريم 

لا انا علي فكره انا لسه زعلانه فمتحلمش كتير.. 

معتز

اما ارجع بقي نشوف الموضوع ده.. 

مريم 

وياريت لما ترجع تيجي تسأل علي ابنك قبل اي حاجه.. 

معتز

مقصر معاه اووي صح؟.. 

مريم

جدا وهو مأثر فيه اووي الموضوع ده، ومش هرجع عندك غير لما اياد يقولي ارجعي يا ماما.. 

معتز بخبث

براحتك خالص مهو المثل بيقول خلي الحلو علي هوااه وبكره هيرجع لما ياخد علي قفااه، اتنيلي انزلي.. 

_جات مريم تنزل بس هو مسك ايدها وباسها علي خدها وهي اتكسفت جدا وقالها بهدوء.. 

معتز

وانا كمان بحبك يا مريم، ما عرفتش ارد عليكي في المستشفي.. 

مريم بدموع

هستناك ترجعلي عشان تاخدني انا واياد.. 

معتز

ايوه بقي اهو الواحد يروح المهمه ونفسه مفتوحه علي الحياه.. 

مريم

هطلع بقي عشان اياد سلام.. 

ــــــــــــــــــــــــــــــــــــــــــــــ 

_تاني يوم الصبح كانت نيره نازله رايحه الجامعه بتاعتها بس اتصدمت لما لقيت سيف وقف بعربيته قدامها ونزل من العربيه.. 

نيره

انت تاني، عايز ايه مني؟.. 

سيف

محتاج اتكلم معاكي شويه.. 

نيره

مافيش اي كلام هيكون بينا، واياك تيجي هنا تاني انت فاهم.. 

سيف

حاجه تخص نور واحنا لازم نتكلم فيها ضروري.. 

قلقت نيره وقالت

مالها نور، قول في ايه.. 

سيف

تعالي هنقعد في الكافيه اللي في الشارع اللي وراكم هنا.. 

نيره 

انا هروح لوحدي مش هاجي معاك اكيد.. 

سيف 

هستناكي هناك ما تتاخريش لازم نتكلم..

_مشي سيف وراح الكافي وبعد شويه وصلت هناك نيره وقعدت قدامه وقالت.. 

نيره

عايز ايه مني تاني؟.. 

سيف

انا عارف ان انتي اختها مش صاحبتها ليه كذبتي عليا؟.. 

نيره بدموع 

انت عايز مني ايه، اختها او صحبتها انا في كلا الحالتين مش طايقاك.. 

سيف

وانا مش هموت عليكي ولا جاي عايز منك حاجه، انا بس عايزها تسامحني.. 

اتصدمت من كلامه وقالت

تسامحك؟!.. 

سيف بدموع 

قق قوليلي ايه اللي ممكن اعمله يخليها تسامحني اا انا عايز اتغير لو سمحتي.. 

نيره ابتسمت

انا شمتانه فيك شوفت بكرهك قد ايه انا شمتانه في حزنك ده وبتمني تتوجع اكتر واكتر.. 

سيف بحزن

انتي الحاجه الوحيده اللي فاضله من نور، انا عايزك بس تقوليلي اعمل ايه يريحني وغلاوتها عندك بلاش تبعدي دلوقتي.. 

نيره 

انت عايز ايه بالظبط انا مش فاهمه منك حاجه اصلا.. 

سيف

انا لما بشوفك وانتي من طرف نور برتاح بحس اني قادر اعوض اللي عملته فيها معاكي، انا مستعد اعملك اي حاجه بس سامحيني وهي هتسامحني.. 

وقفت نيره وقالت

انت مريض وربنا انت مش طبييعي، كلامك اصلا مش موزون ومش عارف نفسك عايز ايه، لو عايزني اسامحك ابعد عن طريقي.. 

سيف

انا مش هبعد عنك غير لما تسامحيني، انا عايز ارتاح بقي... 

نيره بعصبيه 

ان شاء الله ما عنك شوفت راحه ابدا، انا مستحيل اسامحك انت فاهم.. 

_سابته نيره ومشيت وهو وقف مدايق جدا 

ــــــــــــــــــــــــــــــــــــــــــــــ 

_وعلي اخر اليوم وصل يوسف بيته وهو متعصب ومدايق وفخري كان قاعد مع سماح.. 

يوسف بعصبيه

انت بتهبب ايه يا حج، العمليه برضو خربت وابن ال... طلع عايش وعملي كمين واحتمال يتقبض عليا في ايوقت وبدليل انا هتجنن.. 

فخري وقف وقال بصدمه 

ازااي ده حصل، وبعدين طيب احنا خلاص كده هنخسر كل حاجه دي العمليه اللي فيها كل اللي معانا.. 

يوسف بغيظ 

عرف منين بس خطتي، مييين اللي بينقله الاخبار.. 

وقفت سماح وقالت

طيب هسيبك انا يا حج دلوقتي وهطلع استناك فوق.. 

بصلها يوسف بحده وقال

خدي يا بت انتي هنا، هو مش الحج كان بيروح عندك بقيت رجلك خفيفه علي البيت هنا وعلي القعده هنا ليه؟.. 

سماح بتوتر

ابدا يا سي يوسف بس الحج بيوحشني ومش بيجي وقولت انا اللي اجيله... 

يوسف 

وريني موبيلك.. 

سماح بقلق

شايف ابنك يا حج بيطلب مني ايه؟.. 

مسكها يوسف من شعرها وقال

انتي هتستهبلي يا روح امك طلعي موبيلك.. 

فخري بحده

اديه الموبيل يا سماح عشان ما ازعلش منك.. 

خافت سماح واديتهم الموبيل، ومسك يوسف الموبيل وفتح الوتس ولقي في محادثه بينها هي ومعتز وهي بتقوله كل التفاصيل اللي بتحصل في بيت فخري.. 

يوسف بعصبيه وغضب

بقي انتي اللي قولتيلو علي حصل لامي، انتي يا واطيه اللي بتنقلي الاخبار، شايف اخرة الرمرمه يا حج.. 

فخري بجمود 

خلص يا يوسف بسرعه.. 

سماح ببكاء وخوف

والله العظيم يا حج ما هتتكرر ابوس ايدك انا مش عايزه اموت و.. 

_قبل ما تخلص كلامها طلع يوسف مسدسه وضربها في راسها بطلقه، وهي وقعت علي الارض مايته، في الوقت ده صرخت ندي اللي كانت متابعه كل اللي بيحصل من بعيد.. 

يوسف بعصبيه 

يا حج هتعبك كلم الرجاله تيجي تنضف وتخفي الموبيل ده خالص في اي مصيبه.. 

فخري

طيب بس سكت مراتك مس ناقصين فضايح... 

_قرب يوسف من ندي اللي جريت قدامه ودخلت الاوضه واول ما دخل عيطت بخوف وقالت... 

ندي

ابوس ايدك يا يوسف ابعد عني انا حامل في ابنك اوعي تعملي حاجه.. 

قرب منها يوسف وقال

ليه شوفتيني كده، ليه بتعذبي نفسك وبتعذبيني معاكي.. 

ندي ببكاء

انت مجرم انت شيطان يا يوسف.. 

حضنها بهدوء وقال

اهدي انا كده مع الدنيا كلها، انما معاكي انتي انا يوسف اللي بيعشقك اللي لو فكرتي تبعدي عنه او تزعلي منه هيقتلك يا ندي.. 

اتنفضت ندي بخوف وقالت

ابعد عني انا قرفااانه منك ابعد عني.. 

يوسف

هبعد بس اعملي حسابك انتي ما شوفتيش حاجه تمام.. 

ندي بخوف

حاضر حاضر بس سيبني في حالي.. 

يوسف 

انا هختفي كام يوم وهرجع اظبط الدنيا واربي الواد معاكي يا حبيبتي... 

_مشي يوسف، وهي قعدت علي الارض وفضلت تعيط... 

ــــــــــــــــــــــــــــــــــــــــــــــ  

_في مكان شغل معتز كان واقف مع اللواء وقاله.. 

معتز

كده في تهمه رسمي ليويف فخري بعد ما فهمي اعترف.. 

اللواء

سيبك من كل ده انت في ترقيه جيالك في الطريق ده انت بوظت اكتر من مهمه واسمك بقي منور في الدخليه.. 

معتز

اسمي هيبقي منور لما الاقي يوسف واسجنه هو وابوه في زنزانه واحده.. 

اللواء

هتعمل كده واكتر بس سيب زمايلك بقي يشتغلو ويجيبو هما يوسف وانت خدلك يومين اجازه، وارجع امسك القضيه... 

معتز 

بس يوسف لازم يتجاب بسرعه.. 

اللواء

سيبه براحته هيتجاب يعني هيتجاب وهو ممنوع اصلا من السفر.. 

معتز

طيب حازم موجود وانا هتابع معاه، وهمشي بقي ابدأ الاجازه بتاعتي.. 

اللواء

ماشي يا معتز اتبسط علي الاخر زي ما انت عايز.. 

_نزل معتز وركب عربيته وطلع موبيله وكلم مريم اللي ردت عليه بصوت نايم وقالت.. 

مريم

الو مين؟.. 

معتز

يا حيوانه قبل ما تردي بصي علي الاسم الاول.. 

مريم 

ناايمه ومش بعرف اقرأ وانا لسه صاحيه، وبعدين انت عايز ايه؟.. 

معتز

نايمه وانا قايلك اني في مهمه، اومال فين القلق والتوتر والخوف.. 

مريم 

لا ما انا جوزي اسد بسبع اروح، وبعدين ما انت زي القرد اهووو.. 

معتز

بس بس اسكتي، واتنيلي قومي اجهزي انتي واياد.. 

مريم

طيب ما تخليها بكره مكسله اقوم والله.. 

معتز

ساعه وهكون عندكم يلا اقفلي..

_قفل معاها معتز وهي قامت غيرت هدومها وكمان جهزت اياد.. 

فريده 

خلاص كده هتمشو يعني يا مريم؟.. 

مريم

معلش يا ماما هبقي اجيلك.. 

فريده

ما شالله ما عنك جيتي انتي اصلا بتيجي وانتي خاربه الدنيا، انا علي اياد ما تسبيه ليا.. 

مريم

مستحيل طبعا انا مقدرش اعيش من غير اياد دقيقه واحده.. 

فريده

هو معتز قالك مين البنت اللي كانت معاه غدفي العربيه.  

مريم

ما سألتهوش تاني وهو لو عايز يحكي هيحكي، بصي هو انا هتجنن واعرف بس خايفه اساله نتخانق تاني.. 

فريده 

بقيتي واثقه فيه اهوو، اساليه بس زي ما انتي بتكلميني كده.. 

مريم اتنهدت وقالت

خير ان شاء الله يا ماما.. 

_والباب خبط وهي فكرته معتز، وقامت فتحت بس اتصدمت لما لقيت اسراء صحبتها قدامها وقالتلها.. 

اسراء

ازيك يا مريم عامله ايه؟.. 

قبل ما ترد عليها جه معتز وقال

في حاجه يا مريم؟.. 

مسكت مريم في ايده وقالت بدموع

خليها تمشي يا معتز خليها تمشي انا مش عايزه اشوف وشها... 

اسراء ببكاء

انا اسفه والله ما كان قصدي اخونك، هو ضحك عليا وانا كنت حقوده وبغير منك عشان انتي احسن مني ولما طلب معايا اكون معاه ا.. 

زعقت فيها مريم وقالت 

اخرسي بقي اسكتي وامشي من هنا و... 

_سكتت لما شافت سيف هو كمان جه ومسك اسراء من دراعها جامد وزعق فيها وقال.... 

سيف

انتي ايه اللي جابك عندها امشي قدامي.. 

وبص لمريم وقال

مريم اا.. 

وقف معتز قدام مريم و؟.. 

ــــــــــــــــــــــــــــــــــــــــــــــ 

_في السجن اللي فيه عمر كان عنده واحد صاحبه بيزوره وقاله.. 

عمر

عملت اللي قولتلك عليه يا هاشم؟.. 

هاشم 

ايوه يا عمر الواد اللي قولتلك عليه كنت بشوفه مع نور اختك كتير في الكافيه اللي شغال فيه، سالت وعرفت ان اسمه سيف البدري عيل صايع عايش علي فلوس ابوه، وليه علاقات مشبوهه مع بنات كتير.. 

عمر بحقد 

تمام اعرفلي عنوانه لحد ما نظبط طريقه اطلع بيها من هنا.. 

هاشم

بس في حاجه كده عايز اقولك عليها.. 

عمر

في ايه اتكلم.. 

هاشم 

وانا وبراقب الواد ده شوفت...  شوفت نيره اختك ريحاله البيت وبتقابله كتير بره البيت.. 

عمر بدموع

ايييه نيره اختي مع الواد ده.. 

هاشم 

انت نووي تعمل ايه بالظبط؟.. 

عمر بعصبيه

عايز اطلع من هنا بسرعه، وهعملكم اللي عايزينه يا هاشم.. 

هاشم 

اهو كله بحسابه المهم هشوف البيه واقولك.. 

عمر بحقد ودموع قال لنفسه

انتي مش احسن من نور في حاجه يا نيره والله لاخليكي تحصليها.  

               الفصل العشرون من هنا