![]() |
رواية اسيرة عائلة القناوي الفصل الرابع عشر 14 بقلم يوستينا سامي#اسيره_عائلة_القناوي 14 في المخزن اللي ولع 🔥 عاصي كان واقف برا و هو بيبص علي المخزن وشقا عمره و هو مرسوم علي وشه معالم الغضب و الغل كريم قرب منه و حط ايده علي كتفه /كفاياك تفكير عاد يا عاصي عصبيتك دي مش هترچع اي حاچه من اللي اتحرجت يا ولد عمي بص لكريم بغيظ وقاله/ انت عارف احنا خسرنا قد ايه والبضاعه اللي ولعت دي احنا اللي هتكلف ثمنها يا كريم و دي قسمة ضهر كريم بص لعاصي بتردد وقاله / طب ما يمكن دي تكون أشاره يا ولد عمي و نبطل بجى الشغلانه العفشة دي اللي بتغضب ربنا عاصي بصله بغيظ وقاله / لساك عاد بتتكلم في الحوار ده جولتلك الف مره ما تفتحوش معايا ثاني واصل .. و بعد عن وشي بعد و سابه عاصي و مشي و بص من بعيد علي المخزن و كانه بيودعه و قال / ياريتني اجدر ابعد الطريق الواعر ده بس مبجدرش ، ده طريق اللي رايح فيه مبيجرعش _____________________ ___________________________ في المستوصف مراد كان نايم علي السرير و معلقيله جهاز تنفس وايده ملفوفة مكان الحرق اللي في ايده و في جروح في وشه و ضهره مراد بدا يفتح عينيه بتعب و يبص حواليه / انا فين صفصف قربت منه بفرحة/ حمدلله علي السلامة يا نور عيني ، أخيرا فوجت ده انا جلبي كان بيتجطع عليك يا ضنايا مراد بتعب/ انا كويس يما اطمني ، انا بس عايز امشي من هنا .. انا مش بحب قاعدة المستشفيات دي فاطمه قربت ناحيته وقالت/ مش لما تقوم الاول يا مراد و تسند طولك كدة و تقدر تقف على رجليك مراد بحده / مالكيش دعوة بيا ، اماا قولي لاي دكتور من البهايم اللي هنا اني عايز اخرج و يجي يفك الاجهزة دي انا مش عاجز و اقدر اقوم صفصف. / طب اهدي بس يا ولدي لحد ما حد منيهم يچي مراد بعصبية / انا مش لسه هستني حد منهم يجي و بدا مراد يشد الاجهزة من عليه بغشم و عصبية و صفصف و فاطمة حاولوا يمسكوه بس هو كان عفي صفصف بدموع / بكفاياك يا مراد بجي ، بكفياك يا ولدي عند ، حرام عليك نفسك و صحتك بجي روحي يا فاطمة نادي علي عاصي بسرعة يا بت مراد بعصبية/ انا مش عايز اتعالج هنااا . انا هرجع مصر ابعدي عني ياما بقي انا مش قادر ...ابعدي و قعدت امه تحاول تهديه لكن مراد كانت حالته صعبة اوي لدرجة ان الدكاتره مكنتش قادره عليه حتي و لا قادرين يدوله ابره مهدئة _____________________________ __________________ في اوضة تولين تولين بحده/ ملك ما تستهبليش كان قدامك الف طريقه غير انك تولعي في مراد انتي عارفه لو حصل حاجه فعلا لمراد ايه اللي ممكن يحصل عاصي مش هيسمي علينا ملك / تصدقي عندك حق خلاص اوعدك المره الجايه هولع في عاصي نفسه علشان نخلص منه بقي تولين/ يخرب بيت دماغك انت بجد مستفزه يا ملك .. و فاجاه لقت الباب ببتفتح و دخل زين اللي واضح من هدومه اثار بهدلة ومن وشه اثار الخوف على اخوه و تعب زين بجمود / هاتي التليفون ده .. هاااتي تولين بخوف / مافيش حد صدقني ، والله ما في حد زين قرب منها و جابها من شعرها و مسك منها التليفون قالها / ملللك .. انا مش هسيبك اقسم بالله ما هعتقك ولو في اخر مكان في العالم هجيبك ملك قعدت تضحك جامد / بجد .. طب وريني بقي شطارتك ، و بعدين مش عيب برضو تكلم الاكبر منك بالاسلوب ده زين بعصبية / اضحكي يا ملك علشان ده وقت الضحك لكن بعد كدة هتشوفي مرار ..و اللي حصل لاخويا النهاردة مش هيعدي .. انا عاىف ان انتي اللي عملتي كدة في مراد ملك ببرود / اه انا و بعدين يا عم انا مش عاوزاه يعدي وخد بالك اختي لو حد لمس شعراية واحدة منها هتلاقي البلد دي كلهاااا بقت كوم قش في ظرف يومين .. سامع يا زيزو زين بغل/ وعد مني انااا ان مش هيطلع عليكي صبح و هتقولي زين القناوي قال ملك قعدت تضحك بصوت اعلي علشان تستفزه / هنشوف يا ابن القناوي . و قفلت ملك السكة في وشه و رمي زين التليفون بغل علي الارض و بص لتمارا بغل و شك / بقي هي الحكاية كدة بقي داخلة حياتي تدحلبي علشان تاذينا انا و اخواتي تمارا بكره/ اومال فاكر اننا راجعين علشان دايبين فيكم .. عشنا عمرنا كله بنهرب من بيت لبيت و من مكان لمكان بسببك انت و اخواتك ، و مستكترين علينا ناخد حقناااا ... انتواااا ايه يا اخي و زقت تمارا زين بكل قوتها في كتفه و قالتله / انا لما دخلت البيت ده حذرتك و قولتلك بلاااش و ابعدني عنك انت اللي غبي و مسكت فيا زين ضرب تمارا بالقلم جامد و و قعها علي السرير و مسك شعرها بايده بغل / مسكت فيكي علشان بحبك و كان نفسي اعوضك ، ليه يا تمارا تعملي فيا كدة ، ليه تخوني ثقتي فيكي ده انتي الوحيدة اللي قلبي دقلها انتي الوحيدة اللي كنت مستعد اخسر اي حاجة علشانها تمارا بعياط / انت ليه غبي ..انا بسببك خسرت ابويا و امي يا زين بسببك عيشت في الشارع زين قام من علي السرير و خبط ايده بمنتهي الغل في الدولاب/ انا معملتش حاجة . والله ما بكدب عليكي تمارا قامت من علي السرير و هي بتعيط / بس ابوك تاجر السلاح هو اللي عمل ، هو اللي غدر بابويا زين بصدمة/ انتي بتقولي اي ... أنتي مجنونة 😳 تمارا بزعيق / انا مش مجنونة و مش بكدب و تقدر تتاكد من اخوك تاجر السلاح ، ما عاصي و مراد بيشتغلوا نفس شغلانة أبوك زين زق تمارا بغل ووقعها علي الارض و قالها / اخرسي انا ابويا اشرف منك و اهلك كلهم يا بتاعة البار و الديسكوهات و اخواتي اللي بتتكلموا عنهم دول ضافرهم برقة الف من عينتك عمرهم ما يعملوا كدة ابدا ، احنا عيلة القناوي لو متعرفيهاش اسألي عنها احنا اشرف عيلة في قنااا كلها تمارا بوجع / انتوا أقذر عيلة في قنا انت بتاع بنات و فاشل و مش راجل اتجوزتني بالعافية و اعتديت عليااا .. فاكر ولا ناسي يا راجل و اخوك التاني حبس رهف في الاوضة و عذبها و كان عايز يتجوزها غصب عنها و التالت اللي بيكره نفسه و بيكره ابوه.. هااا كفاية كدة ولا اقول كمان قامت تمارا من علي الارض و قربت منه و قالتله / سكت و قعدت تضحك جامد بتريقة/ سكت زي كل مره بتسكت لما بتتصدم ، بس عادي عيل صغير يا حرام و مش عارف حاجة ما اخواته دايما بيداروا عليه كل حاجة لكن فاجاه و هي مدياله ضهرها لقت زين جابها من شعرها ووقعها علي الارض و قالها / لااا انا مش عيل صغير بس زين القناوي مش بيرد علي واخدة رخيصة شبهك و بدا زين يشد تمارا من شعرها و خرج بيها من الاوضة و كان كل الخدم شايفينها و هي مشدودة من شعرها و زين جاررها علي الارض و تمارا عمالة تصرخ و تستنجد تمارا بعياط / اوعي سيبني .. اوعي زين و هو بيمسك ايديها اللي بتحاول تزقه بيها و ينزلها علي السلم غصب عنها / اييييه عايزاني اسيبك ده بعدك ، ده النهاردة موتك علي ايدي و من صوت الصريخ خرجت رهف و نور من الاوضة رهف جريت علي زين بعصبية / ابعد عنها .. انت بتعمل فيها كدة ليه . حرام عليك زين زهقهم و اخد تمارا و حطها في الزريبة مع الحيوانات وقفل عليها الباب و قال بصوت عالي/ ده مكانك .. ده اللي تستحقيه رهف و هي بتضرب زين بغل / افتحلها الباب. بقولك افتحلها انتوا ايه مش بني ادمين حرام عليكم زين زقها / ملكيش صالح بيها دي مراتي و انا بربيها ارجعي اوضتك نور / لا مش هنرجع افتحلها و خلي في قلبك رحمة .. حرام عليك يا زين بالله عليك افتحلها رهف بعصبيه / انتي كمان بتتحايلي عليه .. افتح الباب بدل ما افتح نفوخك يا ابن الكل*ب و في عز ما رهف ونور بيحاول ويزقوا زين عشان يفتحوا الباب لتماره اللي عماله تصرخ جوه وهي اصلا عندها خوف من الحيوانات عاصي قرب ناحيتهم / ايييه ...انتي خرجتي ازاي من الاوضة و واجفة اكده ليه رهف بغل/ انا مش خدامة عندك و من حقك تحبسني قوله يفتح لتمارا الباب . قوله يسبها تمشي من هنا نور / انتوا ليه بتزودوا كرهنا ليكم ليه بتعملوا كدة عاصي بص لزين واللي كان واضح علي وشه العصبية و الغل عاصي بحزم/ هو حر .. هو راجل ويا مرته و احنا ملناش صالح و انتي حسابك معايا انا و مسك عاصي ايد رهف غصب عنها و شدها واتحرك بيها .. رهف بخوف / انت عايز مني اي .. و و اخدني علي فين عاصي بخبث / هتعرفي بش مش دلوجت اركبي يا رهف واخدها عاصي و ركبها عربيته تحت صدمة نور و مشي بيهااا ، و وكالعاده نور ما قدرتش تقف قدام زين لوحدها وطلعت اوضتها وقفلت على نفسها _________________________ _____________________ في اوضه نور نور بتتكلم في التليفون بعياط / زي ما بقولك كده يا ملك تمارا محبوسه في الزريبه ورهف عاصي اخدها قدام عيني وانا مش عارفه اتصرف ملك بخوف/ يعني اي . اقفلي اقفلي و قفلت نور معاها التليفون و ملك كانت متوتره اوي و حطت ايديها علي راسها وقالت / مش هسيبكم .. واقسم بالله ما هسكت هما فاكرين نفسهم مين و طلعت ملك مسدس و خرجت من الاوضة و هي بتتسحب احسن حد يشوفها __________________________ _____________________ في المستشفىند مراد كانت دكتور قدر ان هو سافر عليه واخد ابره مهدئه وصفصف وفاطمه رجعوا تاني الدوار بعد ما عرفوا اللي حصل لزين ومراته ملك كانت واقفه قدامه وهي لابسه عبايه وطرحة على راسها عشان تداري شكلها وماسكه في ايديها مسدس اللي اخذته ان المخزن عند عاصي ملك بغل كانت موجه في صده المسدس و بتقول بغل / هموتك يا مراد و ههقرهم عليك ، اشمعنا انت قهرتني علي امي و ابويا و كانت بتحاول تدوس بس مكنتش قادرة و بدات تعيط جامد و تتنهد بوجع / اعاا يا ماما .. مش قادرة ، مش قادرة اموته و بدات تفتكر اول مره مسكت فيها سلاح ... فلاااش باك 🔥🔥🔥🌾 مراد وهو واقف بيعلمها ازاي تمسكه ملك بضحك / بزمتك مش خايف من اخوك احسن يعرف ان انت اللي سرقته من الدرج بتاعه المراد ابتسم وقالها/ لا ما انا هعلمك عليه بسرعه وبعد كده هنرجعه الاوضه عند عاصي لا من شاف ولا من دري ملك بحماس / ماشي موافقه اصل عيب ابقى صعيديه ماتعلمش امسك سلاح علشان ادافع بيه عند نفسي مراد بخبث و هو بيقرب منها/ و مين هيقدر يقربلك و انتي معايا و جمبي ملك اول ما حست ان مراد بيقرب ناحيتها قوي و بيستهبل شدت السلاح من ايده ووجهته في وشه قالت /يمكن عشان ادافع عن نفسي منك انت مراد ضحك علي حركتها و قرب ناحيتها / متقدريش تعملي كدة .. انتي بتحبيني اوي اوي وانا واثق فاقت ملك من ذكرياتها و دموعها علي خدها و بدات تكلم نفسها بوجع / لا هعملهاا و هقتلك لاني مش بكره حد قدك في الدنيا دي كلها و قررت تغمض عنيها و تدوس علي المسدس و عدت في سرها .. واحد اتنين تلاتة و فاجاه سمعت صوت الطلقة 😭😭 الفصل الخامس عشر من هنا |
رواية اسيرة عائلة القناوي الفصل الرابع عشر 14 بقلم يوستينا سامي
تعليقات