رواية اتجوزني عشان اربيله ابنه الفصل التاسع 9 بقلم رحاب القاضي

_ 

ــــــــــــــــــــــــــــــــــــــــــــــ 

_في بيت نور كانت الشرطه موجوده والناس كلها واقفه بره البيت عشان تعرف اللي حصل..قرب حازم من نيره اللي كانت قاعده علي الارض جنب جثة امها واختها وقال.. 

حازم 

نيره الاسعام لازم ياخدو خااتو ونور عشان تقرير الطب الشرعي.. 

نيره ببكاء 

هو ايه اللي حصل كل حاجه راحت مني في لحظه اختي وبعدها امي وبعدها اخويا اللي الله  واعلم هيحصله ايه 

حازم بحزن 

اهدي عشان خاطري تعالي بس معايا هنروح بيتنا و.. 

نيره 

انا مش همشي من هنا، شيبوني في حالي.. 

حازم 

مش هينفع تقعدي هنا لوحدك بعد اللي حصل ده 

حضنته وهي بتتنفض من الخوف والبكي وقالت

قولي ان ده هزار، قولي انهم بيهزرو معايا ونور وماما عايشين وعمر هيرجع مش هيتقبض عليه.. 

_اتملت عيون حازم دموع وخلاها قامت معاه واخدها ونزل تحت طلعها العربيه وهي حطت راسها علي الشباك ودموعها مش مبطله تنزل، ووقف حازم مع الظابط المسؤل عن القضيه وقال ليه

حازم 

ارجوك يا هشام اجل التحقيق لحد ما تبقي كويسه، واوعدك انا هجيبها لحد عندك.. 

هشام

عشان خاطرك انت بس يا حازم، والبقاء لله انا عارف ان اللي حصل ده صعب عليك انت كمان.. 

حازم بدموع 

 ولله الدوم، بعد اذنك.. 

_طلع العربيه جنب نيره وماكنش عارف يقولها ايه، واخدها وراح بيتهم ولما مامته عرفت اللي حصل لاختها وولادها فضلت تبكي وتصوت.. 

حازم

ايه يا ماما اهدي عشان نيره اللي محتجالك دلوقتي.. 

حضنتها ناهد مامت حازم وقالت

ربنا يهون علي قلبك يا نيره، منك لله يا عمر حد يعمل كده.. 

حازم 

طيب انا هروح اشوف الاحوال هناك وهاجي خلي بالك من نيره يا ماما.. 

_مشي حازم و نيره دخلت اوضة خلاتها وعنلت نفسها انها هتنام بس هي فضلت صاحيه وفضلت تفتكر من وقت ما جات نور وفضلت تحكيلها علي سيف اللي اتعرفت عليه في كافي وفي يوم جات وقالت ليها انها اتجوزته في في السر ولحد ما حصل اللي حصل لاهلها.. 

نيره ببكاء

هو السبب اهلي ماتو بسببه، اخويا راح مني بسببه هو، هو شيطان.. 

ــــــــــــــــــــــــــــــــــــــــــــــ 

_في مكان تاني مخزن في مصنع والنور فيه خفيف، كانو فيه رجاله ماسكين معتز وبيضربو فيه لحد وشه مله ما بقي مليان كدمات ودم.. 

فخري

بااس يا رجاله وقفوه وهاتوه قدامي... 

_مسكوه الرجاله من هدومه وايده ووقفوه قدام فخري اللي ابتسم بشر وقال

فخري

عجبك اللي حصل ده يا باشا، جيبت الاذي لنفسك.. 

معتز بصوت تعبان 

انت فاكر اني كده هخاف منك واسيب القضيه لا بالعكس انا اللي عملته ده اثبتلي اني عاملك رعب واني هنجح وقريب اووي هلف حبل المشنقه علي رقبتك.. 

_شاور فخري لرجالته اللي فضلو يضربو في معتز تاني لحد ما بقاش قادر يتحرك، وبعدين شاورلهم يقفو وقال بحده.. 

فخري

انا اهو جيبتك وعدمتك العافيه ولو راجل اثبت اني عملت كده، انا ما حدش بيقدر يمسك عليا دليل ولا يوقعني في الغلط فاهم يالااا.. 

معتز وهو بيحاول يقف

بلاش غرور انت ما تعرفش انا ممكن اعمل فيك ايه؟.. 

فخري 

لو اللي عملته فيك ده مش هيأثر فيك، هايزك تفتكر انه ممكن يحصل للباشا الكبير او الحجه امك ولا ابنك الصغير، تؤ نخليها العروسه الابله مريم.. 

_اتعصب معتز وفعلا المره دي قلق بجد المره دي علي اهله، ووقف بصعوبه قدام فخري وقال بقوه.. 

معتز 

انا لحد دلوقتي بتعامل معاك قانوني بس مدام جيبت سيرة اهلي يبقي اتحمل بقي اوسخ ما فيا يا فخري.. 

فخري 

يبقي اتفقنا يا معتز.. 

_خلص كلامه وشاور لرجالته اللي مسكو معتز ونزلو فيه ضرب جامد وبعدين اخدوه ورموه في الشارع ومشيو، وكان ماشي وراهم ومراقبهم الراجل اللي ديماً بيراقب معتز ونزل بسرعه من عربيته وسند معتز وطلعه العربيه بتاعته وقال

الراجل 

هودي حضرتك مستشفي.. 

معتز 

لا لا انا بس هتعبك توصلني عند العربيه بتاعتي هي مركونه في **

الراجل 

بس انت وشك بيزف جامد 

معتز

انا ظابط شرطه يا اخ وهارف انا بعمل ايه كويس.. 

الراجل 

تمام يا باشا اللي تشوفه.. 

ـ في بيت مريم كانت نايمه جنب اياد في اوضتها وموبيلها رن، فقامت شافت الموبيل وكان معتز ردت عليه وقالت.. 

مريم 

انت بترن عليا تصحيني من النوم ليه يا بتاع انت؟.. 

معتز 

قومي افتحيلي انا قدام باب شقتكم.. 

مريم 

وانت جاي عندنا ليه دلوقتي، نا فيش ذوق خالص يعني هو انت فاكرها زريبه.. 

معتزز بصوت تعباان 

يا مريم قومي افتحيلي بقي انا مش قادر ارتحرك والله.. 

مريم بقلق 

طيب قايمه اهو.. 

_قامت نيره ولبست عبايه فوق البجامه بتاعتها وطلعت فتحت الباب واتثدمت لما شافت معتز وقالت بخوف.. 

مريم 

يخرب بيتك انت مين دشملك كده؟.. 

معتز 

طيب دخليني الاول وبعدين صوتي عليا براحتك.. 

مريم 

طيب ادخل.. هو انا مسكاك.. 

معتز بغيظ 

ما فيش اسندك علي مهلك الف سلامه عليك.. 

مريم بسخريه 

يا عم اتوكس بلا نيله بوشك اللي بقي شبه شارع الهرم ده.. 

_اتغاظ منها معتز ودهل وطلعت فريده من اوضتنا ولما شافته كده جريت عليه وقالت.. 

فريده 

مالك يا حبيبي الف سلامه عليك، مين ابن الحرام اللي عمل فيك كده.. 

معتز وهو بيقعد علي الكنبه 

هو سؤال بس يا طنط هي بنتك مش زيك ليه؟.. 

فريده بصوت واطي 

لا هي بتبقي قلقانه وخايفه علي فكره بس بتداريهم، المهم انا مين اللي عمل فيك كده.. 

معتز

شغل يا ديدا، شوية مشاكل كده بس هتعدي جوز بنتك اسد.. 

_قعدت مريم قدامه وحطت صندوق صغير علي الترابيزه وقالت بسخريه.. 

مريم 

قصدك قطه يا حيلتها، ده انت وشك ما بقاش فيه حته سليمه.. 

معتز

شايفه يا حماتي بدل ما تقعد جنبي تعالج ليا جروحي واللامي قاعده تتريق عليا.. 

فريده 

شوفي جوزك محتاج ايه يا بت انتي..وانا دقيقه وجايه.. 

_قربت منه مريم وفتحت علبة الاسعافات الاوليه وطلعت قطن وحطت عليه ميكروكوم وحطته بهدوء علي وش معتز اللي ابتسم ليها وقال.. 

معتز

ده انا اضرب ليكي مخصوص عشان تقربي مني كده.. 

مريم

ما تلم نفسك والا هسيبك واقوم، وبعدين ايه البي عمل فيك كده اصلا؟.. 

معتز 

قضيه رخمه وراجل رخم والله مطلع عيني معاه، المهم انا جيت هنا لان لو ماما شافتني كده هتروح فيها.. 

مريم 

طيب هي مش هتقلق انك بايت بره البيت.. 

معتز 

لا هي متعوده اني ابت بره البيت غشان ظروف شغلي.. 

جات فريده وقالت

يلا يا مريم خدي جوزك وادخلي خليه يرتاح في اوضتك، انا اخدت اياد عندي.. 

معتز فرح وقال

والله انتي بميت راجل يا حماتي.. 

مريم 

في ايه يا ماما انتي بتصرفي ليه من دماغك، ما في اوضة الضيوف.. 

فريده 

يعني الراجل اوضة مراته موجوده ويروح ينام في اوضة الضيوف.. 

معتز 

مثلا يا حماتي قوليلها، بدل ما هي اللي تطلب كده عشان تاخد بالها مني.. 

فريده 

يلا يا مريم خدي جوزك وادخلو نامو.. 

مريم بغيظ 

هو انتي متاكده انك. امي بجد انا بدأت اشك في الموضوع والله.. 

_ضحكت فريده ودخلت مربم اوضتها ومعتز راح وراها، واول ما دخل الاوضن وقفل الباب بصت ليه بقلق وقالت.. 

مريم 

بقولك ايه تلم نفسك معايا وتقعد هنا بادبك، عشان انت متهان لوحدك وانا مش عايزه اقل منك اكتر من كده.. 

_قلع معتز الجاكيت بتاعه وقتد بالتيشرت اللي بنص كم وقرب منها اووي وقال.. 

معتز 

هو انا عملت حاجه وبعدين انتي غيرتي ليه البجلبيه اللي انت لابسها دي.. 

مريم بقلق 

وانت مالك انت، وبعدين ما تاخدش علي كلام ماما هي طيبه وحده غيرها كانت مستحيل تخليني اتجوزك.. 

اتغاظ معتز منها وقال

لا وانتي اللي حويطه اووي وناصحه، علي فكره انا سايبك بمزااجي عشان ما تتغريش بنفسك.. 

مريم 

طيب اتخمد وخلصني.. 

معتز 

انتي هتنامي فين؟.. 

مريم

هفرش علي الارض وهنام 

معتز

انتي بتستهبلي، تعالي نامي جنبي.. 

مريم 

بس يا بابا ما تقولش كده تاني عشان عيب.. 

معتز بعصبيه 

من غير ما احلف يا مريم لو ما اتلمتيش وجيتي نمتي جنبي هطلع اقول لامك وهي اصلا مش طيقاكي.. 

_اتنهدت مريم بضيق وراحت نامت علي السرير وهو ابتسم بخبث وراح نام جنبيها وقرب منها اووي وقال.. 

معتز 

مافيش مخدات هنا وانا متعود انام وانا حاضن حاجه.. 

مريم بقلق 

احضن نفسك ونام واتلم وخلي ام الليله دي تعدي علي خير.. 

معتز

احضن نفسي وانا متجوز عيب والله.. 

_كانت لسه هترد عليه بس البلب اتفتح فجاه ودخل اياد وهو زعلان وقال.. 

اياد 

انتي ليه خلتيني انام جنب فريده انا عايز انام جنبك انتي.. 

مريم 

ده انت جيت في وقتك تعالي يا حبيبي.. 

معتز بغيظ 

براحتك خااالص، بس في مره هتيجي ما حدش هينقذك مني..   

_اخدت اياد ونيمته وسطيهم وحضنته ونامت، فبصلها بهدوء وقال.. 

معتز 

يا ريتني ايااد.. 

ضحكت مريم وهو ابتسم وقال

اضحكي يا اختي اضحكي.. 

مريم

طيب بطل كلام عشان اياد ينام.. 

_سكت معتز وطلع موبيله وكتب رساله لحازم وقال ليه اللي حصل.. 

ــــــــــــــــــــــــــــــــــــــــــــــ 

_عند حازم اول ما قرأ رسالة معتز اتنمد بضيق وشال الموبيل ودخل عند عمر اللي كان قاعد علي الارض في الزنزانه بيبكي.. 

حازم 

ليه كده يا عمر، ليه عنلت كده في اختك وخليت امك تموت بحسرتها.. 

عمر بحزن 

نيره يا حازم خلي بالك منها، هي مالهاش اي ذنب في اللي حصل اما بامنك عليها.. 

حازم بحده 

فهمني الاول ليه تعمل كده في اختك، ايه اللي يحصل يوصلك انك تقتلها.. 

عمر 

اتخانقنا وعصبتني ما حستش بنفسي غير وانا بهمل كده فيها.. 

حازم

انا مش داخل عليا اي كلمه من اللي انت قولتها دي، بس اتمني تتكلم يمكن اقدر اساعدك.. 

عمر 

ومين قالك اني عايز اطلع من هنا، لو عايز تساعدني هاتلي اعدام واحد قتل اخته واتسبب في موت امه ما يستهلش يعيش.. 

حازم بحزن 

يا خساره يا عمر كنت شاب زي الفل الكل بيحلف باخلاقه، دمرت نفسك ودمرت اهلك معاك.. 

_سابه حازم ومشي رجع البيت بس طلع شقته اللي فوق شقة امه ونام هناك، بس كل باله في اللي حصل لخالته وولاده.. 

ــــــــــــــــــــــــــــــــــــــــــــــ 

_تاني يوم الصبح صحيت مريم وما كانش معتز جنبيها ونسيت اللي حصل بالليل وانه جه اصلاً، وراحت فتحت باب الحمام لقيت معتز في وشها فقفلت الباب بسرعه ولطمت علي وشها وقالت.. 

مريم 

يخرب بيت سنينك يا مريم، يالهوي علي الكسفه اللي انتي فيها يا مريم.. 

طلع معتز وقال ليها بخبث 

عامله فيها محترمه وبتفتحي عليا باب الحمام يا قليلة الادب.. 

اتملت عيون مريم دموع من كسوفها وقالت 

والله مش قصدي ااا انا بس كك.. 

قرب منها وقال 

ايه الكسوف ده كله اقسم بالله انا جوزك..

مريم 

انت عايز ايه علي الصبح بقي.. 

معتز 

وانا هعوز منك ايه، انتي اللي عايزه ايه؟.. 

مريم 

يووه بقي والله ما اقصد يا معتز انا نسيت اصلا انك بايت عندي هنا.. 

معتز 

لا لا مش مصدقك يا مريم انتي قاصده تعملي كده.. 

مريم بصعبيه 

هكون قاصده اعمل كده ليه يعني، معتز لم نفسك واتفضل شوف نفسك هتعمل ايه؟.. 

معتز

مش هعمل حاجه هستناكي تصحي اياد عشان نرجع بيتنا.. 

مريم 

عايز تاخد ابنك وتمشي اتفضل، انا مش هرجع عندك تاني خلاص بقي كده.. 

معتز 

هو ايه اللي خلاص بالظبط يا مريم؟.. 

مريم 

الفيلم اللي كنا عاملينه كفايه كده، ونطلق.. 

اتعصب معتز وقال ليها 

وانا مش هطلقك يا مريم، عايزه اعملك فرح تمام عايزه شبكه انزلي هاتي اللي نفسك فيه والشقه اختاري العفش اللي عايزااه انما طلاق مش هطلق.. 

مريم 

انت بتستهبل احنا بينا اتفااق.. 

معتز بحده 

في داهيه الاتفاق اللي اعرفه انك مراتي وطلاق مش هطلق.. 

_كانت هترد عليه بس لقيت اياد صحي وبيبصلهم بخوف، فراحت قعدت جنبيه وقالت بعصبيه.. 

مريم 

وانا والله العظيم يا معتز ما هرجع عندك تاني ابدا،وبراحتك بقي.. 

معتز 

هنشوف يا مريم.. 

_طلع ورزع الباب وراااه جامد، وهي فضلت تهدي في اياد اللي خاف من خنقاتهم، ودموعها نزلت علي وشهاا بحزن.. 

ــــــــــــــــــــــــــــــــــــــــــــــ 

_في شركة سيف كان واقف قدامه الراجل اللي ساعد معتز امبارح، وسيف ضربه بالقلم وقال بعصبيه... 

سيف 

هو انا باعتك ورااه عشان تساعده ولا عشان تجيبلي اخباره ابراهيم.. 

ابراهيم بخوف 

يا سيف بيه الراجل كان سايح في دمه وقولت اساعده.. 

سيف 

ما كنت سيبته يموت ولا يغور في داهيه.. 

ابراهيم 

انا اسف يا افندم.. 

سيف 

تغور تفضل ورااه وكل حركه يتحركها تكون عندي، فاهم ولا لا.. 

ابراهيم 

اوامرك يا افندم.. 

_طلع ابراهيم وسيف مسك صورة مريم اللي علي مكتبه وقال بنبره كلها تملك... 

سيف 

قريب اووي هرجعك لحضني تاني يا مريم... 

_طلع سيف من مكتبه وراح بيت معتز لانه عرف ان النهارده اجازته، ولما خبط فتحت ليه الفت وقالت.. 

الفت 

افندم حضرتك عايز مين؟.. 

سيف

معتز قوليلي سيف منصوري.. 

طلع معتز وقال بعصبيه

انت جاي بنفسك لحد هنا كمان،عايز ايه يالا.. 

سيف بخبث 

كلمتين لوحدنا.. 

معتز؟؟.. 

_تفتكروو سيف عايز معتز في ايه؟... 

ــــــــــــــــــــــــــــــــــــــــــــــ 

-         الفصل العاشر من هنا