 |
رواية العشق الممنوع الفصل الثاني والاربعون 42 بقلم مارلي ايهابالبارت الثاني و اربعين من رواية العشق الممنوع بقلم الكاتبة مارلي إيهاب .،.،.،..،.،.،.،.،..،.،.،.،.،.،..،.،. في المول كانت نور بتلف و بتشتري وكان يحمل عمر الشنط اللي بتجبها وفضلوا اكتر من تلت ساعات في المول عمر بزهق وضيق.. ما خلاص بقي انتي هتشتري المول كله انا زهقت نور بخوف.. في اية بس مش بجيب اللي محتاجه عمر بضيق.. كل ده محتاجه ايه معندكيش هدوم في بيتك ياستي انا مليش في شغل الستات ده بيخنقني بقالك تلات ساعات ندخل من ده نخرج من ده زهقتني نور بغيظ... ما انا قولتلك اقعد علي ما اخلص وانت اللي مردتش اعمل اية يعني عمر نظر لها بغضب... اتفضلي جيبي اللي انتي عايزه علي الله نخلص نور نظرت له بغل و دخلت محل مك اب وهو فضل واقف بره منتظرها نزل الشنط وطلع سجارة يشرب فيها علي ما تخلص ................ في الشركة كان ايهم يجلس بهدوء علي مكتبه و يتذكر حورية وعرف انها رجعت ولكن مقدرش يعرف تفاصيل تذكر ما قاله اكمل فلاش باك اكمل بضيق.. البت رجعت امبارح شاهندا بغضب.... مش هنخلص بقي لو رجعت تحوم حاولين ابني تاني انا هقتلها سامع هقتلها اكمل بغضب... مسمعش الكلمة دي تاني انتي سامعة مش عاوز اسمعها مش كل حاجه تقولي اقتل اقتل كفاية احمد كفاية شاهندا سكتت بغضب.. انا زهقت يا اكمل الناس دول مهددين حياتي وحياة ابني اكمل بهدوء... معتقدش انها ممكن تلف علي ايهم تاني وأنا اخترت ليه عروسة كويسة اوي وبنت ناس واتكلمت انا وابوها و اتفقنا ان الخطوبة تبقي مع كتب الكتاب شاهندا بفرح.... بجد يا اكمل اكمل بهدوء.. ايوه ومعادنا بكرة مع الناس شاهندا بفرح... ربنا يتتم علي خير اكمل بهدوء... يارب باك كان يجلس في الشركة وهو حزين والدته كانت قاصده قتل احمد ليس مجرد صدفة او حادث لا كان مدبر والان سوف يذهب اليوم لتقدم لفتاة أخرى لا يعرفها و لا تعرفه مجرد فتاه والده اخترها له يحس انه مجرد دمية بينهم لا يقدر علي قول شئ مجرد اله بتتحرك زي ما هما عاوزين مش زي ما هو عاوز حط ايده علي راسه وقال.... انا هعمل اللي هما عاوزينه و خلاص .،..،،..،.،.،.،..،.،.، في البيت كانت هدي تجلس مع انجي و تقول... الف سلامة عليكي يا بنتي عامله اية دلوقتي حورية بهدوء... الحمدلله هدي بضيق... زعلت اوي عليكي يا حورية ولاد الحرام كتير بس انتي غلطتي مش اي حد يقولك تعالي ابني كذه ولا كذه تروحي معه كان فين عقلك ورجعت قالت.... وياعالم عملوا فيكي اية هناك حورية نظرت لها بدموع وانجي ردت بحده... بنتي صاغ سليم يا هدي و بعدين انا قولتلك وهي بتهرب منهم خبطتها عربية ابة لازمته الكلام ده هدي بحزن.. واقسم بالله ما اقصد انا عايزة اطمن عليها ياختي وللهي متزعليش يا حبيبتي مقصدش حورية بدموع... ولا يهمك انا هدخل ارتاح شوية بعد اذنكم انجي بهدوء.. اجي اساعدك. حورية بدموع.. لا لا خليكي انا هروح لوحدي. انجي هزت راسها بحزن علي بنتها وحورية دخلت اوضتها هدي بحزن... ولله يا اختي ما كنت اقصد ازعلها ان كل اللي قولته كان من خوفي عليها متزعليش انجي بهدوء.. ولا يهمك يا هدي هدي بحزن... انا كنت عايزة اسألك علي حاجه انجي باستغراب... اية هي هدي بتوتر.... هو عمار و نور كانوا بيعملوا اية هنا اقصد يعرفوكي منين انجي اتنهدت... عمار وحورية اصدقاء في الكلية وكانوا صحاب في الشغل اللي كانت بتشتغله ده غير انهم بيحبوا بعض وهيتخطبوا قريب انا لما جيت الشركه مكنتش اعرف ان الاستاذ وجية ابو عمار معرفتش غير لما طلبت من عمار المساعدة هدي بصدمة...... انتي عايزه تقولي ان بنتك هتتجوز عمار ابن الملياردير وجية انجي بهدوء... هي مش هتتجوز ابن الملياردير هي هتتجوز الشخص اللي حبيته و قلبها اختاره حكاية الفلوس دي مش فارقة معانا في حاجة يا هدي هدي برتباك... ايوه طبعا انا عارفة يا انجي انا بس استغربت مش اكتر يلا انا لازم امشي علشان ورايا شغل كتير في البيت مع السلامه انجي بهدوء... مع السلامه ووصلتها لغاية الباب وهدي خرجت قفلت انجي الباب ودخلت عند حورية التي كانت تبكي. انجي قربت منها بسرعة وقالت... حرام عليكي اااي انتي بتعمليه في نفسك ده يا بنتي ليه كل ده. ارحمي نفسك حورية ببكي.... هدي مش هتبقي اول واحدة تفكر كدة كل اللي كان عارف اني مخطوفة هيقولوا نفس كلامها انجي حضنتها وقالت. بدموع... ملكيش دعوة بحد يا حورية اللي يقول يقول يا بنتي انتي قوية و متخليش كلمة تهزك ابدا نامي شوية العلاج اللي بتاخديه محتاج طاقة يا بنتي نامي يلا ارتاحي انجي نايمتها علي السرير وجلست بجانبها تطبط عليها وهي حزينة علي بنتها.. ............. اما عمار كان يجلس في المنزل وهو منتظر المساء بفارغ الصبر حتي يذهب ويري محبوبة قلبه التي سرقت النوم من عينيه و عقله فاق من سرحانه علي دخول اخته البيت مع عمر اللي باين عليه الضيق وحط الشنط علي الارض وقال بضيق... في اي حاجه تانية محتاجينها مني قبل ما امشي عمار بهدوء.. انت مروح البلد عمر بضيق... وجية بيه ادني اسبوع اجازة عمار هز راسه وقال... لا شكرا تقدر تروح انت عمر هز راسه وخرج بره الفيلا عمار لنور... طبعا قرفتيه في اللف في المحلات و بقالك اكتر من خمس ساعات اية بتشتري المول كله نور بضيق.. في اية بقي بجيب اللي ناقصني تعالي يلا ساعدني علشان اطلع الشنط الاوضة عمار بضيق... اتفضلي يا هانم واخد بعض الشنط وقال بتزمر... كل ده شنط اية يا بنتي نور نظرت له بضيق و سكتت و طلعت بعض الشنط وقالت للشغالة.... تعالي هاتي باقي الشنط ... حاضر يا هانم ............................ في البيت عند ايهم روح و جهز نفسه و اتشيك علشان اكمل ما يعلقش علي حاجه ونزل شاهندا بإبتسامة... زي القمر يا حبيبي ايهم ابتسم بهدوء.. شكرا اكمل... مهاب مش جاي شاهندا بهدوء.... هو تعبان مش هيقدر يجي تكمل بهدوء... تمام يلا كلهم خرجوا وركبوا العربية وذهبوا في طريقهم. حتي وصلوا بعد ربع ساعة وكان ايهم يمسك علبة شكولاته من النوع الفاخر اكمل خبط علي الباب وكالعادة تفتح الخادمة... اتفضلوا استاذ عصام في انتظاركم اكمل هز راسه بتكبر و دخل هو شاهندا وكان وراهم ايهم عصام بابتسامة... اهلا يا اكمل ازيك ازيك يا مدام اكمل بابتسامة... انا الحمدلله بخير انت عامل اية شاهندا بهدوء... الحمدلله بخير عصام... انا تمام اتفضلوا واقفين ليه ازيك. يا ايهم ايهم بهدوء ترك العلبة علي التربيزه و قال... الحمدلله يا انكل عصام بهدوء.. اتفضلوا اقعدوا تشربوا اية اكمل... ممكن قهوة مظبوطة عصام وحضرتك يامدام شاهندا بهدوء... ممكن عصير برتقال ايهم...... قهوة مظبوط عصام.. هاتي طلبتهم يا سعاد ... امرك يا فندم اكمل بهدوء... بصراحة يا عصام انا هدخل في الموضوع علي طول انا جاي اطلب ايد بنتك جني لابني ايهم عصام ابتسم... شرف ليا اني انسبك يا اكمل بس انا معنديش غير جني و مليش غيرها من بعد والدتها الله يرحمها وبصراحة لو ابنك فكر يزعل بنتي في يوم من الايام ساعتها هيكون في موقف شرس مني لان انا اللي يزعل بنتي بيكون زعلني انا و بعدين انا بنتي رقيقة جدا و اي حاجه حتي لو بنسبة ليك هايفة بنسبة لبنتي كبيرة علشان كدة لو ابنك قدر يحافظ علي بنتي و ميزعلهاش انا معنديش مانع في جوازهم واكيد في فترة خطوبة هيتعرفوا علي بعض اكتر و يفهموا بعض اكمل بهدوء...انا طبعا باكدلك ان جني بنتي زي ايهم بظبط و ابني ميقدرش يزعلها ابدا وهتبقي ملكة عندنا يا عصام وبعدين انا كنت عايز كتاب الكتاب مع الخطوبة عصام بقلق... بصراحة يا اكمل مش برجح الفكرة دي بقول ياخدوا علي بعض الاول اكمل ابتسم.... يعم ماتقلقش بنتك هتبقي في عينينا و بعدين ده كتب كتاب مش جواز متقلقش عصام بهدوء... طيب هسال جني الاول وهبقي ارد عليك شاهندا بابتسامة... طيب وهي فين عروستنا الجميلة علشان نشوفها و نتعرف عليها عصام بهدوء... هجيبها و اجي. بعد اذنكم اكمل بهدوء... اتفضل طلع عصام يجيب بنته و يجي وبعد مرور خمس دقايق نزل ومعه ابنته بهدوء وكانت بنت متوسطة الجمال وكانت لا تضع اي شئ من مساحيق التجميل و لكن هادية جدا ولبسها محتشم جدا تلبس دريس وسع لونه بينك و طرحة من نفس اللون ومتوسطة القامة عصام...... اعرفكم بنتي جني شاهندا اول ما شافته ابتسمت ابتسامة خفيفة و كانها مش عاجبها العروسة ولكن سكتت اكمل ابتسم... اهلا يا بنتي ازيك جني بصوت واطي... الحمدلله يا عمو عصام ابتسم.. اقعدي يا حبيبتي اكمل نظر بتحذير لشاهندا شاهندا ابتسمت غصب عنها وقالت.... ماشاء الله يا حبيتي زي القمر جني بخجل.... شكرا يا طنط شاهندا ابتسمت ابتسامة خفيفة تخفي ضيقها اكمل ابتسم... طيب مش نسيب العرسان يتعرفوا علي بعض اكتر عصام بهدوء... تمام هما ربع ساعة و هنيجي اتفضلوا قاموا كلهم و اكمل قبل ما يمشي نظر لابنه بتحذير وخرج كانت جني تنظر في الارض بخجل ايهم حاول يتكلم بهدوء... ازيك جني بخجل... الحمدلله ايهم بهدوء... انتب عندك كام سنه جني بهدوء... 20 ايهم ابتسم... حلو انا 22 اعرفك علي نفسي انا في كلية السن و بشتغل مع بابا في الشركة و معنديش صحاب اوي وبحب الخروجات والسفر وانتي جني ابتسمت بخجل.... انا في كلية فنون جميله وعندي معرض للرسم و بعرض فيه الرسومات بتاعتي و مليش صحاب بردوه خالص و حجيت مع بابا مرتين و مواظبة علي الصلاة والصوم و قراءة القران الكريم و بروح درس لحفظ القران الكريم. وانت مواظب علي صلاتك وصومك ايهم بهدوء... شوفي مش عايز اكدب عليكي جت عليا فترة قربت من ربنا اوي وبعدين. غصب عني بعدت عنه تاني و مش قادر ارجع ليه حاسس بحاجز بيمنعني اني اقرب بسبب الذنب اللي عملته جنب بابتسامة... اوعي تقول كدة احنا بشر و لازم نغلط مفيش حد معصوم عن الغلط الغلط بقي انك تعمل الغلط و تفضل مواظب عليه و تقول ربنا مش هيغفرلي لا ده الشيطان اللي بيحربك انت اي كانت الذنوب اللي عملتها اوعي في يوم تهمل صلاتك خليك دايما بتصلي مهما كانت الظروف قدامك مش مشجعة ايهم ابتسم... تعرفي انتي اول واحده احس انك هتاخديني لطريق الصح اوعدك اني هحاول بس مقولتليش موافقة عليا ولا لاء جني بخجل... الرد هيوصلك مع بابا ولسه هيتكلم دخل عصام وقال.. ها ياولاد اتفقوا ايهم ابتسم... انا اتفقت جدا لكن هي بقي قالت ردي هيوصلك مع بابا عصام ابتسم.. طيب اذا كان كدة هقولكم بليل قرارها اكمل ابتسم... طيب في انتظارك احنا هنمشي دلوقتي عصام... استنوا واتغدوا معانا اكمل بهدوء... معلش تتعوض الجايات كتير بس انا انهاردة ورايا حاجات كتير لازم اعملها عصام ابتسم... ربنا معاك اكمل ابتسم و سلموا علي بعض و اكمل اخد مراته و ابنه و مشيوا عصام قرب من بنته وقال... ها يا حبيبتي موافقة ولا لاء جني بهدوء... هصلي صلاة استخارة و بعدين هرد علي حضرتك عصام ابتسم... طيب ............... في البيت عند انجي كان يجلس و جية و عمار و نور مع حورية وانجي وجية بهدوء.. طبعا انا جاي اطلب ايد حورية لابني عمار انجي بهدوء..... بما ان الاتنين موافقين انا معنديش مانع وجية بهدوء... طيب انا كنت بقترح ناجل خطوة الخطوبة بتاعتهم لشهر ولا حاجه علشان الناس متتكلمش كتير عن حورية وخصوص انها لسه راجعة انجي ابتسمت لاهتمامه... دي حقيقة انا كنت هقول كدة وجية ابتسم... طيب طلبتكم اية انجي ابتسمت بهدوء.. انا معنديش طلبات انا كل اللي يهمني ان بنتي تبقي سعيدة في حياتها مش اكتر من كدة وانا واثقة ان عمار محترم وهيصون حورية عمار ابتسم.... طبعا يا طنط حورية دي في عنيا حورية اتكسفت انجي بهدوء... بس سؤال كنت عايزة اساله وجية.. اتفضلي انجي باستغراب.. هي والدة عمار مجتش ليه عمار اتوتر وجية بهدوء... هي. مسافرة مش موجودة حاليا انجي بستغراب.. وفي الخطوبه باذن الله هتيجي. وجية بهدوء.. ان شاء الله انجي كانت حاسة ان والدته مش موافقة علي الموضوع ده ولكن سكتت وجية.... مقولتوش. طلبتكم اية انجي بهدوء... انا قولت ميهمنيش غير سعادة بنتي وجية بهدوء... طيب الشبكة عمار اللي هيجبها لعروسته مليش دعوة بيها الشقة هما هيقعدوا معايا في البيت لكن لو حورية عايزه تقعد لوحدها مش. مهم هنجيب شقة ليهم هما الاتنين بنسبة للعفش والاجهزة كلهم عليا انجي بهدوء.. لا وجية نظر له بهدوء... هو اية لا انجي بهدوء... يعني الحاجه بنص شوفوا انتم هتجيبوا اية و احنا هنجيب اية انا مقبلش اني اجوز بنتي كدة وجية بهدوء... كدة ازاي انا دي هدية مني لحورية وعمار انجي بضيق.. اسفة بنتي انا امها وهجهزها زي اي ام بتجهز بنتها عمار بهدوء.. طيب ممكن دقيقة اقطع كلامكم بعد اذنكم لو اتفقنا انا وحورية نقعد في الفيلا مع بابا مش. هنحتاج نجيب عفش لان العفش عندنا بيتغير علي طول لكن لو جبنا شقة هنقسم العفش علينا احنا الاتنين وهي لو حبت تغير حاجة في الفيلا براحتها ولو عايزه عفش علي ذوقها زي ما هي عايزه انجي بهدوء.. طيب يا عمار عمار بابتسامة... نقراء الفتحة انجي ابتسمت..... نقراء الفتحة وابتدوا في قراءة الفتحة وبعد ما خلصوا عمار وقف نظر لحوريةبحب وقال... اخيرا عقبال كتب الكتاب يارب الشهر الجاي باذن الله كلهم ابتسموا و وافقوا علي راية هنا ينتهي البارت الفصل الثالث والاربعون من هنا |
بدل ماتدور وتبحث علي الروايات خليها علي تليفونك وحمل تطبيقنا
