رواية جريمة عشق الجزء الرابع الفصل السابع والثلاثون
قد يتغير كل شيء في أقل من ثانية، ليس لـشيء .. فقط لأن الله يريد، فلا تقل مستحيل ولا تُفكر في كيفية الفرَج فإن الله إذا أراد شيئًا هيّأ له أسبابه بشكلٍ لا يخطر على البال ..
" لا تدري لعلّ الله يحدث بعد ذلك أمرًا "
================================
بسم الله نبدأ.
أسم الكاتبة الحقيقي : شريهان ابراهيم.
الإسم الحركي للكاتبة : مريم نصار.
ف ألمانيا..ف مستشفى خاصه..
كامليا : قاعده ف اوضه مجهزه مع باباها ومامتها وهي مجبره ع وجودها ف ألمانيا.. ونفسها ف لمح البصر تكون ف مصر..عشان تاخد بتارها..!! ايوه هي شايفه إن ليها تار عند مريم العدوي..
او نصحح المعلومه ال بتقتلها حرفياً. مريم عزيز..!!! وشايفه إن مريم مالهاش اي حق انها تاخد تيم..وتسرقه منها.الموضوع بقى عند كامليا مرض نفسي مرض التملك والغيره والحقد..ال ف الآخر مبيدمرش غير صاحبه..واكيد ف يوم هينقلب السح'ر ع الساحر..
كامليا : مش قادره تتخطى القلم ال اخدته من تيم. صفعه قويه منه ليها..وصدمه قلبت الموازين بالنسبالها..كانت آخر حاجه تتخيلها إن تيم يتجوز ميرو..!!!
بتكلم نفسها بش'ر كبير وجواها كُ'ره العالم..وقالت..انت غلطت ياتيم..!!! غلطت لما فكرت إنك تتنق'م مني بالطريقه دي..انا مش قادره انسى وانت بتشدها ف حضنك..وصكت ع أسنانها..لأ وكمان عرفت الحقيقه وبتهددني..!!!
اعرف ياتيم انى مش هسيبك..ولا هسيبها..حتى لو هقت'لك..المهم متبقاش مع حد غيري.انا وبس..!!! أما مريم دي بقى هخليها تبوس ع رجلي عشان ارحمها من ال هعمله فيها..!!! ايوه هي تستاهل..انا قولتلها ابعدي..وهي ماسمعتش كلامي..يبقى تستاهل ال عملته فيها وال لسه هعمله..!! وبصت قدامها..وقالت بتوعد كبير...قريب اوي..قريب اووى هكون انا مكانك ياحرم تيم عزيز...!!!
------------------بقلمي مريم نصار.
عند فهد..
= : يوجد ضوء منبعث هيا لنتحرى الأمر وسنتق'لهم حتماً...
فهد : صك ع أسنانه بغ'ضب كبير..واتأكد من كلام آدم. وعرف أنهم اكيد العص'ابه ومراقبين المكان ومستنيين اى غلطه منهم..وقفل الكشاف..ووقف جمب الباب.ومستعد لله'جوم ف اى لحظه.. وأخيراً قلبه هيستريح..
لكن المفاجأة الغير متوقعه.. إن فهد فونه رن..والصمت احتل المكان....!!!!
صوت من الصاله.. هيا تقدمو يصدر الصوت من هذه الغرفه.. وعندما تجدوه اقتل'وه ع الفور. Автор: Меріам Насар
فهد : طلع الفون بسرعه من جيبه..وسمع كلام الشاب..وكنسل..وقفل الفون..ولانه حافظ البيت اتحرك بسرعه عكس الاتجاه..
الشقه كلها ضلمه ومفيش اى ضوء.
فهد : واقف وغمض عينيه بتركيز كبير..وبيعد الخطوات..وكانو حوالى اربع رجال..وواقف مستعد للهج'وم..
صوت قريب من الاوضه..وقال بهمس..احترسو نحن لانعلم كم يوجد ف هذا المكان. عندما ندخل الغرفه.فنطلق هذا ال'غاز..ونطلق بسلاح ناري كاتم للصوت..وانتبهو لانريد ايقاظ أحدا ف هذا المبنى لتجنب حدوث أمر ما...
فهد : عرف أنهم مس'لحين..وهو أعزل..لكن بتفكير. طلع مفاتيح الشقه بتاعته ال اتحرقت..وحدفها بعيد عن مساره..وعملت صوت..
الكل اتجه للصوت...
فهد : خرج بسرعه..وقبل ما يتجه للمطبخ..من غيظه اقسم انه يقتل'هم كلهم..ومشي بخفه سريعه وبتركيز كبير ف الخطوات..وخبط ف شاب. وقبل ما الشاب يتكلم.. فهد لف راس الشاب بسرعه. وما'ت ف نفس اللحظه..
لكن.. الشاب طبعا لما وقع ع الأرض عمل صوت آثر الوقعه..وده خلا الشباب تقلق وبدأو بإطلاق الرصا'ص عشوائي وجه ف الباب جب فهد مباشرة.. وشغلو الكشافات..
فهد : اتغاظ وبيقرب منهم لكن سمع صوت اشاره..وحد شده من دراعه بقوه..وخرجو بسرعه ع سلم السطح..
فهد : لف يشوف مين. وقال بدهشه.. مراد..!!!؟
مراد : بحزم. ايوه زف'ت ياسي فهد..انجز عشان نمشي من هنا وبعدين هشوف حل معاك..غبي..
فهد : بغضب..ايه يامراد..!!؟ احنا من امتى بنه'رب؟ انا لازم اقتلهم واحد واحد..لازم اطفي شويه من الن:'ار ال قايده ف قلبى..
مراد : سمع صوتهم ع السلم..وشد فهد بقوه.. وقال بغض'ب اكبر وحزم..ف فرق بين الهروب. والتخطيط يابن السيوفي..
ف فرق من انى اق'تل مجموعه صغيره ملهاش لازمه.. واني كدا اكون بحط عيلتى بأيدي ف خط'ر حقيقي..وف فرق من انى اخطط عشان اوصل للعقل المدبر..!!! ال تحت دول..مالهمش اى لازمه بالنسبالى لا أنا ولا انت..!!! انزل يافهد. انزل الله يهديك..
فهد : ضرب قبضة ايدو ف كف ايدو التانيه..بغيظ وحاسس أنه متكتف..ونزل.من غير ما يتكلم..
مراد : نزل وراه بسرعه..واخد فهد من طريق تاني..لحد ما وصل عربيته..
فهد : بجمود..الريس ف الشارع التاني...!!
مراد : سيبه هبعت حد يرجعه ع البيت..تعالى اركب..وفتح باب العربيه وركب..وقال أنجز يافهد اركب.مفيش وقت.
فهد : عينيه متعلقه ع العماره..ومخنوق وحاسس إن فرصة قتلهم ضاعت منه..وركب جمب مراد..
مراد : ساق بسرعه كبيره..عشان يبعد عن المنطقه
.ووصل لطريق هادى..وركن العربيه..وبص ل فهد ال متكلمش كلمه واحده من وقت ما اتحركو..وقال بعتاب..ليه يا فهد..!!؟
فهد : باصص قدامه بجمود..ليه ايه يامراد...!؟
مراد : ليه جيت ع هنا..؟وليه ماسمعتش كلام بابا.؟ احنا اتفقنا اننا نشتت انتباهم..انت كدا ممكن توقع نفسك ف قبضتهم يافهد...
فهد : زعق لاول مره ف مراد..يعنى عايزنى اعمل ايييه يامراااد..؟ عايزني اعمل ايييه واستنى ايه اكتر من كداااا؟
فجر'و عربيتى وعربيتك..وملقناش دليل واحد عليهم..وقولنا ممكن تكون غلطه.او صدفه..لكن دلوقتي حر'قو شقتى وشقتك..وكل حاجه ف وقت واحد...!!! وقت واحد يامراااد..هستنى ايه تااااانى؟ لما يأذو حد من عيلتى؟
مراد : زعق..وانت كنت راااايح تنت'قم يافهد؟ لأ انت كنت رايح تورط نفسك..ورايح أعزل من غير سلااااح..رايح تشوف إن كنت فعلا متراقب ولا لأ..ومع إنك عارف إن المكان متراقب وخ'طر ع اى حد فينا حاليا.. انا عارف إن كل حاجه حصلت ضد رغبتك ف اي حاجه..من اول حاد'ثة آرين لحد اجبارك انك تعيش ف بيت غير ال انت عشت عمرك فيه..!!!
وكمل بخنقه ووجع كبير.. انت ليه مفكر انى مش حاسس بيك يصحبي..؟ انا كمان زيك بالظبط..ويمكن اكتر..انا كمان شقتى اتحر'قت..وفيها زكريات..وزكريات حلوه وبس..كل لحظات سعادتى عشتها مع فريحه ف الشقه ال هما حرق: وها... حرقو كل ضحكه جوايا دمرو كل زكرى معاها ف البيت... وكل زكرى اجمل من ال قبلها..زكريات مفيهاش وجع ولا ألم ولا حتى فراق..كل ده اتحول ل رماد..
بس الفرق بينى وبينك انى ببص لنص الكوبايه المليان. فريحه ال كَونت معايا الزكريات دي موجوده معايا.. ونقدر نعمل زكريات غيرها واجمل كمان.. لأن فريحه هي أصل الذكرى..هي أصل السعاده واصل كل حاجه حلوه ف حياتى..مش الذكرى هي فريحه...!! لأ. (فريحه هي أساس الذكريات يافهد..) وانت كمان لازم تفكر بالطريقه دي..لارين معاك..ولادك ف حضنك..خلاص نحمد ربنا ونسجد طول الليل ونقول الف شكر ليك يارب إن عيلتي متصابتش بأي اذى..!!!
ولا ايه ياحوت المخابرات...!!!؟
فهد : غمض عينيه بتعب.. وقال بحزن..المشكله إن كلامك صح..!!! والمشكله الأكبر إن أنا كمان كلامي صح..!!! انا عارف إن لارين هي ال بتعمل لحياتي الذكريات. وبحمد ربنا إن عيلتى بخير..بس لما ذكرياتك تتبخر قدامك..ومن غير ما تعرف السبب ايه؟ انت هتتجنن..
لما امبارح يخط'فو منك جزء.؟.وانهردا يخط'فو جزء اكبر..هستنى لما بكره يخ'طفو حاجه اكبر؟ الموضوع مش موضوع زكريات وبس يامراد.. الموضوع خو'فنى.احنا ف خط'ر حقيقي يامراد.انا حقيقي خايف ع لارين.خايف ع آرين وآركان ..خايف ع فريحه وتالين..خايف ع العيله..ال موصلنى لقمة غ'ضبى انى كأني بحارب ف سراب..!!!
.والسراب ده عارف عننا كل كبيره وصغيره عارف بنخرج امتى وبنكون لوحدنا امتى..دمرو جماد بالنسبالهم وكمان بالنسبالنا..لكن الرعب الحقيقي من تفكيرهم ف ال جاي وأنهم يأذو حد من العيله.. ومش عارف الخطوه ال جايه ع مين....!!!!
مراد : من جواه مقتنع بكل كلام فهد.وجواه خوف مبهم من ال جاي..ومسح وشه بايديه ونفخ بحيره..ورفع ايدو ع كتف فهد...صدقنى يصحبى مسيرهم يغلطوا ويسيبو أي دليل وراهم. مفيش جري'مه كامله..وانا بنفسي هتكلم مع رعد يجيبلنا الكاميرات..وهندور ف سريه تامه علشان مصلحة العيله...هون ع نفسك علشان خاطر رينو حتى..!!!
فهد : هز راسه باستسلام..لكن قال.. أنت عرفت ازاي إني هناك..وجيت ازاي؟
مراد : بزعل..مكنش جايلى نوم.. وكنت ف الجنينه
.وشوفتك وانت بتاخد الريس.. وآدم ابنى سمع صوت الريس. وخرج ف التراس..وانا قولتله إنك ف شغل مهم واخدت الريس..وانا طبعا عارف انك متهور..وبتحب تاخد حقك اول بأول..قولت الحق الملم وراك الجث'ث.. ههههه انت قتل'ت حد ياض؟
فهد : هز راسه بخنقه..اممم..
مراد : بتريقه.. امممم.. هو ايه ال امممم..وانا بقولك ف عريس متقدملك؟هههههه متقول ياض قت'لت كام واحد...!!!
فهد : غصب عنه ابتسم..وقال واحد بس..!!!
مراد : شغل العربيه وكمل بتريقه..اخص عليا..قطعت عليك حفلة الق'تل..معلش تتعوض ف اول مأموريه ههههه. اضحك اضحك. ياض احنا ابطال الجمهورية وصعب يتعلم علينا..اقسملك لو كانو قادرين يوصلولنا مكنوش عملو حركات العيال دى..
فهد : ضحك وقال تفتكر..؟
مراد : ورحمة الخنف'سه الطاهره.. زيمبقولك كدا.. هههههههه..
فهد : ههههههههه. اطلع اطلع يخربيت دماغك..خلينا نروح..
مراد : اتحرك بالعربيه..وساق وطول الطريق يضحكو مع بعض كأن كل واحد فيهم بيهون ع التاني.. وأخيراً وصلو.. وفهد نزل ورايح ع بيته الجديد..
ومراد نزل.وطلع عند أساس الذكريات الجميله..واخد شاور وغير هدومه..ونام جمبها ورجع خصلة شعر ورا ودنها وباس جبينها بحب كبير واخدها ف حضنه..وابتسم انها ف حياته وغمض عينيه ونام وفريحته ف حضنه...
أما فهد..بعد ما اخد شاور..اتوضى وصلى ركعتين شكر لله..ودعا ف صلاته يحفظله عيلته من كل سوء..وخلص صلاه.. وفتح السلسله..وابتسم بحب كبير..ورفع عينيه ل رينو ال مفكر انها نايمه..
.لكن هي ف الحقيقه عامله نفسها نايمه
ومطمنتش غير لما فهد رجع ليها بخير..
فهد : قام وشال سجادة الصلاه..وراح قعد جمبها.بيتأمل ف ملامحها..وقال بصوت مسموع..(لارين و لاري ورينو هي أساس الذكريات الجميله) وابتسم برضا وراحه..وقرب منها وخطف بوسه رقيقه جدا.. وضمها لقلبه وف حضنه..وغمض عينيه...
رينو : مغمضه عينيها..وابتسمت بتنهيده جميله..ورفعت أيدها ع صدرو..ونامت بعمق ف بيتها الجديد..وف حضن امانها...!!!!!
------------------بقلمي مريم نصار.
تاني يوم الصبح.. فيلا عزيز..
الكل موجود ع الفطار..
يوسف : بياكل..وبص ل مصطفى..وقال بقولك يادرش..!!
مصطفى : بياكل..اؤمرني يا والدي..
يوسف : ضحك..تفطر وهتيجي معايا الشركه..
مصطفى : كح شركه..!!؟ ليه بس يابابا..؟
يوسف : بتعجب..هو ايه ال ليه؟ سيادتك ف الاجازه وعايزك تستغل الاجازه دي صح.. تيجي معايا الشركه وتاخد فكره عن ادارة المجموعه. عشان لما تتخرج إن شاء الله..تكون ع درايه كافيه من المعلومات.وتستلم شغلك مع كريم اخوك وانت مستريح...
مصطفى : ايوه ليه برضه..هاجي دلوقتي اعمل ايه؟
يوسف : بدهشه..انت يبنى مش ف كلية السن..!!!
مصطفى : اظن كدا..
كلهم ضحكو ..
يوسف : تظن كدا؟ مصطفى انا عايزك تركز بجد..انت مترجم لغات.يعنى عايزك زي عمك زين ماشاء الله مالى مركزه وحاجه تشرف ف تعليمه ومجاله..وكمان كان ف كلية السن زيك..
مصطفى : ايوه ايه العلاقه برضه...
مريم : هزت راسها بيأس..علاقة ايه يامصطفي ياحبيبى..؟ ف وفود بتروح الشركه ل باباك..واكيد بيحتاجو لمترجم..!!
مصطفى : اه
يوسف ومريم بصو لبعض بعدم فهم...
يوسف : هو ايه ال اه...؟
مصطفى : بغباء..ناوليني حتة لانشون الله يكرمك ياروما.. اه يابابا معاك..مالها الألسن؟
هنا : ههههه الواد ده بكاش..وصدقوني فاهم كل حاجه..بس لازم يتعبنا معاه..
مصطفى : بتمثيل البراءة..انا ياناناه..!! ليه كلكو ديما ظالمني وجايين عليا كدا...
أشرف : ضحك بصمت..وافتكر أخته رنا زمان.ونفس الأسلوب. ال ماشي عليه مصطفى..!!
يوسف : بتنهيده.. حبيبي يامصطفي.انت كل أجازه هتستلم شغل ف الشركه..لانك إن شاء الله هتكون نائب رئيس مجلس إدارة شركة عزيز ماشي يبنى.؟
مصطفى : ضحك بسخريه..هأ..كل ده عشان تشتريني ياباشا... انا عارف انى نابغه وزكائى خارق.. وأول ماتخرج نص شركات مصر هيتمنو بس انى اعدى من جمبها..مش اشتغل فيها وبس..
باشمهندس يوسف..!؟ ياريت تسيب الملف بتاعك بالشروط بتاعة الشركه..وكل متطلباتك..وانا هشوفه..ولو الشروط تتناسب مع وضعي الإجتماعي..ممكن أوافق وانزل الشغل..واعرف إن ده بس علشان خاطر رجل الأعمال المعروف. أشرف باشا عزيز.وصلة القرابه ال بينا..!!!
يوسف : تنح وفتح بوقه بعدم استيعاب..
هنا : بتضحك من قلبها...
أشرف : ضحك من قلبه.. وخصوصاً ع شكل يوسف..
يوسف : فاق من البلاها...وقال ولا..انت بشتغلنى يالا..؟
مصطفى : مط شفايفه امممم.. حاشا لله يابرو..
مريم : بغيظ..اااخ منك أنت..مش عارفه ليه لازم تتعبنا معاك..وهمست ف ودنه..نسيت القميص ع شورت البيت والشراب والجزمه..!؟ وكنت عاملى فيها الرجل الخارق ف مجال الأعمال..تعبت منك ياولد انت..
مصطفى : اله..جرا ايه يادكتوره..هو انتي مفكره الموضوع سهل كدا؟ انا بدرب نفسي ع مدير مجلس إدارة..مش نائب..!!!
وبعدين انزل شغل ازاى وانا معرفش مواعيدي ايه..ولا مرتبي وهقبض كام؟ الموضوع كبير يادكتوره مريم عزيز...
كلهم بصو لبعض بدهشه..
يوسف : ههههه ههههه تصدقى يامريم انا شكلى هبدء اصدقك إن الواد ده بتاع حوارات هههههه..
مصطفى : كشر عينيه ل مريم..بتوقعي بين الأب وضناه..؟انتى ومرات ابنك لي لي حبيبى بنت عمتو مش هتجيبوها لبر معايا...
مريم : ههههه يخرابي عليك يامصطفي..انت رهيب جدا..ربنا يهديك يبنى..
يوسف : قام وبيضحك. وقال..يلا بينا يامصطفي باشا..وهنشوف موضوع المرتب ده.. وكمان هنشوف حكاية مدير الإدارة ده. هههههههههههه..
مصطفى : قام..وغمز ل مريم..مش اى حد انا برضه.!!
------------------بقلمي مريم نصار.
ف شركة زياد جمال...
ياسين : ف المكتب مع زياد..وبص ف الساعه وكانت ١٠ وربع..ولسه همس موصلتش..
زياد : بيراجع شغل ف الملفات بتركيز...
ياسين : قام وتفكيرو مشغول..ف أنها اتأخرت...!!!
الباب خبط..
زياد : أدخل...
السكرتيره : دخلت صباح الخير مستر زياد...!!
زياد : صباح الخير..
السكرتيره :المهندسين المتخصصين موجودين ف قاعة الاجتماعات يافندم..تحب ابلغهم بوصول حضرتك..؟
ياسين : .......نفخ بنفاذ صبر...
زياد : بص ف الساعه..وهز راسه..تمام انتى اطلبي ليهم قهوه..وانا ١٠ دقايق وهكون موجود في القاعه..
السكرتيره : تحت امرك يافندم..وخرجت...
زياد : من غير ما يبص ل ياسين..قال..ايه هي رجعت ف كلامها ولا أيه؟
ياسين : بنفي.. لأ لأ.همس متحمسه جدا للمشروع ده..واكيد ف سبب لتأخيرها ده...
زياد : بشبح ابتسامه.. أمم.تمام قدامها ١٠ دقايق لو مجتش..؟يبقى هنأجل كل حاجه..
ياسين : هز راسه بحيره.. ال تشوفه حضرتك
.احم.بعد اذنك ثواني وراجع..
زياد : هز راسه بابتسامه.. اتفضل يا حضرة الظابط..
ياسين : خرج بسرعه..وطلع الفون..واتصل ع همس..!!
همس : ردت. بغيظ..الو..
ياسين : بقلق..الو ..همس انتى فين.؟ واتأخرتي ليه؟
همس : بزهق..هكون فين يعنى..انا متبهدله من الصبح ياياسين..بص انا هقفل دلوقتي.. علشان المجسم..
ياسين : كشر عينيه..متبهدله..؟همس انتى فين؟ قدامك ٥ دقايق والاجتماع يبدأ..
همس : بدموع خنقه..انا ف الشركه ي ياسين..ف مبنى ٩ وشايله المجسم لوحدي.وا........الو الو.. ياسين؟ ايه ده قفل ف وشي.!؟..اوووف هو اليوم باين من اوله..استغفر الله العظيم يارب..الله يسامحك ياعمو ربيع لازم تتعب انهردا يعنى؟.وحطت الفون ف الشنطه..وشالت المجسم بشويش..وماشيه ببطء وحظر شديد...
ياسين : قفل..وركب الاسناسير ونزل بسرعه.. لمبنى ٩ وبص ف الساعه.. ومسح ع شعرو..ومشي ف الطرقه يدور عليها..لكن وقف قدامه..وشاف واحده مش ظاهر منها حاجه غير المجسم وبس..وماشيه بشويش..ياسين اتوقع انها همس..وضحك ع شكلها..وقرب منها بسرعه..وقال..همس..
همس : من ورا المجسم..ايوه..ايوه يا ياسين انا هنا..!!
ياسين : كاتم الضحكه..وقرب منها. ايه ال انتى عاملاه ف نفسك ده؟وليه شايله المجسم لوحدك..هاتي واخدو منها وشاله..
همس : نفخت باريحيه..وبتظبط الحجاب والشنطه.. ااه ياربي ع البهدله..بجد ميرسي جدا يا ياسين..
ياسين : بضحكه..ولايهمك..بس قوليلى ليه جايه لوحدك؟وكمان ليه انتى ال شايله المجسم فين السواق؟
همس : نفخت بتعب..اسكت متفكرنيش..حتة يوم بجد مش عايزاه يتقرر.
ياسين : كشر عينيه..ياستار..ليه بس؟
همس : ركبت الاسناسير .وياسين واقف قصادها وهي بتتكلم بعفويه..نخلص بس من ام الاجتماع ده..وبعدين هقولك ع كل حاجه..
ياسين : هههه..نخلص من ايه ياهمس؟ ام الاجتماع؟هههههههه انتى مشكله..
همس : بتريقه. مشكله؟ربنا يحلها ياحظابط..بص متدققش معايا.. انا جعانه ع متوتره ع مخنوقه ع زهقانه ع قرفانه..اه وربنا..
ياسين : كل ده وانتى معايا؟
همس : رفعت عينيها بدقة قلب..وسكتت.....
ياسين : هرش ف قفاه...وبص بعيد بضحكه صافيه.. وهمس بضحك ام الاجتماع.. ههههه.
باب الاسناسير فتح..وخرجو..
ياسين : تعالى ياهمس..بابا ف انتظارك.وخبط ودخل.
همس : بلعت ريقها بتوتر..وحاسه انها عطشانه
.وخايفه من النتيجه..ودخلت ورا ياسين..
ياسين : بابا..الانسه همس وصلت..
همس : بتوتر..صباح الخير حضرتك..!!
زياد : بابتسامه..صباح الخير يا استاذه همس. وقام وقف..يلا بينا ع الاجتماع...!!!
ف نفس الوقت ف شقة فهد..Автор: Меріам Насар
رينو : فتحت عينيها.وبتتاوب.وبصت جمبها ع فهد
.لكن مش موجود..وكشرت عينيها..وبصت ف الساعه.وقالت يمكن ف الحمام..واتعدلت.. وضمت ركبها. بين ايديها.وسرحت ف شقتها ال اتحولت ل سراب..ورغم أنها زعلانه وحزينه..لكن كمان مبسوطه إنها وفهد وولادها بخير..واخدت نفس عميق واتنهدت برضا..وقالت الحمد لله ع العسر قبل اليسر..
وقامت بكسل..وخبطت ع باب الحمام..فهد..!! حبيبى انت جوه..؟
محدش رد عليها..وفتحت الباب ودخلت..ومش موجود..قالت..ممكن يكون نزل عند بابي..معقول؟ ودخلت الحمام تاخد شاور. وبعدها هتصلى وتنزل للعيله...
آركان و آرين ف المطبخ..قاعدين..
آركان : يابابا خلينى اساعدك ف اي حاجه..
فهد : طبعا صحي قبل نجمته..وحمد ربنا انها بخير وموجودة ف حياته. وقام بنشاط وحيوية وقرر انه يعملهم جو ظريف ف البيت الجديد ويبدأ ف حفر زكريات جديده وأجمل..ودخل اخد شاور وخرج وصلى..وراح ع المطبخ يجهز اجمل فطار لأجمل وأروع عيله صغيره ساكنه ف وريدو وقلبه..
فهد حاليا ..بيجهز الفطار.وقال ل آركان.. لأ انا قولت انا انهردا ال هعمل كل حاجه. بس ال نفسه ف حاجه معينه يقولى وانا اعملها..
آرين : قامت بمرح..وجريت وقفت جمبه..وقالت أنا يابابي عايزه حاجه...
فهد : بابتسامه.. آريني تتمنى وانا احققلها كل أحلامها..
آرين : سقفت بسعاده..واو ميرسي جدا يا اجمل بابي ف الدنيا بحبك اوى اوى..بص بقى حضرتك..انا عايزه افطر كورن فليكس اوكي.؟
فهد : ضحك.بس كدا.؟.حاضر ياحبيبتى..وانت يا آركان. عايز ايه؟
آركان : بهزار..ياحج احنا كنا فين وبقينا فين.هههه انا دايس ف كله..واى حاجه من حضرتك حلوه اوي..
فهد : ضحك..تسلم ياحبيب ابوك عموما انا عملت ليك البيض بالبسطرمه ال انت بتحبه
.ويلا بقى انا خلصت كل حاجه..هعمل بس كورن فليكس لحبيبة قلبى..وكدا كله يبقى تمام..
آرين : بسعاده..احنا ممكن نساعد حضرتك..ونجهز السفره انا و آركان اي رأيك؟
فهد : اممم فكره حلوه..يلا انتى واخوكي. طلعو كل حاجه..وانا هخلص وادخل اصحي نجمتى...
آرين : بتذمر..اااه يبقى فيها ساعه..عااااا لأ انا جعانه اوى اوى بقى...
آركان : بتريقه..عاااا ههههههه والله دى اكتر حاجه هتوحشنى ف الحربيه ههههه..وهمس بصوت واطي عشان فهد ..بت متخلفه..
فهد : سمعه..وسلم ع قفاه.. اوعا ف يوم تغلط ف اختك.حتى لو بهزار..انت اخوها وتوأمها..يعنى روحها ونصها التانى...
آركان : اااه.وحط ايدو ع قفاه..ليه بس كده ياحج.؟ دى آرين دي حبيبتى..هو انا قولت حاجه..؟
فهد : رفع حاجبه ف اشاره.. متحورش عليا..انا سمعتك..
آرين : كشرت عينيها بزعل طفولى..انت قولت عليا حاجه صح؟ ماشي يا آركان..ماااشي انا بقى هغير رأي ومش هجبلك الهديه ال انا كنت عايزه اجيبهالك عشان تفتكرني بيها وانت ف الكليه..انا مخصماك.
فهد : ابتسم..ع براءتها..
آركان : بتمثيل. يالهوي مين ال زعل قمر العيله؟ اخص عليا بجد..انا اقول عليكى حاجه.ايعقل؟طيب ورحمة اى طنط محصل.. ههههه.وحاوطها من كتفها..حد يزعل بنته يهبله. اء...قصدى يقلبى..يقلبى..ها كدا حلو؟ ناخد الهديه بقى؟
آرين : رفعت كتفها امممم..هفكر اوكي...!!!
آركان : خدي وقتك يقلبى..هو احنا كلنا كدا بربطة المعلم..عندنا كام آرين..هي واحده بس..
فهد : بيضحك بصمت.. وسابهم وراح لنجمته..
رينو : صلت الضحى..ولبست فستان من ال كانت سايباهم ف بيت العيله..وواقفه قدام المرايا بتلبس الحجاب..
فهد : خبط ودخل..وابتسم ع اجمل اشراقه بتنعش قلبه..وقال صباح الخير...!!
رينو : لفت ليه بابتسامة اشتياق لعشقها الابدي وقالت بحب كبير..صباح الخير ياحبيبى..
فهد : قرب منها..وسلم عليها وباسها من خدها..وقال نجمتى نامت كويس؟
رينو : ابتسمت..ف حضنك محستش بنفسي..نمت ع طول..
فهد : فك ليها الحجاب..بابتسامه. وبيرتب شعرها..وقال..قمر يا لاري..
رينو : ضحكت بسعاده..طول ما انت بتضحك ومبسوط..انا فعلا هكون قمر..خليك كدا ع طول يافهد..
فهد : لفها للمرايه..وضمها من الخلف.وحط دقنه ع كتفها..وقال فهد تحت امر نجمته..وانا انهرده محضرلك بورجرام هايل هيفاجأك.. هاا.. مستعده؟
رينو : بعدم فهم..خير ياحبيبى مستعده لايه؟
فهد : اسمعي ياروحي..انا جهزت اجمل فطار لأجمل عيله..وبعد الفطار..هاخدك انتى وتوأم قلبى..ونخرج..اول حاجه.هنروح المول..ونشتري كل حاجه احنا محتاجينها..من لبس لكل حاجه انتو تختاروها..وبعد كده..هنتغدا كلنا بره..وع البحر كمان.. ونجمتى الجميله لو نفسها تروح اي مكان تشاور بس..
رينو : قلبها دق بسعاده..لفرحة فهد..ولفت ليه.ورفعت ايديها ع صدرو.وقالت ايوه عايزه..
فهد : مسد ع خدها..عيونه..
رينو : بعد الغدا..نروح عند بابا طارق.نقضي معاهم وقت..ايه رايك..؟
فهد : خطف بوسه رقيقه..زي ما تحبي ياروحي..
آرين : خبطت بزهق. باااااابي .ماااااامي يلا بقى انا جعاااانه اوي ..
فهد ورينو ضحكو..
رينو : بابتسامه..يلا بينا عشان المجنونه دي مش هتسكت..
فهد : يلا بينا..وخرجو.. وقعدوا ع السفره..وكان فطار مميز لعيله مميزه..وقضو وقت جميل جدا..
بعد شويه ف فيلا العدوي . ف المكتب..
آدم : قاعد ومعاه رعد..وقال..
ها يارعد عملت ايه؟
رعد : كله تمام ياباشا..الرجاله مراقبه المكان من امبارح..وانا الصبح بدري روحت عند الشقتين.ومعايا رجالتى.وبالطريقه جبنا كل تسجيل الكاميرات من جميع الاتجاهات.. واتأكدت إن مفيش حد شك ف اى حاجه..ولا حد يعرف احنا مين ولا تبع مين..!!
آدم : جواه حزين..لكن قال بهدوء..تمام.
رعد : معلش ف سؤال ياباشا..انا يمكن مش قريب من حضرتك اوي. لكن انا حاسس إن سيادتك مضايق..
آدم : ابتسم..ومين قالك انك مش قريب منى يارعد.؟ مهما يعدي علينا من عمر.انت هتفضل دراعي اليمين وثقتى فيك كبيره جدا.. أنا بعتبرك زي ولادي انت وزياد.ولو انت مش قريب مني.!؟ مكنتش هكلفك بأي مهمه خاصه بيا انا وعيلتي...ومش عايز اسمع كلامك الخايب ده تاني..
رعد : بفخر..ربنا يبارك ف حضرتك ياباشا..وربنا يعلم قيمة حضرتك عندي انا والعيله ايه..؟
آدم : هز راسه..اخبار الولاد ايه؟ حمدالله ع سلامتهم..
رعد : بابتسامه..الله يسلمك ياباشا.. الحمدلله بخير..كان نفسي تشوف سفيان دلوقتي..ماشاء الله عليه..
آدم : اكيد لو ف نصيب إن شاء الله هنتقابل..هو سنه كام دلوقتي..؟
رعد : ضحك.رايح تالته ثانوي. بس ايه بقى.. ال يشوفه يقول ماشاء الله عليه رايح الجامعه.. الواد بقى اطول منى ههههه بحسه اخويا الكبير ههههه.
آدم : ابتسم.ماشاء الله. ربنا يحفظه.ثم انت يارعد اللهم بارك طول بعرض.يعنى اكيد طالع ليك..وبنوتك اكيد ف تانيه ثانوي صح؟
رعد : ايوه فعلا...وبعدها ابتسم بحب..باري..!؟ باري دي بقى لوحدها حكايه..مزيج من الهدوء والرقه..وكمان الشقاوه والعصبيه والنرفزه.ههههه بت مشكله..والله البيت من غيرهم فراغ..مالوش طعم. بس جدهم بقى وانا مقدرش اقول حاجه..لاني شايف إن روحه فيهم.ويهمه مصلحتهم..
آدم : معلش يارعد..جدهم متعلق بيهم لدرجه كبيره..وسرح ف ميرو..وقال انت متعرفش قد ايه إن اعز الولد ولد الولد..بنشوف ف احفادنا ثمرة تعبنا ف الحياه..الاحفاد يارعد دول عبق الزهره ال بتنعش قلبك.وتخليك مصدق انك عندك حيويه وتفائل ف الحياه.حاجه كدا زي اوكسير الحياه. وحبنا ليهم وخوفنا عليهم بيبقي اكبر من خوفنا ع أولادنا.. وأنت قولتلى قبل كده.ان جدهم متعلق بيهم.وعايز سفيان يبقى حاجه كبيره ف المستقبل..
رعد : ابتسم..فعلا عند سيادتك حق ف كل كلمه..وكمان جد سفيان..بيعتبر سفيان ابنه ال مخلفوش..وعايز يسلم سفيان كل حاجه..مع انى رفضت.وقولت انا حالي ميسور الحمدلله ومش محتاج..بس بقى هيلينا زعلت وكمان حمايا..وكانت مشكله كبيره..بس ف الآخر سكت. وقولت كل حاجه بأوان ويعالم بكره ف إيه؟
الباب خبط .ومراد دخل..صباح الخير..
آدم ورعد ..صباح الخير..
مراد : سلم ع رعد..اخبارك ايه يارعد؟
رعد : بخير الحمدلله يامراد باشا..
مراد : عيب عليك مش كل مره هفضل اقولك انت اخويا وصحبي..بلاش بقى باشا والكلام ده..
رعد : ضحك تمام زى ما تحب ياباشا. معلش بقى هتاخد وقتها..
مراد : ربت ع كتفه..اتفضل اقعد يارعد..
آدم : اتصلت ع فهد يامراد..!!؟
مراد : ايوه ياحج.ونازل حالا..
آدم : تمام..امسك يارعد شغل الفلاشه ع اللاب توب..
رعد : تحت امرك ياباشا.. واخد اللاب توب.وبيشغله..
فهد : نزل بسرعه.وجواه الف دعوه متكرره وهي يلاقي دليل للمجرمين..ووقتها مش هيرحمهم.. ووصل الفيلا..ودخل وخبط ع باب المكتب ودخل..صباح الخير..
كلهم : صباح الخير..
آدم : تعالى يافهد..
فهد : سلم ع آدم ورعد ومراد...وقعد وبيهز رجله بتوتر..
آدم ومراد ملاحظين توتره..
مراد : بهمس..اهدا ياحوت..ومسير كل حاجه تبان.
فهد : بنفس الهمس..هو عمي عرف انى روحت الشقه؟
مراد : لأ طبعا..انت عبيط..اقوله ويعلم عليك بعدها..!!
فهد : نفخ بخنقه...وبص ع رعد وبص ف الساعه..
رعد : شغل اللاب ووصل الفلاشه..وقال..اتفضلو. وضغط ع زر التشغيل..
فهد ومراد بيتفرجو بتركيز كبير جدا..
آدم : بيتفرج بهدوء..وعايز يعرف مين ال بيخطط لكل ده..!!؟ هو مستبعد رؤوف..لانه اجبن وأضعف من كدا..بس مفيش حاجه مستحيله..الزمن علمه يشك ف اى حد جواه بذرة شر.. وآدم بدء يقلق ع عيلته واحفادو..!!!
شركة زياد جمال..
ف قاعة الاجتماعات..
همس واقفه بتشرح المشروع بتاعها عن طريق المجسم قدام المتخصصين..وقلبها بيدق بسرعه من التوتر ورهبة الموقف..وبتحاول يكون عندها ثبات..لكن دى اول فرصه ليها ف إثبات نفسها ف مجال العمل وخصوصاً مشروع ضخم زي ده..ورغم ثقتها ف نفسها ومن نجاح مشروعها بشهادة الامبراطور..لكن لازم يكون عندها رهبه وخوف من النتيجه..
ياسين : قاعد مربع ايديه.. وعينيه ثابته عليها..وكان الداعم ليها..ولما همس تتلخبط..؟ ياسين يصلح ليها بطريقه لطيفه..
زياد : قاعد بيسمع ليها بتركيز..ولكن لفت انتباهه. طريقة ياسين تجاه همس.. وأنه مش عايزها تغلط أو تتوتر وبيساعدها ف الشرح..وراقب ياسين..من وقت للتاني وشاف تركيزو الشديد معاها.. وابتسم بتمني كبير.. إن ياسين يفوق من مرحلة ميرو .وتكون همس البنت ال تغير حياته للأفضل..وكمان زياد أعجب بشخصية همس..بنوته محترمه وجميله.ومهذبه وأسلوبها راقي مع أعضاء الاجتماع.. وعندها طموح وشغف رغم مستواها المادى والإجتماعي كبير..عايزه تنجح وتثبت نفسها...
همس : اخيرا خلصت شرح فكرتها..وايديها متلجه وبتترجف..
ياسين : حس بيها..وشاور ليها. تقعد..
همس : قعدت بسرعه.ونفخت بتوتر كبير..
زياد : بيتكلم مع المتخصصين..واتفقو أخيراً أنهم هيدرسو المشروع..والرد عليهم خلال فتره صغيره..
الإجتماع خلص.. والمتخصصين خرجوا..
زياد : بابتسامه.انسه همس احب اهنيكي ع شجاعتك وشرحك لمشروعك بسلاسه وكمان لذكائك ف تطور فكرة الكومبوند بالشكل الرائع ده...مبروك ياانسه همس..
همس : قامت وقفت. وضحكت بسعاده..انا بشكر حضرتك جدا.بجد.ومش عارفه من غير دعم حضرتك..انا كنت كملت شرح ازاى..بجد الموضوع مش سهل خالص..شكرا بجد..
زياد : بمكر..الداعم كان الكابتن..اشكري ياسو
.لانه كان مركز اكتر من المخصصين....بعد اذنكم عندى اجتماع تانى وضحك بصمت.وخرج..وساب الباب مفتوح..
ياسين : هرش ف قفاه..وابتسم وقال جواه..الحج طلع مش سهل برضه...
همس : اول ما زياد خرج..قعدت بسرعه.
واتنفست الصعداء.. وبعدها تنحت وفتحت بوقها بعدم فهم..وقالت جواها..هو عمو يقصد إيه؟
ياسين : قعد قصادها..وابتسم مبروك ياهمس..
همس : بحيره..الله يبارك فيك.مع انى كنت لخمه خالص وحاسه انى متلخبطه وكل الكلام هرب مني وكنت حاسه انى هيغمى عليا من التوتر.احم قولى يا ياسين هو انا شرحت كويس..احم يعنى حد فهم منى حاجه..
ياسين : ضحك..بصي ف الاول كنت حاجه كدا عامله زي شرح كيجي تو.. ههههه..وبصلها بجد ياهمس مش هزار..انتى كنتى تجنني..!!!
همس : ببلاها..هاا..!؟
ياسين : بتوتر..اء..قصدى شرحك..احم كان مبسط وسهل جدا..والكل فهم بسهوله.. وبعدين انا عايزك تكوني واثقه من إنك تجنني ف كل حاجه..!!
همس : قلبها دق بقوه..واتكسفت..احم ميرسي جدا يا ياسين..انت انهردا ساعدتنى اكتر من مره اتلخبط فيها..بجد شكرا جدا..
ياسين : نفسه يبص لعينيها بحريه..لكن اكتفى بوجودها..وقال ده واجبي ياهمس..انتى ناسيه انى وعدتك امبارح انى هكون جمبك..
همس : بإحساس غريب ومتلخبط وجميل ف نفس الوقت..ونفسها تعيش الحاله دى ديما..لكن حالياً لازم تخرج لأنه ماينفعش تقعد ف مكان لوحدهم اكتر من كدا..وقامت وقفت.احم ا.انا لازم امشي..عندى شغل ف شركة الصاوي..
ياسين : قام وقف..مش قبل ما نفطر مع بعض..وتحكيلى انتى اتأخرتي ليه.؟ وكمان جايه وشايله المجسم بنفسك ليه؟
همس : بحرج..هقولك بس من غير فطار.لاني كدا هتأخر ع شغلى..
ياسين : برفض.. آسف مش هينفع..حضرتك انا موجود هنا ف الشركه من الساعه ٩ الصبح ونزلت من غير فطار..ووالدتي زعلت جدا مني انى خرجت وانا جعان كدا..ف هتفطري معايه؟ ولا اتصل عليها ونزعل كلنا مع بعض..!؟
همس : ههههههه لأ خلاص نفطر. بس ياريت هنا ف الكافتيريا..
ياسين : وهو كذلك. إتفضلي..
همس : اخدت الشنطه..وخرجت.وجواها بصيص أمل جديد..وتمنى لأبعد الحدود.. إن ربنا يرزقها حب ياسين ف الحلال..
ياسين : خارج وماشي جمبها مع حفظ المسافه..وجواه اقنع نفسه إن همس مفتاح لضحكة قلبه..وبيتمنى انها تحبه وتكون حلاله قريباً..
نزلو الكافتيريا..وياسين طلب فطار..
ياسين : ها بقى قوليلى اتأخرتي ليه؟ مع إنك كنتى متحمسه جدا امبارح..
همس : فعلا انا متحمسه جدا.ونزلت جري قولت لبابي ومامي. وبابي قالى انه مسافر هو ومامي ف احتفال افتتاح معرض صور صاحبه وهيرجع بسرعه.وممكن يوصلنى قبل ما يسافر..انا قولتله لأ سافر حضرتك وانا هاخد عمو ربيع..واتفقت مع عمو ربيع انه يكون موجود قدامي اول مايصحى..ومن حماسي معرفتش انام كويس.. ولما صحيت الصبح.سلمت ع بابي وخرجو. وانا طلعت بسرعه جهزت نفسي. ونزلت.. وكان عمو ربيع لسه مجاش..اتصلت عليه..وطنط مراته قالت إنه تعبان بدور برد شديد..انا زعلت طبعا علشانه..انت متعرفش عمو ربيع بالنسبالى ايه؟..وكنت عايزه اروح اطمن عليه..لكن الوقت بيعدى..اخدت المجسم وخرجت.. سألت ع السواق..؟ الحارس قالى انه مع بابي..انا بقى ركبت عربيتى وجيت..وده سبب تأخيري..
ياسين : بتفهم تمام .بس كان ممكن جدا..تتصلى عليا وانا كنت جيت اخدتك. أظن مافيهاش حاجه.ده شغل ومواعيد..
همس : ابتسمت..معلش بقى مجاش ف بالى..وكمان مش عايزه اتعبك..
ياسين : يستي اتعبينى انتى بس..!!وملكيش دعوه.. ههههه انا مش ناسي شكلك وانتى ماشيه شايله مجسم اكبر منك مرتين هههه.
همس : بغيظ..اه شمتان فيا طبعاً..وانا كنت شبه القزم ال شايل سبت الفاكهه فوق دماغه..ووقع ع بوزو..
ياسين : ههههه لأ لأ ماتقوليش ع نفسك كدا..المهم بقى. انتى كنتى عايزه تطمنى ع عمو ربيع؟
همس : بزعل..ياريت بس بعد الشغل بقى..!!
ياسين : بصي مبدأيا كدا انتى انهردا اجازه اوكي..
همس : كشرت عينيها بعدم فهم.اجازه. إزاي؟
ياسين : طلع الفون.وشاورلها عليه..وقال اجازه كدا..انا هتصل ع الاستاذه ساره الصاوي..وهاخدلك منها اجازه انهردا..
همس : قلبها فرحان..لكن قالت لأ لأ مش هينفع..انا عندى شغل كتير جدا..
ياسين : يابنتى اسمعى كلامى.. أولا انتى قولتي إنك مانمتيش كويس امبارح..وكمان عمك تعبان..يبقى انا هاخدك ونروح نطمن عليه.. وبعدها اوصلك لحد البيت..وتنامى لان وشك مرهق اوكي..
همس :فرحت جدا باهتمام ياسين..وابتسمت برقه..وقلبها بيدق بإحساس اجمل..وحبها لياسين بان ف نظرة عينيها ليه..
ياسين : غصب عنه عينيه اتقابلت ف عينيها. وقلبهم بدأ ف اعتراف ميراث عشق جديد ومشاعرو اجمل من قبل.. وقال بهمس..موافقه..؟
همس : بدقة قلب..موافقه..
------------------بقلمي مريم نصار.
فيلا العدوي...
مراد وفهد اتفرجو ع الفيديوهات اكتر من مره..ومفيش دليل واحد..وحصل تشويش ف الكاميرات وقت الحري'ق..وده بيأكد أنهم عصابه محتر'فه..!!
رعد : قال..وكمان ف حاجه مهمه حصلت قبل الفجر.من خلال مراقبة رجالتى للمكان.. شافو ٣ ملث'مين نازلين من باب العماره الخلفي..وشايلين كيس اسود كبير.وبعدها نور المنقطه كلها انطفى وكان الليل عتمه..وفجاءه سمعو صوت عربيه..وف ثواني الكهربا رجعت تاني..ومفيش اى أثر للرجاله المل'ثمين ولا وجود للعربيه...
مراد : غمض عينيه بتفكير..وقال جواه..ده اكيد الراجل ال فهد ق'تله..وهيخفو الج'ثه عشان يح'رقو أي دليل يوصلنا ليهم..
فهد : قام وقف بغ'ضب..يعنى ايه؟ هفضل كده اخمن واقول ياترى هما مين؟ ازاى مفيش دليل واحد عليهم..ازااااي؟
آدم : ...............!!!
مراد : بنفس الغ'ضب..مش عارف..!! انا اول مره افشل ف حل قضيه..انا مش عارف افكر..ده شغلهم ولا شغل المخابرات..!!!
فهد : كشر عينيه للحظه..مخابرات..!!!؟ وفتح عينيه بصدمه كبيره..وبص ل مراد وهمس.. وليد الشامي..!!!
مراد : قام وقف..وفتح عينيه بصدمه اكبر..معقول يكون هوا..!!؟
ف الجنينه...
آدم مراد : بيمارس رياضة الجري..
رينو و آرين ..داخلين الفيلا..
آرين : هو بابي هيتأخر اكتر من كده يامامي؟
رينو : بابتسامه..حبيبتى بابي مع جدك وخالك مراد واكيد بيتكلمو ف حاجه مهمه.. آرين انا عايزه منك انك تكوني صبوره اكتر من كده..
آرين : كشرت عينيها بطفوليه..ع فكره بقى انا صابره اهو اكتر من ربع ساعه..يعنى ١٥ دقيقه.. يعنى ٩٠٠ ثانيه.. يامامي انا عديت الصبر بمراحل..وعايزانى اصبر اكتر من كده..!!!؟
رينو : ههههههه لأ فعلا اقنعتيني إنك بنوته صبوره. بتحسبى الصبر بالثانيه يا آرين.؟ههههه
آرين : بمرح..طبعا يامامي..بابي وعدنى إني هشتري لبس كتير جدا وكل حاجه انا عايزاها.وكمان هنتغدا كلنا مع بعض.وهنروح عند بابا طارق القمر.يبقى ليه بقى مستعجلش؟
رينو : ابتسمت.عندك حق. من زمان مخرجناش مع بعض..انا هدخل اسلم ع مامي..هتيجي معايه؟
آرين : هتقول ايوه..لكن شافت الديزل..وقلبها دق..وقالت أحم..ا.انا هشوف تالين عشان اقولها. إننا هنخرج.وبعد كدا هدخل اسلم ع كل العيله..
رينو : مسدت ع خدها بحنان..وماله يقلبى.بس خلى بالك متروحيش عند ماكس اوكي..!؟
آرين : حاضر يامامي..
رينو : اتحركت..ودخلت جوه الفيلا..
آرين : اتوترت ومكسوفه انها تروح لحد عندو.. وبتكلم نفسها...تؤ طيب اعمل انى مش واخده بالي ولا شايفاه.نو نو نو كدا غلط يا آري..بتكدبي كدا..تؤ بس انا عايزه اكلمه.. أسبوعين ماشوفتوش..يوووه انا هروح وخلاص..اوووف لأ لأ عيب مش هينفع.. تؤ يووه بقى...وبصت عليه ومالقتوش..وزعلت يووه هو راح فين بس...!!!
آدم مراد : من وراها..انا جمبك وحواليكي.
آرين : شهقت بخضه وفرحه ودقة قلب. وكل حاجه حلوه..ولفت بلهفه وضحكة اشتياق خطفت قلب الديزل..وهمست ببراءه..المرعب..احم قصدى آدم..!!!
آدم مراد : اشتياقه ليها..خلاه ميعلقش ع اللقب ال حبه من ضي آدم وبيضحك عليه لما يفكر فيها.. وقال صباح الخير..!!
آرين : وشها احمر مع برائتها وطفوليتها ولون عيونها ف انعكاس الشمس.. وكأنها حوريه.فرضت بأمر لعنة ميراث العشق ف منتصف القلب..قلب ال آدم..وقالت بتوتر ممزوج بفرحه لانها شافته أخيرا..صباح الخير يا آدم..!!
آدم مراد : ف اللحظه دي..كان نفسه يخطفها قدام كل العيله ويعلن عشقه ليها هي وبس... هي وبس ال ليها حق فيه مش حد تاني..واتنهد..عامله ايه يا آرين..؟
آرين : بسعاده..انا كويسه جدا..ومبسووووطه اوى اوى يا آدم..
آدم مراد : ابتسم..اكيد عشان هتعيشي ف مملكة العدوي..!!
آرين : شهقت وحطت ايدها ع بوقها..ايييه دا؟ وكشرت عينيها بغيظ طفولي...تالين ال قالتلك صح...!!؟
آدم مراد : بابتسامه.. لأ. ماما ال قالت..وكمل بمكر..ليه ف حاجه؟
آرين : همست من بين أسنانها بغيظ.. خلاص حاجة ايه بقى؟..ماخلاص انت عرفت..اوووف بقى.. كان نفسي انا اقولك..
آدم مراد : رفع حاجبه بمكر..بتقولى ايه يا آري؟
آرين : بقمصه..مقولتش حاجه..انت سمعتنى بقول حاجه؟
آدم مراد : ههههه.لا بس انتى مضايقه ليه؟
آرين : بعفويه..مضايقه جدا كمان..عشان أنا ال كنت عايزه اقولك الخبر ده..كنت عايزه اشوف رد فعلك لما تعرف..بس خلاص بقى..
آدم مراد : اممم. عموما يا آري.رد فعلى انى فرحت جدا بالخبر ده..
آرين : بفرحه..بجد..!؟ بجد فرحت يا آدم..!!!
آدم مراد : بص ف عينيها..بجد يا ضي آدم..
آرين : قلبها فرح جداً..وكانت مشتاقه للقبها ال بينعش قلبها...
آدم مراد : ابتسم.. طبعا من دلوقتي يومك كله هيكون هنا..!!
آرين : بمرح..yas لكن انهردا... لأ..
آدم مراد : كشر عينيه..ليه؟
آرين : بعفويه ..اصل بابي هياخدنى انا ومامي و آركان. المول. وقالي أشتري فستانين زي ما انتى عايزه..وكمان هنتغدا ع البحر..ونروح عند بابا طارق. واو بجد يوم جميل اوى..
. آدم مراد : صك ع أسنانه بغيره..مول وفساتين..!!؟
آرين : خافت انه يقول لأ..وعيطت بطفوليه.. عااااااا لأ بقى كدا حرام عليك والله..انا عايزه أخرج مع بااابي.. عااااااا..عايزه اجيب لبس جديد عااااااااااا..
آدم مراد : غمض عينيه بيأس من تصرفاتها.. وقال بتحذير..وطي صوتك..
آرين : حطت ايدها ع بوقها. وسكتت خالص.وهزت راسها اوكي..
آدم مراد : مسح وشه بايديه ونفخ بخنقه كبيره..وقال اسمعي.. اى فستان تختاريه يكون واسع وطويل. وكمان مش عايز اشوفك ف اللون الأصفر ده..ولا تشتري حتى حجاب باللون ده..فاهمه..
آرين : بغباء..اسمه مستردا..يا استاذ يامرعب احم..
آدم مراد : قبض ع ايديه بغضب.. انتى قولتى ايه؟
آرين : عااااااا ياماماعع..انت هتاكلني ولا ايه؟ خلاص بقى هعيط بجد..
آدم مراد : بتحذير شديد اللهجه. صدقينى لو مسمعتيش كلامي..وجبتى اللون ده وقتها ماتلوميش غير نفسك..
آرين : صكت ع أسنانها بغيظ كبير.. وبعدين بقى. انت كل شويه هتتحول..ماتثبت ع شخصيه..لخبطني معاك..
آدم مراد : قرب من وشها اوي وقال بتحذير..اتمنى ماتشوفيش وش الديزل الحقيقي يا آرين. اسمعى الكلام واعقلي..
آرين : رجعت خطوه لورا..وشهقت..وبلعت ريقها بصعوبه. خلاص خلاص مش عايزه اصلا اللون ده. هجيب لون فوحلقي..
آدم مراد : كشر عينيه وقال هتجيبى ايه؟
آرين : بمكر. لون فوحلقي..خليط من الاسود والأسود الداكن.. والأسود الغامق..بص عباره عن كتلة سواد كدا..ها استريحت؟
آدم مراد : بشبح ابتسامه..اممم كدا تمام.. ولمح مراد وفهد خارجين من باب الفيلا..وقال ادخلى جوه..
آرين : لسه هتتكلم..وكان اختفى من قدامها..وقالت بغيظ..عم الخفاش ده ال بيظهر ويختفي ده...اوووف..
فهد : وبعدين يامراد...؟
مراد : ياعم خلاص قولتلك متقلقش انت. انا يومين يالكتير.. هجيب كل اخبار وليد..واشوفه خرج ولا لأ..وهل ف جهه هو مشغلها لنفسه..ولا دي كلها احتمالات من عندنا..
فهد : هز راسه.. وسكت...
مراد : يبنى فك بقى. وإن شاء الله..هنقضى عليهم..فوق كدا. انت مش قولت انك خارج مع عيلتك؟
فهد : هز راسه.. ايوه المفروض نخرج دلوقتي..!!
مراد : طيب يلا اتكل بقى..وانا آخر اليوم هجيب فريحه وتوتا ونروحلك عند طارق..ونقعد كلنا مع بعض.. اشطا..!؟
فهد : ماشي.. وبصله..مراد انا عايز اخلص من الكابوس ده بسرعه..
مراد. : يبنى قولتلك متقلقش..ويلا خد مراتك وولادك واتكل...هو رعد فين..!؟
فهد : عمي قاله أنه عايزو ف موضوع مهم..!!
ف المكتب..
آدم : فهمت هتعمل ايه يارعد..!!
رعد : طبعا ياباشا..هنفذ كل حاجه سيادتك أمرت بيها..لكن مراد وفهد باشا. مش المفروض يعرفو...!؟
آدم : بص قدامه..بهدوء ما قبل العاصفه...مراد وفهد هيعرفو ف الوقت المناسب يارعد...!!!
بعد شويه ف الجنينه...
آدم مراد : خارج من البيسين..وشاف فهد واخد عيلته وخارج بالعربيه. وكان نفسه هو ال يختار كل حاجه ل آرين بنفسه ويكون موجود معاها لكن الصبر...ورجع شعرو المبلول. وفونه رن. وشاف المتصل..ورفع حاجبه..ورد..ها طمني...!!
# : تمام ياباشا.. آخر الأخبار إن ف تذكره هتتحجز ع مصر خلال الاربع ايام ال جايين ياباشا..!!!
آدم مراد : بتفكير.. احجزلى تلات تذاكر سفر .تذكره رايحه ع دهب.. والتذاكر التانيه رايحه ع هناك..
# : تحت امرك ياباشا..
آدم مراد : قفل. وصك ع اسنانه بغ'ضب واضح..وقال بنبره كلها كُره وغل..كلها تلات تيام والكل هيدفع التمن غالى اوى...!!!!
------------------بقلمي مريم نصار.
عدا يوم كمان..
فيلا رؤوف الجبالى...
رؤوف : ف مكان أشبه بالقاعه..وقاعد متمركز بثقه..وقال..ايوه ياشاهين كمل سكت ليه؟
شاهين : ياباشا انا سكت لأن مفيش حاجه اقولها سيادتك مش قادر تقتنع.. إن خطفهم ف الوقت ده مستحيل...!!!
رؤوف : خبط بايديه ع تربيزة الإجتماعات..وزعق. انت هتستهبل ياشاهين. منا فهمتك كل حاجه..وقولتلك إن ف جهه أعلا منى. والجهه دي أمرت إن اخر الاسبوع فريحه وبنتها يكونو عندهم.. وإلا فيها رقبتنا كلنا ياشاهين. انت والحيوان عاشور..
عاشور : ياباشا انا تحت امرك..انت اؤمرني وانا انفذ..
شاهين : بتفكير..تمام ياباشا..فاضل تلات ايام ع اخر الأسبوع..يمكن نلاقي طريقه نجيبهم للجهه..بس. يعنى انا اضمن حقي ازاي..!!؟
رؤوف : بضجر.. أنت مابتشبعش..!؟ عموماً وقت التنفيذ ليك شيك ب٢ مليون ها مبسوط كدا ياشاهين؟
شاهين : ابتسم بسعاده.. إلا مبسوط ياباشا..دا انا خدامك يازعيم...
رؤوف : ابتسم.وهز راسه. اممم بس وريني شطارتك..
فون رؤوف رن..وكان رشوان...!!!!
رؤوف : بلع ريقه بتوتر..ورد.بتلعثم..اء..الوو.
رشوان : بخبث الوو..
رؤوف : اؤمرني يازعيم..
رشوان : فريحه بكره تكون عندى..!!!
رؤوف : فتح عينيه بصدمه..ايه؟ بكره..!!!
رشوان : بخبث اكبر.. والساعه ٤ تكون قدام عينيا..هي وبنتها فاهم يا رؤوف؟ ولا انت مستغني عن رقبتك انت وابنك...!!! Автор: Меріам Насар
------------------بقلمي مريم نصار.
فيلا العدوي..
.الكل بيفطر ف الجنينه..
زين : إن شاء الله ياحج بكره حضرتك تشرفنا ف الشركه.
آدم : ليه يازين؟
زين : ابتسم..بصراحه العمال نفسهم يشوفو حضرتك..وامبارح كلهم بالإجماع..طلبو طلب جماهيرى.انهم من زمان ماشافوش الامبراطور.. وعايزينك تشرف وتنور الشركه من تانى..!!!
آدم : بص ف تاريخ الساعه..وقال طيب ما تأجلها. كلها شهر وكام يوم ونحتفل بالذكرى السنويه للشركه الأم..
زين : بحيره..احم..بصراحه بقى. العمال عاملين حفله لحضرتك.. وأكدوا عليا انى ماقولكش.. لأنك واحشهم جدآ. ها بقى قولت ايه ياحج..!!
آدم : هز راسه.. وقال بهدوء..تمام..الساعه ٢ هكون هناك إن شاء الله...
تاني يوم
آدم : بعد ما حضر الاحتفال..خارج من الشركه وهارون فتحله باب العربيه. وركب. وهارون ركب قدام.. والسواق اتحرك.. وراجع ع مملكة العدوي..
ف الطريق..الساعه ٤ بالظبط. فون آدم العدوي رن. وكان رقم برايڤت..
آدم : رد بهدوء. ايوه...!!!
رشوان : بشماته وفرحه كبيره..اهلا اهلا..بالامبراطور..
آدم : كشر عينيه بتركيز كبير..وقال مين..!؟
رشوان : بص لفريحه وتالين ال مربوطين قدامه وف قلب كيس قماش كبير.وفاقدين الوعي.. وقال بنصر..انا حبل فقرك يا آدم ياعدوي..انا ال هرجعك تاني زى ماكنت حتة مقدم ع المعاش محلتوش إلا شقته...
آدم : ...........!!!!
رشوان : خبط العكاز ف الأرض بغ'ضب..وقال بأمر..!!! ثروتك كلها..قصاد سلامة مرات ابنك وحفيدتك يا آدم باشا...!!!! -----
