رواية تخطي حدود العشق الفصل التاسع عشر 19 بقلم يارا عبدالعزيز

رواية تخطي حدود العشق الفصل التاسع عشر 19 بقلم يارا عبدالعزيز 

بصتله بصدمة شديدة حسيت انها بتحلم من شدة صدمتها و انها فعلا مش مصدقة انه رمى عليها يمين الطلاق

شروق بصدمة:- أسر انت بتهزر صح انا عملت ايه لكل دا طيب

أسر بغضب :- مشتي في دور الاهتمام بيا خليتيني اجيلك و اخـ..ون مراتي و جاية تقولي انا معملتش حاجه لولا اني اتجوزتك كانت عمرها ما هتفكر تطلب الطلاق

شروق بدموع و وجع شديد في قلبها حسيت انها مخنوقة جدا من كلامه 

:- لدرجة دي بتحبها طب ما كنت خليتك معاها انت اللي جتلي و قولتلي ان جوزاكم على الورق و انا في خلال سنة هتكون مطلقها

أسر بعصبية وصوت عالى:- بقولك ايه مش عايز وجع دماغ و كلام في الفاضي انا مبقتش حتى طايق اشوف وشك ورقة طلاقك هتوصلك في اقرب وقت و عتبة الشركة مش عايزك جتى تقربي منها انتي فاهمة

قال كلامه و هو بيرمـ..يها على السرير بغضب خرج من الشقة و ركب عربيته و طلع بيها

عمر خرج من الحمام لاقى ملك نايمة على السرير أو عاملة نفسها نايمة عرف كدا اما حس ببربشة عينيها و ابتسامتها

ابتسم بحب و راح عندها لاقى اللحاف مشدود من عليها قرب عشان يغطيها ملك بدأت تحس بأنفاسه و بقربه الشديد منها اتوترت بشدة و فتحت عينيها بعدت بخجل 

ملك :- ايه

استغفر الله العظيم الذي لا اله الا هو الحي القيوم و اتوب اليه 🤎

عمر بحنية :- متخافيش بغطيكي بس

ملك :- هو انت هتنام فين 

عمر :- مش عايزة انام جانبك لو مش عايزة هنام على الكنبة مفيش مشكلة

ملك :- لا عادي نامي على السرير انا عندي ثقة فيك

عمر :- و الله بدليل انك عملتي نفسك نايمة صح 

ملك:- اممممم

عمر :- يمكن تكوني فكرتيني اتغيرت اما سافرت بس انا لسه زي ما انا يا ملك عمر اللي بيخاف عليكي حتى من نفسه

ملك :- شكراً

عمر :- يلا نامي

طفى مور الاباجورة و نام جانبها و هو سايب مسافة ما بينهم عشان ميخوفهاش برغم من انه كان نفسه يحضـ..نها بقوة و يطلعلها كل مشاعره بس فضل انه ميعملش كدا الا اما تاخد عليه الاول 

فضلت ملك تتقلب كتير على السرير و هي مش عارفه تنام من كتر التفكير

عمر :- خلاص بقى يا ملك عايز انام

قامت و قعدت جانبه و هو لسه فارد جسمه 

ملك :- ابيه 

عمر : هممممم

ملك : هو انت اتجبـ..رت عليا صح عشان بابا

قام اتعدل و قعد قدامها مسك ايديها بحب و اتكلم بحنية و هدوء :- بصي يا ملك انا عارف كويس اوي اللي انتي بتمريه بقى و عارف الأفكار اللي بدور في دماغك و عارف برضوا انك فقدتي الثقة في الكل و خصوصا ثقة في نفسك بسبب الظروف اللي اتحطيت فيها بس انا بقى عايز اقولك شوفي نفسك بعيني هتلاقي نفسك احلى واحدة في البنات اللي حسسوكي بدا انتي عارفهم كويس و عارفة اصلا ان تصرفاتهم مش تصرفات ناس طبيعيين هم اللي مش حلوين يا ملك لكن انتي و الله اجمل و اطيب حد انا عرفته و الله ما تزعلي و فكري في اللي جاي و سيبك من الماضي كانت دروس اتعلمتي منها و كل اللي مريتي بيه دا كان تكفير ذنوب يعني طلعتي مستفادة و هم اللي خسروا و عايز اقولك اني بجوازي بيكي انا كسبت اكبر جايزة ممكن اكسبها في حياتي كلها

لاقيت عيونها بدأت تدمع من كلامه محستش بنفسها غير و هي بتدخل جوا حضنه ، قلبه اتنفض مرة واحدة من حركتها و شدد من مسكته عليها و هو حابس كمية مشاعر جواه رهيبة و مش عارفه يطلعلها ، حاسة انها محتاجه تاخد على الاول ، طلعت من حضنه بخجل شديد من نفسها

اللهم صل وسلم وبارك على سيدنا محمد وعلى اله وصحبه اجمعين 🤎

عمر :- هتنامي 

ملك:- مش عايزة

عمر :- تيجي ننزل تحت نعمل اكل و ناكل انا و انتي ايه رايك

ملك :- مش بعرف اعمل اكل 

عمر :- هعمله انا

ملك :- ماشي 

نزلوا مع بعض المطبخ ، عمر شد لملك كرسي السفرة قعدت عليه ، بدأ يعمل في الاكل تحت تظراتها مكنتش قادرة تشيل عينيها من عليه و هو كان ملاحظ دا و كان مبسوط جدا بكدا

بس فجأة ايده وقع عليها شوية زيت سخن

ملك راحت عنده بسرعة و خوف شديد ، مسكت ايده بخوف 

ملك :- ابيه انت كويس

اتجمعت الدموع في عينيها بعد ما شافت مكان الحـ..رق

عمر :- متخافيش و الله انا كويس هحط عليها مرهم و هتبقى تمام باذن الله

ملك مسكت ايده التاني و مشيته وراها لعند الحوض و حطيت ايده تحت المياه و قعدته على كرسي السفرة بسرعة ،راحت تجيب علبة الاسعافات بخوف شديد عليه بدأت تحطله المرهم برفق و نفخت في مكان الحرق

ملك بدموع :- بتوجعك اوي

كان تايه فيها و كان مبسوط جدا بأهتمامها بيه لدرجة انه محسش بوجع و هي بتحط المرهم كان تركيز قلبه و عقله و كل حواسه عليها هي

عمر :- انا كويس و الله متعيطيش

ملك و هي بتلف الشاش :- اتحـ..رقت اوي تيجي نروح المستشفى 

عمر :- مفيش داعي انا متعود على كل دا يا ملك بس انتي متعيطيش و الله انا كويس يلا انا هقوم اكمل الاكل 

خلص الاكل و حاطه على السفرة ، خلصوا اكل مع بعض وسط نظرات عمر اللي خليت ملك هتمـ..وت من خجلها ، خلصوا اكل و عملها عصير

شالها بحب كبير

ملك :- انت ايدك وجعاك انا هروح لوحدي

عمر :- انا حابب كدا يا ملك عايز احس بقربك مني ديما

ملك بتلقائية و هي بتحط وشها في رقبته من شدة خجلها

:- هو انه ايه يا ابيه

عمر :- بعدين هبقى اقولك المهم انك دلوقتي متبعديش عني ثانية واحدة خليني اشبع منك انا بقالي عشر سنين مستني ارجع عشان اخدك في حضني للابد

وصل الاوضة و حاطها على السرير برفق ، جيه يمشي مسكت ايده 

ملك :- انت رجعت عشاني يعني

عمر و هو بيزيح شعرها ورا ودنها بحب :- عندك شك في دا

هزيت راسها بمعنى لأ

راح نام جانبها و سحبها لحضنه معترضتش لانها كانت حابة دا شبكت ايدها في ايده بخجل استغرب حركتها في الاول بس انبسط من اهتمامها و من حبها لأنها تبقى قريبه منه و ذهبوا في نوم عميق هم الاتنين

في الصباح صحيت شروق على دوخة شديدة و هي حاسة انها عايزة تستفرغ شالت اللحاف من عليها و دخلت على الحمام وقفت على الحوض و هي مش قادرة تتوزان سندت على الحوض و خدت نفس عميق و هي بتحاول تهدا

شروق:- معقول اكون لأ لأ لأ اكيد لأ

بعتت مرات البواب تجبلها اختبار حمل عملت الاختبار ممرش دقايق و ظهر خطين حمر على الاختبار

شروق بصدمة و هي بتحط ايديها على بؤوها:- حامل يا رب اسر طلقني اعمل ايه هو قالي مش عايز اشوف وشك تاني بس دا ابنه و لازم يعرف

لا حول ولا قوة الا بالله العلي العظيم 🤎

لبست هدومها و خرجت من بيتها و راحت الشركة

دخلت المكان لاقيت سكرتاريه تانية قاعدة مكانها بصيت بحزن و اتكلمت

:- لدرجة دي بايعني يا أسر

راحت تفتح الباب السكرتاريه وقفتها

:- حضرتك رايحة فين

شروق بعصبية:- داخلة لأسر

:- طب حضرتك استني و انا هدخل ابلغه

شروق :- انتي لو قولتيله اني برا مش هيرضى يدخلني و اوعي كدا 

:- حضرتك مينفعش

بدأت اصواتهم تطلع و خصوصاً شروق اللي صوتها علي جداً لدرجة أن اسر خرج

اسر :- انتي بتعملي ايه هنا هو مش انا قولتلك مش عايز اشوف وشك ايه مبتفهميش

شروق:- عايزاك في موضوع مهم

اسر :- مليش كلام معاكي و يلا اطلعي برا الشركة بدل ما هطلعك انا

شروق :- انا حامل 

             الفصل العشرين من هنا 

لمتابعة باقي الرواية زوروا قناتنا على التليجرام من هنا