 |
رواية يوم زفافي الفصل السابع عشر 17 بقلم مريم الشهاوي17 فرح فاقت من شرودها على صوت الممرضة واتضح انها كانت بتتخيل كل دا/تعرفي حد من اهله فرح افتكرت ان موبايله فصل وتلاقي ناهد ونورا قلقانين عليهم /للأسف معرفش ارقامهم بس موبايله فاصل بستأذنك في شاحن عشان نعرف نكلم اهله نطمنهم عليه الممرضة طلعت برا الاوضة وفرح بصت ليامن كتير ومسكت ايديه ومرة واحدة ايديه ضمت ايديها وفرح بصتله بفرحه/يامن...انت صحيت يامن فتح عينيه بالعافيه /انا فين فرح/انت في المستشفى وبخير الحمد لله.... انا آسفة بجد... كله بسببي(ابتدت تعيط) والله ما كنت اعرف ان كل دا هيحصل.... كان المفروض اسمع كلامك... انا اسفة اني خليتك تتعصب يامن... سامحني ونبي... انا مش مسامحه نفسي على الي حصلك يامن غمض عينه بتعب/بس بس... فرح سكتت ومسحت دموعها/اا.. انت كويس دلوقتي حاسس بإيه يامن/انا كويس كويس....عاوز اتعدل بس فرح عدلتله المخده وحاولت تعدل قعدته وقربت منه وضربات قلبها تسارعت وبصتله كتير ويامن كان باصصلها وشارد بس بسرعة فاق واتعدل وبصلها وكشر بهزار/في حد يعمل الي عملتيه دا فرح عيطت/والله ما كنت اعرف.. انا آسفة والله صدقني كنت متعصبة ومش دريانا بلي بقوله معرفش انك هتدفع تمنه غالي كده و.... سكتت على ضحك يامن وبصتله بصدمة/انت بتهزر يامن بضحك/صراحة لو شوفتي منظرك هتموتي ضحك.... انا كنت ماسك نفسي بالعافيه في الاول فرح/بقا كده ها.... بقلم مريم الشهاوي الممرضة دخلت ومعاها الشاحن وبصت ليامن وابتسمت/الشاحن... اي دا... حمدلله على سلامتك يا باشا تقوم بالسلامه يارب باقت بتبص لعضلاته بإعجاب وفرح اخدت بالها وبرقت وشدت الشاحن من ايديها/متشكرة اوي... تقدري تتفضلي يامن رفع حاجبه وحاول يستفزها ويحسسها بشوية من الي حسه/اسمك اي يا قمر الممرضة ابتسمت باعجاب/بسنت.... تقدر تقولي بوسي عادي معروفة هنا باسمي بوسي يامن ابتسم/ماشي يا بوسي ات...... فرح بصتله باستغراب/يا ايه.... يامن ابتسم/بوسي... اسم لطيف على فكرة... كله بهجه كده الممرضة ضحكت /والله كلك ذوق يا باشا واسم حضرتك اي يامن/اسمي يامن... ظابط مباحث الممرضة اعجبت بيه اكتر /اتشرفت بمعرفتك يا يامن باشا... فرح بغيرة/احنا اسعد يا حبيبتي يلا روحي شوفي شغلك الممرضة بصت لفرح باستعجاب ورجعت تبص ليامن/خطيبتك دي يا باشا متقوليش مراتك ونبي فرح باقت بتشيط ويامن ابتسم/مجرد صديقة.. الممرضة ضحكت /طمنتني... الف سلامه عليك يا باشا... يلا مع السلامه يامن/سلام يا بوسي.... فضل يضحك كتير /عسل بوسي والله فرح ابتسمت بسماجه/اه الصراحه جدا... لايقين على بعض يامن/لايقين اي....! انت هبلة يا بنتي مش دي الي تليق عليا ابدا.... فرح بغيظ/ما واضح دا انت اتهطلت عليها اول ماشوفتها واسمك اي واسمك حلو يا بوسي كله بهجه... باقت بتقلده وهو بيتكلم ويامن باصصلها وبيضحك/مواصفات فتاة احلامي غير.... دي كلها تركيب فرح /واي هيه مواصفات فتاة احلام سي السيد يامن سرح /يكون شعرها طويل واسود وعينيها سودة عيونها مسحوبة ورموشها تقيلة عندها شامه فوق بوقها بشويه وحسنه في خدها بشرتها بيضة وملامحها تحسي انها تسحبك لمكان ملوش نهاية فرح اتكسفت لما لقيته بيوصفها وقامت من مكانها وبلعت ريقها/انا اخدت ارقامهم من على الموبايل هطلع اتصل بيهم برا طلعت فرح بسرعة وهي متوترة ويامن سند دماغه وبص لفوق وابتسم/اه يا فرح يا مغلباني سعاد/بتحبي مين يابت منى وقعت الموبايل من ايديها بخوف/م... مفيش يا ماما سعاد /كنت بتكلمي حد منى بتوتر قامت وقفت/لا... مم... مش بكلم حد سعاد/انت بتكدبي عليا يا منى... عمرك ما بتكدبي عليا منى استسلمت ومسكت تلفونها وبصت لعماد/سلام هكلمك بعدين منى بصت لمامتها /تعالي يا ماما اقعدي سعاد/مين دا يا بت انطقي... منى/دا عماد يا ماما... بس اقعدي واهدي وانا هشرحلك سعاد صرخت وحطت ايديها على بوقها/يالهوي... عماد... عاوز منك اي.... دا الشرطة بتدور عليه ليلبسك فيها او يخطفك تاني منى/يا ماما لا.... انا وعماد بنحب بعض سعاد/اختشي يابت.... دا انت لسه عيلة حب اي وكلام فارغ اي منى/يا ماما اسمعيني.... انا وعماد بنحب بعض وهو قالي انه هيحاول يتغير سعاد قعدت جمب بنتها وقالتلها بخوف/يا حبيبتي.... انت لسه صغيرة ومتعرفيش حاجه عن الحب... والي بتتكلمي عنه دا شوية مراهقة... عماد مش الشخص الي اتمنهولك ابدا... لادين ولا اخلاق ولا حتى اهل واما يتمسك هيترمي في الس جن... انت عايزة تعملي في ابوكي حاجه لو عرف منى بقلق/لا لا.. بابا ميعرفش حاجه ونبي... يا ماما عماد محتاج فرصة الحياة من ساعت ما اتولد وهي بتخبط فيه دايما وعمرها ما اتدله فرصة يعيش من حقه انه يعيش حياته وعن الدين فهو مفيش حد في حياته كان بيقوله صلي مفيش حد في حياته كان بيقوله حرام... اتحرم من امه من وهو صغير ومن بعدها مشافش يوم عدل... وبعدين ممكن يتوب ويبقى احسن مني ومنك عند ربنا... هو مستعد يتغير عشاني وعشان نفسه... قدرت اني اخلي عنده الشجاعة انه يتقدم لخطوة زي دي وهي خطوة انه يتغير وبعد كل دا بتقوليلي حب اي.... صدقيني احنا الاتنين بنحب بعض ومنقدرش نبعد عن بعض نهائي سعاد بصدمة/يا ليلة بختك يا سعاد... يا حبيبتي كل الي بتقوليه دا لواحد مجرم... انت عارفة يعني اي مجرم.... ومش قت ل ولا تجارة... دا كان بياخد شر ف البنات بكل وحشية.... كام بنت قهرها... طب كام ام وجع قلبها على بنتها.... الي زي عماد دا يا حبيبتي مكانه الس جن ويتعاقب على الي عمله منى /ليه بتفكري كده... ليه كلكوا بتفكروا كده... حد فيكوا معندوش ماضي مؤلم لسه بيعاني منه لحد النهاردة... الي زي عماد كتير... بس فيه منهم الي بيعمل كده بلا وعي... ومجرد انتقام ومواجهة نفسيه واضطراب نفسي من كل الي حصله وهو صغير.... وفي منهم الي بيعمل كده عشان يتبسط..... عماد فاكر ان كل الستات تفكيرها واحد هو انها تتبسط مع الراجل الي يعجبها... وجرب دا في حبيبته ومرات ابوه وشاف بعينيه الي حصل... تقدري تقوليلي دا مشكلته اي غير انه اتحرم من طفولته واتحرم من حنان الام واتحرم من الحب اتحرم من انه يكون طبيعي زي بقيت البشر عماد لسه لحد الان بيترعب من الضلمه وكل دا بسبب انه اتحبس في قبر وهو عنده عشر سنين طفل عنده عشر سنين اتحبس خمس ساعات في القبر انتقاما من مرات ابوه لانه قال لابوه انه مراته بتخونه كل يوم مع راجل شكل قدام عماد.... عماد محتاج فرصة تانيه من الحياة.... هو محتاج حد يساعده يكمل.... محتاج يتعالج... وانا الشخص دا... انا الشخص الي قدر عماد انه يفتحله قلبه....هو كان وحيد طول عمره وما صدق حد طلعه من وحدته ومدله ايديه انا موافقة اني استناه طول عمري لحد ما يبقى انسان يقدر يعيش مش عشاني لكن عشان نفسه عشان يقدر يتخطى كل جرو حه السابقة ويكون اسرة وعيلة بتحبه يمكن ربنا بعتني ليه عشان يتوب يمكن بعتني ليه عشان اكون السبب اني ارسخله حياة اول مرة يشوفها احلي الدنيا في عينيه الدنيا الي قاست عليه من وهو صغير... محدش بيختار حياته كان ممكن ابقى مكانه واطلع متعقدة نفسيا كده عماد مش انسان وحش ولكن الدنيا تقدر تحول من انسان لوحش سعاد باقت باصه لبنتها الي بتتكلم على لسان واحدة عندها حاجه وعشرين منين جايبه النضج والفهم دا كله /اانت شايفة انك هتبقي مبسوطة لو كملتي حياتك معاه منى/اايوة... عماد طيب اوي يا ماما والله هو بيحبني بجد.... صدقيني هو مش وحش ابدا بقلم مريم الشهاوي سعاد/ابوكي هيوافق يحط ايده فايد واحد رفع السلا ح على بنته بدون انسانيه.... ولا ناوية تهربي معاه في سبيل بتحبوا بعض... انت هتضيعي نفسك عشان شخص مريض خيالك مرسخلك انه ممكن يخليكي مبسوطة... انا عمري ما هوافق اسيب بنتي لواحد بهدل ست بالشكل دا انت شوفتي فرح والي عمله فيها... بالذمة محطيتيش نفسك مكانها في يوم... انت بمجرد انه حبك يعني هيكون انسان جديد.... مش هيضربك مش هيإذيكي في سبيل مرضة بقا... فلنفترض انه اتعالج مش هيكون جواه شك اتجاهك دايما انك بتخونيه واي المانع مهو جربها مرتين قبل كده... هيأمنلك ازاي... انت بقى عاوزة تكملي حياتك مع انسان بدون رحمة... عاوزة تخلي حياتك جحيم في انك تحبيه اه اتأذى ماشي مريض واتحرم من حاجات كتير تمام بس الناس دي بنعرفهم من بعيد ونشفق عليهم انما نحبهم ونتجوزهم كدا نبقى بنرمي نفسنا في النار منغير ما نحس اخدت الموبايل/انا هاخد الموبايل لحد ما تعقلي... وفكري حياتك هتبقى عامله ازاي مع البني ادم دا.... احنا مش قده يا بنتي... ركزي في امتحاناتك وابعدي عنه وارحمينا من شره طلعت بره الاوضة ومنى باقت مصدومة من الكلام ومش قادرة تنطق الكلام داير في عقلها وبيتكرر تاني... كلام امها صح مية في المية.... مش معنى انه واجه ماضي مؤلم تخليها تبني حياتها كلها في سبيل انها بتحبه.... بس عماد من حقه يعيش حياته ويحب من تاني.... ولكن هي ضامنه حياتها معاه بعدين... ضامنه ميعملش فيها الي عمله في فرح.... ضامناه كزوج اتدعى عليه من بنات الناس وكل الي ظلمهم هي شايفة انها هتكون مبسوطة مع راجل زيه..... عماد قفل مع منى وابتسم/يارب ما تبعدني عنها..... من حقها اني اتغير عشانها... لازم اكون انسان صالح عشان تلبقلي.... لا يمكن ابعد عن اجمل شئ حصلي في حياتي... الحمد لله ان ربنا حطها في طريقي انا هتعالج عشانها هكون انسان جديد عشانها وبس هي تستحق مني كده واكتر ناهد ونورا وهشام بيجروا في المستشفى وناهد وشها مصفر وقلقانه على ابن اخوها الي يعتبر ابنها والي مربياه شافت فرح من بعيد وجريت عليها بخضة/فرح... يامن فين... هو كويس فرح بتحاول تطمنها /اه اه هو كويس متقلقيش... في الاوضة دي تعالي دخلوا كلهم الاوضة وناهد جريت على يامن/يااامن... فيك اي ياحبيبي قوم يامن/اهدي يا عمتو... انا كويس والله نورا بهوف/من اي الجرح دا واي الي حصلكوا ناهد/انت اي الي حصلك... عملت حادثة... ع... هشام/اهدوا يا جماعة سيبوه يتكلم يامن /شكرا يا هشام... يا عمتو انا كويس... كل الحكاية غز ت سك ينه في جمبي ناهد صوتت~يالهوي.... وتقولي كويس.... فرح/والله الدكتور طمني وقالي انه كويس والجرح مش عميق اوي ناهد بغضب/بس اسكتي انت..... فرح سكتت وبصت ليامن الي حاول يطمنها بنظراته نورا/اتخانقت مع حد يامن/شوية شباب طلعوا علينا انا وفرح وحاولوا يعملوا فيها حاجه وحشه وانا ضر بتهم بس واحد فيهم ضر بني بالس كينه وهر ب فرح بصت ليامن الي محكاش الحوار انه بسببها عشان متزيدش عليها المهاجمه اكتر ناهد بصت لفرح/لو كان جراله حاجه مكنتش هسامحك ابدا يامن/هي مالها... هي الي قالت للشباب يجوا ويضر بوني.... اهدي يا عمتو... محصلش حاجه وانا قدامك كويس اهو نورا روحي عشان الحمل يلا يا هشام خد مراتك وروح نورا/انا مش هتحرك من هنا يامن~اسمعي الكلام يا نورا مش مستاهله وبعدين عندكو شغل الصبح اقنعها يا هشام هشام/يولع الشغل يا يامن المهم صحتك يامن/يا ربي وانا الي بقول اقنعها يا هشام انا كويس وربنا انا كويس خد مراتك وروح وانت يا عمتو روحي ناهد/قسما بالله ما متحركة.... يامن نفخ بضيق فرح/انا هكون معاه متقلقوش ناهد بخوف/لا... اخر مره سيبتك معاه طلع علمستشفى انا هنا جمبه روحي انت مع نورا فرح اتكسفت ورجعت لورا خطوتين ويامن غمض عينه بتعب/يا عمتو... انت ليكي علاجك لازم تروحي عشان تاخديه وانا هنا كويس ناهد~خلاص هروح اجيب العلاج واجبلك غيار من عندي وهرجعلك تاني فرح~متتعبيش نفسك ممكن انا اروح واجبله غياراته واجيب علاجك.... متقلقيش ناهد بصت ليامن وطلعت المفاتيح من شنطتها~طيب خدي يامن/يلا بقا يا هشام هشام قوم نورا /هنبقى نجيله بكرة نطمن عليه... نورا /خلي بالك من نفسك.... سلمت عليه ومشيت وهشام وصلها لبيت ناهد وفرح طلعت جابت الحاجه ورجعوا تاني علمستشفى كانت جمب بيت ناهد بخطوتين بالظبط ناهد/اي الي حصل يا يامن... وصارحني ومتخبيش حاجه يامن/هو دا الي حصل يا عمتو والله.... مفيش حاجه تانيه ناهد/انت بتخبي عليها يامن~مش قصة بخبي عليها... هي معملتش حاجه ناهد/وانا الي سايباكوا سوا عشان تتصافوا.. اتصافيتوا؟ يامن ضحك/اتخانقنا تاني ناهد/ما بعد العداوة الا محبه بس قلبي غضبان عليها بسببها حصلك كل دا يامن/انت مشوفتيهاش كانت بتعيط ازاي... كفايا ندمها لانها حست انه بسببها منبقاش احنا كمان عليها... ناهد/وهو مش بسببها... من ساعت ما ظهرت من اول يوم مبهدلاك شوية تهرب وشوية تنت حر ودلوقتي اته جم عليها شباب دايما انت الي بتحميها... وبعد كل دا تلاقيها بتتخانق معاك ولا بتقدر يامن/انا مش مستني حاجه... انت عارفة اني هعمل كدا مع كل واحدة طلبت المساعدة مني.... هو مش اقل من واجب وبأديه.... بفلم مريم الشهاوي فرح دخلت على كلمت هو مش اقل من واجب وبأديه وبصت ليامن وعينيها اتملت بالدموع /الحاجه اهي جبتها ناهد اخدت علاجها وطلعت برا الاوضة تخلص مصاريف المستشفى وفرح بصت ليامن بحزن ويامن مسك ايدها/معلش... متزعليش منها... ممكن تكون زعقت شوية من خوفها عليا مش اكتر... فرح/مش زعلانه.. المهم انك كويس.... في حاجه انت قولتها قبل ما يغمى عليك واطلب الاسعاف يامن استغرب/حاجه زي اي فرح/قولت حاجه قبل ما يغمى عليك قولتلي لو دي نهايتي فعايزك تعرفي اني..... يامن قلق /قولت اي؟! فرح /انك ب..... هشام/نورا اهدي... محصلوش حاجه وهو كويس اهو نورا بعياط /بس كان هيحصله... ضر بة الس كينه مفيهاش هزار نجا منها باعجوبة هشام/والحمد لله ربنا سترها معاه فاهدي... اي دا انت مش حاطه حزام الأمان مينفعش تستهوني بالحاجات دي يا نورا انت بقيت حامل دلوقتي فك الحزام بتاعه وقرب عشان يربطلها الحزام ومره واحدة عربية نقل خبطت في عربيتهم طيرت هشام من العربية ونورا اتقلبت مع العربيه ابتسام كانت طالعة من المقابر وبتضحك /يارب يعمل مفعول ويخلصني منها بقا نهلا/متقلقيش على ضمانتي دنا مجرباه كتير... الشيخ دا ممتاااز ركبت معاها العربية وروحت بيتها ونطت من الشباك بتاع اوضتها زي ما طلعت منه ولاقت اخوها مسعد في وشها مسعد راح ومسكها من شعرها/كنت فين يا بت ابتسام بصويت/يا ماماااا.... ااااه... ابعد ايدك عني دخل ابوها بعصبية وماسك حزام في ايده.../اخرتها تهربي من الشباك روحتي فين يا وا طيه فوزيه باقت بتلطم/يااالهوي... يااالهوووي... الحقوناا يا ناااس نورا وهشام وقعوا في شر اعمال ابتسام... منى هتقبل على نفسها انها تكمل حياتها مع عماد وتتخطى كل عيوبه ولا هتبعد عنه وتسمع لكلام امها الفصل الثامن عشر من هنا |
تعليقات