رواية اتجوزني عشان اربيله ابنه الفصل الحادي عشر 11 بقلم رحاب القاضي

ــــــــــــــــــــــــــــــــــــــــــــــ 

معتز 

ينفع اللي عملتيه في البت ده؟.. 

مريم وهي بتاكل اياد

اخر معلقه يا حبيبي عشان خاطري.. 

معتز بعصبيه 

انا بكلمك ردي عليااا.. 

مريم

عايز ايه يا معتز؟.. 

معتز

جو الجنان والعشوائيه اللي عايشه بيها ده يتغير فاهمه.. 

مريم 

والله انا كده وانت اتجوزتني وانا كده مش عاجبك طلقني.. 

اياد 

وطلقني معاها عشان اروح معاهاا.. 

معتز 

الله واكبر علمتي الولد التخلف زيك.. 

مريم 

انت عايز ايه دلوقتي وعلي فكره المفروض انها غلطت فيا وانا مراتك وكنت انت اللي تجيبلي حقي، بس انت المره اللي عدت ودلوقتي كانت فصفها هي.. 

معتز 

ما انتي لو عاقله وكنتي سكتي كنت عرفت اجيبلك حقك بالادب والذوق.. 

مريم

وده ازاي بقي كنت هتقولها عيب يا علا العبو مع بعض.. 

اياد 

ايوه بابي بيقولي كده لما انخانق مع صحابي.. 

مريم 

شووفت اهو ابنك عارفك هو كمان.. 

معتز 

طيب تجهزي نفسك علي بكره هتيجي معايا تعتذريلها دي البت مروحه عينه زرقه.. 

مريم

كانت عينها لونها بني باين مش زرقاا.. 

اتعصب معتز وقال

مريييييم اتلمي علي الصبح.. 

كتمت مريم ضحكتها وهو قال ليها 

واجهزي يلا والبسي حاجه سودا هاخدك مهايا نروح واجب عزا.. 

مريم وهي بتاكل اياد 

لا يا سكر خد امك.. 

معتز

نعمممم؟؟.. 

مريم 

لا لا مش قصدي اشتمك، انا قصدي خد طنط الفت معاك انا ماليش في جو العزا والحاجات دي مش بحبها بجد.. 

معتز

ماما تعباانه وقالتلي اخدك معايا نروح نعزي..ونسيب عندها اياد.. 

مريم 

طيب هاكل اياد واخلص معاه وانزله عند طنط واجي اجهز.. 

قرب منها وقال بصوت واطي

ااه لو تهتمي بجوزك ربع ما بتهتمي بـ اياد كده؟ 

مريم 

لما تبقي ببمبرز  ابقي اهتم بيك زيه.. 

_بصلها بغيظ ومسك العيش حطه ليها في بوقها جامد وقال... 

معتز

اطفحي واسكتي.. 

_دخل معتز اوضته وهي ابتسمت وكملت مع اياد الفطار، وبعدين لبست فستان اسود بسيط وعملت شعرها ديل حصان وطلعت لمعتز وقالت.. 

مريم 

انا خلصت يلاا.. 

معتز ابتسم وقال ليها 

كان بودي اقولك الاسود يليق بكي، بس انتي كل الالوان عليكي جميله يا مريم.. 

اتوترت مريم وقالت

ااا انا نسيت اقول لطنط تراجع لاياد اخر درس في الانجلش هنزل قدامك... 

نزلت وقال معتز لنفسه بخبث 

يا انا يا انتي يا ام لسان ونص انتي.. 

ــــــــــــــــــــــــــــــــــــــــــــــ 

_في شركة سيف دخلت عنده السكرتيره وقالت بهدوء.. 

السكرتيره

سيف بيه في واحده بره اسمها اسراء احمد عايزه تقابل حضرتك.. 

سيف 

وايه اللي جابها دي، دخليها طيب.. 

السكرتيره 

اوامرك يا افندم.. 

_مشيت السكرتيره ودخلت اسراء اللي كانت نفس طريقة لبس مريم وتسريحة شعرها، وقعدت قدام سيف وقالت.. 

اسراء

بقالك يجي ست شهور مش معبرني قولت اسال انا.. 

سيف 

عايزه ايه يا اسراء، مش كفايه فرحي اما ومريم باظ بسببك لا وكمان مش راضيه ترجعلي.. 

اسراء

اممم وانت لسه بقي بتجري وراها، وبعدين انت اللي ضحكت عليا وعشمتني بالجواز، وخلتني ضحكت علي صحبتي الوحيده.. 

سيف

صحبتك اللي مصدقتي اقولك كلمه حلوه وشبطتي فيا وخونتيها.. 

اسراء

بقولك ايه يا سيف هي كلمه ومش هكررها هتبقي معايا ونرجع لبعض ولا هتبقي ضدي.. 

سيف

عمري ما هكون مع وحده ربنا خلقها غير مريم يا اسراء، انسي ان سيف يتجوز وحده غير مريم تمام.. 

اسراء

تمام استحمل بقي اللي هيحصل.. 

_مشيت اسراء وهو قعد فتح موبيله وبعت رساله لمريم وكتب ليها فيها.. 

«وحشتيني اووي، امتي تخلصي من جوزك وترجعي لحبك الاول».. 

_جه يقغل الموبيل بس شاف رساله علي الوتساب، فتحها بسرعه وكانت من نيره اللي هو ما يعرفش هويتها اصلا وكانت باعته ليه.. 

«السلام عليكم كنت حابه استفسر عن التدريب للطلاب بتوع تجاره انجلش لو متاح في الشركه» 

_فتح سيف الصوره بتاعتها ولما شاف الصوره اللي حطاها نيره جديده علي الرقم ده بشعرها وخاطه ميكآب كتير، ابتسم بخبث وقال... 

سيف

ما فيش مانع بقي نتثلي شويه لحد ما ترجعي يا مريم.. 

_في بيت حازم شافت مريم الرساله وعملت حظر للرقم الخامس اللي يبعت لها سيف منه رساله، وبصت لناهد وقالت.. 

مريم

ربنا يصبركم.. 

ناهد 

يارب يا بنتي،والله كان نفسي اشوفك في ظروف احسن من دي.. 

 مريم

لا ابدا والله، وان شاء الله الجيات اكتر.. 

ناهد

ان شاء الله يا حبيبتي..

_طلع معتز مع حازم من البلكونع وقال لناهد بهدوء.. 

معتز 

ربنا يصبر قلبك يا طنط، خلي بالك من نفسك يا نيره.. 

نيره 

ان شاء الله وشكرا تعبت نفسك وجيت.. 

معتز

ازاي تقولي كده ده انتي اخت حازم.. ولا اي يا حازم؟ 

حازم بغيظ

طبعا طبعا.. 

طارق 

طيب نستاذن احنا يلا يا مريم.. 

ناهد 

شكر الله سعيكم يا ابني وان شاء الله نتقتبل في ظروف احسن من كده المره الجايه.. 

_سلم عليهم معتز ومريم ونزلو رجعو البيت وهما في الطريق كانت مريم مدايقه بسبب كلام سيف وسالها معتز وقال.. 

معتزز

في حاجه ولا ايه؟.. 

مريم 

لا ابدا مافيش.. 

معتز 

سيف كلمك؟.. 

اوترت مريم وقالت

ااا لا هيكلمني ليه سيف ما خلاص.. 

معتز

افتحي موبيلك وهاتيه.. 

مريم

هو ايه اللي افتحي موبيلك وهاتيه دي، انت مالك اصلا

معتزز

انتي خايفه اشوف ايه بقي؟.. 

مريم 

انا ما بخافش ومش مؤتره اوريك حاجه.. 

وقف معتز بالعربيه قدام البيت وقال بعصبيه

لو الموبيل ما اتفتحش يا مريم وبقي في ايدي مش هتمسكي موبيلات تاني اصلا، وافتكري اني جوزك ومن حقي اعمل كده واكتر وانا ساكت بمزاجي.. 

_اتملت عيونها دموع وفتحت الموبيل واديته ليه، وهو بقي يقلب فيه وقرأ الرسايل اللي باعتها ليها سيف وقال بسخريه غاضبه.. 

معتز

لا وبتعرفي تكدبي كمان.. 

مريم 

ممكن موبيلي.. 

معتز بعصبيه

ما فيش موبيلات تاني غير لما اجيبلك واحد جديد بخط جديد، عشان الهانم لو كانت شايفه انها متجوزه راجل مكنتش خبت حاجه زي دي عنه، بس وحياة امي يا مريم لهتشوفي معامله تاني من بعد النهارده.. 

نزات دموعها وقالت بسرعه

انا كنت خايفه عليك عشان كده ما قولتش علي حاجه من اللي بعتهم سيف، ما حدش يعرفه ده ممكن يعمل اي حاجه عشان يوصلي.. 

معتز

وانا مش حتت عيل زي ده هخاف منه، وبعدين انتي بجد خوفتي عليا.. 

بصت ليه وعيونها مليانه دموع وقالت

ايوه خوفت بس عشان اياد يعني مش عايزه يحصل لباباه حاجه بسببي.. 

ضحك معتز بسخريه وقال

انزلي يا مريم يلااا.. 

مريم بقلق

طيب انت رايح فين، مش النهارده اجازتك؟.. 

معتز 

عايزه ابقي مع نفسي شويه واهو هريحك مني.. 

_اتنهدت مريم بضيق ونزلت من العربيه، وهو مشي بسرعه من قدامها، وقبل ما تدخل البيت وقفت عربيه سودا قدامها ونزل منها اتنين شكلهم يخوف وقبل ما تصرخ او تجري كتمو صوتها ودخلوها جوه العربيه ومشيو في اقل من دقيقه.. 

ــــــــــــــــــــــــــــــــــــــــــــــ 

_في شركة سيف فجأه لقي معتز داخل عنده وعلامات الشر بتطير حواليه وقف سيف قدامه وقال.. 

سيف

ايه يا معتز باشا هو انت ما تعرفش الذوق وانك تخبط قبل ما تدخل.. 

_خلص سيف كلامه و معتز لكمه في وشه، صرخت السكرتيره وقالت.. 

السكرتيره 

اطلب البوليس يا سيف بيه.. 

رد عليها معتز وقال

اطلبيه قوليلهم حضرت الظابط معتز كمال بيضرب المدير العلق بتاعكم.. 

سيف بحده 

اطلعي بره يا ماجده وما حدش يدخل هناا... 

طلعت السركتيره وقال سيف بحده 

جاي عايز ايه، هي كل متعصبك هتيجي تطلعهم علياا... 

مسكه معتز من هدومه وقال 

الرسايل اللي بتبعتها لمراتي دي تبطلها والا هدفنك حي.. 

زقه سيف جامد وقال بغضب

ايدك لو اتمدت عليا تاني هكسرهالك، انا لا يفرق معايا ظابط ولا غيره فاااهم.. 

معتز 

تؤ لا مش فاهم.. 

_مسك معتز الكرسي الخشب وخبط بيه سيف علي كتفه ورقبته، وسيف وقع علي الارض متألم اووي وقال معتز. بعصبيه.. 

معتزز

تنسي مراتي يالا، والا والله البسك اي مصيبه واخليك تعفن في السجن.. 

_قال معتز كلامه ونزل تحت واول مركب عربيته وقبل ما بتحرك بيها، لقي رقم غريب بيكلمه، فرد وقال.. 

معتز 

ايوه مين؟.. 

فخري

نو في عربس يلبس عروسته اسود في شهر العسل، بس جامد اووي عليها.. 

معتز الخوف ملي قلبه وقال

انت قصدك ايه اياك تقرب من مراتي انت فاهم يا فخري.. 

فخري

مراتك عندي تتنازل عن القضيه وتسيبها ارجعهالك، مش هتتنازل اهي عندي بس بلاش تتأخر انا شايل عيني عن النوع الصغير المقطقط ده بالعافيه.. 

_قفل فخري معاه ومعز. كون هيتجنن ازاي فخري قدر يخطفها اصلا، وندم انه اخد منها موبيلها دلوقتي، بس مسك موبيله وكلم وحده في الموبيل وقال ليها... 

معتز بحده

بت يا سماح تتشقلبي وتعرفي فخري فين دلوقتي؟. 

سماح

يا بيه من غير ما اتشقلب هو كان هنا من قيمة ساعه كده وكلم واحد وقاله هقابلك في المخزن القديم... 

معتز

فينه المخزن القديم ده؟.. 

سماح 

لا ده عنوانه كبيىه هبعته ليك في رساله علب البتاع الاخضر ده اللي بيقولو عليه وطس.. 

معتز 

بسرعه يلاا 

_قفل معاها معتز وبعد شويه وصلت ليه الرساله واخد هو عربيته وراح العنوان اللي بعتته ليه سماح. واول ما وصل هماك نزل من عربيته وقف قدامه اتنين من رجالة فخري، وبكل مهاره وقوه خلص عليهم، ودخل جوه وحط السلاح ناحية فخري اللي قاعد مع رجالته وقال بعصبيه.. 

معتز 

مراتي فين يا فخري؟.. 

فخري 

لا قلبك بقي ميت وجيت بنفسك لحد هنا.. 

معتز بعصبيه 

مراتي فين اخلص، هي بره الموضوع اصلا.. 

_خلص كلامه وفجاه جم تلات رجاله من وراه مسكوه جامد واخدو منه مسدسه وضحك فخري وقال.. 

فخري. 

وعاملي فيها اسد، امسكوه ارموه جوه جنب مراته لحد ما اشوف  هعمل فيهم ايه؟.. 

_دخلوه جوه ورموه علي الارص وقامت مريم بسرعه اللي كانت قاعده في زاويه خايفه وقربت منه وقالت.. 

مربم ببكاء

معتز مين دول وانت جيت ازاي انا خايفه اووي؟.. 

معتز قعد قصادها وقال

متخافيش انا معاكي اهو، انتي كويسه؟.. 

مريم 

ايوه كويسه بس خايفه اووي هما مين دول؟.. 

حضنها معتز جامد وقال

وقعتي قلبي عليكي يخربيتك.. 

مريم بدموع 

هما مين دول طيب، وليه بيعملو فينا كده؟.. 

معتز هو لسه حاضنها ومبتسم 

شوية مشاكل في الشغل، بس متخافيش انا معاكي.. 

بعدت عنه وقالت بعصبيه 

وانا اعمل ايه بانك  معايا واحنا محبوسين، انا مش عايزه اموت طلعني من هنا.. 

معتز 

اهدي طيب وهنطلع.. 

مريم 

هنطلع ازاي يخربيت معرفنك السودا،  انا ليه بس حظي عامل كده يارب مش بلم غير علي المصايب والعرر.. 

معتز بغيظ 

اكتمي خالص سبيني افكر.. 

مريم  

انت اول ما نطلع من هنا تطلقني، انا مش هقعد علي زمتك دقيقه كمان، بقي اتخطف واتبهدل بسببك انت.. 

معتز بحده 

ومين قالك مش هعمل كده، ده انا ما هصدق اخلص منك يا وش الفقر يا بومه كنت متجوز عشر سنين ولا مره اتخطفت.. 

مريم ببكاء

طيب طلقني دلوقتي بس، انا بكرهك يا وش المصايب.. 

_الباب اتفتح ودخل فخري، وجربت مريم اتخبت وراا معتز وقال فخري.. 

فخري

ما تخافيش يا عروسه بس انا جاي اقول كلمتين لمعتز باشا وماشي.. 

_تفتكرو هيحصل ايه في مريم ومعتز؟... 

            الفصل الثاني عشر من هنا