رواية تخطي حدود العشق الفصل السادس 6 بقلم يارا عبدالعزيز

رواية تخطي حدود العشق الفصل السادس 6 بقلم يارا عبدالعزيز 

ملك بصوت عالى:- الحقني يا ابيه 

- قام بسرعة من الكنبة و جري ناحية الاوضة بخوف شديد

كسر باب الاوضة ، لاقها قاعدة على الأرض و ماسكة رجليها بوجع و دموع ، راح عندها بسرعة الصاروخ و قعد جانبها و هو بينزل لمستواها ، بصلها بتوهان فيها فالاول مرة يشوف وشها من سنين ، نفس الملامح و نفس البراءة بس بقيت اجمل و احلى ، لاقى نبضات قلبه بدأت تزيد مش عارف يحدد من خوفه عليها و لا من جمالها سرعان ما تحول توهانه فيها لخوف شديد بعد ما لاقى صوت شهقاتها و المها بدأ يعلو 

اسر بخوف :- ايه اللى حصل

ملك بشهقات:- كنت بجيب الشنطة من على الدلاوب عشان اجيب فيها هدومي و احطها هنا و قعـ..ت من على الكرسي رجلي مش قادرة بتوجعني اوي خايفة تكون انكـ..سـرت 

اسر :- اهدي متخافيش حاولي تحركيها كدا 

ملك بدأت تحرك صوبعها حركة بسيطة

اسر :- هي بس بتوجعك من الوقعة متخافيش ماشي مفيهاش كسـ..ر و لا حاجه اهدي 

ملك ببكاء:- بتوجعني 

شالها برفق و حنية مفرطة ، حاطها على السرير ، بصتله بخجل شديد بعد ما لاقته مش لابس قميصه 

راح بسرعة طلع علبة الإسعافات من درج الكومدينو ، قعد جنب رجلها و حطلها المرهم برفق تحت نظرات الالم و الاستغراب الشديد من ملك

اسر و هو بيربط رجليها برباط ضغط :- متحمليش عليها كتير عشان متوجعكيش

ملك :- تمام شكراً

لا حول ولا قوة الا بالله العلي العظيم 🤎

صوت شهقاتها بدات تعلو بدات تتنفض من شدة بكائها ، راح قعد جانبها و هو بيبصلها بعيون مليائة بالحزن على حالتها

اسر بحنية :- مالك رجلك بتوجعك

ملك هزت راسها بطفولة بمعنى لأ

اسر :- اوماال فيه ايه

ملك ببكاء:- انا عايزة ماما

اسر :- لا حول ولا قوة الا بالله هي فى مكان احسن و بعدين عمتي ما..تت من سنتين يا ملك اهدي و ادعيلها بالرحمة 

ملك بشهقات:- انا محتاجها اوي انا واحدة زبا..لة مستاهلش اعيش انا خنـ..ت صاحبة عمري مهمنيش غير نفسي و بس بس و الله كان غصبن عني بابا كان بيعـ..ذبني كان بيعاملني كأني سلعة و بيبعها و يقبض تمنها و كان بيـ..ضربـني هو السبب اصلا فى مو..ت ماما هو خالها تمو..ت بحسرتها ما..تت و هي صغيرة بسببه و الله يا ابيه مش ذنبي مش ذنبي اي حاجه انا واحدة زبا..لة يا رب خدني و ريحني يا رب خدني عشان روان تستريح من وجـ..ع قلبها اللي انا السبب فيه 

اسر :- اهدي يا ملك انا و روان مش نصيب بعض لو كانا لبعض لا انتي ولا مليون غيرك كان هيقدر يبعدنا انا عارف ان احنا غلطنا فى حقها بس لو كنت سيبتك لابوكي كنت هبقى بوديكي للمـ..وت كنت هبقى بحطك فى نفس اللي اتحطت فيه عمتي و هي اكيد ربنا هيكون معاها و هيبعتلها نصيبها اللي يعوضها 

ملك ببكاء و هي بتحط دماغها على المخدة و بتفتكر كلامه جملة انا مبلمش من ورا حد بتتردد فى دماغها و مش قادره تنسها ، حسيت انها ضا...يعة و ان ملهاش قيمة جوزها اللي كانت بتتمنى تعيش معاه حياة سعيدة زي اي بنت في عمرها ، احلام بسيطة هو نفسه جوزها اللي شايفها بقايا شخص تاني لمجرد انها فى المجتمع اسمها مطلقة و لا صاحبة عمرها اللي بالنسبالها بقيت ملك خا..ينة و خاطفة رجالة ملاقتش قدامها غير انها تنام و تهرب من وقعها اللي بقى ممـ..يت بالنسبالها 

:- انا عايزة انام عايزة استريح من اللي انا فيه يا رب 

غمضت عيونها بالم و ذهبت فى نوم عميق من كتر العياط اللي عيطته ، اسر بصلها بحب أو بمشاعر مختلفة عليه لأول مرة يحسها ، سند راسه بأيده و هو بيدقق فى ملامحها ، مشى ايده على خدها 

اسر :- مبقتش فاهم نفسي ناحيتك انتي بالذات يا ملك بس اللي انا متأكد منه هو ان جوزنا لسبب بمجرد ما هيروح احنا هنطلق استحالة اسمحله ياخدك يا ملك استحالة انتي مش هتكوني مع الراجل دا حتى لو هفضل احا..ربه لاخر نفس فيا مش هتروحي معاه

اللهم صل وسلم وبارك على سيدنا محمد وعلى اله وصحبه اجمعين 🤎

قال كلامه و هو بيغطيها برفق و بياخدها فى حضنه بقوة و كانه خايف تسيبه أو تبعد عنه 

سحر ( والدة روان ) بدموع :- روان افتحي يبنتي و نتكلم 

روان ببكاء و صوت عالي:- سبوني لوحدي مش عايزة حد جانبي امشوا و سابوني

سحر :- اكسـ..ر الباب يا محمود اعمل اي حاجه انا خايفة عليها تعمل حاجة فى نفسها

محمود :- متخافيش يا سحر روان اعقل من كدا هي بس حابة تبقى لوحدها

سحر و هي بتخبط على الباب:- طب افتحي يا حبيبة ماما انا ماما يا روان مش هتيجي فى حضني و تحكيلي وجعك زي ما بتعملي كل مرة بتبقي زعلانة فيها

فتحت روان الباب و حضنت والدتها بقوة وهي بتبكي بشدة 

:- مش قادرة يا ماما مش قادرة قلبي وجعاني اوي

سحر و هي بتطبطب عليها بحب و دموع 

: ان شاء الله انا وانتي لا يبنتي اهدي يحبيبتى اهدي يعين امك 

روان ببكاء:- ليه يا ملك ليه عملتي فيا كدا دا انتي كنتي اكتر من اختي

سحر :- ربنا ينتقم منهم ربنا ينتقم منهم على وجع قلبك بسببهم اهدي يحبيبتى اهدي

خدتها وقعدتها على السرير ، خدت المياه من على التربيزة حطيت مياه على ايديها و حطيتها على وش روان

سحر :- فكي الطرحة دي عشان تعرفي تاخدي نفسك و اهدي يا عزة 

عزة :- ايوا يا هانم  

سحر :- اعملي لروان كوباية ليمون تشربها تهديها شوية

عزة :- حاضر يهانم

:- محمود بيه عادل بيه جد ملك هانم تحت 

سحر بغضب :- جاي يعمل ايه مش كفاية اللي عملوه فينا قدام الناس

محمود :- انا هنزل اشوفه

سحر :- عرفه مقامه هو و حفيدته اللي مش لاقية حد يعبرها فخدت عريس بنتي يوم فرحها

روان ببكاء:- بابا خليه يمشي من هنا انا مش طايقة اشوف حد فيهم 

محمود :- حاضر يحبيبتى بس انتي روقي ماشي

نزل محمود بغضب تحت لاقى عادل قاعد و باصص للأرض

محمود :- جاي ليه يا عادل بيه لسه فيه حاجة معملتهوش جاي تعملها

عادل:- جاي اشوف روان يا محمود فيه كلام عايز اقولهولها

وقتها روان نزلت وقفت قدام عادل و اتكلمت بتحدي

:- فاكر لما كنت بتقولي انتي عندي زي ملك فاكر يا جدو دلوقتي انت اثبت اني مش زيها

عادل :- كل اللى حصل كان غصبن عنا عني و عن ملك و عن اسر انا عارف اني غلطت اني معرفتكوش من قبلها بس و الله العظيم يبنتي ما كنت عارف افكر حبي لحفيدتي خلاني معرفتش افكر فى حد غير فيها كنت عايز اعمل اي حاجه عشان ابوها ميخدهاش اللي حصل مكنش ذنب ملك و لا اسر انا اللي غلطت سامحني يبنتي و بلاش صداقتك انتي و ملك تضيع انتوا عشرة لو كنت سبت ملك تروح مع ابوها كنت هبقى بضيعها ملك امها موصاني عليها قبل ما تمـ..وت 

روان بسخرية :- ضحكتني بجد انت بتبرر اللي عملتوا فيا بتبرر وجع قلبي اللي حصل بسبب احفادك الاتنين جيت تقولي سامحيني و سامحي ملك و اسر و انا بقولك ان لو ما بينكوا و ما بين الجنة ذنبي مش هسامحكوا و حفيدتك انا مش هرحمها قولها تخاف مني بقى هي اللي بدأت فمتبقاش تزعل

استغفر الله العظيم الذي لا اله الا هو الحي القيوم و اتوب اليه 🤎

عادل :- مش ذنبها يا روان ابوها راجل مبيرحمش انتي اكتر واحده عارفه ملك مريت بي ايه معاه

روان :- انت مفكر انها وافقت تتجوزه عشان كدا حفيدتك حاطة عينيها على خطيبي بتحبه هستنى ايه من واحدة كانت بتفكر فى واحد تاني غير جوزها واحد كانت بتخـ..ون جوزها بتفكرها فى راجل تاني غيره فعادي جدا تخـ..ون صاحبة عمرها بس انا مش هسيبها تتهنى على حسابي و حساب وجع قلبي كتير لحد دلوقتي ملك مشفتش مني غير كل حلو بعد كدا هزعلها مني و اوي كمان و يلا اتفضل من غير مطرود مش عايزة اشوف وش حد فيكوا تاني هنا

عادل :- انا مش هزعل منك عشان انا مقدر وضعك و اللي انتي فيه و همشي دلوقتي و انتي باذن الله اما تهدي هتفهمي أن ملك مش شبه ما انتي بتقولي

قال كلامه و ساب البيت و خرج

فى الصباح صحيت ملك لاقيت نفسها نايمة فى حضن اسر و ماسك فيها بقوة

ملك بهمس و هي بتبصله:- شكلك شبه الطفل اوي و انت نايم بس انت هنتني اوي يا اسر و انا كرامتي فوق اي حاجه حتى حبي ليك

فاقت من شرودها على صوت خبط شديد على الباب ، صحي اسر على الصوت 

اسر :- مين الغبي اللي بيخبط كدا 

ملك بخوف :- مش عارفه 

لبس قميصه و زرره بعشوائية و خرج بسرعة من الاوضة ، فتح الباب ، دخل عبدالله بكل عصبيته و غضبه 

عبدالله بغضب :- ملك فين بنتي فين 

               الفصل السابع من هنا 

لمتابعة باقي الرواية زوروا قناتنا على التليجرام من هنا