رواية حكاية عشق الفصل الثالث 3 بقلم أروي وناس
عشق بصدمة : مروان
مروان : متغيرتيش عن زمان نفس ملامحك الطفولية
عشق بدموع متحجرة : بمكن شكلي متغيرش بس انا مش عشق بتاعت زمان ال بتضحك عليها بكلمة
مروان : عشق انا كنت في سن مشاعري فيه متلغبطة
عشق بدموع وسخرية : انت ناسي اننا في سن بعض ولا اي اشمعنى انا يعني مشكتش لحظة في حبي ليك ، انت محبتنيش اصلا يا مروان
وسابته وطلعت بره الشركة كلها كلمت حور صاحبتها المقربة
حور : الو ازيك يا..عشق انتي بتعيطي انتي كويسة
عشق بعياط وصوت متقطع: لا مش كويسة
حور بقلق: اهدي انتي في البيت
عشق بعياط: لا قابليني في الكافيه ال بنقعد فيه علطول
حور: ماشي انا جاية
عند اسد
باب المكتب فتح مرة واحدة وكان زين صاحبه المقرب
اسد بغضب خفيف : مش انا قلتلك خبط قبل متتنيل تفتح الباب
زين بمرح : سيلك بس من حوار الباب دا دلوقتي وتعال هعرفك عى نهى وكمان جايبة معاها صاحبتها يكش تقع بقى
اسد افتكر عشق وسرح فيها فاق على صوت زين
زين: اي يعم روحت فين
اسد : ها كنت بتقول حاجة
زين بغمزة : لا دا انت مش معايا اصلا اي ال واخد عقلك
اسد : بس يالا
زين :طب كنت بقولك عايز اعرفك على نهى
اسد ببرود: ورايا شغل
زين: نعممم تعالا اخلص انا بظبط للخروجة دي بقالي اسبوعين
اسد : خلاص هاجي وامري لله
زين: يلا
وطلعو من المكتب
عند عشق
عشق راحت الكافيه استنت لحد م حور جت
اول مجت اترمت في حضنها وعيطت جامد
حور وهي بتمحلها دموعها: اهدي بس مالك اهدي
عشق هدت شوية واتكلمت بدموع : شوفتو يا حور بعد خمس سنين شوفتوا حور بصدمة : مروان
عشق بصوت متقطع: ا.يوا هو و.ج.اي ي.ق.لي مش.اع.ري كانت متلغبطة
حور : اهدي كدا واحكيلي حصل اي
حاكتلها عشق الحصل وسط دموعها
حور : اهدي يا روحي اهدي
عشق و هي بتمسح دموعها :15 سنة بحبه كنت بقنع نفسي انو كمان بيحبني اكتشفت في الاخر انه حب من طرف واحد
حور بشرود : الحب من طرف واحد دا اصعب احساس بجد
عشق بتوتر : قصدك على حبك ل عمرو
حور بحزن : هو فيه غيرو يا عشق، بس انتي متوترة كدا لي طول عمرك عارفة اني بحبه
