رواية زواج بالمال الفصل التاسع 9 بقلم روان عبدالله
فاقت حور لتجد نفسها تجلس علي احد الكراسي مكبله القدمين ويدها مربوطه بحبل قوي وهناك احد يجلس امامها ولاكنها لا تراه
حور.. انا فين
ماجد.. انتي مع حبيبك
حور بصدمه.. ماجد
ماجد.. اه ماجد اتصدمتي ليه
حور.. انت عاوز مني ايه
ماجد بخبث.. عاوز كل خير
حور.. آسر مش هيسيبك
ماجد.. هنشوف
كادت تتحدث وكنه وضع شئ علي فمها
ماجد.. سلام مؤقت لحد بكره
خرج ماجد وتركها وحدها تبكي
عند آسر عاد من القاهره وتوجهه للغرفه ثم نزل اسفل مره اخري
آسر بصوت عالي... حووووور
استيقظ المنزل بأكمله نتيجه صوته العالي
هلال.. فيه ايه يابني صوتك عالي ليه
آسر.. فين حور ياجدي
هلال.. من ساعه ما خرجت وهي مخرجتش
آسر.. ازاي الكلام ده هتكون راحت فين يعنى
ميار بحزن مصتنع.. انا عارفه راحت فين
نظر لها الجميع طالبين منها ان تكمل
ميار بخبث.. حور هربت مع ماجد
محمود بغضب.. ايه العبط اللي انتي بتقوليه ده
ميار.. صدقني ياعمي انا سمعتها بليل وهي بتقوله ان اسر خرج ويجي بسرعه
غاده.. والمفروض اننا نصدقك صح
ميار.. عندي اقتراح نتصل بماجد ونشفها معاه ولا لا
آسر.. هتصل انا
محمود.. انت هتصدق العبط ده دي واحده كدابه
آسر.. مش هنخسر حاجه يابابا
اتصل آسر بماجد
آسر.. فين حور
ماجد.. متخفش حور معايا في الحفظ والصون
آسر.. انت عبيط يلا فين مراتي
ماجد.. مراتك جت معايا بإرادتها لحظه هأكدلك
ماجد.. حور حبيبتي انتي فين
صوت حور.. انا هنا ياحبيبي
ماجد لآسر.. اظن كده تمام يلابقا سلام
اغلق ماجد الخط لينظر آسر فالكل سمع المكالمه
بينما الاخري تبتسم بخبث علي نجاح خطتها وتزوير صوت يشبه صوت حور
ميار.. قولتلكم انها هربت معاه
آسر بغضب.. خلاص مش عاوز حد يجيب سيرتها قدامي تاني
محمود. بس يابني
الخادمه بمقاطعه... أستاذ آسر في واحد من المحكمة عاوزه حضرتك بره
آسر بإستغراب.. لحظه جاي
بعد عشر دقايق عاد آسر معه بعض الاوراق
آسر.. حور رفعت قضيه خلع
نظر له الجميع بصدمه واستغراب
محمود وهو يأخذ الاوراق.. حور مستحيل تعمل كده
عند ميار انسحبت من هذا الحوار لتحادث ماجد
ميار.. اه يابن اللزينه عملتها ازاي دي
ماجد بإستغراب.. عملت ايه مش فاهم
ميار.. قضيه الخلع اللي انت رفعتها بإسم حور
ماجد.. خلع وقضيه ايه انا مرفعتش حاجه
ميار.. طب لو مش انت اللي رفعتها امال مين
هلال من الخلف.. انا اللي رفعتها
افقلت ميار الخط بسرعه ونظرت للخلف بخوف وصدمه
هلال.. ايه مستغربه ليه انا اللي رفعت القضيه بإسم حور
ميار بعدم تصديق.. بس ليه
هلال.. مش عاوزها تكون مرات حفيدي وهروبها مع ماجد ساعدني جدا
ميار.. امال عاوز مين مرات حفيدك
هلال بخبث.. انتي
ميار بفرحه.. بجد ياجدو
هلال.. اكيد طبعا
احتتضنته ميار بفرحه ليبادلها هلال بخبث
عند حور كانت مازالت تبكي ليدخل لها ماجد بالطعام
ماجد.. حور حبيبتي انتي لسه بتعيطي
لم تستطع الكلام بس هذا الشئ الموضوع علي فمها
ماجد وهو يضرب علي جبهته.. اه نسيت اللزقه
ازال اللزقه لتقول.. انت انسان حقير عاوز مني ايه
ماجد.. تؤتؤ في واحده قمر زيك كده تقول علي جوزها حقير
حور.. جوزي في عينك دي نجوم السما اقربلك مني ياحيوان
ماجد بغضب.. انا لو عاوزك هاخدك دلوقتي ومحدش يقدر يمنعني فاهمه
حور بقوه.. متقدرش تلمس شعره مني حتي
غضب ماجد بشده ليفك يدها وقدمها ويجرها خلفه لاحد الغرف
ماجد.. هعرفك دلوقتي هقدر ولا لا
دفعها ماجد لغرفه بها سرير فقط لتسقط عليه ببعض الالم
حور.. انت واحد زبالة
ماجد وهو يفك ازرار القميص.. انتي لسه شوفتي حاجه
اقترب من السرير ليمسك يدها بيده ليحاصرها
حاول التقرب منها الا انها افلتت يدها لتضربه كف علي وجهه
ماجد.. يابنت الكل*ب
حور.. ابعد عني ياحيو*ان
امسك يدها مجددها بقوه ليقترب من وجهها محاول الوصول لشفتيها ولكن الباب فتح فجأه
ميار بغضب.. ابعد عنها ياماجد
ماجد.. انتي ايه اللي جابك مهمتك خلصت فايلا امشي
ميار وهي تدفعه من علي حور.. تعالي معايا في حاجه مهمه اكتر من اللي بتعمله ده
نظر لها وهو يخرج مع ميار.. هرجعلك وصدقيني مفيش مخلوق هيخلصك من بين اديا
خرج ليصفع الباب خلفه لتنكمش هي علي نفسها وتبدأ في البكاء
حور.. آسر انت اتأخرت ليه انا محتجاك دلوقتي
في الخارج دخلو معا احد الغرف ليتفأجي ماجد بجده هلال
ماجد بصدمه.. جدي
ميار.. اه جدك هو اللي رفع قضيه الخلع وكمان هيشترك معانا في اننا نسفرك انت وحور
ماجد.. انا مش مصدق
هلال.. لا صدق انا عاوز اخلص واخلص حفيدي منها
ماجد.. بس ليه هتعمل كده
هلال.. عندي اسبابي
ميار.. كمان ساعه هننقلك انت وحور من هنا وهنروح المينا وهتصرف انا وادخلكو جوه لان السفينه هتتحرك كمان اربع ساعات
ماجد بضيق.. ليه كمان ساعه
ميار.. ماجد لو حور حصلها حاجه قبل ما نسافر محدش هيرحمك من بين ايديا فاهمه
هلال.. ايه اللي حصل
ميار.. الغبي حاول يتعدي عليها بس وصلت في الوقت المناسب
ماجد.. خلاص مش هقرب منها بس وعد لما نسافر لوريها نجوم الليل في عز الظهر
ميار.. ابقي اعمل اللي انت عاوزه
هلال.. يلا احنا نمشي علشان محدش يحس
ميار.. يلا
مرت الساعه وكانت حور مخدره في سياره ماجد متوجهين للمينا
وصلو ثم دخلو للسفينه بواسطه رجال ميار
بعد مرور الاربع ساعات دون جديد حتي حور مازالت نائمه حان وقت اقلاع السفيه
تجهز الجميع للإقلاع ولكن حدث شئ لم يكن في الحسبان
