رواية الحب الضائع الجزء الثاني الفصل الرابع
__________________________
كريم : اللى هيقرب منى هقتلك خطيبتك وحبيبتك يا باشا ، هقتلهااااالك !!!
كان ذلك مثل الصدمة على محمد فأمر الجميع بعدم إطلاق النار
محمد : عايز ايه
كريم : شوفت وانت مذلول قدامى شكلك عامل ازاى
محمد بعصبية : ولا لخص
كريم بإبتسامة : حاضر ، عايز عربية برا تكون فاضية خالص وكل رجالتك يخرجوا والعربية تكون قدام المكان على طول بس خد بالك انا فى ايدى كاميرا حالا كاشفة المكان برا قبل ما اخرج علشان لو حبيت تغدر ولو فكرت تغدر، حبيبة القلب هتحصل هايدى ، فاكرها !!!!
محمد بعصبية : حاضر هجيبلك عربية ، حساااام هات عربية وماتخليش حد فيها برا
حسام بأستغراب : حاضر سعادتك
يارا : كريم انا همشى معاك ماتسبنيش هنا ، انا مش طيقاهم كلهم ماتسبنيش
كريم : بتتكلمى جد يا يارا
محمد : انتى بتقولى ايه !!
لم تنتبه يارا لكلام محمد
يارا : هااا
كريم : طبعا يا قلبى هتيجى معايا
يارا : بدأت احس بالامان معاك وشعورى نحيتك ، بحبك
محمد بعصبية : يااااااه
يارا : بس المسدس خانقنى ابعده شوية عنى
كريم : حاضر يا روحى اهو
امسكت يارا بالمسدس وسحبته منه بقوه والقته الى محمد الذى افرغ جميع طلقات المسدس فى جسده ورأسه
محمد : اوووووف للحظة فكرتك بتتكلمى جد وللحظة شكيت فى كلامك
يارا بخوف: محمد علشان خاطرى طلعنى برا مش طايقة المنظر
محمد : يلا يلا
خرجت يارا مع محمد وتولت القوات نقل الجثث بعد وصول الاسعاف
محمد : مافكرتش انهم ممكن يعملوا كدا ، كنت خايف تضيعى منى
يارا : لولا انى بعتلك العنوان كنت هضيع فعلا
محمد : الحمدلله انك بخير ، يلا علشان نروح ، حساام هروح انا اوصل يارا وجاى ، تمام
حسام : تمام
ركب محمد سيارته وركبت يارا بجواره وانطلقوا فى طريقهم الى المنزل
محمد : قالك ايه
يارا : قالى انه هو بيحبنى وباقى القصة اللى انت عارفها وانه هو اللى قتل سامح
محمد بأستغراب : كريم اللى قتل سامح !!!!
يارا : ايوة
محمد : طب ليه
يارا : بيقول علشان بيحبنى ومكانش عايزه ياخدنى منه
محمد : ماظنش ده السبب
يارا : اممممم معرفش
محمد : بس ماقولتليش
يارا : اقولك ايه
محمد : انتى حلوة اوى النهاردة كدا ليه
احمرت وجنتا يارا
يارا : .....
محمد : يا خلاشى لما تتكسفى ، عسولة يا ناس
يارا : هو انا صغننة علشان تقول كدا
محمد : ايوة صغننة وروحى وقلبى كمان
يارا بكسوف : بس بقا
محمد : اعملى حسابك بقا ، انا هكلم خالك علشان نتفق على كتب الكتاب والفرح واجهز الدعوات بقا والدنيا
يارا : بتتكلم بجد!!!
محمد : اكيد طبعا
يارا : بس ماظنش وقته علشان والدك وكدا
محمد : بابا مات بقاله اسبوع وبعدين الزعل مش اننا نفضل نعيط ونأجل افراحنا ، الزعل فى القلب بس لازم نكمل الحياه على طول
يارا : الله يرحمه
محمد : ياارب ، بس انتى النهاردة كنتى جامدة اوى وفكرة انك تضحكى على كريم دى على اد ما هى عصبتنى بس عجبتنى فى الاخر ولولاكى ماكنتش عرفت اجيب اجله ابن ال ... ده
يارا : عيب عليك
محمد : من شوية كنتى رقيقة وتمام ودلوقتى تقولى عيب عليك ، ايه يا بنتى !!!
يارا : سكتت اهو
محمد : بحبك
يارا : ......
محمد : بحبك
يارا بكسوف : وانا كمان
محمد : وانتى كمان ايه !!
يارا بكسوف : بح..بك
محمد بفرح : يااااه طالعة عسل من بؤك
يارا : ......
محمد : يلا وصلنا انزلى وانا هروح انا على المديرية
يارا : خلى بالك من نفسك
محمد : حاضر
يارا : لا اله الا الله
محمد : محمد رسول الله
انطلق محمد بسيارته ودخلت يارا الى الفيلا
ملك بلهفة : يارا اتأخرتى ليه ، انا كنت هموت من القلق
يارا : تعالى وهحكيلك على رواقة
ملك : ماشى
_______________
حسام : اخيرا كدا خلصنا من كريم
محمد : الحمدلله ياعم ، بلوة واتزاحت بس بردو مقدرش اقولك القضية اتقفلت ولا لسة
حسام : مش فاهم قصدك !!
محمد : علشان اكرم قالى ان فيه ناس تانية من برا معاه يعنى كريم مش لوحده
حسام : لو كلامه صح الايام هتثبت
محمد : مش هستنى تثبت انا هروحله دلوقتى
حسام : خلاص ماشى تمام
_____
اكرم : نورت يا محمد باشا
محمد : عارف
اكرم : ههههههه ماشى ، ايه اخبار كريم
محمد : بخ ، قتلته
اكرم : عاااش فعلا ظابط شاطر
محمد : لا اسمع يا روح امك انا مش جاى علشان تقيمنى شاطر ولا مش شاطر ، انا عايز اعرف حد كان مع كريم ولا كدا خلصت
اكرم بإبتسامة : خلاص خلصت
محمد : امال ايه اللى فيه ناس بتساعدك والكلام اللى قولته قبل كدا ده ومالك مبتسم كدا ليه
اكرم : انا مش قصدى خلصت على ان القضية خلصت لا لا انا اقصد حياتك
محمد : لا والله والمفروض دلوقتى اخاف ولا اقولك انت بتقول ايه وازاى ده ، ماتهزتش ، هات اخرك
اكرم : اخرى مالوش اخر
محمد بهدوء : عادى جدا مش هتعصب بردو وهفضل معاك للأخر
اكرم : اللى انت فاكرهم سهل انك تجيبهم دول عاملين زى الشياطين ، يظهروا ويختفوا ويقتلوا ويختفوا ويعملوا اللى عايزينه فى اى بلد ويختفوا بردو
محمد : الفزورة حلوة الصراحة بس انا غلب حمارى ، حلها بقا
اكرم : حاضر ، عارف كريم !!!
محمد : اممم
اكرم : يبقى خيط الوصل بينى وبين الناس دى وهو مات خلاص بس اللى اقدر اقوله ان الناس دى مابقتش فارق عندهم خلاص وهيعملوا اللى عايزينه باى طريقة فى مصر واكيد مش هيسيبوك فى حالك ، أما انا فخلاص كدا انسانى بقا ، اعدمونى اسجنونى مابقتش فارقة
محمد : اكرم ، عايز تبقى بنى ادم محترم بجد
اكرم : كنت من زمان اوى بس البلد مارضيتش
محمد : دلوقتى هترضى بس بشرط
اكرم : شرط ايه
محمد : انك تساعدنى ضد الناس دى وتعرفنى على كل نقاط ضعفهم وهم مين بالظبط وفى انهى بلد وكل حاجة وساعتها هتبقى حر وكمان هتشتغل فى مشروعك وشركتك معزز مكرم لأول مرة بدون ضغوط ولا اي حاجة وهتحس من جواك انك بقيت نضيف
اكرم بتفكير : وانا اضمن منين
محمد : مع ان كل عارف ان كلمتى واحدة بس بردو هقولك ، وحياة اختى كلامى صح
اكرم : حاضر يا محمد باشا ، حاضر
__________________________________________________________
عاد محمد الى المنزل وهو يجرى
محمد : ملك هاتى الريموت
ملك : لا سيبنى اكمل المسلسل انا ويارا
محمد : يتحرق المسلسل ، الاهلى بيلعب فى افريقيا يا بت انتى
وسحب منها الريموت و فتح قناة بين سبورت
ودخل فى تلك اللحظة رامى
رامى : ها الماتش بدأ يا محمد
محمد : اه لسة بادي اهو
يارا : هو بيلعب مع مين
محمد : النجم الساحلى
ملك : هو محمد صلاح رقم كام علشان نفسى يجيب جون النهاردة
محمد : ملك اسكتى وسيبينا نتفرج على الماتش
ملك : يوووه
رامى : يا ملك يا حبيبتى ، محمد صلاح مالوش علاقة بالاهلى ، بيلعب مع ليفربول
ملك : ليفربول دى فرقة !!!
رامى : اخرسى يا ملك انتى مالكيش فى الكورة ماتتكلميش بقا وسيبينا نتفرج على ام الماتش
ملك : يووه حاضر
محمد : هاا يلا يلا يا مؤمن يلا
رامى : صح ايوة شوط شوط
محمد و رامى : جووووووووووووووووووول
جوووول جووول
محمد : الله عليك يابنى ايه الحلاوة دى
رامى : ان شاء الله نجيب جولين كمان علشان نضمن ونقابل الوداد
محمد : ان شاء الله
يلا يلا هاااا جوووووول
التانى التانى التانى الله الله
محمد : الله عليك يا معلوووووووول
وظلت الاهداف تتوالى وتزداد فرحة محمد ورامى وهما يشجعان وفرحين بتلك النتيجة الكبيرة وايضا يارا فقد كانت ايضا تشجع لانها ورثت تشجيع الاهلى وحبه من والدها
رامى : عااااش اوى كسبنا وبنتيجة كبيرة كمااان
محمد : الحمدلله كدا نقابل الوداد بقلب جامد
رامى : لازم نحضر الماتش الجاى فى الاستاد
محمد : اكيد طبعا انا هحجز التذاكر للماتش
ملك : عايزة اجى معاكم
يارا : وانا كمان
محمد بتفكير : خلاص ماشى هحجزلكم تذاكر انتوا كمان ونروح الماتش الجاى
ملك ويارا بفرحة : ماااشى
رامى : والنبى يا ملك لما نروح ماتقوليش هناك محمد صلاح فين علشان ماتنضربيش
ملك : مش هقول ، مش انت قولت بيلعب فى فيلر فول
رامى : نهارك اسود فول ايه ، ليفر بوووووووووول ما علينا انسيه خالص
ملك : حاضر يا عم ماتزعقش
محمد : لا ملك شطورة وانا هعلمها كورة علشان ماتشلش اللى جابونا كل ماتش
يارا : انا هعلمها
محمد بحب : احسن حاجة فيكى انك بتشجعى كورة لا وكمان الاجمل انك اهلاوية ، ايه ده ملااااك
يارا بكسوف : بس بقا
محمد : يا عينى يا ناس على العسل
رامى: ما تحترم نفسك يا عم انت ، كدا عينى عينك قدامى انا وملك ، خلاص يبقى ماتزعلش لما اقول ل ملوكة انتى نور عينى و ...
محمد : هااااااا
رامى : بهزر ياعم فيه ايه
محمد : بحسب
رامى وهو يشاور لملك وهو يضغط على رقبته بمعنى ان اخوها خنيق
محمد : بتعمل ايه
رامى : لا مفيش اصلى حاسس انى بطلع فى الروح
محمد : طب بسرعة
رامى : بسرعة ايه
محمد : هديك رصاصة فى دماغك تخلص على طول بدل ما تعافر مع الموت
رامى : ههخهخهخخهه ظريف
محمد وهو يسحب مسدسه : ايه
رامى : بقول الجو ظريف وجميل النهاردة
محمد : اهاا بحسب
رامى : وطلع الناتج كام وقام ليجرى
قام محمد ليجرى ورائه : خد هنا يلا
ملك : قط وفار
يارا : هههههههه جدا
___________________________________________
What terrorist events will we carry out in the coming days?
not now
why ?
Let us wait until we inform our client in Egypt about the latest developments and set an appropriate time for the implementation of the next process
ok sir
_________________________________________________________
