رواية جريمة عشق الجزء الثالث الفصل الثاني والثلاثون
جه تانى يوم .
رينو : طلبت من فهد أنه يتصرف ويخلى رعد يجي ع المطار بأى طريقه ..
فهد : اتفق مع مراد . ومراد قال ل رعد . تعالى وصلنا المطار علشان اسلم ع فهد . بعربية آدم علشان بصلح عربيتى . ورعد اخد مراد وطلع ع المطار .
فهد : ورينو وصلو المطار . وهيلينا قابلتهم هناك وكانت لابسه بنطلون وبلوزه وعامله شعرها ديل حصان . وبتلف ضهرها .
ف نفس اللحظه . رعد نزل من العربيه وواقف يتكلم مع مراد . ورفع عينيه . وجت ف عين هيلينا . وقلبهم دق بسرعه .
هيلينا : قلبها هيطلع من مكانه وهمست رعد..
رعد : اتفاجئ . انها لسه في مصر . وقلبه بيدق جامد واتوتر . .
مراد : شاف رعد مش مركز معاه . وراقب نظرته . وفهم تصميم فهد أن رعد هيوصله ليه؟
مراد : احم . تعالى يارعد .فهد هناك اهو . تعالى نسلم عليه .
رعد : بلع ريقه بتوتر . احم اتفضل يامراد باشا. وراحو وسلمو ع فهد .
هيلينا : قلبها بيدق . وقالت قدامهم اذيك رأد .
رعد : هز راسه . بحرج . علشان فهد ومراد اهلا يافندم .
مراد : اوبااا . نسيت اقولك ع حاجه مهمه ياض يافهد . تعالى ثوانى كدا . بعد اذنك ياهيلينا. ثوانى يارعد وراجع .واخد فهد ورينو بعيد . علشان رعد وهيلينا يتكلمو براحتهم.
رعد : بحرج من نفسه . احم عامله ايه؟
هيلينا : انا كويس انت عامل ايه رأد؟
رعد : اتنهد. عايش الحمدلله .
والاتنين . سكتو . ومتوترين .
رعد : بلخبطه . انا . انا افتكرت إنك سافرتى .
هيلينا : بزعل . لأ انا مسافر دلوقتي . انا امشي من هينا خالص.
رعد : اتنهد بزعل . اتمنى انك متزعليش منى ع اسلوبى معاكي . واتمنالك حياه سعيده.
هيلينا : بدموع . انا موش زعلان منك رأد . انا زعلان من كول خاجه بس انت لأ . موش عارف ازعل منك..
رعد : بخنقه . بص قدامه . وقال جواه اتمنى من قلبى انك تتغيرى لكن خلاص انتى مسافره . وهز راسه ليها ربنا معاكي .
هيلينا : بدموع . ثانكس . وانت خلى بالك من نفسك رأأد . : وسمعت صوت ميعاد الطياره . وابتسمت بوجع . انا لازم امشي دلوقتي رأد .
رعد : بعدم فهم . ماشيه ؟ انتى مش هتسافري ايطاليا!؟
هيلينا : لأ رأد . انا رايح مع لارين وسفيان اوصلهم الجزيره . وأرجع ع ايطالي.
رعد : هز راسه بتفهم . ماشي هيلينا . ياريت تخلى بالك من نفسك.
هيلينا : بدموع . انت هتوحشنى رأد .
رعد : .غمض عينيه .و قلبه دق . وبصلها وابتسم بوجع . ربنا معاكي هيلينا .
هيلينا : ثانكس رأد . مع ال سلامه.
رعد : مع السلامه هيلينا ..
هيلينا مسكت الشنطه ومشيت بدموع .
رعد : واقف مكانه ونفسه يقولها متسافريش
.وانه. قد ايه هو حب قلبها الطيب . وعينيه عليها . لحد ما اختفت .
مراد : سأل فهد ع حوار رعد و هيلينا . وقاله ف شرح مبسط . ان هيلينا اعجبت برعد . لكن رعد مش متقبلها بالشكل ده . ورينو هتحاول مع هيلينا . ومراد تفهم الأمر . وسلم ع فهد ورينو لما سمعوا ميعاد الطياره .
مراد : راح وقف جمب رعد . لحد ما الطياره اتحركت .ومراد شافه زعلان .وحس بيه وزعل علشانه . واتمناله الافضل ورجعو ع البيت .
----------------------بقلمى مريم نصار
عدى اسبوع ع ابطالنا . ونقول نبذه مختصره .
رعد : رجع ع الشركه وكان مخنوق جدا وزعلان ومشاعر متلخبطه . لكن حاول أنه يكمل حياته . عادى ويعتبر هيلينا حلم جميل وفاق منه . وعاش الاسبوع ده وحاول ع قد ما يقدر أنه يركز ف شغله .
.
أما . زينب اتفقت مع العريس وقالتله يجي يوم . إجازة آدم التانيه الساعه ٤ علشان يلحق يسافر ويرجع ف نفس اليوم الل هي انهارده. وقالتله ع العنوان.. وهو قالها . الساعه ٤ بالدقيقه هكون عندك . وزينب قالتله كمان إن آدم بيه هيشغلو معاها ف الفيلا ويبقو موجودين في مكان واحد ع طول .. وزينب فرحانه ع متوتره وقلقانه من المقابله. وفرحت جداا لما مريم قالتلها انتى اجازه انهردا ومتعمليش حاجه ف البيت . وكمان فرحت اكتر لما مريم . جابتلها فستان بالحجاب وصممت إن ريتال تظبطها وتحطلها لمسات خفيفه وتبقى عروسه انهردا . وزينب دعت كتيررر . بدموع ل آدم ومريم .
.
أما مراد وفريحه . عايشين ف سعاده وضحك وحب . ومراد يوصلها للعياده ويجبها . ومراد هيتجنن ويعرف اسم دلع آدم ايه ..
.
آدم : ومريم . عايشين ف عالمهم الخاص . وحبهم وعشقهم لبعض بيزيد عن اليوم الل قبله . من كمية الاحترام المتبادل بينهم . لكن كل ما آدم يقرر انه يقول ل أولاده ع العمليه . مريم . تتحايل عليه أنه يستنى لحد بعد ولاده رينو . لأن رينو اتوترت كتير جدا من اول الحمل لحد اخر الشهر السادس . وخايفه وقلقانه عليها . وآدم . سمعها . وقالها مش لازم رينو تعرف دلوقتي وكمان نور .. انا هعرف مراد وزين . لازم يعرفو . ورينو بعد الولاده إن شاء الله .
آدم : اخد مراد وزين ف المكتب وقالهم ع عملية مريم . واتصدمو وقلبهم وجعهم . ومحدش قدر يعتب ع آدم . ومراد وزين خرجوا من المكتب . وطلعو لمريم . وزين اترمي ف حضنها وبكي زي الاطفال . ومراد صاكك ع أسنانه بيكابر دموعه . لكن لما نزل ع ركبه وباس أيديها دموعه خانته وعيط بوجع وزعل . ومريم عيطت واخدتت ولادها ف حضنها . وفهمتهم انها كويسه الحمد لله وصحتها اتحسنت . وإن آدم مهتم بيها وبعلاجها . وآدم واقف ع الباب . وقلبه مبسوط جدا من حب مراد وزين ل أمهم . وكمان قلبه زعلان ع زعل ولاده . ودخل وقعد جمبهم . وحاول هو ومريم يخرجو مراد وزين من الل هما فيه . ومريم نبهت عليهم إن نور ورينو ميعرفوش دلوقتي لحد بعد ولادة رينو .. ومراد وزين كانو موجعين من جواهم . لكن بدؤو يتقبلو الآمر ..
وآدم ومريم كانو مبسوطين جدا لسعادة ولادهم . محمد ونور ف اسكندريه وبيكلمو العيله فيديو . وشايفين السعاده والحب الل بينهم . واتمنولهم حياه سعيده . وكمان مبسوطين جدا لسعادة رينو وفهد . وانها مجننه فهد ف المالديف . وحاسه انها فراشه طايره من كمية السعاده مع عشق الفهد.
.
أما محمد ونور . سافروا اسكندريه من كام يوم زي ما وعدها . مع تيم وتمارا . ونور عايشه في سعاده مع عيلتها الصغيره . وكل يوم يتصلو ع آدم ومريم . ومصطفى وشيرين . يطمنو عليهم ويطمنوهم . ومحمد انهردا عامل مفاجأه حلوووه اوى لنورو .
.
أما عشق الفهد .
فهد ورينو . وصلو جزر المالديف باليخت. وهيلينا شرحتلهم كل حاجه وسابتهم وركبت الطياره الخاصه بتعاتها ومشيت .
ورينو . كانت مش مستوعبه جمال المكان . الميا الزرقا الصافيه والزرع والهوا . وكانت مبسوطه جدااا جداا.
فهد : واقف ومربع ايدو . ومبسوط بفرحة رينو . وبص ع وشها وابتسم . وقال جواه . الماء والخضره والوجه الحسن .واتنهد بحب . لوجودها معاه . وفكرة أن رينو هتكون موجوده من غير نقاب وحجاب . وكمان لبس ملفت مجنناه . ومش متقبلها بالمره . وفهد كان معاه سلاحه .و فتش المكان كويس جدا . لانه خايف عليها .وقلقان لحد يشوفها . ولكن راقب بحرفيه عاليه . وشاف إن المكان متأمن كويس . ومفيش غيرو هو ومعشوقته لوحدهم . وده طمنه نوعا ما .
رينو : بدئت تنطلق في المكان بحريه . وفهد زعقلها ف الاول .. حتى ما بعد ما اطمن إن مفيش خيال اى بشر ف المكان ..زعق لانه مش متعود انها تخرج بشعرها ولا بنطلونات . ورينو . زعلت وحست ان فرحتها اتكسرت وعيطت . وحبست نفسها ف اليخت . ورفضت تاكل او تشرب . وفهد لما شاف دموعها . حاول يقنع نفسه أنهم لوحدهم ووافق انها تقعد بشعرها وتلبس براحتها . وصالحها بطريقته الخاصه . واخدها ونزلو الميا . ورينو كانت مرعوبه و خايفه ف الاول ومكلبشه ف الفهد . وهو بيضحك عليها . وبدء يعلمها واحده واحده . وفهد من عشقه ليها حس انه بيصغر مش بيكبر . وبدء يعيش معاها جنون الحب . وكل لحظه بيعيشوها بيصورها صور. وفيديو. وحققلها كل امنياتها . واتمشو على الشاطئ ويمسك ايدها ويجرى معاها . بشويش علشان الحمل . ويخدها ف حضنه وينامو على الشط . ويتغدو وسط الشجر . وينامو ف اليخت . ورينو كانت خايفه ف الاول لكن وجود امانها معاها . نسيت كلمة خوف تماما .وكانو يتصلو ع آدم ومريم وطارق ورنا . وعاشوا الاسبوع ده ف جنون الحب .
----------------------بقلمى مريم نصار
عوده للوقت الحالي .الساعه ١.
آدم : قاعد ف مكتب الفيلا . وبيتكلم مع بيتر ف الفون .
آدم : يبنى احنا لازم ندى للشباب فرصه أنهم يحققو أحلامهم .
بيتر : ههههههههه . انت ف مصر يانجم يعني الحلم المستحيل .
آدم : والله يابيتر . احنا نعمل الل علينا . والباقى ع ربنا .
.ودي فكرة زين ابنى وانا بصراحه اعجبت جدا من طريقة تفكيرو .
. انت بس اسمع مني . انا وانت وطارق وأشرف وجاسر وزياد وساره . لازم نعمل اجتماع . علشان نشوف مشروع زين الجديد .
.وزين عايز أنه يعمل ندوه عن طموحات الشباب . والل عندو فكره يقدمها . ونشوف لو حد من الشباب دول عندو مشروع وفكرته حلوه وكمان هيحقق نجاح وايرادات . عادي جدا نقف جمبه ونموله . زين شرح الفكره عليا . وانا موافقه مليون ال100 . وكلمت طارق . وأشرف وجاسر وزياد وساره . ورحبو جدا بالفكره .
.وساره كمان قالت ياريت الندوه تبقى شباب وبنات . علشان تحقق حلم اي بنت عندها مشروع وواقف ع التنفيذ .
. لازم ندعم الشباب دي يابيتر . ف شباب دماغها تتاقل بالدهب بس الفقر وقلة الحيله هي الل معجزاهم ومكتفاهم . لازم نكتشفهم .
بيتر : والله معاك حق يا آدم . الشباب بتعانى . ولا لاقين شغل ولا عارفين يعيشو .
آدم : الشغل موجود يابيتر . والل عايز يشتغل هيشتغل اي شغلانه المهم ياكلها بالحلال . المهم سيبك من كل ده . انت موافق تحضر معانا الاجتماع والندوه ؟
بيتر : انا راشق معاك ف اي حاجه .
آدم : طيب تمام اتفقنا . هشوف زين هيحدد الميعاد امتى وابلغك . تمام .
بيتر : تمام يصحبى . وقفلو .
مراد : خبط ودخل . احجوج انت موجود ؟
آدم : تعالى يا مراد .
مراد : خير ياحج . مريوم بتقول أن حضرتك عايزنى !
آدم : خير إن شاء الله. انت وراك اي مشوار انهردا !؟
مراد : لا مافيش ياحج غير انى هروح اجيب فريحه الساعه ٧ من العياده . وبس خير يا حج .؟
آدم : خير . وهز راسه تمام انا عايزك علشان تكون موجود معايا مع عريس زينب !
مراد : هرش ف قفاه . هو لازم انا اكون موجود ياحج ؟
آدم : ما هو لو مش لازم مكنتش قولتلك . وبعدين أنت ابنى الكبير . وزينب قالت إنها مقطوعه من شجره ملهاش حد . فلو هاخد من حضرتك يعنى خمس دقايق ابقى مشكور ليك..
مراد : هشوف دفتر اعمالى . ههههههههه . لا ياحج انا تحت امرك ولو مش فاضي افضالك . انما العريس المنتظر جاي امتى إن شاء الله؟
آدم : الساعه ٤ هيكون موجود . وياريت انت كمان تكون موجود ف الميعاد تمام ؟
مراد : تمام ياحج . بعون الله هشرفك .
آدم : ربنا يستر .وبص ف الساعه وكانت ١ ونص .وطلع ملف من الخزنه . اسمع يامراد . ده ملف مهم جدا . لمناقصه مهمه .عايزك تروح دلوقتي توديه عند طارق وترجع . رعد مش موجود وانا مبثقش ف حد غيرو من الحرس .
مراد : مسك الملف . ومط شفايفه . ماشي ياحج انا هروح . وساعه بالكتير إن شاء الله اكون عندك .
آدم : تمام يبنى.ربنا معاك ..
مراد : تسلم ياحج وخرج . وشاف مريم ف الليفنج . يلا يامريوم انا خارج هتعوزى منى حاجه ياحبيبتي؟
مريم : سلامتك يامرادي . ربنا يستر طريقك ويحفظك من كل سوء وشر وتروح وترجع لقلبى بالسلامه ..
مراد : ابتسم بحب . وقرب منها . وباس ايديها الاتنين . وهمس اقسم بالله إن آدم العدوى محظوظ وبيضاله ف القفص . وابتسم بحب وانا كمان ربنا بيحبنى علشان تكونى انتى امي وروح قلبى ..وباس جبينها.
مريم : ضحكت بحب . حبيبى يامرادي . وهو انا ليا غير آدم وانتو من بعد ربنا .ده انا الل ربنا بيحبنى علشان تكون انت اول من شافت عينى . ربنا يوفقك يقلبى . ويريح قلبك ويسعدك ف حياتك.
مراد : ضمها لحضنه . كفايه بقى يامريوم . انا بحسد آدم عليكى .
آدم : من وراه . بتحسد ابوك عينى عينك كدا ؟ وانا بقول بردو المشاكل مش بتحل عنى ليه . اتاري عينيك يابجح .
مريم : ضحكت . وبصت ع مراد .
مراد : هههههههههه يلهوى ع الكسفه ياجدعان . طول عمرك بتيجى ف وقتك ياحج . يدوبك انا الحق احرق دم طارق وارجع . سلامو عليكو وخرج بسرعه . وركب العربيه واتحرك . واتصل ع فريحه يكلمها لكن مردتش .
آدم : قعد جمب اميرته بيضحك . شوفتى ابنك بيحسدنى عليكى .
مريم : مسكت ايده بحب . هو المفروض أنه يحسدنى انا عليك . وحطت راسها ع كتفه .
آدم : ابتسم وباس ع راسها . حبيبتي ربنا يخليكي ليا . قوليلى زينب فين دلوقتي؟
مريم : زينب فوق مع ريتال ..
آدم : فهم . وهز راسه . ربنا يوفقها ..
----------------------بقلمى مريم نصار
ف اسكندريه.
. ف فندق العيله المشهور الل ديما بينزلو فيه .
محمد : ف الغرفه مع نور وتيم وتمارا ..
نور : حبيبى انا جعانه اوى .انت ليه مش راضي تطلبلنا اكل ؟
محمد : ياروحي انتى . وبص ف الساعه . وهز راسه . تمام يلا بقى انا جاهز اهو انا وتمارا . وانتى البسي وانا هلبس تيمو .
نور : طيب هنروح فين .؟
محمد : تؤتؤ مفاجاه .يلا بقى انتى الل هتأخرينى . علشان نرجع نتغدي .
نور : بطفوليه ايه دا بقى يعنى كمان مش هنخرج نتغدي بره . اعااااا انا جعانه !!
محمد : ههههه . قلبى ونور حياتى كلها هتاكلى والله . يلا بس بسرعه .
نور : اتنطتت زي الاطفال بغيظ . يووه طيب طيب . وراحت تلبس .
محمد : بدهشه . ههههه شوفت نورى ياتيمو بتعمل ايه ؟
تيم : نورى جعانه يامحمد وانت مش راضي تجيب اكل . وجري من قدامه .
محمد : استغرب . وشايل تمارا . هو الواد ده ماله . انتى تعرفى تيمو ماله؟
تمارا : تيمو بيبى مهمد بيبى وباسته وضحكت انت بيبيييي. حبك .
محمد : ههههه . ايوه انا بيبك اه . وباسها وضمها لقلبه انتى الل حبيبتى وروحي وقلب ابوكي من جوه . انتى قمرى.
تيم : جه من جوه . امسك يامحمد .ورفع ايدو..
محمد : نزل تمارا . وبص ع تيم . وماسك فلوس ف ايدو . ايه ده ياتيمو ؟.
تيم : دي فلوس بتاعتى هات اكل عشان نورى تاكل . انا مش عايز مصروفي هات اكل لنورى يامحمد .
نور : كانت خارجه من جوه . وشافت الموقف وسمعت كلام تيم . ابتسمت بدموع . والجوع اختفي تماما. وقلبها دق من جمال موقف وتفكير تيم وقربت. واخدت تيم ف حضنها .
محمد : ابتسم بحب . وفرح جدا من موقف ابنه تجاه أمه .
نور : حبيب قلبي وعمرى كله . عارف انا كنت فعلا جعانه ..بس دلوقتي حاسه انى شبعانه جدا جدا . وباسته وباست ايدو وحضنته تانى.
تيم : يعنى انتى مش جعانه يانورى . انا مش بحب تكونى جعانه ..
محمد : قعد ومسك ايديه . وباس عليهم . تفتكر ياتيم إن محمد هيسيب نورى تكون جعانه .؟
تيم : هز كتفه مش عارف نورى جعانه يامحمد.
محمد : ابتسم وضمه لحضنه انت راجل ياتيم . وانت صحبى وعزوتى . وبص ل نور . ادخلى بقى كملى لبس جبتيلى الكلام .
نور : ضحكت حاضر ولعبت ف شعر تيم .ودخلت تلبس .
محمد : بص بقى ياعم تيم . الموقف ده جميل منك جدا . انا عايزك ع طول كدا . تكون راجل ف كل المواقف . وعلشان انت صحبى انا هقولك كل حاجه . بس ده سر بين محمد وتيم وبس تمام ؟
تيم : ايوه عارف انا . مريم الكبيره قالت لو حد قالك سر لازم تخبيه ف قلبك ومتخليش الشيطان يطلعو بره قلبك . علشان تدخل الجنه . وتاخد بحر كبير جدا ف الجنه.وبص ل محمد انت هتقولى سر وانا هخبيه ف قلبى وهاخد بحر كبير فى الجنه صح يامحمد؟
محمد : باس جبينه . وقلبه فرحان . وقال صح ياقلب وعقل محمد . ودلوقتي بقى اسمع السر تعالى اوشوشك علشان نورى وتمارا مش يسمعونا . اسمع يسيدى . دلوقتي انا اتفقت مع الشيف والروم سيرفز ف الفندق . بعد مانخرج . يجهزو مأكولات بحريه . واتفقت مع كام واحد كدا . يزينو الغرفه ب الانوار والزينه . ويكون غدا مميز لعيلتى الحلوه دي !! احنا هنخرج ساعه كدا بالعربيه . ونشترى لعب ليك ولتمارا . وعروسه لنورى . ونرجع يكون كل حاجه جاهزه . ايه رايك بقى !!؟ وتعالى البس واحنا بنتكلم ..علشان نور مش تاكلنا..
تيم : ضحك . يعنى نورى مش هتكون جعانه .
محمد : ضحك بحب . لا يقلب ابوك .
تيم : محمد انا بحبك اوى انت ونورى وتمارا ومريم الكبيره وبابا آدم . وسكت .
محمد : كشر عينيه . مش ناسي حد ياتيمو؟
تيم : بزعل . هز راسه لأ. انا مش ناسي حد . رينو سابتنى وسافرت مع فهد . رينو مش بتحب تيمو . انا مش هكلمها تانى !!
محمد : اتنهد . رينو مش بتحبك؟ دي روحها فيك . وعموما يسيدى لما رينو تتصل ع نورى أو نورى تتصل عليها أنا بنفسي هاقولها ان تيم زعلان منك ..
تيم : ايوه قولها . وهي هتعيط كتير علشان انا مش هرضي اكلمها . وفهد هيعيط كمان .
محمد : ههههههههه . يبنى دول اكتر اتنين منحوسين ماصدقنا الحمدلله النحس اتفك ..
نور : خرجت . انا جاهزه .
محمد : رفع عينيه وشاف نور . لابسه فستان أسود وحجاب ونقاب باللون الرصاصي . وعيونها الجميله فتنت قلب محمد . وابتسم . وقام . ومسك ايديها وباسها . قمر . كدا البحر هيغير منك . والموج هيتفتن بجمالك ويفقد السيطره ويغرقنا .
نور : اتكسفت ووشها بقى احمر . ميرسي يا محمد ..
محمد : قلب وروح محمد . يلا بينا ؟
نور : هزت راسها ومبتسمه بسعاده . يلا بينا.
نور : مسكت ايد تيم . ومحمد شال تمارا . وخرجو .وركبهم العربيه . وقالهم استنو ف العربيه ثوانى . ورجع واتفق مع الشباب إن ساعه وكل حاجه تكون جاهزه .. وخرج .
----------------------بقلمى مريم نصار
ف المالديف ..
رينو : نايمه ف اليخت . وبتتحرك وحطت أيدها ع صدر فهد . لكن مش موجود جمبها . وفتحت عينيها . وقامت . وبتتاوب . وندهت عليه . فهد !! ومردش . وندهت تانى فهد . ومردش . وقامت . ولبست روب . وجت تطلع ع اليخت افتكرت تحذير فهد ممنوع انها تطلع بره غرفة النوم بلبس خاص . وقلعت الروب . ولبست فستان وجت تعمل شعرها ديل حصان بطنها وجعتها اووف خليك مفرود كدا . وحطت شال ع كتفها وطلعت فوق ع اليخت . وندهت عليه . فهد !! ومردش عليها وبدءت تخاف . ودورت عليه ف غرف اليخت تحت . وطلعت فوق وقلبها بيدق بسرعه كبيره . فه..فهد . هيكون فين؟ انزل ادور عليه ف الجزيره . بس هو منبه عليه منزلش لوحدي . وبصت من اليخت بدموع ف الميا . ومش موجود . وخافت وعيطت . فهد انت فين ؟ ونزلت من اليخت وهي بتترعش . وكانت هتقع . ومشيت بتعب وخايفه ووصلت عند الطياره . وندهت فاااهد . بردو مردش عليها . ولفت حوالين الطياره . ومش موجود . وعيطت بخوف . وماشيه بتدور عليه وبتتلفت حواليها . والخوف اتملك منها . وكل شويه تحس ان ف حد هيهجم عليها . وصوت عياطها كان بصوت مهموس وبشقهات مكتومه. ودخلت ف وسط الشجر لكن مش جوه اوى . ودورت وندهت عليه بصوت بسيط لانها حاسه بالخوف . وداخت . ولفت ورجعت تانى عند اليخت . وطلعت تانى ع اليخت تتدور ومش موجود . ونزلت تانى من اليخت . وقعدت ع الشط تعيط بهستريا ..
. فهد جاي من بعيد . وشايل كمية خشب متكسر وكيسه صغيره ولابس شورط فقط . ولمح رينو من بعيد وقاعده ع الشط . وقرب منها شويه ع بُعد مسافه صغيره وشاف رينو قاعده وحضنا ركبها .وسمع صوت شهاقتها وعياطها .
واتخض عليها ورما الخشب والكيسه . وجري عليها وبينده عليها بخوف.. لارررين .
رينو : سمعت صوته ورفعت راسها بسرعه ولفت وبصت . وشافته جاى عليها . وحاولت تقوم مقدرتش وعياطها زاد.
. فهد : جري ونزل ع ركبه . واخدها في حضنه . لارين . لارين ف ايه ؟ بتعيطى ليه ؟ بس بس بطلى عياط ..
رينو : كلبشت فيه . وبتعيط بصوت عالى . فاااهد انت كنت فين يافهد ؟ سبتنى لوحدى وروحت فين ؟ انا دورت عليك كتير وندهت عليك كتير . وبتعيط بهيستريا ..
فهد : ضمها لحضنه اكتر . بس بس انا جمبك ياحبيبتي . وخرجها من حضنه ومسك وشها بايديه . رينو . رينو . حبيبتى انا هنا معاكي. حاولى تهدي . بصي خدي نفسك براحه اهدي .
رينو : بدءت تنظم أنفاسها . لكن لسه بتعيط وكانت خايفه لا فهد يكون جراله حاجه ؟ وحطت أيدها ع بطنها وحست بألم ومغص انت . انت كنت فين يافهد . وسبتنى نايمه ورحت فين!؟
فهد : بس يارينو اهدى . ومسح دموعها . وشافها ماسكه بطنها . وشالها من ع الشط . وراح بيها ع الجزيره . ونزل بيها تحت شجره . وقعد ع الأرض واخدها ف حضنه . حبيبتي اهدى الاول علشان اعرف اكلمك . وحط ايدو ع بطنها حاسه بحاجه ؟
رينو : بشهقات بسيطه هزت راسها بلاء .
فهد : ضمها لقلبه وباس جبينها وعنينها . واستنى شويه لما تهدى .. حبيبتي انا اسف . بس يارينو انتى ايه الل نزلك من اليخت؟ . انا سايب ورقه وكاتب فيها انى نازل جوه الجزيره . ومش هتاخر . ليه بتعيطى ؟
رينو : رفعت أيدها . ع صدره وغمضت عينيها. واتكلمت بدموع . انا ماشوفتش الورقه يافهد .
فهد : اتنهد بزعل علشانها . رينو انا كاتب الورقه . وسبتها جمبك ع المخده . وكتبت ورقه كمان . وحطتها ع الترابيزه !! قولت علشان لو ماشافتش واحده ع الاقل هتشوف التانيه . وباس جبينها . انتى كويسه دلوقتي؟
رينو : ضمته وهزت راسها ايوه. انا ماشوفتش الورقه يافهد . انا قومت وندهت عليك كتير ف اليخت . ودورت عليك ونزلت ورحت عند الطياره وانت مش موجود في مكان . وخوفت عليك . و100 فكره وفكره ف عقلى . وخوفت عليك اوى يافهد . وضمته وكلبشت فيه ..
فهد : بيمسد ع شعرها . اهدى ياروحي . انا اسف . انا الل غلطان . انا فكرت اعملك مفاجأه . وكنتى نايمه . وقولت اكسب وقت . وانزل اعمل لنجمتى أحلا غدا . وكتبت ورقه علشان لما تقومي متقلقيش . انا اسف انى اتسببت ف خوفك بالشكل ده .! وخرجها من حضنه . ورتب شعرها . ومسد ع خدها . احسن دلوقتى ؟
رينو : فتحت عينيها وكانت حمرا . وهزت راسها ايوه .
فهد : شاف لون عيونها ف ضوء الشمس .و كفيله انها تفرض لعنة العشق عليه . وقد كان .
وسرح ف جمال عنينها . ورفع ايدو ع خدها . وسكتو شويه . وقرب منها وباس جبينها انا اسف ..
رينو : حطت أيدها ع ايدو . الحمدلله انك بخير يافهد ..
فهد : خليكى هنا . هجبلك عصير علشان تهدى وراجع بسرعه ها . وباس عينيها الل سحرته . واتنهد وقام . وطلع اليخت بسرعه . وعينيه عليها ..
رينو : رجعت بضهرها وسندت ع الشجره . ومسكت بطنها . الل اتشدت من التوتر ..
فهد : جاب العصير . ونزل بسرعه وقرب منها . ونزل على ركبه . وفتح الازازه . يلا يارينو اشربى .
رينو : شربت من ايدو .
فهد : رينو لو حاسه انك تعبانه . تعالى اطلعك اليخت ترتاحي شويه ..
رينو : لأ انا هفضل معاك هنا . فهد انت روحت فين .؟
فهد : حب يفكها ويخرجها من الل هي فيه .. و ابتسم . هتعرفي دلوقتي . خليكى زى ما انتي.. وقام . وراح جاب الخشب . وحطه ع بعض بطريقه معينه . وبيتكلم معاها . انا انهردا عزمك ع غدا فريش . غدا من العصر الحجري ههههههه ..
رينو : ابتسمت . ازاى؟ انا مش فاهمه انت بتعمل ايه ؟
فهد : هتعرفي دلوقتي ياروحي . وولع الخشب واستنى لحد ما النار تهدا . وراح جمب رينو ومسك ايديها وسندها. تعالى معايه ..
.........
رينو : قامت معاه .
فهد : اقعدى ع الرمل هنا جمبى وانا بجهز الاكل !!
رينو : انا مش فاهمه حاجه . أكل ايه ؟
فهد : ثوانى بس وهفهمك . وطلع اليخت بسرعه وجاب صنيه وطبق وشوكه ونزل . وجاب الكيسه . وطلع منها سمك طازه . بصي اعتبرى نفسك ف تدريب معايه تمام .أو اعتبريه غدا بدائى . وانا ها آكلك احلا أكلة سمك اكلتيها ف حياتك .
رينو : بدهشه . انت جبت السمك ده منين ؟ انت روحت فين واشتريته ؟
فهد : هههههههه اشترى ايه بس ياحبيبتى . انا اصطادته . بصي . وانتى نايمه . قولت ياض يا فهد . خلاص كلها يومين تلاته ونرجع ع مصر
.ماتعمل اى حاجه كدا وفاجئ رينو حبيبتك . وقولت هطلع لحمه من الفريزر
واجيب خشب . واشويها . جاتلى فكرة بقى بما انى هجمع خشب واشوي .قولت انى ااكلك سمك فريش انهردا . وحط السمك ع النار ..
رينو : ابتسمت بحب . وبصت لفهد وهو بيشوى السمك . وقالت فهد عايزه اشتغل معاك
فهد : ههههههه . بس كدا . تعالى ياروحي . رينو قربت منه . وقعدت .
فهد : امسكي السمكه دى وحطيها ع النار . بس حاسبي ايدك !!
رينو : مسكت السمكه . وخايفه تنزلها ع النار .
فهد : ابتسم . واتحرك وقعد خلفها . ومسك أيدها وعلمها كل حاجه . وقضو وقت جميل جدا مع بعض وفهد كان بيحاول ينسيها خوفها .
رينو : حبيبى الريحه تجنن . انا جوعت اوى .
فهد : قلبى انا . خلاص اهو ٥ دقايق ونقعد انا وانتى نتغدي !
رينو : طيب انا هاطلع اعمل السلطه .
فهد : لا استنى . انا مجهز كل حاجه. والسلطه ف التلاجه . وقلب السمك . ثوانى هطلع اجيب السلطه بسرعه . وطلع جري .
رينو : ضحكت من قلبها عليه . وبصت للسمك وشمت الريحه . اممم تجنن .
فهد : جاب السلطه ونزل. وفرش ع الأرض تحت الشجره وحط السلطه . .
رينو : متابعاه وقلبها بيدق سعاده وحب . وكمان زعلانه إن خلاص باقى يومين بس ويرجعو .
فهد : حط السمك في الطبق والصنيه . يلا بينا .
رينو : قامت وااو بجد الريحه تجنن ياحبيبى .
فهد : ولسه بقى لما تدوقي الطعم . ثوانى اظبط الملح . ههههه فكرتينى بالواد مراد . بيحب الاكل البدائى اوى . ياما عملناها .
رينو : بجد !!! بصراحه ياحبيبى .انا متحمسه الريحه تجنن. وقعدت جمب فهد .
فهد : بيقشر السمك ..انا ها آكلك علشان سخن . يلا افتحي بوقك .
رينو : بسم الله . واكلت وغمضت عينيها وبتستمتع بالطعم . اممم بجد حاجه وهم ياحبيبى .
فهد : بسعاده وقلبه فرحان علشانها . بألف هنا يقلبى . وبدء يا اكلها ورينو مستمتعه جدا . بالغدا المميز .. واتكلمو مع بعض وقت الغدا..
وبعد شويه .
رينو : بعد الغدا . اخدت العلاج وطبعا ماقدرتش تعمل اي مجهود أو تتمشي حتى ع الشط . فهد اخدها سندها وطلعها اليخت . وفردت ضهرها ع السرير وفهد قعد جنبها . واتصلو ع العيله وكلموهم . وبعد ما قفلو . رينو كلمت هيلينا ع النت شويه .. وبعدها فهد ماسك أيدها وبيمسد على شعرها . وبيتكلم معاها . وبيحكيلها ايام التدريب . وبص عليها لاقاها نامت . وابتسم بحب . ونام جنبها صاحي لكن النوم غلبه ونام ..
----------------------بقلمى مريم نصار
ف اسكندريه .
محمد . اخد نور والولاد . المول واشترى لعب ل تيم وتمارا . والعروسه المميزه لنور . وعدت الساعه . ومحمد رجع للفندق . والشيف بتاع المطبخ . راح وقال لمحمد كل حاجه تمام يادكتور ..
محمد : ابتسم . انا متشكر جدا .واخد المفتاح وشاور ل نور وطلعو .
نور : ماسكه ايد تيم . والعروسه بتاعتها ومبسوطه وطالعه . تيمو حبيبي عجبك المسدس .
تيم : ايوه يانورى والقنابل . والكوره حلوه اوي.
نور : ابتسمت . طيب ياحبيبى انا ومحمد مبسوطين علشان انت مبسوط .
محمد : شايل تمارا . يلا تعالى يانورى خدى افتحي الاوضه .
نور : مركزتش . اوكي واخدت المفتاح . وفتحت الباب . ودخلت واتفاجئت . وشهقت بصوت مهموس وحطت أيدها ع بوقها ..وتيم واقف جنبها ومتابع فرحتها ..
نور : شافت الزينه والإضاءه . وتربيزه كبيره عليها صوانى ومتغطيه . ورفعت النقاب.
محمد : دخل وراها .وقفل الباب ونزل تمارا .
نور : لفت ل محمد . وهزت راسها بفرحه كبيره محمد . وقربت منه .
محمد ::ابتسم وفتح ايديه . واخدها ف حضنه . انا اسف أنى مطلبتش غدا بدرى شويه . بس كان لازم نخرج علشان اعرف افاجئك واشوف الفرحه الل ف عينيكى الحلوين دول .
نور : غمضت عينيها بحب . حبيبى ربنا مايحرمنيش منك ابدا . بجد انا ربنا بيحبنى لانك جوزي وشريك حياتى . انا بحبك اوى يامحمد .
محمد : باس راسها . وانا بموت فيكى . وطلعها من حضنه وباس جبينها . وضحك بحب . يلا بقى غيرى هدومك وتعالى علشان انا كمان جعان ..
نور : ابتسمت . وهزت راسها . ودخلت غيرت ولبست فستان رقيق محتشم علشان تيم موجود . وخرجت .
محمد : مد ايدو ليها .
نور : حطت كف ايدها ف ايدو .
محمد : اخدها لحد التربيزه . وشد الكرسي . اتفضلى ياحبيبتي اقعدى .
نور : قعدت والضحكه ع وشها . ميرسي ياحبيبى .
محمد : شد الكرسي . تعالى ياتيمو اقعد .
تيم : قعد ع الكرسي . شكرا محمد .
محمد : هههه العفو ياقلب محمد .
تمارا : بترفع أيديها انا مهاامد انا انت بيبيييي.
محمد : ههههههه . تعالى ياقلبى . وشال تمارا وقعد جمب نور وقعدها ع رجله .
نور : محمد : انا شامه كدا روايح امممم جمبرى . اممم وسمك . امممم مش عارفه الريحه تحفه .
محمد : ضحك . وشال الغطا من ع الصوانى . وكانت مأكولات بحريه .
نور : ماشاء الله . اللهم بارك . الاكل ده تحفه وشكله يفتح النفس . وبصت ل محمد . بجد شكرا يامحمد ربنا يخليك لينا .
محمد : ويخليكى لقلب محمد . يلا بقى بسم الله علشان بجد جعان .
نور : انا ها آكلك . وبدءت تأاكل محمد بحب كبير . واكلت تيم . واتكلمو مع بعض كتير ويضحكو بسعاده كبيره من قلبهم. والجو كان كله دفا وحب كبير بينهم . -------------
الحلقه 32 ج. 2
#رواية_جريمة_عشق3
(عشق الفهد)
بسم الله نبدأ
مراد : راح لطارق سلمه الملف وقعد معاهم شويه ورجع . وكانت الساعه ٤ ودخل الفيلا بالعربيه . ونزل لكن وقف ع صوت جاى من بره الفيلا مع الحرس. ورجع تانى يشوف مين الل صوته عالى ده .
# انت يابلدينا انت . انجز ف يومك وسبنى ادخل اني ميستعجل ..
الحارس : بلدينا ايه يا أخينا انت . وبعدين دي مش فيلا ادهم . اتفضل بقى من هنا .
# : اهيي . لا اني موتأكد هي قالتلى فيلا أدهم العدوي .
الحارس : انت بتعرف تقري بص ع اليافطه دى فيلا آدم باشا العدوي . انت عايز مين بالظبط . وهي مين الل قالتلك دي ؟
# : يامسبت العقل في الراس يارب .
الحارس : انا مقدرش ادخلك غير لما استاذن آدم باشا . وغير كدا انت مش عارف اسم صاحب الفيلا ولا أولاده يبقى ادخلك ازاى . اتكل ع الله يلا من هنا .
# : بصوت عالى . اينتا مفكر نفسك اشتريت الشارع وانجز ف يومك ديه خلينى اخلص وارجع ع بلدنا . دي حوسة ايه ديي ..!؟ وطلع فونه ولف ضهره . اني هتصل ع مقصوفة الرقبه زينب مديانى عنوان غلط . هي جوازه مانيله ٧ سنين بتجوز فيهى . واتصل عليها وردت عليه .
مراد : جه وبصوت عالي . ايه الل بيحصل هنا . ايه الدوشه دي؟
الحارس : انا اسف يامراد باشا . لكن ف واحد باين عليه أنه غريب عن هنا ومش عارف هو عايز مين ؟
مراد : هو فين ده !!؟
الحارس : اهو ياباشا ..
مراد : اتحرك خطوه . وسمع المكالمه وعرف إن ده عريس زينب . وقال انت يا أخينا ..
ولف . ومراد بص للعريس ودقق النظر . وبعدها فتح عينيه بدهشه ..مش معقول ..عووووض !!!
عوض : بص ل مراد . ايهي انت تعرفني؟. وبيشبه عليه . ايوه . اني كمان موتأكد انى شوفتك قبل كدا بس فييين . فييين ياعوض .
مراد : بدهشه . انت العريس الل جاي ل زينب؟
عوض : ايوه . اله بس صوتك كمان مش غريب عليا . معلش يابلدينا تفكرني!!
مراد : ههههههههه طبعا . ده عز الطلب . الجاموسه ظاربت هههههههه.
عوض : بزهول . ايييهي سعات الدكطور ..
مراد : هز راسه . ههههه ايون هو الدكطور بشحمه ولحمه . تعالى ياعوض تعالى . هههههه
عوض : دخل . يارب ياساتر .
مراد : ازيك ياعوض عامل ايه .؟
عوض : نحمد ربنا ونشكر فضله يادكطور ..
مراد : بص ع عوض . وكان لابس قميص وبنطلون . وقافل زراير القميص للآخر . ده ايه ده ياعوض؟ . انت قافل زراير القميص للآخر ليه . افتح أو زورار ياعوض.
عوض : ايهي واني عبيط يادكطور . ديه الموضه .
مراد : هز راسه الموضه؟ . اممم ماشي ياعوض برحتك .
عوض : إلا قولى يادكطور . انت شغال هنا ؟
مراد : ايوه ياعوض شغال هنا .
عوض : بص حواليه . إلا ماشايف بهايم هنا . ولا زريبه . هي الزريبه فين يادكطور.؟
مراد : زريبه !!؟ ااااه الزريبه ورا الليفنخ ع طول هههههههه ..
. واتصل ع مريم علشان تلبس النقاب..وقال تعالى ياعوض . ادخل تعالى .
زينب . لبست الفستان الل مريم جابته وريتال حطلتها لمسات خفيفه . ولبست الحجاب . وجمالها هادي وكانت طايره من الفرحه . وعوض اتصل عليها . واكدتله العنوان . وزينب شكرت ريتال ودعتلها كتير . ونازله تشوف عوض واتصدمت لما شافت عوض بيتكلم مع مراد وبيضحكو . وخافت لا يكون عوض مفكر مراد جارد ..
آدم : قاعد . ومريم قامت وطلعت فوق لما مراد اتصل وقال أنا داخل مع عريس زينب . وآدم استغرب هزار مراد مع العريس. ومراد شرح ل آدم ف شرح مبسط إنه يعرف عوض لما كان خاطب فريحه . وعوض مفكرو دكتور .
عوض : شاف هيبة آدم وسلم عليه باحترام كبير . وقعد . وكان خايف . وكمان خاف اكتر واحُرج لما عرف ان مراد ظابط مش دكتور!!
آدم : اتكلم معاه . بخصوص زينب .
زينب : قدمت العصير وكانت بتترعش . وعوض معرفهاش . وبيسأل بالصدفه ع زينب. وزينب ضحكت ع غباءه . ومشيت بسرعه . وآدم ومراد ضحكو .
مراد : اتكلم مع ادم وقاله أن عوض غلبان وع نياته. ولو زينب مش عايزه تسيب الفيلا وتتجوز هنا . ممكن فريحه تحتاج عوض ف العياده . او يشتغل ف الجنينه هنا ..
آدم : شاف إن مراد واثق ف عوض . وكمان آدم شاف طيبة عوض وأخلاقه . واتفق معاه ع كل حاجه . وعوض فرح جدا . انه هيتجوز وكمان هيشتغل شغل ثابت . وتمت الموافقة من زينب . وآدم وافق وقرو الفاتحه . وآدم قدم هديه ل زينب . خاتم خطوبه . وزينب عيطت كتير من الفرحه . ودعت كتير . وآدم اتفق أن فرحهم بعد شهرين . يكون عوض استلم الشغل . وآدم يظبط اوضتين ف الجنينه لعوض وزينب . والكل اتخض ع زغروطه زينب ..
ومريم . وريتال . فوق سمعو الزغروطه . وضحكو . وفرحو ل زينب ..
بعد شويه . عوض اتغدى بتصميم من آدم . وبعدها قعد مع زينب شويه . وهيمشي ع بلده قبل الليل ..
مراد : بص ف الساعه . وكانت ٦ ونص . وبص ل آدم . طيب ياحج انا هاقوم اروح اجيب فريحه ..
آدم : هز راسه . ربنا معاك .
مراد : خرج . وركب العربيه واتحرك وبيضحك وقال . سبحان الله الدنيا دي صغيره جدا . مين يصدق إن عوض أشوفه بعد السنين دى .. ههههههه . لأ وكمان هيعيش معانا ويتجوز ويخلف كمان . سبحانك ياالله . دى البت فريحه هتفرح اوى هههههه . وهلسعها ع قفاها كتير الفتره الل جايه ههههه .
وبعد شويه وصل العياده ونزل من العربيه . ودخل العياده . شاف الممرضه . الدكتوره فريحه فين؟
الممرضه : اهلا يافندم . الدكتوره فريحه كانت خلصت لكن جه كشف مستعجل .
مراد : هز راسه تمام انا هنتظرها هنا . وواقف ع باب العياده . واستنى حوالى ١٠ دقايق ونفخ بديق . ماتخلصى بقى يافريحه .
باب : اوضة الكشف اتفتح . وخرجت منه بنت ومعاها كلب لولو . والبنت كانت لابسه لبس ملفت جدا بطريقه مش كويسه . وريحة برفانها قالبه العياده . واتكلمت برقه . ميرسي جدا لحضرتك يادكتوره . انا كنت هموت لو ميكي حصله حاجه .
مراد : لف ع الصوت ونزل النضاره . ينهار اسوس . هو ف كدا .
فريحه : بنفاذ صبر من دلعها . واستغربت لهفتها ع الكلب . لأ متقلقيش عليه . وبعدين الكلب مفيهوش حاجه ومش محتاج لعلاج كل الحكايه انه كح وهو بيشرب . شرق الكلب . عادى جدا بتحصل.
البنت : اوو بليز متقوليش عليه كلب . اسمه ميكي . حبيبى ميكى كنت هموت من الخوف عليك ..
فريحه : عوجت بوقها . الف سلامه ع الاستاذ ميكي .
البنت : ميرسي جدا لحضرتك . اجي الاستشاره الجايه امتى ؟
فريحه : ابتسمت بغيظ مكبت . حضرتك مالوش لازمه الاستشاره . الكلب . قصدى كابتن ميكي مفيهوش حاجه . وكمان وانتى خارجه خدى الكشف بتاعك . اتفضلى ..
البت : لأ انا مش هاخد حاجه . انا هتابع مع ميكي كل دقيقه . ولو كح تانى هجيبهولك فورا . انا معنديش حد اهم من ميكى .
فريحه : الصبر من عندك يارب . اه . ومالو لو كح متسكتيش عليه . لازم نلحقه . اتفضلى . وبصت شافت مراد . وشاورت ليه ..
مراد . داخل . والبنت خارجه . ومراد بص عليها . وقال بصوت مهموس ربنا يولع ف امثالكو . هو الشباب ضاع من شويه . ولف شاف فريحه مربعه ايديها ومتنرفزه . وقالت بغيره عجباك؟
مراد : هي مين دي الل عجبانى ؟ انتى عبيطه؟
فريحه : صكت ع أسنانها بغيظ مكبت علشان الممرضه موجوده . وسابته ودخلت قلعت البالطو . وغسلت ايديها وجابت شنطنها وخرجت من غير ما تتكلم .
مراد : ادايق من أنها مشيت من قدامه بالطريقه دي لكن معلقش . علشان مش عايز يعمل مشاكل.وركب العربيه . ولسه بيشغلها .
فريحه : بتريقه . حلوه مش كدا ؟
مراد : هههههههه دي صاروخ هي وكابتن ميكي . وبعدين انا مالى بيها بتقوليلى الكلام ده ليه؟
فريحه : بصتله . وعلت صوتها نوعا ما . بقولك علشان عينيك كانت هتطلع عليها يامراد . وكمان شكلها عجباك . لو عجبتك اوى كدا اتفضل روحلها ،
مراد : بتحذير .فريحه اول واخر مره صوتك ده يعلا عليا . وبعدين انا عينى كانت عليها فعلا .. بس استغراب من طريقة كلامها ع الكلب . وطريقة لبسها مستفز ومقرف . ف ان كنت ركزت ف حاجه . ف هو الحوار الل دار بينك وبينها . وانا مابيعجنيش الاشكال دي فاهمه ولا لأ .
فريحه : بصتله بغيظ وبنفس الطريقه وعلت صوتها . اومال انت كنت بتتكلم بتقول ايه؟ . اكيد بتتغزل فيها وتعاكسها صح ولو انا اتكلمت معاك .. طبعا هتاخد كل حاجه بهزار مش كدا !!!؟
مراد : مسح وشه بايديه . استغفر الله العظيم .وبصوت جهورى .. فريحه اقسم بالله لو صوتك على تانى ما هيحصل كويس انتى فاهمه !!!؟ وهو انا لو عايز اتغزل زي ما بتقولى هتغزل وهعاكس قدامك؟. ما تعقلى بقى . واول واخر مره اكون واقف معاكي وتتحركي من قدامى بالطريقه دي.. وان كنت باخد كل حاجه بهزار . ف ده علشانك انتى لكن لو عايزانى اتعامل معاكي جد هتزعلى منى اوي .
فريحه : بغيظ .وهتزعلنى ليه إن شاء الله . هو انا الل كنت من شويه كانت عينى هتطلع عليها ولا انت؟ . ولما قدامي بتعمل كدا !! من ورايا بتعمل ايه !!!؟
مراد : بصوته كله .. فرررييييحه ..!!
فريحه : اتخضت .وبصتله بدموع . روحنى يامراد .
مراد : بغضب . داس بنزين وساق بسرعه كبيره . جدا ..
فريحه : بتعيط بصمت . ومراد مابصش عليها . هو سايق بغضب .وباصص قدامه وبس. وصل البيت بسرعه.
فريحه : نزلت وسابته ودخلت . وطلعت ع فوق على طول ..
ومراد : شغل العربيه وساق. وخرج تانى من الفيلا وهو مخنوق وغضبان.
فريحه : سمعت صوت العربيه . رمت نفسها على السرير وعيطت .
وجه الليل .
وفريحه . قاعده ف الاوضه تعيط وقعدت كتير . ومتغاظه من مراد وأنه مطلعش وراها علشان يتكلم معاها ويصالحها . وانه واخد كل حاجه هزار وكمان لسه مرجعش لحد دلوقتي ولا اتصل عليها. لكن لازم تنزل علشان تشوف ولادها . وقامت غسلت وشها واتوضت وصلت العشا ونزلت . وشافت آدم ومريم قاعدين بيضحكو وحواليهم الاحفاد . وابتسمت بتمثيل وسلمت عليهم .
مريم : قالتلها انتى جيتى امتى انا سألت عليكى زينب وقالت إنك لسه مرجعتيش . فريحه : بتمثيل مراد وصلنى وخرج. ولما دخلت مكنش ف حد موجود تحت .
مريم : ايوه كنت بصلى وآدم كان بيصلى ف المسجد .طيب ياحبيبتي يلا بقى علشان تاكلى . واحكيلك ع زينب . الحمد لله العريس جه وقره الفاتحه وفرحهم بعد شهرين.
فريحه : ابتسمت . والله .الف مبروك ربنا يتمملها على خير هي بنت حلال وتستاهل كل خير ...
مريم : الحمد لله .طيب ومراد خرج مقالكيش رايح فين ؟
فريحه : بزعل هزت راسها لأ هو خرج ممكن يكون افتكر حاجه مهمه ولا حاجه ..
مريم : غريبه . وبصت ل آدم اتصل ع مراد شوفه فين الساعه عدت ٩ ومش بالعاده يخرج من غير ما يقول .؟
آدم اتصل ع مراد . ومراد رد بثبات. وكدب ع آدم وقاله مدير الجهاز كلمنى وطلب منى اعمل مشوار مهم . وانا مش هرجع انهارده . وآدم قفل وفهم إن كدا ف حاجه حصلت بين مراد وفريحه .. وعينيه ع فريحه وقال. مراد هيبات ف الشغل انهارده .
فريحه : عيونها لمعت بدموع وعرفت أن مراد مش جاى انهردا لانه هو معندوش شغل لأن قايلها مدير الجهاز مسافر . وقامت استاذنت وقالت أنا اكلت ف العياده . انا هاخد مريم وآدم انيمهم وانام علشان صاحيه من بدرى. واخدت مريم وآدم . ولسه هتتحرك .
آدم : أتأكد . وقال مالك يافريحه ؟ انتى ومراد اتخانقتو؟
فريحه : ضحكت بتمثيل . انا ومراد نتخانق . لا ابدا يا بابا ليه بتقول كدا ؟
آدم : احترم خصوصيتها . لا ابدا . انا قولت أسأل عادي . يلا اتعشي واطلعي نامي .
فريحه : صدقنى يابابا انا شبعا...
آدم : قاطعها . فريحه قولت اتعشي انتى طول اليوم ف العياده . واسمعي كلام ابوكي مش انا ابوكي بردو ولا ايه ؟
فريحه : هزت راسها . طبعا يابابا . وحاضر هتعشي . واطلع انام .
أما مراد : لما ساق العربيه وخرج من الفيلا . لف ف الشوارع بخنقه علشان فريحه صوتها علي عليه. وكمان رجعت لجنانها من تانى . وانها ف لحظة غضب ثقتها قلت فيه . ومحبش يرجع ع البيت علشان اكيد هتحصل مشكله . وكان عايز يطلع ع المكتب لكن هو اجازه . وطلع ع شقته ودخل وقعد ع الكنبه بخنقه . ولما آدم اتصل عليه . رد ومرضيش يقوله أنه ف الشقه لانه هيقلق وهيسأله ايه الل حصل . وقاله انه ف الجهاز علشان مش عايز يتكلم مع حد . وبعد ما قفل . مراد مسح وشه بايديه ونفخ بديق حقيقي وقام اخد شاور . وخرج ونام ع السرير وكان زعلان جدا من فريحه وغضبان منها . وحاول كتير انه ينام لكن النوم طار من عينيه .وشاف إن فريحه لازم يتعامل معاها بجديه بما إن الهزار هيقلل من قيمتة وكرامته. وعدت الليله ع مراد فكر وحيره وزعل كبير .
تانى يوم ف فيلا العدوي
فريحه : امبارح طول الليل . مش عارفه تنام من الغيظ . ومدايقه من مراد . وكمان من نفسها . هي عارفه طبع مراد بيهزر ويضحك . وقلبه ابيض لكن لما يقلب مبيعرفش حد .وكمان هي عارفه انه مابيحبش غيرها . وسافر بلاد وبلاد وعمرو ماتغير عليها . ولما هديت وفكرت اكتشفت انها ارتكبت غلطه كبيره .. ونفخت بديق حقيقي . لأن الغيره غريزه عند كل ست . لكن مدايقه منه علشان سابها ومرجعش . وكمان متصلش . واستغبت نفسها .. وحاولت طول الليل تنام لكن صعب عليها تنام ومرادها زعلان ومش موجود جمبها بمزاجه ..
ولما نزلت الصبح . بردو كان لسه مجاش . وراحت العياده بعربيتها . وطول اليوم مدايقه وكل ما فونها يرن تجري عليه لايكون مراد لكن يطلع اي رقم من العيله . وانتظرته يجي ياخدها من العياده . لكن بردو مجاش . وقامت مصدعه وتعبانه . وخرجت وركبت العربيه وفكرت انها تعتذر لمراد وتعمله مفاجأه مميزه . وتعترف انها مش قصدها انها تشك فيه ابدا . وقالت انا واثقه أن مراد هيسامحنى وانا وهعتذرله و هقضي معاه وقت مميز . ورجعت ع البيت وحست بتفائل . وبتفكر ازاى تحتفل معاه . وسألت ع مراد .
مريم : قالت بزعل . مراد جه الضهر . وقال انه عندو مأموريه مستعجله . واخد شنطته وسافر .
فريحه : اتصدمت . والفون وقع من أيدها . وعرفت كدا إنها خسرت مرادها . والدنيا ف عينيها بقت غامقه . وجابت الفون وجريت ع اوضتها . وقعدت ع طرف السرير بتترعش . وبتتصل عليه . غير متاح . وبتعيط بصوت مسموع وبتتصل ع رقمه التانى غير متاح !! وقامت من مكانها . وقالت بعياط . لأ لأ مراد قالى أنه ف اجازه . والمدير مسافر . ازاى . ازاى . ايوه . ايوه مراد اكيد ف الشقه . ايوه مراد ف الشقه . واخدت شنتطها ونزلت جرى من غير ما حد يشوفها وركبت العربيه وراحت ع شقتها . وطول الطريق بتعيط . وافتكرت خناقتها الوحيده مع مراد . وافتكرت انه قالها . اكتر حاجه بيكرها الخيانه وعدم الثقه . وحطت أيدها ع جبينها وبوقها . وقالت اكيد مراد هيدفعنى تمن غلطتى . لأ يامراد لأ. ووصلت تحت العماره . ونزلت . ودخلت العماره بسرعه وركبت الاسانسير . وطلعت المفتاح . ووصلت قدام باب الشقه . وفتحت الباب برجفه . ودخلت زي المجنونه . مراااد . مراد انت فين ؟ مراد انا سفه . ودخلت الاوضه مش موجود . والحمام . ودورت عليه ف الشقه كلها مالقتوش موجود فيها .واتصدمت بزهول ..!! وعرفت كدا أن مراد بعد عنها . والمفاتيح وقعت من أيدها . والشنطه . ونزلت بيأس ع الأرض . وعيطت بصوت عالى وهيستريا وصرخت . مراااااااد .
----------------------بقلمى مريم نصار
ف المالديف .بليل .
فهد ورينو . قضو اليوم من أوله ف الميا . وبيعلم رينو .وكان وقت ممتع وهزار وضحك وحب وغرام . وخرجو من الميا واخدو شاور.
ورينو : جهزت غدا مميز ع سطح اليخت . ولبست فستان رقيق محتشم وفردت شعرها .
وفهد : ابتسم بحب . ومعجب بجمالها . وقعدو يتغدو مع بعض . ف جو رومانسي . وبعد الغدا . رينو اتصلت ع نور لأن تيم واحشها جدا . وعرفت إن تيم زعلان منها وفضلت تصالح فيه . وقالتله انها راجعه مصر بكره . وهتستناه اول ما يرجع . وصالحت تيم . وقفلت. وحست ان بطنها وجعتها . وعندها مغص بسيط . ومرضيتش تقول لفهد . واخدت العلاج . وبطنها لسه بتوجعها . وحاسه بارهاق من تعب اليوم .
فهد : بقلق . شافها وسألها تعبانه .
رينو : قالتله انا مرهقه شويه بس
. فهد : سندها .واخدها عند السرير تعالى . ونيمها وفرد عليها الغطا . وقالها انتى صاحيه من بدرى وعملتي مجهود .تعالى نامي شويه وهتقومي كويسه انا متاكد ..واخدها ف حضنه ومسد ع شعرها
رينو : مغمضه عينيها ف حضنه .تعرف يافهد انا زعلانه جدا أن الرحله خلصت ..
فهد : باس راسها . مش هتبقى اخر رحله إن شاء الله ياروحي اوعدك .
رينو : ضمته بحب . وابتسمت وبطنها هديت شويه واستكانت ونامت . وفهد نام جنبها ..
..وبعد فتره فهد صحي . وبص ف الساعه . وشاف إنه نام حوالى ٤ سعات . والعشا أذنت . قام بشويش من جمب رينو . واتوضي . وصلي المغرب والعشا . وقعد شويه ع اليخت . بيفكر بما انهم نامو كتير . اكيد هيسهرو الليل مع بعض ومن جواه زعلان إن خلاص الرحله خلصت وهيرجعو بكره . وفكر أنه يعمل حاجه ل رينو مميزه في اخر ليله. وجتله فكره . وقام علشان ينفذها . لكن جمب اليخت . علشان رينو متخافش تانى ..
فهد : اخد . شمع كتير . والفون . ونزل من اليخت . ورسم قلب كبير اوى ع الرمل . وحط الشمع ع رسمة القلب وجمب القلب رسم دايره كبيره وكتب فيها عشق الفهد . وحط حواليها شمع . وكان ف شجره كبيره . فهد حط حواليها شمع كتير . ومولعش الشمع غير لما رينو تنزل . وجهز كل حاجه . وطلع اليخت . وشاف رينو لسه نايمه . وقرب منها وصحاها بطريقته . ورينو قامت فايقه ومبتسمه وأكلها الشوكليت بتاعتها. وقالها قومى بقى صلى المغرب والعشا . علشان ف مفاجاه .
رينو : زعلت علشان المغرب . طيب ليه مصحتنيش اصلى المغرب ؟
فهد : انا كنت نايم جمبك وصحيت بعد العشا . يلا قومي بقى .
رينو : قامت . ودخلت الحمام .
فهد : فتح الشنطه . وطلع فستان سهره جميل جدا باللون الأحمر رينو بتلبس فساتين سهره ف الشقه لما تحتفل بمناسبه مع فهد . وحطه تحت غطا السرير علشان رينو مش تشوفه .
وراح يلبس بسرعه ..
رينو : خرجت من الحمام . ولبست الاسدال . وبدأت تصلى .
فهد : لبس قميص وبنطلون شيك جدا . وشاف انها خلصت صلاه ودخل ع رينو . الل شهقت بصوت مهموس.من جمال فهد . وقالت بسم الله ماشاء الله. وابتسمت . انت حلو اوى يافهد . انت خطفت قلبى .
فهد : ابتسم . وانتى خطفتى روحي . تسمحيلى بقى تسيبيلى نفسك خالص .
رينو : بعدم فهم . انت هتعمل ايه؟ ولابس كاجول ليه ؟
فهد : غمضي عينيكى .
رينو : ابتسمت . وغمضت عينيها .اهو يافهد .
فهد : طلع الفستان . فتحي ياقلب فهد.
رينو : فتحت . وشافت الفستان . بدهشه . فهد ده فستان سهره . امممم يبقى هنقضي السهره ف اليخت مش كدا ؟
فهد : البسي ومتساليش كتير .
رينو : اوكي حاضر .
فهد : البسي وافردي شعرك . وهاتيه ع جمب . وحطي اللمسات الل تحبيها برحتك . القمر عمره غيران منك ومن جمالك . انا عايز القمر انهارده يشوف القمر الحقيقى . القمر الل نوره منور حياتى كلها .
رينو. : قلبها دق . وأحرجت .ووشها بقى احمر جدا .
فهد : باس جبينها . انا خارج لما تخلصي نادي عليا . ولو حابه اساعدك ف حاجه نادي عليا اوكي .؟
رينو : بتوتر . احم اوكي .
فهد : خرج . ونزل بسرعه . وولع كل الشمع . وكان المنظر تحفه فنيه . وفتح فونه . وجاب ميوزك رومانسي . وجهزو ع التشغيل .وطلع تانى ع اليخت . ورينو لبست الفستان وكان حمال . وجابت شعرها على جمب . وحطت ميكب . وكانت بدر منور . ايه ف الجمال . وكانت محرجه . لكن ندهت ع الفهد ..
فهد : دخل . وقلبه دق من جمالها . وقرب منها
بسم الله ماشاء الله . لأ يارينو . انتى كدا بجمالك ده هتعملى خسوف كلي للقمر .
رينو : ابتسمت بحب . ميرسي يا فهد.
فهد : فتح الشنطه وطلع منها . علبه وفيها السلسله الل باسم فهد . ووقف خلفها . ولبسها ليها . وقال . كدا حرفيا فهد وقلب الفهد وعشق وغرام الفهد بين ايديكى .
رينو : عيونها لمعت بدموع . وملقتش تعبير توصف بيه احساسها .
فهد : جاب شريط . تسمحيلى .وربط عينيها .
رينو. : فهد انت هتعمل ايه ؟
فهد : ششش هتعرفي كل حاجه بعدين . بس اتحركي معايه ومتتعبنيش معاكي . ومسك أيدها . وسندها . ع مهلك . وخرج بيها ع اليخت . وشالها علشان ينزل بيها .
رينو : خافت ولفت أيديها حوالين رقبته . فهد انت بتعمل ايه ورايح فين ؟
فهد : هتعرفي دلوقتي . ونزل بيها . وخطى كام خطوه .ووقف بيها وسط القلب المرسوم ونزلها .
رينو : سمعت موج البحر . وصوت الشجر . وحطت ايديها ع صدر فهد . حبيبى . انت خرجتنى بره اليخت !؟
فهد : فك الشريط وشاله . فتحي ياقلب فهد.
رينو : فتحت عينيها . واتصدمت بدهشه . وشافت الشموع والإضاءه . وبصت حواليها . وحطت ايديها الاتنين علي بوقها . وشافت القلب المرسوم . وعيونها لمعت بدموع . وشافت اسم عشق الفهد ف قلب الدايره . وقلبها هيطلع من مكانه . وكانت مكسوفه ف نفس الوقت .لانها لابسه فستان سهره بره اليخت أو البيت لاول مره في حياتها . واستخبت ف حضن فهد . وعيطت ف فرط السعاده .
فهد : خباها كلها في حضنه . بحبك يارينو .
رينو. : استكانت ف حضنه . ورفعت راسها وبصت ف عينيه بدموع . فهد . انا اكتر من بعشقك انا عشقى ليك عدى المدى . انا بحبك . بعشقك يافهد .
فهد : رينو . انتى سحر واتملك منى . وبص ف عينيها كتير . عينيكى. ااه من عينيكى ولعنتها ع قلب الفهد . وتاه ف عيونها وقال .
إن العيون التي في طرفها حور قاتلتنا ثم لم يحينُ قتلنا
أخاف العيون التي تستطيع اختراق ضفافي فقد تبصر القلب حافي أخاف اعترافي
أريد الرحيل لأرضٍ جديدة لأرض بعيدة لأرض وما أدركتها العيون ولا دنستها ذنوب البشر أريد التنقل بين الكواكب يوماً أُسافر بين النجوم ويوماً أنام بحضن القمر وحيناً أُغني كمثل الطيور وحيناً أظلل مثل الشجر أريد الرحيل لأرض المحبة ، أرض التسامح ، أرض السلام لكل البشر. بحبك بعشقك يا رينو .
رينو : بتسمع فهد وقلبها بيدق دقات مختلفه من حب وعشق وغرام ولهفه . وحطت راسها ع صدره وغمضت عينيها واستكانت ف حضنه .انت حنين اوى يافهد . ربنا يديمك نعمه ف حياتى .
فهد : طلع الفون من جيبه . وشغل الميوزك . ممكن معشوقتى . ترضي عليا وترقص معايا .
رينو : ضحكت . وخرجت من حضنه . وشافت فهد فاتح ايدو . وحطت كف ايدها ف ايدو . ورقصو مع بعض . تحت ضوء القمر .
فهد . بعد الرقصه الرومانسيه . قعد وسط القلب . واخد رينو ف حضنه . واتكلمو كتير تحت ضوء القمر . ويضحكو بسعاده من غير قيود . وقررو انهم يفضلو قاعدين ف حضن بعض . لحد النهار ما يطلع عليهم ويشوفو الشروق مع بعض .
فهد كان مبسوط جدا لانه حاسس انه مالك كل حاجه . معشوقته ف حضنه وشايف ضحكتها . وقلبه بيدق سعاده هيحتاج ايه تانى ؟
رينو : قلبها كان بيضحك ومبسوط جدا من فرط السعاده الل فهد معيشها فيها . والوقت الرومانسيي خلاها قالت لفهد كل كلام الحب والعشق وحست انها طايره ف السما ومالكه الارض كلها .
وقعدو فعلا لحد الشروق مع بعض . وقامو ينامو علشان يتسعدو للعوده للديار بليل..
ونقول بعد ١٠ ايام ..
رينو : ف الشقه لوحدها . وفهد نزل مشوار مهم .
رينو : بتعمل الاكل ف المطبخ . والاطباق وقعت من ايديها ف الارض . وصرخت بصوت عالي . فاااااااهد ---
