 |
رواية وحوش الارض الفصل الثامن 8 بقلم منهتعبك وزعلك دلوقتي .. ممكن يبقي سبب فرحة قلبك ف الايام اللي جايه.. قول الحمد لله دايمًا 🤎🤎🤎🤎🤎🤎🤎🤎🤎🦋 __________♡ البارت الثامن عشر رواية وحوش الارض بسم الله.. ايهاب: انا عايز نعمل كتب كتاب مع الخطوبه. وعد : ايهاب انت مش شايف انك مستعجل اوي؟! هو ممكن اعرف السبب. ايهاب : وعد احنا كنا المفروض نعمل خطوبه من اسبوع فات.. و اتاجلت يعني مفيهاش مشكله لو عملنا كتب الكتاب مع الخطوبه و بعد فترة الفرح.. و اظن حبي ليكِ هو اكبر سبب مقنع ان يخليني ابقا عايزك مراتي و حلالي ولا اي؟! وعد اتنهدت : ايهاب انا شايفه ان الفتره دي مش مناسبه.. ايهاب : عارف ي وعد.. بس الحزن ف القلب و لو عدى 100 سنه مش بننسى اللي و جعنا و لا اللي فرقنا و سابنا.. بس انا مستني اللحظه اللي تجمعنا ف الحلال.. وعد : يبقا نلبس دبل و كتب كتاب ع الضيق و الفرح تبقا ليلة كبيرة عادي لكن مش هعمل حفله للخطوبه.. ايهاب : وانا موافق ع اي حاجه انتي عايزاها.. وعد غمضت عيونها و هزت راسها : يلا نروح نقعد معاهم.. ايهاب بابتسامه : يلا.. وعد راحت وقفت جنب البنات و ايهاب راح جنب الشباب و الابتسامه ع وشه. مالك : الاه.. اي الابتسامه دي. ياسين : اي ي عم ف اي. ايهاب : اتفقت مع وعد اننا نلبس دبل و نكتب كتاب ع طول. ياسين : امتى ده؟!! ايهاب : لسه متفقناش ع ميعاد بالظبط لسه هشوف كده و اشوف بابا لازم اخد رايه مش هتصرف من غير كلمه منه.. مالك : عداك العيب ياض هاني : مبارك. ي عم تتهنى ايهاب : حبيبي تسلم. ياسين : و هي وعد وافقت ع قرارك ده ايهاب : هي رافضه مبدا اننا نحتفل و طنط هالة لسه متوفيه.. بس هي قالت اننا مش هنعمل حفله و غير كده مش هتبقا الوقتي يعني. ياسين : ربنا يتمم ع خير. مالك : مبارك ي عم ايهاب.. اعبال العُبط دول. هاني شوح بايده : هو الواحد ناقص و جع قلب قال جواز قال. مالك : نسيت انك واحد مُعقد.. و بص ع ياسين و انت معقد و لا معانا ع الخط. ياسين : كل شئ نصيب. و فضلوا يتكلموا.. و وعد قالت للبنات بعد ما سمعوا حوار الشباب.. الكل قام يبارك لايهاب و وعد.. مروة قعدة ع الكرسي مكانها.. هاني شاف ملامحها حزينه علشان الكل قام و هي قعده.. هاني راح عندها : قالبه وشك ليه انتي مش فرحانه علشان هو هيتجوز مروة : لا طبعا فرحانه.. استني انت جاي تكلمني ليه انت مالك اصلا؟! هاني : بصي انا اسف ع اللي حصل الصبح.. عوجت بُقها بسخريه : آسف 😒.. هاني نفخ بزهق : ما خلاص قولتلك اسف ع فكره انا مش بعتذر لحد مروة : واعتذرت ليه ان شاء الله.. ع العموم اعتذارك ميلزمنيش.. و اه محصلش حاجه خير . هاني سابها و قام من غير ولا كلمه و ضرب كف ع كف : مجنونه دي ولا اي.. بعد شويه وقت الكل بدا يمشي و يرجع بيته.. مليكه راحت عند ياسين : احم.. ياسين ياسين بانتباه : نعم.. مليكه : هو.. احم هو انا ممكن اجي مع مالك الشركه... بليز. ياسين : تمام تعالي. مليكه بفرحه و ابتسامه : شكراا.. و سابته وراحت قالت لمالك و قالها انه هيفوت عليها الصبح ياخدها ف طريقه و هو ماشي. تاني يوم.. ايهاب قام من النوم و جهز الفطار واكل هو و مروة و بعدها لبس و نزل ع الشركه.. و ياسين قام نزل الشركه و ياسمين قعده ف البيت لوحدها و حاسه بالوحده من غير امها.. جاسر نزل الشركه هو كمان مع ياسين لان بقالهم اسبوع بعيد عن الشركه هما الاتنين و اكيد حاتم ومعتز مش هيقدروا يسدوا مكان ياسين و جاسر حتى لو عارفين كل حاجه عن الشركه.. مالك قام ف ميعاده و اتصل ع مليكه و قالت انها جهزه و راح اخدها و راحوا هما كمان ع الشركه.. وعد قعدة لوحده و سرحانه و اتمنت لو كانوا اهلها معاها الوقتي ع الاقل فرحتها بانها هتتجوز كانت هتبقا كامله.. فضلت قعدة ف مكانها و شريط بيتكرر قدامها فيه كل تفاصيل الفترة الاخيره.. _______ بقلمي /منة ضياء♡ مالك و مليكه وصلوا الشركه مالك: يلا يختي.. شبه الطفله اللي بتشبط ف اي حاجه.. مليكه : ع فكرو ياسين قالي تمام تعالي اهو ممكن الاقي اي شغلانه بدل ما انا شبه المتشردين ف البيت.. مالك باستغراب : متشردين.. و بيت الاتنين ف جمله واحده.. يلا ي مليكه امشي قدامي.. يلا مليكه دخلت بسرعه و كانت عيونها بتلف الشركه من منظرها الجميل و المواظفين و الهدوء الغير عادي ف الشركه.. مليكه : وااو.. شايف يا مالك ماشاء الله.. هدوء جميل اوي بجد مالك : انتي هتقلبيه دوشه الوقتي انا عارف. مليكه : ده انا بريئه. مالك خبط ع باب مكتب ياسين.. ياسين: ادخل. دخل مالك و وراه مليكه.. ياسين قام سلم عليهم : نورتوا الشركه. مالك : تسلم.. ياسين : يلا ع شغلك ي بطل. مالك خرج علشان يبدا شغله و مليكه كانت خارجه وراه لكن وقفت ع صوت ياسين.. ياسين : مليكه مليكه : نعم.. ياسين : راحه فين.. مليكه شاورت ع الباب : راحه مع مالك.. علشان تعرف تشتغل و مش اعطلك. ياسين : لا تعطليني اي؟! ده انتي هتساعديني مليكه بحماس : ازاي؟ ياسين اهم حاجه انتي مستعده؟! مليكه : طبعا.. طبعا ياسين : طب يلا.. مليكه قعدة قدامه ع كرسي المكتب و بدا يشتغل و يخليها تساعده ف حاجات البسيطه علشان يكسب وقت.. و لو ف حاجه عايز يوصلها لحد هي تروح بسرعه.. و مليكه كانت فرحانه و متحمسه جدا و بتتحرك بنشاط.. مليكه : ياسين شوف كده دول صح.. ياسين : كويس جداا.. طلعتي ذكيه يلا بسرعه بقا خرجي الملف اللي ف ايدك لاخوكِ.. مليكه بابتسامه جميله و حاسه انها حققت انجاز : حاضر و خرجت بسرعه ياسين شبك ايده ف بعض تحت دقنه : نفس تصرفات وعد و ذكائها.. مليكه رجعت بسرعه : هاا.. لسه ف حاجه اعملها ياسين : لا كده خلاص.. شكرا تعبتك معايا مليكه : لا خالص عادي انا حاسه بالحماس اصلا ياسين شاف الحماس ف عيونها و حبها للشغل : مكنتش اعرف انك نشيطه.. انتي لو عايزه تيجي الشركه ف فترة الاجازه تشتغلي هنا متاح ليكِ فرصه مليكه : بجد؟! ياسين : هضحك عليكي ي مجنونه مليكه : هعرف ماما و بابا و هحاول اقنعهم.. ياسين تمام اللي يريحك.. بعد وقت كان ياسين خلص شغله و مالك اخد مليكه و روحوا ياسين نزل و هو بيركب العربيه اتصل ع ايهاب.. ايهاب : السلام عليكم ياسين : و عليكم السلام.. انت فين ايهاب بص ف الساعه: قدامي نص ساعه ارجع من الشركه ياسين : طب خليك عندك انا جايلك اهو.. واتحرك ايهاب : تمام مستنيك.. ربنا يستر انا مش مطمنلك ياسين : متقلقش.. ايهاب قفل مع ياسين.. بعد شوية وقت ياسين وصل عند شركة ايهاب. ياسين دخل و كان عارف مكان مكتب ايهاب ف دخل ع طول.. ايهاب قام وقف و كان ماسك ورقه ف ايده وقعت منه : الله يخربيتك وقعت قلبي ف حد يخض حد كده.. ياسين : انشف ياض.. و شد الكرسي وقعد و حط رجل ع رجل ايهاب : ف اي داخل عليا كده ليه ياسين : بص يا ايهاب انا جاي اقولك كلمتين و امشي انا كنت ممكن اقولهم امبارح قدام الكل عادي بس رجعت ف كلامي وقولت اكلمك لوحدنا احسن.. ايهاب انتبه باهتمام: قول ف اي ياسين : بص ي ايهاب انت فاجاه قولت هتكتب الكتاب و هتلبسوا دبل ف يوم واحد ايهاب باستغراب : و اي المشكله. ياسين : انا امي قبل ما تموت وصتني ع وعد و قالتلي خلي بالك منها هي مالهاش حد.. ايهاب : ربنا يرحمها يارب.. بس مش فاهم قصدك ياسين : اظن كلامي واضح بس هقولهالك بطريقه مباشرة.. اقصد بكلامي ي ايهاب ان وعد مش وحيده لا ف ضهرها راجل يعني لما تكون عايز تتفق ع حاجه تيجي تكلمني انا و الحج جاسر مش تكلمها هي.. وقام وقف ان شاء الله تنورني ف الفيلا بتاعتي يوم الخميس تطلب ايد وعد رسمي.. ايهاب ابتسم و هو راسه : تمام ي صحبي.. ياسين خرج من عند ايهاب و اخد قرار انه هيفضل جنب وعد لحد ما تبقا ف بيت جوزها.. ياسين ركب عربيته و راح ع الفيلا... ايهاب خلص الشغل اللي ف ايده و راح جاب بيتزا علشان مروة و راح ع الفيلا و قضوا وقت حلو هو واخته ياسين وصل الفيلا و كان داخل و قلبه اتقبض بحزن : فينك يا امي كنتِ اول واحده بتيجي عليا اول ما بدخل و تطمني عليا.. كنت اول ما بدخل تقولي لسعاد جهزي الاكل بسرعه ياسين جاي تعبان عايز ياكل و يرتاح.. واخد نفس عميق ربنا يرحمك ي حبيبتي.. دخل و راح يطمن ع ياسمين و شافها نايمه ع الكنبه قدام التلفزيون و كان شغال ع القرآن. ياسين قعد جنبها : ياسمين.. بت يا ياسمين ياسمين : اممم ياسين : انتي اكلتي حاجه قبل ما تنامي ياسمين قامت بكسل : كنت بستناك بس انت اتاخرت. ياسين: اسف ي حبيبتي حقك عليا بعد كده لما اتاخر تاكلي انتي.. و نده ع سعاد حطت الاكل ع السفرة و ف الوقت ده وصل جاسر و قعد معاهم و اكلوا هما التلاته ف صمت ع غير العادة.. ياسين خلص اكل و قام وقف : بابا انا كنت عايز اكلم حضرتك ف حاجه.. جاسر : خير ي ابني انا معاك.. ياسين قال لجاسر ع كل حاجه هو قالها لايهاب.. جاسر هز راسه : عداك العيب ي ابني.. طول عمرك راجل و انت اتصرفت صح و يوم الخميس يشرفني هو و والده و اللي فيه الخير ربنا يقدمه.. ياسين : ان شاء الله.. و استاذن و طلع اوضته.. عدى يوم ورا التاني و اجى يوم الثلاثاء ياسين كان راجع من الشركه ايهاب رن عليه. ايهاب : فينك كده مختفي فين ياسين : لا مختفي ولا حاجه انت اخبارك اي.. ايهاب : انا تمام.. بس بقولك اي انا مش عايز وعد تعرف اني هطلب ايدها.. ياسين : اشمعنا؟ ايهاب : علشان دي حاجه هتفرحها و انا هعملها مفاجاه احسن. ياسين: تمام.. بس هتيجي الفيلا ازاي؟! ايهاب : الانسه ياسمين تكلمها تقولها تيجي تقعد معاها.. باي حجه الموضوع هيعدي. ياسين : تمام يا عم. __________يتبع وعد :... الفصل التاسع عشر من هنا |
تعليقات
